قرار مصيرى ! عاوز اتجوز مصرية بس محتار

[كارييير]

السلام عليكم

الى كل المغتربين مطلوب نصيحة منكم تساعدونى بيها فى اتخاذ قرارى المصيرى

هل اتجوزها مصرية من السعودية ولا من مصر؟؟وطبعا فى كل الاحوال هى مصرية اصلها ورايا ورايا بس فعلا ما فيش احسن منها

نحط فى الاعتبار انى جاى السعودية نهائى ورجوعى لمصر مش متحقق الا اذا بعتلى الريس فساعتها يكون نداء الوطن حتما ولابد انى ارفضه طبعا برده :egyflag:

المهم مش هرجع لانى بحب بلدى لكن خلونا فى الجواز احسن وبلاش كلام فى السياسة

[herohero]

الأفضل مصرية عايشه ف السعوديه ومتربية هناك لان السعوديه لها نظام معين ماكنش يبقى ياسلام لو مصرية ف مصر بس قرفانه منها لانها كانت عايشه ف بلد اخر غير مصر

مكنش يبقى امرك لله وخد مصرية طول عمرها ف مصر

لان اللي عايشه ف مصر طول عمرها للاسف هتتعبك لانها متعود ع حاجات ف مصر ف نظر الكثير جميلة جداااااااااا

لكن صعب تحقيقها ف الخليج يعني الخروجات الكتير والزيارات العائلية وعلاقه الجيرة اللي بتوصل ف بعض الاماكن لشيئ يخنق وتلاقيهيم عارفين كل حاجه عنك

ف الخليج ده مش موجود كل واحد ف حاله وبالتالي هتزهق الا لو هي بتحب المبدا ده ف حاله

وعاوزة تعيش ف هدوء

وعموما انت بتختار اخف الضررين ماهي ف الاخر مصرية

وتذكر ياسيدي مصر وطن يعيش فينا وليس وطن نعيش فيه

وربنا يقويك ويجازيك بالخير ايانا واياك

[Ahmed Anwer]

مصرية مقيمة في مصر افضل ،،،

من وجهة نظري ،،

من ناحية إجتماعية ،،،

تريح دماغك من عايزة أزور بابا و عايزة أطمن علي عيلتي و الزيارات و المناسبات الإجتماعية

من ناحية وطنية ،،،

تنتشل واحدة مقيمة في مصر أفضل من واحدة أساسا مقيمة بره

[capitshino]

السلام عليكم

الى كل المغتربين مطلوب نصيحة منكم تساعدونى بيها فى اتخاذ قرارى المصيرى

هل اتجوزها مصرية من السعودية ولا من مصر؟؟وطبعا فى كل الاحوال هى مصرية اصلها ورايا ورايا بس فعلا ما فيش احسن منها

نحط فى الاعتبار انى جاى السعودية نهائى ورجوعى لمصر مش متحقق الا اذا بعتلى الريس فساعتها يكون نداء الوطن حتما ولابد انى ارفضه طبعا برده :egyflag:

المهم مش هرجع لانى بحب بلدى لكن خلونا فى الجواز احسن وبلاش كلام فى السياسة

السعودية مش من بلاد المهجر

يعنى اى حد ممكن ياخد خروج نهاشى فى اى وقت

وعموما ربنا يوفقك للزوجة الصصالحة .

[iloveegypt]

للاسف اصبحت صلة الارحام والاعلاقات الاجتماعية اصبحت حاجة مش كويسة لذا انصح السائل بان يتزوج ويعيش فى جزيرةمنعزلة

ياريت نفتكر ان الحجياة مها طالت فى اخرة وحساب يومالقيامة يعنى اللى فى غربة على طول وناسى اهله ورحمه ربنا هيحاسبه وشكرا

[abdulmuttaleb]

السلام عليكم

الى كل المغتربين مطلوب نصيحة منكم تساعدونى بيها فى اتخاذ قرارى المصيرى

هل اتجوزها مصرية من السعودية ولا من مصر؟؟وطبعا فى كل الاحوال هى مصرية اصلها ورايا ورايا بس فعلا ما فيش احسن منها

نحط فى الاعتبار انى جاى السعودية نهائى ورجوعى لمصر مش متحقق الا اذا بعتلى الريس فساعتها يكون نداء الوطن حتما ولابد انى ارفضه طبعا برده :egyflag:

المهم مش هرجع لانى بحب بلدى لكن خلونا فى الجواز احسن وبلاش كلام فى السياسة

وعليكم السلام

أنا رأيي لا مصرية من مصر ولا مصرية في السعودية

خذها سعودية أو من جنسية من المقيمين في السعودية أبا عن جد كالفلسطينيين مثلا،

طالما حضرتك مش ناوي تنزل مصر لأن المصرية أكيد لها أهل وأقارب في مصر وحتما ح تحتاج تنزل لبلدها

وطبعا كل واحد أدرى بظروفه يعني

ربنا يوفقك ويكتب لحضرتك اللي فيه الخير

[abdulmuttaleb]

مصرية مقيمة في مصر افضل ،،،

من ناحية وطنية ،،،

تنتشل واحدة مقيمة في مصر أفضل من واحدة أساسا مقيمة بره

ما هي الحاجة الوحشة أوي كده في مصر اللي من أجلها تسعى البنات لأن يتم انتشالهن على رأي سيبويه؟

معلهش أنا ما فهمتش الجزئية دي ممكن حضرتك تشرحها أكتر؟

تم تعديل 13 يناير 2011 بواسطة abdulmuttaleb

[Ahmed Anwer]

مصرية مقيمة في مصر افضل ،،،

من ناحية وطنية ،،،

تنتشل واحدة مقيمة في مصر أفضل من واحدة أساسا مقيمة بره

ما هي الحاجة الوحشة أوي كده في مصر اللي من أجلها تسعى البنات لأن يتم انتشالهن على رأي سيبويه؟

معلهش أنا ما فهمتش الجزئية دي ممكن حضرتك تشرحها أكتر؟

علي اساس إن دي وجهة نظر الأخ صاحب الموضوع و مش عايز يرجع مصر و مش مستريح خالص في مصر

يعني بحاول افكر بدماغه هوا مش بدماغي انا

يعمل خير و ياخد حد معاه من مصر

[كارييير]

شكرا لكل اخوانا اللى ردوا فى التوبيك لكن افكر معاكم بصوت عال

المفروض انى ان شاء الله انها تكون ملتزمة ومؤدبة وبنت ناس سواء فى مصر او فى السعودية

فى وجهة نظر بتقول ان المصرية بتاعة مصر مش هترهقك بطلبات ومستوى معيشة عالى نوعا ما زى المصرية اللى فى السعودية اللى نسبيا خدت على العز والفخفخة والريالات والكبسة فى كل الوجبات!!!

وجهة نظر بتقول كمان ان اللى فى السعودية اهلها هيشيلوك فى اجازة او ولادة او اى حاجة زى كدة وكمان االفريق المعارض بيقول انها نقطة سلبية لانها قريبة من اهلها ودا احيانا-مش دايما-باب مشاكل وصداع وانا عاوزة اروح لامى فى اى مشكلة مثلا

الفريق الاولانى بيقول لما تبقى هى من مصر تبقى مهاودة شوية فى طلباتها وماشفتش الكبسة والذى منه وكمان زى المقطوعة من شجرة ملهاش غيرك فى الغربة فبالتالى الترابط بين بعضيكم اقوى لكن مشكلتها لو هى اجتماعية زيادة عن اللزوم هتتعب شوية كمان عاوزة تنزل كل سنة مثلا تشوف اهلها وانا من ناحيتى مافيش مانع لكن الارتباطات والشغل احيانا يحكم انى مااقدرش

بالنسبة للرأى اللى بيقول لا دى ولا دى واختار من برة مصر اقوله صعب لاختلاف العادات والتقاليد والطباع والمزاج والنكهة وحاجات كتييييييييييير وبالتالى مغامرة شوية لكن مافيش مانع شرعا وقانونا

وفعلا المصرية اللى فى مصر لازم ننتشلها لكن مين ينتشل اللى هنا؟

طبعا استخارة ربنا واستشارة حضراتكم يفيدونى كتير وبشكركم تانى وفى انتظار مداخلاتكم وخبراتكم فى الموضوع

[Basemm]

انا بفكر بطريقة تانى خالص .. مالها الاجنبية

مبيكدبوش .. بتعرف تشيل مسئولية .. مثقفة وعندها مبادئ

طبعا فىها عيوب بس انا شايف المميزات اكتر بكتير

[Basemm]

ورغم انى مش بحب المقارنة .. لكن هما هناك لما بيعملوا حلجة غلط بتقولك فى وشك .. هنا العكس تماما

المقارنة بالورقة والقلم مش فى صالح المصرية ولا السودية

[AbkaReno]

بما اني مشيت في الموضوع ده كتير ولفيت بيت بيت والحمد لله استقرين علي الزوجه من مصر انصحك بالزواج من مصريه مقيمه بالمملكه افضلك

مفيش استقدام مفيش زيارات المعارف قليلع والمصاريف معدومه

هتفهمها بسرعه وتكون انتا اول واحد في حياتها هتكون متدينه وملتزمه ومحدش شافها غيرك

كمان انا انصحك بالعرق الفلسطيني المقيم بالمملكه

او السوري

واي مساعده انا ممكن ازكيك عند ناس كتير لكن النيه الصالحه والصادقه تكون قبل اي حاجه

[مهندس عمرو]

ليست المقاييس بالمصرية المقيمة في السعودية ولا المصرية فمصر ولا السعودية في السعودية ولا كل ده .... أظفر يا اخي بذات الدين تربت يداك ....ونصيحه لله ........الاهل ثم الاهل ثم الاهل .

تم تعديل 5 أبريل 2011 بواسطة مهندس عمرو