لليوم التالي على التوالي : محام يشعل في نفسه النيران أمام مجلس الشعب

[الغريب]

مواطن مصري يشعل النار في نفسه أمام مجلس الشعب وهو يهتف ضد «أمن الدولة»

قالت شاهدة عيان لـ«المصري اليوم» إن مواطنا أشعل النار في نفسه في نحو التاسعة من صباح اليوم الاثنين أمام مجلس الشعب وهو يردد هتافات مناوئة لـ«جهاز أمن الدولة» المصري.

وأضافت الشاهدة في اتصال هاتفي أن الرجل وقف على رصيف مجلس الوزراء المقابل للبوابة الرئيسية لمجلس الشعب وسكب علي نفسه البنزين ثم هتف: «أمن الدولة يا أمن الدولة، حقي ضايع في الدولة»، قبل أن يشعل النار في نفسه.

وقالت الشاهدة إن «النيران أمسكت بكل جسده وقام الحرس باستخدام طفايات الحريق لإطفائها ثم أدخلوه عربة إسعاف ابتعدت به في ثوان».

ولم تتمكن الشاهدة من تحديد وجهة عربة الإسعاف. وأضافت أن «الأمن حرص على إعادة المشهد في الشارع إلى طبيعته في ثوان، ولكن بقيت بقعة كبيرة مبللة أمام بوابة المجلس إثر استخدام طفايات الإطفاء».

ولم يعرف على الفور مدى خطورة الحروق التي أصابت المواطن.

وتأتي هذه الواقعة بعد أن تسببت حادثة مماثلة وقعت في تونس يوم 17 ديسمبر الماضي في اندلاع شرارة انتفاضة شعبية أطاحت بالرئيس زين العابدين بن علي الذي فر إلى السعودية يوم الجمعة الماضي بعد 23 عاما في الحكم.

كما أشعل عدة جزائريون النار في أنفسهم احتجاجا على ظروف البطالة وعدم السكن الملائم وتوفي شاب مساء السبت في ولاية تبسة بعد أن أحرق نفسه بسبب البطالة.

التعليق ..

تقليد أعمى

تم تعديل 17 يناير 2011 بواسطة الغريب

[doha]

قريت الخبر ده من شويه في احد المنتديات ..

مش عارفه ان كان الخبر صحيح ولا لاه بس اول ماخطر في ذهني لما قريته مشهد من فيلم احمد زكي ( اربعه في مهمه رسميه ) لما كان هو ونورا في المطعم واستهبلوا عليهم في الحساب فاعترضت نورا على المبلغ ( وفرشت لهم الملايه ) وقالت لهم هاتوا لي البوليس نتحاسب .. الجرسون خاف وتراجع وفعلا دفعوا شيء بسيط وخرجوا .. بعدها الترابيزه الي وراهم فيها اثنين شباب كده فواحد منهم نادى الجرسون وقاله من فضلك اطلب لي ( الشرطه ) .. الجرسون قال حاااضر .. شرطاااا .. وراح منادي على اثنين بوديجاردات من المحل ..

متوقعه ان يحصل تقليد لحادث الحرق ده لان بكل اسف في ناس كتير معتقده ان الي ولع في نفسه في تونس كان هو السبب الرئيسي فيما حدث ..

عموما بقول على الله يكونوا لحقوه وطفوه بسرعه قبل مايتضرر بجد ..

[اغابي]

ايه المسخرة دى - تمثيلية هزلية

ما ينفعش نطبق واقع شعب على شعب

ولا حال تونس على على حال مصر - كل بلد وليها سياستها

اللى بيحصل داه - تخلف وجهل وناس بتضحك على عقول ناس

ربنا يحمي مصر من شر المستخبي

تم تعديل 17 يناير 2011 بواسطة اغابي

[MZohairy]

يا جماعه بالراحه شويه على الراجل

يعني عايزينه يعمل ايه اكتر من انه يولع في نفسه؟ :blink:

الراجل فاقد الأمل و منيل بنيله و عيشته سوده و شاف واحد انتحر في حته تانيه و بلده اتشال عنها الظلم فحب يسلك نفس الطريق

نقول ربنا يرحمه او ربنا يشفيه او ربنا يفك ضيقته

انما نبهدله و نقطع فيه حرام

الراجل قلد واحد بيولع في نفسه

مش بيقلده في تسريحة شعره

[fatfouta]

الله اعلم بظروفه مش عاوزين نظلم حد بس اهو بدأ يحصل اللى خايفين منه ان الناس تقلد وخلاص وييجى على دماغنا مش فى صالحنا

هو فعلا تقليد اعمى ذى ما قال الغريب

ده رابط الخبر فى المصرى اليوم

http://www.almasryalyoum.com/news/%D9%85%D9%88%D8%A7%D8%B7%D9%86-%D9%85%D8%B5%D8%B1%D9%8A-%D9%8A%D8%B4%D8%B9%D9%84-%D8%A7%D9%84%D9%86%D8%A7%D8%B1-%D9%81%D9%8A-%D9%86%D9%81%D8%B3%D9%87-%D8%A3%D9%85%D8%A7%D9%85-%D9%85%D8%AC%D9%84%D8%B3-%D8%A7%D9%84%D8%B4%D8%B9%D8%A8-%D9%88%D9%87%D9%88-%D9%8A%D9%87%D8%AA%D9%81-%D8%B6%D8%AF-%C2%AB%D8%A3%D9%85%D9%86-%D8%A7%D9%84%D8%AF%D9%88%D9%84%D8%A9%C2%BB

[لماضة مصرية جدا]

السلام عليكم و رحمة الله و بركاته

طب ده واحد ولع في نفسه.....و كان برضه في الجزائر نفس الحكاية

يا جماعة الناس بيحصلها عملية تعبئة و شحن و الناس اصلا خلاص علي تكة....

انا عايزة اسال بقي سؤال

هو فين صوت علماء الدين في التهدئة.....طب بلاش التهدئة...في محاول الفهم

طب فين صوت العقلاء في احتواء الموقف....

.الاعلام غطوه و صوتوا عليه....

مين ياخد بايد الناس دي...يقولها اللي هتعملوا في نفسكم و فينا ده حرااااااااااااااام

طب فيه شريحة من الناس اهي عمالة تحاول تفهم و تستوعب من ع النت و من اعلام تاني غير الاعلام المصري

لكن فيه شريحة دي لو انفجرت هتبقي كارثة......الناس البسيطة اللي في الشارع.....سواق الميكروباص.....اللي قاعد ع القهوة.....البياعين....مين بيخاطبهم

دولم لو انفجروا محدش هيقدر يقف في وشهم

ربنا يستر

[مغتربة]

فى الجزائر كمان واحد ولع فى نفسه امبارح

كان عنده مقابله مع رئيس البلديه علشان يوفر له مسكن و فرصه عمل لكن رئيس البلديه رفض يديله اى حاجه فراح مولع فى نفسه

بس هناك لموا الموضوع بسرعه و شالوا رئيس البلديه فورا :P

لا انا كمان مش مع التقليد الاعمى دا و لا التوليع فى النفس هو النموذج او العبره الى تستخلص من التجربه التونسيه

مش المطلوب من الناس انها تولع فى نفسها لان دا ياس

احنا عايزيين الناس تتمسك بفكره الامل من التجربه دى مش الياس

هو دا الدرس الحقيقى الى لازم يتقلد

[fatfouta]

طب شوفوا الخبر ده كمان...واهم طلعوا الجزار برضو مختل عقليا

جزار ينتحر لفشله فى السفر إلى الخارج

الإثنين، 17 يناير 2011 - 11:24

الإسكندرية – هناء أبو العز

تناول جزار كمية كبيرة من الأدوية المخدرة ثم قام بشنق نفسه للتخلص من حياته بعد أن باءت كافة محاولاته فى السفر للخارج من أجل العمل وتحسين وضعه الاقتصادى بالفشل.

وكان اللواء محمد إبراهيم، مدير أمن الإسكندرية، قد تلقى بلاغاً من مستشفى التأمين الصحى بطوسون بقسم ثان المنتزه يؤكد وصول "خضير.ف.خ" (21 سنة- جزار) مقيم بالمعمورة البلد دائرة القسم عقب انتحاره عن طريق الشنق وتعاطى أدوية غير معلومة.

وبسؤال والده "فؤاد خضير" (60 سنة- بالمعاش) قرر أن نجله يعانى من اضطراب نفسى من سنة بسبب رغبته فى السفر للعمل للخارج وأثناء تواجده معهم غافلهم وصعد إلى سطح العقار وقام بتعليق نفسه بسقف الحجرة.

المصدر

[akramgroup]

انا بحاول اجد عذر لشخص انه يوصل لدرجه انه يولع فى نفسه

وطبعا عذاب الحريق ده اصعب عذاب ممكن الانسان يتعرضه (ربنا يعافينا جميعا)

وعشان كده ربنا سبحانه وتعالى اختص بنوع العذاب ده لنفسه لشدته وصعوبته

والواحد يرجع يقول ان الانسان برضو ضعيف وساعات الواحد الشيطان بيتملكه لدرجه لايعلمها الا الله

بس بجد ربنا يلطف بعباده يارب

بس ارجع واقول ان كل ده من ضعف الايمان بالله ومالوش اى تفسير تانى

عشان مفيش حد مؤمن يعمل كده فى نفسه ابدا طالما انه سليم عقليا

[mekkawy]

بس ارجع واقول ان كل ده من ضعف الايمان بالله ومالوش اى تفسير تانى

عشان مفيش حد مؤمن يعمل كده فى نفسه ابدا طالما انه سليم عقليا

بس خلاص

[عبير يونس]

ما هي ده النتيجة الطبيعية لوصف بوعزيزي بالبطل قائد الثورة التونسية

لا حول و لا قوة إلا بالله

[hanzalah]

ما هي ده النتيجة الطبيعية لوصف بوعزيزي بالبطل قائد الثورة التونسية

لا حول و لا قوة إلا بالله

بالعكس يا استاذة مغتربة

هذا نتيجة طبيعية لتكميم الأفواه

وهذا نتيجة طبيعية لتراكم ظلم الطغاة سنوات وسنوات

وهذا نتيجة طبيعية لضعف الايمان بأن الله قادر أن يغير الحال لو حاولنا وأصررنا على المحاولة

ونتيجة طبيعية لإلهاء الناس الغلابه في أطنان من التفاهة وإلغاء العقول في الفضائيات والميديا

وأن يتحول الانسان البسيط الى حاكم بأمره بين عشية وضحاها

فيصبح هو الحاكم والجلاد يأمر وينهى بلا حسيب أو رقيب

وبالتأكيد أتفق مع قولك

لاحول ولا قوة إلا بالله

وكما قال أخي زوهيري : الراجل حرق نفسه .. ممكن نعمل فيه إيه تاني

:egyflag:

تم تعديل 17 يناير 2011 بواسطة hanzalah

[أسد]

مش عارف أكتب إيه

من منطلق قناعاتي الشخصية

اللي بيحصل ده كلام فارغ

ده من وجهة نظري

ومش قادر أقتنع إن ده حاجة كويسة

[se_ Elsyed]

حرقنا الراجل ... قصدي ظلمنا الراجل

طلع مجنون ومختل عقلياً ويُعاني من هلاوس سمعيه وتبول لا إرادي كمان

صديق المحترق أمام مجلس الشعب: صديقى مريض نفسى

الإثنين، 17 يناير 2011 - 15:42

مبنى مجلس الشعب

كتب إبراهيم احمد

حضر حميد مجاهد، صديق الشخص الذى حاول الانتحار حرقاً صباح اليوم، الاثنين، فى شارع القصر العينى أمام وزارة التربية والتعليم، إلى مستشفى المنيرة العام للاطمئنان على حالة صديقه بعدما علم بما حدث ومحاولته الانتحار بإشعال النيران فى نفسه، وقال لـ"اليوم السابع" إن صديقه كان يعانى مرضا نفسيا ويتلقى العلاج، موضحا أنه تلقى اتصالا هاتفيا من المصاب، وطلب منه مقابلته داخل نقابة الصحفيين لبحث المشاكل والأزمات الخاصة به.

وأضاف صديق المصاب أنه توجه بالفعل إلى مقر نقابة الصحفيين بصفته عضو فى النقابة، وظل ينتظره لفترة فلم يحضر، مشيرا إلى أنه علم من صديقه أنه كان يعانى مشاكل فى الحصول على الخبز المدعم من المخابز، وتقابل مع عدد من المسئولين ووعدوه بحل المشكلة، على أن يتم صرف الخبز له حتى يستطيع العمل فى محل الفول الخاص به بمنطقة القنطرة بالإسماعيلية.

كما أكد أن المصاب كان يعانى حالة نفسية سيئة بعد ما مر أكثر من 30 يوماً بدون أن يحصل على الخبز، فى ظل المسئولية التى على عاتقه والتى حملها، وهو يبلغ من العمر 10 سنوات بعدما انفصل والده عن الأسرة، وأصبح هو المسئول عن الإنفاق على والدته ثم زوجته و أبنائه الثلاثة.

أشار صديق المجنى عليه إلى أن المصاب قرر ترك دراسته والتفرغ للعمل كى ينفق على الأسرة، وبدا يعمل فى محل فول وطعمية يمتلكه بمنطقة القنطرة، ولكن مع عدم تمكنه الحصول على الخبز طلب مقابلتى للحديث عن الأزمة التى يمر بها ثم فوجئ بضباط الشرطة يتصلون به ويخبرونه بما أقدم عليه صديقه.

[engmido]

ربنا يرحم الجميع

ويسترها ع الجميع

بس عموما مفيش منطق يقول ان الواحد يموت كافر عشان اى ظرف كان

---------

اللهم احسن ختامنا واحفظ علينا عقولنا

تم تعديل 17 يناير 2011 بواسطة engmido

[se_ Elsyed]

للأسف .. إقتربت ساعة الأنفجار .. وما حذرنا منه وما حذره منه كل العقلاء من أن الإنفجار قادم والعجلة دارت .. وكما قال هذا الإنسان المحترم الدكتور أحمد كمال أبو المجد في رسالة بعثها للرئيس قبل أيام قليلة من إنقلاب تونس الشعبي ... قال له بالمختصر المفيد " الشعب يريد ثورة سلمية للتغيير وهناك فرصة بأن تقود أنت هذا الأنقلاب قبل فوات الأوان "

لكن كالعادة فإن الديكتاتور لا يستمع إلا إلى نفسه وشياطينة

للمرة الثانية خلال 24 ساعة.. مواطن يحاول حرق نفسه أمام البرلمان

الثلاثاء، 18 يناير 2011 - 12:21

مجلس الشعب - صورة ارشيفية

كتب محمود سعد الدين

لليوم الثانى على التوالى، حاول مواطن إشعال النار فى جسده أمام مقر مجلس الشعب بوسط القاهرة، واستمرت النار مشتعلة لمدة دقيقة قبل أن يتمكن مواطنون من إخمادها، لينتقل "المحترق" على الفور إلى مستشفى المنيرة لإسعافه.

وعلم اليوم السابع أن المواطن الذى حاول إشعال النار فى نفسه يدعى محمد فاروق محمد حسن، ويعمل محامياً ويسكن بحى السيدة زينب وهو فى الأربعينيات من عمره.

وسنوافيكم بالتفاصيل أولاً بأول..

أسترها على مصر يارب

[se_ Elsyed]

اووووووووف .. ما هذا الذي يحدث ....

لم تمر ثواني على كتابتي للموضوع إلا وشخص أخر بالأسكندرية يُشعل النار في نفسه

عشان يعجب النظام

عاطل يشعل النيران فى نفسه لمروره بأزمة نفسية بالإسكندرية

الثلاثاء، 18 يناير 2011 - 13:00

الشاب العاطل مصاب بحروق من الدرجة الثالثة بمختلف أنحاء الجسم - صورة أرشيفية

الإسكندرية – هناء أبو العز

قام عاطل بمغافلة أسرته وسكب الكيروسين على جسده وأشعل النيران فى نفسه.

أخطر مستشفى الأميرى الجامعى قسم أول المنتزه بوصول أحمد هاشم السيد (25 سنة) عاطل مصاب بحروق من الدرجة الثالثة بمختلف أنحاء الجسم، ولا يمكن استجوابه.

وبسؤال والده (67 سنة) بالمعاش قرر أن نجله يعانى من مرض نفسى من عام، وغافلهم وصعد إلى سطح العقار، وسكب الكيروسين على نفسه، ولم يتهم أحداً بالتسبب فى ذلك. تم تحرير المحضر اللازم, وأخطرت النيابة العامة لمباشرة التحقي

[se_ Elsyed]

ولليوم الثاني على التوالي .. هروب رؤوس الأموال الاجنبية من مصر وأنهيار بالبورصة المصرية وخسائر بالمليارات وعوده بأسعار الأسهم إلى سنوات مضت ...

وإشرب يا مبارك

[اغابي]

يعنى تتوقع ايه يا استاذ س س

رايك ان ممكن يعنى ممكن تحصل حاجة

الله يستر

[se_ Elsyed]

يعنى تتوقع ايه يا استاذ س س

رايك ان ممكن يعنى ممكن تحصل حاجة

الله يستر

أكيد متوقع تغيير شكل المنطقة العربية كلها خلال اسابيع قليلة ... وهاتشوفي

ومش بأنتفاضات أو أنقلابات عسكرية ...

لأ كله هايبقى من الشعوب العادية اللي خلاص جابت جاز ... ..

لا يوجد عاقل يُنكر إن أحداث تونس أشبه بما حدث في مصر في ثورة يوليو 1952 ... اللي أشعلت النار في المنطقة كلها وجعلت كل الشعوب تنتفض ضد المُحتل ...

ولا يوجد إحتلال أبشع مما نحن فيه جميعاً من المشرق إلى المغرب

انظمة بتقعد بالتلاتين سنة .. وتنهب ثروات الشعوب ... مش بس كده ... دول جميعهم وكان أولهم بن علي بيسعى للتوريث إن شالله لأخو مراته حتى لو ما عندهوش عيال صبيان ...

إيه في إيه ؟

كفايه بقى ؟

العالم كله بيتقدم بسرعة الصاروخ .. يا فندم عُمرك سمعتي عن " أستونيا " اللي كانت دولة فقيرة من دول الأتحاد السوفيتي الاسبق ؟ أهي أنضمت لمنطقة اليورو من أول يناير وهاتبقى حاجه محترمة .. وخدي عندك جميع دول شرق أسيا

أما نحن في العالم العربي فكما يسموننا .... سوري في اللفظ لكنها حقيقة ومتداولة في الغرب .. بيسمونا " حديق حيوانات العالم " أي أننا حاجه غريبة كلهم بيحبوا يتفرجوا عليها من العجائب اللي عندنا

بالله عليكي يا أغابي ... قبل سقوط بن علي بيوم .. ما كانتش كل القنوات بترقص وتهتف له وتبين حب الشعب الجارف له واخترناك أخترناك وكلام من ده ؟

وفي يوم وليلة خد بالشبشب على دماغه لأن كل ده كان نفاق والناس مكبوته وطالع عينها ... إستمعت لواحد تونسي بيقول بكل قرف إن الأخ كان بيخاف من أخوه أحسن يبلغ عنه ويتاخد ورا الشمس !!!!!!!!!!!!