إلي الأخوة المصريين بأبوظبي و الموجودين بدولة الإمارات عموما

[megaomda]

السلام عليكم ورحمة الله وبركاتة

أول مشاركة ليه في هذا المنتدي الرائع وأطلب منكم النصيحة بما أنكم متواجدون بأبو ظبي وأتمني انكم تعطوني النصيحة

أنا أعمل بالكويت مبرمج كمبيوتر و الشركة طلبت تحويلي الي فرعها بأبوظبي براتب حوالي 8500 درهم مع بدل سكن سنوي حوالي 40 ألف درهم فهل هذا العرض جيد أم لا مع العلم أني متزوج وأخطط لان أحضر زوجتي معي ولا يوجد أطفال فأرجو منكم النصيحة مع الشكر

[Rosea]

هو انا كمان كان عندى نفس السؤال عن السكن بالذات بس اتقالى ان البدل ده ميكفيش حتى ستوديو مش شقه فى ابوظبى ...فبيتهيألى حاول تفاوض على السكن بمعنى انهم يوفروا السكن اللى هو مشكلة المشاكل فى ابوظبى

[لماضة مصرية جدا]

السلام عليكم و رحمة الله و بركاته

اذا كان بدل السكن اللي حضرتك ذكرته علي حدود قراءتي لاسعار العقارات و النزول في الاسعار ممكن بتلاقي شقة غرفة و صالة و ممكن بتلاقي استديو بس هتبقي في اماكن بعيدة شوية

معظم قاطني ابو ظبي كده

عندك حاجة اسمها المشرف...الكرامة.....مدينة زايد

فيها حاجات كويسة

و ده هيتطلب ان يكون مع حضرتك سيارة عشان سهولة الحركة

استاذة rosea

ضرتك لو ساكنة في ابو ظبي فيه استديوهات كويسة هتلاقيها في معسكر آل نهيان....اللي هو شارع الدفاع

و دلوقتي اسعار العقارات في النازل و متوقع انها تنزل تاني

بتقري الوسيط...فيه حاجات ممتازة

استاذنا صلي استخارة و ربنا ييسر لحضرتك الحال

لو نصيحة يا ريت تتفاوض في الراتب....و تكون واضح في سياسة الساعات الزيادة

الجزء الايجابي انه فيه قانون دلوقتي هيتطبق ان منحقك تسيب الكفيل بتاعك و تنقل علي اي كفيل تاني بدون اي مشاكل من الكفيل الاولاني

يعني هتكون حر الحركة....و ربنا ييسر لحضرتك الامور و تنورنا قريب

[megaomda]

أشكرك استاذه rosea علي تفاعلك وعلي النصيحة

أشكرك أستاذ/ أستاذه لماضة علي تفاعلك وشاكر ليك /ليكي اهتمامك