وحشنــــي بقلم : أحمد بدوي

[ahmed hammad]

وحشني كلامك وشعرك وبوحك

وقولك قوالة في وصفي وحالي

وحشني اشوفك وحس بوجودك

وشم راحتك ماليا المكان

وحشني يا غالي المس ايديك

نظرة عيونك تاخدني لبعيد

وحشني تاخدني في حضنك تنسيني حالي

وحشني اسمع دقة قلوبنا ...بتعزف بلحن الخلود

وحشني اعيش وياك ولو ليلة

احس انا عشت عمري كله معاك

وحشني تواضعك وادبك وذوقك

وحشني شقوتك ودلعك جنونك

وحشني فضولك وخوفك عليا

وغيرتك من كل اللي حوليا

وحشني رسايلك وكلمة بحبك في اخر الرسايل

وحشني كلمنا لحد ما نسمع عصفورنا يزقزق

وحشني اما انام اشوفك في حلمي

مفرقكش ابدا في يومي ونومي

اصلك بتوحشني قبل ما فرقك

اصلي بحبك بحبك بحبك