رأيي في قرار سحب القوات الفليبينية من العراق

[nashwa]

خواتى واخوانى ... صوتى النهارده لعلع على راديو BBC

http://news.bbc.co.uk/hi/arabic/programmes...000/3185853.stm

نقطة حوار الأثنين 1510 GMT وتعاد 2110 GMT

المالمشكله ان خرجت من النقاش ده مش قادره اقتنع ليه العراقيين معترضين على سحب الفلبين لجنودها .... لما هم بيعتبوا على صدام عدم اهتمامه بالفرد العراقى ... لما تيجى حكومه تدافع عن روح مواطن عادى يتهموهم بالخنوع للارهاب ... وكانهم منتظرين ان الجيوش الاخرى تضحى بافرادها حمايه لافراد شعب اخر

نقطه كمان المطالبه الجماعيه بعدم التدخل فى شئون العراق امال جيوش الاحتلال بتعمل ايه ... بيلعبوا كوتشينه على ضفاف الفرات ولاده لزوم الترفيه عن الشعب العراقى المكبوت فى حكم صدام ... هو غالا محتل لكل 1000 مواطن على بطاقه التموين

... مع احترامى وشكرى مره اخرى للشركه السعوديه!!!! ;)

[دكتور عادل الليثي]

إستمعت إلى مشاركتك على البي بي سي

طبعا عجبتني المشاركة .... وهي في رأيي تجمع بين العقل والعاطفة ...

أي بين منطق السياسة ومنطق الوطنية

لكن المفاجأة صوتك .. بالنسبة للتصور الذي يبنيه القارئ من كتاباتك

أقصد صوتك فيه رقة غير واضحة في كتابتك

[nashwa]

بجد!!!! cbyb:

دايما مظلومه ... حتى ياربى على النت .. مش كفايه الواقع

-------------

شكرا جزيلا الفاضل طه على الكلمتين الحلويين عن رايي المتواضع .. ربنا يجبر بخاطرك

:huh:

[دكتور عادل الليثي]

نشوى

عادة ما ينتاب الواحد الشك في بعض الذين يكتبون على النت

مثلا واحد متقمص إسم بنت ... لأهداف تسويقية ....

أو ناس بتعبر عن آراء لخلق حالة معينة ... لأهداف تهم مؤسسات تقف وراء هؤلاء ...

وامبارح انتابني هذا الشعور بخصوص الإسم نشوى ... أنها ربما ولد متخفي في إسم بنت

بعد ما قريت العنوان المثير

يا لهوييييييييييييييييي

عندما رأيت العنوان ... جه في دماغي على طول .. أن تكون شعنونة .. ربما بعثت من جديد .........

وجه كمان في دماغي ... صورة

واحدة فلاحة مصرية أصيلة .... أولادها مطفحينها الكوته .... أو الجاموسة بتاعتهم ماتت

وهي الآن قاعدة على الأرض ... ورابطة راسها ... ورافعة إيديها الاتنين لفوق ... مع ضم جميع الأصابع

فيما عدا إصبعي السبابة ... وتصرخ وتقول ..... يا لهوييييييييييي

وبعد ما فتحت الموضوع .... وقريته ... وعجبني ... قلت في نفسي ... هذا ولد .. مش عارف ليه

وأفاجأ اليوم بهذا الموضوع ...

فكنت متشوق لسماع الصوت وأتأكد ......

[nashwa]

Taha

مابحبش الكدب خالص .... non::

بعتبر الكدب جريمه تستحق العقاب فى القوانين البشريه ... كما هو الحال فى شرع ربنا العادل

وبصراحه عندى عقده بشنييييطه من الكدب ... ادنى انواع الخداع

-------------------

على فكره انا فلاحه مصريه من صعيد مصر الجوانى ... صعديه من ناحيه الاب وفلاحه من ناحيه الام ... وقاهريه المولد ... بس بحب من مصر كل الحاجات اللى الناس بيقولو عليها شعبى ... يعنى من الحاجات اللى مفتقداها موت كوز( الشاى اللى جدى (الله يرحمه) بيعمله على فروع الشجر الصغيره الجافه واحنا قاعدين على التراب (وحشانى ريحته برضه) فى الضليله وجدى يقطف عود نعناع من جنبه ولاغسيل ولاحاجه ويحطه فى الشاى قبل ماينزله من على الحطب ... واحلف بالله ان عمرى فى اى حته رحتها سواء فى مصر ولا بره مصر شربت شاى بالطعم ده والريحه دى ... واحيانا بتمنى يرجع العمر للحظات واشوف نفسى طفله شبرين بضفاير قاعده جنب جدى تحت الضليله ... واجرى اتشعبط على شجره الجوافه اللى كنت بقرقضها خضره ولا شجره التوت الابيض (جدى له واسع الرحمه كان زارعهم على اسمى)

يعنى ماتستغربش من طريقه كلامى .... يادوب حاجه كده زى مانت قلت فلاحه طافحه الكوته .... ولكن الاحسن عدم الاعتماد على الصوت ولاحتى الشكل .. مالهومش علاقه بالحشو

... مع حنينى

rs:

[Modest]

أنا سمعتك يا نشوىىىىىىىىىىىىىىىىىىىىىىىىىىى حتى بالأمارة من الدقيقة 35 و ثانية واحدة لغاية الدقيقة مش فاكر كام.

بالنسبة للصوت مش هاعلَّق عليه و إلا ها تُعتَبر معاكسة و هذا ضد قوانين الموقع mfb:

نرجع للجد.. اسمحي لي أشكرك على مداخلتك لإنها كانت في منتهى الواقعية و بعيدة عن اللهجة المتشنجة التي تعودنا عليها في البرامج الشبيهة .. لم أختلف معكي في أي كلمة قلتيها و كأنك تقولي ما أريد .... و أهنئك على سرعة بديهتك عندما سألتك المذيعة في وسط المداخلة فكان ردك رائعاً بالرغم أنه غير مُعَد مسبقاً non::

انصح باقي الأخوة هنا بسماع هذه المداخلة حتى يغيروا رأيهم فيكي rs:

[amir]

بس بصراحه

افحمك ابو محمد الشمرى !!

[nashwa]

قال Modest

(انصح باقي الأخوة هنا بسماع هذه المداخلة حتى يغيروا رأيهم فيكي )

يعنى ايه انت عملتلى فزززززع mfb:

على العموم شكرا على التاييد والتشجيع non::

-----------

قال Amir

(افحمك ابو محمد الشمرى !!)

مين الشمرى ده اللى افحمنى

... مع محبتى للجميع

rs:

[amir]

-----------

قال Amir

(افحمك ابو محمد الشمرى !!)

مين الشمرى ده اللى افحمنى

non::

ما هو المشكله ان الخط انقطع و ما عرفتش قال ايه !!

fsh::