مكرمة اميرية بواقع 1000 دينار لكل كويتي

[Simba]

(كونا): اعلن وزير الدولة لشؤون مجلس الوزراء روضان عبدالعزيز الروضان، اليوم، أن سمو امير البلاد الشيخ صباح الاحمد امر بصرف مكرمة اميرية بمناسبة الذكرى الـ 50 على استقلال الكويت والذكرى العشرين للتحرير وذكرى مرور خمس سنوات على تولي سموه مسند الامارة بواقع الف (1000) دينار كويتي لكل مواطن حتى مواليد 1 - 2 - 2011 .

وقال الروضان إن "المكرمة الاميرية تشمل صرف المواد الغذائية بالمجان لكل حاملي البطاقة التموينية من تاريخ 1 - 2 - 2011 حتى تاريخ 31 - 3 - 2012".

بامانة ناس محترمة

ومبروك للشعب الكويتي :)

[mustafagamiel]

بامانة ناس محترمة

ومبروك للشعب الكويتي

ربما

بسي مشعارف ليه الموضوع فيه ريحة تونس

وياترى مفيش حاجة للمقيمن؟

[Simba]

حتي لو فيه ريحة تونس

علي الاقل حكومة بتقدر شعبها

وغالبا مفيش حاجة للمقيمين :)

[fatfouta]

وياترى مفيش حاجة للمقيمن؟

رد عالسؤال ده يا سمبا لو سمحت :closedeyes:

تم تعديل 17 يناير 2011 بواسطة fatfouta

[Simba]

وياترى مفيش حاجة للمقيمن؟

رد عالسؤال ده يا سمبا لو سمحت :closedeyes:

فيه ان احنا بخير والحمدلله

وامورنا تمام bv:-

[تامر مصطفى]

الف مبروك للأخوة الكويتيين

النهاردة كنا بنتناقش في الشغل في نفس الموضوع فواحد من الاخوة بيقول انا هاخد 6000 دينار واشتري سيارة

يعني هو وزوجته و4 اطفال كل واحد الف

قلت له بجد انتوا صعبانين عليا

احنا في مصر في المناسبات اللي زي دي بيصرفوا لكل مواطن 6000 جنيه وبالنسبة للتموين فده طول عمرة ببلاش عندنا

وبالنسبة لريحة تونس

فأنا على حد علمي ان الموضوع ده بيتناقش من شهرين فاتوا وهو عامة معروف عن الدولة انها بتكرم ابناءها في الداخل وتعززهم في الخارج

اما بالنسبة لنصيب المقيمين

فهم ليهم نصيب كبير جدا جدا

اولا اللي منهم هيدعي لاخوه الكويتي بالبركة ربنا هيجازيه خير كتييييير

وثانيا اللي هيصبر منهم هينول جزاء الصبر

وفي الحالتين مكسب عظيم

وعلى رأي السكرتيرة اللي عندنا في الشغل لما قالت وهي بتبص لواحد زميل مصري بصة قرف :

يعني لو انت اعطيت لعيالك عيدية هل من حقي اقولك اعطيني مثلهم؟؟؟؟

وقالت بعدها كلمة

صج ما يستحون

ملحوظة هامة : 1000 دينار = 20000 جنيه مصري

شوف انت بقى اللي عند 6 او 7 عيال ياخد كام بقى

تم تعديل 17 يناير 2011 بواسطة تامر مصطفى

[pocy]

واحد كويتى اعرفه متزوج اربعه وعنده 36 عيل تخيلوا ده هياخد كبشه فلوس ههههههههههههههههههههههههه

ربنا يبارك ويزيد بس يارب الموضوع ده ميجيش علينا برفع الاسعار وربنا يسترها

والف مبروك للاخوه الكويتين والله يكون فى عونهم ان شاء الله

تم تعديل 17 يناير 2011 بواسطة pocy

[Simba]

ملحوظة هامة : 1000 دينار = 20000 جنيه مصري

لا يا مسيو تامر ال 1000 دينار = 20,638

انت دايما كده ناسي الفكة هاتها لو تعباك :happy: :happy:

[الغريب]

مع أحترامي لحبيبي سمبا

أسجل أعتراضي على الموضوع

[Simba]

أسجل أعتراضي على الموضوع

ايه وجه الاعتراض يا صاحبي :give_rose:

[الغريب]

أسجل أعتراضي على الموضوع

ايه وجه الاعتراض يا صاحبي :give_rose:

يعني كان قصدي ربنا يهني سعيد بسعيدة، وأنت عارف نبرة "أنتو حاسدينا" والكلام ده فملوش لازمة يعني من رأيي

[Simba]

فاهمك يا غريب بك

وعلشان كده انا محطتش الموضوع في باب المغتربين وخليته في مواضيع خفيفة علشان اوضع الفرق

ويمكن في يوم الحلم يتحقق والحكومة تزود علاوة المولود من 2 جنيه تبقي 5 جنيه ونص وعلبتين كشري

[جسار]

أخى الأصغر يعمل فى دولة الكويت منذ 6 أعوام فى وزارة العدل ، وكل ما ينزل أجازة لمصر

ما عندوش غير شوية الكلام اللى فاتوا دول ، لغاية ما زهقت مرة منه وقلت له يا اخى دى بلدهم

ودى فلوسهم وهم أحرار فيها.... ما تبصش فى لقمة غيرك ، وعلى الأخص أنك ما أنتاش صاحب بيت

[Simba]

أخى الأصغر يعمل فى دولة الكويت منذ 6 أعوام فى وزارة العدل ، وكل ما ينزل أجازة لمصر

ما عندوش غير شوية الكلام اللى فاتوا دول ، لغاية ما زهقت مرة منه وقلت له يا اخى دى بلدهم

ودى فلوسهم وهم أحرار فيها.... ما تبصش فى لقمة غيرك ، وعلى الأخص أنك ما أنتاش صاحب بيت

اشك ان سيادتك تكون قريت اي كلمة من المشاركات اللي فاتت

شوية الكلام اللي فاتوا دول

عن نفسي بعتبرها اهانة يامحترم

راجع سيادتك تاني كل الموضوع هتلاقيه مجرد خبر وتعليقات مفيهاش بص للقمة الغير

لاننا ببساطة بنشاركهم اللقمة نفسها اي كان نوع المشاركة بقي واي كان التفاوت في الرواتب والمعيشة هنا

ومرة تانية انا حطيت الموضوع علشان اوضح ازاي الدولة بتكرم شعبها وبتحترمهم

كان عندك حق يا غريب بك والله

تم تعديل 17 يناير 2011 بواسطة سمبا

[kwala]

فعلا يا جماعة الاعتراف بالحق فضيلة

ولما يكون فيه دولة بتكرم شعبها بأي طريقة كانت....فهي تستحق أن نذكرها بالخير ونقدر لهم ذلك

بصرف النظر عن حالنا كمصريين

بجد عن تجربة دول الخليج المواطن فيها واخد كتييييييييييير أوي من حقوقه اكتر من بلاد تانية كتير (ومصر منها)ا

على الأقل الكعكة في الخليج بتتقسم على الحاكم والمحكومين مع بعض

مش عارفة ليه دلوقتي افتكرت الشيخ زايد الله يرحمه....لما لقى واحد مصري بيشتغل (زبال)ا

فأصدر قرار إن المصريين ما حدش منهم يشتغل زبال ويكونوا في وظائف ارقى من كدا...

بس ليا سؤال محيرني من زمان وبجد لا اقصد بيه شخص بحد ذاته

ليه كتير من المصريين مش بيعترفوا إن فيه حاجة أو حاجات غلط في مصر

زي ما يكون واحد لا قدر الله ابنه مدمن ويفضل ينكر دا ويقول لا أنا ابني كويس وزي الفل ومؤدب ومالوش في الغلط...

لحد ما الولد يموت بأوفر دوس ولا حاجة ويضيع منه!!

ياري يصلح حال الناس كلها....ويخليكي لينا يا مصر يا حبيبتنا...ويحميكي من كل سوء....ويشفيكي من كل امراضك....آمين

[المهندسه]

الروضان: ألف دينار من الأمير لكل مواطن

17/1/2011 الآن - كونا 1:05:49 AM

اعلن وزير الدولة لشؤون مجلس الوزراء روضان عبدالعزيز الروضان مساء اليوم ان حضرة صاحب السمو امير البلاد الشيخ صباح الاحمد الجابر الصباح حفظه الله ورعاه امر بصرف مكرمة اميرية بمناسبة الذكرى 50 على استقلال دولة الكويت والذكرى العشرين للتحرير وذكرى مرور خمس سنوات على تولي سموه مسند الامارة بواقع الف (1000) دينار كويتي لكل مواطن حتى مواليد 1 - 2 - 2011 .

واضاف الروضان في تصريح لوكالة الانباء الكويتية (كونا) ان المكرمة الاميرية تشمل صرف المواد الغذائية بالمجان لكل حاملي البطاقة التموينية من تاريخ 1 - 2 - 2011 حتى تاريخ 31 - 3 - 2012 .

وبمناسبة مرور خمسة أعوام على تولي حضرة صاحب السمو الشيخ صباح الاحمد الجابر الصباح امير البلاد حفظه الله ورعاه مقاليد الحكم فقد احيط مجلس الوزراء علما بأمر سموه حفظه الله ورعاه بمنح كل فرد كويتي بتاريخ 1 - 2 - 2011 مبلغ الف دينار كويتي وكلف وزارة المالية باتخاذ الاجراءات اللازمة لتنفيذ هذه المكرمة الاميرية ووضع الضوابط العملية اللازمة بشأنها.

وقد عبر مجلس الوزراء عن خالص الشكر والامتنان لمكرمة سموه حفظه الله ورعاه بما تعكسه من حرص سموه على تلمس هموم المواطنين ومساعدتهم على مواجهة الاعباء المعيشية سائلا المولى عز وجل ان يحفظه ذخرا للوطن والمواطنين ويكلأه بكريم عنايته ويمده بموفور الصحة والعافية والعمر المديد.

وبهذه المناسبة الطيبة ايضا فقد امر حضرة صاحب السمو الامير حفظه الله ورعاه بان يتم صرف المواد التموينية بالمجان للكويتيين وغيرهم من حاملي البطاقة التموينية وذلك طيلة الفترة من 1 - 2 - 2011م وحتى 31 - 3 - 2012م.

وقد كلف مجلس الوزراء وزارة التجارة والصناعة بالتعاون مع الجهات الاخرى المعنية باتخاذ الاجراءات اللازمة لتنفيذ هذه المكرمة الاميرية.

خالوا بالكم

"لكل فرد حتى مواليد 1-2-2011" يعنى ال لسه فى بطن امه

انا مش هعلق لانى لما بنتقد ال بيحصل فى مصر ...مش بخلص زى ما شكرت فى السعوديه و ما خلصتش

بس تفتكروا لو فى مصر الرئيس غلط وقال هيصرف علاوه لكل مواطن على قد بقه حضاره ال 7000 سنه يبقى الحكومه عليها كام لينا؟؟؟

1000 دينار فى 20 جنيه يبقى 20000 جنيه يااااااه لاء كتير على المصرييين كفايه 20 جنيه بس

حسبى الله ونعم الوكيل

[se_ Elsyed]

تم ضم الموضوعين

[المهندسه]

اعتذر لم ارى الموضوع القديم الا الان

[المهندسه]

فاهمك يا غريب بك

وعلشان كده انا محطتش الموضوع في باب المغتربين وخليته في مواضيع خفيفة علشان اوضع الفرق

ويمكن في يوم الحلم يتحقق والحكومة تزود علاوة المولود من 2 جنيه تبقي 5 جنيه ونص وعلبتين كشري

هما فين ال 2 جنيه دول ولا شوفتهم ..احنا البندفع للحكومه

[اغابي]

طب ســـؤال للشطــــار

هى مين اغنــى

مصــر ولا الكويـــــت

اللى هيجاوب : هو بس اللى مذاكر المفكرة الاقتصادية للدولتين

انا عارفة انه سؤال محرج جدا