نادي الإيجابيين (أفكار إيجابية)

[mekkawy]

اسال الله سبحانه ان يسدد خطاك وينفعنا بكلماتك

انه قريب مجيب ,,

ربنا يخليك يا أرك .. بأقولك ايه يا عمنا أنا مش قدك في التثبيت و الكلام الحلو ده .. و بعدين مش هأتثبت بردو .. انزل بحكايتك مع القيادة و نصايحك لينا احنا الشباب المتهور زيي أنا و طاهر كدة :blush2: .. أوكشن؟

مكاوى

[عنبو]

الشيخ ميكو

كافئ نفسك بفسحة لذيذة .. أكلة حلوة .. كتاب تقرأه .. أي كان نفسك بتحب ايه (بس يكون مفيد) محدش يكافئلي نفسه بسيجارة مثلاً (شاخدلي بالك ياللي في بالي؟) مش أرك يا جماعة

هو حسام دائماً خانقنا بدخانه يا اخى مررررررررررررررررره خنقه حلوه مرررررررره دى

ايه رأيكم لما نتكلم عن النظافه ايون النظافه والشياكه

كنت بفكر افتح توبيك اسمه ابوووووووووووس ايدك بس قولت نخلى الكلام اللى كنا هنقوله فى التوبيك ده وهو كله ايجابيات

بالنسبه لموضوع النظافه

انا هدخل فى الموضوع على طول مش هتكلم عن مواقف يعنى

1- اول لما حضرتك تقوم من النوم لازم تسغل اسنانك مش تقول انا غسلها السنه اللى فاتت

2- لازم تاخد شور قبل لما تلبس علشان تروح الشغل

3- ابوس ايدك لازم تستعمل مزيل عرق مش شرط تستعمل بيرفيوم بس لازم وفرض انك تستعمل مزيل عرق واوعى تقولى انا بستعمل بيرفيوم بس لا البيرفيوم لوحده مش كفايه

4- وانت فى الشغل لو عاوز تعمل حاجه كده او كده روح الحمام مش تقول محدش واخد باله الله يكرمك

5- الشراب البسه مره واحده بس مش ترميه بعدها لا ارجع اغسله والبسه تانى

6- شعرك لاما تقصره خالص زى ميكاوى او تغسله وتهتم به

7- الهدوم نظيفه ومكويه وخلى بالك من الالوان

تبع علشان عاوز اروح دلوقتى

سلام

[م تيمور المراغي]

انزل بحكايتك مع القيادة و نصايحك لينا احنا الشباب المتهور زيي أنا و طاهر كدة :blush2: .. أوكشن؟

تقصد قيادة السيارات

ام قيادة مجموعه من الافراد داخل تيم وورك ؟

اصل بصراحه اليومين دول كل ما اشارك برأي في اي توبيك يقولوا لي لاغلط يا بشمهندس قصدنا مش كذا قصدنا كيت وكيت !!! هههههه :happy:

فانت حطني على السؤال ,, انا احط ايدي عالسؤال ابقى فريره على طول فين السؤال ؟ :happy:

[عبير يونس]

بصراحة مبسوطة جدا بتفاعل حضراتكم

مكاوي باشا

كلامك جميل فعلا

و اختيارك لموضوع القيادة بالتحديد مهم جدا

لأن في ناس كتيرة بتفقد أعصابها أثناء القيادة

و على فكرة سلوكيات القيادة فعلا بتكشف الشخصية

و الأخلاق اللي بيتحلى بها قائد السيارة

و مما لاشك فيه أن أي حركة ذوق و جنتلة بتفرق كتير جدا

في يومك سواء انت اللي قمت بها أو حد تعامل بها معاك

ابتسامة والله بتفرق

و مش مكلفة خالص

و لها أجر الصدقة

و الأجمل انك لما تبتسم و تاخد ثواب الصدقة

كمان بتاخد هدية فورية من ربنا

انه فعلا سبحانه بيسعدك

تخيل نفسك بتبتسم و تقرئ السلام على من عرفت و ما لم تعرف

و الكل يرد عليك بابتسامة

يا سلام على الخير اللي عملته

المشاعر الايجابية مُعدية زي السلبية

و بترجع لك تاني

تمام زي كرة الاسكواش

تخبطها في الحيط

تترد لك تاني و بنفس القوة

جرب تنشر المشاعر اللي انت حابب ترجع لك تاني

و ابعد و اهرب من كل ما لا تريده ان يفسد عليك جو حياتك

عشان كده ربنا شرط الدعوة إلى سبيله بشرطين:

1- الحكمة

2- الموعظة الحسنة

عشان في حاجة اسمها المقاومة

و لها قانون فيزيائي

عشان مش كل الناس تتمتع بالمرونة

في ناس مرنة

و ناس شبه مرنة

و ناس عديمة المرونة

فالدعوة بدون حكمة تنفير

و بدون موعظة حسنة تورث العند الذي يصل إلى الكفر و العياذ بالله

فالحكمة هي التخطيط و التظيم و التنسيق

و الموعظة الحسنة هي الأداء و تقييمه و مراقبته

و الدعوة لها فنون

أهمها أن تكون بنية صادقة

"إنما الأعمال بالنيات و لكل امرئ ما نوى"

النية هي أساس أي عمل

و بها ينجح العمل أو يجانبه التوفيق

و النية هي أساس السلوك

فمن يقوم بالأعمال الصالحة حبا في الشهرة

أو لعُجب بنفسه

يُقال له

فعلت ليقال و قد قيل

فقد حبط عمله و فقد الأجر

و أصاب الذنب

الخطوة الأولى هي إصلاح النية و تجديدها

مطلوب

أن ننظر في أعمالنا

و نسأل أنفسنا لماذا نقوم بها؟؟

ما هو هدفنا من تلك الأعمال؟؟

يتبع...

[عبير يونس]

حأورد مثال بسيط

تعاملك يا أختي الفاضلة مع زوجك

أو يا أخي الفاضل مع زوجتك

هل تتعاملون مع شريك الحياة بود و حب؟؟؟

طيب ليه؟؟

عشان بتحبي زوجك طبعا؟؟

عشان بتحب زوجتك ؟؟

طيب لما زوجك بيزعلك؟؟

طيب لما زوجتك بتزعلك؟

ايه اللي بيحصل؟؟

هل بيفضل نفس الود والحب؟؟

لو فضل موجود حتى و انتو زعلانين

يبقى ده الحب في الله

لأني لما أحب زوجي في الله

يعني أرضي الله عز وجل في سلوكي معاه

و ده مش حيتغير لو زوجي مزعلني

حأفضل أقوم بواجباتي

و حأفضل ودودة معاه

لأن هدفي الحقيقي مكانش ارضاؤه هو

لكن كان ارضاء لربنا سبحانه و تعالى فيه

بينما محبة الشخص نفسه

حتخليكي لما تزعلي منه تبطلي الحاجات الحلوة اللي كنتي بتعمليها له عشان ينبسط و يرضى

و الله أبسط الأشياء بتفرق

لما تجددي نيتك في معاملة زوجك

و انت تجدد النية في معاملة زوجتك

انها لله و في الله

أكيد كل حاجة مهما كانت بسيطة بيبقى لها مفعول خطير و تسبب سعادة غير معقولة

اول لما اتجوزت

و طبعا مكانش لسه عندي المفاهيم دي

كنت اقعد اضبط في السفرة و احط المشمر و المحمر و السلطات و المشروبات و الحلويات

و الشموع و الديكور و حركات الرومانسية كلها

و الله كان يتنرفز لأي سبب

و ممكن يقوللي مش جعان

و يسيب الحاجات دي كلها

و طبعا انا اموت من الغيظ

و اقعد اعيط

و ابقى مش عارفة هو انا عملت ايه غلط؟؟

لما أخت فاضلة قالت لي على موضوع النية ده

و الله ما حتصدقوا

مرة قدمت له شوربة بايتة في طبق عادي و لا حركات و لا أي حاجة

يادوب سخنتها له و قدمتها

رضي و بقى مبسوط جدا

و قال لي انها لذيذة جدا و قال لي جزاكي الله خيرا كمان

:blink:

و حاجات كتير

كنت باعملها بنية ارضاء الله تعالى

كانت بتسعده جدا

حتى لو كانت بسيطة جدا

النية يا أخواني

هي أساس العمل

دعوة لإصلاح النوايا

يللا كل واحد يقرأ المداخلة دي

يقعد مع نفسه و يكتب الحاجات اللي بيعملها

مع شريك الحياة

مع الأبناء

الجيران

زملاء العمل

اكتبوا بالورقة والقلم

و راقبوا نفسكم

و حاسبوها

و اصلحوا النية

اللهم ارزقنا حسن النوايا

آمين

[م تيمور المراغي]

طيب يعني انتم تقصدوا قيادة السيارات

حاضر

انا ححكي تجربتي

الشعب المصري في داخله مكامن الخير والله

ودي حتعرفها بمجرد انك تقدم اي لفتة بسيطه من الزوق ولين الطباع

جرب مثلا لو داخل بسيارتك في شارع ضيق لا يسع الا مرور سياره واحدة فقط

وطبعا قدرا حتلاقي لازم واحده هناك قصادك تبعد تقريبا نفس المسافه التي تبعدها حضرتك عن منتصف الطريق

مش انا بحكي تجربتي !!

طيب

99.99% من العربيات اللي قابلتني لازم صاحبها او صاحبتها يدوس بنزين عشان يسبقك ويدخل الشارع

مش مشكله ان الشارع يقف و حضرتك عملت زيه

مش مشكله ان السودان تتقسم او الاخوان يحكموا او ان ابو تريكه يعتزل :happy:

المهم انه يكون اول واحد دخل الشارع ووقف الطريق

طيب

جرب كده انك لما يحصل الموقف ده تهدي السرعه وتنتظره انه هو اللي يعدي

كثير اوي حتلاقي انه حصل رد فعل معاكس لما سبق

حتلاقيه هو كمان هدى السرعه وبيدعوك باريحيه انك تتفضل

نفس الكلام لو الدنيا ليل وقابلت عربيه في وشك جايه

يا سلام لو انت فاتح النور او حتى مصابيح الشبوره وقفلتها زوقيا عشان اللي قدامك

فورا بتلاقيه هو كمان اخذ نفس فعلك بل وتلاقيه وسع لك الطريق عشان تعدي وانت مرتاح

سواقين الميكروباس ووسائل النقل خارج المقارنه انا كلامي عن المصريين العاديين اللي زي وزيكم

الشاهد ان الخير في الناس كبير اوي مهما ظهر لنا العكس

والمسئوليه في ابرازه حتى في المعاملات اليوميه العاديه حتقع عليك انت في المقام الاول لانك تعرف ما لايعرفون ,,

تم تعديل 9 يناير 2011 بواسطة architect

[لماضة مصرية جدا]

لمضمض هانم كعب الحاجات .. اختاري انتي براحتك بأة

اقفي كدة .. ايوة يمين شوية .. القفي بأة قالبين الطوب دول .... بووووووم .. متخافوش يا جماعة .. الشهيدة لماضة معانا بس خلعنا عليها اللقب و يا رب تنوله و لو على الفراش

ادخلي يا ابني بأة بالكورال كدة و الموسيقى التصويرية .. بس دف بس بدون الات أحسنلك

مكاوى .. يتبع

السلام عليكم و رحمة الله و بركاته

انت يا عم الحاج يا للي بتحدف طوب فوق....(يعني شايفني بعرف القف اوي....وش اي حارس مرمي احول جه يمسك الكورة قام لبس في العارضة)

سيبك من اللقب....ابقي احدفني باي لقب يا سيدي.....ان شاله الله يرحمها كانت فتاة طيبة...(وش اي معددة بتشحتف)

بص بقي يا عكاوي....انا اللي فهمته من التوبيك....علي فهمي الضعيف ان احنا هنعمل فكرة ايجابية للمكان الحلو اللي احنا مدمنينه دوت....الللي هو المحاورات

و عشان كده جت فكرتي بتاعت....صباح الخير يا ام اسماعين....صباح الخير يا ام فااااااررررروق....(وش اي ستتين واقفين في البلكونة)

و بعدين لقيتكم بتوسعوا الدايرة...و عايزينها تكون افكار حياتية و كدهي عيني...و اول ما تبتدي روحت حدفتنا بافكار القيادة...(طب استني لما آخد الليسنز....أشوف فيك يوم)

طبعا لازم نعرف وجهة نظر صاحبة التوبيك.....

اصلي خايفة يا عكاوي...يكون اللي بنقوله مجرد كلام.....لان احنا في مكلمة

بس كنت عايزة نفكر افكار بسيطة.....سهلة....نقدر نطبقها حتي و احنا قاعدين ع النت

و ده فهمي المتواضع

و برضه هتابع معاكم

ع جنب بقي

كنت فين يا متهم....الفترة اللي فاتت.....وش اي مخبر بيرفع ايده في الهوا و لسه ما سمعناشي صوت فرقعة

مسااااكم روح معدنية.....بنحاول نرفعها....و الله المستعان

[عبير يونس]

لمضمض هانم كعب الحاجات .. اختاري انتي براحتك بأة

اقفي كدة .. ايوة يمين شوية .. القفي بأة قالبين الطوب دول .... بووووووم .. متخافوش يا جماعة .. الشهيدة لماضة معانا بس خلعنا عليها اللقب و يا رب تنوله و لو على الفراش

ادخلي يا ابني بأة بالكورال كدة و الموسيقى التصويرية .. بس دف بس بدون الات أحسنلك

مكاوى .. يتبع

السلام عليكم و رحمة الله و بركاته

انت يا عم الحاج يا للي بتحدف طوب فوق....(يعني شايفني بعرف القف اوي....وش اي حارس مرمي احول جه يمسك الكورة قام لبس في العارضة)

سيبك من اللقب....ابقي احدفني باي لقب يا سيدي.....ان شاله الله يرحمها كانت فتاة طيبة...(وش اي معددة بتشحتف)

بص بقي يا عكاوي....انا اللي فهمته من التوبيك....علي فهمي الضعيف ان احنا هنعمل فكرة ايجابية للمكان الحلو اللي احنا مدمنينه دوت....الللي هو المحاورات

و عشان كده جت فكرتي بتاعت....صباح الخير يا ام اسماعين....صباح الخير يا ام فااااااررررروق....(وش اي ستتين واقفين في البلكونة)

و بعدين لقيتكم بتوسعوا الدايرة...و عايزينها تكون افكار حياتية و كدهي عيني...و اول ما تبتدي روحت حدفتنا بافكار القيادة...(طب استني لما آخد الليسنز....أشوف فيك يوم)

طبعا لازم نعرف وجهة نظر صاحبة التوبيك.....

اصلي خايفة يا عكاوي...يكون اللي بنقوله مجرد كلام.....لان احنا في مكلمة

بس كنت عايزة نفكر افكار بسيطة.....سهلة....نقدر نطبقها حتي و احنا قاعدين ع النت

و ده فهمي المتواضع

و برضه هتابع معاكم

ع جنب بقي

كنت فين يا متهم....الفترة اللي فاتت.....وش اي مخبر بيرفع ايده في الهوا و لسه ما سمعناشي صوت فرقعة

مسااااكم روح معدنية.....بنحاول نرفعها....و الله المستعان

لموضة

اعتبري الموضوع ده معمل تفريخ أفكار ايجابية

عن كل حاجة و لكل حاجة

و الفكرة اللي نضعها هنا

ممكن تكون نواة لموضوع منفصل يتم فيه التركيز بشكل أكبر على الفكرة

و ساعتها حناخد رابط الموضوع و نضمه لفهارس نادي الايجابيين

هنا النادي

نطرح الأفكار

بحرية فكرية

كل واحد يعرض فكرة

او تجربة شخصية مع نتايجها الايجابية طبعا

موقف معين اتعلم منه حاجة او خرج منه بنتيجة ايجابية

مداخلاتكم الرائعة

عايزاها تملأ الموضوع ده بالايجابية

عايزة اللي يدخل الموضوع ده يستمتع بالأفكار اللي جواه

و يخرج مليان أمل و تفاؤل و جاهز و متحفز للتغيير الايجابي

ياريت نحكي عن التغيير

اتغيرنا ازاي

من اول الحكاية

مهم اوي النقطة اللي وقفنا عندها و قلنا لازم نتغير

ناس كتير بتعيش و تموت و معرفتش هو كان في ايه؟؟

و ناس مش عارفة أساسا انها لازم تتغير

و ناس عرفوا بس مش عارفين يبتدوا ازاي

و ناس عرفوا الطريق و مشيوا فيه و مكملوش

يمكن تاهوا في الطريق

ويمكن كسلوا يكملوا و مش عايزين غيرهم يكمل

و ناس قدروا يوصلوا لبر الأمان و ابتدوا يعيشوا بسعادة

في ملايين الاختبارات لتحليل الشخصية

و اختبارات اعرف نفسك

و ناس كتير بتبقى راسمة صورة عن نفسها قد تتشابه و قد تختلف عن صورتها الحقيقية

لازم همة اللي يشوفوا نفسهم

لازم نرسي مبدأ مهم جدا

في ناس بتاخد الطريق الأسهل

بياخدوا على عاتقهم تغيير الناس

هو حاجة حلوة انك تساعد غيرك

بس محاولة تغيير الناس لها نتايج احيانا مش هي المطلوبة

يعني ممكن ننجح في برمجتهم و غسيل دماغهم عشان يبقوا زينا

بس مش حننجح نوصلهم لبر الأمان اللي يناسبهم همة

يعني الأهم اننا ناخد بايديهم عشان همة اللي يغيروا نفسهم بشكل يسعدهم و يوصلهم لأهدافهم

يعني نساعدهم يساعدوا أنفسهم

لأن التغيير الحقيقي يبدأ من الداخل

و قديما قالوا

لا تعطني سمكة ... و لكن علمني كيف اصطاد

و الأهم ان احنا أساسا نكون نجحنا في التغيير ده

قبل ما نسعى لتغيير ما حولنا

لأننا ساعتها حنكون قدوة لغيرنا

و كمان حنكون عامل جذب للآخرين للتغيير

هيا نطلق معا عدوى التغيير

[عنبو]

مصريه متغربه

و قديما قالوا

لا تعطني سمكة ... و لكن علمني كيف اصطاد

تصحيح معلومه بسيطه المثل ده صينى ولكن ترجمته الى المصريه مش كده

ترجمته تبقى

لا تعطينى سمكه ولكن علمنى الصيد والنبى يا احمد

ياجماعه ده تراث ولازم نحافظ عليه نرجع بقى لموضوع النظافه لانه بجد مهم قوى

انا عاوز طالب شاطر يقولى احنا كنا وصلنا لحد فين الحصه اللى فاتت

لا اقعد انت ميكاوى انت شاطر قول انت يا حسام بس على صوتك

الهدوم نظيفه ومكويه وخلى بالك من الالوان شاطر سقفه ياجماعه لاخوكم حسام متصفرش يا ميكاوى سقف بس

نرجع بقى للنظافه

7- وانت بتشترى ملابس اتبع قاعدى الغالى تمنه فيه بلاش تشترى خمس اطقم كفايه قوى طقمين ويكونوا كويسين العبره مش بالعدد

8- لو مش عارف حاجه متتكلمش فيها واسكت مش عيب انك تقول معرفش ومتتكلمش فى حاجه الا لما تبقى عارفها كويس قوى

9- بلاش تتكلم عن نفسك كتير وتخنق الناس اللى قاعدين معاك وتخلص الكلام اللى فى القاعده عليك ادى غيرك الفرصه انه يتكلم

ويعبر عن نفسه واسمعه بتركيز مش وهو بيتكلم يلاقيك ماسك الموبيل بتعلب فيه دى اسمها جليطه وقلة ذوق

10 - لما واحد يختلف معاك فى رأى اسمعه الاول يمكن يكون عنده حق مش تقوله انت مبتفهمش حاجه

11 - وانت بتاكل فى طبق متقعدش تخبط الشوكه والسكينه فى الطبق وتعمل دوشه "" انا بعمل كده "" ده مش من الاتيكيت

12 - وانت بتقلب المعلقه فى بؤك بلاش تخبطها فى اسنانك بتعمل صوت برده وده ليس من الاتيكيت

13 - متعبيش المعلقه على الاخر علشان مافيش حاجه تقع منها عليك وبلاش تستعمل ايدك التانيه لتاخد اللى يقع منك وانت ليه توقعه اساسا

14 - متملاش بؤك بالاكل واقفل بؤك وانت بتاكل وكل بالراحه كده احنا مش فى مسابقه

________________________________

ياريت لو هتستعمل بيرفيوم استعمل حاجه حلوه بلاش موضوع الخمس خمسات ده

طيب انا شايف ميكاوى عاوز يسأل ميكاوى اتفضل يا ميكاوى

ميكاوى : وانت يعنى حضرتك بتعمل كده لما بتاكل فى البيت يعنى

انا : احم احم انا فى البيت بتعامل مع الاكل على انه عدو ولك ان تتخيل الباقى

__________________________________

الى اللقاء فى الحلقه القادمه بعنوان

الوساوس النفسيه وكيفية التخلص منها

تحياتى

عنبو مش حد تانى

[moory]

8- لو مش عارف حاجه متتكلمش فيها واسكت مش عيب انك تقول معرفش ومتتكلمش فى حاجه الا لما تبقى عارفها كويس قوى

9- بلاش تتكلم عن نفسك كتير وتخنق الناس اللى قاعدين معاك وتخلص الكلام اللى فى القاعده عليك ادى غيرك الفرصه انه يتكلم

ويعبر عن نفسه واسمعه بتركيز مش وهو بيتكلم يلاقيك ماسك الموبيل بتعلب فيه دى اسمها جليطه وقلة ذوق

10 - لما واحد يختلف معاك فى رأى اسمعه الاول يمكن يكون عنده حق مش تقوله انت مبتفهمش حاجه

11 - وانت بتاكل فى طبق متقعدش تخبط الشوكه والسكينه فى الطبق وتعمل دوشه "" انا بعمل كده "" ده مش من الاتيكيت

12 - وانت بتقلب المعلقه فى بؤك بلاش تخبطها فى اسنانك بتعمل صوت برده وده ليس من الاتيكيت

13 - متعبيش المعلقه على الاخر علشان مافيش حاجه تقع منها عليك وبلاش تستعمل ايدك التانيه لتاخد اللى يقع منك وانت ليه توقعه اساسا

14 - متملاش بؤك بالاكل واقفل بؤك وانت بتاكل وكل بالراحه كده احنا مش فى مسابقه

الله عليييك يا عنبووو،

بتحط ايدك على اللب على طوول...

استمر في نصايحك و امداداتك...

[mekkawy]

سلام عليكم

يا حلاوة يا ولاة .. أغيب ليلة عشان بأعزل ألاقي الموضوع كبر و زنهر كدة

و طبعاً المعلم اللي قلب من العزال و الشيل و الحط قاعد يكتب و متسلطن و احنا طلعان عين ... تييييت .. في الشيل و الحط .. ماشي .. راجعالك بضهرها ان شاء الله :closedeyes:

و بعدين يا جدع يا بتاع العنب انت مش في فكرة عن القيادة الأول .. نخلصها و بعدين نخش ع المطاعم ولا انت شايف ايه... و بعدين تعالى يا حلو متخلينيش أسيحلك في سواقتك اللوووووز لا لوز بجد يعني

احكيلنا كدة و ضيفلنا عن تجربتك و أخلاقيات القيادة و قولنا هتتغير ولا هتفضل تبلطج على خلق الله كدة و محدش عارف يعمل معاك حاجة

مكاوى .. هدووووء

[mekkawy]

و ده فهمي المتواضع

و برضه هتابع معاكم

ع جنب بقي

مسااااكم روح معدنية.....بنحاول نرفعها....و الله المستعان

سلاااام عليكم لماضة هانم

هو فهمي المتواضع ده حضرتك يقرب لحسين فهمي؟ (وش واحد بيستهبل) طالما وشوش بأة :happy:

شوفي يا ستي و ما سيدك إلا ماهو أنا .. إحنا فكرة الاصطباحة دي جميلة أوي و المفروض تكون ديفولت في حياتنا .. يعني الصباحات و القاء السلام زي ما قالت مصرية و الابتسامة .. دي حاجات اساسية زي ما الواحد بيلبس القميص كدة يلبس الابتسامة معاه .. بس من القلب مش من ع الرف.

حاجة كدة أساسية في حياتنا .. حاجة تبعث على الراحة و السلام و الاطمئنان النفسي.

أحييكي على اصطباحاتك و صباح معطر .. مصبح مزنهر .. (همن كانوا بيقولوا ايه زمان في الاذاعة؟)

ع الجنب التاني بأة

و الله يا باشا سعادتك أنا كنت غرقان و طلعت .. زي متقول كدة ميت و صحي .. بس بلاش طرقعة يا بيه أبوس ايديك المرزبة دي

مكاوى

[عنبو]

سلام عليكم

يا حلاوة يا ولاة .. أغيب ليلة عشان بأعزل ألاقي الموضوع كبر و زنهر كدة

و طبعاً المعلم اللي قلب من العزال و الشيل و الحط قاعد يكتب و متسلطن و احنا طلعان عين ... تييييت .. في الشيل و الحط .. ماشي .. راجعالك بضهرها ان شاء الله :closedeyes:

و بعدين يا جدع يا بتاع العنب انت مش في فكرة عن القيادة الأول .. نخلصها و بعدين نخش ع المطاعم ولا انت شايف ايه... و بعدين تعالى يا حلو متخلينيش أسيحلك في سواقتك اللوووووز لا لوز بجد يعني

احكيلنا كدة و ضيفلنا عن تجربتك و أخلاقيات القيادة و قولنا هتتغير ولا هتفضل تبلطج على خلق الله كدة و محدش عارف يعمل معاك حاجة

مكاوى .. هدووووء

طيب يا ميكو وانا هعرف منين ان انت كنت بتعزل حد قلك انى شغال ساحر يعنى

احنا كنا متفقين على يوم الجمعه اللى فاتت وبعدين مافيش حد فيكم قال حاجه "" وش واحد بيركب الغلط على الناس قال يعنى لو

كان هيروح يعنى اكيد كان هيبقى عندى شغل بالليل محطه ولعت اى حاجه يعنى ""

وبعدين انت عارف عنبو بتاع المهام الصعبه يعنى مش تقولى تعزيل ومعرفش ايه "" وش واحد بقول اى حاجه "

____________________________

بالنسبه للسواقه ايام كاس الاممم الافريقيه اللى فاتت كنت بروح اتفرج على الماتشات مع حبيبى محمد الحكيم

فمره بعدى تقاطع قطعت على واحد قطعه سوووووده كنت هلبسه فى الحيط

والمشكله مشيت ولا اعتذرت ولا حاجه لقيت الراجل ورايا عمال يقلب نور انا عملت فيها هندى ومشيت

الراجل شد وراح كاسر عليا وفى الاخر وقفت العربيه وبعدين لقيت تلات شباب زى العسل يعنى لو اتشكلت هضرب هضرب

العيال جم على العربيه وبعدين تعمل ايه ياعنبو تعمل ايه ياعنبو

مافيش هضرب هضرب طيب ادور على الحزام الناسف اللى مخبيه تحت فى الدواسه مش لقيه

وبعدين قولت مافيش غير حل واحد التثبيت نفع نفع منفعش اعتبر نفسى فى معجنه واللى يحصل يحصل

قولت ليهم لحظه واحده انا بس مستعجل علشان رايح اشوف الماتش تعالوا شوفى معى الماتش وبعدين نبقى نمسك فى بعض

علشان اعرف اشوف الماتش وانا مبسوط ضحكوا خلص الموضوع

وعدى الموقف على خير

________________________________

كنت مره فى مكه فى رمضان عند جماعه اقاربى وبعدين ركنت عربتيى قدام بيتهم بس انا معرفش ان المكان ده مخصص لواحد يعنى

وقعدت هناك يومين وبعدين وانا مروح على جده لقيت ورقه الراجل دخلها من بين الزجاج كنت سايبه مفتوح سنه

كاتب فيها لو سمحت وبعد اذنك ابقى اركن فى مكان تانى لان المكان ده مخصص ليا

احترمته قوى بجد لانى لما نقلت سكن جديد فى جده كان كل يوم الاقى واحد جايبلى فرده من فرد العربيه على الارض

واقعدت اتربص له كنت بعمل عليه ورديات لحد لما عرفت انه واحد كان بيركن مكان وكان متخيل ان العربيه غريبه

بس مش سبتها له برده خليته يعرف يعنى ايه يصحى الصبح يلاقى الفرد على الارض

تحياتى

عنبو السواقه فن وذوق وهندسه

[عنبو]

8- لو مش عارف حاجه متتكلمش فيها واسكت مش عيب انك تقول معرفش ومتتكلمش فى حاجه الا لما تبقى عارفها كويس قوى

9- بلاش تتكلم عن نفسك كتير وتخنق الناس اللى قاعدين معاك وتخلص الكلام اللى فى القاعده عليك ادى غيرك الفرصه انه يتكلم

ويعبر عن نفسه واسمعه بتركيز مش وهو بيتكلم يلاقيك ماسك الموبيل بتعلب فيه دى اسمها جليطه وقلة ذوق

10 - لما واحد يختلف معاك فى رأى اسمعه الاول يمكن يكون عنده حق مش تقوله انت مبتفهمش حاجه

11 - وانت بتاكل فى طبق متقعدش تخبط الشوكه والسكينه فى الطبق وتعمل دوشه "" انا بعمل كده "" ده مش من الاتيكيت

12 - وانت بتقلب المعلقه فى بؤك بلاش تخبطها فى اسنانك بتعمل صوت برده وده ليس من الاتيكيت

13 - متعبيش المعلقه على الاخر علشان مافيش حاجه تقع منها عليك وبلاش تستعمل ايدك التانيه لتاخد اللى يقع منك وانت ليه توقعه اساسا

14 - متملاش بؤك بالاكل واقفل بؤك وانت بتاكل وكل بالراحه كده احنا مش فى مسابقه

الله عليييك يا عنبووو،

بتحط ايدك على اللب على طوول...

استمر في نصايحك و امداداتك...

نخلص بس موضوع السواقه بتاع ميكاوى اصله ناوى يجيب ميكروباص جديد وبعدين نكمل بقى

تحياتى يا مووووووووورى

[أبوعمار]

أيوة كده يا عنبو

خلينا ماشيين واحدة واحدة

أنا مش راضي أفتح في أي موضوعات تانية

مستني نخلص موضوع السواقة ده ونطبق كل حاجة فيه

مع اني والله بأحاول على قد ما أقدر اني ألتزم بكل اتيكيت السواقة

يعني مرة واحد لبس فيا من ورا وأنا واقف في الاشارة لا بيا ولا عليا

ما كانش واخد باله ان الاشارة حمرا .... ولا كان ضارب فول ولا ايه؟ مش عارف

سيارته كانت جيب ولا اتخدشت وأنا سيارتي جالها انهيار عصبي

المشكلة بقى .... ودي ساعتها كانت مشكلة

انه كان شاب صغير وواخد سيارة أبوه من وراه

وانه طلع ذوق جدا... وقعد يعتذر لي ويقول لي بلاش الشرطة وأنا هأتكفل بكل التصليحات

أنا صدقته بقى واتأثرت بكلامه

وراح هو ... وأبوه طبعا قال له ولا فلس

وقعدت أنا أغني ظلموه

الخلاصة ان الواحد يكون ذوق في التعامل ماشي

ويحترم الناس الذوق مايضرش

بس اوعوا ... اوعوا

تسيبوا حقكم يا جماعة

ندء انساني من واحد ... أخد بمبة محترمة من ورا الذوق والاتيكيت

[mekkawy]

وراح هو ... وأبوه طبعا قال له ولا فلس

وقعدت أنا أغني ظلموه

الخلاصة ان الواحد يكون ذوق في التعامل ماشي

ويحترم الناس الذوق مايضرش

بس اوعوا ... اوعوا

تسيبوا حقكم يا جماعة

ندء انساني من واحد ... أخد بمبة محترمة من ورا الذوق والاتيكيت

أخويا أبو عمار

أولاً ربنا يعوض عليك و يبدلك خير مما أصابك في يوم من الأيام .. و تأكد إن الحلو اللي فك منك ده هيدفع هيدفع بس هيدفعهم حسنات بأة و انت الكسبان يا سيدي .. بس لو سامحته هتاخد بيهم قصر في الجنة .. بالله يا شيخ تبا تعزمني على منجا من الجنينة عندك و حمام مستوي بس طاير في نفس الوقت .. متفقين؟

شوف يا سيدي اللي حصل منك ده ذووووووق زيادة عن الحد و مش مطلوب .. المطلوب نكون ذوق و أخلاق اه بس بحزم و بدون فقد لحقوقنا .. أنا نفس موقفك ده حصل معايا .. هو هو بحذافيره .. اشارة بردو و حمرا بس فيه فرق واحد بس .. إن أنا اللي دخلت في عربية الراجل من ورا طحنتله الشنطة :happy: .. دخلة يعني أقل ما يقال عنها إنها تييييييييت .. بس كانت عربيته قديمة ما اتخربشتش الحمد لله وانا اللي عربيتي جنب الصدام كدة دخل لجوة بس الحمد لله .. نزلنا احنا الاتنين بكل أدب و احترام و قلتله اسف انا مخطئ اتصل بالشرطة .. لجل الحظ بأة (ه الاحترام كدة بيجيب الهم) كانت عربية شرطة معدية من جنبنا .. بردو بكل احترام رخصكم تأمينكم أخد البيانات و بكرة تروحوا المرور و استشف فيا كدة الخير راح مديلي رقم جواله (العسكري) عشان لو حبيت اسأل يعني أو كدة.

بس و حمد الله على السلامة يا ريس.

مكاوى .. كلاشات

[mekkawy]

بس مش سبتها له برده خليته يعرف يعنى ايه يصحى الصبح يلاقى الفرد على الارض

تحياتى

عنبو السواقه فن وذوق وهندسه

هو ده ابن الشرقية البار .. انتخبوا محمد عنبو .. رمز الابرة :malta: .. قاهر اطارات الجيران و المخربين ... طب و الله معلم .. معلم كبير كمان .. عجبتني أوي يا عنبوا في حتة الوردية دي ان كان عندك اصرار تعرف و تشوف حتى لو هتراقب العربية 24/7 .. الحقيقة أنا لو مكانك كنت غيرت المكان و خلاص .. و عجبتني أكتر بأة يا برنس لما الراجل عرف إن الله حق و إن المكان ده كله مسامير smk:

هو ده بأة الذوق مع الحزم .. بس مش عارف يا عنبي حاسس بوخذة في ضميري كدة لو عملت نفس عملت الراجل

كان النبي صلى الله عليه و سلم يصبر على أذى الجيران ولا يرد لهم الأذى بأذى مثله و إنما يرد الاساءة بالاحسان .. مش عارف .. بس ساعات في أصناف كدة لازم تردلهم الاساءة بالاساءة .. الله المستعان

مكاوى

[moory]

8- لو مش عارف حاجه متتكلمش فيها واسكت مش عيب انك تقول معرفش ومتتكلمش فى حاجه الا لما تبقى عارفها كويس قوى

9- بلاش تتكلم عن نفسك كتير وتخنق الناس اللى قاعدين معاك وتخلص الكلام اللى فى القاعده عليك ادى غيرك الفرصه انه يتكلم

ويعبر عن نفسه واسمعه بتركيز مش وهو بيتكلم يلاقيك ماسك الموبيل بتعلب فيه دى اسمها جليطه وقلة ذوق

10 - لما واحد يختلف معاك فى رأى اسمعه الاول يمكن يكون عنده حق مش تقوله انت مبتفهمش حاجه

11 - وانت بتاكل فى طبق متقعدش تخبط الشوكه والسكينه فى الطبق وتعمل دوشه "" انا بعمل كده "" ده مش من الاتيكيت

12 - وانت بتقلب المعلقه فى بؤك بلاش تخبطها فى اسنانك بتعمل صوت برده وده ليس من الاتيكيت

13 - متعبيش المعلقه على الاخر علشان مافيش حاجه تقع منها عليك وبلاش تستعمل ايدك التانيه لتاخد اللى يقع منك وانت ليه توقعه اساسا

14 - متملاش بؤك بالاكل واقفل بؤك وانت بتاكل وكل بالراحه كده احنا مش فى مسابقه

الله عليييك يا عنبووو،

بتحط ايدك على اللب على طوول...

استمر في نصايحك و امداداتك...

نخلص بس موضوع السواقه بتاع ميكاوى اصله ناوى يجيب ميكروباص جديد وبعدين نكمل بقى

تحياتى يا مووووووووورى

طب يا عم عنبوو، ننكمل في السوااقة عشاان مكاوي،،

عايزيين نصاايح لسواقين التكاسي الهنوووود الي بيبقو ماشييين على 120 في طريق المدينة في جدة او حتة تاني

واول ما يشوفو زبون بيشاور، يفتكر نفسه سايق توك توك او سكوتر و يضرب الفرامل و على جنب

[mekkawy]

طب يا عم عنبوو، ننكمل في السوااقة عشاان مكاوي،،

عايزيين نصاايح لسواقين التكاسي الهنوووود الي بيبقو ماشييين على 120 في طريق المدينة في جدة او حتة تاني

واول ما يشوفو زبون بيشاور، يفتكر نفسه سايق توك توك او سكوتر و يضرب الفرامل و على جنب

مووووري باي .. بم إن سواقين و تاكسي و طريق المدينة يبا موووري باي

شوف يا صديج .. هذا سواج شوف هذى سيارة سيم سيم معزة .. هو دوس برسيم ما في دوس بنزين .. انا كلام انت شوف هذا تاكسي انت روح بعيد ما في يمشي سوا سوا هذا تاكسي .. هذا تاكسي يروح يمين انت روح يسار .. معلوم صديق؟

الترجمة:

موري باشا .. سواقين التاكسي دول بيتعاملوا مع العربية انها معزة .. اول ما هيدوس برسيم هتمشي أو ما هيشيل رجله هتقف .. و انت عارف طبعاً المعيز مفيهاش اشارات لا شمال و لا يمين .. فإنت أحسنلك تمشي بعيد عنهم و أول ما تشوف تاكسي ما تلزقش فيه خاااالص لأن النهاية أكيد مش هتكون سعيدة و عامة في طريق المدينة ما تلزقش في حد خالص لأنه طريق ابن لذينة و بتلاقيه وقف فجأة و أكثر الحوادث اللي عليه تلاقي 3-4 عربيات راشقين في بعض و كان الله يحب المحسنين .. و ديماً شيك على فراملك و التيل بالذات و الزيت عشان بجد الموضوع ده خطر و لازم الفرامل تسعفك لما الطريق يقف فجأة.

و ربنا يسترها علينا و عليك يا ريس

مكاوى

[moory]

طب يا عم عنبوو، ننكمل في السوااقة عشاان مكاوي،،

عايزيين نصاايح لسواقين التكاسي الهنوووود الي بيبقو ماشييين على 120 في طريق المدينة في جدة او حتة تاني

واول ما يشوفو زبون بيشاور، يفتكر نفسه سايق توك توك او سكوتر و يضرب الفرامل و على جنب

مووووري باي .. بم إن سواقين و تاكسي و طريق المدينة يبا موووري باي

شوف يا صديج .. هذا سواج شوف هذى سيارة سيم سيم معزة .. هو دوس برسيم ما في دوس بنزين .. انا كلام انت شوف هذا تاكسي انت روح بعيد ما في يمشي سوا سوا هذا تاكسي .. هذا تاكسي يروح يمين انت روح يسار .. معلوم صديق؟

الترجمة:

موري باشا .. سواقين التاكسي دول بيتعاملوا مع العربية انها معزة .. اول ما هيدوس برسيم هتمشي أو ما هيشيل رجله هتقف .. و انت عارف طبعاً المعيز مفيهاش اشارات لا شمال و لا يمين .. فإنت أحسنلك تمشي بعيد عنهم و أول ما تشوف تاكسي ما تلزقش فيه خاااالص لأن النهاية أكيد مش هتكون سعيدة و عامة في طريق المدينة ما تلزقش في حد خالص لأنه طريق ابن لذينة و بتلاقيه وقف فجأة و أكثر الحوادث اللي عليه تلاقي 3-4 عربيات راشقين في بعض و كان الله يحب المحسنين .. و ديماً شيك على فراملك و التيل بالذات و الزيت عشان بجد الموضوع ده خطر و لازم الفرامل تسعفك لما الطريق يقف فجأة.

و ربنا يسترها علينا و عليك يا ريس

مكاوى

مكاوي صديج انت في واحد نفر كويس bv:-

بس هاذا تاكسي مافي معلوم اي شي..هوا في سووف بس زابوون..جرجر كتيير وقت حسااب

انا كنت عايش في جدة حوالي سنتين، شفت من سواقين التاكسي العجب،

مفروض العربية فيها 3 مرايات، 2 جانبي وواحدة في النص،

الي على الشمال مكسورة، غالبا بيكون نتش حد بيها و هوا ماشي في البلد،

و اليمين مقفولة، تقريبا ما يعرفش ان فيه حاجة اسمها مراية يمين، او بيكسل يفتحها اول ما يبتدي البونديرة،،

والي في النص والوحيدة الي بتبقى سليمة، وبتكون مظبوطة..على الكرسي الي وراا....

احكيلك على موقف حصل معايا في تقاطع فلسطين مع المدينة - المدينة ده شارع رئيسي واخد جدة بالطول -

المهم يا معلم انا ماشي في الحارة اليمين و شايف في المراية فلشر شغال من ورايا و عربية جاية بسرعة جدا

فطنشته طبعا، انا ماشي في اليمين، عايز يعدي الشمال كله مفتووح،

وفعلا لما لقاني مديها طناش، وهوا واخد سرعته راح واخد الحارة الي على شمالي، و عداني بشوية كده،

بس حظه ان كان في في نفس الوقت عربية ماشية في الحارة الشمال بتوسع لعربية جايه من وراها،

وهووب هما الاتنين لبسو في بعض، بس لستر ربنا العربيات بس الي اتخبطت..وهما الحمد لله كانو سلاام...

الغريبة بقى ان العربية الي كانت على الشمال الي كانت بتوسع..كان تاكسي

وهوا ماكنش بيوسع ولا حاجة، ده شااف زبوون بيشاورله كان واقف على ناصية التقاطع على اليمين خالص الحارة الي انا كنت ماشي فيها،

مالوش دعوة بقى..هوا ماشفش ساعتها غير زبون بيشاروله..

الحكمة من القصة: انا الي خت الزبوون معايا في الأخر

وعندي نصيحتين احب اقولهم بخصوص السواقة في مصر:

1. موجهة لبعض السيدات: مراية العربية مش هيا مراية التسريحة..التانية اكبر و ممكن تظبطي فيها الميك اب احسن

2. موجهة للناس الي بتسوق في الحارة الشمال: الله يكرمك، لو في حد عايز يعديك، افتحله سكة

ربنا يسترها علينا جمييعا...