انت جميل قوي قوي يارب .. وأنا بحبك قوي قوي يارب

[حوريةعين]

السلام عليكم ورحمة الله وبركاته

:clappingrose: :clappingrose:

**بتحبّ ربّنا ؟؟؟

أكيييييييييد طبعا

**طيب بتعبّر إزاى عن حبّك ليه؟؟؟

أنا مش عارف :unsure: بس كل اللى عارفه انى بحبه

**هى كلمة بحب ربّنا دى كلام بس ولا أفعال!!!!!

**أنا لو بحب أخت مثلا هحاول بشتّى الطرق إنّى أعبرلها عن حبّى لها صح؟؟

ولله المثل الأعلى

**عملنا أيه عبّرنا به عن حبّنا لربنا!!!

تخيلوا لما طفل يحسسني اني مقصر جدا في حبي لربنا بالصورة الصح

لما طفل صغير جميل يكتب في ورقة كبيرة

"انت جميل قوي قوي يارب .. وأنا بحبك قوي قوي يارب"

ويجيب أكتر من ورقة يكتب فيها نفس الكلمة

ويدخل الفصل بدري عشان محدش يعرفه ويحطها على كل مكان بيكون فيه أصحابه

وكلهم يقرأوها

وقلوبهم تتحرك بالكلام البسيط ده

ده طفل..ومش بس حب ربنا وعبر عن حبه .. دا نشر كلمات تعبر عن حب ربنا لكل أصحابه

وطبعا الحب ليه اثباتات تانية غير الكلمات

لكن الطفل الجميل ده..علمنا حاجات جميلة .. وكان سبب في فكرة رائعة

الثناء على الله

طيب أحنا عايزين نعمل زي الطفل الجميل ده

بس نجيب كلمات من أحسن الكلمات

من أكتر الكلمات اللي يحبها ربنا

هنلاقيها فين؟

أكيد في كلام ربنا نفسه

وفي كلام حبيبه صلى الله عليه وسلم ..اللي هوا كمان وحي منه

وفي كلام ناس صالحين قريبين من ربنا .. عرفوا ربنا صح وعرفوا ازاي يكلموه .. عرفوا أسرار كتير ومفاتيح كتير في كلام حبيبهم

عارف كلمة (المناجاة)

الكلام الجميل في السر بينك وبينه ولوحدك

حتى لو حواليك الناس كلها

لكنك مش حاسس بحد لإنك مع حبيبك

وليكن شعارنا .....

فلنتعلم الحب ممن خلق الحب! "والذين آمنوا أشد حبا لله" نحبك ياالله..اللهم أحبنا وارض عنا

تم تعديل 1 يناير 2011 بواسطة حوريةعين

[mekkawy]

الأخ(ت) الكريم

مشكور(ة) ع الموضوع الجميل .. فعلاً حب الله من أعظم المحركات على عبادته سبحانه و على تحقيق معنى العبودية لله

و لكن دائماً تشوب هذا الحب الشوائب لأن هذه هي طبيعةالنفس البشرية المتقلبة و النافرة حتى من الخالق عز و جل .. و لهذا خلق الله الرحمة :)

مكاوى

[nagham hady]

يارب

اعطيتني وعصيتك

غفرتلي ذنوبي برحمتك وعفوك

وبرده دماغي لسة في الدنيا

لسة عايزة وعايزة وعايزة

حبك مالي قلبي دايما وعلي لساني

لكن افعالي علشان دنيتي

دنيتي اللي المفروض اني اذاكر فيها كويس علشان لما ادخل امتحانك افوز بالجنة

بس لسة بدور عليها , ولسة عايزاها

يارب

انت عارف انك في قلبي دايما

وخلقتني طماعة كسائر بني البشر

وها انا اطمع في عفوك وكرمك

اطمع في جنتك ورحمتك

اطمع في رضاك ياارحم الراحمين

ياغفور ياشكور يابر ياتواب يامنتقم ياجبار ياعفو ياكريم ياحسيب يامقيت

يامجيب الداع اذا دعاك

ياكريم ومابتدرش ابدا ايد بترتفع ليك طالبة رضاك

فارضي عني وارحمني يارب

[حوريةعين]

يارب انا عارفة اني كلي سيئات

لكن

انت ربي

يعني انت اللي بترعاني وبتربيني

وماليش رب غيرك

يارب ان رددتني فلمن اذهب

وانا ماليش رب غيرك

انت اكرم من انك تردني

لقبلني يا أرحم الراحمين

وربيني بالصبر عليا وبالاحسان اليا

ولا تعاملني بما استحقة

فانت اكرم الأكرمين

اللهم عاملني بالعفو

يارب العفو يارب العفو يا رب العفو

اللهم لك الحمد من كل قلبي وانت ترى قلبي

لك الحمد انك انت ربي

لك الحمد انك انت ربي

لك الحمد انك انت ربي

[لماضة مصرية جدا]

السلام عليكم ورحمة الله وبركاته

عارف كلمة (المناجاة)

الكلام الجميل في السر بينك وبينه ولوحدكحتى لو حواليك الناس كلها

لكنك مش حاسس بحد لإنك مع حبيبك

وليكن شعارنا .....

فلنتعلم الحب ممن خلق الحب! "والذين آمنوا أشد حبا لله" نحبك ياالله..اللهم أحبنا وارض عنا

و عليكم السلام و رحمة الله و بركاته

يعني انا قريت عنوان التوبيك و الله عينيا دمعت

عارفة ليه استاذتي لاني احيانا كتير مش ببقي حافظة ادعية معينة و لا آيات قرآنية و بعدين بقعد اكلم ربنا كده بكلمات "عفوية "....أوي....و ابص للسما و اقول يعني يا رب سامحني يمكن انا مقصرة بس فعلا بتونس في الكلام معاك....و بحس انك بتسمعني....و هتبعتلي رسالة ربانية فيها الاجابة

ممكن احكي علي حاجة........و اعذري جهلي

من شوية كنا في مكان بعيد جدا....المكان ممكن نروحله بالمواصلات العادية....بس انا نسيت تماما اني اعمل حسابي في الرجوع....معرفشي فكرت...او بمعني اصح مفكرتش اصلا...كان كل همي الوصول للمكان في الوقت المحدد قبل غروب الشمس

روحت المكان انا ووالدتي....و بعدين جينا نروح

لقيت ماما بتبصلي و بتقولي....هنعمل ايه

ساعتها ادركت ان احنا فعلا مافيش حل نروح

بس بصيت لها وقولتلها....بصي انا عارفة ان ربنا هيدبرها...

بصتلي و نظرة الشك في عينيها...ما هو مافيش اي معطيات اصلا تقول الثقة اللي انا فيها دي

بس قولتلها احنا نقف في المكان المحدد للتاكسيات....و انا متأكدة ربنا هيدبرها

روحنا وقفنا و مرت حوالي 15 ساعة طبعا ماما ابتدت تتململ و بدأت توبخني ....و انا قولتلها طب ما تيجي نقول اذكار المساء....و متقلقيش

المرة دي و انا بقول الاذكار....حسيت اني بقولها بقلب المحتاج....اه يا رب انا محتاجة....و محتاجة اوي في اللحظة دي و انا عارفة ان مافيش غيرك اللي هيحلها

فضلنا كده 5 دقايق.... بعد كده لقيت تاكسي طالع من لا شيء....و منزل عائلة يابانية في نفس مكان اقدامنا....تقريبا كانوا جايين المنطقة دي للتصوير الفوتغرافي....لانها بعيدة اصلا

طول ما احنا في التاكسي....و الله بكلم ربنا في سري....انا عارفة انك مش هتتخلي عني....مش عشان انا استاهل.....اطلاقا.....لانك إله رحيم جدا و كريم جدا و رزاق اوي...و بحبك اوي يا رب

و جيت لقيت الجملة بتاعت حضرتك.....يبقي كان لازم احكي

حقيقي انا غلطت اني ماخدتش بالاسباب كفاية....لكن متعة الحوار....و أن المناجاة انساني الموقف خالص و هونت اصلا علي امي الحمد لله رب العالمين

و اعذريني علي الاطالة

و اعذريني....يمكن انا مش بقول أدعية معينة....بس فعلا بحب اتكلم مع ربنا....بتونس اوي....مهما كنت لوحدي

بحس بحالة استغناء تام عمن سواه

جزي الله حضرتك كل خير

و نسالكي صالح الدعوات

[حوريةعين]

الله عليكي يا لماضة

الله على الجميع لما يقرب من رب العالمين

عارفة يا لماضة فكرتيني بيا لما سمعت معني اسم الله الجبار

وكان بمعني انه يجبر كسر المظلوم و.............

ياه ياه كتير كنت بحس اني محتاجة له انه يجبر كسري وضعفى

لما بحس اني خلاص مش قادرة لان بجد الدنيا فيها حاجات كتير صعبة ولاني ضعيفة قوي

فعلى طول بلجأ للجبار الودود الرحيم العفو

وبكلمه واقولة يا رب اجبر كسري وضعفي

وشكرا ليك يا نغم انت ولماضة بجد محتاجين قوي للمناجاة

ويا لماضة سلميلي على الوالدة كتير

وان شاء الله نتقابل جميعا مع سيدنا الرسول وأمي خديجة وجميع امهاتنا في الجنة :clappingrose:

بالمناسبة بحب أمي خديجة قوي ومشتاقة قوي لحنيتها

اسفة على الاطالة

[Howayda Ismail]

موضوعك جميل اوى ياحور

للاسف لسة شيفاه دلوقت

اكتر حاجة بتقربنا من ربنا الشدة

انا باحب بيتى وعيلتى اوى عشان كده فى عز ماانا تعبانة تلاقينى برضه احب اخدمهم واشوف

بيتى نظيف ومش باحب حد يعمل بدالى حاجة ممكن يساعدونى لكن مااعرفش اتعودت على كده

وفى اخر المطاف بعد كله ماينام الاقنى صاحية مش قادرة انام من الارهاق والتعب

ابحلق فى السما واناجى ربنا يارب انت وحدك اللى حاسس بى الساعة دى

انت وحدك اللى جى لحد عندى رغم الحوجة لى انا مافيش عاطى بيجى لمحتاج غيرك انت

بحبك يارب اوى اوى لانك جنبى فى كل لحظة رغم انى بانشغل كتير عنك لحظات

بتراعينى رغم نسيانى اوامرك

لكن عشان انت الكبير وانت الرحيم بترحمنا بقدرتك وتشملنا بعطفك وكرمك

مش بتمنع عننا عطاياك رغم اننا مقصرين فى حقك

[حوريةعين]

جميل قوى احساسك ده يا هند

والاجمل منه المتعة والسعادة اللي بتحسيها وانت قريبة من رب العالمين

ربنا يديم علينا جنة الدنيا

[tarek hassan]

السلام عليكم ورحمة الله وبركاته

:clappingrose: :clappingrose:

الكلام الجميل في السر بينك وبينه ولوحدك

حتى لو حواليك الناس كلها

لكنك مش حاسس بحد لإنك مع حبيبك

وليكن شعارنا .....

فلنتعلم الحب ممن خلق الحب! "والذين آمنوا أشد حبا لله" نحبك ياالله..اللهم أحبنا وارض عنا

أختنا الكريمة رغم يقيني الكامل بنيتك الطيبة ولكن من غير زعل عنوانك غير مقبول

انت جميل قوي قوي يارب .. وأنا بحبك قوي قوي يارب

ما هذا ؟

هل يليق أن نخاطب الله هكذا ؟

نخاطبه كما نخاطب الحوادث أو كما نخاطب الناس

لا يليق أن نخاطب الله بغير ما أمرنا الله به أو بين لنا رسوله صلى الله عليه وسلم

ندعوه ونتضرع إليه ونحمده ونسبحه ونقرأ قرآنه ونذكره بذكر أمرنا به

حبنا لله ليس كحبنا لغيره

حبنا لله حب قد امتزج بالخضوع والخوف والخشية والرهبة والرغبة والإنابة والتذلل والطاعة فلسنا نحب الله كحبنا للناس ولا ننجيه كما نناجي الناس

ونحن نلتزم بدعائه ومناجاته كما علمنا حتى لا نضل ونضل غيرنا

أحذر نفسي وأحذرك من الوقوع في الشرك

تم تعديل 6 يناير 2011 بواسطة tarek hassan

[Folana]

السلام عليكم ورحمة الله...

الأخت الفاضلة حورية عين كتبت :

تخيلوا لما طفل يحسسني اني مقصر جدا في حبي لربنا بالصورة الصح

لما طفل صغير جميل يكتب في ورقة كبيرة

"انت جميل قوي قوي يارب .. وأنا بحبك قوي قوي يارب"

ويجيب أكتر من ورقة يكتب فيها نفس الكلمة

ويدخل الفصل بدري عشان محدش يعرفه ويحطها على كل مكان بيكون فيه أصحابه

وإختارت عنوان موضوعها بناءا على الجملة السابقة والتى استشهدت فيها بحب الطفل لله والذى عبر عنه بتلقائية ونقاء...

وأتى موضوعها متزن ومعبر ....وان قرأنا الموضوع بعين أخرى بدلا من اقتطاع المعنى والكلمات..سوف نتجنب ايضا الوقوع فى الشرك باصدار الاحكام بوقوع الاخر فى الشرك...

"اللهم ارزقنا حبك وحب نبيك وحب من يحبك "

تحياتى

[لماضة مصرية جدا]

السلام عليكم و رحمة الله و بركاته

من يومين كنت بكلم ربنا لان كان عندي مشكلة

الحقيقة اني في اول المشكلة....في الساعة الاولانية روحت جريت علي بني آدم و كان جوايا ثقة غريبة اوي ان البني ىدم دوت هيحل المشكلة لاني كنت عارفة انها في مقدرته....يعني مش طالبة معجزة مثلا

و لما روحت علي البني آدم دوت....خذلني بشكل غير عادي

اتعصبت....و اتضايقت....و طول الطريق كان في ذهني سؤال واحد....هعمل ايه عشان احل المشكلة دي

و كنت ماشية بفكر...و كل ما اخطي خطوة كل ما غضبي علي الشخص دوت يزيد لاني فعلا حسيت انه خذلني و انا كنت رامية عليه كل حملي

و بعد شوية....سألت نفسي.....هو انتي ليه اصلا لما حصلت المشكلة دي مدعتيش ربنا في الاول

هي الثقة اللي كانت في بني آدم....انا جبتها منين.....عشان يعني قدراته...منصبه...طب ما ربنا المفروض تكون ثقتي فيه بلا حدود

طب انا كنت زعلانة ليه من الشخص.....شوية كده و لقيت نفسي بدعي ربنا

استغفرك يا ربي و اتوب اليك

لا اله إلا انت سحبانك إني كنت من الظالمين

ظلمت نفسي....لما جريت علي بني آدم مخلوق زيي زيه

ظلمت نفسي لما حبال الامل اتعلقت باضعف الكائنات و تناسيت ان للكون إله عظيم عينه لا تنام

ظلمت نفسي لما كمان غضبت من قلة حيلة البني آدم دوت و افتكرتها خذلان ليا.....و هو اضعف خلق الله

ظلمت نفسي.....اني في ضيقتي مجرتشي علي باب الدعاء...و مليت قلبي باليقين و الرجاء و الخوف

ظلمت نفسي لما بسيبها تلف و تدور في دواير مبتعملشي حاجة غير انها بتفضل تضيق و تضيق لغاية ما توصل للمركز....مع ان ربنا اداني الكون بحاله بكل براحه....بكل جماله

ظلمت نفسي كتير

و رجعت يا رب

استغفرك يا ربي و أتوب إليك

لا إله إلا انت سبحانك إني كنت من الظالمين

تم تعديل 6 يناير 2011 بواسطة لماضة مصرية جدا

[لماضة مصرية جدا]

الله عليكي يا لماضة

الله على الجميع لما يقرب من رب العالمين

عارفة يا لماضة فكرتيني بيا لما سمعت معني اسم الله الجبار

وكان بمعني انه يجبر كسر المظلوم و.............

ياه ياه كتير كنت بحس اني محتاجة له انه يجبر كسري وضعفى

لما بحس اني خلاص مش قادرة لان بجد الدنيا فيها حاجات كتير صعبة ولاني ضعيفة قوي

فعلى طول بلجأ للجبار الودود الرحيم العفو

وبكلمه واقولة يا رب اجبر كسري وضعفي

وشكرا ليك يا نغم انت ولماضة بجد محتاجين قوي للمناجاة

ويا لماضة سلميلي على الوالدة كتير

وان شاء الله نتقابل جميعا مع سيدنا الرسول وأمي خديجة وجميع امهاتنا في الجنة :clappingrose:

بالمناسبة بحب أمي خديجة قوي ومشتاقة قوي لحنيتها

اسفة على الاطالة

السلام عليكم و رحمة الله و بركاته

جزي الله حضرتك كل خير

و ملا قلبك نور تشوفي بيه كل جميل في الكون الواسع

يا رب نتجمع باذن الله في كل طاعة

انا الحرم واحشني جدا جدا

و بدعي ربنا ييسرلي زيارة بيته اللهم آمين

جزي الله حضرتك كل خير

نسألك صالح الدعوات

[tarek hassan]

السلام عليكم ورحمة الله...

الأخت الفاضلة حورية عين كتبت :

تخيلوا لما طفل يحسسني اني مقصر جدا في حبي لربنا بالصورة الصح

لما طفل صغير جميل يكتب في ورقة كبيرة

"انت جميل قوي قوي يارب .. وأنا بحبك قوي قوي يارب"

ويجيب أكتر من ورقة يكتب فيها نفس الكلمة

ويدخل الفصل بدري عشان محدش يعرفه ويحطها على كل مكان بيكون فيه أصحابه

وإختارت عنوان موضوعها بناءا على الجملة السابقة والتى استشهدت فيها بحب الطفل لله والذى عبر عنه بتلقائية ونقاء...

وأتى موضوعها متزن ومعبر ....وان قرأنا الموضوع بعين أخرى بدلا من اقتطاع المعنى والكلمات..سوف نتجنب ايضا الوقوع فى الشرك باصدار الاحكام بوقوع الاخر فى الشرك...

"اللهم ارزقنا حبك وحب نبيك وحب من يحبك "

تحياتى

وعليكم السلام ورحمة الله وبركاته

وشكرا على التوضيح

تم تعديل 6 يناير 2011 بواسطة tarek hassan

[Dreamwithme]

يارب ارحم من ضاقت عليه الأكوان ولم تؤنسه الثقلان وقد أصبح مولعا حيران

وأمسي غريبا ولو كان بين الأهل والأوطان مزعجا لا يأويه مكان

ولا يلهيه عن بثه وحزنه تغير الأزمان

مستوحش لايؤنس قلبه أنس ولا جان

يا من لا يسكن قلب إلا بقربه وأنواره ولا يحيا عبد إلا بلطفه واعتزازه

يارب لساني يقول أحبك وقلبي يصرخ من الألم والخوف من الكذب

فماهو الحب ؟ وكيف هي حقيقته؟ هل هي كلمة تقال فقط؟ هل هو مجرد شعور؟ أم هو حال وهمة تغير كل الحياة

يارب أحبك أحبك أحبك لأنك رزقتني أن أقول هذه الكلمة لكن حلمي ودعائي لك يا مليكي

أن تعلمني حقيقة الحب ......خذ بيدي سيدي وعلم قلبي حقيقة الحب

علم قلبي كيف يحبك بالصورة التي ترضاها ولا تحرمني من حبك

[عبير يونس]

لأنه سبحانه الخالق

لأنه الواحد الأحد الفرد الصمد

فإن العلاقة معه فريدة

لا تشبه أي شيء آخر

و هي الأساس لكل العلاقات السوية

فإن صلحت

صلحت كل علاقاتنا

مع الأشياء

و الأشخاص

و مع الكون كله

الله يعني مالك كل شيء

مالك الملك

بيده خزائن السماوات والأرض

ذو القوة المتين

معية الله

هي الأمان

و هي الضمان

فلا يمكن و أنت معه أن يطالك أي شيء من أي شخص

هو الحماية

و هو الجاه

و هو السلطان

هو الونيس

و هو الصدوق

و هو المُبر لوعده

و هو الحي الذي لا يموت

من كان في معية الله نال كل ما تمنى

وكسب السعادة في الدنيا والآخرة

و حتى يتحقق لك ذلك

فلتجعله سبحانه في أعلى قائمة اهتماماتك

و لتجعله محور الارتكاز لحياتك

و لتجعل كل ما فيك له عز وجل

فتأكل و تشرب للتقوى على عبادته

و تنام لتستريح و تعاود العبادة

و تعامل الناس ابتغاء مرضاته

و تحب فيه و تبغض فيه

و تؤدي الحقوق امتثالا لأمره

تذكره في كل لحظة

تجعله في قلبك فلا يدق دقة بدون أن تذكره

في قلبك و لسانك

راقب وجوده في قلبك و قولك و عملك

لا تعتقد و لا تتحدث و لا تفعل إلا ما يرضيه

اطلب رضاه في كل الأوقات

و ما أسهل الحصول على رضاه

و ما أصعب الحصول على سخطه

فهو الحليم الكريم

لا يمل حتى نمل

و هو عند ظننا به

إن أحسننا به الظن نلنا ما نظن

و إن أسأنا الظن نلنا ما نظن

يغفر لنا حتى و إن كنا لا نستحق

لأنه أهل التقوى و أهل المغفرة

لأنه منزه عن كل نقص

فليس لديه نقصا بشريا يحول دون الغفران و المسامحة

فنحن المحتاجون إليه

و لا يحتاج إلينا

و بابه مفتوح طوال الوقت لا يغلقه في وجه أي عبد من عباده

يغفر لمن يشاء المغفرة

و يهدي من يشاء الهداية

الهي ما أعظمك

الهي ما أكرمك

اللهم ارزقني حبك

وحب من يحبك

و حب كل عمل يقربني إلى حبك

آمين