إلي أصحاب الذوق

[رضوي]

السلام عليكم ورحمة الله وبركاته

انا كتبت الموضوع دة في باب موضوعات شخصية ........ علشان بتمنى اننا ندعمه بتجاربنا الشخصية ونقدر نفيد ونستفيد من بعض

الموضوع جالي علي الايميل

عظَمة عقلك تخلق لك الحساد .. وعظَمة قلبك تخلق لك الأصدقاء

في الحقيقة هذه من أجمل الرسائل التي وصلتني

أتمنى قراءتها ببصائركم لا بأبصاركم

المحطة الأولى:-

لكي تدرك قيمة العشر سنوات .... إسأل زوجين انـفـصلا حديـثاً

لكي تدرك قيمة الأربع سنوات .... إسأل شخص مـتخـرج من الجامعة حديثاً

لكي تدرك قيمة السنة .... إسأل طالب فـشـل في الاختبار النهائي

لكي تدرك قيمة الشهر .... إسأل أم وضعت مولدوها قبل موعده

لكي تدرك قيمة الأسبوع .... إسأل محرر في جريدة أسبوعية

لكي تدرك قيمة الساعة .... إسأل عـشاق ينتظرون اللقاء

لكي تدرك قيمة الدقيقة .... إسأل شخص فاته القطار .. الحافلة .. أو الطائرة

لكي تدرك قيمة الثانية ولكي تدرك قيمة الجزء من الثانية .... إسأل شخص فاز بميدالية فضية في الأولمبياد وفي الأغلب يكون الفرق بين الذهب والفضة أجزاء قليلة من الثانية

لكي تدرك قيمة الصديق .... إخسر واحد

لكي تدرك قيمة الأخت .... إسأل شخص ليس لديه أخوات

لكي تدرك قيمة العشرة ....... إسأل خطيبين علي وشك الانفصال

لكي تدرك قيمة الحياة .... إسأل عن إحساس من على فراش الموت

لكي تدرك قيمة ذكر الله ..... مت وأنظر ماذا فقدت من عمرك وأنت غافل

*الوقت لا ينتظر أحد وكل لحظة تمتلكها هي ثروة وستستغلها أكثر إذا شاركت بها شخص غير عادي*

المحطة الثانية :-

تخيل .... أنك واقف يوم القيامة وتحاسب ولست بضامن دخول الجنة

وفجأة ..... تأتيك جبال من الحسنات , لا تدري من أين !!.....

من الاستمرار بقول :- ' ســبـحـان الله وبحمده ســبــحـان الله العظيم'

تم تعديل 8 يناير 2011 بواسطة رضوي

[رضوي]

أنا مؤمنة جداً إن

الانسان = وقت

أكتر عامل في الحياه يأثر في البني آدم بجد هو الوقت ........ وهنا عظمة الخالق سبحانه وتعالي

مرة كنت قاعدة مع اطفال من اقاربي .... وكنت بحكيلهم شوية من قصص الأنبياء ....... فبنت سألتني ........ هو لما ربنا هو اللي خلقنا ..... وخلق كل الناس العواجيز دي .... يبقي ربنا كان موجود قبلينا ؟؟ طيب مين كان موجود قبل ربنا

( سبحانك ربي لا اله الا انت )

طبعاً المنطقي اني اقولها ان ربنا ماحدش قبله وهندخل في حوار انا عارفاه كويس لأنه كان بيدور في دماغي وانا في سنها

حبيت اوصلها المعني .......... مسكت صندوق هدايا صغير ...... وقلتلها بصي تعالي نتخيل الوقت ...... الزمن ....... هقول ان جوة الصندوق دة فيه ساعة وفيه وقت بيمر ........ فيه زمن ...... واحنا مع بعض برة الصندوق دة ...... يعني برة الزمن ....... تفتكري ايه اللي هيحصل

بصيتلي في ذكاء ...... وقالت مش هنتغير ....... مش هنكبر ......قلتلها بالظبط مش هنتغير يعني ماحدش هييجي بعدينا وطبيعي ان ماحدش قبلينا ..... لان مافيش زمن

ربنا خلق الزمن ...... خلق الوقت ......... وخلقنا فيه ....... لكن سبحانه وتعالي خارج الزمن ....... ماحدش قبله ولا حد بعده ....... ولا بيتغير ولا بيكبر ولاكان صغير ( سبحانك ربي لا اله الا انت )

طبعاً انا يمكن اكون مقصرة شوية في الشرح ..... بس لأنها طفلة والحمد لله انها قدرت تستوعب حاجة زي دي وتفهمها

علشان كدة انا كلي ايمان ان اكثر عامل مؤثر في الانسان هو الوقت

بنعيش بالوقت ...... بنتغير بالوقت ........ بنكبر بالوقت

سبحان الله وبحمده سبحان الله العظيم

[رضوي]

الوقت معروف قيمته كويس

لكن فيه حاجات في حياتنا مابنقدرش نقيمها كويس الا لما بتضيع من بين ايدينا

الصداقة ....................... هي فعلا من ثالث المستحيلات

لما تلاقي صديق وفي تبقي كسرت القاعدة .......... لكني بعتبر نفسي من المحظوظين جدا والحمد لله

في حياتي اصدقاء كتير اوي وكلهم اوفياء جداً

عرفت قيمة الصداقة بجد في وقت من الاوقات .......... لما بعدت عن اصدقائي .......... بعد التخرج .... وكل واحدة فينا بدأت تدور علي حياتها

طول عمري وانا بعمل خطوط حمراء لكل علاقة ........ فيه فرق بين صديقة ورفيقة وزميلة

لما قعدت فترة لوحدي وبعدت عن اصدقائي بجد عرفت قيمتهم ........... يمكن بقالي حوالي 3 سنوات من ساعة لما اتخرجت وانا ماشوفتش صديقتي الصدوق ............ لكن الميديا ماخليتش حد بعيد

دايماً فيه اتصال وتواصل والحمد لله ........ المسافات البعيدة فشلت انها تبعدنا ........ وعلي الرغم ان عندي اصدقاء غيرها الا ان عمري ماارتحت وانا بفضفض الا معاها ......... وقت الأزمة بلاقيني بتصل بيها وافضفض ...... احسن واحد تسمعني وبحس انها انا مافيش فرق

عمرها ماسابتني وانا متضايقة الا لما خرجتني من المود وسمعت ضحكتي ..... واتأكدت اني تمام

صديقتي التانية مقربة برده لقلبي ....... وعلي الرغم انها اكبر مني سناً ........ الا اني بحس بفرق التفكير لصالحي ...... دة مابيقللش منها في وجهه نظري وبحبها جداً ........ كفاية انها لو شافتني متضايقة بتعمل اي حاجة علشان تخرجني .... ولو زعلت مابتنامش الا لما تصالحني ... طبعاً بحبها جداً ......... وحسيت بقيمتها بجد لما ظروفنا حكمت ان المسافات هتبعدنا

يادي المسافات ......... اكيد هتفشل المرة دي كمان في قطع التواصل

الصداقة رزق من ربنا سبحانه وتعالي ................ لازم نحمده ونحافظ عليها