ضحية جديدة لتعذيب الشرطة بالأسكندرية

[hOuSsAm]

حسبى الله ونعم الوكيل

يا جماعة زهقنا من الظلم وجتتنا نحست منه

تعبنا اوى

هنفترض ان سيد بلال ارهابى (مش فيه نيابة ومحكمة وشهود ودفاع)

ولا كل ده حصل فى يوم وليلة واتحكم ليه بالاعدام (القتل ظلم وقهرا مش ليه لواحده ده ليه ولابنه واهله ولمليون واحد زيه)

اشمعنى اللى قتل الف واحد فى العبارة وقطر الصعيد ولا اتمس شعره منهم وعايشين فى الخارج مسمتعين بفلوس التامين

ولا شافوا باب السجن من اصله

هو عشان السيد غلبان وفى حاله وملهوش ضهر

فليفهموا وليعوا جيدا ان فيه يوم حساب (يوم كل مظلوم هياخد بحقه)

الكلام معتش مسموع

مكتوب بالدم ومش واضح

تايه فى وسط المعانى

ضايع فى وسط الاحزان

ربنا يرحمك يا سيد ويدخلك فسيح جناته

[ذهبية]

الفاتورة و دفع الحساب بدا

اتجر بالليل و نزل من وسط اهلة و بنتة بلا اذن نيابة بلا اى تهم بلا اى دلليل

رجع الى اهلة جثة متعلم عليها ختم من وزراة الداخلية

و لا عزاء للشعب

و الجبروت يقتل القتيل و يتحكم امتى و ازاى يندفن يااااااااااااااةةةةة

معرفش لية جة على بالى الجاسوس المصرى اللى خان مصر و باعها و راح برجلة الى اسرائيل بيبيع وطنة بمزاجة

مازال عايش لحد الان بيتنفس هواء و بياكل و بيشرب

بيطلع صوت صوتة مرحش من التعذيب

ضربات قلبة مضبوطة و ضغطة سليم

جسمة لسة كل حتة فى مكانها اهلة عارفين هو فين

لسة عايش

ياااااااة يا بلد اللى يبيعك تشترية

و اللى يشتريك تبيعةةةةةةةةةةةةة

[om marawan]

انا لله وانا اليه راجعون

ربنا يغفر له ويرحمه ويغفر لموتانا جميعا يارب

ربنا يصبر اهله ويحفظهم ويتولاهم برحمته

الفاضل اخويا الصغير مكاوى اسمح لي اعاتبك

انا معترضة وزعلانة جدا من جملتك دي

انا مستغرب و مش عارف ليه محدش لاقي حاجة يكتبها .. مع ان ما شاء الله كلنا لقينا حاجات كتير نكتبها في كل المواضيع اللي على الساحة ولا عشان سيد غلبان؟!!

انا مقدرة جداا انت زعلان قد ايه وارجوك ماينفعش تشكك في ألم كل واحد فينا وحزننااللى ممكن جداا يكون اكتر منك

اللى قلته صعب أوى اوى ومش متخيلة انك فعلا حاسس كده

ولا هو مكتوب علينا ان كل واحد يعتبرنا الناس التانيين

معلش اسمح لي أقول انه فى حالتك مش هينفع لانه فى كل بيت وفى كل عيلة فيه اكتر من واحد ملتزم او ملتحيي زيك برضه

اسفة لخروجي عن الموضوع وادعو الله وكلي امل فى عدله عز وجل فى ان التحقيقات تظهر الحقيقة ويعاقب الجاني أيا كان عقاب رادع

[Diab]

ذنبه ايه الطفل دا انه يتيتم بدري بدري كده

ذنبه ان أبوه لبسه جلابيه وده يعتبر مشروع إرهابي

وبكرا يبقي وصي عليهم ويقولهم أعملوا ومتعملوش وهما عاوزين الحرررررررررررررررررية

يعني الواد ده مثلا هي هيزور في الانتخابات لا طبعا

طب هيقبل رشاوي لا برده

طب هيبقي مشروع لعيب كورة ولا مغني فاشل وسياسي منافق ولا " أمبوسيبل "

بصي عليه عينه كلها تحدي وتصميم واحنا عاوزينه باصص في الأرض

خلاص يبقي من بدري بدري نجفف منابع الإرهاب ونقتل له ابوه وامه واللي يتشدد

يعني لا منه ولا كفاية خيره :closedeyes: :closedeyes:

تم تعديل 8 يناير 2011 بواسطة Diab

[الغريب]

رابط المجموعة على فيس بوك

[mekkawy]

الفاضل اخويا الصغير مكاوى اسمح لي اعاتبك

انا معترضة وزعلانة جدا من جملتك دي

أختي الكبيرة و بلدياتي و بنت حتتي .. أم مروان .. ازي مروان عامل ايه :)

و الله يا أم مروان أنا مش معتبر حد الحد التاني أبداً .. بس بجد أنا عشات الاحساس اللي كتبته .. مش احساس الفرقة .. لا .. احساس لما حطيت نفسي مكان سيد .. أصل أنا رحت زي ما راح سيد قبل كدة .. بس رجعت بيتنا عادي .. متخيل اني لو كنت في مصر و خدوني ممكن ما أرجعش لسلمى؟؟!!!

حسيتي بيا؟ حسيتي بسيد؟ معلش حاولي .. ممكن الاحساس ما يوصلش أوي لحضرتك .. مش قصور في حضرتك لا سمح الله لأ .. إنما لعدم اكتمال الظروف .. يعني حضرتك مش أب و رب أسرة مسؤل .. و حضرتك مش شاب ملتزم (ملتحي أو غير) و حضرتك ما رحتيش أمن الدولة (على ما أعتقد)

المهم .. أنا بس و الله حسيت اني ممكن و في أي لحظة أكون مكان سيد و ما أرجعش لسلمي .. ولا أشوفها ولا تشوفني تاني

عارفة يا أم مروان .. سلمى في مصر بقالها 20 يوم بعيد عني .. تعرفي ان البنت ما بتاكلش و مريضة من يوم ما بعدنا ع بعض؟!!!

العيل بيحس بالحب و الحنان و لو فقدهم بتكون كارثة بكل المقاييس .. و لا يمكن حد يعوضه عنهم .. بالذات لو كان حنان الأب و حضنه ..... و أمانه :(

اسف و الله يا أم مروان و يا أي حد ممكن يكون ضايقه كلامي بس و الله عشان بجد قلبي وجعني على نفسي و بنتي قبل ما يوجعني على سيد ثم على مصر

مكاوى

[se_ Elsyed]

ذهبيه هانم ... إنتي طيبه قوي .. إذن نيابة إيه وإذن صرف إيه ؟

يا ماما ده قانون طواريء وما بيهمهوش الحاجات دي ..

أظننا جميعاً الأن تأكدنا من هو الجاني والمجرم الحقيقي وراء حادث كنيسة القديسين ؟

فالجاني الحقيقي أيها السادة هو النظام الفاشي .... ومن وراءة جهاز العسس المتعالي المتغطرس الذي أتخذ من الأسكندرية الأن عاصمة للتعذيب والقتل واللي داخل مفقود ...

ألا لعنة الله على الظالمين ..

ألا لعنة الله على كل ذابط يتجرد من إنسانيته ويغتال إنسان بريء لمجرد إنه مشتبه به ..

ورحمة الله على الفقيد الشهيد .....

وبإذن الله للظلم نهاية ..

وبإذن الله رد الفعل هايكون قريب وعنيف ..

-------

بالمناسبة ودون الخروج على الموضوع ..

على ما يبدو إن معظم الشعوب العربية سئمت الذل والقهر ... فرأينا الأن مظاهرات في تونس وضحايا في مظاهرات عنيفة ذد البطالة ..

ومظاهرات وضحايا وقتلى في الجزائر في مظاهرات ذد غلاء الأسعار ....

الأنفجار قرب قوي قوي أكثر مما تتصوروا

[se_ Elsyed]

تم تغيير العنوان ليعبر عن محتواه

[رضوي]

الفاضل اخويا الصغير مكاوى اسمح لي اعاتبك

انا معترضة وزعلانة جدا من جملتك دي

أختي الكبيرة و بلدياتي و بنت حتتي .. أم مروان .. ازي مروان عامل ايه :)

و الله يا أم مروان أنا مش معتبر حد الحد التاني أبداً .. بس بجد أنا عشات الاحساس اللي كتبته .. مش احساس الفرقة .. لا .. احساس لما حطيت نفسي مكان سيد .. أصل أنا رحت زي ما راح سيد قبل كدة .. بس رجعت بيتنا عادي .. متخيل اني لو كنت في مصر و خدوني ممكن ما أرجعش لسلمى؟؟!!!

حسيتي بيا؟ حسيتي بسيد؟ معلش حاولي .. ممكن الاحساس ما يوصلش أوي لحضرتك .. مش قصور في حضرتك لا سمح الله لأ .. إنما لعدم اكتمال الظروف .. يعني حضرتك مش أب و رب أسرة مسؤل .. و حضرتك مش شاب ملتزم (ملتحي أو غير) و حضرتك ما رحتيش أمن الدولة (على ما أعتقد)

المهم .. أنا بس و الله حسيت اني ممكن و في أي لحظة أكون مكان سيد و ما أرجعش لسلمي .. ولا أشوفها ولا تشوفني تاني

عارفة يا أم مروان .. سلمى في مصر بقالها 20 يوم بعيد عني .. تعرفي ان البنت ما بتاكلش و مريضة من يوم ما بعدنا ع بعض؟!!!

العيل بيحس بالحب و الحنان و لو فقدهم بتكون كارثة بكل المقاييس .. و لا يمكن حد يعوضه عنهم .. بالذات لو كان حنان الأب و حضنه ..... و أمانه :(

اسف و الله يا أم مروان و يا أي حد ممكن يكون ضايقه كلامي بس و الله عشان بجد قلبي وجعني على نفسي و بنتي قبل ما يوجعني على سيد ثم على مصر

مكاوى

أخي الفاضل

ربنا يجمع بينكم علي خير وقريب ان شاء الله

كلنا هذا الرجل ......... كلنا حاسين بنفس المعاناه

شباب وبنات ........ كبار وصغار

ملتحين وغير ملتحين ....... منتقبات ومحجبات

كلنا بنعيش نفس الأزمة ........ وكلنا بندين ماحدث ..... سواء لسيد أو غيره وزيه كتيييييييييير اوي

يمكن مش كلنا بيجرالنا اللي جري

لكن معلش اعذرني .......... وانا او غيري هنبقي سعداء مثلاً لما نشوف الناس الملتزمة بيحصل فيهم كدة ؟؟؟؟؟ أكيد لأ وماحدش يتصور اللي بنحس بيه وعدم الأمن والفساد اللي في بلدننا

سيد وغيره كانوا كبش فدا ......... وللاسف الشديد احنا بنتكلم ونصرخ ......... ولاحياه لمن تنادي

مصطلح زوار الفجر قريته كتير ......... وحاسة اننا في عصر غير العصر ومكان غير المكان

قوانين ظالمة بتحكمنا ............ وكل بيت اصبح غير آمن .......... طبعاً ماهي جهه التحري والاحضار والتحقيق واصدار الاحكام والتنفيذ بقت واحدة وف مكان واحد وفي وقت واحد

يعني خلاص زمن البيوقراطية انتهي وولي خلاص ....... كله في السريع وخلصنا بقي

كله تحت مصطلح الامن ....... كل البيوت مباحة ولا يوجد لما يسمي الحرمة ...... ولو قضية فساد بتهدد كل مواطن ورجل اعمال نهب البلد وقتل وزور وعمل كل البلاوي ...... بيطلع اذن نيابة وبيتم احضاره بطريقة شيك وتحافظ علي آدميته وبيتم التحقيق معاه في مكتب مكيف وبحضور هيئة المحاماه بتاعته كلها وبعدين يتحددله جلسة واتنين ومرافعات وبيصدر حكم وبيتم الطعن فيه وف الاخر بيخرج وبيكمل عادي طبيعي مافيش حاجة ....... وكمان بتبقي دعاية ليه

كلنا جرحي وكلنا ينزف

[مصطفى يونس]

حسبى الله ونعم الوكيل

والله الواحد ملوش نفس يكتب حاجه

[جويرية]

بس هما متعمدين يموتوه مش يعذبوه

وده تصعيد جديد للأزمة و اشعال للفتنة

[om marawan]

اسف و الله يا أم مروان و يا أي حد ممكن يكون ضايقه كلامي بس و الله عشان بجد قلبي وجعني على نفسي و بنتي قبل ما يوجعني على سيد ثم على مصر

مكاوى

يا مكاوي يااخويا مافيش اسف ولا حاجة

والف سلامة على بنوتتك سلمى الجميلة ربنا يشفيها يارب و يحفظها ويحفظك انت ووالدتها لها ويرجعولك بالف سلامة قول ااامييين

أنايمكن اكون مش فى نفس ظروفك لكن أقرب الناس ليا منهم ملتحين

الحمد لله ماراحوش امن الدولة ولا حاجة

مش بس هم ناس كتير زيهم ماليين البلد

انت نفسك وغيرك كتير راحوا وطلعوا تاني الحمد لله

فى كل الاحوال احنا مش مفروض نحس ان الدنيا كلهم مسدودة فى وشنا

لأنه مش دي الحقيقة

ملايين عايشين فى البلد والحمد لله ماحدش بيتعرض لهم

والموضوع مش موضوع ماجاش دورهم ولا حاجة لكن اللى عاشوا وقت عبد الناصر او قروا عنه يعرفوا اننا فى حال افضل بمراحل

ماحدش ينكر ان فيه حالات واقع عليها ظلم بين وجهل وافترا

لكن لا نقدر نعمم ده على كل امن الدولة ولا على كل الملتحين

لكن نقدر وبكل قوة نحارب ونتصدى للتطرف فى استخدام السلطة والتعسف والارهاب فى معاملة المواطنين حتى لو كانوا متهمين

نقدر برضه نقف فى وش اللى بيحاولوا يشوهوا صورة الاسلام وينادوا لجهاد لا علاقة له بالاسلام

نقدر نكون عقلانيين اكتر منا عاطفيين ونحط الامور فى نصابها ومانسكتش على حقوقنا

والساكت عن الحق شيطان اخرس

نقدر نعمل كل اللى علينا فى اننا برضه نكون بعيد عن تجمعات قد تكون مشبوهة

انا عارفة ان السلفيين مش كده

بس معلش يامكاوي انا مش عارفة ليه عندي تحفظ جامد جدا ضد موضوع الجماعات ده

يعنى هو ماكونش مسلم حقيقي الا لو كنت فى جماعة وصليت فى مسجد محدد؟؟

انا عارفة انه الهدف حضور دروس دينية فى معظم الاحوال

لكن المؤمن كيس فطن

يجب يحذر جدا دس اى افكار قد تكون كلمة حق يراد بها باطل

مين ادرانى ان كل من يدعي انه سلفي هو فعلا كده ؟

فان لم تكن تلك الدروس من شخص صاحب دراسة وخلفية دينية محددة وصاحب علم فاعتقد انه خطر نتخذه مرجعية دينية

واحنا مش في صحرا

احنا فى الازهر اللى رغم تحفظ البعض عليه إلا انه مازال منارة للاسلام الصحيح والتفقه والفهم لجوهر الدين الحقيقي

ويكفي انه يااخى الفاضل علماء الازهر فى رأيي من القليلين ان لم يكونوا الوحيدين اللى لو سألتهم فى مسألة فقهية

هيعرضوا عليك كل الاراء الفقهية فى الموضوع ويحددوا ايها رأي الجمهور ان وجد

لكن للاسف الاغلبية الاعم من غيرهم يميلوا الى ذكر تفسير واحد ورأى فقهي واحد

وعشان انا كده خرجت كتير عن الموضوع

اعود لسؤالك الاساسي

حسيت بيكم ؟؟

ايوه يامكاوى حسيت والله من اول ماتكلمت انك فكرت انك ممكن تكون لاقدر لله مكانه

ومش لازم اكون اب عشان احس لأن برضه ليا زوج واخ وعندي اولاد

انا نفسي ممكن اكون مكان سيد او غيره

لكن احنا عارفين ان لنا رب والحمد لله هو العدل وهو الرحيم وهو الودود وهو الحكيم

ولو فكرت انى في يوم جاء اجلى باى شكل سواء كنت مظلومة او مغدورة او على فراشي فهو امر الهي قبل كل شيء

ورحمته وسعت كل شىء بما فيهم اولادي

انا قلت فى موضوع التفجير انه ربنا لا يريد بنا الا الخير وانه كل اللى بيحصل لحكمة يعلمها وحده سبحانه وتعالى

لذا لا نملك الا الدعاء لله انه يحفظنا من شرور انفسنا وسيئات اعمالناومن كل ظلم او قهر او افتراء

والدعاء ان ينصر الله المظلوم وهو الخبير بما يفعلون ولينصرنه الله ولو بعد حين

ختاما هاقولك ارجوك نام مطمئن

قد ..... أقول قد يراد بي او بنا او باي شخص اخر شر

لكن تفتكر انه هيحدث الا بامر الله سبحانه وتعالى

نسيت اقولك ...

مروان بخير والحمد لله وبيسلم عليك وبيقولك احلى كلمة انت قلتها ياعمو مكاوى كانت "" مكاوي سيبها على الله "

[capitshino]

أمر الحجاج حراسه باحضار الإمام سعيد بن جبير، فلبس سعيد بن جبير اكفانه و تطيب وذهب معهم الى الحجاج،و قال اللهم يا ذا الركن الذى لا يضام و العزة التى لا ترام، اكفنى شره و كان فى الطريق يقول لا حول و لا قوة الا بالله، خسر المبطلون و دخل سعيد على الحجاج،

قال سعيد : السلام على من اتبع الهدى، و هى تحية موسى لفرعون

قال الحجاج : ما اسمك قال

سعيد: اسمى سعيد بن جبير

قال الحجاج: بل أنت شقى بن كسير

قال سعيد: أمى اعلم اذ سمتنى

قال الحجاج: شقيت أنت و شقيت أمك

قال سعيد: الغيب يعلمه الله

قال الحجاج: ما رأيك فى محمد صلى الله عليه و سلم

قال سعيد: نبى الهدى و امام الرحمة

قال الحجاج: ما رايك فى علىّ

قال سعيد: ذهب الى الله امام هدى

قال الحجاج: ما رأيك فىّ

قال سعيد: ظالم تلقى الله بدماء المسلمين

قال الحجاج: علىّ بالذهب و الفضة، فأتوا بكيسين من الذهب و الفضة و أفرغوهما بين يدى سعيد بن جبير

قال سعيد: ما هذا يا حجاج؟ ان كنت جمعته لتتقى به من غضب الله، فنعما صنعت، و ان كنت جمعته من أموال الفقراء كبرا و عتوا فوالذى نفسى بيده، الفزعة يوم العرض الأكبر تذهل كل مرضعة عما ارضعت

قال الحجاج: علىّ بالعود و الجارية فطرقت الجارية على العود و أخذت تغنى، فسالت دموع سعيد على لحيته و انتحب

قال الحجاج: ما لك، أطربت؟

قال سعيد: لا و لكنى رأيت هذه الجارية سخّرت فى غير ما خلقت له، و عود قطع و جعل فى المعصية

قال الحجاج: لماذا لا تضحك كما نضحك

قال سعيد: كلما تذكرت يوم يبعثر ما فى القبور، و يحصل ما فى الصدور ذهب الضحك

قال الحجاج: لماذا نضحك نحن اذن

قال سعيد: اختلفت القلوب و ما استوت

قال الحجاج: لأبدلنك من الدنيا نارا تلظى

قال سعيد: لو كان ذلك اليك لعبدتك من دون الله

قال الحجاج: لأقتلنك قتلة ما قتلها أحد من الناس، فاختر لنفسك

قال سعيد: بل اختر لنفسك أنت،فوالله لا تقتلنى قتلة، الا قتلك الله بمثلها يوم القيامة

قال الحجاج: اقتلوه

قال سعيد: وجهت وجهى للذى فطر السموات و الأرض حنيفا مسلما و ما انا من المشركين

قال الحجاج: وجهوه الى غير القبلة

قال سعيد: فأينما تولوا فثم وجه الله

قال الحجاج: اطرحوه ارضا

قال سعيد و هو يبتسم: منها خلقناكم و فيها نعيدكم و منها نخرجكم تارة اخرى

قال الحجاج: أتضحك

قال سعيد: أضحك من حلم الله عليك و جرأتك على الله

قال الحجاج: اذبحوه

قال سعيد: اللهم لا تسلط هذا المجرم على أحد بعدى

و قتل سعيد بن جبير و استجاب الله دعاءه، فثارت ثائرة بثرة ( هى الخراج الصغير) فى جسم الحجاج فأخذ يخور كما يخور الثور الهائج شهرا كاملا

لا يذوق طعاما و لا شرابا و لا يهنأ بنوم و كان يقول و الله ما نمت ليلة الا و رأيتنى اسبح فى أنهار الدم، و أخذ يقول

مالى و سعيد، مالى و سعيد

و يقول هذا الظالم عن نفسه قبل ان يموت، رأيت فى المنام كأن القيامة قامت، و كأن الله برز على عرشه للحساب فقتلنى بكل مسلم قتلته مره، الا سعيد بن جبير قتلنى به على الصراط سبعين مره

و ” ان ما توعدون لأت و ما أنتم بمعجزين”

[tarek hassan]

{{ فَسَتَذْكُرُونَ مَا أَقُولُ لَكُمْ وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ * فَوَقَاهُ اللَّهُ سَيِّئَاتِ مَا مَكَرُوا وَحَاقَ بِآلِ فِرْعَوْنَ سُوءُ الْعَذَابِ }}

نفوض الأمر لله

طبعا لا يمكن اختزال الموضوع في أن هذا ضحية للشرطة

إنها محاولة لقتل للتعاطف الذي حدث من المسلمين للمسيحيين

إنه الجهل الدائم والغباء في معالجة القضايا الوطنية وفساد دائم ومستمر في علاج مثل هذه الأحدث

إنها محاولة لاسترضاء الجانب المسيحي بقتل المسلم البرئ بدلا من تحديد الجاني الحقيقي الذي بدأت تتحدد معالمه وتظهر أماراته

إنه التعقيد الدائم للأمور وتأصيل للكراهية ضد النظام وضد الفساد والظلم

إنه الفشل الأمني للآن في تحديد الجاني ومن ثم يريد تقديم غيره إرضاء لأمثال سركوزي

رحم الله هذا الشهيد الذي أدعو الله أن ينتقم ممن ظلمه أو استباح دمه لغرض مريض

( من قتل نفساً بغير نفس أو فساد في الأرض فكأنّما قتل النّاس جميعاً )

[arkan]

الله يرحمه يارب ويصبر اهله

واضح ان اللى مش هيموت بالشكل ده هيموت كمد وحزن وخوف

يارب ارحمنا

[se_ Elsyed]

تنقلت بين برامج التوك شو .. إني أسمع تنويه عما حدث لهذا الإنسان البريء .. أبداً

اللهم من منى الشاذلي في العاشرة مساءً على السريع .. وفي جُملة واحده قالت إنه إتقتل على خلفية المقبوض عليهم بعد حادث الأسكندرية وإن النائب العام أمر بفتح تحقيق في الموضوع والنتيجة هاتبقى بعد أسبوع ..

يعني بالبلدي كده لا مؤخذه " كلب وراح "

وهايطلع في الأخر تاجر بانجو وبلغ شجرتين خشخاش ومات بأسفكسيا الخنق

ويقول لك هو في إحتقان ليه بين المسلمين والمسيحين ؟

تفتكروا المسلمين اللي واحد منهم إتاخد غدر هاتبقى إيه مشاعرهم تجاه الأبرياء من المسحييين ؟

مش برضوا هيبقى في إحتقان بين ناس مالهاش علاقة بالموضوع ؟

والنتيجة إن الحكومة الزبالة بتوقعهم في بعض إعمالاً للمقولة القذرة الشهيرة " فرق تسد "

[arkan]

احساس بالنفاق مش قادرة امنع نفسي منه من البرامج دى

[se_ Elsyed]

شوية إعلاميين منافقين وواخدينها سبوبة وكأن هناك دم غالي وأخر رخيص

----------

أكد المستشار ياسر الرفاعى المحامى العام الأول لنيابات استئناف اسكندرية أن التحقيقات مستمرة فى البلاغ المقدم بشأن وفاة الشاب السلفى "السيد بلال"، وأن التحقيقات الأولية أثبتت أنه كان فى حالة إعياء أمام مستشفى مركز اللبان الطبى، وحمله شخصان إلى داخل المستشفى، حيث قام مدير المستشفى بتقديم البلاغ وليس شقيقه.

وأشار المحامى العام الأول لنيابات استئناف اسكندرية إلى أن المتوفى كان محكوم عليه بالسجن سنتين فى إحدى القضايا، وكان يتابع مع أمن الدولة بعد انتهاء المدة المحكوم عليه فيها.

ولفت الرفاعى إلى أن نتائج التحقيقات الأولية التى باشرها حاتم أمين مدير نيابة اللبان لم تشر إلى أن سبب وفاته كانت لها علاقة بتحقيقات كنيسة القديسين، وقد قرر المستشار الرفاعى استعجال تقرير الطب الشرعى لبيان سبب الوفاة.

لو دي فعلاً تصريحات رجل عدل ورجل قانون .... يبقى لازم كل يوم تحصل تفجيرات في كنائس ومساجد وفي كل مصر ...

بيقول لك أن القتيل كان في حالة إعياء .. يعني كان ماشي في الشارع في حالة إعياء ووقع قدام المستشفى وطبعاً شكله كان عليه أثار تعذيب .. مش والعياذ بالله من العسس ... لأ لأ ... ده من جلده لذاته وتأنيب ضميره له ... وإن يا عيني اهله رموه ومدير المستشفى هو اللي تقدم بالبلاغ

وخلي بالكم ده كان محكوم عليه بالسجن سنتين في احد القضايا كده على الماشي ومش مهم إن شالله لو قضية سرقة حبل غسيل

سيم سيم خالد سعيد

أنا خايف اهالي أسكندرية كلهم يطلع عليهم احكام مخفية بحيث يطلع الحكم لما مصيبة تحصل لحد فيهم

[الغريب]

[pink rose]

لا حول و لا قوة الا بالله

لا حول و لا قوة الا بالله

قولي يا باشمهندس تيمور اللي عملوا كده في المسكين دا تدعيلهم بالهداية هما كمان

و لا تدعي ان ربنا ينتقم منهم