اذهب إلى المحتوى
محاورات المصريين

المجد لله في العلى و على الارض السلام وفي الناس المسرة

كامل الجمل

بواسطة كامل الجمل
في باب الإجتماعيات

 مشاركة

Recommended Posts

fatfouta عضو جديد

fatfouta

بتاريخ:
بتاريخ: (معدل)
كل سنة وانتم طيبين - حقيقي كل يوم بيعدى بتثبتوا ان معدنكم اصيل اوى اوى اوى

وانا لأ يا غوبة؟؟

كل سنة وانتوا طيبين يا حبيبتى وربنا يفرحنا دايما يارب

ويارب الدنيا تمطر عليكم بكرة ان شاء الله وتجيب معاها الخير :clappingrose:

تم تعديل بواسطة fatfouta
رابط هذا التعليق
شارك
  • الردود 72
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

المشاركات الأكثر تفاعلاً

عبير يونس
عبير يونس

اسمحلي اعترض و اعترض و اعترض مش من حقك تسيبنا حقنا عليك انك تفضل وسطينا جرد ايه و تقييم ايه؟؟ اوعى اوعى تنبش في ساعة مضت خللي اللي خلص يخلص و متفكرش فيه تاني حداد ايه؟؟ هو احنا منعرفش نعيش من

jasmin hamed
jasmin hamed

مقتبس من رحلة المجوس للشاعر ت س اليوت أسلكنا كل ذاك الطريق ) من أجل "الميلاد" أم "الموت" ؟ لقد كان ثمّ ميلاد ولا ريب وقد شهدنا الآية وما شككنا. لقد رأيت مولداً وموتاً من قبل. ولكنني

Salwa
Salwa

كل سنة وكل المصريين طيبين . وكل عيد غطاس وانتم بخير. وانا صغيرة قوى قوى كنت فاكرة ان لازم ف عيد الغطاس نروح على البحر . وكنت اقابل اصحابى ونلبس احلى ما عندنا و (( نطير نروح البحر )) بلهجتنا يعنى .

se_ Elsyed عضو جديد

se_ Elsyed

بتاريخ:
بتاريخ:
مش عارف ليه مش بأقبل أي مداخلة بإسم " كامل الجمل " .. ومش بأستطعم غير مداخلات " سكوربيون " ... هو كده ومن غير سبب

كل سنة ومصر كلها بخير

فكل يوم يعدي علينا بسلام فهو عيد للجميع مسيحيين ومسلمين برغم حقد الحاقدين الجاهلين ....

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
اغابي عضو جديد

اغابي

بتاريخ:
بتاريخ:

كل سنة وانتم طيبين - حقيقي كل يوم بيعدى بتثبتوا ان معدنكم اصيل اوى اوى اوى

وانا لأ يا غوبة؟؟

كل سنة وانتوا طيبين يا حبيبتى وربنا يفرحنا دايما يارب

ويارب الدنيا تمطر عليكم بكرة ان شاء الله وتجيب معاها الخير :clappingrose:

لا صدقيني يا فتفوتة - انت عارفة انا بحبك اوى

وفرحت برجوعك عقبال ما جاسمين حامد ربنا يهديها وتستقر معانا زى زمان كدا انا بحبكم اوى

انت عارفة يا فتفوتة ان لغة المحبة هى اللغة الوحيدة اللى مش محتاجة لاى واسطة او ترجمة من القلب للقلب مرة واحدة كدا اهو

كل سنة وكلنا طيبين

بجد بجد انا بحبك اوى

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك
اغابي عضو جديد

اغابي

بتاريخ:
بتاريخ:
مش عارف ليه مش بأقبل أي مداخلة بإسم " كامل الجمل " .. ومش بأستطعم غير مداخلات " سكوربيون " ... هو كده ومن غير سبب

كل سنة ومصر كلها بخير

فكل يوم يعدي علينا بسلام فهو عيد للجميع مسيحيين ومسلمين برغم حقد الحاقدين الجاهلين ....

استاذى س س

يارب يخليك انت كمان افتكرتنا - كل سنة وانت طيب -

ابن حلال - قريبنا - دايما يا استاذ س س - بشوف فيك القرايب والاهل والجيران والاصدقاء وكانى شفتك كتير قبل كدا وكانك واحد من عيلتى

بشوف فيك مصر كلها يا استاذ س س صدقنى - ربنا يحميك

خد دى

:give_rose:

نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط

نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم

فرسـان العالـم الحقيقيـون . . هــم شعــوب الارض

رابط هذا التعليق
شارك
ozoozo عضو جديد

ozoozo

بتاريخ:
بتاريخ:

فين القلقاس والقصب ياولاد بكره عيد الغطاس jmb-)

كل سنه وانتم طيبين

و انت طيب يا راجل يا عسل .....

نسمة هوا في يوم حر ... كوم خشب مولع جوا قروانة و ناس حواليها بيتدفوا في يوم برد ...

ده تأثير السطرين اللي كتبتهم دول ...

ozoozo العزيز ...

للأسف هنا ماعنديش لا قصب و لا قلقاس ... و لا حتي يعرفوا يعني ايه قلقاس ولاد ماريكا ...

فين ايام القلقاس و زعازيع القصب ...

كل اللي حيلتي زمزمية أمل ...

لأ مش دي

كل اللي حيلتي دلوقتي الأيقونة دي hg)::

أقبلها مني بكل صدق ....

ياه انا فاكر زمان كنت في خمسه ابتدائي وكنت قضيت اجازه نص السنه في الصعيد عندنا في الغنايم -اسيوط

وتصادف معاها عيد الغطاس وفاكر لما روحنا السوق عشان نشتري لبشه قصب بتلاته جنيه وكانت اللبشه دي فيها اعواد كتير اوي مش فاكر كام عود

وكانت الدنيا بتليل علي الساعه 7 وماكانش فيه كهرباء وكنا نولع البوص ده عشان ندفي بيه وريحه البوص المحروق مالي المكان مختلط بريحه اللمبه الجاز والواحد مستفرد بلبشه القصب ومش راحمها

حد هنا من الصعيد

ياتري فاكرين المسلمين كانو بيحتفلوا ازاي مع النصاري -بلغه اهل اصعيد- باعيادهم وازاي العكس كان بيحصل وتلاقي المسيحيين بيخبزوا هما كمان في العيد الصغير

ياتري الحاجات دي لسه موجوده:sad:

بس الله يخليكم بلاش مطره احسن بقالنا يومين غرقانين ومن امبارح ماشوفتش الشمس خالص من الغيوم اللي في السما

:clappingrose:

رابط هذا التعليق
شارك
لونا عضو جديد

لونا

بتاريخ:
بتاريخ:

كل عام و جميع المصريين بخير و بأمان يا رب

ربنا آتنا في الدنيا حسنة .. و في الآخرة حسنة .. و قنا عذاب النار

.. يا رب ..

احفظ مصر و المصريين

رابط هذا التعليق
شارك
om marawan عضو جديد

om marawan

بتاريخ:
بتاريخ:

عيييييييييد سعييييييد لكل اهلنا وحبايبنا داخل المحاورات وعلى السادة المقيمين خارجها مراعاة انهم ييجوا يعيدوا برضه فى بيت العيلة

كل سنة وانتم طيبين واحنا متجمعين فى حب أحلى بلد فى الدنياودايما معيدين

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك
Salwa عضو جديد

Salwa

بتاريخ:
بتاريخ:

كل سنة وكل المصريين طيبين .

وكل عيد غطاس وانتم بخير.

وانا صغيرة قوى قوى كنت فاكرة ان لازم ف عيد الغطاس نروح على البحر .

وكنت اقابل اصحابى ونلبس احلى ما عندنا و (( نطير نروح البحر )) بلهجتنا يعنى ..

من كتر ما كنا ف اى مناسبة بنروح على البحر ارتبط ف ذهنى برضه عيد الغطاس بالبحر ..

ليه بقى ؟؟؟

زمان يعنى ...

ف اى عيد...سواء كان عيد للمسلمين او المسيحيين ...لابد تلاقوا اطفال اسكندرية كلهم لابسين بقى ملابس جديدة ...,ماشيين على البحر .

يناير فبراير مارس ابريل مش مشكلة ..والمهم؟؟؟

الناس تنطلق وتفرح .

القلقاس ؟؟؟ والقصب...

اظن ان كل البيوت كانت ف عيد الغطاس بتطبخ قلقاس...

اظن ايه؟؟؟ لالالالا ما اظنش .........هو مش ظن...

اقصد اقول ده شئ مؤكد .....والقصب؟؟؟

القصب بقى عندنا زمان...كانوا (( بيشيكوه )) ...آه والله.

كان فيه عندنا بقى كام (( عم محمد وعم فانوس ...وكام عم ف المنطقة ))....يبيعوا القصب زى ما قال اخونا اوزوزو....لبشة قصب ...بس بقى كانوا ((( اذكياء قوى ...بجدددد))) .يربطوا اللبشة بشريط ..

كأنه زى الزعف لما كان بيتباع ..

الصراحة كان فيه جو تانى خاالص .

هى مرة واحدة اللى سألت فيها أمى الله يرحمها لما شفت الناس بتعوم ف اليوم ده..قلت لها ..

ماما الدنيا سقعة هو احنا كمان لازم نغطس ؟؟؟

وطبعاااا امى ضحكت .

كل عام واحنا كلنا بخير ... :clappingrose: :clappingrose: :clappingrose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
ريمون عضو جديد

ريمون

بتاريخ:
بتاريخ:

كل سنه و مصر بخير و احنا كلنا بخير

و الف شكر لكل اللى عَيّد :)

واكيد فيه جيل أوصافه غير نفس الاوصاف

إن شاف يوعى وإن وعي ما يخاف

http://www.youtube.com/watch?v=-ngd0DARowQ

رابط هذا التعليق
شارك
أبو محمد عضو جديد

أبو محمد

بتاريخ:
بتاريخ:

كل سنة واحنا كلنا "طيبين" ..

المرة الأولى والأخيرة اللى أكلت فيها قلقاس بالصلصة الحمرا كانت فى عيد الغطاس سنة 72 ..

كنا فى الجيش .. قبل عيد الغطاس بيومين كان التعيين قلقاس ..

طلعنا فاصوليا ناشفة من المخزن .. وحوشنا القلقاس ليوم الغطاس .. طبعا مفيش سلق اخضر علشان نعمل حلة قلقاس على قدنا فى ميس الضباط .. كان كل ضابط بيدفع مبلغ أول الشهر .. المبلغ ده إسمه "تحسين" .. بس برضه وبرغم الأستاذ "تحسين" مقدرناش نجيب سلق لأننا فى الوقت ده كنا فى مرسى مطروح وعسكرى الميس ما لقاش سلق اخضر

وأكلت القلقاس ابو صلصة حمرا .. ما عجبنيش .. ما بقتش عارف باكل قلقاس ولا بطاطس .. بس كنت عارف اننا فى عيد الغطاس ومعانا الملازم أول شاكر والملازم أول وجيه والنقيب ميلاد ...و....... بنحتفل بعيد الغطاس

والكل قال للكل .. كل سنة وانتم طيبين

نحن فى حالة حرب لم يخض جيشنا مثلها من قبل
فى الحروب السابقة كانت الجبهة الداخلية مصطفة
تساند جيشها
الآن الجيش يحارب الإرهاب وهناك من يطعنه فى ظهره
فى الحروب لا توجد معارضة .. يوجد خونة
تحيا مصر
*********************************
إقرأ فى غير خضـوع
وفكر فى غير غـرور
واقتنع فى غير تعصب
وحين تكون لك كلمة ، واجه الدنيا بكلمتك

رابط هذا التعليق
شارك
fatfouta عضو جديد

fatfouta

بتاريخ:
بتاريخ:

ماما سلوى وابويا الغالى ابو محمد :wub:

بجد مدخلاتكم وكلامكم الجميل اسعدنا جدااا ودخل علينا جو منا الحب والذكريات الجميلة وده بيأكد ان كلنا واحد وكل اعيادنا سواء مسيحيين و مسلمين.....فهى اعيادنا كلنا

وكل سنة وانت طيب يا سكوب يا غالى :clappingrose:

كل سنة ومصر بخير ياااااارب :wub: :wub:

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

فين القلقاس والقصب ياولاد بكره عيد الغطاس jmb-)

كل سنه وانتم طيبين

ياترى مين دول؟

أوعى يكونوا أعضاء فى تنظيم القاعدة علشان كده ممنوعين من دخول أمريكا !!!

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

كل سنة و و احنا طيبين

و في القلقاس و القصب غطسانين

:cheer:

انا برضه زي حضرتك يا ماما سلوى كنت فكرة ان في عيد الغطاس بنغطس

:blush2:

أعد شحن طاقتك

حدد وجهتك

و اطلق قواك

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

كل سنة و و احنا طيبين

و في القلقاس و القصب غطسانين

:cheer:

انا برضه زي حضرتك يا ماما سلوى كنت فكرة ان في عيد الغطاس بنغطس:blush2:

ده حقيقى

فى الأرياف كانوا بيغطسوا فى مياه الترع

وفى المدن دش بارد

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
باهى الطائر الحزين عضو جديد

باهى الطائر الحزين

بتاريخ:
بتاريخ:

عيد مجيد

عام سعيد

وانى افضل ان نقول لبعضنا

حب جديد

وكالريح لا يركن إلي جهه

إلا وهيأ لأخري راحله ...

 

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله..

كل سنة واحنا طيبين

وفى الخير وعلى الخير دايما متجمعين

بس ايه موضوع القلقاس والقصب ده؟

اول مرة اسمعه الحقيقة...

ربنا يديم المحبة ونزداد ترابط

:give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Scorpion عضو جديد

Scorpion

بتاريخ:
بتاريخ:

السلام عليكم ورحمة الله..

كل سنة واحنا طيبين

وفى الخير وعلى الخير دايما متجمعين

بس ايه موضوع القلقاس والقصب ده؟

اول مرة اسمعه الحقيقة...

ربنا يديم المحبة ونزداد ترابط

:give_rose:

يا رب يا اختي يا رب ...

( وش الدكتور شديد و هو بيشم النشوق )

انما بجد ما تعرفيش موضوع القلقاس و القصب ده ... طب القلقاس و عادي ممكن ما يتشافش لأنه بيتطبخ في البيوت .. لكن القصب .. القصب يا ست الكل ... ده مافيش فيكي حارة يا مصر اليومين دول اللا و تلاقي ولاد عمنا نازلين من الصعيد بلوري قصب و فارشين .. و عاملين كل 10 قصبات لبشة و بيع يا عم ...

عالعموم دول حاجات مرتبطين بعيد الغطاس في الوجدان المصري المسيحي بوجه خاص و الوجدان الشعبي بوجه عام .. زي الكنافة و القطايف في رمضان كده يعني ...

سكتكم خضرة بلون سلق القلقاس ... و صباحكم حلو حلاوة قصب السكر

( حقوق الطبع محفوظة للماضة )

كل اللي حيلتي زمزمية أمل... و إزاي تكفيني لباب القبر


"صلاح جاهين"


رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

طب وحياة رحمة الخواجة ينى...ما اعرف ايه موضوع القلقاس والقصب...

لكن على الجانب الاخر..اعرف طبعا قلقاس افندى..وقصب بك السكر

وهل يخفى القمر...

حتى بالامارة دواك قصب ..وداهواك قلقاس... شفت بقى انى خبرانة وفاهمة...:)

mothhelah-80f8ffee1b.jpg

yun_3311.jpg

القلقاس باطبخه عادى جدا..بس بالسلق

والقصب..ايييييه...كانت ايام بقى...لما كان فيه أسنان ممكن تقشر ..بأتناوله محاليل دوئتى...

بس ما اعرفش بجد ليه مرتبطين بعيد الغطاس...تقاليد يعنى ولا له اساس دينى... كان هذا هو السؤال

ويومك أخضر بلون السلق والكزبرة الخضرا ..ومسكر زى القصب المقشر والمعصور بحيث ماتبذلش اى جهد يعنى...

:give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
Salwa عضو جديد

Salwa

بتاريخ:
بتاريخ:

السلام عليكم ورحمة الله...

طب وحياة رحمة الخواجة ينى...ما اعرف ايه موضوع القلقاس والقصب...

لكن على الجانب الاخر..اعرف طبعا قلقاس افندى..وقصب بك السكر

وهل يخفى القمر...

حتى بالامارة دواك قصب ..وداهواك قلقاس... شفت بقى انى خبرانة وفاهمة...:)

mothhelah-80f8ffee1b.jpg

yun_3311.jpg

القلقاس باطبخه عادى جدا..بس بالسلق

والقصب..ايييييه...كانت ايام بقى...لما كان فيه أسنان ممكن تقشر ..بأتناوله محاليل دوئتى...

بس ما اعرفش بجد ليه مرتبطين بعيد الغطاس...تقاليد يعنى ولا له اساس دينى... كان هذا هو السؤال

ويومك أخضر بلون السلق والكزبرة الخضرا ..ومسكر زى القصب المقشر والمعصور بحيث ماتبذلش اى جهد يعنى...

:give_rose:

الأخت الفاضلة فولانة .

سوف اجيب على اسئلة حضرتك على قد معرفتى يعنى ..

فيه عندنا ف مصر مثل بيتردد كتير ف اليوم ده بيقول ايه؟؟

بيقول ....اللى مياكلش ف عيد الغطاس قلقاس يصبح جثة بلا راس .

وفيه بقى روايات ممكن الأخوة الأقباط يقولوها لك بالتفصيل بس انا سوف اختصر لك الحكايات ..

يعنى القلقاس رمز......لأن فيه مادة لزجة وهى القلس وهى مادة سامة وهى ممتزجة ايضا بفيتامين سى ..

وعلشان كدة بيتم غسل القلقاس بالمياه الكثيرة جدااا حتى تزول هذه المادة ..

وده بقى الرهبان اعتبروه رمز للمعمودية ...

وكمان لأن اوراق القلقاس بتبان على الأرض يعنى بتبقى القلقاس مدفون جوة بس الزرع واضح للعيان ..وقالوا ده دليل يعنى على الحياة وكدة والخضار رمز حلو ..

اما القصب...

فهو بيعبر عن حلاوة قلب المؤمن(( برضه ممكن الأخوة يوضحوا اكتر )) واما العقل اللى ف القصب بتعبر عن مراحل حياة الانسان او درجات ايمانه..

يعنى يبدا شوية شوية لحد ما يرتفع بدرجة ايمانه ويبقى قلبه ف نقاء قلب القصب الأبيض..

اللى بطعم السكر ويزداد حلاوة ..

اى خدمة ...

اختك سلوى .....(( متخصصة ف البحث والتقصى فى تذوق القلقاس والقصب و.... وتذوق الماء .يعنى المياه.....بجددد..تعرفى ان فيه ناس متخصصة فعلا فى تذوق المياه؟؟؟ وبيقبضوا مبلغ وقدره يعنى ؟؟؟))

مساء الخير... :clappingrose: :clappingrose:

(وَمَنْ يَقْتُلْ مُؤْمِناً مُتَعَمِّداً فَجَزَاؤُهُ جَهَنَّمُ خَالِداً فِيهَا وَغَضِبَ اللَّهُ عَلَيْهِ وَلَعَنَهُ وَأَعَدَّ لَهُ عَذَاباً عَظِيماً)

[النساء : 93]

رابط هذا التعليق
شارك
om marawan عضو جديد

om marawan

بتاريخ:
بتاريخ:

السلام عليكم ورحمة الله..

كل سنة واحنا طيبين

وفى الخير وعلى الخير دايما متجمعين

بس ايه موضوع القلقاس والقصب ده؟

اول مرة اسمعه الحقيقة...

ربنا يديم المحبة ونزداد ترابط

:give_rose:

يا رب يا اختي يا رب ...

( وش الدكتور شديد و هو بيشم النشوق )

انما بجد ما تعرفيش موضوع القلقاس و القصب ده ... طب القلقاس و عادي ممكن ما يتشافش لأنه بيتطبخ في البيوت .. لكن القصب .. القصب يا ست الكل ... ده مافيش فيكي حارة يا مصر اليومين دول اللا و تلاقي ولاد عمنا نازلين من الصعيد بلوري قصب و فارشين .. و عاملين كل 10 قصبات لبشة و بيع يا عم ...

عالعموم دول حاجات مرتبطين بعيد الغطاس في الوجدان المصري المسيحي بوجه خاص و الوجدان الشعبي بوجه عام .. زي الكنافة و القطايف في رمضان كده يعني ...

سكتكم خضرة بلون سلق القلقاس ... و صباحكم حلو حلاوة قصب السكر

( حقوق الطبع محفوظة للماضة )

انا شفت فى اسوان واحنا راجعين من السد العالي مشهد مايتنسيش

وكل مايبقا نفسي فى القصب افتكره :closedeyes:

وقفنا نستنا عند مزلقان القطر بأتوبيس الرحلة

ولقينا قطر محمل قصب

انا عديت يمكن لحد 20 او 25 عربية

عمار يامصر :waving:

يا بخت من يقدر يقول

واللي ف ضميره يطلَّعه

يا بخت من يقدر يفضفض بالكلام

وكل واحد يسمعه

يقف في وسط الناس ويصرخ : آه يا ناس

ولا ملام

ييجى الطبيب يحكي له ع اللي بيوجعه

يكشف مكان الجرح ويحط الدوا

ولو انكوى

يقدر ينوح

وأنا اللي مليان بالجروح

ما اقدرش أقول

ما اقدرش أبوح

والسهم يسكن صدري ماقدرش أنزعه

صلاح جاهين

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...