يا نظام مبارك ... متى نكون مثل جنوب السودان ؟؟؟؟؟

[se_ Elsyed]

حسبي الله ونعم الوكيل

حتى اللا دول واللي مش معروف مصيرها .. أستطاعت أن تُقيم لجان إنتخابية في الدول التي يوجد بها جاليات من الجنوبيين ... ومنها مصر حيث إقيمت 3 لجان إنتخابية هناك

أما أكثر من 7 مليون مصري مغترب فمازال النظان المُزور المتعنت الديكتاتوري يُصر على حرمانهم من أبسط حقوقهم السياسية

لأنه يعرف بالتأكيد مدى شعبيته عند هؤلاء المغتربين المكويين بنار فسادهم ...

[دودو هانم]

يا استاذنا سين سين عاوزين نرجع بلدنا سالمين غانمين وتوا ما نحط رجلينا ف ارضها :egyflag: نتداري جنب الحيط

وجه نظري اكيد خلتك تشمئز :sad: سلبيه اخر مليون حاجه بس هو ده الواقع نقول ونتغاظ ونشد ف شعرنا :waving: وبردوا ما فيش فايده :closedeyes:

[pink rose]

و الله لما شوفت اللجان و قال ايه في مصر

قولت في عقل بالي يا نهار زحل

بقى احنا مش عارفين نبقى زي الجنوبيين اللي بيقولوا عليهم لا عندهم تعليم و لا ثقافة و لا مدارس و لا اي حاجه

هو الناس كلها بقت احسن مننا كده

يا حسرة قلبي علينا :sad:

[جسار]

حتى ولو الحكومة - فرضا - أستجابت للمطالب الحقيقية وتحت ضغوط دولية بضرورة تصويت المصريين

فى الخارج فى أية أنتخابات أو حتى أستفتاءات ... حتلاقى الحكومة باعته صناديق أانتخابات للسفارات

والقنصليات جواها مخبرين صغيرين وقاعدين كل شويه ينادوا على بعضهم ويقولوا ... هو لسه ما صفرش !!

عيب ده أحنا 5 الآف سنة حضارة ...

[abdulmuttaleb]

السيد باشا،

اختلافنا جذري من الواضح ده جدا، لكن خليني أقول تجربة حضرتك شخصيا مريت بيها إذ كنت كذا مرة تعلق في منتدى المغتربين إنه يا ناس معظم الأسئلة مكررة وفقط المطلوب منكم أيها السادة الزوار أن تتصفحوا المواضيع ذات العلاقة، ولعل حضرتك كمشرف يشهد لك الجميع بالحيدة والاجتهاد والاحترام، لعل حضرتك طالبت أكثر من مرة بأن يكون العنوان حتى مناسبا للمضمون مش عناوين من شاكلة الحقوني مغترب في مشكلة، إلخ.

تخيل حضرتك إننا كمتصفحين أو أعضاء صغار، تخيل أننا بدلا من أن نساعد هلاء الزوار الجدد والذين ربما لا يجيدون التعامل مع الانترنت، تخيل أننا بدلا من مساعدتهم اتجهنا لمعاتبتك واتهامك بتجاهل مشكلات الزوار وأنك أناني -حاشاك طبعا- ولا تكلف خاطرك بمتابعة شكاوى الناس، في حين أن حضرتك تخصص وقتك لمهام أخرى لا تقل أهمية ولكنها في الباك إند كما يقولون في مجال تقنية المعلومات.

وأرجع واقول لحضرتك لو حضرتك لك 20 صديق مقيمين في مصر ومتعلمين شوف كام واحد بيحضر (فقط حضور) اجتماعات اتحاد الملاك

أضيء شمعة بدلا من أن تلعن الظلام يا سيدي، مع ثقتي الكاملة في أن حضرتك بكل تأكيد رجل إيجابي وتحاول مساعدة الناس على قد ما تقدر وحتى الريبوتشن بتاع حضرتك ماشاء الله يقفل عداد بي إم آخر موديل:) بس يعني أقصد والله الواحد بس لازم يعذر الناس وزي ما بيقولوا اللي ايده في المية غير اللي ايده في النار.

وكان الله في عون الرئيس مبارك وفي عون حضرتك.

شوف الفيديو ده جايز يغير انطباع حضرتك شوية:

http://www.youtube.com/watch?v=AWAfGsTTyM8

تم تعديل 11 يناير 2011 بواسطة abdulmuttaleb

[Scorpion]

الفاضل عبد المطلب

من الواضح ان حضرتك قد قمت باضافة مداخلتك الأخيرة تلك ردآ علي موضوع آخر سواء هنا في المحاورات او في منتدي آخر ...

فما كتبته لا علاقة له بمحتوي الموضوع او حتي بمن تخاطبه .. فلا يوجد اي "باشا" فيه ...

سأكون أكثر من سعيد بنقل مداخلتك تلك الي مكانها الطبيعي متي حددت الموضوع المذكور .. و الا توافقنا ان حذفها هو شيء طبيعي كونها لا علاقة لها بباقي المداخلات.

عن فريق المشرفين

سكوربيون

[abdulmuttaleb]

Scorpion:

لأ أنا فعلا في المكان الصح

بس لو حضرتك شايف غير كده ممكن الرد يتنقل

السيد باشا أقصد بيه العضو

Se_ElSayed

كاتب هذا الموضوع

وأنا في ردي عملت بس إسقاط على مشكلة سيادته كمشرف كان بيواجهها

وذكرت رأي متعلق بالانتخابات فيما يخص انتخابات اتحاد الملاك

مرة أخرى لسيادتك ولطاقم الإشراف كل الاحترام

ولو مداخلتي أعلاه مخالفة أو في غير مكانها الصحيح فأنا أول المؤيدين لكم بان تحذفوها فورا

[Scorpion]

لأ طبعآ يا سيدي الفاضل ..

هو اذن رأيك فيما يناقشه هذا الموضوع و له كل الأحترام ..

فقط الأنطباع الأول و بالأخص الي من وجهت كلامك هو الذي أوحي بان مداخلتك لا تصب في نفس المجري ...

و لكن بعد تأكيد حضرتك .. لا توجد اي مخالفة لقواعد الكتابة تضطرنا لأي اجراء ...

تحياتي