كمل معاية قصتى

[fatfouta]

وبينما هو فى خطاه الى زوجته وجد شيئا معلق فى كوب الشاى الذى كان يحمله

فنظر اليها فرأى ورقة مكتوب فيها

ابتسم كريم فى دهشة ثم حاول ان يدارى مشاعره الخفية عن ندى

الى ان وصل لمقعد ندى

كريم.....تفضلى يا خبيتى

ندى...شكرا حبيبى.....لما تأخرت؟؟

يحاول ان يتجاهل سؤالها....لكن

عندما بدأت فى شرب الشوكولا.....إندهشت قليلا ثم قالت

كريم ان الشوكولا باردة.....ألم أسألك لما تأخرت

فصمت قليلا.....

ثم قال.......

[م تيمور المراغي]

فصمت قليلا.....

ثم قال.......

- وريني حبيبتي كده !!

( رشف من الكوب رشفه )

- ( مجاملا ) كده حفضل اجري وراكي طول العمر :happy:

تنظر له بنصف ابتسامه فيرتبك ,,

تخطر بباله فكرة ما !!

- طيب يا حياتي انا حالا حجيب لك شوكولا بدالها - اطمني حتأكد انها ناااار :happy:

تشيح بوجهها ناحية النافذه ,, وتغيب بنظرها بعيدا ,,

يقوم من مكانه متوترا ,, عائدا

الى حيث تركها

فيجدها تستند بيديها على حافة البار

بينما الهواء يداعب شعرها الفاحم ,,

ينظر في عينيها مباشرة ويقول ,,,,,,

[رضوي]

ولا يهمك يافتافيت السكر ياحبيبتي .... ممكن نرجعهم تاني البيت لو تحبي احنا تحت امرك ياجميل

كريم ان الشوكولا باردة.....ألم أسألك لما تأخرت

فصمت قليلا.....

ثم قال.......

عذراً حبيبتي ...... فليست بغلطتي

اتتني ذلك القدح سأستبدله بغيره

- قالت حبيبي لا تتكلف ...... ومامن مشكلة

- كلا ... ففنجاني هو الاخر أريد ان اغيره

دخل كريم الي نفس المكان ووجد تلك الفتاه لا تبرح مكانها

فوجه كلامه لها :

طلبتي مني ان اتذكرك !!!!!!

وهل شابك الشك يوماً ان ذاكرتي معك قد انمحت ؟؟؟

عشت حياتي اراك ..... كلما اغمضت عيني او عفوت

عيشتي بوريدي وشرياني ..... وقد كنت احمقاً حين تركتك

أحببتك بكل قطرة في دمي ..... ورحلت ظناً ان الايام تُنسي ؟؟؟

وارتفع صوتي مناديا اياكي ...... ولكن جاء الصمت الجواب ولن تجيبي

اتسعت جراحي ولم اجد يداكي التي ........ طالما داوت جراحي

فتناسيت ظناً مني انني حتماً سأُكمل حياتي وانسي ذكراكي

ولكنك ههنا الآن تؤكدي ...... أنا ريبة ظنوني وغفوتي

ابتسمت ابتسامة ذات دلالة واجابت :

......................................

[رضوي]

سوري ياباشمهندس ماشوفتش مداخلة حضرتك

ع العموم الحمد لله كملت من نفس النقطة

[م تيمور المراغي]

................

ابتسمت ابتسامة ذات دلالة واجابت :

......................................

ابتسمت ابتسامة ذات دلالة واجابت :

- انت ملكي انا

وامتدت يدها بتلقائيه تمسك بربطة العنق التي يرتديها وهيا تنظر اليه ,,

( يتذكر انه لا بد ان يعودا مسرعا ..)

- دقايق وحرجعلك ,, ممكن اغيب شويه ؟؟

- انت عارف اني حستناك !!

يعود وقد اخذ الطلب ويخطو بخطواته الواسعه

ولكنه

عندما اقترب من ندى

وجد من يبتعد مرتبكا عندما رآه

هل كان يحادثها ؟؟

هل يلحق به ليساله من هو ؟؟؟؟؟

اقترب من ندى ورأى نظرتها السادية المتوحشه وهي تبتسم

- ندي ,, ( محاولا ان يبدو طبيعيا ) ,, مين اللي كان بيكلمك ده ؟؟

فاجابت ,,,,,,,,,,,,,,,

تم تعديل 8 يناير 2011 بواسطة architect

[fatfouta]

فاجابت ,,,,,,,,,,,,,,,

انها امى كنت اطمئن على الاولاد

كريم.....وكيف حالهم

ندى.....بخير والحمد لله

هو..تفضلى الشوكولا انها ساخنة جداااا هذه المرة

فأخذت الكوب من يده

.......الكوباية دى بتاعة ضحى واخدين بالكوا

ثم قالت......باقى محطة واحدة على محطة وصولنا

كريم.....ماهذا بهذه السرعة

واخذ يفكر فى حجة يقولها لندى لكى يرجع لتلك المرأة فى البوفيه

ثم قال...............

[رضوي]

واخذ يفكر فى حجة يقولها لندى لكى يرجع لتلك المرأة فى البوفيه

ثم قال...............

عزيزيتي ...... لقد نسيت قفازي بعربة البوفيه ..... سأعود لأستعيده

- حسناً ولكن لاتتأخر ...... فلقد اوشك القطار علي التوقف

- لاتقلقي عزيزتي

وعاد اليها ثانية ........ قابلته كعادتها بنفس الابتسامة التي لن ينساها ابدأ

وقالت برقة ....... لقد عدت !!

اجابها :: وهل استطعت ان ارحل عن قلبك حتى اعود ؟؟

اجابت : لو كنت فعلتها فكيف تراني الآن ؟؟

- اذاً مازلت اسكن ذلك القلب الحنون ؟

- أجل مازلت يانبض فؤادي ......اتذكر ؟؟

- لم انسي يوماً كلماتك العذبة ...... ترن في اذناي دائماً

اري عيناكي الجميلتان كلما سمعت صوت الناي

اشعر بلمسات يديكي التي طالما تغزل لساني بهما

- أتذكر كيف كان تعارفنا ....... أتذكر كيف كان لقانا الأول ؟؟

- وكيف لي أن أنسى ........... وهل انتي امرأة تُنسى ؟؟؟؟؟

- اذاً لماذا كان الرحيل بعيداً عن بري ؟؟

لما اغمضت عينك عن معطيات عمري وابحرت وحدك في زورق النسيان

كل رسائلك التي كتبتها تكاد أن تصرخ وتهز جبال جزيرتنا

اليست هي نفسها وجهتك الان ؟

كيف لك ان تشارك فيها امرأة غيري ...... وقد كنا مكتشفيها ؟؟

كيف لك ان تحرق كل ذكري وتقتل كل متنفس وترحل ؟؟

كيف لعنادك ان يصور لك أن الحياه ستنسيك حبك الأول ....... والوحيد

فأجاب .............

[لونا]

ما كنتش عايزة أقطع تسلسل الأحداث

بس أصلي مستمتعة جدًا.. بكل مشاركة

و كنت عايزة أعلق تعليق صغنن

بذمتك يا رضوى فيه راجل بياخد مراته و يروحوا جزيرة بعيدة ؟؟؟

إيه الرومانسية الحالمة دي .. إنزلوا بينا لواقع الحياة من فضلكم

الباشمهندس آرش كتب :

وريني حبيبتي كده !!

( رشف من الكوب رشفه )

- ( مجاملا ) كده حفضل اجري وراكي طول العمر :happy:

حضرتك جبار جبار يعني

إحم إحم .. قصدي يعني كريم

[رضوي]

ما كنتش عايزة أقطع تسلسل الأحداث

بس أصلي مستمتعة جدًا.. بكل مشاركة

و كنت عايزة أعلق تعليق صغنن

بذمتك يا رضوى فيه راجل بياخد مراته و يروحوا جزيرة بعيدة ؟؟؟

إيه الرومانسية الحالمة دي .. إنزلوا بينا لواقع الحياة من فضلكم

الباشمهندس آرش كتب :

وريني حبيبتي كده !!

( رشف من الكوب رشفه )

- ( مجاملا ) كده حفضل اجري وراكي طول العمر :happy:

حضرتك جبار جبار يعني

إحم إحم .. قصدي يعني كريم

يالونا ياحبيبتي ......... هو ولا رومانسية علي أرض الواقع ولا رومانسية في الخيال ........ طيب ليييييييييييييييه ؟؟؟؟؟؟ سيبونا نعيش لينا يومين

وبعدين اشاسا (حلوة اشاسا دي ) دة مكان الحب الأول يابنتي .... كملي القصة بس دة المكان اللي اكتشفوه مع بعضيهم وهو دلوقتي واخد المودام ورايح هناك ........ عادي يعني وهيقعد يغنيلها تحت الشجرة ياوهيبة ياما كلنا برتقال

;)

[mekkawy]

فأجاب ....

فأجاب عنه سائق القطار ببوق عالي أفزعه و أخرجهما من حوار العيون الذي بدا و كأنه لن ينتهي معلناً وصوله إلى خط النهاية

قفز كريم مسرعاً تجاه العربة التي بها ندي و اذا به تبحث عنه بعينين زائغتين و ما أن رأته حتى تهللت اساريرها كأنما رأت سنوات عمرها الماضية تثمر .. كأنما رأت ما ذرعت و قد أتى ثماره حينما اتجه إليها بابتسامة حانية و لكنها مرتبكة مما أثار في حلقها طعماً لاذعاً لهذه الثمرة!!

أخذ كريم بيد ندى و نزلا من القطار متجهين إلى الفندق و تأبطت ذراعه في سعادة غامرة و لكنها لم تلحظ هاتين العينين اللتان تتابعناهما في شغف .. عينان تلتمعان ببريق غير مفهوم و تتابعان الزوجان فيما يشبه الغيرة الشديدة و الفضول المشوب بحذر و أمل .. ترى أي أمل تحمله هاتين العينان .. و هل تحملان الأمل .. أم الألم.........

مكاوى

[رضوي]

.. ترى أي أمل تحمله هاتين العينان .. و هل تحملان الأمل .. أم الألم.........

كلاهماً ......... أمل يشوبه الم

اتجها نحو الفندق ( هو احنا مش قلنا هياخدوا الزورق ويطلعوا علي الجزيرة ؟؟؟ المخرج مش عايز كدة :) )

وعندما وصلا لغرفتهما ...... استلقي كريم علي تلك الاريكة بجوار النافذة الملطة علي البحر ( يلا مش لازم نسافر وراهم تاني )

بينما اسرعت ندي لتأخذ حماما تزيل به الاتربة التي علقت بها في رحلتها ...... وبينما يتأمل كريم روعة البحر وعظمة الخالق ..... اذ انه يلمحها .... أجل هي ثانية ..... تقف علي الشاطيء في شموخ ..... لم يستطع الانتظار ...... خرج مسرعاً نحوها

ونظر اليها بكل حنين ........... قائلاً : لم تتغري ابداً ....... كأننا كنا البارحة ....... ماذا فعلتي في تلك السنوات الماضية ؟؟؟

أجابته في دهشة ......... وما الذي يهمك في ذلك ؟؟؟ وهل اردت بالفعل معرفة أخباري ؟؟؟

في تلك الأثناء ..... جاء أحد العاملين بالفندق واقترب منهما ..... وتحدث اليها ببعض الكلمات غطت عليها اصوات الامواج ....... وانصرفت دون ان تنبت ببنت شفة

جلس كريم وحيداً امام البحر ......... ثم اتجه الي غرفته ....... وبينما هو يكمل صعود الدرج ...... اذ به يشاهد زوجته ندى وقد استلمت خطاباً من احد العاملين بالفندق ,,,,, واغلقت الباب بينما اتجه ذلك العامل الي الجانب الآخر .......

أسرع كريم ودخل الغرفة و ............

تم تعديل 8 يناير 2011 بواسطة رضوي

[SoSo R]

يا جماعة حرام عليكم...

كل ما أركز و أقول أهيه طلعت قماش ...المكنة بتعصلج تانى:closedeyes:

بصوا بقى ...بجد يعنى

القصة الجميلة بس النسيج الدرامى مهترأ..

يعنى كأن اتنين قاعدين جنبى واحد من اليمين وواحد من الشمال...وكل واحد بيشدنى شوية

طيب هو عم كريم ده بيعرف كام ست؟؟؟؟

ده طلع زير نساء

والست اللى خبطها بتتصل ليه؟؟عايزة تعويض؟

طيب الأخ اللى بيرمى له جوابات تبع الست بتاعة القطر

وبعدين هو مش راح يجيب الهوت شكولوت من كافتريا المحطة؟؟؟ إزاى بقوا فى القطر

وبعدين الست دى عرفت ازاى انهم مسافرين؟؟

طيب حبها امتى وانتوا بتقولوا ندى حب العمر من ايام الدراسة

انا حاسة ان القصة مقسومة لخطين...خط درامى كان شغال عليه ارش وفيه غموض و اثارة

وخط رومانسى لما دخل موضوع عيد الجواز فى النص

ابتديت اتلخبط؟؟ منين مراته مأموصة ومستنياه فى الفيلم زى شادية فى فيلم مراتى مدير عام

ومنين اخدلها الهدايا اللى اشتراها...وفجأتن يتأنججوا ويروحوا يركبوا القطر

لأ شوية تركيز...أنا أصلا كنت فاهمة زى لماضة إن اللى هياخد القصة هيشطبها مصنعية واحدة و يسلم نضيف:happy:

كدة الموضوع مشتت

اتمنى ان الأسئلة اللى سألتها تديكم وحى بأفكار جديدة

وانا قاعدة فى صفوف المتفرجين لحد ما تحلو الليلة هالبس العوامة واخد اغطس واشارك

تحياتى لجميع المواهب اللى بتكتب

وخصوصا فتافيتو وهى خلت الست مخبوطة و بتردح اكريم و تقوله انا مدام يا خويا:blush2:

وحشتينى يا بت انتى

سلام

نسيت اقول حاجة ازاى واحد كان بيكلمها فى القطر واختفى و جرى وكان هيجرى وراه و يسأله انت مين وبعدين تقوله انا كنت بكلم مامى؟؟؟؟؟؟؟؟؟؟

تم تعديل 8 يناير 2011 بواسطة SoSo R

[م تيمور المراغي]

جلس كريم وحيداً امام البحر ......... ثم اتجه الي غرفته ....... وبينما هو يكمل صعود الدرج ...... اذ به يشاهد زوجته ندى وقد استلمت خطاباً من احد العاملين بالفندق ,,,,, واغلقت الباب بينما اتجه ذلك العامل الي الجانب الآخر .......

أسرع كريم ودخل الغرفة و ............

يجدها جالسه على السرير ممسكه برأسها بين يديها

كيف مشت من الباب الى السرير وجلست في ثانيتين !!

يسالها وهو مستند على باب الغرفة

- كنتي بتكلمي مين ؟

- ولا حد ,, دي ماما من نص ساعه بس كانت بتتصل بتطمني على ,,,,

- ماقصدش الموبيل ,, انا قصدي دلوقتي حالا كنتي واقفه بره وبتتكلمي مع حد

- (بحزن الدنيا) ,, يا حبيبي ما حصلش ,, انا من ساعة ماخرجت وانا قاعده فمكاني

- يعني ايه ماحصلش ؟ ,, انا لسه شايفك بعيني من ثواني

- حبيبي احلف لك بالله ,, انه ما حصلش

- ( يصرخ ) كمان بتحلفي بالله !!! ,, يعني انا اتجننت !!!!!

-( يعلو صوت نحيبها ) آآآه يا حبيبي آه يا كريم ,,

ايه اللي حصل لك يا حبيبي ( تجهش بالبكاء وتقوم وتحتضنه )

واحنا في القطر ,,

لما قمت وسيبتني مشيت وراك

لقيتك

بتتكلم مع نفسك يا كريم !!!

بتتكلم ومافيش اي مخلوق لا ادامك ولا حتى جنبك !!!!!

[SoSo R]

هو عمل زى فيلم آسف على الأزعاج؟!!:unsure:

[عطر الجنة]

طبعا مرسى كتيييييييييييييييييييييييييييييييييييييير

لكل من خط بالقلم و كمل معاية فى القصة

انا فعلا كنت اقصد ان كل واحد يكتب ما يجول بخاطره و يتخيل ما تسير اليه الاحداث

نفسى يكون الناتج قصة جميلة طويلة

شدوا حيلكوا واسرعوا بالاحداث بلاش شغل المسلسلات العربى البطئ

كان عاجبنى بعض الاخوة الذين ينهوا المشهد بفزوره او لغز يتركه ليحله من يجئ بعده

لان ده تشويق فى حد ذاته

تحياتى

[fatfouta]

هو عمل زى فيلم آسف على الأزعاج؟!!:unsure:

اذيك يا بت يا سوسا يا وحشة وحشتينى جدا انتى كمان

تصدقى من ساعة مابتديت اكتب وانا بحاول ابعد كريم عن الولية اياها والرجالة يرجعوا الراجل يكلمها تانى وبعدها على طول افتكرت الفيلم ده بالضبط

وبعدين الست لما ردحت له كان الكلام بالاصفر......ركزتى انتى فيه ليه؟؟؟ ده انتى فظيعة مش بيفوت عليكى حاجة

وحشتينى يا عسل :clappingrose:

ياللا نكمل بقى

تم تعديل 9 يناير 2011 بواسطة fatfouta

[م تيمور المراغي]

واحنا في القطر ,,

لما قمت وسيبتني مشيت وراك

لقيتك

بتتكلم مع نفسك يا كريم !!!

بتتكلم ومافيش اي مخلوق لا ادامك ولا حتى جنبك !!!!!

يغمض عينيه ,,

يتركها ,,

يلقي بكل جسده على الحائط من خلفه ,,

تقترب منه مره اخرى ,,

لتحتضنه بشده

يشعر بدفء دمعها على قميصه المبتل

يميل برأسه على رأسها مهدئا

يفتح عينيه ليقول لها انه .....ايه ده !!

( يلمح بعينه تحت الكومود طرف الخطاب الذي اعطاها اياه عامل الفندق منذ دقائق !!! )

( يكاد ان يصارحها بالامر لكن عقله يأمره فجأه ان لا ,, لاتقل لها )

- حبيبتي انا تعبان جدا ,, ممكن تطلبي لي اي حاجه تهديني شويه ,,

- حالا يا حبيبي ,, حالا بس حغسل وشي ثواني ,,

( ينحني في لحظه دون ان تلاحظ ممسكا بالخطاب واضعا اياه في جيبه )

تاتي ندى تجفف وجهها بالمنشفه فيفاجأها بالسؤال :

- ندى ,, انتي لي عملتي معايا كل ده !!!!!!

( تنظر له مليا ,, وقد عرفت من كلماته انه,,,,,,,, قد عرف )

فترد عليه قائله ...........

[م تيمور المراغي]

تاتي ندى تجفف وجهها بالمنشفه فيفاجأها بالسؤال :

- ندى ,, انتي لي عملتي معايا كل ده !!!!!!

( تنظر له مليا ,, وقد عرفت من كلماته انه,,,,,,,, قد عرف )

فترد عليه قائله ...........

فترد عليه قائلة :

- كان لازم اعمل كده ,,مستحيل كنت اشوفك بتروح مني يا كريم ,, واقف اتفرج

- لدرجة انك تأذيني يا ندى !!,, هنت عليكي ,, تدفعيني للجنون !!

- بالعكس ,, انا كده كنت بلحقك ,, قبل ما يفوت الاوان ,,

- تلحقيني بانك تعيشيني في وهم عدم وجود ماهو موجود !!

- ( مرتبكة ) ! انت بتتكلم عن ايه بالظبط ؟؟ واضح اننا بنتكلم في نقطتين مختلفتين ,,

- لما قلتي اني بكلم نفسي في الكافتريا ,, ( يضع يده في جيبه مخرجا الخطاب ) والظرف ده فيه ايه يا هانم عشان تخبيه مني تحت الكومود وتنكريه !!!

-( تطرق في صمت ) ,, حاضر ,, انا حقول لك على كل حاجة

( تتوالى الطرقات برفق على باب الغرفه ,, تذهب ندى لتفتح الباب ,, انه عامل الفندق !!

يتنمر كريم ويتحفز ,, يجدها تاخذ منه بعض النقود ,, وتنفحه البعض ,, وتغلق الباب )

- ممكن تفهميني ايه اللي بيحصل

- ده باقي الفلوس يا كريم ,,ححكي لك ,, انا من شويه ,,كلمت دكتور ممتاز في مصر - وبعت الولد يجيب الدواء اللي قال لي عليه الدكتور

( تمد يدها ممسكة بالظرف الذي بيده ,, يقبض عليه فتسحبه منه في رقه ,,وتفتحه )

- ودي الروشته كان لازم اخفيها عنك عشان عارفه دماغك ,, مستحيل كنت حتقبل بالعلاج ,, وكان لازم اخبي عليك مؤقتا على الاقل !!

( ترفع خصلة من الشعر تدلت على عينيها ,,, لكم كانت تسحره تلك الحركة من قبل !! )

- ( يطرق عينيه في قنوت ) ,, ندى ,, محتاج اني اكون لوحدي ,, حاسس اني حتخنق ,,

( يسرع الى الباب فتحلق به ندي ) ,,

( يفتح الباب فيجد الاخرى واقفة امامه !!!! )

فيهمس مأخوذا .....!!

[م تيمور المراغي]

( يفتح الباب فيجد الاخرى واقفة امامه !!!! )

فيهمس مأخوذا .....!!

- ايوه يا فندم ,, تحت امرك ,, اي خدمه ؟

( تبتسم في جرأة زائدة وثقة ,, ) ممكن اكلم مهندس كريم لو سمحت ؟

( يلتفت كريم الى ندى متأملا ,, تمر ذكرى السنين في لمح البصر )

- للاسف يا,,,,, يا فندم للاسف ,, ما فيش حد هنا ,, بالاسم ده

( ويغلق الباب خلفه بهدوء )

( تقترب ندى منه ,, تبتسم وتحتضنه قائله : )

- الحمد لله يا حبيبي انك خفيت ,,

( يبتسم بدوره مجيبا : )

- الفضل ليكي يا ندى اكيد الفضل ليكي ,,

يغمض عينيه متأثرا ,, راجيا الا تفضحه الدموع ,,!!

تمت ,,

[اغابي]

( يفتح الباب فيجد الاخرى واقفة امامه !!!! )

فيهمس مأخوذا .....!!

- ايوه يا فندم ,, تحت امرك ,, اي خدمه ؟

( تبتسم في جرأة زائدة وثقة ,, ) ممكن اكلم مهندس كريم لو سمحت ؟

( يلتفت كريم الى ندى متأملا ,, تمر ذكرى السنين في لمح البصر )

- للاسف يا,,,,, يا فندم للاسف ,, ما فيش حد هنا ,, بالاسم ده

( ويغلق الباب خلفه بهدوء )

( تقترب ندى منه ,, تبتسم وتحتضنه قائله : )

- الحمد لله يا حبيبي انك خفيت ,,

( يبتسم بدوره مجيبا : )

- الفضل ليكي يا ندى اكيد الفضل ليكي ,,

يغمض عينيه متأثرا ,, راجيا الا تفضحه الدموع ,,!!تمت ,,

جميل جدا المشهد داه يا بشمهندس

انامش عاوزة انكم تخرجو من جو الاحداث بسببي

لكن فعلا المشهد يستحق التعليق لان بدايته رائعة فعلا - لكن للاسف الجملة الاخيرة اثرت على روعة المشهد ككل -

لانها غيرت فى سير الاحداث القوية والاصرار اللى كان فى بداية المشهد

لكن فعلا ماعجبتنيش وتستحق عليها نقطة حمرا

اقولك ليه - اللى فهمته من الجملة الاخيرة ان كريم موارب الباب او انه شخص ضعيف ؟واكيد داه غير المشهد كله يعنى لسة مريض ؟؟

على العموم

مزيد من الابداع يا جماعة يا مبدعين كلكم مبدعين بجد

متابعة معاكم

تم تعديل 20 يناير 2011 بواسطة اغابي