25 يناير ,, موعد المصريين

[م تيمور المراغي]

تخيل يا سيمبا لو رسيت بس على انهم يقطعوا اجازاتهم يوميها ونلطعهم في الشوارع ادام عينينا ونجريهم ورانا لحد ما يتقطع نفسهم !!

تم تعديل 18 يناير 2011 بواسطة architect

[م تيمور المراغي]

http://www.youtube.com/watch?v=eFoN03oTn0E&feature=player_embedded

http://www.youtube.com/watch?v=vAw0C1FGSp8&feature=player_embedded#!

تم تعديل 18 يناير 2011 بواسطة architect

[محمد عبدالعزيز]

أحييك يا شرف الدين بجد

وأتضامن معاك فى إن لازم يكون فى حد أدنى من المطالب لا يرجع أى منا إلى بيته إلا بتنفيذها

وهذه المطالب من وجهة نظرى هى:

1- حل مجلس الشعب وتعديل قانون تنظيم الانتخابات عشان تكون تحت إشراف قضائى بالكامل وتكون بالرقم القومى.

2- تعديل الدستور فيما يخص تنظيم انتخابات الرئاسة وفترة الرئاسة لإزالة القيود على الترشح للرئاسة وتحديد قترة الرئاسة بمدتين فقط.

ومن النقطة دى ممكن نتكلم ونتفاوض, إنما غير كده يبقى زى ما الباشمهندس تيمور قال, كلنا نتكتم وماحدش يشتكى بعد كده.

يا جماعة فى تنازلات ابتدت دلوقتى, وممكن تشوفوها واضحة فى إسهال التصريحات الحكومية بخصوص الأوضاع الاقتصادية, ولكن ده كله مسكنات زى ماحنا متعودين, ولو ضيعنا الفرصة دى من إيدينا ياعالم امتى تانى ممكن تتاح فرصة زيها.

[Mohamed hf]

:D

الرئيس يطلب من مصر للطيران الاستعداد تحسبا لقيام الشعب المصري بمغادرة البلاد

[م تيمور المراغي]

[لماضة مصرية جدا]

السلام عليكم و رحمة الله و بركاته

استاذ شرف الدين....جزي الله حضرتك كل خير....مداخلة حضرتك دي عارف لما يبقي الواحد ماشي بيخبط...وبعيدن يطلعهله واحد ياخد بايده و يعديه الشارع....جزاك الله كل خير....

و الله العظيم انا بقيت في حاالة حيرة.....انا شوية اقتنع ان الموضوع دلوقتي وقته....من ناحية اضرب علي الحديد و هو سخن

و من ناحية تانية مش قادرة استجيب لاي نوع من التسخين لان عقلي متربس في ناحية ايه المعاد دوت اللي كل مصر عرفتته و الداخلية من قبلنا

مش يمكن اصلا الحكاية دي بتاعت الحزب الوطني....وفي الاخر هيتم اجهاضها و يروح في الرجلين اللي هيروح....عششان يبقي اسمنا عملنا حاجة....و نفقد الامل ازيد ما احنا فاقدينه اصلا

و بعدين....اقعد اسال نفسي.....طب ايه السيناريو.....ايه الخطة...الناس هتنزل تقف في الشارع.....طب و بعيدن!!!

مش يمكن برضه يندس وسطهم بلطجية و تحصل شغب....و برضه احنا اللي هنخسر!!

و ارجع اسال نفسي عاشر....ايه روح التشاؤم دي يا بنتي......تفاءلي بالخير تجديه

و اخاف يكون فعلا مصر هتتولد من تاني.....و هيكون يوم تاريخي....و ارجع اندم مليون مرة علي اللي انا كتبته دهون

ايه الحيرة دي يا جدعان

ممكن بقي رجاء خاص جدا......بلاش عملية التسخين يا باشمهندس......انا شخصيا مش عاملة معايا نتيجة.....مش راكبة علي دماغي

انا عايزة حد يكلمني بالعقل....بالمنطق....

استاذ كابتشينو فوق كان بيقول حاجة عن آلية العصيان المدني....

و استاذ شرف الدين....كان ذكر حاجة عن امكانية عدم النزول للشارع اصلا....ليه منتكلمشي في بدايل زي كده....مش ده برضه يعتبر قوة ضاغطة...و اقل خساير..و عشان محدش يصطاد في المية العكرة المقندلة ديت

و بعدين ايه طريقة التواصل مع منظمي الفكرة نفسها.....هل هو الفيس بوك و لا طرق تانية؟؟؟

اديني قاعدة عمالة اقلبها يمين و شمال.....و بتابع و ربنا يستر

ع جنب بقي

التوبيك بتاع عنبو فين يا جدعان بتاع دور المغتربين.......

طب مش برضه احنا لازم نفكر يبقي لينا دور و لا احنا هنعمل ايه.....

و بعد اذنكم محدش يقولي نروح نتجمع قدام سفارات......انا لو اترحلت من البلد اللي انا فيها دي.....هنزل اعمل اعتصام و مظاهرات ضد باشمهندس اركتيكت....و شباب 6 ابريل و الكل كليلة

الفكرة مرفوضة قلبا و قالبا....و امنيا...و سبعميت الف حاجة.....هنشارك ازاي؟؟؟

بس لما نبقي نعرف هما اللي في مصر هيعملوا ايه الاول.....(عمالة ابرطم بيني و بين نفسي)

ايه الحيرة دي بس.....متهيالي برضه محتاجين هدوء....و آراء عقلاء راسية كدهون

و ربنا يستر

[Scorpion]

نكتة سخيفة

والله انا ما كنت لاقى تعليق فعلا اكتبه .... بس حضرتك وفيت وكفيت بالرد ده

العاده المصريه المحببه ,,

مسكنا في النكته

وسبنا جوهر الرساله ,,

يا الف خساره ,,

على العموم مقاعد المتفرجين عددها يتسع لفرد اخر ,,

يبقي من فضلك كرسي ليا انا كمان هنا يا باشمهندس .... لأني في غربتي ما عنديش غير اني اكتبلي كلمتين .. و أصلي ان ربنا يعديها علي خير ...

و حتي لو كنت في مصر ,,, الكدب خيبة .. و في حالة زي دي .. حعمل كده برضه ...

بكل الرغبات الجيدة ... و بكل الأمنيات ... السيناريو مش حيبقي وردي كده ... الرعاع و الصباة الموجهون صوتهم يكون دائمآ اعلي في حركات مماثلة مهما كانت المحاولات جادة ... و الأمر لن يتوقف قط علي بعض ضحايا قلوا او كثروا ثمنآطبيعيآ للثورات و الأنتفاضات ...

و ساعتها افضل ان اكون متفرج علي ان اكون عامل من عوامل تدمير بلدي و تسليمها علي طبق من ذهب للجيش من جديد لنبدأ الرواية من أولها ...

افضل ان أكون متفرجآ و هذا لا يعني انني جبانآ او خانعآ أو أقل وطنية ممن يؤمنون ان تحرك مماثل به الحل ...

[أسد]

هو الموضوع كله خفيف ..

يعني نكتة لطيفة ..

لاذعة ..

بوستر شككله حلو ..

كلمتين سخنين ..

والشارع .. ؟؟؟

الشارع لمن ؟؟؟؟

الصور من أحداث 6 أبريل .. عام 2009 في المحلة الكبرى

دعوة شباب 6 أبريل

نفس الناس اللي بيدعوا الناس النهارده

عملوا الدعوة على الانترنت ..

وبعدين الشارع حصل فيه كده ..

زي ما شفتم ..

[شرف الدين]

يا جماعة دي الحكاية شكلها بجد بقى

شوفوا الخبر ده

أعلنت مديرية الصحة بمحافظة الاسكندرية وفاة المواطن أحمد هاشم السيد (25 سنة) عاطل، و الذى أشعل النيران فى نفسه صباح اليوم.

من جانبه قال الدكتور سلامة عبد المنعم مدير مديرية الصحة بالاسكندرية فى اتصال هاتفى مع "اليوم السابع" أن المواطن توفى الساعة 3 متأثرا بحروق من الدرجة الثالثة بمختلف أنحاء الجسم فى مستشفى الأميرى الجامعى، والذى نقل إليه صباح اليوم.

من موقع اليوم السابع

ده غير المحترق الثاني أدام مجلس الشعب

لليوم الثانى على التوالى، حاول مواطن إشعال النار فى جسده أمام مقر مجلس الشعب بوسط القاهرة، واستمرت النار مشتعلة لمدة دقيقة قبل أن يتمكن مواطنون من إخمادها، لينتقل "المحترق" على الفور إلى مستشفى المنيرة لإسعافه.

وعلم اليوم السابع أن المواطن الذى حاول إشعال النار فى نفسه يدعى محمد فاروق محمد حسن، ويعمل محامياً ويسكن بحى السيدة زينب وهو فى الخمسين من عمره ويعانى بعد هروب أبنته وعجزه عن استعادتها، الأمر الذى دفعه إلى محاولة الانتحار.

يبدو أن قبيلة المحترقين بتزيد يوم بعد يوم

أتمنى أنه ما يجيش يوم ومصر كلها هي اللي تتحرق !!

تم تعديل 18 يناير 2011 بواسطة شرف الدين

[م تيمور المراغي]

الصور من أحداث 6 أبريل .. عام 2009 في المحلة الكبرى

دعوة شباب 6 أبريل

نفس الناس اللي بيدعوا الناس النهارده

عملوا الدعوة على الانترنت ..

وبعدين الشارع حصل فيه كده ..

زي ما شفتم ..

اللي عاوز يقعد في بيتهم يوميها يتفرج علينا هو حر ,,

اجتماع الشعب امام وزارة الداخليه في 25 يناير واجب وطني لكل مصري حر شايف البلد بتتسرق وتتنهب عيني عينك والانتخابات بتتزور ادام عينيه بكل بجاحه وسفاله منقطعةا لنظير ,,

حننزل باعلام مصر بكل هدوء وادب مش حنكسر ولا حنخرب ولا حندي الفرصه لاي مندس بيننا انه يبوظ المسيره

لازم اللي فوق توصل لهم الرساله والمطالب انهم مجرد موظفين حكوميين مش اسياد للعبيد

الحركه حددت الزمان يوم 25 يناير 2011

والمكان امام وزارة الداخلية شارع الشيخ ريحان

والمطالب

أولا: رفع الحد الأدنى من الأجور لـ 1200 جنيه عملا بأحكام القضاء وصرف إعانات للعاطلين عن العمل

ثانيا: إلغاء العمل بحالة الطوارئ وإقالة وزير الداخلية وإخراج كل المعتقلين بدون أحكام قضائية

ثالثا: حل مجلس الشعب وإعادة الانتخابات مع ضمان نزاهتها وتعديل الدستور لمنع ترشح أي رئيس لأكثر من فترتين رئاسيتين

حركة 6 ابريل

كلنا خالد سعيد

يوم الثورة-انضم الآن

[امير مجروح]

كمل نشر للموضوع ( 25 يناير ) بشكل اشمل ...

انا اتفق معاك يا باشمهندس فى كل ماقلته ...

هجووووووووووووووووووووووووم

ربنا معاك يا بشمهندس

تم تعديل 18 يناير 2011 بواسطة امير مجروح

[م تيمور المراغي]

و ساعتها افضل ان اكون متفرج علي ان اكون عامل من عوامل تدمير بلدي و تسليمها علي طبق من ذهب للجيش من جديد لنبدأ الرواية من أولها ...

افضل ان أكون متفرجآ و هذا لا يعني انني جبانآ او خانعآ أو أقل وطنية ممن يؤمنون ان تحرك مماثل به الحل ...

اعتب عليكم كلكم يا جيل ياللي سبقنا على طول

لانكم سلمتوه البلد بايديكم بدون اي مقاومه او مقاوحه

وادي نتيجة طيبتكم وصبركم على الظلم

بطاله و سرطان وبلد محروقه وميته

خلونا بقى نحاول ماهي كده كده ميته ميته

ومش حندي فرصه لاي مندس او مخرب انه يدخل وسطينا صدقونا ,,

التنسيق المره دي بقى افضل بكتير عن ما قبل

اعذرونا ,, مش حنستحمل لسه 30 سنه كمان ظلم وهوان وسرقه زي مانتوا استحملتوا ,,

وحتشوفونا ,,

تحيا مصر ,,

[لماضة مصرية جدا]

السلام عليكم و رحمة الله و بركاته

ممكن سؤال لو سمحتم

هو الشارع المصري دلوقتي عامل ايه......عايزة اسمع صوت من الشارع يا جدعان...محدش يجبلي خبر من المصري اليوم و لا اي موقع الكتروني

يا تري الناس البسيطة اللي ماشية في الشارع بتتكلم عن ايه

اناقاعدة متابعة الاخبار....و كل شوية عيني ع النت....و اقول ربنا يستر

و اتصل علي اخواتي في مصر ده علي اعتبار ان فيه ثورة و الدنيا هتتقلب.....و الاقيهم بيقولوا ايوة المطرة مغرقة الشوارع....و مش عارفين نروح الشغل.....بس خلاص....

لما سالتهم عن الثورة و التجمع و 25 يناير....قالولي....ريهام....ارحمي نفسك....و متقعديش ع النت

سؤالي تاني

الشارع المصري.....الناس اللي مش قاعدة ع النت......بيفكروا في ايه و في انهي اتجاه

محدش من مصر يخطفشي رجله لاقرب قهوة و يقولنا الامور شكلها ازاي.....(ايه ده انا بسال اسئلة زي بتاعت المخبرين المفقوسة)

بس بجد عايزة اعرف يا تري احنا عايشين عالم علي النت و عمالين نحرق في اعصابنا....

و لا الحقيقة فين بالظبط؟؟؟؟

مش يوم ما هتحصل حاجة...المفروض الناس اللي في الشارع هي اللي هتحركها....و لا ايه؟؟؟؟

[م تيمور المراغي]

تنبيه هام ,,

تمنع المشاركه ,,

لمن هم دون 18 سنه

للآنسات

لارباب الاسر من الرجال

للسيدات

لكبار السن من الجنسين فوق 50 عاما

احتمال كبير حتحصل مواجهات مع الشرطه واعتقال للنشطاء

اللي خايف من الاعتقال لا يتوجه في هذا اليوم الى وزارة الداخليه ولا يشارك في المظاهره وله العذر ,,

وحوافيكم باخر الاخبار هنا ان شاء الله فور ان تردني ,,

[akramgroup]

السلام عليكم و رحمة الله و بركاته

ممكن سؤال لو سمحتم

هو الشارع المصري دلوقتي عامل ايه......عايزة اسمع صوت من الشارع يا جدعان...محدش يجبلي خبر من المصري اليوم و لا اي موقع الكتروني

يا تري الناس البسيطة اللي ماشية في الشارع بتتكلم عن ايه

اناقاعدة متابعة الاخبار....و كل شوية عيني ع النت....و اقول ربنا يستر

و اتصل علي اخواتي في مصر ده علي اعتبار ان فيه ثورة و الدنيا هتتقلب.....و الاقيهم بيقولوا ايوة المطرة مغرقة الشوارع....و مش عارفين نروح الشغل.....بس خلاص....

لما سالتهم عن الثورة و التجمع و 25 يناير....قالولي....ريهام....ارحمي نفسك....و متقعديش ع النت

سؤالي تاني

الشارع المصري.....الناس اللي مش قاعدة ع النت......بيفكروا في ايه و في انهي اتجاه

محدش من مصر يخطفشي رجله لاقرب قهوة و يقولنا الامور شكلها ازاي.....(ايه ده انا بسال اسئلة زي بتاعت المخبرين المفقوسة)

بس بجد عايزة اعرف يا تري احنا عايشين عالم علي النت و عمالين نحرق في اعصابنا....

و لا الحقيقة فين بالظبط؟؟؟؟

مش يوم ما هتحصل حاجة...المفروض الناس اللي في الشارع هي اللي هتحركها....و لا ايه؟؟؟؟

على فكرة يالماضة تقريبا ناس كتير اوى متعرفش حاجه عن الموضوع ده خالص

انا لما بتصل بحد فى مصر بيقولى ولافى اى حاجه خالص

وكذا حد يقولى ايه...25يناير...ماله مش ده عيد الشرطه....مظاهرات...ايه....النمرة غلط يا اكرم

تم تعديل 18 يناير 2011 بواسطة akramgroup

[Om Zayd]

الأخ الفاضل.. المهندس تيمور

أولا أقدر حبك لبلدك و محاولتك الاسهام في تغييرها

ممكن سؤال؟

مشاركات حضرتك في موضوع حوار حول الأحداث الأخيرة في تونس

كانت تشي بالخوف على البلد في حال حصول نفس السيناريو في مصر

ممكن تقولنا ايه غير رأيك؟

ممكن ده يساعد ناس كانت زيك خايفة على البلد من البلطجة تغير رأيها

جزاكم الله خيرا

[ComingSoon]

السلام عليكم و رحمة الله و بركاته

ممكن سؤال لو سمحتم

هو الشارع المصري دلوقتي عامل ايه......عايزة اسمع صوت من الشارع يا جدعان...محدش يجبلي خبر من المصري اليوم و لا اي موقع الكتروني

يا تري الناس البسيطة اللي ماشية في الشارع بتتكلم عن ايه

اناقاعدة متابعة الاخبار....و كل شوية عيني ع النت....و اقول ربنا يستر

و اتصل علي اخواتي في مصر ده علي اعتبار ان فيه ثورة و الدنيا هتتقلب.....و الاقيهم بيقولوا ايوة المطرة مغرقة الشوارع....و مش عارفين نروح الشغل.....بس خلاص....

لما سالتهم عن الثورة و التجمع و 25 يناير....قالولي....ريهام....ارحمي نفسك....و متقعديش ع النت

سؤالي تاني

الشارع المصري.....الناس اللي مش قاعدة ع النت......بيفكروا في ايه و في انهي اتجاه

محدش من مصر يخطفشي رجله لاقرب قهوة و يقولنا الامور شكلها ازاي.....(ايه ده انا بسال اسئلة زي بتاعت المخبرين المفقوسة)

بس بجد عايزة اعرف يا تري احنا عايشين عالم علي النت و عمالين نحرق في اعصابنا....

و لا الحقيقة فين بالظبط؟؟؟؟

مش يوم ما هتحصل حاجة...المفروض الناس اللي في الشارع هي اللي هتحركها....و لا ايه؟؟؟؟

الشارع المصري 3 اقسام

1- نوع لايعرف شئ عن اي شئ خارج نطاق عملة واسرتة واصدقاءه ومحيطة المباشر

وهؤلاء للأسف اكثر من 90% من الشعب

اقصي اهتمامتهم الاكل والسكن والتعليم وهوايتهم الاساسية الكرة

2- نوع فاهم وواخد الموضوع جد جداً وفعلاً بيقول اراءه السياسية المضادة للحكومة علانية

لكن طبعاً ده بالنسبة للفئة الاولي (طيش شباب) او لو كان راجل كبير (فمخة فوت) من اللي بيشوفة

لأنه طبعاً العين ماتعلاش علي الحاجب حسب المنطق المريض لأغلب الشعب المصري

3- نوع فاهم ان محدش فاهم حاجة

وده النوع اللي وصل للنرفانا واعلي درجة السلام النفسي

يكتفي بالضحك في نفسة علي غباء الشعب المصري علي الرغم من ان هذا الشعب يظن نفسة افضل واذكي شعب

يعني يجامل الدهماء في العلن لأنه مقتنع 100% انه لاامل في اي تغيير

هذه الفئة التي يجب الاهتمام بها واقناعها انه هناك امل

[اغابي]

الموضوع داه خطر جدا يا بشمهندس تيمور - انا معترضة جدا على فكرته بصراحة

انا خايفة على مصر - وخايفة ان المظاهرة او الاحتجاج ما يبقاش سلمى وداه فعلا هيكون بنسبة 90% دى توقعاتى انه يقلب عنف

خايفة ان الشارع يفقد الامان والامن

خايفة على اهلى و اخواتى

خايف على البلد - خايفة ان تكون هناك ناس بتضحك على عقول شباب صغير ويفهموهم

ان كسر كابين الميناتيل فى الشوارع وتخريب المال العام وحرق السيارات هو داه اللى هيجيب نتيجة وبيضحكو عليهم

زى ما مفهمينهم اللى بيحرق نفسه هو داه هيصلح حال بلده - وهيبقى بطل قومى ولا هيبقي فى يوم وليلة جيفارا

خايفة ان تضيع فى الرجلين الناس الغلبانة والفقرا واللى ما لهمش ذنب غير انهم نزلو من بيوتهم فى مشاركة سلمية وقلب ثورة وقتل وحرق

خايفة الجيش والشرطة يضربوا على الناس رصاص حى وبعدها يلاقو الف عذر وعذر يقدموه للجان العالمية وحقوق الانسان - وكلها اعذار اقبح من الذنب

خايفة لدرجة انى مش قادرة اشارك فى التوبيك من وقت كبير لانى مش عاوزة اقول كلام يزعل منى اى حد

فعلا الموضوع داه غلط - والدعوة دى مش فى وقتها لان حاليا الوضع فى مصر سيء جدا

اتمنى ان الامور تمر بخير فى مصر الفترة اللى جايا مش علشان الرئيس ولا حكومته واعوانه

لكن علشان الفقرا والغلبانين والشقيانين اللى مالهمش ذنب انهم فى لحظة يخسرو اولادهم الشباب الصغيرين برصاص الشرطة ولا الجيش

ومن حزنهم يموتوا فى اليوم ميت مرة علشان خسرو ولادهم - بسبب توبيك اتفتح فى منتدى يدعوهم لمشاركة فى تظاهرات ظاهرى سلمي

والباطن ربنا وحده يعلم هتكون ايه نتيجيتها

على فكرة انا لو قريت عن اى مصري مات من التعذيب او اتضرب من الشرطة بابقى تعبانة فترة كبيرة جوايا وصورته مش بتفارق خيالى - وايا ان كان سبب اعتقاله او تعذيبه المشهد مش بيفارقنى

- ما بالك لو نتيجة المظاهرات دى ناس كتير ماتو او اتعذبو فى السجون ايه

بقى النتيجة مين يرحمهم ومين ياخد ذنبهم

داه رايي وحبيت اشارك بيه

ربنا يستر

تم تعديل 18 يناير 2011 بواسطة اغابي

[Howayda Ismail]

السلام عليكم و رحمة الله و بركاته

ممكن سؤال لو سمحتم

هو الشارع المصري دلوقتي عامل ايه......عايزة اسمع صوت من الشارع يا جدعان...محدش يجبلي خبر من المصري اليوم و لا اي موقع الكتروني

يا تري الناس البسيطة اللي ماشية في الشارع بتتكلم عن ايه

اناقاعدة متابعة الاخبار....و كل شوية عيني ع النت....و اقول ربنا يستر

و اتصل علي اخواتي في مصر ده علي اعتبار ان فيه ثورة و الدنيا هتتقلب.....و الاقيهم بيقولوا ايوة المطرة مغرقة الشوارع....و مش عارفين نروح الشغل.....بس خلاص....

لما سالتهم عن الثورة و التجمع و 25 يناير....قالولي....ريهام....ارحمي نفسك....و متقعديش ع النت

سؤالي تاني

الشارع المصري.....الناس اللي مش قاعدة ع النت......بيفكروا في ايه و في انهي اتجاه

محدش من مصر يخطفشي رجله لاقرب قهوة و يقولنا الامور شكلها ازاي.....(ايه ده انا بسال اسئلة زي بتاعت المخبرين المفقوسة)

بس بجد عايزة اعرف يا تري احنا عايشين عالم علي النت و عمالين نحرق في اعصابنا....

و لا الحقيقة فين بالظبط؟؟؟؟

مش يوم ما هتحصل حاجة...المفروض الناس اللي في الشارع هي اللي هتحركها....و لا ايه؟؟؟؟

بصى ياريهام نفس الجملة جوزى لسة قايلها لى ارحمينا وماتقعديش على النت تانى

لما لسة داخل من الشغل ولاقنى معيطة كان فى مصيبة وبدل ماارد السلام باقوله محروق اسكندرية مات

قالى بلاش الكلام ده قدام العيال رغم ان بنتى اللى قالتلى الصبح على اللى حرق نفسه

بس على فكرة الشارع حاجة واحنا بتوع النت حاجة تانية خالص

كتير من الناس ولا عندهم اى فكرة عن اللى بيحصل ولا اللى حيحصل لا25 ولاحتى مليون

الظاهر الدنيا وقفت عندنا احنا بس

بقيت محتارة زيك ياريهام بس الاصعب عندى نفسيتى بقت مدمرة من اللى بيحصل ارهاب وتفجيرات وشهيد امن دولة

ونزيف اسفلت وجثث بالكوم وختمت بانتحار وحرق وشنق ودعاوى لانقلاب وثورات

مش عاوزة روح الياس تمسكنى بس املى فى ربنا كبير الغمة دى تنزاح ونغير صفحة الوفيات دى ونغير الصورة كلها

[م تيمور المراغي]

الأخ الفاضل.. المهندس تيمور

أولا أقدر حبك لبلدك و محاولتك الاسهام في تغييرها

ممكن سؤال؟

مشاركات حضرتك في موضوع حوار حول الأحداث الأخيرة في تونس

كانت تشي بالخوف على البلد في حال حصول نفس السيناريو في مصر

ممكن تقولنا ايه غير رأيك؟

ممكن ده يساعد ناس كانت زيك خايفة على البلد من البلطجة تغير رأيها

جزاكم الله خيرا

كلامك حقيقي ,,

مش غلط ابدا ان الانسان يراجع موقفه

مش غلط انه لما يلاقي الامل والفرصه انه يبادر ويقتنصها ,,

كنت فاكر وقتها ان قبضته الحديديه كافره و محكمه على ارض مصر

ولكني والله لمحت رعشة اليد ونظرة الخوف في عين الحاكم وزبانيته

ووصلتني معلومات مؤكدة عن انفضاض الشله وانسحابها في السر محاولة الا يشعر بها احد

لقيت حرام عليا اني لا اشارك في اقتناص فرصه حتكون الاخيره اللي والله لو راحت مش حنلاقي زيها ابدا ,,

الايام الجايه حتثبت لك قد ايه النظام مهزوز ومرعوب من وقفة الشعب

بس لو صبرنا 100 الف قدامهم ليله واحده

والله ليمشوا زي القديمه بعد كده ويعرفوا ان الحق يعلو و له الحكم القوه ,,

مش حنمشي ليلتها الا بعد تحقيق المطالب الثلاث وتقديم الضمانات الكافيه لتنفيذها ,,

وان عدتم عدنا ,,

تحيا مصر ,,