ماذا تعرف عن صعوبات التعلم ؟

[بركة]

بادئ الامر...

صعوبات التعلم من خلال تجربة وتحليل شخصي

ثانيا من الناحية العلمية...

نفتتح بسم الله ..

نبتدي الحكاية....

من حوالي سنتين ونصف حدث انني لاحظت ان ابني لا يستطيع حفظ القران او الاناشيد

وهو اول الخيط الذي تيقنت من خلاله انه ممن لا يستطيعون تذكر التسلسل الكلامي او سرد شئ سمعه بدقه

ثم ظهرت من سنة مشكلة الاملاء وبالاكثر في اللغة العربية

ولم اكن اسمع قبل ذلك عن كلمة صعوبات التعلم

كنت استوعب الامر على انها مسألة قدرات ..ليس إلا

ثم جاء يوم فاتحتني فيه معلمة من المدرسة كانت لتوها منقولة

من مدرسة اخرى وبها قسم للبنات الاتي لديهن هذه المشكلة

وتفهمت جدا كلامها لولا انها كانت تتكلم بحذر شديد مخافة ان لا اتفهم واهاجم رأيها

دخلت الانترنت ووصلت لحقائق عن الحالات التي تعاني من انواع صعوبات التعلم

وهنا تيقنت انطباق معاناتي مع معانات امهات كثير

وبحثت عن مكان يساعدني في تشخيص الحالة وتصنيفها

ووجدت بالفعل مكان سمعته ممتازة الا وهو مركز المهارات بجدة

توجهنا الى هناك ..شخصت الحالة بأنها تشتت انتباه مع ضعف في الذاكرة البصرية والسمعية قصيرة المدى

والتفسير :

عدم القدرة على تذكر المعلومات التي سمعت لتوها او الصور ذات التفاصيل المتعددة والتي شوهدت لتوها

بالاضافة الى سهولة تشتت الذهن بأي مؤثر خارجي ..

يتبع....

[بركة]

ومن ثم خرجنا من المركز بالتشخيص

والتوصيات العامة التي تنشط الذاكرة والتوصيات الخاصة بجذب الانتباة

ستلاحظون هنا ان من ضمن التوصيات ..وصية غريبة جدا ..الاوهي

انه لابد من تنشيط الولد اجتماعيا وخلق بيئة اجتماعية تقوم على الاختلاط بالاسر

ذات نفس الثقافة البيئية والاجتماعية قدر المستطاع وعدم العيش في مجتمع مغلق

كبيئة الاسرة الواحدة كباقي حالات المغتربين في الخليج عموما.

اشراك الولد في نشاط رياضي

التشجيع من الام والمعلمين والاشادة بالانجازات مهما كانت بسيطة

ان تشتت الانتباه يحتاج الى تلازم مدرس وجها لوجه مع الطالب الى ان يعتاد المزاكرة بتركيز

ويقلل تأثير المشتتات من حوله عليه

وقام المركز بالاتصال بالمدرسة لشرح الحالة وكيفية التعامل معها

.,.................

عاوفة ان كتير مننا الى الان لا يرى مشكلة

بالعكس المشكلة بدأت لتوها :

تفهمت المديرة والمدرسات طبيعة الامر وحاولوا جميعا التعاون معنا

لكن بقي الدافع الشخصي للولد

والذي ادى بي الى التوجة الى مركز اخر مع بداية هذا العام الدراسي

لبحث الحالة النفسية له والتي اعتقدت انها السبب في ان الولد مستجيب ورائع في البيت معي

وغير ذلك في المدرسة تماما

وجاءت توصيات اخرى اكثر حرفية وتحديدا ...

يتبع........

[بركة]

وتلك هي النتيجة التي اردت ادراجها هنا لكي يستفيد منها الجميع

اولا ان المتابعة الاولى والاخيرة على الام وليس للمدرسة دور فعال كدورها

ثانيا ان التوصيات عامة الى حد ما بحيث انها ليست كافية اطلاقا لتغطي المعلومات كلها

ثالثا نظرا لتشعب موضوع صعوبات التعلم وتعدد حالاته فلابد من التشخيص ووصف التعامل مع كل حالة على حده

سأفند الان التوصيات العامة التي وردت في التقرير ثم سأتبعها بإذن الله بتوصيات خاصة بي من خلال التجربة الشخصية

مقترحات للتعامل مع طفل تشتت الانتباه :

فترات الدراسة : عشرين دقيقة ثم راحة

هدوء عام : اثناء المذاكرةدون نقاش او مقاطعة

للمحافظة على التركيز : المقاعد الامامية في المدرسة

للوصول للهدف : تقسيم المطلوب الى وحدات صغيرة مع تنظيمه وتحديد مراحله

للروح المعنوية : تدعيم اي سلوك ايجابي وتجنب الاعتراض على السلوك الغير مرغوب فيه والتوجيه اليه بشكل غير حاد

الالعاب : الهادئ منها عموما

االنشاط الرياضي والالعاب : يلعب في لعبه مكونة من شخصين الى ثلاثة على الاكثر حتى تتحقق المتعة

يتبع....

[بركة]

باقي التوصيات :

التعزيز : المكافأة على اي عمل ايجابي

التعلم بالنموذج : وضع صورة واضحة للسلوك المرغوب فيه وجذب انتباه الطالب لمتابعة الاداء المرغوب

أشعره بالحب : المفتاح السحري

أشعره بالأهميه وابتسم له

كلفه بأعمال بسيطة في كل مرة لينجح في ادائها وشجعه واثني عليه وامنحه شيئا يحبه

تجاهل منه ما يضايقك

لا تستخدم التعليمات معه ولكن أشعره بالمسؤلية

ابتعد عن أسلوب المناقشات الطويلة.

لا توبخ الطفل امام الاخرين او تذكر سلوكياته الغير مرغوب فيها له او لغيره فقط ذكره بلطف ان ها خطأ

اشعره بالثقة في قدراته مهما كانت محدودة

لاتقارنه بغيره ولكن قارنه بنفسه من وقت لاخر

يجب ان يكون هناك بدائل دائما للطفل ان عجز عن اداء شئ

خصص له اشياء يمتلكها مهما كانت بسيطة

يتبع ......

تم تعديل 16 يناير 2011 بواسطة بركة

[بركة]

نصائح لزيادة التركيز وتقليل التشتت :

البصر

التركيز مع الطفل بعينين منتبهتين

يجب ان يكون مكتبه فارغا من المشتتات كالاشياء الملونةو تقليل الادوات المكتبية قدر المستطاع

يفضل ان يكون مكتبه موجها للحائط

السمع

القراءة بصوت مرتفع مع تغيير نغمات الصوت لجذب الانتباه

الابتعاد عن الازعاج من باقي افراد الاسرة

اعداد ملخص بعد الانتهاء من أي جزئيةتم شرحها ثم سؤاله عما استوعبه منها وعما احبه

اللمس

التمليس على شعره والربت على كتفه ويديه كل فترة

فترات الراحة يجب ان تكون للحركة وليس للتلفاز او الكمبيوتر لتفريغ الطاقة بعد جلوسه للمذاكرة

وفي النهاية

التفاهم معه بهدوء دون توبيخ فهو ذكي وينبغي تنمية ذكاؤه وقدراته .

تم تعديل 16 يناير 2011 بواسطة بركة

[بركة]

وتوصيتي الخاصة هي عدم اليأس والمحاولة باستمرار والتصرف بتلقائية

ودون عصبية والتحمل والقراءة والتثقف المستمر عن الحاله

فإن هذا المجال حديث الى حد ما في مجتمعنا العربي ودائما ما يكون هناك الجديد للاطلاع

واسقاطا عليا انا شخصيا فانه تبين الاتي

انني شخصيا اعاني من تشتت الانتباه

فانا لا اتذكر انني فهمت جيدا او انتبهت تماما لمعلمي مدرستي الا في حالات نادرة ودائما كان لدي

مدرس خصوصي الى ان تخرجت من الجامعة ...ولكنه زال مع السن والخبرة العملية

وان حبي الشديد للتنظيم " والذي افردت له موضوعا في السابق في باب استشارات نفسية "

والذي سابقا اعتقدته وسواسا لدي ليس هو الا

معاناتي من حالة مزاجية سيئة بسبب عدم قدرتي على التركيز او الاستمتاع باي شئ من تأثير

الفوضى او كثرة التفاصيل

الخلاصة

أنا أم عندها جزء من حالة أبنها ولكن بفضل الله وجدت البيئة المساعدة

أتمنى من الله أن أكون أفدت من يقرأ حتى لا نظلم أبناءنا ونتهمهم بالاهمال او الكسل او الغباء

فهم هدية الله الينا والتي سنسأل عنها يوم الحساب

فكيف أنتم مع هدايا الله ؟

مستعده للاجابةان شاء الله عن أي استفسار في حدود معلوماتي

تم تعديل 16 يناير 2011 بواسطة بركة

[SoSo R]

عزيزتى بركة

انا عارفة ان الموضوع صعب فى اوله ...بس مش مستحيل و شفت امهات كتير مسيطرين ع الموقف و متأقلمين

مش عارفة اذا كان تشتت الأنتباه عند ابنك معاه فرط فى الحركة و النشاط ولا لأ

بس خلينى اقولك شوية نصايح من تجربتى العملية لعلها تفيدك..

1- قللى او امنعى نهائى الأكل اللى فيه سكريات عالية او نشويات بسيطة اللى هيا سهلة الأمتصاص و بتدى طاقة كبيرة

2- فيه دكاترة اطفال بيوصفوا اوميجا 3 و 6 للحالات المشابهة مع مجموعة من الفيتامينات بتساعد للسيطرة ع الأطفال

3- البعد عن العاب الكومبيوتر و الجيمز سريعة الأيقاع اى حاجة تشتت انتباهه بزيادة

4- لما توجهيله كلام عشان يركز فى اللى بتقوليه لو بتطلبى منه حاجة مثلا ، اتكلمى بنبرة صوت واضحة و عالية حطى ايدك على كتفه و بصى فى عينيه

لو فشلت كل الطرق العادية بيستخدموا بعد الأدوية للعلاج -ده حسب ها فى كندا-

ولو انى حاسة من كلامك ان الموضوع مش متضخم فى حالة ابنك

ارجو انى اكون افدت بشىء

وبجد و حشتينى يا بركة

[بركة]

حبيبتي سوسو وانت كمان وحشاني جدا والله

ميرسي على مشاركتك المفيدة

لا الحمدلله مش عنده فرط حركة...

المشكلة الحقيقية انه في الاملاء عربي او انجليزي مش على مايرام خالص

وبالنسبة للاختبارات لازم حد من المدرسات تقعد جنبه عشان تخليه يركز

لانه بيحس انه مش عارف يخرج المعلومات اللي عارفها ويجاوب .

تم تعديل 16 يناير 2011 بواسطة بركة

[عبير يونس]

الموضوع غاية في الأهمية

و الأهم هو وعي الآباء بالموضوع

لأن كتير أطفال معندهمش أي مشكلة غير والديهم

في آباء بيقتلوا ذكاء أطفالهم

و بيكونوا همة السبب في تشتيت الانتباه

ابنك يا بركة محتاج دعم كبير اوي اوي

محتاج يثق في نفسه

محتاج يحس انه متميز

متهيألي مش محتاجة اقولك ان اينشتاين كان يعاني من صعوبات التعلم

حبيبتي مش عايزاكي تقلقي و لا تتأثري

انتي قلتي ان الولاد هم هدية ربنا لينا

أبشرك

ان ربنا بيدينا الولاد و هو اللي بيربيهم لنا و هو اللي بيحفظهم لنا و هم اللي بيكرمنا بيهم و فيهم

خليكي دايما واثقة في توفيق ربنا لينا و لولادنا

كل داء و له دواء

كل شيء و له علاج

متخافيش

طول ما في أمل

كل حاجة بتتصلح و تتحسن

و بكرة تشوفي ابنك ده من أعظم الناس

ربنا يبارك لك فيه و في اخواته

آمين

[Howayda Ismail]

مدام بركة

جزاك الله خيرا عن الموضوع ده

انا عندى ام اصدقاء اولادى لديها طفل فى الصف الرابع الابتدائى يعانى نفس الحالة التى وصفتيها حضرتك

واعتقد انها اشد شوية حيث انه لايمكنه التعرف على اقاربه او حتى زملاءه فى المدرسة بسهولة

فوجئت فى هذا التيرم ترفض ارساله للامتحان واصرت على ذلك مع والده لانها كما قالت لن تتحمل بكاءه ككل عام

بعد خروجه من الامتحان لايعرف شيئا بل يسلم الورقة خالية تماما رغم اعطاءه دروس خصوصية بمفرده وكذلك قالت انها

سوف تهتم بعلاجه اولا ولايهم تعليمه لان نتيجة العلاج مع التعليم غير مجدى نهائى

هى ووالده يعرفون المشكلة جيدا ولكن للاسف ليس بحجم ادراك حضرتك لابعادها كما لديها اربعة ابناء غيره من الجامعة

ومراحل اخرى وطفل واحد شقى وذكى جدا اصغر منه وللاسف لايوجد اى تعاون نهائى من الابناء على حد وصفها بل ربما يضايقونه

المشكلة ايضا انه كثير التعب وقليل الحركة جدا لذلك غير متابع جيد مع الطبيبة المعالجة والاصعب كثرة تنقلهم

بين المراكز وتغيير المعالج كل فترة مما يزيد من الحالة واخرها ضرب احد المدربات له بالقلم على وجهه لكثرة تشتته

على حسب قراءتى وفهمى لتلك الحالات ارشدتها ببعض النصائح منذ تعرفى على حالته ولا اعلم هل انا على صواب ام لا

قلت انه يحتاج اهتمام اكثر من كل افراد الاسرة وخاصة هى واخواته وتحاول دمجه مع اطفال فى سنه يلعب معهم

وذلك سهل جدا لوجود الكورنيش عندنا يلعب عليه اطفال وشباب المنطقة صيفا وشتاءا وكذلك متوفر عدة نوادى ومراكز شباب

لممارسة رياضات مختلفة لكن للاسف اغلب خروجاتهم اليومية لزيارة افراد اسرتها فى نفس المنطقة يعنى مجرد نقله

من بيت لبيت مع عدم وجود اطفال فى سنه وبالتالى يجلس بجوارها طول فترة خروجهم

كذلك نبهت عليها تقليل فترة تواجده على الكمبيوتر لجلوسه بالساعات ممايزيد من حجم المشكلة

اضافة الى ذلك زيادة مستمرة فى وزنه بما لايتناسب مع سنه لاكله نشويات كثيرة مع هرمونات وعدم حركة

المشكلة ايضا عدم استقرارها مع دكتورة معينة لفترة طويلة وحسيت من كلامها مجرد تادية وظيفة مش اكتر من قبل المعالجين

واظن انواع هذه التخصصات تحتاج لقلب كبير صبور وحنين وخبرة لتحتوى مثل هذا الطفل بدلا من تكون سببا

فى تعثره زيادة . هناك مراكز جيدة فى الاسكندرية لكن للاسف فى شرق المدينة وسموحة بعيدة جدا ومرهقة على

كثير من الامهات فلا تستطيع الاستمرار وكذلك المراكز التابعة لوزارة التعليم زى عدمها

المفروض وزارة الشئون مع وزارة مشيرة خطاب ووزارة التعليم يضفروا ويوحدوا مجهوداتهم لهذه الحالات لانها ليست قليلة

والاهم توعية الام بدورها وتعليمها كيفية التعامل مع حالة ابنها وارشادها لتوضيح الصورة لباقى افراد الاسرة

لان نوعية هؤلاء الاطفال لديهم نسبة ذكاء تكون عالية فى بعض الاوقات وسهل احتوائهم لكن مع الاهمال وقلة الخبرة

تسوء الحالة وممكن توصل لحالات توحد بدلا من صعوبة تعلم

اسفة انى طولت على حضرتك

[جويرية]

المناهج مفروض تبقي مناسبة لقدرات الطفل

مش قدرات الطفل مناسبة للمناهج

أظن ان اكتر من %90 مما ندرسه لا نستخدمه في حياتنا

المصيبة ان الوظائف مرتبطة بما يسمي بالشهادات

اتمني بشدة ان اجد مدارس خاصة مناهجها غير تابعة لوزارة التعليم

مدارس تنمي مهارات الطفل مباشرة ، ولا تحرم الأطفال من طفولتهم

[بركة]

مدام بركة

جزاك الله خيرا عن الموضوع ده

انا عندى ام اصدقاء اولادى لديها طفل فى الصف الرابع الابتدائى يعانى نفس الحالة التى وصفتيها حضرتك

واعتقد انها اشد شوية حيث انه لايمكنه التعرف على اقاربه او حتى زملاءه فى المدرسة بسهولة

تسوء الحالة وممكن توصل لحالات توحد بدلا من صعوبة تعلم

اسفة انى طولت على حضرتك

جزانا واياكي يا حبيبتي هند

اللهم لك الحمد

" لا يكلف الله نفسا الا وسعها " سورة البقرة

الله يعين الام دي على ابنها ...حالته محتاجة صبر ودعاء واخلاص وحسن ظن بالله

لأن الحالات دي تسوء بالاهمال

الحمد لله انا في نعمة ربنا يعافيها ولا يبتلينا

ربنا يهديها له

ابدا حضرتك ما طولتيش كلنا هنا بنستفيد ...امال انا فاتحة الموضوع ليه عشان المعلومات فيه على النت

قليلة جدا واكاديمية ومش سهلة الفهم ..

[بركة]

الموضوع غاية في الأهمية

و الأهم هو وعي الآباء بالموضوع

لأن كتير أطفال معندهمش أي مشكلة غير والديهم

في آباء بيقتلوا ذكاء أطفالهم

و بيكونوا همة السبب في تشتيت الانتباه

ابنك يا بركة محتاج دعم كبير اوي اوي

محتاج يثق في نفسه

محتاج يحس انه متميز

متهيألي مش محتاجة اقولك ان اينشتاين كان يعاني من صعوبات التعلم

نعم حبيبتي وغيره كثير ودي حاجة يمكن ما يعرفهاش ناس كثير

حبيبتي مش عايزاكي تقلقي و لا تتأثري

انتي قلتي ان الولاد هم هدية ربنا لينا

أبشرك

ان ربنا بيدينا الولاد و هو اللي بيربيهم لنا و هو اللي بيحفظهم لنا و هم اللي بيكرمنا بيهم و فيهم

خليكي دايما واثقة في توفيق ربنا لينا و لولادنا

كل داء و له دواء

كل شيء و له علاج

متخافيش

طول ما في أمل

كل حاجة بتتصلح و تتحسن

و بكرة تشوفي ابنك ده من أعظم الناس

ربنا يبارك لك فيه و في اخواته

آمين

شكرا حبيبتي على دعمك ودعائك ..

[بركة]

المناهج مفروض تبقي مناسبة لقدرات الطفل

حطيتي ايدك على المهم فعلا

مش قدرات الطفل مناسبة للمناهج

أظن ان اكتر من %90 مما ندرسه لا نستخدمه في حياتنا

المصيبة ان الوظائف مرتبطة بما يسمي بالشهادات

اتمني بشدة ان اجد مدارس خاصة مناهجها غير تابعة لوزارة التعليم

مدارس تنمي مهارات الطفل مباشرة ، ولا تحرم الأطفال من طفولتهم

مش عارفة اقولك ايه ..ربنا يحققلنا جميعا الامنية دي

ولا يذهب اولادنا ضحية الحفظ والدش .. تحياتي لمشاركة حضرتك

تم تعديل 16 يناير 2011 بواسطة بركة

[Dreamwithme]

مدام بركة جزاكي الله كل خير علي فتح موضوع مهم جدا وقد يعاني منه ناس كتير لكن للأسف لاتوجد ثقافة وعلم به كاف

ربنا يعينيك ويثبتك في كفاحك مع ابنك لي صديقة عندها ابنتها تعاني من هذه المشكلة لكن المشكلة بتبدأ تقل مع تقدم الطفل في العمر والمثابرة والصبر

متابعة حضرتك وربنا ينفع الناس بخبرتك

[doha]

موضوع في غايه الاهمية .. حاولت احط تقييم ايجابي لكن للاسف الرصيد خلص .. لي عوده باذن الله لما اشحن :happy:

استاذه هند ..

بالنسبة لابن صديقتك ففي نقطه برضه في غايه الاهمية ممكن تساهم في تقليل معاناتهم مع مشكلته .. كون له اخوه اخرون واخ اصغر منه واكثر تفوقا فمن المحتمل جدا ان اللحظات الوحيده الي بيلاقي فيها اهتمام حقيقي من احد والديه هي لما بيخفق في التعلم بما يجبرهم البقاء جنبه لتوجيهه بما يعني اعطاؤه مزيد من تركيزهم .. نصيحه اطلبي منهم يهتموا بيه بشكل فردي يعني عنايه وتوجيه اهتمام له لوحده من وقت للتاني وتشجيعه على امور ملهاش علاقه بالتعليم عشان يترسخ في ذهنه انه مش محتاج يبقى فاشل ولا محتاج يخفق عشان يلقى منهم اهتمام او يلفت نظرهم ..

طبعا مبقولش انه بيتعمد الاخفاق ولكن ممكن جدا ( يسوق فيها ) يعني لو قلنا هو بيغلط عشر مرات في اليوم فممكن جدا يكون ثلاثه او اربع من المرات دي كان عارف الاجابه او التصرف الصحيح لكنه تعمد التظاهر بانه ميعرفش عشان يضمن ان والديه يركزوا معاه لمده اطول ..

[fatfouta]

متابعة كلامكن بإهتمام....كنت كتير افكر هو ليه ابنى ساعات مش بيستوعب وارجع واقول يمكن عشان مافيش هنا حياة اجتماعية

بمعنى ان مافيش اهل واصدقاء وتفاعل اجتماعى مع الناس ويمكن هو ده اللى بيخلى الطفل يبقى عنده طاقة مش قادر يخرجها فترجع تنعكس عليه بصفة سلبية فى قدرته على استيعاب دروسه او تفاعله فى المدرسة

يعنى ذى ما بركة قالت لازم انشطة رياضية او لعبة من طرفين ولازم كمان تفاعل اجتماعى وتشجيع من الاب والام

ربنا يخليلك ولادك يا بركة وتشوفيهم احسن الناس يارب

[بركة]

ضحى شكرا جزيلا على اثراء الموضوع

فعلا انا حصل معايا موقف لن انساه من ابني

كنا المفروض بنخرج دايما مع بعض في عطلة نهاية الاسبوع ..وحصل ظروف وماقدرناش نخرج اجازتين ورا بعض يعني

من البيت للمدرسة ومن المدرسة للبيت

ثم جاء يوما اشتكت المعلمات منه جدا من عدم تفاعل في الفصل بشكل غريب ..هي عادته بس زادت جدا جدا

المهم استشرت صديقة طبيبة نفسية ..فقالتلي ابنك بيعاقبك

ووالله تاني يوم الصبح كنت بطبطب عليه وبقول له عاوزاك تتكلم مع الميس وتشارك ياحبيبي ادام انت عارف

وفاهم ....

تعرفي قالي ايه ؟!

مادام انت ما خرجتنيش 2 weekend مش هعمل حاجة خالص !!!!

حسيت بجردل ميه اتكب على راسي

قلتله ساعتها أنا اسفه واوعدك هنخرج كل ويك اند ........

[بركة]

متابعة كلامكن بإهتمام....كنت كتير افكر هو ليه ابنى ساعات مش بيستوعب وارجع واقول يمكن عشان مافيش هنا حياة اجتماعية

بمعنى ان مافيش اهل واصدقاء وتفاعل اجتماعى مع الناس ويمكن هو ده اللى بيخلى الطفل يبقى عنده طاقة مش قادر يخرجها فترجع تنعكس عليه بصفة سلبية فى قدرته على استيعاب دروسه او تفاعله فى المدرسة

يعنى ذى ما بركة قالت لازم انشطة رياضية او لعبة من طرفين ولازم كمان تفاعل اجتماعى وتشجيع من الاب والام

ربنا يخليلك ولادك يا بركة وتشوفيهم احسن الناس يارب

حبيبتي توتة اهلا بيكي

فعلا الحافز النفسي مهم جدا

شوفي احنا يا كبار لازم لينا حتة تنفيس لو مش لقيناها بنقى مش طايقين نفسنا

فما بالك بالاطفال اللي كلهم طاقة

تعرفي انا ابني كل ويك اند بيقولي ايه؟؟؟؟؟؟؟

انا مش عايز اروح في مكان ان عايز اروح عند حد

يعني مولات لا ...جنينة لوحدنا لا

تم تعديل 16 يناير 2011 بواسطة بركة

[masraweya]

ربنا يجعله في ميزان حسناتكم و يكرمكم

لي عودة بعد الشحن