ضحية جديدة لتعذيب الشرطة بالأسكندرية

[mekkawy]

أخويا الكبير عبد المطلب

بص أنا عاوز أقول الجملة دي بالظبط

أن السلفيين ليست لهم أي صلة للجماعات الجهادية التي انتشرت فى التسعينيات، بالاضافة الى ادانة التيار السلفي لحادث الاسكندرية والتنديد به، على حد قول المتظاهرين.

فليه أول ما تحصل حاجة يدور الضرب في الناس الغلابة دول

مسألة الأمور في نصابها .. و الله يا أخي أتمنى كل الأمور تكون في نصابها ولا يأخذ أي حادث في بلدنا لا أكثر ولا أقل من حجمه.

متفقين؟

مكاوى

[capitshino]

ربما نحن بصدد ضابط تجاوز في استخدام سلطاته أثناء التحقيق في حادثة مروعة تهدد أمن مصر

إلى حين سماع وجهة نظر الطرف الآخر أضع بينكم الحقائق التالية من الأخبار المتواترة من الصحف والمواقع الإخبارية:

اذا كان حضرتك تقصد "بانتظار وجهة نظر الطرف الاهر" . فاحب ان اقولها لك من دلوقتى

الوفاة نتيجة هبوط حاد فى الدورة الدموية

[م تيمور المراغي]

يا جهاز خيبة الدوله

انت يا جهاز انت

اجهزت على مين بس السنه دي على مين ؟

اجهزت على المصريين ؟

ولا اجهزت على فرحت بنت عمرها اقل من سنتين

البنت دي كانت بتحب بابا اوي و كانت كل ماتشوفه تبتسم

راحت الابتسامه يا بنتي وراح بابا خلاص

عذبوه و علقوه وضربوه لحد مامات

وهو بيموت يا بنتي كن بيفكر فيكي

نطق باسمك وقال يارب ,, يارب يحميكي بقية عمرك ماهو مين اللي حيحميكي؟

مات اللي بيحبك وبيبوسك وانتي نايمه خلاص

حتنامي ازاي من غيره بس

,,,,

حبقى اقول لك انه سافر

وحيجي بكره من السفر ماتخافيش

دي مش دموع يا بنتي لا

بس انا اللي عيني وجعاني شويه ماتقلقيش ,,

[abaomar]

انا مستغرب و مش عارف ليه محدش لاقي حاجة يكتبها .. مع ان ما شاء الله كلنا لقينا حاجات كتير نكتبها في كل المواضيع اللي على الساحة ولا عشان سيد غلبان؟!!

الحقيقة اصبت برعشة شديدة لما حطيت نفسي مكان سيد بلال

أصل انا من الناس اللي بيقولوا عليهم متشددين متطرفين وحشين .. و عندي لحية و بأروح المسجد و بأحضر دروس و حاجات من اللي كان بيعملها سيد

اترعبت لما رسمت زي ما قلتلكم قبل كدة في موضوع البحر .. رسمت فلاش باك مستقبلي لنفسي لو أنا مكان سيد

اترعبت لما شفت حزن أمي و أبويا على شبابي و على تعذيبي ... حتى الموتة ما عرفتش أموتها في هدوء

اترعبت لما فكرت في بنتي اللي عمرها مقارب لعمر ابن سيد .. سنة و نص .. و اللي هتتربى بدون أب

اترعبت على زوجتي اللي مش بس اترملت و هتعيش من غير زوج .. لأ دي كمان ممكن تعيش مطاردة من الأمن و قد يطلعوها شريكتي .. في ايه أنا مش عارف؟!!

اترعبت على كل الشباب الملتزم اللي هيخاف و يترعب من اللي حصلي و من اللي مش هيخاف و ممكن يحصله زي ما حصلي

اترعبت على مصر .. مصر اللي خلاص بتقتل في ولادها بدون تمييز .. اسف يا مصر .. بحبك و الله .. نظام مصر اللي بيقتل فينا بدون تمييز

امبارح كان في لقاء محاوراتي صغنتوت كدة .. قلت للشباب و الله قلبي واكلني على مصر و واجعني ..

و أنا في مصر كنت عايش و السلام أنا في دنيا و مصر في دنيا .. شغلي و حياتي و سفرياتي و أهي ماشية .. لما جيت هنا و شفت مصر و اللي بيحصل في مصر .. لما بصيت عليها من برة .. اااااه يا بلدي

و الله العظيم عرفت قد ايه هي غالية و قد ايه صعبانة عليا و قد ايه قلوبنا واجعانا عشانها

و الله بنحبك يا بلدنا .. بس بنحبك حضن دافي يضم ولاده

و الله بنحبك يا بلدنا .. بس بنحبك أمان و ملجأ لولادك

و الله بنحبك يا بلدنا .. بس بنحبك تلمينا مش تفرقينا و تقطعينا

و الله بنحبك يا بلدنا .. بس بنحبك نضيفة خالصة لينا مش لناس يدبحوا فينا

ربنا يرحمك يا سيد و يرحمنا معاك و يرحم سيد زيك كتييييييير ما عرفناش ولا هنعرف عنهم حاجة!!

مكاوى .. سيبها على الله

الله يسامحك يا مكاوى ..........قل أمين

[جسار]

قبل أن نعزى أسرة الفقيد / سيد بلال رحمه الله ، نعزى أنفسنا كشعب مصر والذى أرتضى

على نفسه الذل والهوان على يد عصابة تقبض على البلد من ثلاثون عاما لايردعهم ضمير ولايرتعش

لهم جفن حينما تسقط الضحايا بين أيديهم يفتكون بها كالضوارى المتوحشة ، لا دين و لا أخلاق ولا أى حاجة

تردعهم . حدثت عملية تفجير رأس السنة أمام الكنيسة وبعدها السيناريو محفوظ ، الرياسة تتصل بوزير

الداخلية ويتم توبيخه وكلمتين من اللى متنقيين من قاموس الكلمات المؤدبة جدا وتهديدات بعزله ... ألخ

وبالطبع سيادته بعد ما يسمع الكلمتين وياخدهم فى جنابه يقوم هو بدوره ومايتوصاش قايل قدهم عشر مرات

لقيادات الأمن ورئيس مباحث امن الدولة ومدير أمن الأسكندرية وضباطه ...ألخ مع أضافات من قاموس ضباط

الداخلية المعروف ... وهكذا يستمر تدرج الهرم القيادى حتى يصل الى أصغر رتبة فى المباحث ويمكن المخبرين

والجميع بداية من الوزير وحتى الخفير يرد دائما بكلمة واحدة معروفة سلفا وهى : تمام سعادتك أن شاء الله

فى خلال 48 ساعة حيكون المتهين أدام سعادتك يا افندم وخلاص دوره ينتهى ويرميها الى من فى الأسفل

وطبعا صغار الضباط بعد ما يسمعوا سيل الشتائم والتهديدات بنقلهم الى حدود السودان أو الى واحة سيوة

يقوموا ضاربين أيديهم فى دولاب الملفات بتاعة النشاط الدينى وحسب ما يقع تحت صباعه التخين أى شخص

او مجموعة أشخاص تعيسى الحظ وكان تم أعتقالهم من قبل ، وقوام هاته من بيته وبسرعة

وعلشان الوقت ضيق والمهلة المعطاة قصيرة والمشتبه به معاند ومش عايز يعترف ويقر ويلبس التهمة

ونخلص بقى من تليفونات الرياسة يقوموا مزودين جرعة التعذيب وقوامك يعلقوه ويكهربوا جسمه مرات

عديدة وفجأة يلاقوا الراجل المسكين فرفر منهم وقطع النفس ... طيب يعملوا أيه فى المصيبة دى

نخلص منها ياباشا ونرميه عند أقرب مستشفى و اقاربه ييجوا ياخدوه ويدفنوه وخلى حد فيهم يفتح

بقه.... وخلاص وكأن الذى مات غيلة وقتل على أيديهم لم يكن انسانا من لحم ودم وله عائلةوولد صغير

مش مهم البشر كتير وما حدش بيحاسبنا وأمن الوطن اهم من امن المواطن وده موضوع كبير عليكم ما

تفهموش فيه حاجة ده امن دولة عليا والسلام ....

[mekkawy]

الله يسامحك يا مكاوى ..........قل أمين

آمين يا يا رب .. بس قولي هو انا عملت حاجة بالله وحشة؟

[pink rose]

ذنبه ايه الطفل دا انه يتيتم بدري بدري كده

[abaomar]

السلام عليكم

الاخوه الكرام جزاكم الله خيرا

.

يا اخ عبد المطلب امرك غريب و كلامك أغرب

ربما نحن بصدد ضابط تجاوز في استخدام سلطاته أثناء التحقيق في حادثة مروعة تهدد أمن مصر

هكذا بكل بساطه إزهاق ارواح البشر ..تجاوز ..

سيد بلال سبق اعتقاله قبل ذلك، إذا هذه ليست أول مرة اعتقال

و كيف حكمت بادانته بسبب تكرار اعتقاله الا تعلم ان هناك قانون طوارئ و الاعتقال للاشتباه

من ابجدياته ثم انه لو مدان ما خرج من الاعتقال يا عبد المطلب

الحوادث الفردية تظل في إطارها

نعم ؟؟

حوادث فرديه ؟؟!!! :blink:

سمعت عن خالد سعيد يا عبد المطلب

سمعت عن احمد شعبان اللى مات فى قسم ثان سيدى جابر

كل دول و غيرهم الكثير ..حوادث فرديه برضه يا... عبد المطلب ... :angry:

[abaomar]

الله يسامحك يا مكاوى ..........قل أمين

آمين يا يا رب .. بس قولي هو انا عملت حاجة بالله وحشة؟

ايوه يا اخى

تعبتلى قلبى

فكرتنى باللى احاول اهرب منه فى مصر

إحساس الخوف و الرعب و انت فى بلدك وسط اهلك من موقف مثل موقف سيد الله يرحمه

فكرتنى باللى شفته بعينى ما حدش حكالى عن زوار الفجر و الذين اعتقلوا احد اقاربى للاشتباه

و كان بريئا و خرج بعد 72 يوم بعد قضاء الواجب معه فى لاظوغلى و طره ..فقط للاشتباه

فكرتنى بواحد الله وحده يعلم ما هو مصيره الان و لا انساه ما حييت

هذا الرجل كان يختبرنى بان افتح المصحف و اقرأ له اى ايه من القرأن

!!فيقول لى فى اى سطر هى و رقم الصفحه ..هذا كان ارهابيا

و اشياء اخرى اغالب نفسى على تذكرها فتحت بابها انت على بكلامك

و الان اغالب دموعى و انا اكتب لك ثانيه الله يسامحك

رحمه الله على سيد بلال و على كل من ابتلى مثله .

حسبى الله و نعم الوكيل على الظلمه المجرمين الذين قتلوه

و على القتله المجرمين السفله الذين نفذوا حادث التفجير امام الكنيسه

الا لعنه الله عليهم اجمعيييييين .

تم تعديل 7 يناير 2011 بواسطة abaomar

[لونا]

انا مستغرب و مش عارف ليه محدش لاقي حاجة يكتبها .. مع ان ما شاء الله كلنا لقينا حاجات كتير نكتبها في كل المواضيع اللي على الساحة ولا عشان سيد غلبان؟!!

مكاوى .. سيبها على الله

ما حدش لاقي حاجة يكتبها .. لأننا كتبنا كتير قبل كدة

كتبنا أيام خالد سعيد كتير

و إيه اللي حصل

و بعديييين ؟

[mekkawy]

ما حدش لاقي حاجة يكتبها .. لأننا كتبنا كتير قبل كدة

كتبنا أيام خالد سعيد كتير

و إيه اللي حصل

و بعديييين ؟

للأسف .. ما أقدرش أقول غير عندك حق يا لونا .. ساعات كدة ما بنشوفش الواقع و العاطفة بتغلبنا .. بس فعلاً كلامك 100% صح .. كتبنا أيام خالد سعيد كما لم نكتب أبداً .. بس تفتكري هنفضل كدة؟ نكتب؟!!

مكاوى

[رضوي]

استغفر الله العلي العظيم من كل ذنب عظيم

بصراحة انا بقرأ الموضوع من اوله ومش عايزة اعلق ............... مش عارفة انطق اساسا

استغفر الله العظيم يارب

وهو دة اسمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالله عليكم نسميه ايه ؟؟؟

مش اضطهاد ؟؟؟؟؟؟

اضطهاد للمسلمين الملتزمين ولا لأ ؟؟؟؟؟؟

احنا بكدة حققنا العدالة ؟؟؟

ياتري بجد المسلمين الملتزمين هما السبب في كل اللي بيحصل في البلد دة ؟؟؟

ولا هما بس مجرد كبش فداء علشان نحفف الاحتقان شوية

يعني دة اضطهاد رسمي ضد الملتزمين ( وماجيبتش سيرة المتطرفين )

[nagham hady]

استغفر الله العلي العظيم من كل ذنب عظيم

بصراحة انا بقرأ الموضوع من اوله ومش عايزة اعلق ............... مش عارفة انطق اساسا

استغفر الله العظيم يارب

وهو دة اسمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالله عليكم نسميه ايه ؟؟؟

مش اضطهاد ؟؟؟؟؟؟

اضطهاد للمسلمين الملتزمين ولا لأ ؟؟؟؟؟؟

احنا بكدة حققنا العدالة ؟؟؟

ياتري بجد المسلمين الملتزمين هما السبب في كل اللي بيحصل في البلد دة ؟؟؟

ولا هما بس مجرد كبش فداء علشان نحفف الاحتقان شوية

يعني دة اضطهاد رسمي ضد الملتزمين ( وماجيبتش سيرة المتطرفين )

فعلاً انا معاكي

دة اسمه اضطهاد وظلم بين كمان

هو مش المفروض المرتكب لجريمة تفجيرات الاسكندرية انتحاري ؟؟؟

يعني فجر نفسه ؟؟

يبقي ازاي بلال مشتبه فيه ؟؟

لاحول ولا قوة الا بالله

[Alshiekh]

أمن الدولة أو أمن النظام هو جزء من النظام البوليسى الذى يحكم مصر

أمن فاشل مازال يعمل ويتعامل مع المواطن المصرى بأساليب ضد الإنسانية وضد حقوق الإنسان.

جهاز مازال يستخدم التعذيب والعنف البدنى والنفسى ضد كل من يوقعه حظه العاثر فى ايدى افراده.

جهاز يجب محاكمته بتهم اقل مايمكن وصفها أنها جرائم ضد الإنسانية.

أين كان هذا الجهاز الفاشل مما تم تداوله على الانترنت من ذكر وتحديد الكنائس واماكنها والجهر بان الاستهداف سيكون ليلة رأس السنة ، ولم يحرك ساكنا لانه مشغول بأمور أخرى المهمة ، الكبرى هى مراقبة مين بيشتم الرئيس .

ماذا يعنى أن يذهب شخصا للإستجواب ويخرج جثة ؟ لو كان هذا الجهاز تابع لدولة أخرى لتم اللجوء لمجلس الأمن والأمم المتحدة ، ولكن للأسف الضحية والجلاد من ابناء مصر ، الضحية ليس له من يحميه ، والجلاد تقف الحكومة بأسرها خلفه تسانده وتعاونه على ارتكاب الجرائم بحق الضعفاء.

حتى لو كان المواطن سيد بلال من ذوى السوابق او من التيارات المتطرفة ، فأبسط القواعد أن يتم احتجازه ومنعه من التواجد داخل المجتمع ، أما أن يتم قتله فإنها جريمة يجب محاسبة مرتكبيها بالعقوبة المغلظة حتى ترتدع تلك الفئة التى استهترت بأرواح الناس.

لا أملك إلا أن أدعو لسيد بلال بالرحمة وان يلهم اسرته وأهله الصبر ، وكان الله فى عون زوجته وطفله الذى لاذنب له الا انه يعيش عصر حسنى مبارك وحبيب العادلى.

[Alshiekh]

استغفر الله العلي العظيم من كل ذنب عظيم

بصراحة انا بقرأ الموضوع من اوله ومش عايزة اعلق ............... مش عارفة انطق اساسا

استغفر الله العظيم يارب

وهو دة اسمه ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

بالله عليكم نسميه ايه ؟؟؟

مش اضطهاد ؟؟؟؟؟؟

اضطهاد للمسلمين الملتزمين ولا لأ ؟؟؟؟؟؟

احنا بكدة حققنا العدالة ؟؟؟

ياتري بجد المسلمين الملتزمين هما السبب في كل اللي بيحصل في البلد دة ؟؟؟

ولا هما بس مجرد كبش فداء علشان نحفف الاحتقان شوية

يعني دة اضطهاد رسمي ضد الملتزمين ( وماجيبتش سيرة المتطرفين )

ليس اضطهادا

انه تجبر وجهل

تجبر فى طريقة التعامل مع المواطن

وجهل فى إعتبار أن كل ملتزم أو ملتزمة هم أعضاء فى جماعات إرهابية.

هناك الكثيرين من المسلمين الملتزمين لايتعرض لهم أحدا

ولكن أفراد أمن الدولة لايريدون أن يفهموا الفرق بين المتشدد او الملتزم دينيا وبين الإرهابى الذى يتخذ العنف وسيلة لتحقيق مايؤمن به

[abdulmuttaleb]

السلام عليكم

الاخوه الكرام جزاكم الله خيرا

.

يا اخ عبد المطلب امرك غريب و كلامك أغرب

ربما نحن بصدد ضابط تجاوز في استخدام سلطاته أثناء التحقيق في حادثة مروعة تهدد أمن مصر

هكذا بكل بساطه إزهاق ارواح البشر ..تجاوز ..

عبدالمطلب: هنالك فرق كبير بين قتل إنسان عامدا متعمدا، وبين دهس مواطن مسرع لمواطن، الحادثان أسفرا عن مقتل إنسان، ولكن دوافع وخلفية الفاعل (القاتل أو قائد السيارة) تختلف اختلافا جذريا في الحالتين، مرة أخرى: أنا لا أدافع عن التعذيب تحت أي مسمى لكني فقط أحاول وضع الحادثة في إطارها الطبيعي، لأني لا أتصور أصلا أن الضابط المتسبب سيكون سعيدا الآن لا هو ولا إدارته ولا قياداته.

وبعدين يا سيدي يا ليت نتبنى حملة ضد كوارث المرور فوالـله إنها لتسفر عن ضحايا وشهداء يفوقون "ضحايا أمن الدولة" إن صح التعبير.

لكن للأسف الطبيعة العاطفية تجعل الإعلام يحرك الناس كيفما شاء، وهذا في رأيي هو سبب الحظر الذي تفرضه الحكومة المصرية على توجهات جماعة مثل جماعة الإخوان المسلمين وغيرها، وهو التخوف من استغلال مشاعر الناس وتوجيهها (بحسن نية بطبيعة الحال) في اتجاه يؤجج المشاعر ويفرغ البلد من محتواه.

سيد بلال سبق اعتقاله قبل ذلك، إذا هذه ليست أول مرة اعتقال

و كيف حكمت بادانته بسبب تكرار اعتقاله الا تعلم ان هناك قانون طوارئ و الاعتقال للاشتباه

من ابجدياته ثم انه لو مدان ما خرج من الاعتقال يا عبد المطلب

عبدالمطلب: سيدي لم أحكم بإدانته فلا علم لي بأسباب اعتقاله ابتداء، ثم ما أدرانا لعل عقوبته كانت عامان من الحبس مثلا. رحمه الـله على أي حال.

الحوادث الفردية تظل في إطارها

نعم ؟؟

حوادث فرديه ؟؟!!! :blink:

سمعت عن خالد سعيد يا عبد المطلب

سمعت عن احمد شعبان اللى مات فى قسم ثان سيدى جابر

كل دول و غيرهم الكثير ..حوادث فرديه برضه يا... عبد المطلب ... :angry:

عبدالمطلب: احسبها حضرتك بأي مقياس تحبه وشوف النسبة واديني خبر، بس أرجوك مخلصا: في نفس الوقت قل لي حضرتك كم نسبة الرجال المطلقين الذين يسيئون معاملة طليقاتهم، وكم نسبة المدراء الذي لا يحترمون موظفيهم، وكم نسبة الموظفين الذين يتكاسلون عن أداء مهامهم، وكم نسبة رجال الأعمال الذين تضرروا من محاسبين مهملين أو مدير مبيعات كانت له مصالح مزدوجة، وكذلك الله يرضى عليك شف لي كم نسبة المواطنين الذين يحرقون فلوسهم على شراء السجائر والتدخين (ولا أقول المخدرات أو غيرها).

أنا ضد تصوير هذه الحوادث في سياق التحامل على وزارة الداخلية والدخول من هذا للتحامل على الوطن حكومة والانتقال لمسلسلات محفوظة قديمة عن النظام وحقوق الإنسان وثلاتين سنة وغياب الشفافية ،إلخ.

سؤال أخير خارج عن السياق لحضرتك: كم واحدا تعرفه حضرتك شخصيا يقيم في شقة بعمارة سكنية. الكام واحد دول (نفترض مثلا مائة)، كام واحد فيهم بيحضر انتخابات اتحاد الملاك الخاص بالعمارة التي يقطنها؟ وكم رئيس اتحاد ملاك من المائة رئيس يحرص على إشراك أعضاء اتحاد الملاك في مصروفات وإيرادات العقار؟ واسأل حضرتك شوف الناس الشفافة اللي كانت بتطبق ده كان ايه موقف سكان العمارة منهم وكان تعاملهم ايه.

طاب مساؤكم.

تم تعديل 7 يناير 2011 بواسطة abdulmuttaleb

[abdulmuttaleb]

ملحوظة بسيطة:

أنا أختلف مع سيداتي وسادتي ممن يصفون الملتحين بالملتزمين.

أنا شايف أن الملتحي مواطن زيه زي أي غيره

لو واحد طوله 100سم وقرر أن يكون ملتحي فطوله ح يكون برضه 100سم

لو واحد ذكي وقرر أن يكون ملتحي فبرضه ح يكون ذكي

وآسف للخروج عن النص أقصد الموضوع

تم تعديل 7 يناير 2011 بواسطة abdulmuttaleb

[abdulmuttaleb]

أخويا الكبير عبد المطلب

بص أنا عاوز أقول الجملة دي بالظبط

أن السلفيين ليست لهم أي صلة للجماعات الجهادية التي انتشرت فى التسعينيات، بالاضافة الى ادانة التيار السلفي لحادث الاسكندرية والتنديد به، على حد قول المتظاهرين.

فليه أول ما تحصل حاجة يدور الضرب في الناس الغلابة دول

مسألة الأمور في نصابها .. و الله يا أخي أتمنى كل الأمور تكون في نصابها ولا يأخذ أي حادث في بلدنا لا أكثر ولا أقل من حجمه.

متفقين؟

مكاوى

سيدي مع كامل احترامي،

ليه حضرتك تفترض أن أول ما تحصل يبقى "الضرب" في "الناس الغلابة دول"؟!

وهؤلاء "الناس الغلابة دول" كام نسبتهم في مصر وكام نسبة اللي بياخد "ضرب" منهم؟!

طبعا متفقين في أن كل حاجة لازم تاخد حجمها الطبيعي، ولا أتصور أن الشاب الراحل رحمه الـله وتغمده وكل الاموات بواسع رحمته ومغفرته، وجعل ما أصابه إن كان مظلوما رفعة له في الآخرة وإن كان مجرما أن يتجاوز عنه برحمه وعفوه (وإن كان موقفه صعب لأن الموضوع فيه دماء أبرياء) وأن يكون ما حصل له إن كان مجرما عبرة لأمثاله الأحياء، لا أتصور أن ما حصل لهذا الشاب هو علامة أو نذير إن هذا مصير كل "شاب" أو كل "ملتحي" أو كل "أب لابن عمره سنتين" أو كل "من سبق اعتقاله" أو كل من لديه كمبيوتر وهارديسك.

وبعدين أنا فقط لي تحفظ على جملة وردت في الخبر الصحفي أعلاه "السلفيين ليست لهم أي صلة للجماعات الجهادية التي انتشرت فى التسعينيات" أنا في الحقيقة توقفت أمام هذه الجملة كثيرا.

هل العربدة اللي كانت بتحصل في مصر أيام التسعينات كانت جهاد؟ّ أنا تساؤلي موجه طبعا للبيه الصحفي اللي حرر الخبر، وكم من بلاوي يقع فيها الناس بسبب "بهوات الصحافة".

لك كل احترامي مجددا سيدي وحفظكم الله فوق كل أرض وتحت كل سماء

تم تعديل 7 يناير 2011 بواسطة abdulmuttaleb

[engmido]

حسبى الله ونعم الوكيل

[ريمون]

البقيه فى حياتكوا يا جماعه و ربنا يصبر عيلته

اطالب بالتحقيق فى ملابسات مقتله

و تقديم الضباط المسئولين للعداله

فحتى لو كان الشاب ده متهم بالتحضير للهجوم الارهابى فهو ليه حقوق

و المتهم برئ حتى تثبت إدانته

اكرر رفضى لما حدث و طلبى فتح تحقيق و نقديم القتله للعداله