لجنة أميركية تتحرى اوضاع الاديان في مصر

[KWA]

بسم الله الرحمن الرحيم

السلام عليكم ورحمة الله وبركاته

يا تري هل هناك علاقه بين عدم خفض المساعدات الأمريكيه لمصر...و بين زياره هذه اللجنه في هذا التوقيت ...

[Cleo]

يا سيدى المسلمين و المسيحيين فى مصر نازلين تقطيع فى بعض....

أمريكا مالها بأة؟؟ بصفتها تتدخل؟؟؟ هو ده مش شأن داخلى؟؟؟

[عمرو]

نظام مبارك مستمد شرعيته بالكامل من أمريكا وعلشان كده لايستطيع أن يقول لأ علي أي شئ

كماإنه عاجز عن حل مشاكله الداخلية بنفسه وده بيدي فرصة للأخرين للتدخل

[elma3adi]

دى عالم غريبة اوى لا لهم دين ولا ملة, والحاجة الوحيدة اليي بيعبدوها هى الدولار. وبعتنلى لجنة... حاجة تنقط بصحيح. ;)

[se_ Elsyed]

...  حاجة تنقط بصحيح. ;)

أسف للخروج عن الموضوع ولكن اللي ينقط صحيح هو إنك مشترك من شهر يناير يعني المفروض تكون خلصت مركز تدريب ومع ذلك أول مشاركة لك في يوليو :lol:

أنا مراقبك من زمان يا أستاذ شبرا .. قصدي يا أستاذ معادي ومطلوب منك مشاركات اكتر من كده يعني مشاركة كل كوارتر مثلاً :lol:

تحياتي ..

نرجع مرجوعنا بقى للجنة التفتيش عن أسلحة الدمار الشامل الأمريكانية .. كنا بنقول إيه ؟

[se_ Elsyed]

لأول مره بأتفق مع عمرو ;) في إن أي نظام ضعيف يستحق ما يحدث له من تدخل في شئون ودول اخرى تُملي عليه شروطها وتجبره على تنفيذ سياسات معينة ... ورأينا منذ أيام قليلة إثارة موضوع تخفيض المساعدات العسكرية لمصر ولكن رجع مجلس الشيوخ عملها بجميلة وقال أن مصر دولة حليفة وشريك أساسي في المنطقة وكلمتين قلوظة للعمه وإذلال لدولة لها أكثر من 25 عاماً لا تستطيع ان تعتمد على نفسها وتقول لا للمساعدات الإذلالية الأمريكية ولو ناكلها بملح حتى بس يبقى عندنا كرامة .

[ragab2]

لجنة أميركية تتحرى اوضاع الاديان في مصر

ممكن

نرسل لجنة مصرية لأمريكا تتحرى عن أوضاع الزنوج والمسلمين فى أمريكا

[عمرو]

لأول مره بأتفق مع عمرو  ;)

وأخيرا سي السيد أتفق معايا :lol: أحمدك يارب

في هذا اليوم التاريخي لمنتدي محاورات المصريين وذلك المنعطف الهام لباب السياسة الداخلية أتقدم لسي السيد بأسمي آيات الشكر والعرفان لنصير المستضعفين والمابعد حداثيين لموقفه البطولي المشرف في ساحات الوغي والفداء me0:

هو الوغي يعني إيه

[Lighthouse]

هو الوغي يعني إيه

الاخ عمرو

الوغى يعني المعركة

ويقال حومة الوغى يعني ارض المعركة

أي خدمة ;)

[دكتور عادل الليثي]

قرار عدم تخفيض المعونة العسكرية

تم بناء على ضغوط من الإدارة الأمريكية.... وزير الخارجية ومستشارة الأمن القومي

على أعضاء الكونجرس ..

بسبب

الدور الذي سيوكل لمصر في غزة .........

وهو دور ... أعتقد أنه سيؤدي لتعقيدات كثيرة .....

تم تعديل 20 يوليو 2004 بواسطة Taha

[KWA]

[hamo90]

سؤال للأخوة

أي حد يقولي هما فتحوا فرع جديد لوزارة الخارجية أسمه مركز ابن خلدون ؟ ولا ايه بالظبط

الغريب أن الجدع ده الي أسمه سعد الين ابراهيم لولا تدخل ماما أمريكا في قضيته كان زمانه مشرف في ليمان طره ؟

أنا خايف والله شوية ونلاقي سعد الدين ابراهيم ده مسك وزير ولاحاجة ؟

امال مش مواطن أمريكي يعمل الي هو عاوزه وبلده القديمة سيباه يعمل الي هو عاوزه برده

يعني العملية بقت تمام و1000 فل و14

وهي ديه البداية

والقادم اسوأ ( مع الاعتذار للشوالي بتاع art)

hamo