اذهب إلى المحتوى
محاورات المصريين

هو انا بكتب بالحبر السرى؟

صفاء

بواسطة صفاء
في موضوعات شخصية

 مشاركة

Recommended Posts

صفاء عضو جديد

صفاء

بتاريخ:
بتاريخ: (معدل)

السلام عليكم ورحمة الله

الحقيقه يعنى عندى وبالبلدى شوية سؤالات .... اختر مما يأتى :

هو ليه اما بكتب أى موضوع محدش بيجبر بخاطرى ويرد على مواضيعى ؟

1- لهيافتها الشديدة

2- لأسلوب الكتابة الركيك

3- عشان باجى متأخر بعد الموضوع ما يكون اتعصر والناس زهقت من الكتابه؟

4- ولا عشان الجيل القديم نسينى والجديد ميعرفنيش وهنا الناس بترد حسب المعرفه من باب المجامله .. مع انى معتقدش

تم تعديل بواسطة صفاء

أقوال مأثورة :

سنأخذ من كل رجل قبيلةةةةةةةةةةةةةةةة

الدفاتر بتاعتنا والتواريخ فى ايدينا , يبقى العدة خلصت وهانعقد يعنى هانعقد

وأطيعوا الله وأطيعوا الرسول وأولى الأمر منكم

رابط هذا التعليق
شارك
Alshiekh عضو جديد

Alshiekh

بتاريخ:
بتاريخ:

حمدا لله على السلامة يامدام صفاء

الموضوع ابسط من كده

طبعا كلنا او على الأقل القدامى الذين يعرفونك نقدر كتاباتك ونشاطك الذى كان ملحوظا فى وقت من الأوقات.

عندما نكتب فنحن نعبر عن وجهة نظر او نعلق على حدث ما نراه مهما من وجهة نظرنا والتى ليست بالضرورة تهم الآخرين ، ولكننا فى النهاية نعبر عن رأى أو وجهة نظر.

أرجو ألا يسيئك عدم مشاركة الآخرين حيث أن البعض فعلا يشارك للمجاملة.

إستمرى فى كتاباتك والتعبير عن نفسك ولاتلتفتى لعدد الردود او المداخلات التى تأتى تعليقا على كتاباتك فأنت صاحبة قلم جيد جدا.

تحياتى

--

{وَإِذَا قِيلَ لَهُمْ لَا تُفْسِدُوا فِي الْأَرْضِ قَالُوا إِنَّمَا نَحْنُ مُصْلِحُونَ}(11){اَلَا إِنَّهُمْ هُمُ الْمُفْسِدُونَ وَلَكِنْ لَا يَشْعُرُونَ}(12)وَإِذَا قِيلَ لَهُمْ آمِنُوا كَمَا آمَنَ النَّاسُ قَالُوا أَنُؤْمِنُ كَمَا آمَنَ السُّفَهَاءُ أَلَا إِنَّهُمْ هُمُ السُّفَهَاءُ وَلَكِنْ لَا يَعْلَمُونَ}(11)

new-egypt.gif

ذو العقل يشقى في النعيم بعقله *** وأخو الجهالة في الشقاوة ينعم
***************
مشكلة العالم هي أن الحمقى والمتعصبين هم الأشد ثقة بأنفسهم ، والأكثر حكمة تملؤهم الشكوك (برتراند راسل)
***************
A nation that keeps one eye on the past is wise!A
A nation that keeps two eyes on the past is blind!A
***************
رابط القرآن كاملا بتلاوة الشيخ مصطفى إسماعيل برابط ثابت مع رابط للقراءة
***************
رابط القرآن كاملا ترتيل وتجويد برابط ثابت مع رابط للقراءة
***************
رابط سلسلة كتب عالم المعرفة

رابط هذا التعليق
شارك
mekkawy عضو جديد

mekkawy

بتاريخ:
بتاريخ:

الفاضلة صفاء .. تحياتي لموضوعاتك القيمةالصراحة بس ما جتش فرصة نعبر عن ده

حضرتك مبتكتبيش بالحبر السري ولا حاجة .. الموضوع أبسط من كدة و مش هضيف أكتر من اللي قالوا أخونا الكبير محمد و لكن قد أقدم بعض النصائح اذا سمحتيلي ..

1 - تخيري حضرتك الموضوع الذي ستكتبي فيه و بناءه و مقوماته و ابحثي عن عناصر الجذب.

2 - اجعلي للموضوع قيمة مضافة بداية من العنوان مروراً بالمشاركة الأولى التي هي أهم المشاركات و حتى نهاية المشاركة الأولى

3 - اطرقى على مناطق فكرية و اجتماعية و حسية لابد و أن تخرج ما بداخل المشاركين .. بالبلدي حضرتك لازم تستفزي ما بعقول الأعضاء سواء تساؤلات أو تعليقات في موضوع معين.

4 - حددي اللغة اللي هتكتبي بيها .. يعني مش شرط الفصحى ولا شرط العامية .. أي لغة اللي هتنفع للموضوع ده .. و ده بيتحدد بناء على الشريحة اللي حضرتك هتخاطبيها.

5 - متحاوليش تشاركي بموضوعات أكثر من اللازم .. أحياناً بتكون عندنا وجهة نظر نقوم فاتحين لها موضوع في حين إن في موضوع آخر مشتمل على نفس وجهة النظر و إن وجهة نظرنا لا تعدو أنها مشاركة في موضوع و ليست موضوع قائم بذاته .. و بالتالي لن تجدي التعليقات و المشاركات المنتظرة .. في حين إن لو حضرتك عملتيها مشاركة في موضوع يحمل نفس وجهة النظر قد تكون أوقع من كل الجهات.

6 - حددي هدفك حضرتك من الموضوع .. بأفتح الموضوع ليه و بناء على الهدف ده هتعرفي تكتبي ايه صح .. هأضرب مثال .. أنا هأفتح موضوع هدفي منه الرقي بمعاملات المجتمع اذن هأكتب سلوكيات مثالية و مقارنتها مع سلوكيات مرفوضة و عواقب دي و عواقب دي .. واضح المثال؟

7 - التحضـــــــــــير ... حضرتك لازم تحضري للموضوع كويس .. تقرأي عنه و فيه .. تشوفي موضوعات مشابهة كان ناقصها ايه و ليه ما أفادتش الناس و تكوني ملمة بجوانب الموضوع اللي بتتكلمي فيه عشان تقدري تفيدي و تستفيدي أكبر استفادة.

أخيراً و ليس آخراً ... النيـــــــــة .. خلي ليكي نية في الموضوع .. النية أهم عنصر في اللي فات كله و هي اللي هتصلح ليكي العمل بالكامل إن شاء الله

الفاضل محمد

أرفع لك القبعة على المساندة الجميلة السهلة.

مكاوى

رابط هذا التعليق
شارك
doha عضو جديد

doha

بتاريخ:
بتاريخ:

اولا عودا حميدا اختي صفاء .. قريت لك زمان بعض المشاركات في مواضيع قديمه واستبشرت خير لما لقيت معرفك بصورتك الرمزيه المميزه رجع يشارك من تاني . .

بالنسبة لان حجم المشاركات والردود على مواضيعك اقل من المطلوب فمتحطيش في بالك ده مش عيب لا في ردودك ولا مواضيعك ولا هو عيب في حد بقدر ماهو نتاج طبيعي للتركيبة الحاليه لاعضاء المنتدى ..

لو راجعتي المواضييع الاخيره في كافه الاقسام هتلاحظي حاجتين مميزين اوي ..

اولا في ثلاثه اربعه بس من الاعضاء هم القادرين على سحب اي موضوع ليتجاوز حاجز الثلاث صفحات .. اكتبي اي موضوع يحتمل الجدل وادعي لربنا اثنين م الاعضاء دول يدخلوا موضوعك وان حصل فخلاص استرخي في كرسيك وهم هيقوموا باللازم.. هيدخلوا لبعض قافية وده يكتب والثاني يرد عليه وبكده موضوعك هيترفع في اليوم مالايقل عن عشر مرات وهيبقى موضوع الساعه وعلى استحياء هتبدأ مشاركات بقية الاعضاء فيه ...

تعرفي الصعيدي الي ربط ابنه في القطار عشان يعلمه المشي .. اهو انتي مش هتلاحقي لو ربنا كرمك وحد من المجموعه دي دخل يغني لك في الموضوع وواحد تاني دخل ورد عليه ..

تابعي كده المواضيع الاخيره فهتكتشفي ان ثلاثه ارباع المواضيع الجاده ومواضيع هدي الاسلام بتدار بالطريقة دي ..

النقطه التانية الي ممكن يكون لها علاقه مباشرة بانخفاض المشاركه في مواضيعك ان اصلا عدد اعضاء المنتدى الفاعلين قليل جدا بدرجه تجعل رد او اثنين على اي موضوع كتير ومناسب بل واكترمن المطلوب ..

طبعا انتي كده دخلتيني في حته محظوره واحتمال انسحل عشان تكلمت فيها بس هنعمل ايه دي الحقيقة مينفعش نزوقها ..

النقطتين دول عامل مؤثر جدا في تحديد عدد الردود اضافه لعامل خاص وهو توقيت رجوعك جاي في ظروف كتير مننا مع الاخبار المتلاحقه في الفترة الاخيره ملوش نفس فعلا يكتب او يعلق ..

عموما لو عاوزه الوضع يتغير خليكي زي ماانتي كده على نشاطك واكتبي كل الي نفسك فيه ونزلي مواضيع كتير على قد ماتقدري ومصير الاعضاء ترجع تشارك بكثافه بس انتي متفكريش دلوقت في الي بيرد والي مبيردش اكتبي ولو من باب ترتيب افكارك مش مهم حد يعلق وان شاء الله الوضع مش هيستمر على كده ..

..إذا دعتك قدرتك على ظلم الناس فتذكر قدرة الله عليك ..

رابط هذا التعليق
شارك
Folana عضو جديد

Folana

بتاريخ:
بتاريخ:

السلام عليكم ورحمة الله...

حمدلله على السلامة يادكتورة صفاء..وحشتينا جدا وكنا مفتقدينك ومفتقدين قلمك وروحك الجميلة...

ومتابعين طبعا موضوعاتك...

والصورة مش ضلمة قوى كده زى ما البعض بيصورها...

انا شخصيا سعدت جدا برؤية اسمك ومشاركاتك واتمنى ان تستمر وتتنوع ...علشان كلنا نقدر نشارك فى الموضوع اللى نقدر نكتب فيه....

:give_rose:

{ لَّقَدْ كُنتَ فِي غَفْلَةٍ مِّنْ هَـٰذَا فَكَشَفْنَا عَنكَ غِطَآءَكَ فَبَصَرُكَ ٱلْيَوْمَ حَدِيدٌ }

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

شوفتي إنتي ظلمانا إزاي ؟

والظاهر إنك دلدقتي شوية حبر سري على رسالة الترحيب اللي بعثتها لك من 5 أيام للترحيب برجوعك يا دكتورة نيابة عن الإدارة ... وما ردتيش .... صح ولا لأ ؟

عامةً إنتي مش محتاجه تستغربي من عدم وجود ردود على موضوعاتك لأنك بامانة من الأقلام خفيفة الدم والرشيقة في المنتدى ..

لكن الظروف المحتقنة في البلد بقى هي اللي صادفت مش اكتر

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
عبير يونس عضو مبتدئ

عبير يونس

بتاريخ:
بتاريخ:

السلام عليكم ورحمة الله

الحقيقه يعنى عندى وبالبلدى شوية سؤالات .... اختر مما يأتى :

هو ليه اما بكتب أى موضوع محدش بيجبر بخاطرى ويرد على مواضيعى ؟

1- لهيافتها الشديدة

2- لأسلوب الكتابة الركيك

3- عشان باجى متأخر بعد الموضوع ما يكون اتعصر والناس زهقت من الكتابه؟

4- ولا عشان الجيل القديم نسينى والجديد ميعرفنيش وهنا الناس بترد حسب المعرفه من باب المجامله .. مع انى معتقدش

دكتورة صفاء

تحية طيبة لحضرتك

أولا اعذري جهلي بمشاركات حضرتك لأني جديدة هنا بقى لي سنتين بس

ثانيا مش معنى ان محدش رد على موضوع انه مش مهتم باللي اتكتب او ان الموضوع لا سمح الله هايف و لا الكتابة ركيكة

عن نفسي مثلا المواضيع اللي حضرتك تصادف و فتحتيها اليومين اللي فاتوا

كنت منشغلة في عمل الفهارس

و الحقيقة التركيبة الحالية للمنتدى زي الفل و في ناس كتير في غاية الثقافة و الاحترام و ما يتخيروش عن حضرتك

حضرتك بس ادخلي الموضوع ده

نادي الايجابين (الفهارس)

http://www.egyptiant...howtopic=115114

و انتي تشوفي ناس كويسين جدا و جداد على المكان و مواضيعهم ايجابية جدا

مش بس مواضيع ساخنة كلها مجاملات أو جدال

انا زي ما قلت لحضرتك لم اتشرف بالتحاور مع حضرتك سابقا

بس فتحت صفحة حضرتك و متأكدة اني حالاقي مواضيع اضيف روابطها

في نادي الايجابين

تشرفت بمعرفة حضرتك يا فندم

:give_rose:

أعد شحن طاقتك

حدد وجهتك

و اطلق قواك

رابط هذا التعليق
شارك

انشئ حساب جديد أو قم بتسجيل دخولك لتتمكن من إضافة تعليق جديد

يجب ان تكون عضوا لدينا لتتمكن من التعليق

انشئ حساب جديد

سجل حسابك الجديد لدينا في الموقع بمنتهي السهوله .

سجل حساب جديد

تسجيل دخول

هل تمتلك حساب بالفعل؟ سجل دخولك من هنا.

سجل دخولك الان
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة

  • الموضوعات المشابهه

    • News Bot
      0
      [مجلة رزو اليوسف] مختبرات أمريكا البيولوجية فى أوكرانيا سلاح واشنطن السرى ضد روسيا الحرب العالمية الثالثة بدأت بالسلاح الصامت
      تتخذ الحرب أشكالا عديدة إلا أن الحرب البيولوجية هى بالقطع أبشعها على الإطلاق وخلال الحرب الدائرة حاليا فى أوعرض المقال كاملاً

      بواسطة News Bot
      كُتب

    • News Bot
      0
      [مجلة رزو اليوسف]وثائق كشــف أكاذيب الإخوان الباقورى يكشف جرائم التنظيم السرى
      الباقورى شهادة خاصة على جرائم تنظيم الإخوان السرىفى العام 1988 نشر مركز الأهرام للترجمة والنشر كتاب مجرد ذكريعرض المقال كاملاً

      بواسطة News Bot
      كُتب

    • عادل أبوزيد
      9
      التنظيم السرى الذى يخرب مصر
      هذا مقال فى الصميم بقلم مجدى مهنى الذى أعتبره من كبار الكتاب اللى "واجعاهم مصر " الرجل لم يستطيع تفسير ما يجرى فى البلد - تماما كما عجزنا نحن هنا فى محاورات المصريين فلم يجد إلا نظرية المؤامرة. أدعو الفاضل حشيش أن يستدعى "الشيخة صباح العمشة" لعلها تستطيع أن "تنورنا" للأسف لم أستطع الوصول لموقع جريدة "المصرى اليوم" ...هل ....؟

      بواسطة عادل أبوزيد
      كُتب

    • عادل أبوزيد
      14
      التنظيم الطليعى و دوره السرى
      كثير من أعضاء محاورات المصريين لا يعرفون ما هو التنظيم الطليعى و هذا يتطلب التعريف به. فى عام 1965 عرض على أحد زملاء الدراسة الإنضمام ل "الإتحاد الإشتراكى السرى" بهذا اللفظ و قد رفضت الفكرة و لم أصدقه و تكرر العرض على من قبل أساتذة فى الجامعة و رؤساء فى العمل و تكرر الرفض من جانبى. و الذى علمته بعدها أنه تكون ما يسمى التنظيم الطليعى و هو عبارة عن تنظيم متوازى مع الإتحاد الإشتراكى المعلن و لكنه سرى و أكرر سرى . و تم تبرير ذلك بضرورة وجود تنظيم قادر على مواجهة أى ثورة مضادة فى مصر و تم تك

      بواسطة عادل أبوزيد
      كُتب

    • الأفوكاتو
      6
      الزواج السرى
      نشرت هذه الإحصائية فى إحدى الصحف المصرية, و أرسلها لى صديق عن طريق الإيميل: احصائيات ـ كشفت دراسة إحصائية أجراها المجلس القومي للسكان في مصر ونشرتها مجلةالمستقبل في عددها رقم 151 الصادر في ذي القعدة 1424 عن تفشي ظاهرة خطيرة من شأنها القضاء على الأسرة المصرية وهي ظاهرة تفشي الزواج السري، خاصة بين طالبات الجامعات المصرية، وعلى وجه الخصوص بين طالبات الجامعة الأمريكية وجامعة القاهرة، وبينت الإحصاءات وجود 400 ألف حالة زواج سري، وأن أغلب الحالات بين الشباب والفتيات الذين تراوح أعمارهم ما بين 18 ـ 30

      بواسطة الأفوكاتو
      كُتب

×
×
  • أضف...