اليوم السابع..أنباء عن انفجار سيارة مفخخة أمام كنيسة القديسين بالإسكندرية

[م تيمور المراغي]

البابا شنودة: قلة مندسة بين الأقباط الغاضبين تجاوزت كل القيم

دعا البابا شنودة الثالث بابا الإسكندرية وبطريرك الكرازة المرقسية‏ المسيحيين المصريين إلى الهدوء‏ عقب تظاهرات غاضبة اجتاحت القاهرة وأماكن عديدة في مصر بعد الهجوم على كنيسة القديسين الذي أوقع 23 قتيلاً.

وقال إن المظاهرات التي شهدت خروجاً عن النص ليست من الأقباط إطلاقاً‏،‏ فهناك الكثيرون من الذين ركبوا الموجة وهم بعيدون كل البعد عن المشكلة واشتركوا في الهتافات المسيحية وكان أسلوبهم بعيداً تماماً عن القيم‏.‏

وأشار البابا إلى أن هناك قلة "اندست وسط موجات الغضب وهتافاتهم تجاوزت كل أدب وكل قيم ووصلت لأمور لا نرضاها ولا تصدر عن أي مسيحي أو مسلم اتسم بالخلق الكريم".

عناصر تكلمت باسم الأقباط

وأضاف أن "بعضهم استخدم العنف وهو ليس أسلوبنا‏،‏ فمن المؤكد أن هناك عناصر اندست وتكلمت باسم الأقباط وهم بعيدون عن الأقباط‏".‏

وتابع أن "كل إنسان يجب أن يحسب ردود أفعال تصرفاته لأنه بالانفعال ربما يخسر قضيته وحقوقه‏،‏ مؤكدا أن أبناء مصر أقباطا ومسلمين يكوّنون نسيجاً وطنياً واحداً".

من جهة أخرى واصلت النيابة العامة التحقيق في حادث التفجير الإرهابي، حيث أمر المستشار الدكتور عبدالمجيد محمود النائب العام باستعجال تقرير الأدلة الجنائية الحاسم في كشف ملابسات الجريمة، وكيفية وقوعها بعيداً عن السيناريوهات والتكهنات المطروحة".

كما تسلمت نيابة شرق الإسكندرية الكلية بإشراف المستشار ياسر رفاعي المحامي العام الأول لنيابة الاستئناف التقرير النهائي الصادر من الطب الشرعي الخاص بأسباب الوفاة التي توضح بصورة أولوية أن العبوة المستخدمة بدائية الصنع ومكونة من مادة‏(‏تي‏.‏ ان‏.‏ تي‏)‏ وبعض القطع الحديدية والمسامير وهو ما أظهر في إصابات المتوفين، وجود حروق وشظايا وأن الموجات التفجيرية تعمل على بتر أجزاء الجسم‏.‏

وتواصل النيابة تحقيقاتها لكشف لغز قدمين ما زالتا في المشرحة، حيث أمر المستشار عادل عمارة محامي عام شرق الإسكندرية بأخذ عينات (‏D.N.A‏) للتعرف على هوية القدمين، وهل هما لشخص واحد أم شخصين.

البحث عن هوية "قدمين"

وذكرت صحيفة "الأهرام" أنه من المرجح أن تكون القدمان لمنفذ العملية طبقا لسيناريو العملية الانتحارية، وتفتح تلك النقطة لغز أن يكون تنفيذها قد تم من خلال شخصين.

وفي المقابل انتقلت التحقيقات إلى نيابة شرق الإسكندرية الكلية حيث تم تشكيل فريق برئاسة محمد صلاح جابر رئيس النيابة، ويجري إعادة استجواب طاقم حراسة الكنيسة المكون من ‏12‏ فرد شرطة والذين أدلى ثلاثة منهم بأوصاف الشاب صاحب السيارة الاسكودا رقم (‏5149 س ي ج) والتي توقفت أمام الكنيسة صفاً ثانياً وترجل منها شاب ذكرت أوصافه بأنه نحيل وذو شعر أكرد ويرتدي نظارة طبية وتم التعرف عليه ويدعى إسلام ويرقد في المستشفى الميري في قسم العناية المركزة.

وتقدم إلى النيابة العامة صاحب السيارة وهو والد إسلام ويدعى عادل مبروك عبدالغني وتم سؤاله عصر أمس حيث أكد أنه صاحب السيارة ولم يوجد في الحادث، وأن نجله أخذ السيارة يوم رأس السنة.

كما قامت النيابة بالاستعلام عن ملاك السيارات التالفة والبالغ عددها ‏(11)‏ سيارة واستدعاء أصحابها حيث تم تسليم ‏4‏ سيارات لأصحابها المسيحيين من بينهم السيارة المتفحمة والتي أكد صاحبها أنه أوقفها وكان في انتظار أقاربه الذين كانوا يقومون بالصلاة داخل الكنيسة.

[محمود الطاهر]

الموضوع كارثة كبيرة و اجرام و السبب هو نظام مبارك

[fatfouta]

هى دى أخلاق المصريين ومهما حصل ان شاء الله هنفضل كيان واحد مسلمين واقباط

راعى كنيسة بالفيوم ينقذ شرطيًا مسلمًا من الموت

فى مشهد إنسانى رائع يدلل على أن المصريين جميعهم مسلمين ومسيحيين نسيج واحد رغم الأحداث الأخيرة التى شهدتها محافظة الإسكندرية، تمكن راعى كنيسة بالفيوم من إنقاذ شرطى مسلم من الموت بعد أن أصابته حالة ضيق فى التنفس وفقد وعيه، ونقله القس فى سيارته الخاصة إلى المستشفى وتكفل بمصروفات علاجه.

كان شعبان عبد العزيز أيوب شرطى مكلف بحراسة كنيسة قرية النزلة بمركز يوسف الصديق بمحافظة الفيوم، قد أصيب بحالة ضيق فى التنفس مفاجئة، وفقد وعيه أمام الكنيسة وعلى الفور أخذه راعى الكنيسة، وحاول إفاقته وإعادته لوعيه، ولكنه فشل فى ذلك فقام القس بنقله فى سيارته الخاصة إلى إحدى المستشفيات بمدينة الفيوم.

وتكفل بمصروفات علاجه ثم نقله إلى منزله بمدينة ابشواى وهو ما جعل جميع أهالى منطقة أبو جنشو التى يقيم بها الشرطى من جيرانه وأقاربه يخرجون إلى راعى الكنيسة وقدموا له الشكر على ما فعله، وأكدوا له حزنهم على أحداث الإسكندرية، وأن من فعلها لا علاقة له بالإسلام.

المصدر

قبطيان ينقذان موظفا مسلما من الغرق داخل بالوعة صرف أسفل الدائري

شهدت منطقة مسطرد واقعة تؤكد على وحدة الشعب المصري مسلمين وأقباط، حيث كاد قبطيان أن يدفعا حياتهما ثمنا لانقاذ موظف مسلم من الموت المحقق غرقا داخل بالوعة صرف صحي مكشوفة‏، أسفل الطريق الدائري بمنطقة مسطرد.

وترجع وقائع الحادثة عندما سقط موظف مسلم داخل بالوعة صرف صحي أسفل الطريق الدائري، وشاهد الواقعة كلا من مينا تادروس‏ "25‏ عاما" ومايكل صليب‏ "23‏ عام"، فسارع أحدهما بمد يده في محاولة لانقاذ الموظف الذي سقط بداخلها لكنه سقط معه داخل البلاعة، بحسب صحيفة الاهرام الاربعاء.

وقام المسيحي الآخر باحضار حبل سميك وقذفه لهما وبالفعل تمكنا من التشبث به وصعدا في حالة إعياء شديدة نتيجة اختناقهما داخل البالوعة، وتم نقل المسيحي والمسلم إلى المستشفى لإسعافهما‏.‏

المصدر

[ozoozo]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب هم المسلمين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

تم تعديل 5 يناير 2011 بواسطة ozoozo

[م تيمور المراغي]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب في ذلك المسلمين لذلك هم زعلانين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

ده شيئ طبيعي يا محمد ,,

في الحرب يقوم السليم بمداواة رفيقه الجريح ,,

والصدمه شديده و طبيعي تعطيهم العذر وترفع عنهم حرج النسيان ,,

[fatfouta]

شكرا يا ضحى على تنبيهك لينا بلقاء شيخ الازهر انه فعلا كان لقاء مهم والراجل كان متهم انه نايم وقاعد فى مكتبه مش بيعمل حاجة لكن بصراحةعلى العكس شيخ الازهر كان كلامه رزين وكلام يليق بيه فعلا

وشكرا لاستاذ عادل ابو عمر على تلخيصك للقاء فى نقاط

واكتر نقطتين عجبونى لما رد على بابا الفاتيكان المغرض ولما اتكلم على الاعلام فى تصعيد الموضوع وتجاهله دايما للناس البسطاء ان هو يوصلهم المعلومة الصحيحة

واسمحلى اقتبس منك النقطتين

شيخ الأزهر ... عمل موقف تاريخي بالرد على بابا الفاتيكان و توضيح قدر المسلمين في مصر و في العالم

شيخ الأزهر ... وضح دور الاعلام في تغييب الناس و عدم إظهار الصورة الحقيقية لبسطاء المصريين

شكرا شيخ الازهر

[mekkawy]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب هم المسلمين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

ألا ليه بأة يا أوزو يا أخويا المسلمين عاملين كدة صحيح؟

و ألا ليه اساساً حاطين هلال .. هو يعني ايه الهلال في الاسلام؟

معلش يا أخويا فهمني الله يرضى عليك .. أخوك غلبان

مكاوى

[mekkawy]

http://videohat.masrawy.com/view_video.php?viewkey=c6b038a95c7139e59fde&page=&viewtype=&category=

هي دي القلة المندسة .. ربنا يهديهم .. القساوسة يشكرون الريس و الوزراء و المناديب و مع ذلك مشعلوا الفتنة لا يتوقفون .. في الجانبين و هنجيب دول و هنجيب دول

لا علاقة لنا بالتعليقات الموجودة بالفيديو و ننكر سيئها و نشكر حسنها.

مكاوى

تم تعديل 5 يناير 2011 بواسطة mekkawy

[mekkawy]

http://www.youtube.com/watch?v=WLI-8YyC4f0&feature=related

كلمة الشيخ محمد حسان بالفيديو .. مش محتاجة تعليق هي قايلة لوحدها

بردو ملناش دعوة بالتعليقات .. ننكر سيئها و نشكر حسنها

مكاوى

تم تعديل 5 يناير 2011 بواسطة mekkawy

[pink rose]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب هم المسلمين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

و الله يا استاذ محمد انا كمان سألت نفسي الاسئلة الكتيرررررر دي

ليه اغلب اللي حاطط الشعار دا مسلمين

و معلش يعني ايه السليم يداوي المجروح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

هو اللي حصل دا حصل لناس غريبة من كوكب تاني و لا لناس في دولة مجاورة و احنا قاعدين نطيب خاطرهم

هما اللي ماتوا دول مش مسلمين و مسيحين و لا اتنسى ان اول واحد مات مسلم بيبيع مصاحف قدام الجامع

مستغربة جدا اننا عمالين نروح و نعزي كانهم عالم تانية غيرنا

لما عزيت انا ما عزيتش المسيحين انا عزيت المصريين عشان اللي ماتوا مصريين

ليه بقى حاطينا في خانة مسلمين و مسيحين و لازم تعزوهم و لازم تطبطبوا عليهم

الله هما دول مش مصريين زينا و المصاب واحد و كلنا اتغمينا في اول السنة

كلنا اقصد بيها المصريين

الكلمة الاشمل و الاعم لينا

ليه بقى بنصغرها و نضيقها و نقسمها

ليه حد يفهمني

طب معلش اللي مانوا في العبارة كان اغلبهم مسلمين

ليه بقى الطرف التاني مدام بتقسموا

ليه ما حدش طلع كده و رفع شعارات و عزى المسلمين؟؟؟؟؟؟؟؟؟؟

هل المسيحين ما زعلوش على اللي السمك اكلهم في البحر؟؟؟؟؟؟؟؟؟؟؟؟

بطلوا بقى لو سمحتم تفريق هو دا اللي عامل المصيبة اننا بنقسم

اللي ماتواااااااااااااااا مصريين يا ناااااااااس يا عاااااااااااااالم مصريين

فاهمين مصريين

[mekkawy]

http://www.youtube.com/watch?v=tceGyxQHbrQ

الشيخ محمد حسين يعقوب

[psychologyteacher]

فين ما سمعناش حد من المجني عليهم بيقول أنا مقتنع إن ده عمل مدبر بقصد إشعال الفتنة و انه ليس تطور مشاعر للمسلمين او لبعض المسلمين و ساكتين و كأنهم مرتاحين للوقوف في دور المظلوم المجني عليه دون أن يرأفوا بحال المتهمين الذين يعلمون برائتهم لكن مش هاين عليهم يبلوا ريقهم بكلمة تحسسهم إن موقفهم مفهوم و إن المجني عليهم فاهمين المخطط.

انا مقتنع تماما ان الموضوع بُيت فى الخارج ونُفذ فى مصر زى ما قال فضيلة شيخ الازهر الدكتور محمد الطيب

بس معلش اعذر اخوانك المجنى عليهم لان المصيبة تقيلة جدا وتلاقى اغلبهم ملوش نفس حتى يفتح النت وصدقنى السكوت ده مش معناه اتهام لمسلمى مصر المعتدلين

تحياتى

[doha]

تابعت اللقاء مع شيخ الازهر من منتصفه تقريبا ..

اول انطباع تكون عندي بعد فترة من المشاهده ان الاقلام التي كتبت عن الرجل وقت توليه منصبه لم تعطيه قدره .. وجدت نفسي امام متحدث لبق .. كلام موزون .. دبلوماسي .. يجيد ادارة الحوار وايصال مايريد بدون ايقاع نفسه في الخطأ .. مثقف على درجه كبيرة من الاطلاع والاهم من كل هذا قدرة على ايصال المعلومه والاقاع . بدايه ولانها اول مرة استمع فيها لشيخ الازهر ( الجديد) فكان لابد من ذكر انطباعي عنه ..

بس بغض النظر عن رايي الشخصي في شيخ الازهر الي زاد احترمي لشخصه فوق احترامي لمنصبه الا اني متفقتش معاه في بعض النقاط الي ذكرها في الحوار ..

يمكن اكون معاه في محاولة استغلال الموقف ايجابيا بالهجوم على التيار المتشدد من الفكر السلفي وتحميل مسؤلية انتشاره لضعف الازهر وعدم وجود التمويل الكافي كما يحدث مع تيارات اخرى .. قد اكون متفقة معاه في ده لكن الي اكيد اختلفت معاه فيه وبشده هو رده على منى الشاذلي لما سألته عن رايه فيما صرح به مبارك من سنوات من ان الوضع في فلسطين هو السبب في تاجيج نار الارهاب في المنطقة .. كلامه على هذا الشكل يبريء اي جهات خارجية او داخلية ممكن جدا تكون هي الي وراء الاحداث وميكونش الغضب للحق هو محركها وانما الرغبة في نشر الفتنه هي دافعها من الاساس.. بالتاكيد الوضع في فلسطين والعراق وغيرها بيثير مشاعر الكراهية لدى شعوب المنطقة لكنه لا يصل بها لدرجه الانتحارية او حتى المخططات الارهابية المحكمه الي مستحيل يكون خلفها افراد او حتى جماعات صغيره تعمل منفرده ..يمكن كان اختيار غير موفق من المذيعه ان سالته هذا السؤال تحديدا وهي تعلم يقينا انه وبحكم منصبه من المستحيل ان ينقض كلام مبارك ولابد ان يؤمن عليه ..

فيما عدا النقطه السابقة فاظنني اتفقت معه في كثير جدا مما تطرق اليه الحوار الهام الذي اوضح موقف الازهر من معظم القضايا الساخنة المطروحه على الساحه حاليا . . .

[ozoozo]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب هم المسلمين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

ألا ليه بأة يا أوزو يا أخويا المسلمين عاملين كدة صحيح؟

و ألا ليه اساساً حاطين هلال .. هو يعني ايه الهلال في الاسلام؟

معلش يا أخويا فهمني الله يرضى عليك .. أخوك غلبان

مكاوى

ايوه مفيش رموز في الاسلام بس ده شكل بيدل علي المسلمين او الاسلام-ممكن يكون نسبه للشهور الفمريه والتي يستخدمها المسلمون-

يعني مثلا اسلام بالانجليزي يعني ISLAM فلو واحد شاف الكلام الفرنجي المكتوب بحروف غير عربيه فده هايدله ان المقصود بالكلام ده الاسلام

فبدل ما اقول الاسلام متحد مع الصليب فبرمزله بالهلال-اعتبر الهلال ده كلمه اسلام بالهيروغليفي مثلا- فمااعتقدش ان في حد حرم ان كلمه اسلام يترمزلها باي كلمه غير عربيه

انت عارف ياميكو انت بتفكرني بعادل امام لما كان في مسرحيه شاهد ماشافش حاجه وكان سايب القضيه كلها وبيتناقش هي ألحت ولا اصرت

لا بقي هي ألحت تلح الحاحا

[psychologyteacher]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب في ذلك المسلمين لذلك هم زعلانين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

ده شيئ طبيعي يا محمد ,,

في الحرب يقوم السليم بمداواة رفيقه الجريح ,,

والصدمه شديده و طبيعي تعطيهم العذر وترفع عنهم حرج النسيان ,,

[/quote]

اخونا محمد

صدقنى تساؤلاتك دى فكرت فيها بس لما لقيتك كاتبها ولا فكرت فيها قبلها ولا خطرت على بالى

احترم وجهة نظرك

بس صدقنى الموضوع ملوش علاقة لا برفض الوحدة الوطنية ولا بالتلميح بان المسلمين هم السبب

كل الحكاية اننا داخلين على عيد بس مش عارفين نفرح بيه

صدقنى انا مش عارف اتصل باهلى اعيد عليهم ولا متصلش

ولو اتصلت اعزيهم زى ما بنعزى بعض كدة على المحاورات ولا اقلهم كل سنة وانتم طيبين ولا ايه ؟؟؟

اخونا ارش

كل الاحترام والتقدير

تحياتى

[ozoozo]

فين ما سمعناش حد من المجني عليهم بيقول أنا مقتنع إن ده عمل مدبر بقصد إشعال الفتنة و انه ليس تطور مشاعر للمسلمين او لبعض المسلمين و ساكتين و كأنهم مرتاحين للوقوف في دور المظلوم المجني عليه دون أن يرأفوا بحال المتهمين الذين يعلمون برائتهم لكن مش هاين عليهم يبلوا ريقهم بكلمة تحسسهم إن موقفهم مفهوم و إن المجني عليهم فاهمين المخطط.

انا مقتنع تماما ان الموضوع بُيت فى الخارج ونُفذ فى مصر زى ما قال فضيلة شيخ الازهر الدكتور محمد الطيب

بس معلش اعذر اخوانك المجنى عليهم لان المصيبة تقيلة جدا وتلاقى اغلبهم ملوش نفس حتى يفتح النت وصدقنى السكوت ده مش معناه اتهام لمسلمى مصر المعتدلين

تحياتى

انا عاتب عليك ياروماني في موضوع المعتدلين دي كلامك بيقول ان في مصر جزء معتدل والباقي ارهابي

انا عاذرك والله بس احب اسألك

تفتكر اللي عمل كده عم محمد البقال اللي كنت بتشتري منه زمان ولا احمد صاحبك وزميلك في الكليه ولا الراجل جارك اللي فوقيك اللي بتزوره لما يكون عيان وهو بيزورك في اي مناسبه عندك انا لا انكر ان في حساسيات لكن ليس الي درجه ان جارك المسلم يكون بيتمنالك الموت

فاكر فيلم الرهينه لما محمد شرف كان بيقول لماجد الكدواني

الا هما ليه بيكرهونا ياكلاوي

قاله مين دول

قاله المسلمين

قاله قصدك محمد زميلنا في السكن قاله لا ولا قصدي احمد ولا حسين صاحبنا اللي في مصر ولا البت عيشه اخت (مش عارف مين كده) انا مش فاكر المشهد بالظبط

فهمتني عايز اقول ايه؟

[doha]

مش ملاحظين حاجه

مفيش حد حاطط شعار الهلال والصليب حتي علي الفيس بوك الا المسلمين فقط

ومعظم المسيحيين اكتفوا بوضع الصليب فقط

هل يرفض المسيحيين الوحده الوطنيه؟

هل في ذلك تلميحا ان السبب هم المسلمين؟

هل يحاول المسلمون انفاء التهم عن انفسهم والاخرون غير مصدقيين؟

ملحوظه صغيره ولكنها حملت معني كبيرا

لا ياسيدي الفاضل اوزوزو ميروحش بالك بعيد . . مش مسالة انهم رافضين الوحده الوطنيه ولاشيء ولكن حط نفسك مكانهم ..

انا شخصيا واحده من الناس سائني الحادث بكل تاكيد واعلنت رفضي له لكن بيني وبينك ومهما كان حزني او تعاطفي او حتى وطنيتي فمتوصلش اني اعلق صليب في توقيعي او صورتي الرمزية حتى لو كان مجاوره هلال .. كل مافكرت فيه وقتها ايوه انا صعبان علي الي بيحصل بي يوم القيامه اروح اقول لربنا ايه ؟

يعني تخيل كده لو في هتاف للوحده الوطنية بيقول (( محمد نبي وعيسى نبي ومحدش هيفرقنا والنبي )) ممكن احنا كمسلمين نقول حاجه زي كده بس مظنش ابدا ان هتاف من هذا النوع ممكن يردده مسيحي مخلص .. المفروض في الي يحط الشعارات انه يراعي مناسبتها لكل من يفترض بيه تبنيها والهتاف بها ..

يمكن بعض المسلمين تجاهلوا وجود الصليب في الشعار لكن ده مش بالضرورة ملزم للمسيحيين الي الشعار عندهم رمز متغلغل في العقيده فربما في اعتقادهم ان الهلال يمثل لنا نفس الشيء وعليه بلتمس لهم كامل العذر في انهم ميعلقوش أهِلّه تماما كما من المستحيل اطلب او افكر ان واحد مسيحي يهتف بهتاف مماثل للمثال اعلاه ..

في رايي فلا علاقه مابين رفضهم تعليق الهلال وبين كونهم مصابين او غير مصابين هي مسألة عقيده وملهاش علاقه بكون البعض من المسلمين تنازل او غض الطرف وعلق الصليب ..

عن نفسي شايفه الافضل استبدال شعار الهلال والصليب الموجود في التوقيعات بشعار تاني لا يحتوي على رموز دينية لاي من الطرفين ازالة للحرج .. اصل مش معقول هتحط واحد في خيار مابين عقيدته وتعبيره عن الوطنية وهيختار الوطنية .. لازم نكون منصفين ..

[mekkawy]

انت عارف ياميكو انت بتفكرني بعادل امام لما كان في مسرحيه شاهد ماشافش حاجه وكان سايب القضيه كلها وبيتناقش هي ألحت ولا اصرت

ماشي يا عم أوزو ادلع عليا يا سيدي و شبهني بعادل إمام .. مش زعلان منك

بس يا أوزو الموضوع مش ألحت ولا أصرت .. الموضوع موضوع عقدي .. عقيدة يعني .. و كبير مش قشر ولا حاجة زي ما مفكر الكثيرين والكثيرين .. و مع اني الصراحة لا زلت مش مقتع بتحليل ربط الهلال بالاسلام .. و مش شايف أكتر من انه افتكاسة لأني الصراحة لم أقف على نص يربط الاسلام بالهلال إما لعدوم وجوده أو لجهلي .. فيا رب يكون النص موجود و أكون أنا الجاهل

و اعتبر كلامي ده (و ذكر فإن الذكرى تنفع المؤمنين) و اقرأ كدة الآية دي يا أوزو و قولي بتحسسك بايه و بتطلب منك ايه ..

قل إن صلاتي ونسكي ومحياي ومماتي لله رب العالمين لا شريك له وبذلك أمرت وأنا أول المسلمين

تم تعديل 5 يناير 2011 بواسطة mekkawy

[psychologyteacher]

فين ما سمعناش حد من المجني عليهم بيقول أنا مقتنع إن ده عمل مدبر بقصد إشعال الفتنة و انه ليس تطور مشاعر للمسلمين او لبعض المسلمين و ساكتين و كأنهم مرتاحين للوقوف في دور المظلوم المجني عليه دون أن يرأفوا بحال المتهمين الذين يعلمون برائتهم لكن مش هاين عليهم يبلوا ريقهم بكلمة تحسسهم إن موقفهم مفهوم و إن المجني عليهم فاهمين المخطط.

انا مقتنع تماما ان الموضوع بُيت فى الخارج ونُفذ فى مصر زى ما قال فضيلة شيخ الازهر الدكتور محمد الطيب

بس معلش اعذر اخوانك المجنى عليهم لان المصيبة تقيلة جدا وتلاقى اغلبهم ملوش نفس حتى يفتح النت وصدقنى السكوت ده مش معناه اتهام لمسلمى مصر المعتدلين

تحياتى

انا عاتب عليك ياروماني في موضوع المعتدلين دي كلامك بيقول ان في مصر جزء معتدل والباقي ارهابي

انا عاذرك والله بس احب اسألك

تفتكر اللي عمل كده عم محمد البقال اللي كنت بتشتري منه زمان ولا احمد صاحبك وزميلك في الكليه ولا الراجل جارك اللي فوقيك اللي بتزوره لما يكون عيان وهو بيزورك في اي مناسبه عندك انا لا انكر ان في حساسيات لكن ليس الي درجه ان جارك المسلم يكون بيتمنالك الموت

فاكر فيلم الرهينه لما محمد شرف كان بيقول لماجد الكدواني

الا هما ليه بيكرهونا ياكلاوي

قاله مين دول

قاله المسلمين

قاله قصدك محمد زميلنا في السكن قاله لا ولا قصدي احمد ولا حسين صاحبنا اللي في مصر ولا البت عيشه اخت (مش عارف مين كده) انا مش فاكر المشهد بالظبط

فهمتني عايز اقول ايه؟

فهمتك

بس صدقنى انا مقصدتش تصنيف جزء معتدل والباقى ارهابى

وحتى لو كنت هصنف فعلى الاقل ممكن اقول متشدد او متطرف مش ارهابى وممكن اقول قلة متشددة مش الباقى كله

واسف اذا كنت اخطأت فى وضع اللفظ فى غير محله

وربنا يرحمنا ويرفع عننا جميعا نتايج المصيبة دى بسرعة

تحياتى

[psychologyteacher]

لا ياسيدي الفاضل اوزوزو ميروحش بالك بعيد . . مش مسالة انهم رافضين الوحده الوطنيه ولاشيء ولكن حط نفسك مكانهم ..

انا شخصيا واحده من الناس سائني الحادث بكل تاكيد واعلنت رفضي له لكن بيني وبينك ومهما كان حزني او تعاطفي او حتى وطنيتي فمتوصلش اني اعلق صليب في توقيعي او صورتي الرمزية حتى لو كان مجاوره هلال .. كل مافكرت فيه وقتها ايوه انا صعبان علي الي بيحصل بي يوم القيامه اروح اقول لربنا ايه ؟

يعني تخيل كده لو في هتاف للوحده الوطنية بيقول (( محمد نبي وعيسى نبي ومحدش هيفرقنا والنبي )) ممكن احنا كمسلمين نقول حاجه زي كده بس مظنش ابدا ان هتاف من هذا النوع ممكن يردده مسيحي مخلص .. المفروض في الي يحط الشعارات انه يراعي مناسبتها لكل من يفترض بيه تبنيها والهتاف بها ..

يمكن بعض المسلمين تجاهلوا وجود الصليب في الشعار لكن ده مش بالضرورة ملزم للمسيحيين الي الشعار عندهم رمز متغلغل في العقيده فربما في اعتقادهم ان الهلال يمثل لنا نفس الشيء وعليه بلتمس لهم كامل العذر في انهم ميعلقوش أهِلّه تماما كما من المستحيل اطلب او افكر ان واحد مسيحي يهتف بهتاف مماثل للمثال اعلاه ..

في رايي فلا علاقه مابين رفضهم تعليق الهلال وبين كونهم مصابين او غير مصابين هي مسألة عقيده وملهاش علاقه بكون البعض من المسلمين تنازل او غض الطرف وعلق الصليب ..

عن نفسي شايفه الافضل استبدال شعار الهلال والصليب الموجود في التوقيعات بشعار تاني لا يحتوي على رموز دينية لاي من الطرفين ازالة للحرج .. اصل مش معقول هتحط واحد في خيار مابين عقيدته وتعبيره عن الوطنية وهيختار الوطنية .. لازم نكون منصفين ..

الاخت الفاضلة ...

الهلال بالنسبالنا فعلا رمز لاخونا المسلمين او للاسلام والا مكانش اتعلق على ماذن المساجد حسب فهمنا يعنى وكمان عشان ارتباطه بالشهور القمرية

وزى ما قلت لاخى محمد ان الحكاية بس كانت نسيان نرجو عذرنا عليه

وبامانة لو كان الاختيار ما بين العقيدة والوطنية فى موضوع زى ده هختار الوطنية لان ببساطة مش شعار اللى هينقص من عقيدتك او عقيدتى

وادينى غيرت الصورة

تحياتى

ومعنديش اى حرج فى انى احط صورة ليه حتى لو كان بدون الصليب

تحياتى