دودو هانم بتاريخ: 8 يناير 2011 تقديم بلاغ مشاركة بتاريخ: 8 يناير 2011 bsh:) بداية هذا التشابه أن هذا الكأس قوى ويتحمل ظروف كثيرة لكن بلحظة قد يكون قابل للكسر السريع .. وهذه المرأة تجدها قويه مربيه ولكنها في لحظة من اللحظات تصيبها حالة من الضعف الشديد المؤدي للكسر . من جهة أخرى إن هذا الكأس إن وضعت فيه عسل فأنت ستشرب العسل . وان وضعت فيه شراب مر أو ماء عكر فأنت ستشرب المر والعكر لامحاله :sad: . وان وضعت فيه مشروب حار فستجني الحرارة :wub: . ومن جهة المرأة فهي ليست ببعيد عن هذا الكأس فان أعطيتها الحلو ستجني الحلو . وان عاملتها بالمر العكر ستجني المر العكر . وان علمتها على الحرارة فستجني حرا قاسيا وان لا فستجني بردا . لذلك اللبيب من يضع في هذا الكأس الحلو ليشرب الحلو . والغبي المغفل من يضع في هذا الكأس المر العكر وينتظر أن يشرب شرابا حلو smk: . ايضا المرأه إذا اصابها خدش من الصعب ان تصلحه ..المرأة مخلوق رقيق art:) . ولكنها تقف شامخه امام الصعاب !!! المرأه هادئه . وتنقلب الى بركان عند غضبه ا . اذا اردت ان تسعد حياتك ايها الرجل . اسعد من تعيش معك . في تلك اللحظه ستكون انت الامير المدلل bnd5:: . وهي من تفني عمرها في خدمتك . من الممكن ان تشعل المرأه اصابعها العشره لك شموع . في حاله واحده فقط ؟ اذا احست انك تستاهل ان تحرق اصابعها من اجلك ولا يكفيها احراق الاصابع . بل من الممكن ان تحرق عمرها من اجلك .. dodo رابط هذا التعليق شارك المزيد من خيارات المشاركة
se_ Elsyed بتاريخ: 8 يناير 2011 تقديم بلاغ مشاركة بتاريخ: 8 يناير 2011 باديء ذي بدء ... -حلوه دي ؟ - أحييكي على فكرة الموضوع وأسلوب الصياغة الرشيق لكن ندخل في الموضوع إنتي ليه مصورة الست في كل المواقف دي على إنها رد فعل ؟؟؟؟ يعني هي كأس لا حيلة له ... نضع فيه ميه بسكر يبقى لموناته ونشرب حاجه حلوه نضع فيه علقم يبقى حاجه مره والعيشة تبقى مرار ... ليه بتكرري الأكلاشيهات والتابوهات المشهورة والمتكررة يومياً " إنت عُمرك ما قلت لي كلمة حلوه " مع إن الراجل ممكن يقول لمراته في مواقف عديدة بسبوسة .. كنافة أي حاجه حلوه من دي لا بجد يعني ليه الست عُمرها ما سالت نفسها ... طب إنتي إخر مره قولتي له كلمة حلوه إمتى ؟ قصدي .. هي علاقة تبادلية ... وليست علاقة فعل ورد فعل الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
SoSo R بتاريخ: 8 يناير 2011 تقديم بلاغ مشاركة بتاريخ: 8 يناير 2011 ينصر دينك يا أستاذ ...خلييييييييييييييييفة فعلا الكلام اللى فوق جميل بس مش لازم تكون المرأة رد الفعل.. إذا كان الرجل هو اللى بيوجه العلاقة لوحده يبقى هتفشل.. لأن الجواز والحب زى الشركة او النبتة محتاج مجهود و تعب من كل الأطراف عشان تستمر و تكبر ولكن هو يعمل وهى تستنى وترد على هذا الأساس ..هتخرب هيديها مر...تديله حلو يعند...ترخى هيا الحبل يديها حلو...تديله أحلى هيا زهقانة وتعبانة دلوقتى...يرخى هو الحبل و يخليه حنين يقوالها بسبوسة...تقوله بالقشطة:closedeyes: سم كدة :protest: مساءكم بسبوسة بالقشطة والمكسرات من فوق و بتسر سمن بلدى مع الشربات أنا ريقى جرى يا جدعاااااااااان تعاليلى يا امى لا تندم على حب عشته...حتى ولو اصبح ذكرى مؤلمه..... فأذا كانت الزهور قد جفت وضاع عبيرها ..... ولم يبقى فيها غير الاشواك فلا تنسى انها منحتك عطرا جميلا اسعدك رابط هذا التعليق شارك المزيد من خيارات المشاركة
بركة بتاريخ: 9 يناير 2011 تقديم بلاغ مشاركة بتاريخ: 9 يناير 2011 ينصر دينك يا أستاذ ...خلييييييييييييييييفة فعلا الكلام اللى فوق جميل بس مش لازم تكون المرأة رد الفعل.. إذا كان الرجل هو اللى بيوجه العلاقة لوحده يبقى هتفشل.. لأن الجواز والحب زى الشركة او النبتة محتاج مجهود و تعب من كل الأطراف عشان تستمر و تكبر ولكن هو يعمل وهى تستنى وترد على هذا الأساس ..هتخرب هيديها مر...تديله حلو يعند...ترخى هيا الحبل يديها حلو...تديله أحلى هيا زهقانة وتعبانة دلوقتى...يرخى هو الحبل و يخليه حنين يقوالها بسبوسة...تقوله بالقشطة:closedeyes: سم كدة :protest: مساءكم بسبوسة بالقشطة والمكسرات من فوق و بتسر سمن بلدى مع الشربات أنا ريقى جرى يا جدعاااااااااان تعاليلى يا امى دا انت اللي شربات والله يا سوسو الا انت بتغطسي فين يابنتي؟ وبالنسبة لموضوع دودو اللي استفتحت بيه جميل جدا بس ليا كلمتين الدنيا مش هات وخد وعلى قد ما تدي هتاخد ..لا اللي يقدر يدي حاجة يديها من غير ما ينتظر المقابل حلاوة الدنيا في العطاء فلسفة الدنيا والنظر اليها من ناحية مختلفة انا أحب أعيش إزاي = أنا اللي هخلي كل حاجة زي ما انا بحب انا اللي هحرك كل حاجة حواليا طب لو مش عاوزة تتحرك انا بردو اللي هبصلها من الجانب الاخر هلاقي اني انا اللي كنت باصه عليها غلط.. قال الله تعالى في حديث قدسي ( أنا عند ظن عبدي بي فليظن بي ما شاء........... ) نستطيع تغيير حياتنا بهذا الحديث من الان مع الأخذ بالأسباب............ رابط هذا التعليق شارك المزيد من خيارات المشاركة
HDarwish بتاريخ: 9 يناير 2011 تقديم بلاغ مشاركة بتاريخ: 9 يناير 2011 (معدل) فيه شخصيات كده فعلا بتتأثر بما حوليها ولا تؤثر في غيرها وبالتالي سيؤثر على العلاقة من هو أقوى في الشخصية والكلام هنا سواء على الرجل أو المرأة سيان والأمثلة الواقعية عديدة، فكثيراً ما تجد الزوج أو الزوجة على حد سواء قبل الزواج بحالة وبعد الزواج بحالة أخرى تماماً مغايرة على سابق عهده أو عهدها، والسبب في طباع الطرف الآخر التي تؤثر فيه أيضاً كما قال عمنا نيوتن "لكل فعل رد فعل مساو له في المقدار ومضاد له في الاتجاه" فلن أجد أمامي من يصطنع المشكلات يوميا على أتفه الأسباب ويكون رد فعلي إبتسامتي المعتادة شيئاً فشيئا ستتلاشى هذه الإبتسامة مهما حاولت الحفاظ عليها لن تخرج من البيت وأنت مخطيء في حق الطرف الآخر وتعود تلقى الابتسامة والترحاب، حتما ستكون نفاقاً بعكس أن تودع زوجتك صباحاً بابتسامة وكلمات طيبة فحتماً ستعود وتلقى لهفة الاشتياق والحنين في عينيها ولن تعود البيت وتجد عاقدة الحاجبين عاكرة المزاج دوماً، ومن ثم تقول لها إشتقت إليكي، حتماً ستكون نفاقاً فككلا الطرفين يتخذوا موقفي رد الفعل والتأثير في الغير فاجعل فعلك حسناً حتى تجد رد الفعل أيضاً حسناً وعلى العكس أيضاً إن كان فعلك سيئاً فحتماً ستجد رد الفعل سيئاً تم تعديل 9 يناير 2011 بواسطة HDarwish رابط هذا التعليق شارك المزيد من خيارات المشاركة
لونا بتاريخ: 9 يناير 2011 تقديم بلاغ مشاركة بتاريخ: 9 يناير 2011 انا أحب أعيش إزاي = أنا اللي هخلي كل حاجة زي ما انا بحب انا اللي هحرك كل حاجة حواليا طب لو مش عاوزة تتحرك انا بردو اللي هبصلها من الجانب الاخر هلاقي اني انا اللي كنت باصه عليها غلط.. [ /quote] جبتي من الآخر يا بركة ما ينفعش نفضل نعلق الفشل على شماعة الآخرين شوف إنت بتحلم تعيش إزاي .. و حاول تنفذ حلمك على أرض الواقع ربنا آتنا في الدنيا حسنة .. و في الآخرة حسنة .. و قنا عذاب النار .. يا رب .. احفظ مصر و المصريين رابط هذا التعليق شارك المزيد من خيارات المشاركة
لماضة مصرية جدا بتاريخ: 9 يناير 2011 تقديم بلاغ مشاركة بتاريخ: 9 يناير 2011 السلام عليكم و رحمة الله و بركاته استاذتي الجميلة عجبني اسم التوبيك....و لو إني مختلفة مع حضرتك فيه أنا كأس.....إذن أنا انكسر عجبتني المقارنة بمفردات الامتلاء و الانكسار و الاحتياج و الرغبة في أن يظل للكأس الكريستالي البريق اللي يخليه يعكس نور من خلاله لكل ما حوله لو تسمحيلي اقول وجهة نظري....و اللي هي نظرية جدا لاني مش في ارتباط واقعي يسمحلي اني اقول ارض الواقع شكلها ايه من مشاهدتي في حياتنا البنت لما بترتبط بتخلي جوزها او خطيبها هو محور حياتها و مركز الدايرة اللي هي لازم تلف حواليها بتخليه مركز يتحكم في دايرتها هي لو هو مبسوط....هي بتكون مبسوطة لو هو متعصب هي بتشيل همه و عشان كده بيفضل الكأس بتاعتها أشبه ما تكون زي الاواني المستطرقة...يعني بتاخد شكل السائل اللي بينسكب فيها و عشان كده دايما تلاقيها في حالة احباط مستمرة...و بتعبر عنها باللي قاله استاذنا سين سين هي صحيح قوالب جاهزة من العبارات اللي اكيد بنسمعها و ع الرغم من اعتراضي عليها لكنها مؤشر ان فيه طرف في العلاقة مش مبسوط....محبط....او بمعني اصح عنده سقف توقعات اعلي من اللي ممكن شريكه يوصل ليها أنا رأيي الشخصي....انها لازم تعمل دايرة لنفسها....يعني تعرف تبسط نفسها.....تعرف تلاقي سبل للسعادة...حقيقي بنرتبط عشان نلاقي شريك للسعادة دي بس مهم برضه انه يكون لينا مساحات خاصة بينا نتنفس فيها ملامحنا احنا و تفاصيلنا احنا...عشان لما نرجع للشريك....نلاقي مصدر آخر للسعادة...و ميكونشي هو مركز الدايرة ليه في الاربتاط منكونشي واضحين في مشاعرنا....أنا بحب...كذا.....أنا بكره كذا و حتي لما بنكون متضايقين ليه بنلف و ندور حوالين الوجع و مبنقولشي بشكل واضح احنا عايزين ايه عايزة معاملة كويسة.....اقولها بعبارة واضحة عايزة مشاعر معينة...أينعم هي عمرها ما هتنطلب لانها بتفقد قيمتها بعد كده....لكن احاول اني المح....و مفقدشي الامل انه في يوم من للايام هنوصل لفهم....محتاجين نفهم بعض...محتاجين ان الشريك اللي قدامنا يفهم اني الارتباط في "خطر الانكسار"...اللي بيحصل ان الانثي بتفضل تتراكم جاها ما بتسميه بالخيبات...او الاحباطات....و عشان كده بتوصل بدري للحافة....و لما يجي وراها....بتكون خلاص اخدت قرار بالانكسار حوار.....تلميح....محاولة كقطرات المية اللي بتفتت الصخر.....دايرة خاصة من السعادة ارسمها لنفسي اكيد هتجنبني كتير....اني اكون كأس قابل للانكسار و هيكون جوايا قدرة اني افضل كأس كريستالية اشع نور من جوايا....و يوصل لنوري لكل المحيطين بيا معذرة ع الاطالة بس موضوع حضرتك انساني جدا و خلاني افكر معاكي مساحضرتك كؤوس كريستال....بنحاول نعيد ملئها من حين لآخر رابط هذا التعليق شارك المزيد من خيارات المشاركة
دودو هانم بتاريخ: 9 يناير 2011 كاتب الموضوع تقديم بلاغ مشاركة بتاريخ: 9 يناير 2011 سين سين و سوسو ار وبركه اشكركم من كل قلبي علي ردودكم بس شكلي مش قدرت اوصل لكم ال جوايا كما ينبغي او يمكن انتو بعيد عن العالم ده عالم انك تدي ومش تلاقي وبردوا تفضل تدي ومش مستني غير اضعف الايمان وهو ابتسامه علي وجه محبوبك تنسيك كل الامك وتعبك صدقوني فيه نمازج كتير نمط حياتها ماشي علي كده لحد ايه هااا لحد ايه يا سين سين ها ردي انتي يا سوسو هاا يا بركه ايووووووووه لحد ما ينكسر وساعتها عمره ما ها يرجع زي الاول الاخوه الكرام جدا جدا الاخ درويش لك مني عظيم الشكر أيضاً كما قال عمنا نيوتن ("لكل فعل رد فعل مساو له في المقدار ومضاد له في الاتجاه)" كلامك انت وعمنا نيوتن والله هو عين العقل الله ينور عليك الاخت لونا اشكرك جداعلي ردك( انا أحب أعيش إزاي = أنا اللي هخلي كل حاجة زي ما انا بحب) والله يا لونا مش دايما عموما اي كاس حاسس انه هاينكسر يرجع ل كلامك ده اشكرك من كل قلبي الاخت الغاليه لماضه ( ليه في الاربتاط منكونشي واضحين في مشاعرنا....أنا بحب...كذا.....أنا بكره كذا) لكي من قلبي الف شكر كلامك اثلج صدري شعرت بكل كلمه من كلامك الجميل dodo رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان