مصرع وإصابة 6 فى حادث إطلاق نار بالقطار 979 فى سمالوط

[mekkawy]

ده تهريج ... وأي محاولة لصق الموضوع بفتنة طائفية وكلام من ده يبقى عبث وصيد في الماء العكر ...

وهو كان سائق المقاولون العرب بيقول لا إله إلا الله

مش عارف ليه افتكرت أفتكاسة مكتب التحقيقات الأمريكية لما قال إن الكابتن البطوطي إنتحر عشان كده كان بيقول " توكلت على الله " قبل ما الطيارة تقع

و الله ابن حلال يا كبير

لا بجد يعني القلوب عند بعضيها

لسة عاوز أسأل إحنا نفهم من الفيديو إن الراجل ده قريب الكابتن البطوطي؟؟

أصل أي حد يقول (الله) يا ارهابي يا مسلم متطرف يا مثلاً اي حاجة المهم إنه كان قاصد الناس دي بعينهم.

و بعدين الصراحة مكالمة ركيكة و مذيعة أرك و بتقولك (القطر بتاع ضرب النار) جديدة دي في الاعلام الصراحة.

لكن على كل حال

ألف سلامة للمصابين و نتمنالهم الشفاء العاجل و نتمنالهم الأمر ده ما يعلقش في عقولهم و ذكرياتهم و كمان نتمنى الأمااااان لكل مصري أي كان انتمائه الديني لأن دي رسالتنا و ده ديننا.

لكن في نفس الوقت لا و ألف لا للمحاولات الفاشلة لتحويل الأمر لمزيد من الفتنة و مزيد من الدم.

مكاوى

[MZohairy]

... وأي محاولة لصق الموضوع بفتنة طائفية وكلام من ده يبقى عبث وصيد في الماء العكر ...

حتى دي مش صح

استبعاد اي احتمال حاليا هو استباق للأحداث

الإحتمالات كلها وارده

حادث جنائي بسبب مشاكل حياتيه ممكن

حادث جنائي بسبب الثأر ممكن

حادث بسبب فتنه دينيه طائفيه ممكن

قاتل مأجور ممكن

انما عشوائي ماينفعش

و مختل عقليا ما ينفعش

لازم تحقيق عادل و شفافيه في اعلان نتيجة التحقيق بدون خوف من ردود الأفعال و بعدين نتكلم

انما اي استبعاد لأي احتمال (غير اللي ماينفعوش فوق دول) ليس له معنى الآن

[عنبو]

انا هقول كلمه يا جماعه بس مش عاوز حد يضرب

هو ليه كل اللى ماتوا واللى اتصابوا مسيحين

ليه حتى مافيش واحد مسلم اتخدش حتى ؟

زى ما قال العم زوهيرى

الإحتمالات كلها وارده

حادث جنائي بسبب مشاكل حياتيه ممكن

حادث جنائي بسبب الثأر ممكن

حادث بسبب فتنه دينيه طائفيه ممكن

قاتل مأجور ممكن

تحياتى

عنبو

[capitshino]

الجاني مختل عقليا او من الموساد

من الموساد ومنتدب لشرطة سمالوط .

واحد اتصل امس بمعتز الدمرداش بعد الحادث مباشرة .. ولسه مافيش اى معلومات عن الحادث وبيقوله

اتضح ان الجانى مختل عقليا .

اعتقد ان اغبى حاجة انهم يقولو انه مختل عقليا .... ده فى الشرطة يا اناس

[أسد]

... وأي محاولة لصق الموضوع بفتنة طائفية وكلام من ده يبقى عبث وصيد في الماء العكر ...

حتى دي مش صح

استبعاد اي احتمال حاليا هو استباق للأحداث

الإحتمالات كلها وارده

حادث جنائي بسبب مشاكل حياتيه ممكن

حادث جنائي بسبب الثأر ممكن

حادث بسبب فتنه دينيه طائفيه ممكن

قاتل مأجور ممكن

انما عشوائي ماينفعش

و مختل عقليا ما ينفعش

لازم تحقيق عادل و شفافيه في اعلان نتيجة التحقيق بدون خوف من ردود الأفعال و بعدين نتكلم

انما اي استبعاد لأي احتمال (غير اللي ماينفعوش فوق دول) ليس له معنى الآن

أنا موافق على الكلام اللي انت بتقوله ده يازهيري

موافق عليه تماماً ....

ماينفعش يكون القطار مليان ناس .. وبعدين يحدث إطلاق نار عشوائي .. ومن مسدس .. مش بندقية آلية .. واللي يصابوا يكونوا فقط من عائلة واحدة أو عائلتين فقط ..

يامحاسن الصدف يعني ..

جنان إيه ده ..

إستنوا شوية لما نشوف حيفتكسولنا إيه المرة دي

ماتستعجلوش على رزقكم ..

[ريمون]

ده مقال متوازن لقيته فى اليوم السابع

حادث سمالوط.. طائفى؟ أم غير طائفى؟

محمد حمدى

من حق الدولة أن تتحسس خطاها مع كل حادث عنف بين مسلمين ومسيحيين، خشية أن يؤدى إلى اندلاع أحداث طائفية بين الجانبين، وهو ما يتكرر منذ سنوات فى مناطق مختلفة من مصر، لكن فى نفس الوقت على كل المسئولين تحرى الدقة أكثر قبل الحديث عن أية جريمة من هذه النوعية.

على سبيل المثال إطلاق النار الذى قام به مندوب شرطة أمس الثلاثاء بالقطار رقم 979 المتجه من أسيوط إلى القاهرة فى محطة سمالوط بالمنيا، والذى أدى حسب البيانات الرسمية إلى مصرع مواطن وإصابة ستة أقباط. وقد لفت انتباهى تصريح محافظ المنيا اللواء أحمد ضياء الدين، والذى قال فيه إنه لا يعتقد أن هذا الحادث ليس له أى أبعاد سوى أنه شخص صعد إلى القطار وأطلق النار بطريقة عشوائية ليس فيها أى مؤشر أو أى توجه أو أى دلالة على الطائفية، مشيراً إلى أن الضحايا كانوا يركبون قطاراً مر مصادفة بالمنيا، ولا توجد سابق معرفة بين الضحايا والجانى.

وما يهمنى من كلام المحافظ الذى نشره "اليوم السابع" هو أنه أدلى برأى شخصى، لا يستند إلى التحقيقات الجارية مع المتهم، فهو مثلا لم يقل إن المتهم نفى فى التحقيقات أية أبعاد طائفية للحادث، وأنه أطلق النار بشكل عشوائى لأى سبب كان.. ولم يقل المحافظ أيضا إنه يعتقد وفقا لرؤية شخصية أن الحادث ليس له أبعاد طائفية، أو أنه يتمنى مثلا ألا يكون للحادث أسباب طائفية.

هذا التعامل الرسمى من المحافظ يفتقد إلى الكثير من الموضوعية والدقة، فهو يبدو وكأنه يشعر ببطحة على رأسه، أو تهمة يسارع بنفيها، وكان الأفضل ألا يدلى بأية تصريحات لا تستند إلى معلومات موثقة، لأنه فى اللحظات التى تلتهب فيها المشاعر قد يصبح كلام المسئولين غير المسئول كصب المزيد من الزيت على النيران المشتعلة.

وأعتقد أننا فى حاجة ماسة للتخلى عن هذه العقلية التى لا تريد تحمل المسئولية، وتتهرب من الواقع، وترفض الإقرار بما يحدث فعلا فى الشارع، صحيح أن فى مصر علاقة معقولة بين المسيحيين والأقباط، لكن من الصحيح أيضا أن هناك حالة من الاحتقان الطائفى، رأيناها كثيرا فى تظاهرات مسلمين غاضبين لتحويل مبنى خدمات فى قرية ما إلى كنيسة، أو لاستخدام منزل فى دروس دينية وصلوات كنسية، أو بسبب خناقة بين أطفال أو حتى معاكسة فتاة.

فى مصر احتقان حقيقى، وإذا أردنا مواجهته، فعلينا أولا الاعتراف به، ثم دراسة الأسباب، ووضع الحلول موضع التنفيذ، دون أن نواصل سياسة النعام، وندفن رؤسنا فى الرمال.

قد يكون حادث سمالوط غير طائفى، لكننى أرجو من جميع المسئولين أيا كانت درجة مسئوليتهم أن يتحلوا بالصمت، وإذا أرداو الحديث فعليهم مخاطبة الناس بالعقل وليس بمنطق النفى والإنكار الذى لا يقبله أحد غيرهم.

بالنسبه للحادث اللى ذكره الاستاذ سى السيد فى امريكا

فالصحافه الامريكيه مبطلتش كلام عنه من اسبوع

لأن فيه شبهه انه يكون اغتيال سياسي

و كمجتمع واعى الناس بتفحص الموضوع بتضقيق علشان يشوفوا هل فيه تحريض على العنف هو اللى سبب الحادثه و إلا لأ

و اخيرا

اللى بينفى شبهه الطائفيه بشكل قاطع فى الحادث بيسبب احتقان اكتر و احساس بالظلم

يعنى لو سمعت ان حد فى فرنسا ركب قطر و اطلق النار على الركاب و اصاب و قتل مسلمين بس مش هتشك انه حادث طائفى؟؟

نصبر و نشوف التحقيقات هتوصل لفين

تم تعديل 12 يناير 2011 بواسطة ريمون

[rar]

http://www.fcv2.com/show-2,N-9145-Qatar-Saudi-Arabia-United-Arab-Emirates-Dubai-f-c-v.html

في هذا الرابط العقيد عمر عفيفي يشرح لماذا هو ليس حادث عادي، بل طائفي مع سبق الاصرار و الترصد، بغض النظر عن أهداف قائلها:

1) القاتل مندوب شرطة و السلاح سلاح رسمي، هذا ليس مختلا

2) السلاح المستعمل لا يسع سوي تسع طلقات، الضرب العشوائي لا يصيب سته أو سبعة أشخاص بتسعة طلقات... القاتل يعي تماما ما يفعل و هو مدرب علي استخدامه

3) المجتمع المصري لم يعد مجتمع متداخل يصعب التفريق فيه بين المسلمين و المسيحيين، لأن المسلمات ارتدين الحجاب و صار التفريق بينهن في منتهي السهولة

السؤال المقرف بعد كل حادثة، لماذا يقوم المحافظ بابداء هذا الرأي الطفولي العبيط، دون حتي أن ينظر للوقائع... و متي بالضبط سيستقيل البيه الوزير، أو يمسك مخطط واحد يوحد ربنا؟؟

الفرق بين هذا الحادث و حادث السيارات، انه ليس نتيجة اهمال، و ضحاياه ليسوا عينة عشوائية

(statistical sample out of a population)

هذه حالة قتل علي الهوية، اسأل عنها أي أخ عراقي و هو يشرح لك معناها...

xxxxxxxxxxxxxx

تم تعديل 12 يناير 2011 بواسطة Scorpion
حذف جملة لا علاقة لها بمحتوي الموضوع

[capitshino]

للاسف يقوم بعض مجموعة كبيرة من الشباب بقذف السيارات على الاوتوستراد بالقاهرة بالحجارة . ايه ذنب الناس دى انها تتكسر عربيتها ؟

[مغتربة]

تقول مريان نبيل، التى ترقد داخل المستشفى، إن "الجانى صعد إلى القطار وكنا نجلس فى نهاية العربة، وأخذ يتجول فى المكان وهو يدقق فى وجوهنا، ثم ردد: لا اله إلا الله، وبعدها أطلق أعيرة نارية أصابتنا، ولم ندر إلا ونحن فى المستشفى"، وأضافت: "الغريب أن القطار لا يتوقف عادة فى هذه المحطة"، وبينما أكدت أميلى زوجة القتيل فتحى مسعد أنها دخلت فى غيبوبة عقب أول طلقة نارية.

نعمة حبيب، إحدى أقارب المصابة صباح، أكدت أن الجانى دقق النظر فى وجوه المصابين قبل أن يبادر بإطلاق النار عليهم، عندما تأكد أنهم أقباط. وأوضح مينا ناروز أحد أقارب الضحية ماجى أن المتهم دخل عربة القطار وأطلق أعيرة نارية عشوائية بعد أن ردد لا اله إلا الله، بينما قالت خالتها إن ماجى استقلت القطار من المنيا وكانت فى طريقها إلى القاهرة مع خطيبها إيهاب لشراء الشبكة، حيث إن فرحها كان مقررا أن يكون الخميس القادم.

بينما نفى مصدر أمنى أن يكون الجانى قد ردد لا إله إلا الله، مشيرا إلى أنه كان معينا على خدمة إحدى الكنائس منذ يومين، وأنه لو كان ينوى مثل هذا الحادث لقام بجريمته فى تلك الأثناء، وأشار المصدر إلى أن الجانى مريض نفسيا.

سبحان الله يعنى المصابه نفسها بتقول ردد و فى نفس الخبر المصدر الامنى بيقول ما ردش

فكرونى بالفيلم الى كان بيقولوا فيه انته هتفهم اكتر من الحكومه يا وله :)

للاسف المعالجه السيئه من جانب الدوله لكتير من المشاكل مش بس دى هى السبب الرئيسى فى تفاقم 99% منها

لغايه هنا انا متفقه معاك و مقدره مشاعرك

لكن معلش اسمحلى برضه انى اقول لحضرتك انك خانك التعبير فى الجمله الى انا اقتبستها من كلامك

XXXXXXXXXXXX

تحياتى

تم تعديل 12 يناير 2011 بواسطة Scorpion
حذف رد علي جملة محذوفة

[capitshino]

للاسف يقوم بعض مجموعة كبيرة من الشباب بقذف السيارات على الاوتوستراد بالقاهرة بالحجارة . ايه ذنب الناس دى انها تتكسر عربيتها ؟

http://gate.ahram.org.eg/NewsContent/4/6/31426/%D8%AD%D9%80%D9%88%D8%A7%D8%AF%D8%AB/%D8%AA%D9%82%D8%A7%D8%B1%D9%8A%D8%B1/%D8%A3%D9%82%D8%A8%D8%A7%D8%B7-%D9%8A%D9%82%D8%B7%D8%B9%D9%88%D9%86-%D8%A7%D9%84%D8%A3%D9%88%D8%AA%D9%88%D8%B3%D8%AA%D8%B1%D8%A7%D8%AF-%D9%88%D9%85%D8%AF%D8%AE%D9%84-%D8%A7%D9%84%D9%85%D9%82%D8%B7%D9%85-%D9%88%D9%8A%D8%B1%D8%B4%D9%82%D9%88%D9%86-%D8%A7%D9%84%D8%A3%D9%85.aspx

[اغابي]

اخوانى المسلمين شركائي فى الوطن والهم والمصايب

بلاش نرجع تانى وندفن راسنا فى الرمل - وفى كل مصيبة جديدة - نقول انه حادث مش طائفى وندور على الف عذر والف احتمال

يعني مش معقول الحوداث تتكرر بالشكل المتتالى داه وكل الضحايا مسيحين - صدفة غريبة فعلا ايه كلها صدفة

ونرجع تانى فى اخفاء الحقيقة ونوجد مبررات - كاننا بنكلم نفسنا ونقول لا لا مش طائفي - ومش مصدقين اللى بيحصل ومش قادرين نستوعبه

احنا عدينا مرحلة الفرز الطائفى من فترة كبيرة جدا نقدر نقول من من عشرين سنة

احنا حاليا فى مرحلة العنف الطائفى المنظم والعشوائي ضد المسيحين

- كان ممكن من عشرين سنة نقول احتمال الحادث مش طائفى - وكان ممكن تمشي جملة - الله طبب هو هيعرف ازاى ان دول مسيحين ودول مسلمين

لكن اعتقد الان وبعد ان تخطينا مرحلة الفرز الطائفى - بقينا نعرف كويس مين اللى فى الشارع ماشي مسيحي ومين مسلم

التكتل الطائفى فى مناطق معينة او فى تجمعات معينة - انا بادخل المترو وعارفة مين الراجل المسلم ومين المسيحي

عارفة مين مسلمة ومين مسيحية خلاص بقى فى وضوح بعلامات كتير اوى سهلة التمييز - لكن داه مش هو الموضوع

يا مصرييين يا محاورات المصريين

لو سمحتم داه دورنا - لازم نقول الحقيقة ونواجه الامر علشان نلاقى حلول فى الازمة دى - دى مشكلة كبيرة

ياريت نواجه شوية حقايق اولها ان المسيحين مستهدفين جوة بلدهم – ازاى يمارسو صلاتهم داخل حيز امنى واذ تم اختراقه تصبح هناك ضحايا وقتلى – ازاى يدخلو

المواصلات يخرج عليهم واحد يقتلهم فى قطار

هو مش من حق المسيحين انهم يستعملوا مواصلات ويروحو الكنيسة يصلوا فى امان جوة بلدهم

مستهدفين نعم مستهدفين

حد يقدر يقول غير كدا

لو بهدوء قدرنا نفكر ونحلل هنوصل لكلام ونقاط محددة يقراها الوف غيرنا على المنتدى

- لاننا احنا هنا الفئة المثقفة واللى هنرفض تصديق ما هو غير منطقى والا وقتها يبقى لا عذر لمن هم - بسطاء الفهم من الناس العاديين - داه دورنا احنا

لازم اول شيء نعترف بيه ان الحوداث دى مش فردية ومش صدفة ومش قضاء وقدر

ومش الجاني بيهلوس وعنده خلل ما فى عقلى - الحلول بالشكل داه بتزيد الموضوع سوء

وبدل ما كل شهر جريمة جديدة هيبقى كل يوم جريمة جديدة

فاصل

[جسار]

صبرا قليلا يا أغابى ... أنت توصلت الى نصف الحقيقة الأ وهى أنه عمل مخطط ومدروس وليس عشوائيا

أو يمكن تفسيره بأضطراب نفسى أو اختلال عقلى .... ولكن هذا المخطط كما ذكرت آنفا وفى مشاركة

سابقة يمس الوطن كله مسيحيين ومسلمين ، لقد ذكرت أن هنالك اجهزة مخابرات أجنبية وهى ال CIA

هى التى نفذت الجريمة الاولى عن طريق مفجر بالتحكم عن بعد وليس أنتحاريا كما أشيع فى الأيام التالية

وهو محطط معروف وليس سرا فاقد تم نشره من بضعة سنوات فى مجلة التايم الامريكية - يا للفجر - بجعل عام

2011 عام قلاقل فى مصر يتلوه عام 2012 ببداية حرب أهلية !!!

من يتابع أحداث التفجيرات فى العراق سيجد فى الأشهر الأولى بعد الغزو كانت كلها موجهه ضد قوات الأحتلال

الأمريكى ، ثم ظهرت جماعات ما يسمى بالقاعدة وبدأت عملياتها أولا ضد الشيعة بأستخدام أسلوب التفجير

الانتحارى وبعدها بعدة أشهر رد الشيعة بعد مقتل الزعيم الدينى (الحكيم ) ، و أستخدموا نفس الأسلوب

فى المناطق السنية ... ثم ظهرت -ومازالت - مجموعات من التفجيرات بواسطة أجهزة التحكم عن بعد والتى لاتمتلكها

لا القاعدة ولا الميلشيات الشيعية ، وكانت تتنوع مابين المناطق السنية والشيعية وذلك حتى تظل النار متأججة

واللهيب يحرق الكل والمطالبة بالثأر و أستباحة دماء كل طرف للآخر

كان لابد من ألقاء الضوء على تجارب المخابرات الامريكية فى العراق والتى نفذتها - ومازالت - حتى نعرف من نواجه

وماهى خطوته القادمة لاننى - وللأ سف - أتوقع مزيدا من تلك العمليات فى عدد من المدن المصرية ، حيث يصل السيل

الزبى والغضب المكبوت فى الصور ينفجر ، ..... وهنا تأتى الضربة الكبرى وهى عملية كبيرة ضد المصليين المسلمين !!!!

وهذا ليس فيلما من انتاج هوليود فالنظام المصرى فى اضعف حالاته والاختراقات الامنية وصلت الى مستويات عليا وكبيرة

وكذلك المهووسون من الطرفين و الاجواء السائدة بين عنصرى الامة تسير الى منحنى خطير

والحل الوحيد أمامنا هو التكاتف لمصحتنا ولمصلحة وطننا والضغط على الحكومة لكشف الحقائق المخفية عن الشعب

ولا يقول لى أحد هذا من مقتضيات الامن القومى للبلد .... وردى البلد بتضيع مننا .

[عبد الله غريب]

- لاننا احنا هنا الفئة المثقفة واللى هنرفض تصديق ما هو غير منطقى والا وقتها يبقى لا عذر لمن هم - بسطاء الفهم من الناس العاديين - داه دورنا احنا

لازم اول شيء نعترف بيه ان الحوداث دى مش فردية ومش صدفة ومش قضاء وقدر

ومش الجاني بيهلوس وعنده خلل ما فى عقلى - الحلول بالشكل داه بتزيد الموضوع سوء

وبدل ما كل شهر جريمة جديدة هيبقى كل يوم جريمة جديدة

صبرا قليلا يا أغابى ... أنت توصلت الى نصف الحقيقة الأ وهى أنه عمل مخطط ومدروس وليس عشوائيا

أو يمكن تفسيره بأضطراب نفسى أو اختلال عقلى .... ولكن هذا المخطط كما ذكرت آنفا وفى مشاركة

سابقة يمس الوطن كله مسيحيين ومسلمين ، لقد ذكرت أن هنالك اجهزة مخابرات أجنبية وهى ال CIA

هى التى نفذت الجريمة الاولى عن طريق مفجر بالتحكم عن بعد وليس أنتحاريا كما أشيع فى الأيام التالية

وهو محطط معروف وليس سرا فاقد تم نشره من بضعة سنوات فى مجلة التايم الامريكية - يا للفجر - بجعل عام

2011 عام قلاقل فى مصر يتلوه عام 2012 ببداية حرب أهلية !!!

الحادث ممكن يكون مقصود به قتل أقباط و ليس قتل عشوائي، و جايز ما يكونشي واحد مجنون أو مختل عقلياً، لكن الأكيد إن المقصود بيه إشعال فتنة على ضوء ما ذكره الأخ جسار مش على ضوء إن الشعب المصري (المسلمين منه) حاقد أو ناقم على الجزء القبطي و عشان كده بيفجر فيه !!

دا كلام محدش يصدقه، إحنا شعب مسالم و بنتعاون مع بعض (مسلمين و أقباط) وقت الشدائد، إفتكري حرب أكتوبر، و ده اللي هُماعاوزين يهدوه، و يدمروه فينا بمخططاتهم علشان نبقى بلد ضعيف غير مؤثر في ميزان القوى في المنطقة.

ها .. نساعدهم و ننفخ في النار و نقول إن هو دا كلام المثقفين؟

إحنا لو عملنا كدا نبقى من المغرر بيهم و المنساقين للمخطط الرهيب للهاوية.

تم تعديل 13 يناير 2011 بواسطة عبد الله غريب

[عبد الله غريب]

انا هقول كلمه يا جماعه بس مش عاوز حد يضرب

هو ليه كل اللى ماتوا واللى اتصابوا مسيحين

ليه حتى مافيش واحد مسلم اتخدش حتى ؟

زى ما قال العم زوهيرى

عنبو

ممكن القتل مايكونشي عشوائي، و لا القاتل يكون مجنون، و الحادث مقصود به إن التسخين بين الطرفين يزيد، كدا السيناريو حيتظبط و حيمشي في الطريق المرسوم له، يعني بالبلدي المُخرج عاوز كدا.

[wsadani]

سابقة يمس الوطن كله مسيحيين ومسلمين ، لقد ذكرت أن هنالك اجهزة مخابرات أجنبية وهى ال CIA

هى التى نفذت الجريمة الاولى عن طريق مفجر بالتحكم عن بعد وليس أنتحاريا كما أشيع فى الأيام التالية

وهو محطط معروف وليس سرا فاقد تم نشره من بضعة سنوات فى مجلة التايم الامريكية - يا للفجر - بجعل عام

2011 عام قلاقل فى مصر يتلوه عام 2012 ببداية حرب أهلية !!!

أستاذ جسار ممكن لو فى لينك ااكلام ده

أستاذ عبد الله المخرج عايز كده مين المخرج بأه الCIA ?

هو سيناريو محتمل برضه بس لسه فى ثغرات

[أسد]

ناشد الجميع عدم استباق الاحداث وانتظار نتائج التحقيقات

شهاب: لا صحة لاضطراب نفسي للمتهم فى حادث قطار سمالوط

أخبار مصر - محمد سعد

نفى الدكتور مفيد شهاب وزيرالدولة للشئون القانونية والمجالس النيابية ما تردد عن إصابة عامر عاشور المتهم فى حادث إطلاق النارعلى قطارالمنيا بمرض نفسى، مؤكدا انه إنسان طبيعى ولا يعانى من اى أمراض.

وطالب شهاب- في حوار لاحدى الفضائيات الاربعاء- بانتظار ما ستسفر عنه نتائج التحقيقات والنيابة العامة وأدلة البحث الجنائى لمعرفة سبب الواقعة وظروفها وماهى الدوافع وراء ارتكاب هذا الحادث لانهم المنوط بهم فى التعرف على الحقائق.

وأكد شهاب عدم صدور اى معلومات من مصادر وزارة الداخلية او من الاجهزة الامنية فى الدولة عن اصابة المتهم بمرض نفسى، مشيرا الى أن ذلك مجرد آراء مواطنين عادين ولا احد يستبق الى النتائج.

وأضاف شهاب أن الجانى مندوب شرطة أطلق النار بطريقة عشوائية مما نتج عنه وفاة شخص وإصابة 5 اخرين، وعندما حاول الجانى إطلاق الرصاص على شخص آخر فى نهاية عربة القطار نفدت الذخيرة من المسدس، وعندما حاول الامساك ترك الجانى سترته وامتعتة وهرب، لكن الشرطة استطاعت القبض عليه، ويجرى الآن التحقيق معه.

اعتراف المتهم

وفي سياق متصل، اعترف مندوب الشرطة بمركز بني مزار‏ بإطلاقه النار عشوائيا على ركاب القطار رقم ‏979‏ عند محطة سمالوط مما أسفر عن مقتل عجوز وإصابة زوجته وأربعة آخرين من أسرة واحدة‏ كانوا في طريقهم إلي القاهرة لشراء شبكة لابنتهم ومعهم خطيبها‏.

وأقر المتهم‏ ‏(31‏ عاما‏) خلال التحقيقات معه في نيابة سمالوط بالمنيا‏ بأنه كان يشعر بالضيق والاختناق‏ وأنه لا تربطه صلة سابقة بالمجني عليهم،‏ وقد قررت النيابة‏ عقب الاستماع لأقواله‏ حبس المتهم على ذمة التحقيقات بتهمة القتل والشروع في القتل‏، بحسب صحيفة الاهرام.

‏

كما استمعت النيابة إلي شاهد عيان علي الحادث واسمه محمود عبدالباسط ‏(22‏ عاما‏)‏ الذي كان يجلس بالقرب من مقعد الضحية فتحي سعد غبريال،‏ وقال إنه شاهد المتهم لدي صعوده العربة التاسعة بالقطار،‏ وتوقفه أمام مقاعد المجني عليهم وسيره لمسافة قبل أن يعود ثانية،‏ ثم أطلق عليهم نيران سلاحه عشوائيا دون أن يتبادل معهم أي حديث‏، وأنه كان يطلق رصاصة واحدة علي كل ضحية من الضحايا‏.

وأضاف الشاهد أنه حاول الإمساك بالمتهم الذي أطلق النار باتجاهه لكن الرصاصة أخطأته‏، مما دفعه للتشبث بملابس مندوب الشرطة لدرجة أنه نزع عنه جاكت كان يرتديه قبل أن يلوذ بالفرار‏.‏

وعثر داخل الجاكت علي بطاقة الجاني وتيلفونه المحمول مما ساعد سلطات الأمن في الإسراع باعتقاله،‏ وأكد الدكتور أحمد ضياء الدين محافظ المنيا‏ أن الحادث ليس له بعد طائفي،‏ وأن الجاني مجرد شخص صعد إلي القطار وأطلق الرصاص عشوائيا علي الركاب،‏ كما قرر صرف إعانة عاجلة قدرها عشرة آلاف جنيه لأسرة المتوفي‏.

الخبر من موقع رسمي - أخبار مصر

ياريت نستنى شوية لما تظهر النتائج واضحة

[اغابي]

وأقر المتهم‏ ‏(31‏ عاما‏) خلال التحقيقات معه في نيابة سمالوط بالمنيا‏ بأنه كان يشعر بالضيق والاختناق‏ وأنه لا تربطه صلة سابقة بالمجني عليهم،‏ وقد قررت النيابة‏ عقب الاستماع لأقواله‏ حبس المتهم على ذمة التحقيقات بتهمة القتل والشروع في القتل‏، بحسب صحيفة الاهرام.

‏

كما استمعت النيابة إلي شاهد عيان علي الحادث واسمه محمود عبدالباسط ‏(22‏ عاما‏)‏ الذي كان يجلس بالقرب من مقعد الضحية فتحي سعد غبريال،‏ وقال إنه شاهد المتهم لدي صعوده العربة التاسعة بالقطار،‏ وتوقفه أمام مقاعد المجني عليهم وسيره لمسافة قبل أن يعود ثانية،‏ ثم أطلق عليهم نيران سلاحه عشوائيا دون أن يتبادل معهم

أي حديث‏، وأنه كان يطلق رصاصة واحدة علي كل ضحية من الضحايا‏.

ياريت نستنى شوية لما تظهر النتائج واضحة

اعتقد ان النتيجة واضحة يا استاذ اسد .......خلاص كل حاجة بقت واضحة

الجانى منظم - اختار الضحية بعناية واختار الهدف - لا يعانى من اى مرض نفسي

تم تعديل 13 يناير 2011 بواسطة اغابي

[عنبو]

انا هقول كلمه يا جماعه بس مش عاوز حد يضرب

هو ليه كل اللى ماتوا واللى اتصابوا مسيحين

ليه حتى مافيش واحد مسلم اتخدش حتى ؟

زى ما قال العم زوهيرى

عنبو

ممكن القتل مايكونشي عشوائي، و لا القاتل يكون مجنون، و الحادث مقصود به إن التسخين بين الطرفين يزيد، كدا السيناريو حيتظبط و حيمشي في الطريق المرسوم له، يعني بالبلدي المُخرج عاوز كدا.

كل شىء ممكن غير انه يكون اهبل او مريض نفسى او ممكن يكون اهبل ومريض نفسى فى حاله واحده بس

اننا شعب نحس والناس اللى اتصابوا نحس وبكده يبقى لازم نبخر البلد بطياره هليكوبتر وده كان

اقتراح انا عملته من زمان بس مافيش حد اخد به

البلد محسوده يا جماعه ومنحوسه لازم نبخر البلد

عنبو

[م تيمور المراغي]

وأضاف الشاهد أنه حاول الإمساك بالمتهم الذي أطلق النار باتجاهه لكن الرصاصة أخطأته‏، مما دفعه للتشبث بملابس مندوب الشرطة لدرجة أنه نزع عنه جاكت كان يرتديه قبل أن يلوذ بالفرار‏.‏وعثر داخل الجاكت علي بطاقة الجاني وتيلفونه المحمول مما ساعد سلطات الأمن في الإسراع باعتقاله

شجاعه ايه دي اللي تخليه يمسك في مجرم بيضرب عليه نار لغاية مايقلعه الجاكت والتاني هو اللي يهرب من وشه

ماشاء الله ,,

بس خدتوا بالكم ,,

المجرم ضرب نار على الشاهد المسلم

والشاهد المسلم خاطر بحياته ضد مسلم عشان المجني عليهم المسيحيين ,,

[اغابي]

وأضاف الشاهد أنه حاول الإمساك بالمتهم الذي أطلق النار باتجاهه لكن الرصاصة أخطأته‏، مما دفعه للتشبث بملابس مندوب الشرطة لدرجة أنه نزع عنه جاكت كان يرتديه قبل أن يلوذ بالفرار‏.‏وعثر داخل الجاكت علي بطاقة الجاني وتيلفونه المحمول مما ساعد سلطات الأمن في الإسراع باعتقاله

شجاعه ايه دي اللي تخليه يمسك في مجرم بيضرب عليه نار لغاية مايقلعه الجاكت والتاني هو اللي يهرب من وشه

ماشاء الله ,,

بس خدتوا بالكم ,,

المجرم ضرب نار على الشاهد المسلم

والشاهد المسلم خاطر بحياته ضد مسلم عشان المجني عليهم المسيحيين ,,

لالالا - الله يخليك

جرا ايه يا بشمهندس

احنا هنرجع تانى - نزيف الحقايق - ونلاقى الف سبب وعذر - وندور على كلمة ساقطة ولاقطة بين السطور

بكدا هنعمل زى الداخلية اللى بتغير فى الحقايق علشان تثبت الشعب المصرى وتسكته

يعنى عاوز تفهمنى انه هو مش قصده مسيحين

ياريت نكون اكثر شفافية فى تحليل الموقف

يعنى واحد اتمشي فى القطار واختار الناس اللى هيقتلهم ومش مختل عقليا

يبقى منتظر ايه تانى ؟؟

تم تعديل 13 يناير 2011 بواسطة اغابي