ما الفرق بين شخصية المواطن التونسي و بين المواطن المصري؟

[عبير يونس]

لماذا تحقرون من الشخصية المصرية ؟؟

عجبآ لكم جميعآ الستم مصريين !! كان من الاولى ان يعترف صاحب الموضوع انة يقف فى الصف بين جموع المصريين

المصرى المغترب ليس من حقة نقد من يعيش بداخل مصر الا بالحسنى لان من يدة بالماء البارد ليس مثل من يقبض بيدة النار ....

ياسادة اعظم شعب فى الارض شعب مصر واللى مش عجبة يتبرآ من الجنسية المصرية علشان يكون عادل وأما ان يعيش بين جدرانها ويورينا هيعمل اية مش بؤ بس

إذا كنت باتفق مع باقي كلام حضرتك في عدم انتقاد او انتقاص الشعب المصري

فاسمحلي يافندم اختلف مع حضرتك في الجملة المظللة باللون الأحمر

سمعة الشعب المصري للأسف في منتهى السوء

و السمعة دي سابقانا كمغتربين

و بنعاني منها معاناة شديدة

لسه واحد زميل زوجي امبارح

بيقول له بمنتهى البساطة و بدون مقدمات:

" متزعلش مني المصري ممكن يبيع نفسه بعشرة ريال"

و ده على اعتبار انه بيعز زوجي و يقدره و بيفضفض معاه!!!

و حضرتك جاي تقول المصري المغترب ليس من حقه النقد؟؟؟!!!!

أمال مين يعني اللي خللى الناس تقول علينا كده؟؟؟

الشعب النيوزيلندي؟؟؟!!!

[لماضة مصرية جدا]

السلام عليكم و رحمة الله و بركاته

ليه يا أستاذ محمود السؤال اتفهم كده....هو احنا درسنا في الكلية ان لما نقول الفرق بين حاجة و حاجة معناها ان احنا نطلع اوجه التشابه عشان نقدر نتوقع نقاط الالتقاء و التقارب و كمان نحدد اوجه الاختلاف و ده مش معناه قطعا ان طرف ليه أفضلية علي طرف آخر

السؤال المطروح انا فهمته ليه الشعب التونسي اتحرك و احنا متحركناش مع ان نفس المعطيات و يمكن أقوي كمان

و بعد اذن حضرتك مش مطلوب من صاحب التوبيك و لا من اي محاور انه يعلنها انه واقف بين الجموع يعني.....لانها امر بديهي....مسلم بيه....و الا هنتحول لمجرد قناة تانية من الاغاني الوطنية اللي بنطفي عليها لما بيذيعوها في الازمات و مش لاقيين لده مبرر....(هو الواحد لازم يحلف انه بيحب مامته....؟؟؟؟؟)

مختلفة مع حضرتك جدا جدا في موضوع "المصري المغترب "...

هو احنا ايه بقي هنتصنف كل شوية في مجموعة.....يعني الحبة دول مصريين مسلمين....و الحية اللي هناك دول مصريين مسيحيين ....و دولم المصريين المجاهدين اللي عايشين في مصر.....اما اللي هناك دولم هما المصريين المتغربين براها....و احيانا كتير و الله هتلاقي المصري اللي غريب جوه مصر...هي اصلها مش جغرافيا و تذاكر طيران

محتجة جدا علي وجهة نظر حضرتك.....و نزلت بعيني للتوقيع اللي حضرتك حاطه بتقولنا فيه....كل ما اوزن ناقص حتة".....

كل ما اوزن ناقص حتة

حقيقي......... علي سلامة قال فعلا ناقص حتة

ناقص حتة......حتة ان احنا نتنمي لقضية و حلم "وطن مصري"....

محدش من حقه في يوم يحرمني منه و لا يزايد عليه

تحياتي استاذي

[لماضة مصرية جدا]

مفيش فرق بين المواطن المصرى و التونسى

المواطن التونسى مش مختلف عننا لانة قبل برئيس لمدة 23 عام و احنا 30 مش فارق كبير

الفرق بس غباء الرئيس التونسى

لانة معرفش يخلى الشعب يفضفض يخلية يتكلم لان مشكلة العرب كلهم الكلام بسسسس بدون فعل

لما الرئيس بن على ضيق عليهم فى النت و الجرايد و ممنوع النقض ولا المعارضة وعدم الكلام الشعب انفجر

احنا بنتعامل بمبدا العصا و الجزرة و مبارك بخبرتة بيعرف امتى يدى للشعب الجزرة و امتى يضربهم بالعصيااااا

السلام عليكم و رحمة الله و بركاته

ما هو ده اللي بيوجع....ان احنا عارفين علتنا....و برضه مش عارفين نتغير!!!

[جويرية]

مين اللي اسقط الرئيس التونسي

الشرطة و لا الجيش ولا حلفاؤه من الغرب

مش معقول موضوع ثورة الشعب ده

ما مصر مليانة مظاهرات ييجي من ألف سنة كدة

[MZohairy]

لماذا تحقرون من الشخصية المصرية ؟؟

عجبآ لكم جميعآ الستم مصريين !! كان من الاولى ان يعترف صاحب الموضوع انة يقف فى الصف بين جموع المصريين

المصرى المغترب ليس من حقة نقد من يعيش بداخل مصر الا بالحسنى لان من يدة بالماء البارد ليس مثل من يقبض بيدة النار ....

ياسادة اعظم شعب فى الارض شعب مصر واللى مش عجبة يتبرآ من الجنسية المصرية علشان يكون عادل وأما ان يعيش بين جدرانها ويورينا هيعمل اية مش بؤ بس

حاول ان تقرأ الطرح جيدا يا سيدي

حاول و لو لمره ان تبتعد بفكرك عن طارح الموضوع و تتجه للموضوع نفسه

و طبعا ردود الأخوه عليك كفيله بتوضيح وجهة نظر الطرح التي لم تستوعبها

أما من يعتقد انه اعظم او اذكى او اقوى شعب فتأكد انه ليس كذلك ابدا (جواب مهذب لما يفترض ان يوصف به هذا الشعب)

[MZohairy]

من النقاط الواجب ذكرها ايضا هو الموقف الدائم الغير معادي من الجيش التونسي للشعب التونسي

فالجيش التونسي يرفض التدخل ضد شعبه بأي صوره من الصور

و لا اعلم ما اذا تعرض الجيش المصري لنفس الموقف و تلقى اوامر عليا بالتدخل ضد الشعب ماذا سيكون رد فعله

[doha]

مفيش فرق بين المواطن المصرى و التونسى

المواطن التونسى مش مختلف عننا لانة قبل برئيس لمدة 23 عام و احنا 30 مش فارق كبير

كلام سليم .. سياسيا مظنش ابدا في فرق الهم اننا كمصريين ( بنبعبع ) كتير بالكلام وبنقول الي نفسنا فيه كله ومظنش في شعب عربي في المنطقة كلها بيتكلم وينتقد ويجلد ذاته زي مااحنا بنعمل ..

اما بالنسبة لاوجه الحياه الاخرى فلا اذكر اني احتكيت قبل كده بتوانسه ولكن من الي بشوفه في وسائل الاعلام ثبت ان في فرق جامد مابينا ومابينهم ..

التونسيات بجد احلى من المصريات بكتييير :Head:

(( لسه امبارح مصدومه بان الممثله الوحيده الي اعادت لي ثقتي في جمال المرأة المصرية طلعت تونسية ))

[لماضة مصرية جدا]

مفيش فرق بين المواطن المصرى و التونسى

المواطن التونسى مش مختلف عننا لانة قبل برئيس لمدة 23 عام و احنا 30 مش فارق كبير

كلام سليم .. سياسيا مظنش ابدا في فرق الهم اننا كمصريين ( بنبعبع ) كتير بالكلام وبنقول الي نفسنا فيه كله ومظنش في شعب عربي في المنطقة كلها بيتكلم وينتقد ويجلد ذاته زي مااحنا بنعمل ..

اما بالنسبة لاوجه الحياه الاخرى فلا اذكر اني احتكيت قبل كده بتوانسه ولكن من الي بشوفه في وسائل الاعلام ثبت ان في فرق جامد مابينا ومابينهم ..

التونسيات بجد احلى من المصريات بكتييير :Head:

(( لسه امبارح مصدومه بان الممثله الوحيده الي اعادت لي ثقتي في جمال المرأة المصرية طلعت تونسية ))

اعاد ليكي الثقة في جمال المراة المصرية....(وش مذبهل و مشفهل و مبتعجر علي الاخر....يا شماتة استاذي سمبا.....محدش يناديه خااااااااالص)

سؤال علي هامش الخناقة بس

جمال مرأة مصرية ايه دلوكيتي......و احنا بنتكلم في السياسة

و لا يكونشي قصدك ان احنا هنعمل ثورة خضراااااااااء في مصر....بقيادة"جمال".....و هتكون مفاتيحه المرأة المصرية....

ليه فكرتيني مرة اخويا قالي...لا بجد....مينفعشي كده....احنا لازم نطلع في مظاهرات....طبعا انا هزيت راسي مش مصدقة....(يعني اخويا مناضل بس لابتوباوي يعني)

بس قولت استنهز الفرصة و كده يعني.....لقيته بيقولي

بس بشرط نتظاهر في لبنان

[moory]

السلام عليكم،

الموضوع المطروح بيتكلم عن الفرق ما بين المواطن المصري و التونسي،

بعض المشاركات اتكلمت عن الانقلاب او ايه الي مفروض يحصل و ايه الي لازم يتم عشان نتخلص من الوضع الي احنا فيه و نبقى احسن،

و من وجهة نظري بالنسبة للأحداث الي في تونس في الوقت الحالي، هوا الفرق الأساسي بين المواطن المصري و المواطن التونسي،

المواطن التونسي اتحرك، نفذ، فعل الي كان بيتكلم عنه حتى لو من كان بيتكلم فيه من اكتر من 15- 20 سنةـ بس المهم اتحرك،

أما المواطن المصري، فهو لسه بيتكلم و هيفضل يتكلم عن طريق شباك المنور الي الحكومة فاتحاه للمواطنين و الصحافة و المعارضة،

ديموقراطية الحوار، ديكتاتورية القرار

انا مش من مؤيدي فكرة الثورة، على الأقل في الوقت الحالي،

لكن بغض النظر عن الطريقة الي اتحرك بيها الشعب التونسي، هوا الي خد القرار و هو الي نفذو...

[ابو محمود]

رغم انى مصرى واعيش بالداخل واشعر كثيرآ بالغربة فى وطنى

الا أننى اقولها صريحة بانى اشعر معكم كمغتربين بالغربة ايضآ وانا اسف ان كنت اسأت لكم لكنى لا زلت اشعر بانى غريب كلما شاهدت بعضآ من المحاورين المغتربين يحاول بل ويظهر ان من بالداخل اقل منكم

ومن هنا اترككم فى رعاية الله واتمنى لكم التوفيق ولن تجدونى فى اى مداخلة تهتم او تناقش من بالخارج لانى اكتفيت بالغربة داخل وطنى

[hanzalah]

Posted Today, 01:19 AM

من النقاط الواجب ذكرها ايضا هو الموقف الدائم الغير معادي من الجيش التونسي للشعب التونسي

فالجيش التونسي يرفض التدخل ضد شعبه بأي صوره من الصور

و لا اعلم ما اذا تعرض الجيش المصري لنفس الموقف و تلقى اوامر عليا بالتدخل ضد الشعب ماذا سيكون رد فعله

عزيزي زوهير ي

تحية طيبة

اعتقد الجيش المصري سيكون ردة فعله مساويه للجيش التونسي

كلهم ولاد ناس

كلهم بيحبوا بلدهم

كلهم يرفض انه يقتل ابن بلده لما يفيض بيه ويخرج في ثورة شعبية سلمية

[hanzalah]

مين اللي اسقط الرئيس التونسي

الشرطة و لا الجيش ولا حلفاؤه من الغرب

مش معقول موضوع ثورة الشعب ده

ما مصر مليانة مظاهرات ييجي من ألف سنة كدة

الله يا استاذه جويرية الموضوع يتلخص في كلمتين

شعب يرفض الذل وينتفض دفاعا عن كرامته

فلما انتفض في ثورة عارمة

لم يقف الجيش في صف الطاغية

بل انحاز لصف الشعب

وكل شعب وانتم بألف خير

[ابو محمود]

لماذا تحقرون من الشخصية المصرية ؟؟

عجبآ لكم جميعآ الستم مصريين !! كان من الاولى ان يعترف صاحب الموضوع انة يقف فى الصف بين جموع المصريين

المصرى المغترب ليس من حقة نقد من يعيش بداخل مصر الا بالحسنى لان من يدة بالماء البارد ليس مثل من يقبض بيدة النار ....

ياسادة اعظم شعب فى الارض شعب مصر واللى مش عجبة يتبرآ من الجنسية المصرية علشان يكون عادل وأما ان يعيش بين جدرانها ويورينا هيعمل اية مش بؤ بس

حاول ان تقرأ الطرح جيدا يا سيدي

حاول و لو لمره ان تبتعد بفكرك عن طارح الموضوع و تتجه للموضوع نفسه

و طبعا ردود الأخوه عليك كفيله بتوضيح وجهة نظر الطرح التي لم تستوعبها

أما من يعتقد انه اعظم او اذكى او اقوى شعب فتأكد انه ليس كذلك ابدا (جواب مهذب لما يفترض ان يوصف به هذا الشعب)

انت بيننا علامة ؟ كبيرة

[وطني حر]

موضوع جميل والبحث عن الفروقات بين الشعبين مناسبه في هذا الوقت

عن نفسي وبحكم علاقاتي مع اخوه توانسه في الخليج رغم قلة عددهم

فانا شايف هي النرفزه وسررعه الغضب هي فارق كبير بين المصريين والتوانسه .

بردو يشترك التونيسي مع المصري في التحمل والصبر على الظلم . فالتونسي لا ننسي انه اكل لحم الحمير واجبر بالفطر في رمضان

يختلف النظام التونسي عن النظام المصري في الخبـره .

فالنظام المصري لديه خبره كبيره في التعامل مع الاحداث . بينما في تونس يعتبر حديث عهد بالسياسه والاحداث فلم تشهد تونس ما شهدته مصر من احداث عالميه

اضف الى ذلك ان النظام المصري رغم ما يقال انه دكتاتوري الا انها دكتاتوريه مشتركه فالرئيس ليس هو الحاكم الوحيد للبلد .

فاغلب اعضاء مجلس الشعب والشوري والوزراء شركاء في الحكم وشركاء في الظلم والاستبداد

[DIA ELDIN]

في تونس الجيش مكنش ليه اي تدخل ووقف بحيادية تامة ودا اللي مش ممكن يحصل في مصر

علاوة على كدا قدروا يوصلهم هما عايزين ايه عن طريق وسائل الاعلام المختلفة ويمكن سبب في كدا انهم جالية كبيرة على سبيل المثال في فرنسا

ويمكن سبب برضوا ان الشعب التونسي تقوله ثور يثور bsh:)

والشعب المصري تقوله ثور يقول احلبوه :blink: