اذهب إلى المحتوى
محاورات المصريين

كيف تعرف المصري / المصرية ؟

Seafood

بواسطة Seafood
في موضوعات خفيفة

 مشاركة

Recommended Posts

Seafood عضو جديد

Seafood

بتاريخ:
  • كاتب الموضوع
بتاريخ: (معدل)

لو سمعت واحدة بتقول " إنا عيبي الوحيد إني طيبة وعلى نياتي وكل الناس بتعرف تضحك عليا " ... يبقى أكيد مصرية ...

تم تعديل بواسطة Seafood

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
  • الردود 51
  • البداية
  • اخر رد

أكثر المشاركين في هذا الموضوع

الأيام الأكثر مشاركة

أكثر المشاركين في هذا الموضوع

الأيام الأكثر مشاركة

Byte عضو جديد

Byte

بتاريخ:
بتاريخ:

لو لقيت واحد بيقول

هااررررححححلللك

يبقى اكيد كويتى

المصرى بقى هو اللى عليطول بيترحل!

لا إله إلا أنت سبحانك إني كنت من الظالمين

لا إله إلا الله وحده لا شريك له، له الملك وله الحمد وهو على كل شيء قدير

رابط هذا التعليق
شارك
guivara عضو جديد

guivara

بتاريخ:
بتاريخ:

"لو سمعت واحدة بتقول " إنا عيبي الوحيد إني طيبة وعلى نياتي وكل الناس بتعرف تضحك عليا " ... يبقى أكيد مصرية"

لأ دي مش واحدة مصرية و بس!

دي كمان فنانة,في مرحلة الإنتشار, و أثناء إجراء حوار تلفزيوني عالقناة الأولى!! tot::

بالأمارة الجملة اللي بعدها" الحاجة اللي بتأسر فيه منزر طفل بيعيط,, ماقدرش أمسك نفسي و أعيط أنا كمان"..

rs:

رابط هذا التعليق
شارك
crossfield عضو جديد

crossfield

بتاريخ:
بتاريخ:

لو شفت واحد عنده البلعوم مخروم و الكلة مش موجودة و ومع كده مقتنع بإنه أسد و صحته عال العال و ميقدرش يبطل أكل محشى و فلفل و بتنجان... tot::

و لو شفت واحد أول ما تشوفه ياخدك بالحضن و يظهر اهتمامه البالغ بمشاكلك و فى غيابك تعرف انه بيلعن سنسنسنسنسنفيل جدودك... fsh::

و لو سمعت واحد بيتوعد لواحد انه هيعمل فيه مش عارف ايه و هيطلع عينيه و بعد كده ينزل على مفيش و يقولك ما محبة الا بعد عداوة... rs:

و لو ...

كملوا انتو ابقى.

أنا كنت شىء وصبحت شىء ثم شىء

شوف ربنا .. قادر على كل شىء

هز الشجر شواشيه ووشوشنى قال :

لابد ما يموت شىء عشان يحيا شىء

عجبى !!

رابط هذا التعليق
شارك
هيثم نافع عضو جديد

هيثم نافع

بتاريخ:
بتاريخ:
لو إتصلت بيه في التليفون , وقال لك من غير مناسبة " كل سنة وإنت طيب " .. فتأكد أنه مصري ...

دا أنا مصري كده على الأخر ....

الكلمة دي لا تفارقني تقريبا ...و خاصه لمّا بكون بتكلم مع و احد مهم "يعني "

ليه لمّا أودّك تمنعني

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

- لو كنت بتسأل على عنوان وعايز تروح المهندسين ومشيت حسب الوصفة السحرية وبقدرة قادر لقيت نفسك في مدينة نصر ... يبقى انت اكيد سألت واحد مصري على العلوان . rs:

- لو كنت ساكن في حته مقطوعة وقعدت تصرخ في نص اللليل عشان جاتلك الزايدة وأغمى عليك وفجأة صحيت ولقيت نفسك في مستشفى .. يبقى اللي عمل معاك الواجب مصري .

- لو إنسان كبير في السن طلع وسيلة مواصلات ولقيت العديد من الركاب بيتسابقوا لمساعدته وإجلاسه في احسن مكان .. يبقى كل دول مصريين .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
kfaya عضو جديد

kfaya

بتاريخ:
بتاريخ:

لو الركاب فى محطة الاوتوبيس واقفين لغاية نصف الشارع ..... يبقى دول ,,,,

لما سواق الاوتوبيس أو الميكروباس يقف على بعد مترين من الرصيف عشان ينزل الركاب ..... يبقى السواق دة ,,,,,,

لما تسأل واحد على عنوان و يرد يقولك , "هو ما قال لكش جنب ايه" ....... انت سألت واحد ,,,,,

و لما يقول لك أصل أنا مش من هنا ..................... هو برضه ال ,,,,,,,

و لما يقول لأمين الشرطة يا باشا .................. ده أكيد ال,,,,,,,

و لما ركبة تخبط فى بعضها من الرعب و هو داخل القسم يعمل بطاقة الرقم القومى ........................ هو ده ال ,,,,,,,,,

و لما عربية تعمل حادثة فى الطريق الصحراوى أو الزراعى , و فى ثوانى تقف لها خمسين عربية ينقذوا المصابين و يعدلوا العربيات و لو اضطروا يشيلوهم من على الأرض ........................ هم دول المصريين

رابط هذا التعليق
شارك
KANE عضو جديد

KANE

بتاريخ:
بتاريخ:

لما تلاقي الناس بتتخانق بصوت عالي وكل الموضوع بيخلص كلام وبس rs:

لما صوتهم يعلا مهما كان المكان أو الظرف اللي هم فيه rs: جامع او جنازه أو أو ....

( السنه اللي قبل اللي فاتت في الحج واحنا ماشيين في المخيمات في منى لقينا الصوت العالي الحياني ولما قربت اتضح انهم رحله مصريه واتخانقوا مع الشركه طبعا انا كنت في نص هدومي لأنهم كانوا فرجة الناس كلها خصوصا بتاع الشرطه كان واقف يتفرج وهو مبتسم)

لما تلاقي ناس مش مهتميه انها تجيب خريطة للبلد اللي انت رايحها وتبصلك tot:: كما لو كنت مغفل اشتريت التروماي لما اشتريت خريطه للبلد أو المدينة اللي انت مسافر ليها

لما تكون نازل بلد في الغربه لو لقيت جد بيستضيفك اول شهر -لغاية لما تلاقي شقه- ويديلك فلوس -او يعزم حتى- لغاية لما تقبض اول مرتب rs: ابتسم انت تعامل مصري اصيل (النيل رواه والخير جواه )

لو فجأه لقيت اي خد بيعيط في مواصله mf( والكل مهتم بيه والكل بيحاول يخفف عنه ويشوف مشكلته ويحاول يحلها ابتسم rs: انت في مصر

لو لقيت مشكله أو خناقه في الشارع (بس بالكلام) والناس بتحاول تهدي النفوس ابتسم انت في مصر

لو لقيت الناس سهرانه في الشوارع لغاية 3 أو 4 بالليل tea))(:

"نحن شعب ينتحر -بمزاجه- إنتحاراً جماعياً ببطء كين

~~~~~

قال رسول الله صلى الله عليه و سلم : "انها ستكون سنون خداعات .. يخون فيها الأمين ويؤتمن فيها الخائن .. ويكذب فيها الصادق .. ويصدق فيها الكاذب .. وينطق فيها الرويبضة .. قالوا وما الرويبضة يا رسول الله ؟ قال : الرجل التافه يتكلم فى أمر العامة

~~~~~

فكيف إذا جئنا من كل أمة بشهيد وجئنا بك على هؤلاء شهيدا (41) يومئذ يود الذين كفروا وعصوا الرسول لو تسوى بهم الأرض ولا يكتمون الله حديثا (42){النساء}

رابط هذا التعليق
شارك
se_ Elsyed عضو جديد

se_ Elsyed

بتاريخ:
بتاريخ:

- لما تلاقي ناس دايماً بتتكلم عن الصحة والستر ... يبقى دول مصريين .

- لما تلاقي أب وأم لسه بيشيلوا هم ولادهم حتى بعد ما تزوجوا وانجبوا اطفال ... يبقى دول مصريين .

- لما تلاقي ست جدعه عندها 19 سنة وزوجها توفي وترك وراءه طفل مازال في أحشاءها فوهبت له حياتها لتعلمه وتربيه دون ان تمد يدها لأحد .. تبقى دي مصرية .

( على فكره إبن عمي توفى في حادث اتوبيس سنة89 وكان لسه متزوج وزوجته حامل في شهرها السادس وحتى الآن مازالت ترفض الزواج من اجل إبنها ... ومش هي بس ولكن رأيت في المجتمع المصري كثيراً من تلك النماذج التي لها فلسفتها الخاصة ورؤيتها للحياة التي تعيشها من خلال أولادها ) .

- لما تلاقي أبناء في عائلة ما بيعاملوا الجد والجده على انهم ملوك متوجه على العرش ... يبقى دول مصريين .

- لما تلاقي أبناء تدمع عيناهم حينما تُذكر سيرة أباءهم الراحلون حتى ولو بعد عشرات السنين ... يبقى دول مصريين .

- لما تلاقي ناس بدل ما تحتفل وتفرح في أي مناسبة أول حاجة تفكر فيها تروح تقرا الفاتحة لأمواتهم ... يبقى دول مصريين .

- لما تلاقي سيدة في الرايحة والجاية عماله تدعي لأولادها ... تبقى دي أم مصرية .

- لما تلاقي ناس بتتولد وتخرج للحياة وهم كارهين لليهود وسيرتهم ... يبقى دول مصريين حقيقيين .

الأحـــرار يؤمنون بمن معه الحق ..

و العبيــد يؤمنون بمن معه القوة ..

فلا تعجب من دفاع الأحرار عن الضحية دائماً ..

و دفاع العبيد عن الجلاد دائماً

رابط هذا التعليق
شارك
BenNeal عضو جديد

BenNeal

بتاريخ:
بتاريخ:

لو شفت واحد وقف فجأة و هو ماشى فى الشارع و مد ايده على حتة عيش مرمية على الأرض وقام رافعها لراسه قبل مايحطها جنب الرصيف... يبقى الواحد (او الواحدة) ده مصرى.

لو شفت عامل او ماخد اجرته قام رافعها لراسه و بص فوق و حمد ربنا قبل مايحط الفلوس فى جيبه ... يبقى مصرى.

لو راكب طيارة والركاب صقفت عند الهبوط.. يبقى انت فى مطار مصرى او شركة طيران مصرية.

لو انت فى مستشفى و طلبوا منك تجيب الدوا من اجزخانة جنبهم... تبقى مستشفى مصرى.

لو انت فى بلد تقريبا كل يوم فى الأسبوع هو عطلة اما لمدرسة او محل او مهنة او مصلحة حكومية ... تبقى انت فى مصر.

{إِنَّ اللهَ اشْتَرَى مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ يُقَاتِلُونَ فِي سَبِيلِ اللهِ فَيَقْتُلُونَ وَيُقْتَلُونَ وَعْدًا عَلَيْهِ حَقًّا فِي التَّوْرَاةِ وَالإِنْجِيلِ وَالْقُرْآنِ وَمَنْ أَوْفَى بِعَهْدِهِ مِنَ اللهِ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ وَذَلِكَ هُوَ الْفَوْزُ الْعَظِيمُ}.

{وَلاَ تَحْسَبَنَّ الَّذِينَ قُتِلُوا فِي سَبِيلِ اللهِ أَمْوَاتًا بَلْ أَحْيَاءٌ عِنْدَ رَبِّهِمْ يُرْزَقُونَ * فَرِحِينَ بِمَا آتَاهُمُ اللهُ مِن فَضْلِهِ وَيَسْتَبْشِرُونَ بِالَّذِينَ لَمْ يَلْحَقُوا بِهِم مِّنْ خَلْفِهِمْ أَلاَّ خَوْفٌ عَلَيْهِمْ وَلاَ هُمْ يَحْزَنُونَ}.

رابط هذا التعليق
شارك
ELSHARIF عضو جديد

ELSHARIF

بتاريخ:
بتاريخ:

لما تجد المصليين يبكون بصوت عال في دعاء القنوط أو دعاء الوتر في صلاوة التراويح فتأكد أنك في مصر mf(

coollogo_com_9051365.gif
رابط هذا التعليق
شارك
Seafood عضو جديد

Seafood

بتاريخ:
  • كاتب الموضوع
بتاريخ:

ولو عايش برة مصر , وسألته والده بيشتغل إيه , وقالك كان عمدة .. يبقى أكيد مصري

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك
فــيــروز عضو جديد

فــيــروز

بتاريخ:
بتاريخ:

هذه الصفه حرت هل يمكن تصنيفها كعيب ام ميزه فى الشخصيه المصريه :D

اذا رايته/رايتها حريص على ان يشترى هدايا لاقاربه و معارفه و اصدقائه حتى لو كان ذاهب الى طنطا وراجع .. وحتى لو عاد من غير ولا مليم فى جيبه فربما يكون مصري :)

من عدة سنوات كنا فى رحله الى الاقصر و اسوان .. واشترينا هدايا للاقارب و الاصدقاء بالتدريج حتى وصلنا الى اليوم الاخير .. كان لازم نشترى هدايا لباقى الاقارب والا هيبقى فيه احساس بالحرج واشمعنى جبنا لفلان وماجبناش لعلان !! blw)

واشترينا هدايا بكل ما معنا من نقود ولم يبق معنا الا مبلغ لا يزيد عن عشره جنيه !! والمشكله ان العوده كانت بالطائره فقلت مش مشكله فيه اتوبيس مكيف من المطار للبيت و مش هنحتاج فلوس كتير .. تقوم الطياره متجيش ونتلطع فى المطار اكثر من عشر ساعات ومانقدرش حتى نشترى كوباية شاى mf( .. و الالذ من كده ان مفيش اتوبيسات كانت موجوده وقت وصولنا مطار القاهره وطبعا خدنا تاكسى وقلنا له استنى تحت وانا فضلت معاه رهن لحد ما جبنا فلوس من البيت .. بس فعلا كان موقف قاسى جدا خلانى احس ان اللى عملناه ده كان غباء ليس له اى تفسير :P

وما ذكرنى بهذا الموضوع انه تكرر بشكل مقارب فى رحلة مرسى مطروح الاخيره !! ماما و اختى مصرين يشتروا حاجات عجيبه فيه منها فى القاهره .. المشكله هذه المره لم تكن فى الفلوس اللى اتصرفت وانما فى ان الشنط اللى معانا زادت واحنا اصلا ماكناش قادرين نشيل الشنط اللى جينا بيها لدرجة انى اتعصبت عليهم يوم السفر بسبب الموضوع ده h): .. يا جماعه احنا مش رايحين الحجاز و الشنط و الشباشب و اللب الابيض موجودين فى القاهره والناس مش ماشيين حافيين فى انتظار شباشبكم .. طبعا كنت اقابل بنظرات استهجان B) او تطنيش تام لكلامى ولا كانى هوا يا ثامح .. ;)

انا مش عارفه هل هذه الصفه توضع تحت بند الكرم و الجود و تذكر الاحباب فى كل وقت cl: .. ام توضع تحت بند نمط استهلاكى غير مبرر اطلاقا .. ده احنا جبنا لب يفتح مقله :P ..

"أَمْ مَنْ يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ أَإِلَهٌ مَعَ اللَّهِ قَلِيلًا مَا تَذَكَّرُونٌَ"

صدق الله العظيم

-----------------------------------

قال الصمت:

الحقائق الأكيده لا تحتاج إلى البلاغه

الحصان العائد بعد مصرع فارسه

يقول لنا كل شئ

دون أن يقول أى شئ

tiptoe.gif

مريد البرغوثى

رابط هذا التعليق
شارك
ragab2 عضو جديد

ragab2

بتاريخ:
بتاريخ:

أعرفه

من ريحته

محشى ومسقعة وطعمية

وملوخية بالأرانب

مصر أكبر من نظام الحكم الفردى الديكتاتورى الإستبدادى

الذى فرضه علينا عسكر حركة يوليو فى الخمسينات

وصار نظاما لحكم مصر

برنامج الرئيس الإنتخابى لإسكان فقراء الشباب ..

سرقه مسؤولون وزارة الإسكان مع المقاولين ..!

رابط هذا التعليق
شارك
ابو يوسف عضو جديد

ابو يوسف

بتاريخ:
بتاريخ:

أسمر ....

جدع و شهم و راضى بقليله و حامد ربنا ...

وشايل بطيخة فى ايد و الجرنال فى الايد التانية و لافف منديل حوالين الياقة .

بيقول السلام عليكم لكل الناس ...

بيخبط بايده على صدره رد للسلام ...

أكيد ده مصرى !!!

أحاول إحراقَ كلِ النصوصِ التي أرتديها.

فبعضُ القصائدِ قبْرٌ،

وبعضُ اللغاتِ كَفَنْ.

وواعدتُ آخِرَ أنْثى...

ولكنني جئتُ بعد مرورِ الزمنْ...

...

! !

من قصيدة " متى يعلنون وفاة العرب؟؟"

لنزار قبانى

رابط هذا التعليق
شارك
DARWEEN عضو جديد

DARWEEN

بتاريخ:
بتاريخ:

لو واقف في أي مكان أو أي مواصله ولقيت اللي جنبك بيحكيلك عن مشاكله وبياخد ويدي معاك كأنه متربي معاك ... يبقى أكيد مصري

لو واحد حصلتله مصيبه ولقيته بيقول (( الحمدلله قدر ولطف)) يبقى هو المصري

وعلى رأي محمد رشدي ... لو عديت على ناس بتقولك مرحب مرحب .... وأتفضل يابيه ... والشاي عالنار ... يبقى مش ممكن يكونوا غير مصريين

لو أتكعبلت في الرصيف ولقيت 100 أيد بتتمد تقومك وتمسح التراب عن هدومك ... وواحد بيجري يجيبلك كرسي والتاني بيناولك كباية ميه يبقى لازم تكون في مصر مش في أي مكان تاني

بالمناسبه ... عجبني جدا تعليق من نشوى قالت فيه عن مصر .. بلد أستثنائيه .. وهي فعلا بلد أستثنائيه ومعجزه

القسوة أن ألقاك غريبا ... في وطن ناء عن وطنك

والأقسى غربة أنفاس ... بين الخلان وفي أهلك

رابط هذا التعليق
شارك
Farah عضو جديد

Farah

بتاريخ:
بتاريخ: (معدل)

لو رحت مستشفي خارج مصر ولقيت حجرت مريض مليئه بالزوار يبقي المريض مصري والزوار كمان مصريين

تم تعديل بواسطة Farah
رابط هذا التعليق
شارك
Seafood عضو جديد

Seafood

بتاريخ:
  • كاتب الموضوع
بتاريخ:

لو سمعت ناس بتصوت , وتولول , وتعدد على واحد ميت .. يبقى أكيد الميت مصري ...

سيتوصل المصريون إلى حلول لمشاكلهم ...عندما يكفون عن النظر إليها

بعيون أمريكية

يقاد للسجن من سب الزعيم .. ومن سـب الإله فإن النـاس أحـرار

يخاطبني السفيه بكل قبح *** وآسف أن أكون له مجيبا

يزيد سفاهة وأزيـد حلما **** كعود زاده الاحراق طيبا

رابط هذا التعليق
شارك

انضم إلى المناقشة

You are posting as a guest. إذا كان لديك حساب, سجل دخولك الآن لتقوم بالمشاركة من خلال حسابك.
Note: Your post will require moderator approval before it will be visible.

زائر
أضف رد على هذا الموضوع...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   تمت استعادة المحتوى السابق الخاص بك.   مسح المحرر

×   You cannot paste images directly. Upload or insert images from URL.

×
 مشاركة
عودة لقائمة الموضوعات

  • المتواجدون الآن   0 أعضاء متواجدين الان

    • لا يوجد أعضاء مسجلون يتصفحون هذه الصفحة
×
×
  • أضف...