25 يناير ,, موعد المصريين

[م تيمور المراغي]

http://www.youtube.com/watch?v=1A6lyq82Mpk&feature=related

ليا مين ؟؟

ليا مين غيرك يا بلدى ليا مين

ياللى علمتينى اية معني الحنين

أنتي اللى ارضك طيبة

والغربة فيكى قريبة

وحنينة على قلبنا

طول السنين

ماشيين يا بلدى فى سكتك

حريتك هيا الطريق

بالصبر

بالصبر والرأي الجرئ

بالحب يا بلدى

ولادك مخلصين

وشرفك يا بلدى

لتبقى يا بلدى

حياتك هيا عمرى

وقدرك هوا قدرى

حرية على طول الزمان

حب

حب وسلام فى أى مكان

وشرفك يا بلدى

سحابة وتعدى

وبرضة أنتى بلدى

مهما عملوا يا بلدى فيكى

أحنا ليكى

دا أحنا ياما خدنا منك ... فيها أية لو يوم نديكى

دا أحنا ياما خدنا منك ... فيها أية لو يوم نديكى

تم تعديل 17 يناير 2011 بواسطة architect

[أبو محمد]

إليكم شهادة عيان أخرى على أحداث 18 و 19 يناير ..

كنت وقتها مهندس مشروعات أعمل فى قرية "المعدية" .. وكنت أتنقل بين المكتب والموقع بسيارة الشركة .. وعند عودتى فى المساء وبمجرد أن وصلت إلى الكورنيش (عند المنتزه) شاهدت مظاهرة تدمر كل شئ على الكورنيش .. المحلات .. المقاهى .. أعمدة النور .. حتى الإعلانات .. عديت المظاهرة .. وعند سيدى بشر قابلت مظاهرة أخرى .. وفوجئت بحجر فى زجاج الباب الخلفى للسيارة يحطمه .. انحرفت جهة اليسار (كان الكورنيش وقتها رايح جاى) ودخلت إلى شارع عبد الناصر ..

ورحت أفكر .. لماذا قذفونى بحجر ؟ .. هو انا اللى غليت أنبوبة البوتاجاز أو رفعت سعر كيلو السكر قرشين ؟ .. دانا موظف .. برضه باستنى مرتبى آخر الشهر .. أكيد اتغروا فى العربية الملاكى .. وفكرونى من "القطط السمان" .. ده كان تعبير مشهور .. إلى جانب تعبيرات أخرى مثل التعبير الذى كان يسمى السلع المستوردة "سلع استفزاية" .. اللى حدفنى بالحجر ماكانش عارف انى قلبى اتخلع على لوح الزجاج .. لو الإدارة ما تفهمتش اللى حصل حيتخصم علىَّ ..

عند فيكتوريا .. مظاهرة تانية عند مزلقان القطر .. جريت منها ودخلت شارع الاقبال ومنه على الكورنيش "تانى" .. شاهدت محلات الكورنيش كلها محطمة .. وصلت كامب شيزار .. مسرح اسماعيل ياسين متحطم .. كافيتيريا "تونى" متكسرة والجرسونات قاعدين عالرصيف .. الدنيا ضلمة والمنظر مخيف .. عند الشاطبى مظاهرة كبيرة .. وعدد الصبية فيها أكبر من عدد البالغين .. الحجارة نازلة زى المطر على كل شئ .. أنا شفت المنظر من بعيد .. دخلت على شارع بورسعيد ومنه إلى طريق الترام .. مش عارف ازاى وصلت شارع قنال السويس ومنه دخلت على ترعة المحمودية من ورا محرم بك .. ووصلت إلى بيت أحد زملاء الدراسة .. كان الجو هناك هادى .. ركنت العربية فى اسطبل .. وطلعت عنده وعملت كام مكالمة تليفون .. فهمت إنى ممكن أوصل لجراج الشركة علشان أأسلم العربية .. ركب معى صديقى .. ووصلت إلى الجراج فى وسط البلد .. كان الجراج مقفول .. جنب الجراج محطة بنزين .. العامل قال لى ان السايس جوه وقافل على نفسه .. طرقت الباب حتى فتح واستلم السيارة وتنفست الصعداء .. ذهبت إلى منزلى مع صديقى .. وبمجرد أن وصلت فتحت التليفزيون لأعلم أنه قد تم فرض حظر التجول فى القاهرة والاسكندرية .. ونزل الجيش إلى الشوارع لفرض النظام ..

صاحبى ضرب تليفون لأهله وقال لهم إنه حيبات عندى ..

تابعنا الأخبار .. إلى أن ظهر الشيخ متولى الشعرواى يرحمه الله - كان وقتها وزيرا للأوقاف - يوجه كلمة إلى الشعب المصرى .. واختنق صوته بالعبرات وهو يلقى كلمته .. بكيت معه .. وتذكرت أننى لم أبك منذ يوم وفاة والدى من عشر سنوات فى 28 مايو 67 .. قبل النكسة بأسبوع فى عز الامتحانات ...

نزلت تانى يوم الصبح إلى المكتب .. الخراب حولى فى كل مكان .. أخذت السيارة إلى الموقع .. رأيت آثار حرائق فى وسط البلد وعلى طريق الكورنيش .. إيه ده ؟ .. خربوا البلد .. ورجعوا بيوتهم .. وتوتة توتة .. وانتم عارفين اللى حصل بعدها ..

ألغى السادات القرارات التى أعلنها عبد المنعم القيسونى نائب رئيس الوزراء ورئيس المجموعة الاقتصادية والتى توصل هو ومجموعته الاقتصادية إلى أنها ضرورية جدا لخفض العجز الكبير فى الموازنة .. عارفين كانت ضرورية ليه ؟ علشان نقدر نستلف علشان نعيش .. ماهو مفيش حد بيسلف حد مفلس !!!!!

ثار الناس على قرارات الرجل الذى طالما كان مسؤولا فى وزارات العهد الناصرى عن مالية واقتصاد مصر .. وقيل إن الذين حركوا تلك المظاهرات هم الناصريون واليساريون

فى نوفمبر من نفس العام كانت زيارة السادات للقدس .. وانتهى عصر .. وبدأ عصر آخر .. وارتفعت أسعار السلع بأضعاف زيادات القيسونى ..

قلت لكم فى موضوع بمناسبة الفتنة الطائفية : برافو .. كملوا .. اخربوها واقعدوا على تلها (لو لقيتم تل) ..

وها أنا أقولها بمناسبة الفتنة التى تطل برأسها من خلال هذا الموضوع بين أبناء مصر فى الخارج وأبناء مصر فى الداخل .. أقول لكم : برافو .. إحنا مش أقل من التوانسة .. ده حتى عيب أننا مش بنعرف ننهب ونسرق زيهم .. هم منظمين وكل واحد بيسرق بالدور .. يالله إعزموا على بعض .. إتفضل انهب .. لا والله اتفضل انت اسرق الأول .. كده حنكون زيهم وأحسن

وسأقترح على الأستاذ عادل أن يغير شعاره .. "مواطنين لا متفرجين" ، وننزوى ، هو وأنا فى مقاعد المتفرجين .. "متفرجين لا مواطنين" ..

[م تيمور المراغي]

..............

وسأقترح على الأستاذ عادل أن يغير شعاره .. "مواطنين لا متفرجين" ، وننزوى ، هو وأنا فى مقاعد المتفرجين .. "متفرجين لا مواطنين" ..

ابو محمد الكريم

يكفل الدستور المصري في العديد من مواده الحق في التجمع السلمي حيث نصت المادة ( 54 ) منه على أن ( للمواطنين حق الاجتماع الخاص في هدوء غير حاملين سلاح و دون حاجة الى إخطار سابق و لا يجوز لرجال الأمن حضور اجتماعاتهم الخاصة والاجتماعات العامة و المواكب والتجمعات مباحة في حدود القانون ) . وإذ لا يتصور وجود تجمع سلمي دون حق في إبداء الرأي و التعبير عنه لذلك تنص المادة ( 47 ) من الدستور المصري على أن ( حرية الرأي مكفولة ولكل إنسان التعبير عن رأيه ونشره بالقول أو الكتابة أو التصوير أو غير ذلك من وسائل التعبير في حدود القانون و النقد الذاتي البناء ضمان لسلام البناء الوطني ).

وفي ضوء هذين النصين، يتضح أن حرية الاجتماع وتحريم تدخل رجال الأمن في هذه الاجتماعات هو من الحقوق الدستورية الأصيلة التي يجب ألا تأتى القوانين الداخلية بنصوص تعصف بها أو تنتقص منها أو تقيدها، و هو ما يعنى كذلك عدم حاجة المواطنين إلى إخطار الجهات الأمنية بموعد الاجتماعات سواء العامة أو الخاصة (وذلك وفقا للنص الدستوري).

اجتماع الشعب امام وزارة الداخليه في 25 يناير واجب وطني لكل مصري حر شايف البلد بتتسرق وتتنهب عيني عينك والانتخابات بتتزور ادام عينيه بكل بجاحه وسفاله منقطعةا لنظير ,,

حننزل باعلام مصر بكل هدوء وادب مش حنكسر ولا حنخرب ولا حندي الفرصه لاي مندس بيننا انه يبوظ المسيره

لازم اللي فوق توصل لهم الرساله والمطالب انهم مجرد موظفين حكوميين مش اسياد للعبيد

وزير داخلية التزوير والفتنة والقتل لازم يتشال و يتحاكم

حكم القضاء المصري النزيه بزيادة الحد الادنى الى 1200 جنيه للاجور لابد ان ينفذ

مافيش رئاسه مدى الحياه اقصى مده هي مرتين

حل مجلس الشعب اللي فرض علينا بالتزوير الفاضح ,, واعادة الانتخابات مره اخرى تحت الاشراف القضائي الكامل ,,

[om marawan]

..............

وسأقترح على الأستاذ عادل أن يغير شعاره .. "مواطنين لا متفرجين" ، وننزوى ، هو وأنا فى مقاعد المتفرجين .. "متفرجين لا مواطنين" ..

ابو محمد الكريم

يكفل الدستور المصري في العديد من مواده الحق في التجمع السلمي حيث نصت المادة ( 54 ) منه على أن ( للمواطنين حق الاجتماع الخاص في هدوء غير حاملين سلاح و دون حاجة الى إخطار سابق و لا يجوز لرجال الأمن حضور اجتماعاتهم الخاصة والاجتماعات العامة و المواكب والتجمعات مباحة في حدود القانون ) . وإذ لا يتصور وجود تجمع سلمي دون حق في إبداء الرأي و التعبير عنه لذلك تنص المادة ( 47 ) من الدستور المصري على أن ( حرية الرأي مكفولة ولكل إنسان التعبير عن رأيه ونشره بالقول أو الكتابة أو التصوير أو غير ذلك من وسائل التعبير في حدود القانون و النقد الذاتي البناء ضمان لسلام البناء الوطني ).

وفي ضوء هذين النصين، يتضح أن حرية الاجتماع وتحريم تدخل رجال الأمن في هذه الاجتماعات هو من الحقوق الدستورية الأصيلة التي يجب ألا تأتى القوانين الداخلية بنصوص تعصف بها أو تنتقص منها أو تقيدها، و هو ما يعنى كذلك عدم حاجة المواطنين إلى إخطار الجهات الأمنية بموعد الاجتماعات سواء العامة أو الخاصة (وذلك وفقا للنص الدستوري).

اجتماع الشعب امام وزارة الداخليه في 25 يناير واجب وطني لكل مصري حر شايف البلد بتتسرق وتتنهب عيني عينك والانتخابات بتتزور ادام عينيه بكل بجاحه وسفاله منقطعةا لنظير ,,

حننزل باعلام مصر بكل هدوء وادب مش حنكسر ولا حنخرب ولا حندي الفرصه لاي مندس بيننا انه يبوظ المسيره

لازم اللي فوق توصل لهم الرساله والمطالب انهم مجرد موظفين حكوميين مش اسياد للعبيد

وزير داخلية التزوير والفتنة والقتل لازم يتشال و يتحاكم

حكم القضاء المصري النزيه بزيادة الحد الادنى الى 1200 جنيه للاجور لابد ان ينفذ

مافيش رئاسه مدى الحياه اقصى مده هي مرتين

حل مجلس الشعب اللي فرض علينا بالتزوير الفاضح ,, واعادة الانتخابات مره اخرى تحت الاشراف القضائي الكامل ,,

ممكن اقول حاجة

انا شايفة انه ماحدش قال الناس ماتعترضش وتتظاهر سلميا

ولكن .........

اختيار التوقيت ده غلط

مهما حاولنا نحسن صورته ونجمله

الناس حاليا مدفوعة باللي حصل فى تونس

او عشان اكون دقيقة بعضهم مدفوع بالسرقة والنهب اللى شافه

ده اللى المتعقلين بيقولوه من بدري

احنا امام سناريوهين للاحداث

اما نشوف ناس لطيفة طالعة تعترض فى هدوء وبعدين الامن يطوقهم لحد مايروحوا بالسلامة كل واحد على بيته

اما نشوف ناس تانية خالص

لو الجيش او الشرطة سابوهم ( زي ماحصل في تونس )

يبقا يؤسفنى اقول انهم مش بس هينهبوا المحلات وبس

لأ هيكسروا البيوت ويتهجموا على الناس وده شفناه فعلا فى تونس

ودول ماكانوش عصابات بس ده كان فيهم ناس عادية جدا كل واحد مستحل مال حرام وعمال يشيل فيه ويروح على بيتهم

الحقيقة ان مش عاوزة اناقش تجربة تونس لان عندي عليها تحفظات جوهرية

ولان اللى حصل فى تونس مازال امامه توابع لا حصر لها

ويعلم الله وحده متى ستعود البلاد للاستقرار

بكل اسف بنغفل كتير جدا مبدا تغيير النفس مع انه حتى وان كان طويل الامد فهو اثبت واصلح وابعد عن الفتن والاطماع

مش قادرة افهم ليه الحملات دى مابتقومش ضد الرشوة مثلا زى ماقالت ضحى

ليه ماتكونش ضد المدرسين اللى بيدوا دروس خصوصية

مش هاقول مخدرات وعنف وسرقة

لكن تكون حملة للقيم والاخلاقيات ومش من نوع كنا زمان او البكاء على اللبن المسكوب

والله لو شلنا شوية شماعة الحكومة دي على جنب وحاسبنا نفسنا وبعضنا على تصرفاتنا هنتغير اكتر من كده باشوااط

عندنا 30 % تحت خط الفقر

طب وال 70 % الباقيين دول ايه

كلهم حكومة بس ولا ايه ؟

دورهم ايه فى تحسين اوضاع ولاد بلدهم

الحقيقة انى عمرى ماشفت حد طلع فى الاعلام يشتكى من وضع معين او مشكلة مادية الا وكانت اكتر من ايد بتتمد له

طب مانركز مجهوداتنااننا نشوف مين الناس اللى محتاجة

اللى جوه البلد يشوفوا مين محتاج مساعدة ايا كانت قيمتها ويكون ساعتها للمغتربين دور حقيقي

يعنى دى مجرد امثلة

هنستفيد فيها من طبيعة الخير اللى فى الشعب المصري اكتر واكتر

وهنبعد كتييييير اوى عن شبهات الفتن ودعاوى التفريق والتيارات المتضاربة واصوات" بعض" احزاب المعارضة اللى لا بتقدم ولا بتأخر وللاسف هيكونوا اول ناس تنقض على الكيكة

انا هنا لا انكر ان فيه فساد

الفساد كتير

وبكل اسف اكبر بكتير من انه لو غيرنا الحكومة كلها واحد واحد او حتى مجلس الشعب معاهم هيزول

الفساد كبير لانه طايل اغلبنا الا من رحم ربي

[se_ Elsyed]

جميل قوي

بس هو ما فيش وسط ؟

يعني يا خنوع لمدة 30 سنة لما البلد إستوت وغرقت واللي راح راح وما عدش فاضل حاجه ؟

يا إما إنتفاضة الحرامية والتدمير والنهب ؟

هاتقولوا لي الطرق الشرعية والأساليب المعملية والبؤر الإستطيانية في الإشتباكات المنهجية ...

طب إزاي ؟

إزاي ومجلس الشعب اللي بيتكلم بإسم الأمه كله من أوله لأخره شوية تيتتتتتتتتتتتتتتتتتتت ... وإحنا شايفين وعارفين ؟

إزاي والحاكم بقى عنده 83 سنة وبقوا يشبكوا له جفونه بخيط شفاف عشان يعرف يفتح عينيه وشوفناه في الخطاب الأخير بتاع كنيسة القديسين وهو من غير ميك آب وكان منظره يُرثى له ويصعب على الكافر ومع ذلك بيفرحنا وبيقول لنا هاحكمكم لأخر نفس وهايترشح لفترة سادسة هذا العام أي بعد شهور قليلة ؟

إزاي وقد تم وؤد جميع الشرفاء في هذا الوطن وطلعناهم ملحدين ودايرين على حل شعرهم وخونة وعملاء لأمريكا وبينفذوا أجندة غربية ؟

إزاي وما بقاش في حاجه في البلد تتباع تاني وبقينا على الحديدة ؟

إزاي والشباب أصابته الشيخوخة المبكرة ولو إتفتح باب الهجرة لموزمبيق فالجميع سيتسابق لينجو من الجحيم ؟

إزاي وكل وزير قاعد في منصبة وكأنه شيخ منصر ومنهم ناس بيسبوا الدين للشعب عيني عينك وما حدش بيقول لهم كخ ؟

حد من العقلاء يقول لي إزاي يمكن أنا كمان " مختل "

[م تيمور المراغي]

........................

انا هنا لا انكر ان فيه فساد

الفساد كتير

وبكل اسف اكبر بكتير من انه لو غيرنا الحكومة كلها واحد واحد او حتى مجلس الشعب معاهم هيزول

الفساد كبير لانه طايل اغلبنا الا من رحم ربي

الناس على دين ملوكهم ,,

والشعب ده بالذات عامل زي الارض الطيبه ,,زي ما بتزرعيه بيطرح

عشان كده تلاقي هو المصري هوه هوه لما يطلع بره مصر ويروح اي بلد يوفر له الحد الادنى لكرامة الانسان تلاقيه بقى مبدع واتحول سلوكه 180 درجه ,,

عبد الناصر في اوائل ايامه كان ملهم للشعب ومفجر لطاقات الجمال والكمال بداخله واديكي شايفه ما نعيش فيه الان كانت بذور زرعها ناصر وجيله ,,

مهاتير محمد بدأ في نفس السنه اللي ابتلانا الله فيها بسائق الطائره

وكانت ظروف ماليزيا تتطابق الى حد مذهل مع ظروف مصر في كل شيئ ,, طبعا اديكي شايفه الفرق بعد 30 سنه

مصر دي بلد جميله اوي

مصر دي بلد عظيمه اوي

اهلها اجمل وانبل خلق الله بس دهب متعاص في طين منوفي للاسف

يارب زيح الهم والغضب والسخط

وابدلنا قاده مخلصين مفكرين ومبدعين

لكن يا ام مروان

ان الله لا يغير ما بقوم حتى يغيروا ما ابنفسهم

لازم نبدأ احنا الخطوه ,, وحينزل من بعدها ,,,, نصر الله ,,,

[capitshino]

جميل قوي

بس هو ما فيش وسط ؟

يعني يا خنوع لمدة 30 سنة لما البلد إستوت وغرقت واللي راح راح وما عدش فاضل حاجه ؟

يا إما إنتفاضة الحرامية والتدمير والنهب ؟

هاتقولوا لي الطرق الشرعية والأساليب المعملية والبؤر الإستطيانية في الإشتباكات المنهجية ...

طب إزاي ؟

إزاي ومجلس الشعب اللي بيتكلم بإسم الأمه كله من أوله لأخره شوية تيتتتتتتتتتتتتتتتتتتت ... وإحنا شايفين وعارفين ؟

إزاي والحاكم بقى عنده 83 سنة وبقوا يشبكوا له جفونه بخيط شفاف عشان يعرف يفتح عينيه وشوفناه في الخطاب الأخير بتاع كنيسة القديسين وهو من غير ميك آب وكان منظره يُرثى له ويصعب على الكافر ومع ذلك بيفرحنا وبيقول لنا هاحكمكم لأخر نفس وهايترشح لفترة سادسة هذا العام أي بعد شهور قليلة ؟

إزاي وقد تم وؤد جميع الشرفاء في هذا الوطن وطلعناهم ملحدين ودايرين على حل شعرهم وخونة وعملاء لأمريكا وبينفذوا أجندة غربية ؟

إزاي وما بقاش في حاجه في البلد تتباع تاني وبقينا على الحديدة ؟

إزاي والشباب أصابته الشيخوخة المبكرة ولو إتفتح باب الهجرة لموزمبيق فالجميع سيتسابق لينجو من الجحيم ؟

إزاي وكل وزير قاعد في منصبة وكأنه شيخ منصر ومنهم ناس بيسبوا الدين للشعب عيني عينك وما حدش بيقول لهم كخ ؟

حد من العقلاء يقول لي إزاي يمكن أنا كمان " مختل "

طيب ايه الحل البديل من وجهة نظر حضرتك

يعنى ايه اللى ممكن يتعمل ويكون وسط ؟

وتفتكر الحاجة الوسط دى هتبقى فعالة ؟

[م تيمور المراغي]

طيب ايه الحل البديل من وجهة نظر حضرتك

يعنى ايه اللى ممكن يتعمل ويكون وسط ؟

وتفتكر الحاجة الوسط دى هتبقى فعالة ؟

وزير داخلية التزوير والفتنة والقتل لازم يتشال و يتحاكم

حكم القضاء المصري النزيه بزيادة الحد الادنى الى 1200 جنيه للاجور لابد ان ينفذ

مافيش رئاسه مدى الحياه اقصى مده هي مرتين

حل مجلس الشعب اللي فرض علينا بالتزوير الفاضح ,, واعادة الانتخابات مره اخرى تحت الاشراف القضائي الكامل ,,

[se_ Elsyed]

ده احنا صوتنا إتنبح يا كابتشينو

الحل في منتهى البساطة .. وهو قيام شرفاء الأثمة وهم كُُثر لكن النظام الفاسد بيحاول تشوية صورتهم ... يقوموا بتنظيم الجماهير اللي تنتفض في شكل منظم ويبقوا حريصين على عدم إندساس أي مخربين وسطهم .. ويطالبوا بشيء واحد فقط وهو " خلع هذا النظام الفاسد وزبانيته الأفسد منه "

----------

بالمناسبة .. أنا ضد التسرع والخطوات الغير مدروسة ونزول الناس في الشارع يوم 25 يناير عشان ما تتاخدش علينا ويقولوا عليها إنتفاضة حرامية ...

لكن أي منهجية سياسية وكلام من ده فهو هراء وحرث في الماء لغننا شايفين الحياة السياسية اللي إندفن من زمان

[م تيمور المراغي]

يا بركاتك يا تونس :happy:

أصدر السيد الرئيس بشار الأسد المرسوم التشريعي رقم (12)، القاضي بزيادة مقدار تعويض التدفئة وتعديل الأسعار المنصوص عليه في المرسوم التشريعي رقم (34) تاريخ 13 أيار 2002 وتعديلاته بمبلغ 630 ليرة سورية شهرياً بحيث يصبح 1500 ليرة سورية شهرياً.

اياحكامنا تبت ,, بايد الشعب ايديكم

[dodlly]

انا ضد اليوم دة ودة هيؤدى الى فوضى وهو ما تريدة امريكا

[capitshino]

والله الواحد بقى متلخبط ومبقاش عارف مفروض انه ينزل فى اليوم ده للشارع ولا لا

مبقاش عارف اصلا اليوم ده ممكن يجى ولا الناس خلاص وبقيت عايشة يومها وادى عيشة والسلام

[م تيمور المراغي]

..............

مبقاش عارف اصلا اليوم ده ممكن يجى ولا الناس خلاص وبقيت عايشة يومها وادى عيشة والسلام

والله لو عملوا كده يوميها

يبقوا يحطوا اقدم تيييييت في بقهم ويلبسوا طرح

[capitshino]

انا ضد اليوم دة ودة هيؤدى الى فوضى وهو ما تريدة امريكا

امريكا :closedeyes: :closedeyes:

ايه اللى دخل امريكا فى الموضوع ده!

[ComingSoon]

انا ضد اليوم دة ودة هيؤدى الى فوضى وهو ما تريدة امريكا

امريكا لاتريد وضع افضل من الذي نحن فية الان

بلد فاشل مشلول ضعيف الفساد المالي والاخلاقي يأكله من الداخل

[م تيمور المراغي]

هو مش سن المعاش 60 سنه

يعني المتخصصين وجدوا ان الانسان بعد هذا السن بيكون - على راسي - اقل قدره على العطاء بكثير ,,

طيب عدوا معايا

61

62

63

64

65

66

67

68

69

70

71

72

73

74

75

76

77

78

79

80

81

82

83 !!

يا خبر اسود

ايه ده !!

[Howayda Ismail]

الكشف عن عملاء إسرائيليين يعملون على إثارة الفوضى بالشوارع التونسية..

وخطط لمغادرة الجالية اليهودية من تونس.. ومراسلو الصحف الإسرائيلية ينتشرون بأرجاء العاصمة

الإثنين، 17 يناير 2011 - 17:21

وضعت الوكالة اليهودية خطة عاجلة وسريعة لمساعدة أفراد الجالية اليهودية فى تونس، رغم تأكيدها أنه

لا توجد أى أبعاد لا سيما الاضطرابات التى تشهدها مدن تونس حاليا. ونقلت القناة العاشرة بالتلفزيون الإسرائيلى

عن الوكالة اليهودية قولها إنها تقترح على كل يهودى الانتقال إلى إسرائيل فورا أو زيارتها، مضيفة بأن

الوكالة لم توفد أى مندوب عنها إلى تونس حتى الآن.

وفى السياق نفسه أرسلت الصحف الإسرائيلية الكبرى مراسلين صحفيين لها إلى تونس لمتابعة الأحداث عن قرب

ونقل الأخبار الجارية لحظة بلحظة، حيث ذكرت صحيفة هاآرتس الإسرائيلية فى تقرير لها أعده مراسلها هناك

بأن معارك ضارية اشتعلت أمس قرب القصر الرئاسى بين جنود من القوات الخاصة فى الجيش التونسى وبين أفراد

الحرس الرئاسى، كما شوهد حوادث إطلاق نار فى أماكن أخرى فى العاصمة.

ونشرت الصحيفة خلال تقريرها صورة لدبابة التقطها محررها وجنود من الجيش بوسط العاصمة التونسية، معلقة عليها

بأن السلطات المؤقتة تعمل على إعادة النظام والهدوء الى شوارع العاصمة التونسية.

وفى تقرير خاص آخر لمراسل صحيفة، يديعوت أحرونوت، الإسرائيلية من تونس، جاء فيه أن حالة الرعب تسود شوارع

العاصمة التونسية، مضيفا أنه تم توقيفه فى حواجز نصبها مواطنون تونسيون يرفعون "هراوى" خشبية وعليها آلات

حديدية حادة، وقال أحدهم إن هناك عملاء إسرائيليين يسعون إلى إثارة الفوضى فى الشوارع التونسية.

وأضاف التقرير أن الدبابات وقوات من الجيش التونسى تنتشر فى العاصمة وتقوم بفحص السيارات، بالإضافة لقيام

ميلشيات أنصار الرئيس المخلوع زين العابدين بن على بالاعتداء على مدنيين، خاصة فى المناطق النائية.

وفى السياق نفسه، أكدت، بيروت العابدى، الناشطة السياسية التونسية أن العاصمة التونسية تشهد حتى تلك اللحظات

أعمال نهب واسعة من قبل تلك العصابات والميليشيات المسلحة المحسوبة على نظام بن على المخلوع، كما أكد

عدد من المواطنين بتونس على ضلوع عدد كبير من الجالية اليهودية التى يقدر عددها بـ 3000 آلاف يهودى بجانب

عدد من العملاء الإسرائيليين فى تلك العمليات التخريبية، كما تشهد المدن التونسية نقص حاد فى المواد الغذائية.

وأضافت العابدى أن أفراد الجالية اليهودية فى تونس لا يعتبرون أنفسهم مواطنون بل جالية، ولهم ممثل بالبرلمان

التونسى.

وكانت وسائل الإعلام الإسرائيلية قد كشفت نهاية الأسبوع الماضى النقاب عن قيام الحكومة الإسرائيلية بتل أبيب ببث

رسائل على جميع القنوات إلى تونس، وطالبت بالحفاظ على اليهود قبل ساعات من هروب الرئيس المخلوع بن على،

وبقيت جهات حكومية إسرائيلية ومنظمات يهودية مرتبطة بالحكومة عل اتصال متواصل مع قيادة الجالية اليهودية

لمناقشة التطورات فى تونس.

وأشارت وسائل الإعلام الإسرائيلية إلى أن أكثر من 3000 يهودى يعيشون فى تونس منهم 1500 يقيمون فى ولاية "جربا"،

و300 فى العاصمة تونس، و1200 فى باقى مناطق الدولة، لافتة إلى أن العديد من اليهود يحظى بممتلكات فى فرنسا

وإسرائيل، وأن العديد منهم لم يبادروا إلى السفر رغم الأحداث الأخيرة.

عرفتوا ايه اللى مخوفنا

[capitshino]

آلية العصيان المدني ومشروعيته في لقاء مع الدكتور البرادعي

http://www.youtube.com/watch?v=Xo3a3RMo4XE&feature=player_embedded

[م تيمور المراغي]

موريتاني من أسرة ثرية يشعل النار في نفسه قرب القصر الرئاسي

أشعل مواطن موريتاني النار في نفسه أمام القصر الرئاسي في البلاد اليوم الاثنين 17-1-2011، وفقا لمصدر مسؤول بالشرطة الموريتانية.

وذكرت مصادر بالشرطة أن الرجل الذي أشعل النار في نفسه قيل إنه رجل أعمال يبلغ من العمر 40 عاما، ومن أسرة ثرية كان يحتج على ما زعم أنه سوء معاملة الحكومة لعشيرته.

وقال شهود إنه سكب على نفسه البنزين بينما كان داخل سيارته الموصدة وأحرق نفسه قبل أن تهشم قوات أمن وبعض المارة نوافذ السيارة لإخراجه، ونقل بعد ذلك إلى المستشفى.

وبحسب وكالة الأخبار الموريتانية المستقلة فإن الشاب الذي أحرق نفسه يدعى يعقوب ولد دحود، وهو من أسرة ثرية تنحدر من مدينة تجكجه وسط البلاد وحامل لشهادات عليا من فرنسا.

وقد حاول عناصر الحرس والشرطة إجباره على مغادرة المنطقة المقابلة للقصر الرئاسي بنواكشوط، غير أن الرجل بادر بإشعال نفسه وسط السيارة في حادثة هي الأولى من نوعها بموريتانيا، ولا يزال وضع الرجل حرجا في أحد المراكز الصحية التابع للقوات المسلحة الموريتانية بمقاطعة لكصر بنواكشوط.

[capitshino]

تصدق يا اخ ارش ان الواحد بدء يقتنع ان الاضراب بتاع 25 يناير ده مش هو الحل .