احـــــكي يا شهــــــرزاد ... برؤية اخــــرى

[الســـاري]

مساء الخير ،،

بالحقيقة احترت اين اضع هذا العمل ..

اين اضع قصة شهرزاد .. التي استمتعت بروايتها على لسان ابطال مختلفين هم : اغابي - مغتربة - اركتيكت - لماضة مصرية جدا - مصرية مغتربة - نايت مار - سمبا وآخرون

لهذا قررت ان يكون مكانه هنا .. في باب الشعر والادب والقراءات

لتكون تدوينة لجهد ادبي مميز .. لابد ان يحصل على حقه

( احكي يا شهرزاد )

موضوع من طراز آخر .. بنكهة أخرى .. حاولت ان اجاري ابطاله .. فقط لاكتشف ان موهبة الادب لا تولد مع المرء .. بل هي موهبة يهبها الوهاب لمن شاء من خلقه

لمن لم يتمتع بحروف ذلك الموضوع بعد ... هنا رابطه

احكـــــى يا شــهــــرزاد

ولا يفوتني ان اشكر المهندس اركتيكت الذي اوحى لي بفكرة هذا العمل .. بعد ان قدمت عملا مشابه في موضوع شيكو المميز مذكرات بنوتة مفروسة

وارجو من المشرفين بعد ايام من عرض هذا الموضوع ان يدمجوه مع التوبيك الرئيسي .. احكي يا شهرزاد

فأنا لو حاولت ان - اجاريهم - في الكتابة الابداعية لن استطيع ولوبعد مئة عام

لكن قد استطيع ان ....

ما تيجوا نشوف

http://www.youtube.com/watch?v=l6tEa51jt8M

وقتا طيباً ارجوه لكم

[م تيمور المراغي]

خلصت فيك كل الكلام يا ساري ,,

قد بانت الرؤيا واستقام المنسم وانك لمبدع ,,

انت فرض عليك دلوقتي انك تصقل موهبتك دي بالدراسة الاكاديميه ,,

لانك المره دي يا حريف تميزت كمان بعنصر التايم كنترول ,,

انك توصل للمنتج النهائي ده خلال اقل من 24 ساعه فانت اضفت للعناصر اللي قلتها قبل كده عنصر التحكم في الوقت

و دي لو تعلمون كم تساوي في الكاريير بتاع اي مجال عمل ,,

ملحوظه رفيعه بس الايقاع هرب منك لثواني في منتصف الكليب لكن مالبث ان عاد بنفس الروح الرومانسيه الحالمه ,,

ريشة الفنان وقلم الشاعر ,, وجهان لعمله واحده ,, وكل الطرق تؤدي الى الابداع زي ماقال الاستاذ محمد قبل كده ,,

انا شفت س س مدحك في مكان ما هنا في المحاورات مش عارف ,,طيب ماقالش النقد الجميل ده هنا ليه هههه :happy:

على ما مغتربه ترجع بالسلامه ,, وريهام تفوق من نشوة وجود ماما جنبها ,, واغابي تخرج من مود الاحزان ,,

حتلاقينا كلنا هنا ان شاء الله بنشكرك ونعطيك ماتستحقه من محبه وود كاملين ,,

ربنا يحميك يا ساري ويوفقك وتزيد مع الايام حنكه و براعه و بهاء ,,

[Simba]

احكي يا ساري

احكي يا سيدي

لا حقيقي برااافو عليك

وعن نفسي منتظر انك تكمل باقي السلسلة

بموضوع الاخت لولا

انا والليل والموسيقي

وموضوع لماضة

فراشة المساء

[قلب ابيض]

الله الله الله

تفوقت على نفسك يا سارى

استمتعت جدااااابحكاوى شهرزاد التى اعترف وانا فى منتهى الخجل انى اول مره اقرأها معاك هنا ...اعتذر لنفسى اولا لانى حرمتها من متابعه هذه

الاحاسيس والكلمات المعبره

صوت معشوقتى فيروز زاد من شجن ماقرأت بل ما عشته من خلال سردك الممتع

سارى ...كا قال المهندس تيمور ....خلص الكلام

كل الود والاعجاب

[الســـاري]

خلصت فيك كل الكلام يا ساري ,,

قد بانت الرؤيا واستقام المنسم وانك لمبدع ,,

انت فرض عليك دلوقتي انك تصقل موهبتك دي بالدراسة الاكاديميه ,,

لانك المره دي يا حريف تميزت كمان بعنصر التايم كنترول ,,

انك توصل للمنتج النهائي ده خلال اقل من 24 ساعه فانت اضفت للعناصر اللي قلتها قبل كده عنصر التحكم في الوقت

و دي لو تعلمون كم تساوي في الكاريير بتاع اي مجال عمل ,,

ملحوظه رفيعه بس الايقاع هرب منك لثواني في منتصف الكليب لكن مالبث ان عاد بنفس الروح الرومانسيه الحالمه ,,

ريشة الفنان وقلم الشاعر ,, وجهان لعمله واحده ,, وكل الطرق تؤدي الى الابداع زي ماقال الاستاذ محمد قبل كده ,,

انا شفت س س مدحك في مكان ما هنا في المحاورات مش عارف ,,طيب ماقالش النقد الجميل ده هنا ليه هههه :happy:

على ما مغتربه ترجع بالسلامه ,, وريهام تفوق من نشوة وجود ماما جنبها ,, واغابي تخرج من مود الاحزان ,,

حتلاقينا كلنا هنا ان شاء الله بنشكرك ونعطيك ماتستحقه من محبه وود كاملين ,,

ربنا يحميك يا ساري ويوفقك وتزيد مع الايام حنكه و براعه و بهاء ,,

الارش العزيز

دائما حاضرا .. وداعما ..

اشكرك على كلماتك الجميلة ... وعلى تسجيل ملاحظتك ... بالنسبة للايقاع الذي هرب مني ... ولو اني لم اعرف اي جزء تعني بالضبط ... لكن الرسالة وصلت

smk:

بالنسبة للتايم كونترول .. اصدقك القول اني لم اشعر بالوقت خلال انجاز هذا العمل .. تماما كما لا تشعر بالوقت عندما تستمع لام كلثوم

هل تعلم يا عزيزي ... متعتي بالعمل هذا بالذات ... انه اتاح لي ان اغوص اكثر واكثر بين حروفه ... عندما اضع كلمة هنا او هناك .. واعيد تثبيتها وتمريرها .. وتأمل الشكل النهائي لها .. يتيح لي هذا ان اقرأها المرة تلو المرة

وفي كل مرة اكتشف ابداع اكثر ... او تصلني رسالة جميلة .. او المح صورة رمزية كانت خفية في اول قراءة .. او اكتشف بواطن جمال ماكرة تتمنع عن من تمر عليها اعينهم سريعا

جعلتني صناعة هذا الفيديو استكشف جمال هذه الكلمات ... كل ما قراتها اكثر .. ازداد جمالها اكثر

بخصوص مغتربة و لماضة و اغابي ..

فنتمنى من الغائب الا يطول الابتعاد

و النشوة نسأل الله ان تكون في ازدياد

ومود الاحزان .. يدمينا حزنا .. ويفقدنا شهرزاد

يأتون متى ما يأتون يا صديقي ... هو منهم واليهم .. والى الجميع

=========================================

سمبا ..

للشعر صولاته وجولاته .. معك .. وانت حامل قوس الشعراء وراميهم

الحق ان اضافتك اضافت لي .. وكلامك اسرني

بخصوص تلك المواضيع .. فاتمنى ان اوفيها حقها ..

لكن كلهن شقيقات شهرزاد

تحياتي

=========================

قلب ابيض ..

مرورك الجميل .. وتعليقك الاجمل يحفزاني دائما

تشاطريني عشق ملهمتي فيروز ... والتي لا اعتبر الصبح صباحا دون سماع ترنمها

صوتها وحده .. حكاية الف ليلة ..

اشكرك جزيل الشكر

[المهندسه]

يا سارى يا مبدع المحاورات

فعلا على رأى بشمهندس تيمور "خلصت فيك كل الكلام"

انت كان لازم تضيف نفسك كبطل مع الابطال ال ذكرتهم فى المقدمه

هما شاركوا بكلمات رقيقه و انت شاركت بفيديو ارق و معبر ..

قدرت بالفيديو ده تدعم المعانى ال هما حبوا يوصلوها لينا

بجد ابداع اوى اوى و مختلف فى جوه عن افلامك السابقه..

ربنا يبارك فى موهبتك يا سارى

انت على فكره عاودتنا على افلامك دى ...ياريت الاداره تعملك

قسم خاص تعرض فيه افلامك...و تسميه يوتيوب سارى هههههه

[لماضة مصرية جدا]

السلام عليكم و رحمة الله و بركاته

صاري يا ابني

ابني يا صاري

النقطة الايجابية انك استمتعت بالعمل.....ده كويس....و الحقيقة ده اللي كنت بحسه فيك...انك مستمتع اوي باي شغل بتعمله و بتاخده علي مراوحك....(يعني بتكون منهمك فيه و بتموت بمعني اصح)

بس عشان ابقي برضه حقيقية معاك

انا هقولك وجهة نظري المتواضعة جدا...و لو مش عجبتك ابقي طبقها يا سيدي و حطها في جيبك عاادي يعني

اصعب حاجة في العمل ...انك تلاقي الفكرة صح

و المتعة الحقيقة انك تستفز عقل اللي قدامك انه يفكر معاك و هو بيتفرج....

يعني يربط احداث مكنتش متوقعة....

او يعمل اسقاطات من مشهد ما علي توبيك معين هنا في

المحاورات....

او يسرح حتي بخياله في نطقة تانية بتاعته هو

سؤالي

لو انا قريت التوبيك الاصلي....و انا لابسة السماعات في وداني....و عادة بعمل كده

يبقي الفيلم....ايه البوينت الجديدة اللي بيعرضها!!!

لكن لو انا مكنتش قريت التوبيك....كمداخلات و ده كان اول مرة ليا اكيد هستمتع كتير بتركيبة الصورة علي الكلمات...(زي اللي حصل مع تانت قلب ابيض)

الاقتراح بقي

فاكر لما قولتلك مرة....انت بتعمل الحاجات دي ليه

و ساعتها قولتلي....عشان عايز توثق...

روحت انا هزيت راسي

و قولتلك جميل

يبقي لو عايز توثق....يبقي تمسك خط بعينه و تمشي فيه

يعني مثلا.....تمسك خط زي الكتابة النسائية في المحاورات....و دي هتديك دايرة اوسع بكتير

يعني هتلاقي....شهرزاد....

و هتلاقي البنوتة المفروسة....

و هتلاقي المناضلة...

و هتلاقي الواعظة....

و هتلاقي المتمردة....

و هتلاقي الطيوبة.....

و هتلاقة المتأملة....

و هتلاقي العاشقة.....

و هتلاقي المعارضة....

و هتلاقي الام....

و هتلاقي الاغتراب بعيون امراة....

و هتلاقي الوطن برضه بعيون امرأة

و هتلاقي دنيا بحالها....لكن في خانة الانثي

يعني هتلاقي وشوش ناس

و هو ده التوثيق

انك تمسك خط...و تبتدي تتعمق فيه....تحفر فيه لتحت زي بير البترول...عشان تجيبه من العمق

و في نفس الوقت اللي في يوم يشوف الفيلم يحس انه كانه فعلا عاش وسط ناس حقيقين...

قرب منهم....لمس وشوشوهم و عاش معاهم من قرايته لافكارهم

انا عارفة انك هترجع و تقولي...ده صعب يا باتعة

و هرجع و اقولك نفس اللي كنت بقوله في البلاتوه

يا صاري

انت بتعمل كده ليه.....!!!

لو عايز توثيق.....يبقي دور ع فكرة اللي تنكش من وراها فكرة....

و الاهم انها تخلي اللي قدامي دايما في حالة دهشة....في حالة تفكير

و طبعا دي وجهة نظري المتواضعة

اللي مش بتقلل من اي مجهود انت بتعمله ...بالعكس...انت عارف....اني بحب افكر معاك....لاني كمان مهتمة بالافالام الوثائقية

و اذا كنت مش راح تدرسها.... انا في يوم راح ادرسها و اغيظك :P

مجهودك رائع.....لكن انت بتعرف حدودي السما

مسااااك...لقطات بتعلم.....عشان بتبقي انسانية اوي....و فيها مننا اوي

ع جنب بقي

كان لازم يعني ترزع التوبيك في باب ادب و شعر و قراءات.....اهو انا مداخلتي مالهاش اي علاقة باللغة الفصحي و شكلي عامل زي بتوع نحو الامية.....الله يسامحك...

فوتك بعافية....(اهي الجملة دي دمرت اللغة العربية و جابتها تثبيت اكتاف علي الحلبة ...حقكم عليا :)

[م تيمور المراغي]

ولا تشيل في بالك يا مبدع وطبق الورقه وحطها في اقرب جيب ليك ههه :happy:

اللماضه احيانا يا ساري مابتاكلش معانا ,,

اسهل حاجه ياساري - واخدلي بالك انت - اني اقعد في المدرجات اقول يعني ابو تريكه مش كان يطير في الهوا كده ويدخلها بكعبه في المقص !!!!

طيب انزل ورينا اللعب في الملعب يا لعيب ولا هيا فنجرة بق وطق حنك والسلام ؟؟ :happy:

الايقاع كان رقيق ورومانسي جدا ياساري بشهادة كل اللي سبقوا ,,

ومشهد المرأه المحتضره لخص في ثواني ماعجزت عنه الكلمات ,,

بالاضافه لذلك فان التوثيق موجه بالاساس الى ناس لم تر الاصل او لم يكن لديها الوقت الكاف لذا ,,

لو كلامي غلط بسيطه ,,

القلم موجود وكتابة السيناريوهات من امتع ما يكون والساري 24 ساعه ستاند باي زي ماقال عن نفسه ,,

والماده الوثائقيه حتنطق من صدق المشاعر المتدفقة في الكلمات ,, يعني على قولتهم " الميدان يا حميدان " :happy:

تتردد موسيقى الليله الكبيره في خلفية الكادر مع غناء الكورس

" لا ياعم سعيده هأو ,, دي البدله جديده !!! :happy: "

[لماضة مصرية جدا]

ولا تشيل في بالك يا مبدع وطبق الورقه وحطها في اقرب جيب ليك ههه :happy:

اللماضه احيانا يا ساري مابتاكلش معانا ,,

اسهل حاجه ياساري - واخدلي بالك انت - اني اقعد في المدرجات اقول يعني ابو تريكه مش كان يطير في الهوا كده ويدخلها بكعبه في المقص !!!!

طيب انزل ورينا اللعب في الملعب يا لعيب ولا هيا فنجرة بق وطق حنك والسلام ؟؟ :happy:

الايقاع كان رقيق ورومانسي جدا ياساري بشهادة كل اللي سبقوا ,,

ومشهد المرأه المحتضره لخص في ثواني ماعجزت عنه الكلمات ,,

بالاضافه لذلك فان التوثيق موجه بالاساس الى ناس لم تر الاصل او لم يكن لديها الوقت الكاف لذا ,,

لو كلامي غلط بسيطه ,,

القلم موجود وكتابة السيناريوهات من امتع ما يكون والساري 24 ساعه ستاند باي زي ماقال عن نفسه ,,

والماده الوثائقيه حتنطق من صدق المشاعر المتدفقة في الكلمات ,, يعني على قولتهم " الميدان يا حميدان " :happy:

تتردد موسيقى الليله الكبيره في خلفية الكادر مع غناء الكورس

" لا ياعم سعيده هأو ,, دي البدله جديده !!! :happy: "

السلام عليكم و رحمة الله و بركاته

أستاذي الفاضل

كتبت كلام كتير

و رجعت مسحته

و كفاية كلمة واحدة

انا معترضة علي اسلوب حضرتك في المداخلة اللي فاتت

خلص الكلام

[م تيمور المراغي]

انا كنت قاصد استفز مواهبك بالطريقه دي يا لماضه واللي الكل عارف انها من ارقى مايكون ,,

ده كان بس من عشمي لكن عموما ولا تدايقي نفسك وحكون متحفظ بعد كده في اي كلام يخصك ان شاء الله ,,

خلاص بقى صافي يالبن :happy:

[المهندسه]

ولا تشيل في بالك يا مبدع وطبق الورقه وحطها في اقرب جيب ليك ههه :happy:

اللماضه احيانا يا ساري مابتاكلش معانا ,,

اسهل حاجه ياساري - واخدلي بالك انت - اني اقعد في المدرجات اقول يعني ابو تريكه مش كان يطير في الهوا كده ويدخلها بكعبه في المقص !!!!

طيب انزل ورينا اللعب في الملعب يا لعيب ولا هيا فنجرة بق وطق حنك والسلام ؟؟ :happy:

الايقاع كان رقيق ورومانسي جدا ياساري بشهادة كل اللي سبقوا ,,

ومشهد المرأه المحتضره لخص في ثواني ماعجزت عنه الكلمات ,,

بالاضافه لذلك فان التوثيق موجه بالاساس الى ناس لم تر الاصل او لم يكن لديها الوقت الكاف لذا ,,

لو كلامي غلط بسيطه ,,

القلم موجود وكتابة السيناريوهات من امتع ما يكون والساري 24 ساعه ستاند باي زي ماقال عن نفسه ,,

والماده الوثائقيه حتنطق من صدق المشاعر المتدفقة في الكلمات ,, يعني على قولتهم " الميدان يا حميدان " :happy:

تتردد موسيقى الليله الكبيره في خلفية الكادر مع غناء الكورس

" لا ياعم سعيده هأو ,, دي البدله جديده !!! :happy: "

السلام عليكم و رحمة الله و بركاته

أستاذي الفاضل

كتبت كلام كتير

و رجعت مسحته

و كفاية كلمة واحدة

انا معترضة علي اسلوب حضرتك في المداخلة اللي فاتت

خلص الكلام

يا خبر ابيض يا فراشه المحاورات انتى زعلتى

و لا دى حركات زى ال بتعملها ملك بنتى بتمثل انها بتعيط ولما نقربلها تضحك و كأنها بتقولنا "بخ ضحكت عليكوا"

انا اسفه للتدخل بينكم بس ..اعتقد ال بشمهندس تيمور قصده تشجيع سارى

ومش قصده هجوم عليكى خاالص ...ده الا انتى الناس كلها تزعل الا فراشه المحاورات

ويا خبر لو كنتى زعلتى منى انا كمان علشان اديتله نقطه خضرا على كلامه..احنا بنشجع سارى لانه مبدع فعلا..انا مقدرش على زعلك ابدا

وانت يا بشمهندس تيمور امسح مداخلتك دى بسرعه علشان عيون الفراشه و رجعلى نقطتى الخضرا بسرعه "وش واحده بتتلكك علشان رصيدها يزيد وتاخد نقطه خضرا"

تم تعديل 6 يناير 2011 بواسطة المهندسه

[م تيمور المراغي]

انا كنت ناوي فعلا يا مهندسه ارجع للمداخله اعدل عليها ,,

بس الاخت لماضه كانت اقتبستها بالفعل بالتالي مش عارف حيكون تعديل بلا معنى ,,

يعني حزعل زميل او زميله بمناسبة ايه ؟

انا شايف انه كلام فيه نكش على خفيف مافيهوش اي حاجه تجرح ,,

مش عارف انا حظي وحش الفتره الاخيره مع كل اللي بقدرهم ليه ؟ :happy:

[المهندسه]

انا كنت قاصد استفز مواهبك بالطريقه دي يا لماضه واللي الكل عارف انها من ارقى مايكون ,,

ده كان بس من عشمي لكن عموما ولا تدايقي نفسك وحكون متحفظ بعد كده في اي كلام يخصك ان شاء الله ,,

خلاص بقى صافي يالبن :happy:

ايه يا بشمهندس طيب فين نقطتى الخضرا؟؟؟ههههههههه

حقيقى لماضه اسلوبها راقى و متميز و كمان حضرتك انسان راقى و محترم جدا

وانتوا الانتنين بسم الله ما شاء الله واخدين الوسام الذهبى يعنى ماتتخيروش عن بعض

وحد يقولى انتى مالك بقه علشان كده انا حاطه مناخيرى بينكم

تصبحوا على خير

تم تعديل 6 يناير 2011 بواسطة المهندسه

[الســـاري]

فيه ايه يا جماعة .. ما تستهدوا بالله

لماضة ... فراشة عز الضهر ... حنانيك على الارش العزيز ... هو بس كان عايز يقول : ( انشفي شوية ع المحشي وانتي بتحشيه ) بس بطريقة مهندس وشاعر ولعيب كورة بنفس الوقت ... ولا ابو تريكة جا بنص العبارة ازاي ما تعرفيش :P ...

!!

المعنى في بطن الشاعر

:)

كلماتك اقدرها يا لماضة في نقدي .. وانتي خير من يعرف ..

لي عود في وقت آخر ربما لاناقشك

وانت ايها الارش العزيز ... دي شوية وتقول لك يا عمو

:lol:

.. ما تنشف انت كمان ع المحشي

دي مش اوزاوز اللي شايف الحياة عبارة عن كبدة جملي

:P

عزيزي .. كن واثقا .. ان لماضة لم ولن تثير حساسيتها رسالة دعم ... هي فقط ... لماضة ..

اليس لها من اسمها نصيب

!!

تشجيعك أدمنت عليه ... صدقني

اخي .. قل ما تريد قوله ولا تتحفظ ... خذها مني كلمة ... ليست فراشة المساء من تضيع العشم .. وعشمك فيها وفينا كبير وعشمنا اكبر

المهندسة

لو تتطور الامر ممكن نعوزك للشهادة في قسم التحقيق :P

... يا سيدتي الكريمة كلامك اجمل من الوصف .. وتشجيعك لا تعرفين تاثيره علي .. و ثقي ان لماضة وزميلك العزيز لم ولن يغضبا ..

فهي .. وانتي .. وانتم ..كبار ... بعقولنا .. وحواراتنا

الا ترين وسام الذهب يكلل مشاركاتهما سويا ؟ ...

[م تيمور المراغي]

ميرسي والله يا ساري على كل كلمه طيبه

بس يا ويلك بقى من غضبت اللي بالك فيهم ,,

واللي اوزو بكل سطوته وسوطه وجبروته ترتعد فرائصه من نظراتهم الثاقبة ههههه :happy:

حتوحشنا والله ياساري وحنفتقدك كثير كثير ,,

كان طيب والله حقيقي وابن حلال وبيخرج افلام حلوه بس يا خساره بقى ,,وقف قدام القطر

كمان كان عنده عيال ؟؟؟ ,,

لاحول ولا قوة الا بالله هههههههه :happy:

[الســـاري]

ميرسي والله يا ساري على كل كلمه طيبه

يا سيدي الله يخليك ...

وبإذن الله ترجع اغابي ..

وتعود مغتربة

-------------------------------

يا شهرزاد غني الهوى غني الليالي فالشوق عاد ... يا شهرزاد و للنوى قصر ببالي رغم البعاد

[م تيمور المراغي]

ميرسي والله يا ساري على كل كلمه طيبه

يا سيدي الله يخليك ...

وبإذن الله ترجع اغابي ..

وتعود مغتربة

-------------------------------

يا شهرزاد غني الهوى غني الليالي فالشوق عاد ... يا شهرزاد و للنوى قصر ببالي رغم البعاد

يا ساري قد قال الحكيم :

مخمور يطرق باب الحان

يخرج يهذي بالالحان

يسرق حلي زوجته

ليهديها لعشيقته

ويسرق حلي عشيقته

ليهديها لزوجته

من تكون زوجته !

ومن تكون عشيقته !!!

قالت الخادم الوقحة بابتسامة صفراء

اغرب عني لا امل

دعني امسح الرخام ,,

عملة صفراء من ذهب ذهبت

وعلى الرخام الاحمر تدحرجت

وفي ثقب اختفت ,,

تكدرت الخادم

ثم جعلت تطلي بالاحمر شفتيها !!!

قال العبد الاسود آنفا

انظري

انظري في جوف الكأس تعرفي

فنظرتي في الاعماق ترنوا لاهفه ,,

انها عينكي انتي

تنظر اليكي !!!!

ماذا رأيتي يا شهرزاد ؟؟

- رأيت الكون يخلق من جديد

هذا النقيع في القاع

له قناع

يهيم طلقا في فضاء مديد

ادرت فيه اصبعا

من مرمر

فاذا بدوامة السرمدي تدور وتدور

وتجمعت الغيوم من بعيد

فبدا في الافق يحبو

النجم الوليد !!!!

تم تعديل 8 يناير 2011 بواسطة architect

[مغتربة]

رائعه استاذ سارى كالعاده

و اسفه جدا لتاخرى فى الرد و لكن لم يتسنى لى مشاهدتها الا الان فقط و اشطر استاذ ارتيتيكت لانه من نبهنى اليها

صوت فيروز اعطى دفء جميل و الكلمات التى كتبتها كفقرات وصل رقيقه و معبره

حقيقى العمل جميل شكرا لك

[Dreamwithme]

عمل رائع ومبدع يا ساري

طبعا متأخرة جدا لكن لم أشاهده إلا الآن لكن تسجيل رقيق لموضوع شديد الرقة والعذوبة

استمتعت به جدا.....ربنا يسعدك يارب زي ما بتسعدنا

[لماضة مصرية جدا]

السلام عليكم و رحمة الله و بركاته

ع فكرة يا جماعة.....انت بتشكروا ساري و هو قاعد عما يعبي في النقط الخضرا...(شايفاااكي النقط عمالة تدلدق من جيبك يا ساري متنكرشي)

و ناسيين ان الفكرة بتاعت الباشمهندس اركتكيت

علي فكرة....انا مكنتش واخدة بالي من الموضوع دوت.....(لاني بخش ع الفيلم عدل....من غير ما اقرا الكلام اللي فوقيه.....سمعاك ع فكرة بتقول محو الامية....ماااااااااااشي :) )

شكرا يا باشمهندس....و مستنين الفيلم الجديد...يالا شدوا حيلكم

انتوا مبتقعدوش ع القهوة و لا ايه....(وش الواد علي لوز صبي القهوة و هو عاوج الطاقية علي عينه اليمين)

مسااااكم حروف لما بنقراها......حاجات كتير بتوضح