هذا ما شاهدته في مصر في رحلتي الأخيرة

[se_ Elsyed]

أنا لست سائحاً أجنبياً وغريب عن بلدي

أو شامتاً وأنظر لها بعين التكبر والنقد

ولا أنا إنسان أسعى للهجرة ... فالحمد لله ليست في خططي بالمره ..

ولا أنا متشاءم ..

بالعكس .. دي ياما دول بتخرج من الحروب متسوية بالأرض وبتنهض وبتقود الدنيا كلها

-----------

وتواجدي الأخير في مصر كان قبل أحداث تونس وبعدها .. ولسه واصل السعودية أمس فقط في زيارة سريعة لمصر لم تستغرق أياماً ...

ومش هاتكلم واقول أحياء شعبية ولا كلام من ده لإن هناك أحياء في قلب القاهرة .. بالنسبة للحكومة ليست على الخريطة بالمرة ...

أنا هاتكلم عن فرع شركتنا في مدينة نصر وتحديداً في تقاطع مصطفى النحاس مع عباس العقاد .... شعبي برضو ولا حي راقي ؟

ولأني قضيت في الشركة يوم كامل ... فأردت أن أستخدم الحمام هناك كأي إنسان عادي ....

نأسف يا باشمهندس ... الميه قاطعه وده شيء عادي ومتكرر ولازم تاخد على كده ....

.... قلت مش إشكال ...

إنزل عشان اروح وأركب العربية اللي ركنتها قريب من الشركة ... أجد اكوام أكياس قمامة مرميه تسد عين الشمس .... أدور ببصري إني ألاقي صندوق زبالة الناس ترمي فيه وبالتالي نلومهم لو رموا في عرض الشارع .. كل سنة وإنت طيب ...

ما فيش يومين والمطر نزل لمدة نص ساعة ... وعينك ما تشوف الا النور ورجعت 100 سنة لورا أيام ما كنت فاضي وباسافر بلدنا في الأرياف ومنظر الطين والبرك اللي ماليه الدنيا لإن ده طبع الأرياف ومش معقول وسط الغيطان هالاقي طرق متسفلته أو ممهدة...

وفي لمح البصر تحولت قاهرة المعز لدين الله الفاطمي إلى برك من الطين ....

الغريب إني قرأت في الجرايد تحذير من هيئة الأرصاد إن يوم الجمعة والخميس والسبت سيشهد طقس سيء ممطر بغزارة عشان المحليات تاخد حذرها ..

وفعلاً قابلت صديق يعمل في المحافظة وقال لي إنهم شدوا طواريء لمدة 72 ساعة ... الكلام ده كان يوم الخميس ..

إني اقابل طاريء من الطواريء دول .... أبداً

وكل اللي قابلتهم كانوا ناس كبيره في السن من المحليات ماسكين مقشات وبيكنسوا المياه المنهمرة ولا حول ولا قوة إلا بالله

وبقى الواحد ماشي في الشارع والطينة جايه لحد ركبه ..

نزلت بعد صلاة الفجر بالظبط كان عندي مشوار ... ومن اللي شوفته دعيت على مبارك إن ربنا يورينا فيه ايام سودا ويكون عِبرة لكل من لا يتقي الله في شعبه

اقسم بالله والله على ما اقول شهيد ...

طوابير من السيدات وكبار السن ... خلوا بالكم .. بعد صلاة الفجر مباشرة والدينا برد بطريقة فظيعة وتقترب درجة الحرارة من الصفر ... والظلام دامس .... طوابير أمام أكشاك الخبز اللي كانت لسه قافله وفاضل لها ساعة زمن وتفتح ..... وكل ده عشان بجنية خبز لكل شخص لإن ده هو اللي مسموح به ...

طلع النهار شوية .. وأنا ماشي إلا وأجد طوابير وخناقات أخرى على مخازن أنابيب الغاز ....

ودعيت عليه تاني هو واللي معاه واللي رجعونا 100 سنة لورا ...

سرحت بخيالي كده وتذكرت أشياء .... هاتستعجبوا عليها

تخيلوا ... لأكثر من 30 سنة ... أرى نفس هيئة وشكل شارع عام رئيسي تستخدمه الأتوبيسات والسيارات وعليه ضغط شديد ... بنفس هيئته طول الفترة دي بل بالعكس حالته تتدهور ... مش هو بس .. لأ ده الاف من الشوارع الموجوده في البلد بنفس المنظر

مثال بسيط .... حد مشي في شارع ترعة الجبل كده من أوله لحد القصر الجمهوري ... واخدين بالكم ... القصر الجمهوري ؟ ... ويقول لي رأيه

ذهبت لزيارة بيت العيلة .... إلا وأجد نفسي في حالة كإن د طائرات معادية أغارت على المنطقة باكملها وكسرت شوارعها تماماً وأصبحت لا تصلح حتى لمرور الدواب ....

إيه يا جدعان ؟

قال لك ده جم من شهور حفروا لتركيب مواسير الغاز الطبيعي وسابوا الشوارع جميعها زي ما هي ... أه والله

بالمناسبة هما حطوا المواسير بس ولسه الغاز لما أسرائيل تستكفى إن شاء الله ...

وخد عندك بقى في كل مكان ... تكاتك زي ما تكون بتتكاثر ذاتياً وتسير عكس الإتجاه وهيصه ....

حتى المترو .. حتى مترو الأنفاق لم يسلم من ذلك ..

وعرفت وشوفت بعيني بعد ما عرفت . غن عشان ما فيش صيانة لمحطات الكهربا الرئيسية ناحية حلوان .. والطرف الأخر ناحية المرج ... بقت المتروهات بتتحول ( يدوياً ) ... أه والله تخيلوا ؟

لإن لو لاحظتم إن في حرائق كانت متكررة في المحطات دي ..

وفعلاًُ لو حد ركب المترو - وقد كان - هايلاحظ في غمره وسراي القبة والمطرية والمرج .. المترو بيقف كتير جداً ... لحد ما يحولوا القضبان بإيدهم عشان يقدر يمشي في مساره الصحيح وسألت ناس هناك قالوا لي إن الفرنساويين هاييجوا قريب إن شاء الله عشان يصلحوه ....

ملحوظه ... الموضوع بقى له 6 شهور ..

وشكل الفرنسيس جايين على رجليهم عشان يوفروا ثمن التذاكر

----------

كله كوم وإني أقابل ناس كانت مرشحة نفسها في مجلس الشعب .. كوم تاني

ملحوظة .... مش من المعارضة الوحشين عشان ما حدش يقول دول حاقدين وبيقولوا كده عشان سقطوا

ولكنهم أخواتي المؤمنين والمؤمنات - وحدوا الله معايا كده - .. من الحزب الوطني .. وإحنا عارفين إنهم أول مره يعملوها وينزلوا مرشحين من الحزب ضد بعض ..

وإسمع المهازل ..... ومن أخويا طبعاً اللي الحمد لله ربنا تاب عليه وساب لهم الجمل بما حمل ...

لا تقولي صناديق ولا كتاكيت ... العملية كانت اشبة بلعب الثلاث ورقات في المولد .. ودي لعبة الحرامية بالمناسبة ...

وكله كان بالتليفون ونجحوا ده وسقطوا ده ....

الأغرب بقى واللي خلاني أضحك ... ناس بتقسم لي ...- من الحزب - إن كان في حاجة مبتكرة المره أنا سميتها عالسريع كده لعبة الـ Reserved boxes

يعني مثال .. كانوا عاوزين ينجحوا عضو معين من حزب الوفد ... تخيلوا ؟

بالمناسبة أنا كنت بأشوف الراجل ده كل يوم عالتليفزيون في مختلف البرامج .. وقلت الراجل ه هاينجح غصب عن التخين ... إسمه " عاطف الأشموني " ... وأتصل به قبل الإنتخابات مصطفى شردي وبارك له وقال له إنت يابني ناجح ناجح لإن الحزب عاوز كده

المهم ... كان الفرز يبدأ ... ولما يقربوا يوصلوا للنهاية .. ويلاقوا عندهم عجز في أصوات فلان اللي عاوزين ينجحوه ... يروحوا متصلين بالقيادة العُليا ... إبعت يابني 8 صناديق عاطف الأشموني .... وزززززززززززززززو ... تلاقي الصناديق العجيبة جت وما فيش لا قاضي يقدر يعترض ولا يفتح بؤه ....

وبكده ينجح غصب عن التخين ...

على فكرة ده مثال بسيط .... واللي كان ناجح ومكتسح أمامه هو مرشح الحزب الوطني الرسمي ... أه والله

الراجل اللي سقط ده وكان واخد كل الأصوات دي في المستشفى دلوقت بيتعالج من الصدمة .... عارفينه ؟ هو مالك مجموعة مدارس " مودرن سكول "

ما علينا ....

وخد عندك بقى شهادات مؤكدة عن رشاوى مدفوعة عيني عينك للقضاة حماة العدالة عشان يصهينوا ويغضوا الطرف عما يحدث

وكل المحصلة دي طبعاً كانت المهزلة اللي شوفناها ومن إكتساح باكثر من 95 % للحزب الوطني

كل ده ومستكترين علينا نبقى زي تونس ونشنق هؤلاء اللصوص في ميدان عام ؟

[The Sun]

:malta:

[shiko]

شـــــــــــــــاهد على العـــــــــصر

بالنوسبة لتكرار قطع المياه ....فده علشان الشعار تحول من مشربتش من نيلها إلى مشربتش من طينها ....

وجارى البحث عن طينها !!

بالنوسبة لاكوام ....لامؤاخذة الزبالة ....فده مشهد من المشاهد الوطنية ...ايون ...اصل جمع القمامة واجب وطنى ...

فحتما ولا بد الزبالة تبقى جزء من الكل ....اللى هو احنا ....(الحقيقة انا موش فاهمة شخصيا الجملة اللى فاتت )

بالنسبة بقى للمطر والكلام اللى مامنوش فايدة ده احب اضيف لحضرتك موقف حصلى انا شخصيا يوم المطرة ...

طلعت من شيراتون فى تمام الساعة الثامنة .....وصلت لحد السندباد ...الساعة الحادية عشر وتمنتاشر دقيقة ...احد احد ....اى والله ....ونسأل هو فيه ايه يا خوانا السكة مقفولة ليه ....يردوا ويقلوا بمنتهى السذاجة علشان بيشفطوا المية بتاعة المطر ...والحقيقة اول ما وصلت لغاية السندباد .....كانت المفاجأة وكأنى رحت الساحل الشمالى ...لاقيت عربيات مغمن عليها و غرقانة فى على شاطىء بركة مياه راكدة تعلو فوق الرصيف ...وكله لابس بنطلونات بانداكور فى عز السقعة ...ونازل يزق

طب فين الشفط ؟؟ طب حتى شاليمو يا خواناينزح المية اللى هاتدخل علينا فى العربيات ...

....

ولا يسعنى فى هذا الموقف سوى ان اقول شكرا للسادة حماة الوطن ....ويبقى انت اكيد اكيد فى مصر

[امير مجروح]

حسبى الله نعم الوكيل

[دودو هانم]

s

أنا لست سائحاً أجنبياً وغريب عن بلدي

أو شامتاً وأنظر لها بعين التكبر والنقد

ولا أنا إنسان أسعى للهجرة ... فالحمد لله ليست في خططي بالمره ..

ولا أنا متشاءم ..

بالعكس .. دي ياما دول بتخرج من الحروب متسوية بالأرض وبتنهض وبتقود الدنيا كلها

-----------

وتواجدي الأخير في مصر كان قبل أحداث تونس وبعدها .. ولسه واصل السعودية أمس فقط في زيارة سريعة لمصر لم تستغرق أياماً ...

ومش هاتكلم واقول أحياء شعبية ولا كلام من ده لإن هناك أحياء في قلب القاهرة .. بالنسبة للحكومة ليست على الخريطة بالمرة ...

أنا هاتكلم عن فرع شركتنا في مدينة نصر وتحديداً في تقاطع مصطفى النحاس مع عباس العقاد .... شعبي برضو ولا حي راقي ؟

ولأني قضيت في الشركة يوم كامل ... فأردت أن أستخدم الحمام هناك كأي إنسان عادي ....

نأسف يا باشمهندس ... الميه قاطعه وده شيء عادي ومتكرر ولازم تاخد على كده ....

.... قلت مش إشكال ...

إنزل عشان اروح وأركب العربية اللي ركنتها قريب من الشركة ... أجد اكوام أكياس قمامة مرميه تسد عين الشمس .... أدور ببصري إني ألاقي صندوق زبالة الناس ترمي فيه وبالتالي نلومهم لو رموا في عرض الشارع .. كل سنة وإنت طيب ...

ما فيش يومين والمطر نزل لمدة نص ساعة ... وعينك ما تشوف الا النور ورجعت 100 سنة لورا أيام ما كنت فاضي وباسافر بلدنا في الأرياف ومنظر الطين والبرك اللي ماليه الدنيا لإن ده طبع الأرياف ومش معقول وسط الغيطان هالاقي طرق متسفلته أو ممهدة...

وفي لمح البصر تحولت قاهرة المعز لدين الله الفاطمي إلى برك من الطين ....

الغريب إني قرأت في الجرايد تحذير من هيئة الأرصاد إن يوم الجمعة والخميس والسبت سيشهد طقس سيء ممطر بغزارة عشان المحليات تاخد حذرها ..

وفعلاً قابلت صديق يعمل في المحافظة وقال لي إنهم شدوا طواريء لمدة 72 ساعة ... الكلام ده كان يوم الخميس ..

إني اقابل طاريء من الطواريء دول .... أبداً

وكل اللي قابلتهم كانوا ناس كبيره في السن من المحليات ماسكين مقشات وبيكنسوا المياه المنهمرة ولا حول ولا قوة إلا بالله

وبقى الواحد ماشي في الشارع والطينة جايه لحد ركبه ..

نزلت بعد صلاة الفجر بالظبط كان عندي مشوار ... ومن اللي شوفته دعيت على مبارك إن ربنا يورينا فيه ايام سودا ويكون عِبرة لكل من لا يتقي الله في شعبه

اقسم بالله والله على ما اقول شهيد ...

طوابير من السيدات وكبار السن ... خلوا بالكم .. بعد صلاة الفجر مباشرة والدينا برد بطريقة فظيعة وتقترب درجة الحرارة من الصفر ... والظلام دامس .... طوابير أمام أكشاك الخبز اللي كانت لسه قافله وفاضل لها ساعة زمن وتفتح ..... وكل ده عشان بجنية خبز لكل شخص لإن ده هو اللي مسموح به ...

طلع النهار شوية .. وأنا ماشي إلا وأجد طوابير وخناقات أخرى على مخازن أنابيب الغاز ....

ودعيت عليه تاني هو واللي معاه واللي رجعونا 100 سنة لورا ...

سرحت بخيالي كده وتذكرت أشياء .... هاتستعجبوا عليها

تخيلوا ... لأكثر من 30 سنة ... أرى نفس هيئة وشكل شارع عام رئيسي تستخدمه الأتوبيسات والسيارات وعليه ضغط شديد ... بنفس هيئته طول الفترة دي بل بالعكس حالته تتدهور ... مش هو بس .. لأ ده الاف من الشوارع الموجوده في البلد بنفس المنظر

مثال بسيط .... حد مشي في شارع ترعة الجبل كده من أوله لحد القصر الجمهوري ... واخدين بالكم ... القصر الجمهوري ؟ ... ويقول لي رأيه

ذهبت لزيارة بيت العيلة .... إلا وأجد نفسي في حالة كإن د طائرات معادية أغارت على المنطقة باكملها وكسرت شوارعها تماماً وأصبحت لا تصلح حتى لمرور الدواب ....

إيه يا جدعان ؟

قال لك ده جم من شهور حفروا لتركيب مواسير الغاز الطبيعي وسابوا الشوارع جميعها زي ما هي ... أه والله

بالمناسبة هما حطوا المواسير بس ولسه الغاز لما أسرائيل تستكفى إن شاء الله ...

وخد عندك بقى في كل مكان ... تكاتك زي ما تكون بتتكاثر ذاتياً وتسير عكس الإتجاه وهيصه ....

حتى المترو .. حتى مترو الأنفاق لم يسلم من ذلك ..

وعرفت وشوفت بعيني بعد ما عرفت . غن عشان ما فيش صيانة لمحطات الكهربا الرئيسية ناحية حلوان .. والطرف الأخر ناحية المرج ... بقت المتروهات بتتحول ( يدوياً ) ... أه والله تخيلوا ؟

لإن لو لاحظتم إن في حرائق كانت متكررة في المحطات دي ..

وفعلاًُ لو حد ركب المترو - وقد كان - هايلاحظ في غمره وسراي القبة والمطرية والمرج .. المترو بيقف كتير جداً ... لحد ما يحولوا القضبان بإيدهم عشان يقدر يمشي في مساره الصحيح وسألت ناس هناك قالوا لي إن الفرنساويين هاييجوا قريب إن شاء الله عشان يصلحوه ....

ملحوظه ... الموضوع بقى له 6 شهور ..

وشكل الفرنسيس جايين على رجليهم عشان يوفروا ثمن التذاكر

----------

كله كوم وإني أقابل ناس كانت مرشحة نفسها في مجلس الشعب .. كوم تاني

ملحوظة .... مش من المعارضة الوحشين عشان ما حدش يقول دول حاقدين وبيقولوا كده عشان سقطوا

ولكنهم أخواتي المؤمنين والمؤمنات - وحدوا الله معايا كده - .. من الحزب الوطني .. وإحنا عارفين إنهم أول مره يعملوها وينزلوا مرشحين من الحزب ضد بعض ..

وإسمع المهازل ..... ومن أخويا طبعاً اللي الحمد لله ربنا تاب عليه وساب لهم الجمل بما حمل ...

لا تقولي صناديق ولا كتاكيت ... العملية كانت اشبة بلعب الثلاث ورقات في المولد .. ودي لعبة الحرامية بالمناسبة ...

وكله كان بالتليفون ونجحوا ده وسقطوا ده ....

الأغرب بقى واللي خلاني أضحك ... ناس بتقسم لي ...- من الحزب - إن كان في حاجة مبتكرة المره أنا سميتها عالسريع كده لعبة الـ Reserved boxes

يعني مثال .. كانوا عاوزين ينجحوا عضو معين من حزب الوفد ... تخيلوا ؟

بالمناسبة أنا كنت بأشوف الراجل ده كل يوم عالتليفزيون في مختلف البرامج .. وقلت الراجل ه هاينجح غصب عن التخين ... إسمه " عاطف الأشموني " ... وأتصل به قبل الإنتخابات مصطفى شردي وبارك له وقال له إنت يابني ناجح ناجح لإن الحزب عاوز كده

المهم ... كان الفرز يبدأ ... ولما يقربوا يوصلوا للنهاية .. ويلاقوا عندهم عجز في أصوات فلان اللي عاوزين ينجحوه ... يروحوا متصلين بالقيادة العُليا ... إبعت يابني 8 صناديق عاطف الأشموني .... وزززززززززززززززو ... تلاقي الصناديق العجيبة جت وما فيش لا قاضي يقدر يعترض ولا يفتح بؤه ....

وبكده ينجح غصب عن التخين ...

على فكرة ده مثال بسيط .... واللي كان ناجح ومكتسح أمامه هو مرشح الحزب الوطني الرسمي ... أه والله

الراجل اللي سقط ده وكان واخد كل الأصوات دي في المستشفى دلوقت بيتعالج من الصدمة .... عارفينه ؟ هو مالك مجموعة مدارس " مودرن سكول "

ما علينا ....

وخد عندك بقى شهادات مؤكدة عن رشاوى مدفوعة عيني عينك للقضاة حماة العدالة عشان يصهينوا ويغضوا الطرف عما يحدث

وكل المحصلة دي طبعاً كانت المهزلة اللي شوفناها ومن إكتساح باكثر من 95 % للحزب الوطني

كل ده ومستكترين علينا نبقى زي تونس ونشنق هؤلاء اللصوص في ميدان عام ؟

الف شكر يا سين سين فتحت نفسنا ع الااااااااااااااخر دا الواحد كان بيعد الساعات والايام حلمه يسافر يبوس ترابها بس لاء ياعم يعني ابوس ترابها ومالاقيش ميه ولا نور وهوا نضيف ولا حتي لقمة العيش منك لله ياحسني قرفنا بره وجوه وماشاء الله عليك يا سين سين نقلت الصوره ال متعلقه ف بالنا ولما بنحن لها بننساها م الاخر قلبت علينا المواجع بس الدنيا بخير بردوا اهي لسه التكاتك موجوده واهي العيال بتستورزق منه :sad: :sad: :sad: ;)

تم تعديل 17 يناير 2011 بواسطة دودو هانم

[shiko]

الف شكر يا سين سين فتحت نفسنا ع الااااااااااااااخر دا الواحد كان بيعد الساعات والايام حلمه يسافر يبوس ترابها بس لاء ياعم يعني ابوس ترابها ومالاقيش ميه ولا نور وهوا نضيف ولا حتي لقمة العيش منك لله ياحسني قرفنا بره وجوه وماشاء الله عليك يا سين سين نقلت الصوره ال متعلقه ف بالنا ولما بنحن لها بننساها م الاخر قلبت علينا المواجع بس الدنيا بخير بردوا اهي لسه التكاتك موجوده واهي العيال بتستورزق منه :sad: :sad: :sad: ;)

http://www.youtube.com/watch?v=JvoDfzdUskA&playnext=1&list=PL1BF84277BF4D90C7&index=75

دودو هانم دى بمناسبة الكلمتين اللى فوق دول ....

يارب تكون الرسالة وصلت

مساكى خمسة سياسة ...قصدى سياجة ؟؟؟؟؟

[جسار]

الأول: حمد الله على السلامة يا عم س س

الثانى : أنا لى عتاب معك انت بالذات ، ومتزعلش منى ده عتاب الأحبه

لما حضرتك ذهبت للقاهرة ورأيت ما رأيت وسمعت ما سمعت ودعوت على اللى كان السبب

طيب ليه و انت موقفك أنت والزملاء المشرفون جميعا معروف بالوطنية وحب الوطن والغيرة عليه

فلماذا أذن عاقبتم زملائكم جميعا بوقف موضوع الاخ / آرش بتاع 25 يناير مع انه مافيش حد من

اللى شاركوا دعا الى الفوضى والتخريب ، كلنا بنحب بلدنا وبنخاف عليها زيكم ويمكن أكتر

فلماذا أذن بتحسسونا اننا مازلنا قصرا ونحتاج الى وصاية ... تحياتى ومعزتى للجميع

[hakeem]

موضوع جميل يا سى السيد ومبسوط بيه جدا واديك شفت الصورة على طبيعتها وفين ..؟فى القاهرة ..فما بالك بئا بالمناطق والمحافظات التانية...؟

علشان بس تعرفوا احنا بنهج من هنا ليه وبنرضى بأى شغل وممكن بفلوس قليلة كمان...

[المهندسه]

والله يا استاذ س س انتوا يا مشرفين حيرتونى على الاخر

والله انا من حوالى شهر كتبت موضوع بقول فيه ايجابيات شوفتها هنا فى السعوديه

و بستنكر جدا انها مش بتحصل فى مصر و قلت ربع ربع ربع ما حضرتك ذكرته

وكانت النتيجه ان مشرفين افاضل مش مشرف واحد هاجمنى جدا وقالولى كفايه بقه نسوء سمعه مصر هى الحكومه هتعمل ايه ولا ايه

و منهم مشرف شاب قاللى "والله الحكومه لو وزعت موبايلات على فرد فرد من الشعب مش هيعجب برضه"

و كأنى غلط فى الامام البخارى لما هاجمت الحكومه و شكرت فى بعض الحكومات الاخرى

طيب انا كده احترت ...اشتم ولا المشرفين مش هيعجبهم

اما بخصوص ما ذكرته يا ابو عمر ...ده حال مصر من زمان انت ليه مستغرب

هما بيقطعوا الميه علشان النيل بطوله عرضه ده مش مكفينا و كمان علشان دى حكومه متحضره بتشجع ترشيد المياه

وبخصوص الغاز ال حفروا علشانه و ماردموش الحفر ده برضه عادى اومال يعنى رئيس الحى تطلعله مصلحه منين هو متقاول على حفر وردم

دفع فلوس الحفر اما فلوس الردم جيبه اولى بيها و بكره الهوا و الرياح هتشيل ده كله ولا ماتشيلش وايه يعنى طز فى الشعب الغير الادمى ده

انا لما قلت فى موضوعى قبل كده ان فى السعوديه بيحترموا ادميه شعبهم و المواطن السعودى فوق الراس بالنسبه لحكومته

يبقى ماحدش يهاجم و يقولى "يبقى الحكومه هتعمل ايه ولا ايه"

لما اشكر فى ملك السعوديه علشان اعتذر لشعبه انه ما وقفش و هو بيكلمهم فى مرضه يبقى ماحدش يقوللى حكومه مصر تعمل ايه و لا ايه

اتفرج على الملك ال بيشكر شعبه ال مش مخليه محتاج حاجه و بيعتذرله كمان وبيقوله "مادمتم انتم بخير ..انا بخير"..شوف ادميه الشعب السعودى و قارن الفيديو ده بالشوفته فى مصر و حس اكتر بالحسره ...

http://www.youtube.com/watch?v=kx4FWPTBXMU

تم تعديل 17 يناير 2011 بواسطة المهندسه

[بركة]

معلش يا مهندسة مين قالك ان الشعب السعودي مش ناقصه حاجة ؟

انت مش بتقري صحف سعودية ... ;)

[سكر]

ايه ياعم سين سين الى انت بتقول عليه دة انت بتكلم فى رفهيه وكانك متضايق من رائحة عطر المواطن فى الاسانسير

نظافه ايه ومطر ايه وشوارع ايه دة كانت احلام وانتهت من زمان اسمع الى هقولهقولك

ولدتى تعبت جدا ودخلت المستشفى فى تطور غريب لحاله برد عادية تحولت الى انفلونز الخنازير

الدكتور امر بادخالها فى حجز طبيى فورى فى مستشفى يسمى مستشفى حكومى لانه هو الوحيد المجهز لذلك

تخيل الولدة جلست فى المستشفى 20 يوم بتكلفة 17 الف جنيه يعنى اليوم الواحد كان بالف جنيه وفين فى مستشفى حكومى وليس قطاع خاص او استثمارى والله حتى لو كانوا طلبوا فى اليوم 10000 الاف جنيه كنت هدفع لانها امى بس محدش يقولى ان فى علاج بالمجان تانى

مستوى المستشفى كان متوسط ولاطباء كانوا فعلا متخصصين وفاهمين ودة الى كان مريحنى و لكن المشكله فى اشياء غبيه جدا

اولا الادويه غاليه ولا تستطيع المستشفى توفيرها للمريض فاهل المريض لازم كل يوم ياخدو قائمة بالادويه ويشتروها من بره

المبنى مبنى عام 2003 ولكن تشعر انه من قبل الحرب العالميه ولكن مدهون

طبعا الدخول والخروج بتذاكر

البقشيش دة شى طبيعى جدا وانت طالع وانت نازل وانت حتى بتكح

المهم سيبك من كل دة دة مقدور عليه وشى طبيعى لكن الى مش طبيعى

هو ان ولدتى اتعالجت عند المدير السابق للمستشفى وهو الى حولنا الى هذة المستشفى فى نظير المتابعه لها بمبلغ 300 جنيه فى اليوم

كحساب الطبيب فقط انت فاهم هو عمل ايه

يعنى انت كشفت عند الدكتور فى العيادة حولك لمستشفى كان مدير سابق فيها نظير اجر يومى يتقضاة هو شخصيا بدون اوراق او مستندات

بخلاق اجر المستشفى و الادويه والتحاليل مقابل الاشراف عليها لمده لا تزيد عن خمس دقائق فى اليوم

فى البدايه لم استوعب الفكرة لحد ما عرفت ان الدكتور عندة مش اقل من خمس او ست حالات اسبوعيا على هذا الشكل

الغريب انه يتقاضى اجر يوم الجمعة وهو لم ياتى الجمعة باعتبارة اجازة

كفاءة الدكتور لا اختلاف عليها ولو طلب اكثر من ذلك فانا فى الاحتياج له ولكن اين المبدا والقيم الاخلاقيه للمهنه

ولدتى كل يوم تدعى للدكتور وتقوله ربنا يخليك بس انا مش قادر حاسس انه استغلالى بزيادة

خاصة لما عرفت ان الغرفه الى بجوارنا كانت بتدفع 500 جنيه له فى اليوم لان المريضه حامل

موقف اخر

انا ابنى فى الفترة دى تعب وصرفت عليه فى اقل من ثلاث ايام 500 جنيه بسبب الكحة وعملت اشعة عند دكتور اخر ولفيت خوفا من العدوة

وانا خارج من عندة لفها فى كيس بلاستك ابيض وقالى الاشعة بتاعت ابنك يا استاذ وكانى شارى من عندة كيلو لبن

انا كنت زيك لما اشوف الشوارع والتعامل مع الناس

لكن المرض له واقع مختلف على الناس ولو المرض مع فقر اعوذ الله مش هتعرف تعيش

عشان كدة كان نفسى امسك كارت تامين بوبه ابوسه واقوله وحشتنى مش عشان الفلوس والله ولكن عشان فى احساس بالامان من غدر المرض

المرض والاستغلال يفتك بالمصريين بقوة و الزحمة خلقت طبقه جديدة من المنتفعين بها ويتمنوا بقاء الوضع على ما هو عليه

[se_ Elsyed]

الزميلان العزيزان جسار والمهندسة ...

تفتكروا إيه اللي يخلي مُشرف يلغي موضوع أو يعدله منه لنفسه كده ؟

أولاً ما بيحصلش وكله بيتم بالتشاور مع باقي الأعضاء ..

ثانياً : هناك إعتبارات أخرى كثيرة غير الكلام وفتح المواضيع أو وضع المداخلات ... لأن زي ما أنتو عارفين إن مداخلة الواحد فينا بتنتهي عند ذلك .. لكن هناك إعتبارات أخرى منها مثلاً " الأمنية " ً وهو ما لا يعرفه الكثيرون وبدون الخوض في تفاصيل أخرى ...

لذا .. لكنا في مركب واحد ... وكلنا مسئولون ... لكن يظل هناك شيء مهم إسمه النظام والإدارة ...

[جويرية]

أجازتي في القاهرة كانت في نفس التوقيت تقريبا

كل يوم اصحي الصبح احمد ربنا علي المدينة الهادية اللي انا عايشة فيها

المواصلات في القاهرة شئ فظيع

كتر خير الناس اللي عايشين فيها

يا تري السادة المسئولين معندهمش حل لموضوع المواصلات ده

[المهندسه]

الزميلان العزيزان جسار والمهندسة ...

تفتكروا إيه اللي يخلي مُشرف يلغي موضوع أو يعدله منه لنفسه كده ؟

استاذى العزيز س س انا ماقزلتش انهم لاغوه او عدلوه...انا قولت انتقدوا نقدى للحكومه بشكل غريب

[المهندسه]

معلش يا مهندسة مين قالك ان الشعب السعودي مش ناقصه حاجة ؟

انت مش بتقري صحف سعودية ... ;)

استاذه بركه اكيد مافيش شعب عايش فى نعيم فى كل حاجه ...لكن ماتنكريش ابدا انهم حاسين بأدميتهم فى حاجلت كتييييييييييير اوى ....ولا طوابير عيش و لا طوابير غاز ولا رئيس مطلع عين شعبه و لا سرقه و نهب و الشعب مش لاقى رغيف عيش ....على الاقل هنا ال بيسرق بيسيب شويه للشعب برضه مش كله فى جيبه..

هو حضرتك ما شوفتيش الفيديو ...هو احنا عمر رئيسنا قالنا "انا بخير طول مانتوا بخير" ماهو كان عيان فى المانيا و عمل خطاب زى ده برضه ...بس هو كان طالع علشان ينفى اشاعه موته لانه عارف ان ده ال الشعب بيتمناه لكن ده طالع يطمنهم عليه علشان برضه عارف ان ده ال شعبه بيتمناه...عمر رئيسنا اعتذرلنا على اى شىء زى ما ده عمل......اكيد فى فرق ...ولو مش لامسين الفرق ده ..بصوا فى وشوش الناس الكادحه فى مصر هتلاقوا الظلم فى ملامحهم..

لو مافيش ظلم وغياب فرص عمل و قرف فى مصر ..كان ايه ال جابنا هنا ...كان ايه ال خلى مصر بقت من اكتر الدول فى عدد طلبات الهجره

عمرك شوفتى سعودى بيشتغل بره و لا مقدم على هجره ....انا مش بخص الشعب السعودى فقط او بعينه لاء المثل ده فى دول كتير مواردها اقل من مصر

لكن ضمير حكومتها صاحى شويه عننا ...عايزين يدفعوا بلدهم للافضل ..ولنا فى الصين اسوه ...بعد دمار قدرت فى عشرات السنين تكون اكبر قوه فى العالم

لدرجه انها بقت تشكل خطر على الدول العظمى...

[jamalpody]

بعد صمت طويل وعدم مشاركة واكتفائي بالقراءه فقط لا اجد بدا من المشاركة في هذا الموضوع

اعزائي المحاورتيه ماذا تريدون من النظام في مصر ؟؟؟؟

مصر كما يعلم الجميع دولة فقيرة محدودة الموارد تعيش علي المعونات الخارجية عدد سكانها يقارب ال90 مليون يعيشون في بقعة ضيقة جدا حول النيل والباقي صحراء جرداء لا زرع فيها ولا ماء

اي بلد في العالم يتحدد مستوي رفاهية شعبه بمستواه الاقتصادي بين بقية الامم

اين المستوي الاقتصادي لمصر وماهو ترتيبه

دولة نامية ذي مصر مش حقول متخلفه علشان الناس متزعلش

ماذا تنتظر من النظام وهو يكرر دائما جملته الشهيره ( حجيبلكم منين

فعلا حيجيب لنا منين اذا كنا دولة من افقر دول العالم اقتصاديا

فلنفكر بعقلانية اكثر مش كده ولا ايه

[se_ Elsyed]

بعد صمت طويل وعدم مشاركة واكتفائي بالقراءه فقط لا اجد بدا من المشاركة في هذا الموضوع

اعزائي المحاورتيه ماذا تريدون من النظام في مصر ؟؟؟؟

مصر كما يعلم الجميع دولة فقيرة محدودة الموارد تعيش علي المعونات الخارجية عدد سكانها يقارب ال90 مليون يعيشون في بقعة ضيقة جدا حول النيل والباقي صحراء جرداء لا زرع فيها ولا ماء

اي بلد في العالم يتحدد مستوي رفاهية شعبه بمستواه الاقتصادي بين بقية الامم

اين المستوي الاقتصادي لمصر وماهو ترتيبه

دولة نامية ذي مصر مش حقول متخلفه علشان الناس متزعلش

ماذا تنتظر من النظام وهو يكرر دائما جملته الشهيره ( حجيبلكم منين

فعلا حيجيب لنا منين اذا كنا دولة من افقر دول العالم اقتصاديا

فلنفكر بعقلانية اكثر مش كده ولا ايه

إنت بتتكلم جد ؟ !!!!!!!!!!!

[المهندسه]

بعد صمت طويل وعدم مشاركة واكتفائي بالقراءه فقط لا اجد بدا من المشاركة في هذا الموضوع

اعزائي المحاورتيه ماذا تريدون من النظام في مصر ؟؟؟؟

مصر كما يعلم الجميع دولة فقيرة محدودة الموارد تعيش علي المعونات الخارجية عدد سكانها يقارب ال90 مليون يعيشون في بقعة ضيقة جدا حول النيل والباقي صحراء جرداء لا زرع فيها ولا ماء

اي بلد في العالم يتحدد مستوي رفاهية شعبه بمستواه الاقتصادي بين بقية الامم

اين المستوي الاقتصادي لمصر وماهو ترتيبه

دولة نامية ذي مصر مش حقول متخلفه علشان الناس متزعلش

ماذا تنتظر من النظام وهو يكرر دائما جملته الشهيره ( حجيبلكم منين

فعلا حيجيب لنا منين اذا كنا دولة من افقر دول العالم اقتصاديا

فلنفكر بعقلانية اكثر مش كده ولا ايه

حضرتك بتتكلم بجد و لا مستنكر بطريقه فكاهييه؟؟؟؟!!!!

مين قال ان مصر تعيش على المعونات ..مصادر مصر كتيره جدااا منها

السياحه

البترول و الغاز

التعدين فى سيناء

قناه السويس"دخلها بلملايين يوميا لانها محور ربط العالم ببعضه"

تصدير بعض المنتجات منها القطن عال الجوده

ده ال يحضرنى حاليا

بمعنى ان مصر عندها موارد كفايه قناه السويس لكن فين الضمير ...الحراميه كتروا فى البلد مش عاوزين يفوتوا فتفوته للشعب الغلبان

بس برضه عاوزه اعرف حضرتك بتتكلم بجد؟؟؟

[se_ Elsyed]

إنتي نسيتي حاجه مهمه يا أم ليلى

نيل .. وبحرين .... وجيش من البحيرات العذبة .... وقوة بشرية هائلة ..... وغازززززززززززززززززززززززززز طبيعي يسد عين الشمس ...

[المهندسه]

إنتي نسيتي حاجه مهمه يا أم ليلى

نيل .. وبحرين .... وجيش من البحيرات العذبة .... وقوة بشرية هائلة ..... وغازززززززززززززززززززززززززز طبيعي يسد عين الشمس ...

والله عندك حق يا استاذ س س بس رأى الاستاذJAMAL صدمنى شويه واعتقد انه مش مصرى ...يعنى ماشربش من نيلها علشان كده مايعرفش