25 يناير ,, موعد المصريين

[م تيمور المراغي]

خلاص يبقى نسكت ونتكتم وماحدش اسمعه بيشتكي من فساد او غلاء او اي ظلم يحصل له

فكرتني بالنكته بتاعت مبارك لما قال لحبيب العادلي عاوز اكفر مامت المصريين في عيشيتهم

قال له غلي البنزين ,, الناس ما تكلمتش

قال له طيب غللي التموين ,, برضوا الناس سكتت

طيب زود الضرايب الضعف ,, الناس اللهم طولك ياروح سكتوا

قال له طيب ايه العمل في ولاد اللذين دول ؟؟

خللي يا عادلي اللي يطلع الكوبري يدفع رسوم

الناس سكتت

طيب اللي ينزل من الكوبري يدفع رسوووم

الناس سكتت

طيب اللي ينزل من عالكوبري ياخذ قلمين على وشه وهو نازل !!

فجأه وصلت اخبار مؤكده

ان فيه دوشه حصلت على منزل الكوبري

مبارك والعادلي فرحوا جدا وجريوا على هناك متنكرين عشان يشوفوا بنفسهم الشعب بدأ يكفر خلاص

قربوا من الدوشه

لاقوا واحد منا لناس بيقول

يعني الحكومه بنت التيتتت مش بدل العطله والزحمه اللي احنا فيها دي كانت تزود عدد العساكر اللي بتضربنا حبتين !!!!

[capitshino]

خلاص يبقى نسكت ونتكتم وماحدش اسمعه بيشتكي من فساد او غلاء او اي ظلم يحصل له

فكرتني بالنكته بتاعت مبارك لما قال لحبيب العادلي عاوز اكفر مامت المصريين في عيشيتهم

قال له غلي البنزين ,, الناس ما تكلمتش

قال له طيب غللي التموين ,, برضوا الناس سكتت

طيب زود الضرايب الضعف ,, الناس اللهم طولك ياروح سكتوا

قال له طيب ايه العمل في ولاد اللذين دول ؟؟

خللي يا عادلي اللي يطلع الكوبري يدفع رسوم

الناس سكتت

طيب اللي ينزل من الكوبري يدفع رسوووم

الناس سكتت

طيب اللي ينزل من عالكوبري ياخذ قلمين على وشه وهو نازل !!

فجأه وصلت اخبار مؤكده

ان فيه دوشه حصلت على منزل الكوبري

مبارك والعادلي فرحوا جدا وجريوا على هناك متنكرين عشان يشوفوا بنفسهم الشعب بدأ يكفر خلاص

قربوا من الدوشه

لاقوا واحد منا لناس بيقول

يعني الحكومه بنت التيتتت مش بدل العطله والزحمه اللي احنا فيها دي كانت تزود عدد العساكر اللي بتضربنا حبتين !!!!

لا تعليق

[م تيمور المراغي]

لا تعليق

مافيش حاجه اسمها لاتعليق

علق وقول رايك بكل قوه وصراحه

حتكون محاورات ازاي لو الكل قال الكلمه دي وسكت !!

[أبو محمد]

نكتة سخيفة

[م تيمور المراغي]

معلش اصل الحقيقه احيانا بتكون مره ,,

[capitshino]

نكتة سخيفة

والله انا ما كنت لاقى تعليق فعلا اكتبه .... بس حضرتك وفيت وكفيت بالرد ده

[م تيمور المراغي]

نكتة سخيفة

والله انا ما كنت لاقى تعليق فعلا اكتبه .... بس حضرتك وفيت وكفيت بالرد ده

العاده المصريه المحببه ,,

مسكنا في النكته

وسبنا جوهر الرساله ,,

يا الف خساره ,,

على العموم مقاعد المتفرجين عددها يتسع لفرد اخر ,,

[أبو محمد]

يا الف خساره ,,

على العموم مقاعد المتفرجين عددها يتسع لفرد اخر ,,

ومقاعد الممثلين تتناقص شيئا فشيئا .. هم لا يحتاجونها .. تكفيهم أضواء المسرح

[م تيمور المراغي]

والله ما اقصد بالنكته اللي فاتت فلان او فلان من الناس ,,

اقصد بيها اصحي المصريين وانا اولهم كفياكم طيبه و صبر بقى على الظلم

انما ماهيش موجهه ليك يا كابيتشو ولا لاي مخالف في الرأي ماعملتهاش في اللي شتموني حعملها في ناس بحبها معقول ؟؟

[م تيمور المراغي]

يا الف خساره ,,

على العموم مقاعد المتفرجين عددها يتسع لفرد اخر ,,

ومقاعد الممثلين تتناقص شيئا فشيئا .. هم لا يحتاجونها .. تكفيهم أضواء المسرح

مش حضرتك قلت انك على مقاعد المتفرجين ؟

حدد ناوي تنزل الملعب ولا ترجع مكانك ؟؟

[أبو محمد]

هناك حائط وهمى بين الممثلين والمتفرجين يسمونه الحائط الرابع ..

وهناك مسرحية من مسرح اللامعقول بعنوان "يسقط الحائط الرابع" .. أثناء العرض ينزل الممثلون إلى الصالة ، ويصعد المتفرجون إلى المسرح .. هو - كما قلت - مسرح اللامعقول ..

مازالت الاختيارات متاحة .. خصوصا بين المعقول واللامعقول ..

واختيارى - كواحد ممن تعدوا السن - لا يحتاج إلى ذكاء لمعرفته

[م تيمور المراغي]

حتى الممثلين واللاعبين والمواطن المصري البسيط

حيقول يومها لأ

لأ

[م تيمور المراغي]

اليوم السابع : مقاله مهمه جدا للي حيشارك في المظاهره

كيف تنظم مظاهرة ناجحة ,, و كيف تحمي نفسك ,,

الرباط الخاص بي

[جسار]

قوم ناملك شوية ياعم آرش كفاية بقالك يومين ماسك فى التوبيك ده وماريحتش لحظة

القضية مسألة قناعات ومصالح ولن يستطيع أحد أجبار الآخرين على تغيير مفاهيمهم بين ليلة وضحاها

واللى عاوز يشارك أهلا وسهلا به بدون التعريض بالآخرون ولابوطنيتهم ولاشرفهم

واللى مش عاوز يشارك برضه أهلا وسهلا به ولكن بدون أثارة المخاوف والرعب فى الآخرون ...والسلام.

[م تيمور المراغي]

http://www.youtube.com/watch?v=H1amiLHVFgQ

[م تيمور المراغي]

في خبر عاجل بثته وكالات الانباء : الرئيس محمد حسني مبارك يصدر تعليماته لمصر للطيران بأن تكون على أتم الاستعداد في حال قرر الشعب المصري مغادرة البلاد.

تم تعديل 17 يناير 2011 بواسطة architect

[شرف الدين]

الموضوع عجبني بجد

وليه شوية تعليقات عليه

بالنسبة لكلام الأخت هند علي

كلنا عارفين أحمد عرابي باشا، وثورته ضد ظلم الخديوي إسماعيل. مع إن الشعب كان مستكين وخاضع.

لو كان أحمد عرابي فكر وقال "وأنا مالي" وأنا اوجع دماغي ليه عشان شعب مستعبد ذليل.

مكنش عمل أي حاجة عشان البلد.

وانتهى أحمد عرابي بإنه نفي خارج مصر.. فهل كان أحمد عرابي راجل عبيط لما عمل كده.

يا أخت هند: انتي لما بتضحي مش بتضحي عشان فلان ولا علان

كلنا عارفين إن في ناس كتير في مصر متستاهلش إن الواحد يفكر فيها من أساسه.

لكن اللي بيضحي بيضحي عشان إيمان

وأنا فاكر في رائعة إحسان عبد القدوس ( في بيتنا رجل ) لما رشدي أباظة سأل عمر الشريف ( إبراهيم حمدي ) إنت عملت كده ليه. ( يعني ليه عرضت نفسك ومستقبلك للخطر وبقيت مطارد من الحكومة )

قاله: الإيمان.. لما تكون مؤمن بفكرة بتضحي عشانها.

في الفيلم ده كلنا فاكرين قصته.

شاب قتل رئيس وزراء فاسد متحالف مع المحتل.

يا ترى واحنا بنشوف الفيلم ده. هل كنا معجبين بالشاب ده. ولا بنقول عليه شاب أهبل وعبيط وضيع مستقبله وحال البلد ما اتغيرش.

اعتقد كلنا كنا معجبين بيه.

مع إن ابراهيم حمدي مخرجش الانجليز من مصر

مع إن ابراهيم حمدي ما عزلش الملك

مع إن ابراهيم حمدي ما طهرش البلد من الفساد

لكنه بس عمل حاجة. قدر عليها ( طبعا أن مش بدعو ان واحد يعمل زي ابراهيم حمدي ويقتل رئيس الوزراء ) .

لكن اللي أقصده إن ابراهيم حمدي عمل حاجة... ولو حتى كانت حاجة صغيرة.. لكنه عمل حاجة.

مقالش هل اللي هعمله ده هيؤدي لنتيجة ولا لأ

بلاش في فيلم شي من الخوف. رائعة ثروت أباظة

في جملة مشهورة جدا في سيناريو الفيلم ده أنا حافظها. لما فؤادة راحت فتحت الهويس. والشباب اتجمعوا في الجامع عشان يناقشوا الموقف، وواحد راح يدعوهم للثورة.. التاني رد عليه واحنا هنقدر نعمل ايه؟ رد عليه بجملة أحفظها جيدا.

[ لحد امتى هنفضل نتكلم ونقول نعمل ايه... اشمعنى هيا راحت عملت علطول من غير ما تتكلم ]

بلاش نسأل نفسنا الشباب الفلسطيني اللي بيروح يعمل عمليات فدائية ضد الصهاينة..

لو سأل نفسه أنا بعمل كده عشان فلان أو فلان ... عمره ما هيعمل حاجة... إنما هو بيعمل كده عشان إيمانه ببلده. وساعة ما الإيمان بيتمكن من قلب الواحد مش بيفكر في أي اعتبارات تانية

عشان كده تلاقي الشيوعيين نفسهم اللي معندهمش إيمان لا بالدين ولا بالآخرة ولا بالجنة ولا بالثواب ولا بالعقاب في الآخرة إلا أنهم هما كمان بيضحوا عشان أوطانهم. ليه.. بسبب الإيمان.. الإيمان بالوطن.

ونفس الشيء. د. محمد البرادعي. راجل واخد قلادة النيل وكان ممكن بمنتهى السهولة يعمل صفقات مش صفقة واحدة بس مع الحكومة. وياخد منصب مهم ويريح نفسه من وجع الدماغ عشان شوية العبيد اللي اسمهم مصريين دول.

ليه فضل إنه يدخل طريق عارف انه كله شوك وألغام وقد ينتهي به إلى السجن.

كله بسبب الإيمان.

أبسط مثال: جماعة الإخوان: ايه اللي مخليهم مستحملين البهدلة والسحل والسحق ده

الإيمان..

فالواحد لما بيقرر إنه يضحي عشان وطنه مش بيبص ويقول التضحية دي مين اللي هيستفيد منها.

والشاب اللي المخبرين سحلوه دول.. لو فكر وغيره فكر وكل الناس فكرت بالمنطق ده

إن المخبرين هيضربونا والناس هيتفرجوا ... كله هيفضل واقف في مكانه ... محدش هيعمل حاجة

كله هيرضى بالفتات اللي الحكومة بترميه له .. طالما إنه عايش وماشي جنب الحيط.

بالنسبة للمغتربين

للأسف كتير من المصريين فاكرين المغتربين دول عايشين في نعيم ورفاهية وقاعدين يسخنوا الجو من بره.

للأسف الغربة دي ناس كتير فاهمينها غلط.

يمكن المغترب قدر يعرف أكتر بكتير من اللي موجود في مصر ... قدر يعرف أد ايه بلدنا أصبحت في ذيل الأمم. وزمان قالوا في السفر سبع فوايد.. ومن الفوايد دي إنك تعرف حجمك ايه بالنسبة لأحجام الآخرين.

وللأسف بعد ما سافرنا وشفنا عرفنا أن حجمنا بقى صغير قوي قوي قوي لدرجة إنه محتاج ميكروسكوب.

ناس كتير عمالة لسه عايشة في أسطورة الماضي وإننا الحضارة وإننا اللي علمنا العرب وووووووو

وميعرفوش دلوقتي إن مصر بقت فعلا في منطقة الذيل بالنسبة للدول العربية

اللي عرفوا كده هما اللي اتغربوا لأنهم خلاص عرفوا أنه مبقاش لينا أي قيمة... لا على الناحية السياسية ولا حتى الناحية التنويرية. لدرجة ان دولة زي قطر بقى لها قيمة وسط العالم أكتر مننا.

الأخت: ضحا

بخصوص حكاية القلم والمسطرة والشحم واللحم

ثورة الخميني اللي بدلت وضع إيران على الخريطة العالمية ووصلت بيها لدرجة التقدم الرهيبة دي سواء اقتصاديا أو سياسيا.. كان اسمها ثورة الكاسيت

شرايط الكاسيت اللي كان بتتهرب من بره عليها خطب الخميني.. هي اللي حركت ثورة شعبية مالهاش مثيل أعظم من ثورة تونس نفسها.

ثورة تونس الجيش ما اشتركش في قمع المتظاهرين أما ثورة ايران فالدبابات كانت بتدوس الناس في الشوارع.. وفي الآخر برضه مقدروش عليهم..

مات فيها يمكن ألاف.. محدش يعرف عنهم حاجة ولا يعرف أسماءهم .. لكن دمهم ما راحش هدر

إنما احنا للأسف اللي دمنا بيروح هدر

يعني مثلا دم الشهدا اللي حرروا سينا... حضرتك حاسة انه راح هدر ولا لأ

أحيانا طلقات القلم الرصاص تكون أقوى من طلقات الرصاص.

وحابب أعلق على الجملة دي تحديدا منك

[[ وهو احنا بنقول بلاش فوضى عشان متموتوش ولا لان هتموتوا وبرضه مفيش حاجه هتتصلح والوضع هيبقى اصعب واشد سوءا من الحالي ؟ ]]

كلام حضرتك ده تماما هو كلام كل الأنظمة الديكتاتورية.. وكلام كل الطغاة المستبدين

وهو مبدأ كل الأنظمة الديكتاتورية في خداعها لشعوبها...

وهو إن الديكتاتورية دي مش عشان مصلحة الديكتاتور

لأ دي الديكتاتورية دي عشان مصلحة الشعب

لأن لو مفيش ديكتاتورية يبقى فيه فوضى

زي كلام مقبل شاكر ... المستشار اللي خرج يقول لو مكنش في قانون طواريء كان زمانا بقينا زي العراق.

يا أخت ضحا ... كلامك ده رده حاجة واحدة بس

يقول الحق تبارك وتعالى في سورة مريم [ أَطَّلَعَ الْغَيْبَ أَمِ اتَّخَذَ عِندَ الرَّحْمَنِ عَهْداً (78) ].

هل انتي قريتي الغيب وعرفتي أن الثورة او الانتفاضة أو المظاهرة ( سميها زي ما تسميها ) هيكون نتيجتها أسوأ من الوضع الحالي.

الله أعلم بالمستقبل... ممكن ثورة تكون نتيجتها صح وممكن تكون نتيجتها غلط ( وساعتها الغلط مش هيكون في مبدأ الثورة نفسها وإنما هيكون في اللي استغلوها خطأ ).. دي مش مضمونة بمعنى أدق مش حقيقة

لكن المضمون هو إن ابن حضرتك مثلا لو قتل وهو بيقاوم الظلم في ثورة زي دي ... هيكون شهيد عند ربنا وهيشفع في 70 من أهله يوم القيامة وأولهم أكيد هتكوني انتي... هي دي الحقيقة أو الحاجة المضمونة.

[[ لو المظاهرات هتجيب حل كان زمانها حلت من زمان ]]

وهو في مظاهرات في مصر أصلا ولا حضرتك فاكرة ان العشرين أو التلاتين او حتى الألف أو الألفين بتوع حركة كفاية دول مظاهرات

المظاهرات الصح يا أخت ضحا كانت زي زمان المظاهرات ضد الاحتلال لما كانوا طلبة الجامعة بيخرجوا كلهم ويواجهو الرصاص الحي ... مكانوش ألف ولا ألفين .. كانوا أكتر من ده بكتير .. حتى أنا فاكر أن طلبة المدرسة السعيدية الثانوية ( طلبة البكالوريا ) كانوا بيشاركو في المظاهرات.

[[ كل الي حضرتك قلت عليه امور صعبه يفترض اننا نحاول نغيرها بكل وسيله .. لكن العصيان والفوضى ابدا مش هي وسيلة التغيير ده وعمر العنف والهمجيه مايجيبوا لحد حقه الضايع .. ]]

كلام حضرتك جميل ورائع... لكن هل ممكن تقولي على الوسيلة الممكنة لمواجهة النظام الديكتاتوري غير الثورة عليه.

وعلى فكرة يا مدام ضحا

التوقيع بتاعك رائع ومناسب جدا للموضوع ده

الحقيقة الكاملة تَمرُّ خلالِ ثلاث مراحلِ.

أولاً، أنها ستبعث على السُخرية.

الثانية، أنها ستُعارض بعُنْف.

الثالثة، أنها ستُقبل باعتبارها فرضت ذاتها.

(شوبنهاور)

وحلم تغيير الأنظمة الديكتاتورية يمر بهذه المراحل الثلاث تماما.

وقبل أسبوعين بس أتحدى إن الزين بن علي كان يتخيل أنه ممكن يهرب من تونس

وقبل أسبوع واحد بس بدأ يعارض الانتفاضة بعنف وبالرصاص الحي

وقبل 3 أو 4 أيام اضطر مجبرا إلى قبول الحقيقة وهرب ب ب ب ب ب ب ب ب

بالنسبة للناس اللي بيقولوا نبدأ بإننا نغير نفسنا.. ده كلام رائع وجميل

ومحاولة الثورة على الظلم دي مش يعتبر تغيير للنفس ولا لأ

محاولة التخلص من الخنوع والاستكانة والرضا بالضيم... مش يعتبر تغيير للنفس ولا لأ

في تغيير للنفس ينفعني وينفع المجتمع في العموم.

وفي تغيير للنفس يفضل أثره محدود عليا أنا لوحدي.

واعتقد أن اللي احنا عايزينه هو التغيير اللي ينعكس على حالة المجتمع ككل.

الأخ / أرش

كلام حضرتك عن مبدأ الثورة وعدم الخنوع للظلم كلام جميل

وثورة الياسمين التونسية كانت ثورة هايلة وإن شاء الله بركاتها توصل المنطقة كلها

لكن مع كامل احترامي لأمنياتك

توقعي إن يوم 25 يناير ده مش هيحصل فيه حاجة

مفيش ثورة شعبية بتكون بالمواعيد ... عندنا يوم 25 ثورة أو انتفاضة

الانتفاضة الشعبية وانا قلت كده في تعليقي على أحداث تونس عمرها ما بتكون متوقعة وممكن تحصل لأقل سبب.

الحاجة اللي بتكون متحددة بمواعيد مسبقة هي الانقلاب العسكري زي انقلاب يوليو كده.

لكن الانقلاب العسكري عمرهم ما بيعلنوا عنه على صفحات الانترنت

فغالبا حكاية الدعوة للمظاهرات دي أو حتى الخروج السلمي عمرها ما هتؤدي لحاجة.

مش تشاؤم ولكن زي ما قلت ... الحاجات دي مش بتكون بالمواعيد.

ثم إن المظاهرات دي هتكون مطلبها ايه

لو مطالبها زي ما انت قلت كده يبقى انت بتحلم انك تطالب النظام بإنه يرحل.

لأن مفيش نظام بيرحل إلا بالقوة زي ما حصل في تونس

وانت زي ما قلت مش هتستعمل القوة

طب ايه اللي هيحصل. مش هيحصل حاجة.

طب تيجي نحط بديل .

ممكن يكون يوم 25 يناير مثلا ندعو فيه بداية لإضراب مفتوح المدة ( الناس تفضل في بيوتها محدش ينزل الشوارع ولا يروح الشغل ) لحد ما طلب معين مثلا يتحقق.

مثلا تقليل أسعار الوقود بنسبة معينة ( وسعر الوقود بينعكس على أسعار الحاجات التانية كلها )

أو إقالة الوزارة وتشكيل وزارة جديدة

أو حل البرلمان المزور

عارف لو احنا نجحنا في تنظيم اضراب مثلا زي ده وأصرينا عليه لحد ما طلب واحد بس يتحقق

هتبقى سابقة عظيمة ... ساعتها الناس هتبتدي تتعلم أن الجماعة حتى لو هتعمل حاجة بسيطة زي الإضراب ( ودي حاجة مفيش أسهل منها – لا مظاهرات ولا خناقات ولا ضرب ولا حاجة – مجرد إنك تفضل في بيتك – خليك بالبيت يعني – ومعتقدش الأمن هيجيب الناس من بيوتها غصب عنها يوديها الشغل )

هتتعلم أن الحاجة البسيطة لما تكون بمشاركة الناس كلها بتبقى كبيرة جدا جدا

وهيكون لها مفعول سريع. وفي نفس الوقت بدون فوضى ولا بهدلة ولا خناقات

ممكن بدل الدعوة للمظاهرات يبقى الدعوة للإضراب.

وهكذا كل ما نحب حاجة نغيرها نعمل إضراب

زي دعوة غاندي بالظبط

بكده احنا اللي هنمشي الحاكم على مزاجنا.. وسواء كان مبارك أو غيره مش هتفرق بقى

لأن الحاجة اللي احنا عايزين نغيرها هنغيرها.

فهمتني.

[م تيمور المراغي]

استاذ شرف الدين اشكرك على مداخلتك القيمه المتعوب عليها حقيقي ,,لولاش بس الكلمه الاخيره

كلام حضرتك ينفع مع بني آدمين لديهم الحد الادنى من الدم والاحساس ,,

انما برميل التناحه ده ما يحوأش فيه غير العين الحمرا وبس ,, شغل البارفانات اللبناني و شموع الاحتجاج مش بياكل معاه ,,

احنا حنعتصم وحنضرب مش واحنا في بيوتنا وبنتفرج على اللي حيحصل لأأ

لكن ادام وزارة الداخليه شارع الشيخ ريحان ,,

عشرات الالوف واقفين قاعدين بايتين نايمين ادامها ,,

اي حاكم جبان مفاصله بتسيب من وحدة الشعب و من صوت الشعب

وصوت شعب مصر هادر لانه داق مرار 30 سنه سرقه و قتل وتزوير ,,

الفاشل واللي مابيعرفش يمشي ويجي غيره ,,

انما الزوق والاعتصام الوردي ده مع كينج اوف تناحه ما بيأكلش معاه عيش

83 سنه من عمره الوردي ولسه ناوي يترشح 6 سنين كمان عليهم !!

يعني 90 سنه بالتمام والكمال الشناوي ,,

ايه القرف ده !! ,,

دي لو عماره كان اساسها باش من مر السنين !! ,,

[se_ Elsyed]

على فكرة .. موضوع اليهود وإنهم اشاعوا الفوضى وكلام من ده .. ده عبارة عن نظرية المؤامرية العربية اللي لازقه في دماغنا لتصور لنا إسرائيل على إنها أمريكا وروسيا مضروبين في الخلاط وعاملين لنا قوى عُظمى إسمها إسرائيل بتسلط علينا أسماك القرش وبتبعت نسور بها أجهزة تجسس للسعودية وبتصدر كل المواد المسرطنة لمصر ... إلخ ..

جميع الصحف الصهيونية خرجت ثاني يوم لتُنعي فترة حكم زين العابدين بن علي اللي كان من ضمن أعضاء جمعية أصدقاء إسرائيل اللي رئيسها الشرفي هو حسني مبارك حبيب اليهود والي أشبه بريري اللي بيغذيهم ...

يكفي إنهم قالوا عليه إنه من الزعماء النادرين اللي منعوا جمع تبرعات لاهلنا في غزه أثناء ضربها ومنع خروج أي مظاهرات غاضبة ...

ولنفرض إن اليهود أشاعوا الفوضى ... فممكن ببساطة نسأل نفسنا .. يعني هما التوانسة كانوا عايشين في رخاء وارف وظل ظليل في ظل عهد ها الديكتاتور ومراته وعائلتها .. راح جم اليهود من الباب للطاق هيجوا الناس ؟

ما هي الأحوال بتتكلم أهي وإذا إتكلمنا عن مؤامرات يهودية يبقى هانقول إنهم بيتأمروا على كل العرب ... لإننا كلنا في الهم شرق ...

عُمركم شوفتوا بلد عضوه في أوبك وأهلها بيسفوا تراب زي الجزائر ؟.

تعرفوا إن 4 جزائريين ولعوا في نفسهم لحد دلوقت من اليأس .. لإن العسكر شافطين البلد وسايبينها على الجنط ؟

[Simba]

في خبر عاجل بثته وكالات الانباء : الرئيس محمد حسني مبارك يصدر تعليماته لمصر للطيران بأن تكون على أتم الاستعداد في حال قرر الشعب المصري مغادرة البلاد.

وياتري الوزن المسموح لسيادة الرئيس برضه 20 كيلو

الريس مش محتاج خطوط تكون متأهبة ولا حاجة وهو اكيد عنده طيارته الخاصة

كمان لو حصل في الامور امور وده مش هيحصل هو مش هيفر ولا حاجة وهيفضل يموت بشرف لانه شخصية عسكرية

انا زي كل الناس بتمني التغيير ونشوف نظام جديد لكن كل اللي متعلق امالهم بيوم 25 ده واخداهم الحماسة مش اكتر وهيكون يوم زي اي يوم لا هيقدم ولا هيأخر

طبعا المجال طويل ومفتوح للجهاز الامني يخترق ويجهض اي مظاهرات والشوارع يومها هتتحول لثكنات عسكرية

كده تقرفوا الشرطة في يوم اجازتهم :closedeyes: