اليوم السابع..أنباء عن انفجار سيارة مفخخة أمام كنيسة القديسين بالإسكندرية

[psychologyteacher]

العيدية وصلت

وزى السنة اللى فاتت محدش من اقباط مصر هيعيد

كل سنة وانتوا طيبين

متقولش كده يافندم

الانفجار مفرقش بين مسلم او مسيحي

و الكنيسة قدامها مسجد

اللي حصل محزن لينا كلنا

ربنا يتولانا جميعا

و يفك كرب مصر

آمين

آمـــــين

[psychologyteacher]

العيدية وصلت

وزى السنة اللى فاتت محدش من اقباط مصر هيعيد

كل سنة وانتوا طيبين

صدقنى لو قلت لك ان الجرح واحد والهم واحد

الكنيسة ليست فى الحى اليهودى ، الكنيسة فى وسط المسلمين لان فى الشارع الجانبى العمارة المقابلة للكنيسة بها أصدقاء لى وكنت ممن سيسكنون بها ولكن للأسف قام الجوسقى محافظ الاسكندرية السابق بهدم 8 طوابق منها ( 64 شقة ) منهم شقتى بالاضافة للعمارة المجاورة لها على الناصية والعمارتين المجاورتين لها من الخلف بها اتيليه لواحد صاحبى.

من الجانب الآخر على شارع خليل حمادة توجد مستشفى شرق المدينة وبها مسجد مواجه تماما للكنيسة ومدخلها ويمكن ان تراه فى الصورة التى اوردتها الأخت فتفوتة وبجوار المسجد مجموعة محلات .

الناحية القبلية للكنيسة بها عمارات ومحلات ومعارض بالادوار الأرضية .

هذا بالإضافة إلى أن أغلب المسيحيين من أصدقائى يصلون بتلك الكنيسة.

يعنى لو كنت تقصد ان الهدية وصلت للمسيحيين ، فبلا شك نصيب المسلمين منها سيكون الأكبر.

أدعو الله الا تكون هناك خسائر بشرية .

وثق تماما انت والأخوة المسيحيين أننا نتألم لما يؤلمكم ونحزن لما يحزنكم ، الهم واحد أخى الفاضل.

يا اخوانا انا مقلتش ان الهم مش واحد

ومقلتش ان اخوانا المسلمين فرحانين باللى حصل

انا عارف ان المصاب يخص الجميع لان كلنا مصريين

بس ببساطة فكرت فى اهالى الضحايااللى المفروض انهم داخلين على عيد

ربنا يصبر اهليهم جميعا مسلمين ومسيحيين

[fatfouta]

ده شعار حملة الحداد عالفيس بوك

[fatfouta]

الواحد حزين ان السنة تبدأ كده على مصر....مسيحيين منها او مسلمين

للاسف مصر مستهدفة وبجد اللى عمل كده مش قصده يضرب مسيحيين بالذات لا ده قصده يضرب مصر كلها....والكنيسة ادامها مسجد والمسجد تقريبا جمبه مستشفى تبعه

يعنى الكل اتضر وحسبى الله ونعم الوكيل

الصورة دى هى شعار الصفحة الجديدة عالفيس بوك اللى اشترك فيها عدد كبير مسلمين ومسيحيين (مصريين) وللاسف اسم الصفحة....يوم السواد

رابط الصفحة http://www.facebook.com/pages/1-1-2011-ywm-alswad/182133878472614?v=info

تم تعديل 1 يناير 2011 بواسطة fatfouta

[لونا]

العيدية وصلت

وزى السنة اللى فاتت محدش من اقباط مصر هيعيد

كل سنة وانتوا طيبين

ما تقولش كدة من فضلك

أنا لسه شايفة الخبر دلوقت

و والله الذي لا إله إلا هو .. أعصابي باظت و عيوني دمعت

و مش حاقولك إنه بس خوف على بلدي و بلدك

لأ كمان حزن على ولاد بلدي اللي أصيبوا .. و هما بيستعدوا إنهم يفرحوا شوية و سط الأحزان اللي محيطة بيهم

و حزن على إن فيه ناس قدرت تؤذي ناس مسالمين لم يقاتلونا في الدين

اللي عمل كدة حتى و لو كان مصري و مسلم

إلا إن اللي وراه لا يمكن يكون مصري و لا مسلم

[ozoozo]

لا حول ولا قوه الا بالله

فعلا انا حزين انا لسه شايف الخبر دلوقتي

ربنا يستر

ويارب المسيحيين يتروو شويه

لا ماظنش خالص خالص ان الاحتقان وصل للدرجه دي

ان عم محمد المسلم هايقعد يخطط عشان يفجر عم جرجس

ممكن بتناوشوا اه لكن كده

لا اظن لا اظن

لسه سامع الان ان من بين الضحايا 8 مسلمين

اكيد اكيد ده مش حد من مصر

فعلا انا حزين

رحم الله المتوفيين

[Alshiekh]

والكنيسة ادامها مسجد والمسجد تقريبا جمبه مستشفى تبعه

المستشفى ليس تابع للمسجد

المستشفى هى مستشفى شرق المدينة ( مشهورة بإسم مستشفى جيهان ) لأن جيهان السادات هى من قام بافتتاحها وهى مستشفى تابع لوزارة الصحة

الأقسام

وحدة جراحة القلب المفتوح.

وحدة عناية القلب / قسطرة القلب .

وحدة الكلى الصناعية .

الغسيل الكلوي (تضم 14 وحدة غسيل الكلوي).

العناية العامة /عناية حديثي الولادة .

قسم الأطفال المبتسرين.

أقسام عمليات الطوارئ .

وحدة الأسنان .

العيادات الخارجية.

قسم الأشعة.

المعمل .

[Howayda Ismail]

الاخوة المسيحيون لايقل مصابكم عما اصابنا نحن المسلمون من هذا الفعل الخسيس الذى لم

يقصد المسيحيين بقدر ضرب الوحدة الوطنية وتأجيج نار الفتنة بين شريكى الوطن

لماذا الاصرار على ان اليد الفاعلة هى يد مسلمة رغم ان الضرر واحد فمعظم الكنائس فى جدار مشترك

مع مساجدنا وجيران لبيوت مسلمة ولسنا معزولون عن بعضنا فى الجيرة والصداقة وتعاملات

الحياة اليومية والتعصب والتخريب لن يفرق بين املاك مسيحية واملاك مسلمة حتى الحادث لم يفرق

بين وجود كنيسة من مسجد فى مكان واحد كذلك تواجد مسلمين ومسيحيين فى نفس المكان

وهذه قائمة باسماء المصابين لم تقتصر على اسماء مسيحية بل شملت الاثنين دليل على وجود

طرف ثالث استغل تصريحات القاعدة بشان تهديدها بتفجير الكنائس لالصاق التهمة بالمسلمين

ولكن الم يفكر احد ان المستفيد الوحيد هم اليهود تزامنا وانتقاما لكشف شبكة الجواسيس

الاخيرة والمظاهرات والتنديد باليهود وعدم ترحيب المصريين بتواجدهم فى مصر وخاصة هذه الايام

فى احتفالات ابو حصيرة فى محاولة لصرف نظر المصريون عنهم وعما يحدث فى غزة هذه الايام

وكذلك لهذا العمل اسلوب غريب وجديد على المجتمع المصرى ومنذ متى تتم التفجيرات عندنا بسيارات

مفخخة حتى فى عز اشتداد ازمة الارهاب والتفجيرات لم يتم استخدام هذا الاسلوب

يلزمنا ان ننحى عواطفنا و نستخدم عقولنا لاستبيان حقيقة المستفيد من تلك الاحداث

فليس من مصلحتنا مسلمين ومسيحيين تطور الامور وحدوث مصادمات لايعلم مداها الا الله

لابد ان نعى مايحاك لنا من مؤامرات لنتحول للبنان اخر وعراق اخر

المتوفون هم:

1) وجدى فخرى بطرس 28 سنة.

2) مايكل عبد المسيح صليب 50 سنة.

3) مينا وجدى فخرى 29.

إلى جانب رجلين وسيدتين مجهولى البيانات وصلت جثثهم أشلاء إلى المستشفيات.

المصابون هم:

1) ريهام رشيد شحاتة 30 سنة.

2) مجدى على إبراهيم 41 سنة.

3) محمد عبد الله البدرى 25 سنة.

4) إسلام عادل مبروك 23 سنة.

5) نبيل عطا الله يوسف 68 سنة.

6) مارينا قلتس 25 سنة.

7) سامى زكرى جندى 57 سنة.

8) قطب حسن قطب 26 سنة.

9) مرقص حنا 49 سنة.

10) صموئيل جرجس داوود 35 سنة.

11) فكتر إبراهيم فهمى 22 سنة.

12) باسم فوزى سعد 23 سنة.

13) أمل فهمى ناشد 50 سنة.

14) مصطفى محمد عيد 23 سنة.

15) هانى كمال عزيز 30 سنة.

16) جوزيف سعد نيكولا 33 سنة.

17) مجدى بولس قلتس 52 سنة.

إلى جانب مصابين اثنين مجهولى البيانات.

هذه بعض الاسماء التى نشرت

تم تعديل 1 يناير 2011 بواسطة Hend ali

[MZohairy]

مكان و توقيت التفجير و وجود تهديدات سابقه من جهة اسلامية (سواء كانت القاعدة او غيرها) يشير بقوه الى ان الفاعل من الطرف المسلم

الا انه لا يمكن تأكيد ذلك بشكل كامل حيث أن احتمال ضلوع طرف خارجي مثل اسرائيل او اي عدو لمصر وارد ايضا

عموما اعتقد ان رد فعل الشرطة سيكون قاسيا جدا على الكثير من مسلمين مصر ذوي الطابع السلفي في الايام القادمة

[se_ Elsyed]

لسه صاحي وعارف الخبر دلوقت

إن لله وإنا إليه راجعون ...

طبعاً الناس إتريقت على تهديدات القاعدة الأخيرة وأخدتها بأستخفاف ...

شيء أخر ... مع كامل إحترامنا لمشاعر الأخوة المسيحين في عيدهم ... لكن كل ذو عقل لابد ان يفهم إن هذا ليس بعمل إنسان مصري أياً كانت ديانته ...

فعندما كانت هناك جماعات متشددة تقوم بمثل هذه الأعمال وتستهدف مسلمين ومسيحيين .. كنا نعرف الجهة والهدف ..

أما الان وقد أستقرت الأمور منذ سنوات عديدة إلا من أعمال صبيانية تافهه ... فما الحجة الأن ومن الجهة التي تقف وراء ذلك ؟

لن نتهم نظرية المؤامرة ونقول إسرائيل ... ولما لا تكون هي ؟

ولما لا تكون جهة تستهدف تقسيم مصر مثلما أستهدفت تقسيم السودان ؟

مرة أخرى تعازينا الخالصة لجيراننا وأخواننا المسحيين ... فالمصاب مُصابنا والألم ألمنا أيضاً

ولن يهدأ بالي إلا بإقالة وزير داخلية العسس اللي فالح بس في تعذيب الناس هو وزبانيته .... كفاية قوي بقى ييجي 20 سنة ...

[moory]

صبااح الخيير، وكل سنة وانتم طيبين،

للأسف انا سمعت الخبر النهارده أول ما جيت الشغل،

وحزنت و ادايقت جدا ان ليلة راس السنة يحصل فيها كده،

ربنا يا رب يرحم كل الناس الي اتوفو في الحادثة دي،،

وحاسس بحرقة و حزن كبير جدا، لان امبارح ليلة عييد بالنسبة لاخواننا المسيحيين و المفرووض انهم يحتفلوا و يعيدوا و يفرحوا،

حاسس بأسى شديد على كل الي اتوفو من المسحيين و المسلمين الي مالهمش ذنب، كل ذنبهم انهم خرجو الليلة دي يحتفلو براس السنة

وحاسس بحرقة اكبر و غيرة على بلدي وعلى وحدتنا، الي بيحاول يفسدها ناس كل همها انهم يدمرو البلد الجميل المترابط ده،

الناس في الشارع و والشغل و الجيران ماحدش بيعرف مين المسيحي من المسلم من حبهم لبعض و تعاملاتهم الحلوة، صحااب كتيير قريبين من بعض وبيبقو اكتر من الاخوات بين المسلمين و المسيحيين،

اختيار المكان و التوقيت اكبر دليل على ان في طرف خفي ورا التفجيرات الي حصلت، طرف كل همه ان بضرب و يولع فتنة بين الشعب ده،

انا مش جاي احلل، بسس انا حاسس بحزن شديد جدا على الي حصل، وحاسس باحساس كل عيلة فقدت فرد منها في الحادثة دي، ربنا يصبرهم و يقويهم على ما بلاهم،

وعشان كده يا جماعة احنا لازم ناخد موقف ايجابي في المنتدى و نحاول نعمل كل حاجة ممكن تتعمل عشان نثبت للعالم ان الي حصل ده مش هو حقيقة شعبنا و دينا، لأ بالعكس،

وان التفجيرات دي وراها طرف هدفه ان يهزنا و يضرب وحدتنا...

اللهم ارحم كل متوفي في الحادثة..وقوي أهله و ثبتهم،

اللهم و أظهر الحق من عندك..وافتك بأيدي المعتدي..انك الجبار المنتقم..

أميييييييين

[مغتربة]

مش عارفه اكتب ايه مش عايزه اتكلم عن صدمه او حزن

الاخبار قدامى و بتتكلم على ان عدد القتلى وصل ل 21

21 مصرى

من فتره طلع تنظيم القاعده فى العراق يهدد و الموضوع ناقشناه هنا

مش هعرف انقى حروفى كويس لكن عايزه اقول لكل قلم تبارى فى الدفاع عن التنظيم المقيت دا و لا استخف و لا كدب و لا دافع عنهم

بجد حرام حرام علينا مصر و حرام علينا تفسنا

حرام الفكر الى بتنشروه دا عايزنا نوصل لايه و لصالح مين كل دا

مش عارفه اقول ان انا بعزى اهالى الضحايا

لاننا كلنا فى حاجه للعزاء دا كل مصرى حقيقى عنده ماتم

كل مصرى حقيقى المصيبه مصيبته و التفجير فجر فى قلبه هو

انا ميهمنيش من الى ورا الموضوع دا القاعده و لا اسرائيل حتى

انا الى يهمنى ان علشان الموضوع دا يتم بالشكل الخسيس دا

فى على الاقل شخص واحد ساعد فى الحقيقه و فى جيش كامل ساعد بشكل غير مباشر بنشر الفكر المقيت دا سواء كتابه او حتى بالتاييد الضمنى

ساعد بالتبرير و التهليل و الدفاع و المحاربه الفكريه

كلهم فى خندق واحد سواء الى نفذ فعلا او الى حرض على التنفيذ

كلهم ايديهم مغطاه بدم الضحايا

مصر النهارده كلها فى حداد

[عنبو]

لا حول ولا قوة الا بالله

خالص تعازينا لاهالى الضحايا

وعزاء خاص لاخواتنا المسحين بسبب حدوث هذا الحادث

البشع فى يوم عيدهم

[أسد]

أنا مصدوم

متنكد

قرفان من اللي بيحصل ده

أدعو إلى محاربة كل من يؤجج الفتنة في مصر

أدعو إلى طرد كل من يؤجج الفتنة هنا في محارات المصريين

ولتكن بدايتنا من هنا

لنعزل و نطرد كل من يؤجج الفتنة الطائفية

[MZohairy]

عايزه اقول لكل قلم تبارى فى الدفاع عن التنظيم المقيت دا و لا استخف و لا كدب و لا دافع عنهم

بجد حرام حرام علينا مصر و حرام علينا تفسنا

حرام الفكر الى بتنشروه دا عايزنا نوصل لايه و لصالح مين كل دا

فى على الاقل شخص واحد ساعد فى الحقيقه و فى جيش كامل ساعد بشكل غير مباشر بنشر الفكر المقيت دا سواء كتابه او حتى بالتاييد الضمنى

ساعد بالتبرير و التهليل و الدفاع و المحاربه الفكريه

كلهم فى خندق واحد سواء الى نفذ فعلا او الى حرض على التنفيذ

كلهم ايديهم مغطاه بدم الضحايا

مصر النهارده كلها فى حداد

:give_rose:

[م تيمور المراغي]

خالص التعازي لكل مصري مسلم و مسيحي في الحادث الاجرامي البشع

حسبنا الله ونعم الوكيل في المجرمين الكفره الذين لم يفرقوا بين مسلم ومسيحي

واليقين انهم من الفئة الضالة واقصد تنظيم القاعدة المحارب والمدان من هيئة كبار العلماء في السعوديه

وثقتي كبيره في الاجهزه الامنيه المصريه في الوصول الى الجهة المدبره خلال ساعات

[عطر الجنة]

لو نظرنا لمسرح الجريمة

ستجده امام المسجد و الكنيسة

اى الجانى استهدف المصريين عامة و لم يرحم كون المكان به مستشفى كبير

لو اراد مسيحيين فقط كان اختار الكنيسة التى فى الابراهيمية على الترام

لكنه استهدف منطقة مكتظة بالسكان للاسف

و من ادرانا انه تنظيم القاعدة و من ادرانا ان التصريحات التى نشرت كانت صادرة منه فعلا

نحن فى عصر للاسف به زيف كبير

كل ما يجب ان نعيه ان هناك يد لا تريد ان تنهض الشعوب العربية و يصبح لها صوت و كيان

و مهما حدث من اهوال سيظل وطنا لنا و سنظل اخوة مسلمين و مسيحيين

اللهم ارحمنا انك ارحم الراحمين

[mustafagamiel]

و من ادرانا انه تنظيم القاعدة و من ادرانا ان التصريحات التى نشرت كانت صادرة منه فعلا

نحن فى عصر للاسف به زيف كبير

تمام كدا

مانقصد ألا نتسرع بتلفيق التهم على اي حد مهما كان فلايصح ان يظهر أحد بيننا ويقول الاغلب ان الجاني هو مسلم أو مسيحي

لان الجاني اختار مكان لاجل

ضرب العصفورين بحجر واحد

[se_ Elsyed]

وزارة الصحة: 21 قتيلا و43 مصابًا بحادث كنيسة القديسين بالإسكندرية

حسبنا الله ونعم الوكيل على كل كائن - مش هاقول إنسان - يحلل لنفسه إرتكاب فعل قذر مثل هذا ...

ربنا يصبر أهل الضحايا والمصابين ...

ولكي الله يا مصر ....

[MZohairy]

لو نظرنا لمسرح الجريمة

ستجده امام المسجد و الكنيسة

اى الجانى استهدف المصريين عامة و لم يرحم كون المكان به مستشفى كبير

ده لو نظرنا لمسرح الجريمه بدون ان ننظر الى توقيت الجريمه

توقيت الجريمه يشير الى من المجني عليه المقصود بكل وضوح و اللي بكل تأكيد لو كان التوقيت يوم الجمعه بعد الصلاه لكان اكثر وضوحا للبعض

و الجاني لن يخرج خارج الطرفين المذكورين سابقا

احتمالين لا ثالث لهما