قولوا لي على ماركة تكييف كويسة ينوبكوا ثواب

[se_ Elsyed]

حيث إن الواحد بقى له فترة ليست بالقصيرة بعيداً عن أرض الوطن فبالتأكيد ففي مجال الاجهزة المنزلية والحاجات دي ظهرت ماركات واختفت ماركات وطبعاً اخوانا أعضاء المنتدى الأفاضل من منتسبي الطبقة الأرستقراطية البرجوازية بيبقى عندهم فكرة عن ماركات التكييف الشهيرة في مصر والتي تتميز بأهم شيء وهو خدمة ما بعد البيع يعني الصيانة وتوافر قطع الغيار في السوق ومدة الضمان وعمر التكييف وهل هو heavy duty ولا شنكوتي ... كده يعني ..

فأرجو من اخواننا الخبراء إفادتنا في هذا الموضوع

[se_ Elsyed]

فعلى سبيل المثال لو إتكلمت عن ماركات التكييف الشهيرة وذات السمعة الطيبة في الخليج هانلاقي الأتي :

1- كاريير

2- متسوبيشي

3- توشيبا ( ويا سلام لو كل مكوناته كانت ياباني )

4- يورك

5- LG

6- هيتاشي

7- دايو

وييجي بقى بعد كده الماركات ذات الأسماء الخليجي اللي متجمعه هنا أساساً بس الفريم البلاستيك بس هو اللي صناعه محليه ;)

ظل سعر صرف الريال او الدولار ثابتاً لمدة كبيرة في مصر تقريباً يمكن لحد سنة 2002 او 2001 أي في بداية عصر الخراب المستعجل فكان ممكن الواحد يشتري الحاجات دي من هنا وحتى لو إتجمركت بيبقى سعرها أقل من الموجود في السوق المصرية وخاصة إن كان هناك بعض الماركات عليها ضمان دولي يعني الموضوع بيبقى مطمئن إلى حد كبير .. أما الآن فهو درب من الجنون إن الواحد ياخد معاه تكييف ولنفترض مثلاً لو كان ثمنه 3000 ريال ( يعني حوالي5000 ج ) وقول لو واحد مأمور جمرك إبن حلال يقدر جمركه بـ 1500 ج يبقى الإجمالي 6500 ج مع تركيب ووصلات وشحن وحركات يوصل له 7 باكو .. يبقى الأفضل أجيب واحد على كفالتي ويمشي ورايا بمروحه عشان يطري على قلبي .

[ragab2]

مكيف

ينيون اير مكيف محترم لشركة محترمة

جربت يونيون اير سبليت وشباك وشغالين ممتاز وخدمة الشركة ممتازة

لو لحجرة واحدة يكفى شباك 2,25 اثنين وربع حصان بما يعادل واحد طن ونصف على مقاسات الخليج وسعره حوالى ألفين وثمانمائة جنيها

ولو رسيبشن كبير ممكن اسبليت 4 أو خمسة حصان يساوى حوالى ستة آلاف جنيها

والشركة مشهورة ومعروفة فى مصر ولها مراكز للبيع والتوزيع تسمى شركة الفؤاد وبأسماء أخرى للتوزيع

ومنها فرع فى روكسى

وبالمناسبة

من أحسن المراوح فى مصر والتى جربتها أخيرا هى مراوح فريش حائطى الشبح أو الريموت كونترول وميزتها أن ريشتها بلاستيك لا تعمل صوت وخاصة فى حجرات النوم وتوشيبا ممتازة ولكن لها صوت أثر احتكاك الريش المعدنية بالهواء

ومبروك مقدما

[se_ Elsyed]

شكراً يا دكترة .. بس سبحان الله كنت قاعد مع واحد صديقي وفضل يشتم في بتوع يونيون أير وفي خدمتهم السيئة وقرأت عدة مرات شكاوى في بريد الأهرام على نفس الشركة ... وعلى فكرة شركة الفؤادية يمكلها سعودي بس الماركة دي مش منتشرة هنا .

أما عن موضوع المراوح .. فزمان ماكناش نعرف يعني إيه مكيف وكان كله شغال بالمراوح زي الحلاوة .. دلوقت في مصر لما تيجي تشغل المروحة تحس إن إنت بتهوي على ذره مشوي .. لأن الجو اختلف مع زيادة نسبة التلوث لحد بشع وزيادة عدد السيارات وعودامها وزيادة المكيفات اللي عماله تبُخ ولعه في الجو .

[M0rphus]

white westing house 2 1/4 horse power and it is for 3700 le contact Shams group . it is a good device with a very good price .

*MalcomX*

[حشيش]

عزيزى سى السيد

يبدو أن حظ أخونا العزيز د/ رجب مع مكيفات يونيون اير كان جيداً وهذا إستثناء للقاعدة...منذ عدة سنوات قامت والدتى بإستبدال أحد المكيفات القديمة بغرفة نوم أختى بجهاز يونيون إير شباك اتنين وربع حصان...بعد التركيب بيوم واحد فقط تعطل الريموت كنترول وأصبح الجهاز لا يعمل إلا عن طريق لوحة التحكم بالجهاز...إتصلت بالشركة طالبة تغيير المكيف بأخر فرفضت الشركة وأرسلت أحد الفنيين الذى قام بإستبدال لوحة إستقبال الريموت بالجهاز وتم حل المشكلة...بعد أسبوع واحد حدثت نفس المشكلة مرة أخرى وقامت والدتى بالإتصال بالشركة من جديد ولكن هذه المرة ادوها طناش خالص على الرغم من أن فترة الضمان التى تعطيها الشركة مع الجهاز هى خمسة سنوات كاملة...لكن مفهوم طبعاً إن شهادة الضمان دى تبلها وتشرب ميتها...أنصحك فى مصر ب Carrier أو LG ...سلام يا عسل

[se_ Elsyed]

شكراً للأخ مورفوس على نصيحته وسازور الشمس جروب وأشوف إيه اللي عندهم .

الاخ القائد المُفدى حشيش أتفق معاك في الرأي وكذا واحد حذرني من يونيون إير بتاع عطوه .. وعلى العموم أنا لقيت واسطه في شركة ساس وهايدوني تخفيض معقول .

[Abouhemeed]

تجربتي جيده مع يونيون إير .. جهازين 1.5 حصان حائطي و جهاز 4 حصان حائطي ..

تكييف ممتاز

صوت ضعيف

تايمر حديث

يعني ما فيش مشاكل .. ما شاء الله

[ragab2]

دلوقت في مصر لما تيجي تشغل المروحة تحس إن إنت بتهوي على ذره مشوي ..

وحتى

مع تشغيل المكيف فى مصر لابد من تشغيل مروحة لتقليب الهواء ودفعه نحوك حتى يبرد الذرة المشوى من قيظ الشارع وخاصة فى فترة الظهيرة وحتى لا تضطر الى تشغيل المكيف على درجة المروحة العالية أو الصوت العالى

بعد أسبوع واحد حدثت نفس المشكلة مرة أخرى وقامت والدتى بالإتصال بالشركة من جديد ولكن هذه المرة ادوها طناش خالص على الرغم من أن فترة الضمان التى تعطيها الشركة مع الجهاز هى خمسة سنوات

يظهر

العملية حظوظ مع يونيون اير

نفس الشيئ حدث مع أختى نصحتها بيونيون اير ولكن الجهاز لا يبرد التبريد الكافى والشركة مصممة أنه يبرد

وخاصة أنها مقيمة بالامارات وتستعمل جنرال اليكتريك ومكيف آخر يعرف بأبو حصان وكيله هو جمعة الماجد وهو نفسه جينرال اليكتريك

white westing house 2 1/4 horse power and it is for 3700 le contact Shams group . it is a good device with a very good price .

أعرف

مكيفات وثلاجات ويستنج هاوس الأمريكى

ولكنى لأول مرة أسمع عن هوايت ويستنج هاوس

المهم

أن تبتعد عن شركة يبدأ اسمها بحرف الباء p

قاسيت مرة عندهم عندما حجزت مكيف فى الصيف وعلمت أن الشركة ليس بها أجهزة كافية وستركب التكييف بعد اسبوعين وربما أكثر حين تتوفر الأجهزة ولكنها تكذب على الزبائن وتحجز وتعطى مواعيد فشنك وتعبت كثيرا فى استرداد ثمن المكيف

بالإضافة الى اكتشاف قطع غيار بمكيفات الشركة أقل من مستوى الجودة حسب تقرير الرقابة الصناعية والتى حررت للشركة قضية

[حشيش]

على فكرة شركة الفؤاد اللى هيا وكيل يونيون إير كانت واخدة قبل كده توكيل جهاز تكييف إسمه Trane وده جهاز ممتاز لو لسه موجود لديهم ده يكون أفضل بكثير من يونيون إير.تمنياتى لك بصيف بارد وتلم :rolleyes: