أهل النوبة.. والمطالب النوبية

[الغريب]

حد يعرف حاجة عن النوبة ؟؟

هي مش النوبة دي حتة في مصر ، يعني أهلنا؟؟

طيب ليه منعرفش عنهم حاجة ولا عن تراثهم ولا عن لغتهم ، وأقصى معرفة ليناعنهم " بكار " ؟؟

طيب هي مش حلايب وشلاتين تبع النوبة ولا أيه ؟؟

حد يعرف طيب أيه هي المطالب النوبية المثارة الآن على الساحة، والتي طالب البرادعي وسعد الدين إبراهيم تدويل قضية النوبة من أجل هذه المطالب ؟؟

الله يكرمكم اللي عارف يقول

[Diab]

size="3"]1حد يعرف حاجة عن النوبة ؟؟

2-هي مش النوبة دي حتة في مصر ، يعني أهلنا؟؟

3-طيب ليه منعرفش عنهم حاجة ولا عن تراثهم ولا عن لغتهم ، وأقصى معرفة ليناعنهم " بكار " ؟؟

4-طيب هي مش حلايب وشلاتين تبع النوبة ولا أيه ؟؟

5-حد يعرف طيب أيه هي المطالب النوبية المثارة الآن على الساحة، والتي طالب البرادعي وسعد الدين إبراهيم تدويل قضية النوبة من أجل هذه المطالب ؟؟

الله يكرمكم اللي عارف يقول

يا عم غريب

اجاوبك

1-انا

2-ايوة

3-مش قد المقام

4-لا مش تبع النوبة خالص

5-المطالب يا سيدي هي تعويض النوبيين عن الأضرار اللي لحقهتم بيهم من جراء اكبر عملية ترانسفير في التاريخ ورميهم في وادي كومبو المسمي قديما بوادي جهنم مأوي اللصوص والمطاريد واللي كانت مليئة بالعقارب السامة والحيات الأمر الذي ادي إلي وفاة المئات من أهالي النوبة بعد أن كانت حياتهم متصلة بالنيل فتم الأطاحة بهم إلي المكان سالف الذكر بدون أدني خدمات حتي الأن تقريبا إلا الفتات

بالإضافة الي عودة النوبيين إلي أراضيهم حول بحيرة ناصر والتوقف عن بيعها إلي كبار الحيتان والحرامية جوة مصر وبراها زي الوليد بن طلال والراجحي وغيره

تعرف يا سيدي أن عند التهجير الحكومة مهنش عليها تشيل رفات الموتي من المقابر ولكن فجرت مجري النيل عليهم وغرقت البلاد والمقابر أيضا

ده أقل حاجة غير الأهوال اللي شافها النوبيين

مثال تعرف أن بلد بحالها لم تكن لها غير حنفية مياة واحدة في كل قرية وتخيل مثلا قرية فيها فوق الألفين شخص علي حنفية مياة واحدة موجودة في ميدان القرية

اللي كان حوالي 100 نخلة واللي كانت تعتبر راس مال حقيقي ومجزي وكان من الأثرياء

تروح الحكومة تعوضه عن كل نخلة بقد ايه يا محترم

10 قروش

10 *100 =1000 قرش يعني عشرة جنيه يا بلاش

وغيره وغيره

تم تعديل 10 يناير 2011 بواسطة Diab

[الغريب]

عمنا دياب

جزاك الله خير على المعلومات الهامة ، وأنا كنت هطلبك بالأسم في المشاركة الرئيسية علشان تجاوب على الأسئلة دي فكويس أنك جيت لوحدك.

قولي الله يكرمك :

أيه أهم الموارد التي يعيش عليها أهل النوبة يعني هل هي الزراعة ولا صناعات يدوية ولا السياحة ولا أيه ؟؟

وهل الموارد متاحة في الأماكن الجديدة ولا لأ ؟؟

في سؤال كمان هأجله بعد إجابة الأسئلة دي

[Diab]

عمنا دياب

جزاك الله خير على المعلومات الهامة ، وأنا كنت هطلبك بالأسم في المشاركة الرئيسية علشان تجاوب على الأسئلة دي فكويس أنك جيت لوحدك.

قولي الله يكرمك :

أيه أهم الموارد التي يعيش عليها أهل النوبة يعني هل هي الزراعة ولا صناعات يدوية ولا السياحة ولا أيه ؟؟

وهل الموارد متاحة في الأماكن الجديدة ولا لأ ؟؟

في سؤال كمان هأجله بعد إجابة الأسئلة دي

شوف يا سيدي بالنسبة لأغلب الموارد أهل النوبة هي

smk:

الهجرة للخليج -بلاد يا مؤمن تمشي فيها متلاقيش غير النساء أو الأطفال الصغار او كبار السن إن وجدوا أصلا

مش بقولك الخليج ده ساتر ناس كتير بفضل الله

أه والله أنا بقولك النوبيين ومش بقول الصعايدة اللي ساكنيين اسوان أو مركز كومبو

لا أنا قصدي النوبيين اللي موجودين في مركز نصر النوبة واللي تم تهجيرهم

في بعض النوبيين اللي تم يعثرة قراهم في قنا او الاقصر لهدف سياسي ايام عبد الناصر ودول قل وتم ذوبانهم في الصعيد زي عائلة اسامة عرابي وربيع ياسين

ب

تم تعديل 10 يناير 2011 بواسطة Diab

[الغريب]

عمنا دياب

جزاك الله خير على المعلومات الهامة ، وأنا كنت هطلبك بالأسم في المشاركة الرئيسية علشان تجاوب على الأسئلة دي فكويس أنك جيت لوحدك.

قولي الله يكرمك :

أيه أهم الموارد التي يعيش عليها أهل النوبة يعني هل هي الزراعة ولا صناعات يدوية ولا السياحة ولا أيه ؟؟

وهل الموارد متاحة في الأماكن الجديدة ولا لأ ؟؟

في سؤال كمان هأجله بعد إجابة الأسئلة دي

شوف يا سيدي بالنسبة لأغلب الموارد أهل النوبة هي

smk:

الهجرة للخليج -بلاد يا مؤمن تمشي فيها متلاقيش غير النساء أو الأطفال الصغار او كبار السن إن وجدوا أصلا

مش بقولك الخليج ده ساتر ناس كتير بفضل الله

أه والله أنا بقولك النوبيين ومش بقول الصعايدة اللي ساكنيين اسوان أو مركز كومبو

لا أنا قصدي النوبيين اللي موجودين في مركز نصر النوبة واللي تم تهجيرهم

في بعض النوبيين اللي تم يعثرة قراهم في قنا او الاقصر لهدف سياسي ايام عبد الناصر ودول قل وتم ذوبانهم في الصعيد زي عائلة اسامة عرابي وربيع ياسين

ب

أنت كدة أستعجلت لأني كنت هسألك سؤال بيقول بالنسبة للأعداد الماهولة للنوبة في الخليج واللي ماشاء الله في تكافل كويس ما بينهم وكمان الغالبية هنا في الكويت معاشتهم كويسة، كنت هقول الجماعة دوول أثرهم أيه على النوبيين في مصر ، يعني تحويلاتهم المالية بتصب في أيه ؟؟

بعد كدة هننتقل لموضوع الفرق بين النوبة وأسوان متستعجلش :)

[Diab]

لا ده انت عاوز قاعدة بقي وانا في الشغل

بعد ما أروح هبقي أكمل معاك بس غريبة انت ليه مهتم :blink: مع أن أهل النوبة ميفرقوش مع حد في مصر ولا حد معبرهم

يعني مثلا البدو بياخدوا حقهم بدراعهم والحكومة قطة قدامهم

الاقباط مسندوين ع الكنيسة واقباط المهجر ومليارات سايرس ولكح ولجنة الحريات الدينية في الكونجرس

بدو الصحراء الغربية مسندوين ع القذافي عشان دول اخواله وبيظبطهم وبيظبط عيالهم

أهل بحري ليهم فلوس البلد كلها

الصعيد أراضيهم واستثماراتهم في في سوق العبور والاسكان والاقصر ع السياحة

أحنا بقي والحمد لله لينا ربنا

تم تعديل 10 يناير 2011 بواسطة Diab

[الغريب]

لا ده انت عاوز قاعدة بقي وانا في الشغل

بعد ما أروح هبقي أكمل معاك بس غريبة انت ليه مهتم :blink: مع أن أهل النوبة ميفرقوش مع حد في مصر ولا حد معبرهم

يعني مثلا البدو بياخدوا حقهم بدراعهم والحكومة قطة قدامهم

الاقباط مسندوين ع الكنيسة واقباط المهجر ومليارات سايرس ولكح ولجنة الحريات الدينية في الكونجرس

بدو الصحراء الغربية مسندوين ع القذافي عشان دول اخواله وبيظبطهم وبيظبط عيالهم

أهل بحري ليهم فلوس البلد كلها

الصعيد أراضيهم واستثماراتهم في في سوق العبور والاسكان والاقصر ع السياحة

أحنا بقي والحمد لله لينا ربنا

في أنتظارك :)

تم تعديل 10 يناير 2011 بواسطة الغريب

[م تيمور المراغي]

تسجيل متابعه واعجاب بالموضوع المتميز ,,

محاور ذكي وضيف لاتنقصه المعلومات

تحيتي لكما ,,

[عنبو]

تسجيل متابعه كرسى وسيجاره بو سمحت يا غريب ومتقوليش ممنوع التدخين

ونزل شيشه للمنهدس تيمور

وشوف دياب ياخد ايه بس بلاش سحلب باللبن علشان غالى

موضوع رائع

[Diab]

عمنا دياب

أنت كدة أستعجلت لأني كنت هسألك سؤال بيقول بالنسبة للأعداد الماهولة للنوبة في الخليج واللي ماشاء الله في تكافل كويس ما بينهم وكمان الغالبية هنا في الكويت معاشتهم كويسة، كنت هقول الجماعة دوول أثرهم أيه على النوبيين في مصر ، يعني تحويلاتهم المالية بتصب في أيه ؟؟

بعد كدة هننتقل لموضوع الفرق بين النوبة وأسوان متستعجلش

بص يا سيدي بالنسبة للأعداد المهولة -معرفش انت جبت كلمة مهولة دي منين محسسني ان احنا محتلين الخليج :closedeyes: مع العدد عدة الألاف لا أكثر - دي كثير منها من الجيل القديم يعني اللي ماخدوش حقهم من التعليم كفاية وطبعا لانهم لا عندهم واسطة ولا يحزنون أضطروا يسافروا وهم في سن سغيرة بعضهم سافر وهو عنده 18 سنة عشان يشتغل والجيل ده كان أغلبه في اوائل السبعينيات لان بعد التهجير فقد كتير من الاهالي مصدر دخلهم اللي كان معتمد اما علي الزراعة أو الصيد

فبالتالي الجيل ده فعلا هو اللي شاف الشقي لانه كان مضطر يصرف هلي والده ووالدته واخواته الصغار او يجوز البنات + يصرف علي نفسه ويجوز نفسه + يعمل حاجة لعياله من بعده

يعني بيحارب علي 3 جبهات شال الماضي والحاضر وبيبني المستقبل ولحد وقت قريب كانت اغلب تحويلاتهم منصبة علي هذا الجانب والقليل كان بيتم إدخاره في البنك عشان لما يرجع من السفر يستريح ويصرف علي نفسه منه هو وعياله في أخر أيامه

تحويلاتهم كانت قليلة جدا لان تعليمهم كان ضعيف او متوسط وبالتالي رواتبهم في الخليج كانت يادوب

بدأت الطفرة مع الجيل الجديد اللي تلقي تعليم عالي وراقي وتجنس كتير منهم في أمريكا وأوروبا في نهاية التسعينيات وبادية الألفية

تحياتي لكل اللي سحب كراسي وقاعد يتفرج :protest:

تم تعديل 10 يناير 2011 بواسطة Diab

[wsadani]

السلام عليكم ورحمة الله وبركاته

لا طبعا أهل النوبة يفرقوا معانا فعلا احنا محتاجين نعرف معلومات زيادة عنهم ونتعرف على مشاكلهم

اتذكر من حوالى أكثر من سنة شفت برنامج فى ال بى بى سى وجايبين ناس من النوبة وبيتكلموا عن مشكلتها

وبعدها بفترة طويلة فاكر حسنى مبارك كان أتكلم عن حل مشاكل النوبة ده خلى الواحد ينتبه لجزء مهم جدا فى مصر

بس انا عايز أسال سؤالين

1- العدد الرسمى لأهل النوبة.

2- المساحة اللى ساكنين فيها

وشكرا

[pink rose]

موضوع راااااااائع جداااااااااا

تسجيل متابعة

بعد اذن استاذ غريب ممكن اضيف كام سؤال على الماشي كده

ينفع حضرتك يا استاذ دياب تدينا فكرة عن عادات و تقاليد اهل النوبة

و يا ريت تكلمنا شوية عن اللغة

بانسجم اوي لما اسمع منير بيغني بيها بس الحق يقال ببقى زي الاطرش في الزفة مش فاهمة و لا كلمة

[ozoozo]

ياجدعان انتو عايزين تحبسوا دياب ولا ايه

خلي الراجل يربي ادم

[جسار]

لو سمح لى الاخ / دياب بأن أحشر رأسى فى الموضوع بعد أذن الاخوة اللى قاعدين ومربعين ...

النوبيين ليسوا طائفة واحدة والافضل أن نستخدم كلمة شعبا فهى الاقرب للتوصيف فهم جزءان داخل هذا

الشعب العظيم الرقيق والطيب ، أولا : الفيجيكة أو الفيجاوية ولون بشرتهم أقرب للأسمر الفاتح

وبعضهم لونه أبيض ولون عينيه أزرق أو اخضر وممكن تجد بعض الاشخاص منهم شقر لون شعرهم أصفر

وهذا التنوع فى الشكل جاء فى فترة حرب محمد على مع بقايا المماليك الذين هربوا الى الجنوب وبعضا

منهم الى النوبة وهناك أستقروا وتزاوجوا من نوبيات من الفيجيكة وبالتالى تم أنتقال جزء من الجينات

الوراثية الى الاجيال التالية ..... ويتحدث الفيجيكة لهجة خاصة تختلف ليس بكثير عن الجزء الآخر وهم

الكنوز أو الكنزيين وهم سمر البشرة بشكل غامق ولهم أمتداد داخل الاراضى السودانية فى شمال وادى حلفا

وجاء مشروع السد العالى ليقطع التواصل بين قبائل الشمال وقبائل الجنوب

وشعب النوبة قديم قدم الحضارة المصرية وكان موجودا فى نفس المنطقة الجغرافية التى هجر منها وحدثت

عبر التاريخ مصادمات عدة بين ملوك النوبة وبين فراعنة مصر ولم تستطع الحكومة المركزية فى مصر على

أخضاعهم لها وظلت العلاقة بين الطرفين علاقة تبادلية سلمية وكانت حدود الجيش المصرى ايامها تقف عند

أسوان أو الشلال الأول ، و أعتمدوا على تأمين المنطقةالجنوبية على أهل النوبة

ومن المعروف حب أهل النوبة للنظافة الشديدة سواء للبيوت أو للملابس البيضاء الناصعة للرجال

وقد دخلت عدة منازل لنوبيين فى اسوان فوجدتها- وبرغم بساطتها - نظيفة لغاية والمفارش الملونة

المصنوعة يدويا موضوعة فى فوق المناضد ومعلقة على الحوائط ، وحتى زى السيدات جميل وبه ألوان عدة

زاهية وحليهم متفردة فى أشكالها .

أما عن قرى النصر فيعمل القاطنون بها بالزراعة ولكن الغريب والملفت للنظر هو أننى وجدت أن عبء العمل

بالزراعة تتحمله المراة لوحدها بينما يظل الرجال قاعدون فى الظل يلعبون السيجه

وعموما لن تجدوا أطيب و لا أرق ولا أأمن من أهل النوبة ... ولكن نصيحة أحذر غضبهم !!!!

[Diab]

قولهم يا اوزوز قولهم ده حتي الواد لسة لحمة حمراء

:closedeyes:

عم جسار انت معلوماتك حلوة بس جبت منين حكاية السيجة دي راجل حرام عليك

بالمناسبة أرفع منصب تنفيذي كان للكنوز هو سكرتير عام محافظة اسوان ثم رئيس مدينة الداخلة هو ل ربيع حسن يحيي وهو إبن عمة والدي بالمناسبة _ حبة فشخرة بقي )

توفي ولا يملك من حطام الدنيا الا بيت قديم في قريته الدكة

لا كان عنده عربية خاصة ولا عنده فلوس في البنك ولا حتة ارض بالرغم من انه كان اب ل 11 ولد وبنت

و توفي في عام 1998 علي ما أذكر

حد متخيل الموقف سكرتير عام محافظة ثم رئيس مدينة ولا يملك الا معاشه المتواضع

[جسار]

ولاتزعل يا عم دياب و آدى طوب السيجه رميناه خلاص ، ده انا ما أقدرش على زعلك أبدا

ده أنت حبيبى ...آيك دوللى ...تحياتى

[الغريب]

المهندسين معماري وعنبو .. سيبك من الشيشة وشارك بأسئلة أو بالتعليق على إجابات الفاضل دياب

الفاضل جسار واحدة واحدة علينا ياعم مش كدة أحنا عاوزين معلومات خفيفة تتهضم بسرعة

محدش جاوب على أسئلة ريمو على فكرة .. :)

مهم جدا أننا نتعرف على كل مكونات المجتمع المصري الغني ويحصل ترابط ثقافي ومعرفي بين أبناء هذا المجتمع ، للأسف الكلام ده المفروض يحصل على مستوى المدارس حتى والجامعات يعني تبقى فيه رحلات للنوبة وللوحات ولسيناء وبورسعيد وهكذا وترابط بين الجامعات على مستوى مصر علشان الطلبة يتداخلوا في بعض ، وكان زمان لما التلفزيون 8 قنوات كنت بحب القناة الثامنة بسبب أنها كانت بتعرفنا على النوبة، وكذلك باقي القنوات كانت بتعرفنا على أرجاء مصر..

للأسف دلوقتي من النادر أن تجد حتى مذيع في التلفزيون أسمر يذكرك بأحد طباع الوطن وهو اللون النوبي

على العموم.. هرجع لأسئلتي في مشاركتي القادمة

[تامر مصطفى]

لا ده انت عاوز قاعدة بقي وانا في الشغل

بعد ما أروح هبقي أكمل معاك بس غريبة انت ليه مهتم :blink: مع أن أهل النوبة ميفرقوش مع حد في مصر ولا حد معبرهم

يعني مثلا البدو بياخدوا حقهم بدراعهم والحكومة قطة قدامهم

الاقباط مسندوين ع الكنيسة واقباط المهجر ومليارات سايرس ولكح ولجنة الحريات الدينية في الكونجرس

بدو الصحراء الغربية مسندوين ع القذافي عشان دول اخواله وبيظبطهم وبيظبط عيالهم

أهل بحري ليهم فلوس البلد كلها

الصعيد أراضيهم واستثماراتهم في في سوق العبور والاسكان والاقصر ع السياحة

أحنا بقي والحمد لله لينا ربنا

اخي دياب

كيف حالك

اسمح لي اختلف معاك شوية

اهل النوبة هم اهلنا

ويفرقوا كتير معانا كمصريين ومش بتكلم عن ادارة الدولة

من خلال معرفتي الوثيقة بعدد من ابناء النوبة في الكويت ومن بعض جيراننا في مصر

اقدر اقولك بكل ثقة وبدون اي مجاملة

اني ملقتش فيهم واحد سيء

يعني مخلصين جدا - بيحبوا بعض وبيحبوا الناس - كرماء - ولاد بلد حقيقي - بشوشين ودمهم خفيف

[الغريب]

اخي دياب

كيف حالك

اسمح لي اختلف معاك شوية

اهل النوبة هم اهلنا

ويفرقوا كتير معانا كمصريين ومش بتكلم عن ادارة الدولة

من خلال معرفتي الوثيقة بعدد من ابناء النوبة في الكويت ومن بعض جيراننا في مصر

اقدر اقولك بكل ثقة وبدون اي مجاملة

اني ملقتش فيهم واحد سيء

يعني مخلصين جدا - بيحبوا بعض وبيحبوا الناس - كرماء - ولاد بلد حقيقي - بشوشين ودمهم خفيف

أ/ تامر ، خد بالك منهم في الكويت يا باشا أصلهم ليهم شوكة هنا ، ومعظمهم مع شيوخ الأسرة الحاكمة..

دياب أصلا بيخزي العين بالكلمتين دوول

تم تعديل 10 يناير 2011 بواسطة الغريب

[Om Zayd]

متابعة

بحب النوبة و أهلها جدا

شايفة انهم اتظلموا كثير

مش بس التهجير و التجاهل .. كمان السينما و تنميطها لهم

محتاجين نعرف اولادنا على بلدنا و اهلنا

و نعرفهم معاهم