لليوم التالي على التوالي : محام يشعل في نفسه النيران أمام مجلس الشعب

[اغابي]

بالله عليكي يا أغابي ... قبل سقوط بن علي بيوم .. ما كانتش كل القنوات بترقص وتهتف له وتبين حب الشعب الجارف له واخترناك أخترناك وكلام من ده ؟

وفي يوم وليلة خد بالشبشب على دماغه لأن كل ده كان نفاق والناس مكبوته وطالع عينها ... إستمعت لواحد تونسي بيقول بكل قرف إن الأخ كان بيخاف من أخوه أحسن يبلغ عنه ويتاخد ورا الشمس !!!!!!!!!!!!

فكرتني بالمناسية صحيح

شفت المقالة دى لهند صبري بتكشف حقيقة اكيد كل الرؤساء بيعملوا كدا

اجبارى وكنوع من الضغط على المطربين ورجال المجتمع ورجال الاعمال والنجوم انهم لازم يقدموا ولائهم للرئيس وينتخبوه

هند صبري: أنا جبانة لأنني لم أعارض زين العابدين بن علي

اعترافات تفيد بتعرضها لضغوط من نظام بن علي كي تؤيده

نشرت الصفحة الرسمية للفنانة التونسية هند صبري على "فيس بوك"، رسالة تعلق فيها على تنحي الرئيس زين العابدين بن علي عن السلطة ومغادرته البلاد بعد انتفاضة شعبية

وتتضمن اعترافات تفيد بتعرضها لضغوط من نظام بن علي كي تؤيده

وقالت هند صبري في الرسالة إنها أرغمت على وضع اسمها ضمن لائحة من 65 من الفنانين والمثقفين لدعوة الرئيس التونسي إلى الترشح لمنصب الرئاسة سنة 2014

وقالت في الرسالة إنها جبانة لأنها لم تعترض وشعرت بالخوف، لكن دماء الشهداء أعطتها درسًا

ونص الرسالة كالتالي: السيد الرئيس

لأننا اليوم في ''بلد حر''، وأنا استخدم حريتي للتعبير لأقول لكم كيف وجدت نفسي ضمن لائحة من 65 من الفنانين والمثقفين دعوناكم للترشح لمنصب الرئاسة سنة 2014: في يوم من أغسطس 2010، اتصل بي السيد بلحسن الطرابلسي في القاهرة

السيد الطرابلسي: ''نحن نبني الآن قائمة بأسماء الفنانين داعيا الرئيس لتمثيل نفسه في 2014

وأنا أعلمك لأنه لا يمكن وضع اسمك دون علمك''، وانتهت المكالمة

وأنا لن أنسى الخوف الذي ارتابني ذلك اليوم، اتصلت به في وقت لاحق

بعد جمع كل قواي، وقلت له مع كامل الاحترام وبخوف: ''لا أريد أن يساء فهمي، لكن أود أن البقاء بعيدا عن ذلك

وأعتقد جازمة أن الفنان يجب أن يظل محايداً

إذن من فضلك أريد أن أظل محايدة

أنا لا أمارس السياسة''

السيد الطرابلسي وقد قطع خطابي (بتغير ملموس في اللهجة): ''ماذا؟ أولا فات الأوان، وإلى جانب ذلك ما يعني أن تبقى محايدة، هل أنت شيوعية؟''

- لا - أنت إسلامية؟ - لا - حسنًا، ما المشكلة؟ وإليكم، سيدي الرئيس، كيف وجدت نفسي على لائحة 65؛ لأنني لست إسلامية ولا شيوعية، وأنا أعلم أنني لست الوحيدة

كيف ''وضعوك في الخطأ

أشعر بخيبة أمل؛ لأنني كنت جبانة فلم أقل ''لا

أنا ضد ولاية خامسة

كفى''، في ذلك اليوم فقدت احترام نفسي كفنانة وباعتباري امرأة قانون خانت الدستور

لماذا لم أتكلم في وقت سابق؟! كنت جبانة

ودماء الشهداء ذكرتني بذلك، وآمل يومًا ما أن يغفر لي

وفقد الآلاف من التونسيين احترام أنفسهم مثلي خلال 23 السنة

الخوف، سيدي الرئيس، كنت على وشك أن ترى اليوم ما يمكن أن يولد

كنت دائمًا محايدة وبعيدة عن أي اتجاه سياسي، معتقدة بصدق أن هذه الزينة كانت مستحقة بكوني ممثلة للجمهورية التونسية في العالم العربي

كنت ساذجة، ودفعت بكرامتي واحترامي لنفسي

أمس، في خطابكم، لقد رفضت في عام 2014 نيابة عنك باشكر تلك التي طلبتها منك، لا شكر لي؛ فأنا لم أطلبها منكم

هند صبري

تم تعديل 18 يناير 2011 بواسطة اغابي

[لماضة مصرية جدا]

السلام عليكم و رحمة الله و بركاته

بس مش هو مبارك اللي هيشرب يا استاذي

طب ما هو بيشرب الكافية لاتيه بتاعه في شرم الشيخ عادي جدا و البلد كل يوم كانت بتولع

هو السؤال

هو بقي "هولع في نفسي".....بقي هو ده اللي هيلوي الدراع

طب ده فعلا هيجيب نتيجة.....

امبارح كنت بتفرج علي عم عبده اللي ولع في نفسه....الراجل اتحرق و طلعوه يعامل معاملة الاطفال

و تصريحين في التلفزيون......علي زيارة الوزير....طب و بعدين

هنحتاج كام واحد تاني يروح يولع في نفسه.....طب ما فيش حاجة تانية غير نولع في نفسنا

ده ايه الايام اللي احنا داخلين عليها دي!!!

ربنا يستر.....(كل ما اخش توبيك الاقي نفسي انقبضت و اختم بربنا يستر....دي شكلها يا جدعان لما بتمطر.... ....و بترخ.)

[Scorpion]

اووووووووف .. ما هذا الذي يحدث ....

لم تمر ثواني على كتابتي للموضوع إلا وشخص أخر بالأسكندرية يُشعل النار في نفسه

عشان يعجب النظام

و هو ايه دخل النظام بموضة الحرايق البشرية اللي شغالة دلوقتي ...

ما هما هما اللي كانوا مخنوقين من حياتهم لحد 3 ايام فاتوا ... و هما هما اللي ممكن ينضموا الي ابناء مصر الراغبين في التغيير بصورة حضارية ...

بصراحة بصراحة .. انا ما اقدرش اصنف الأفعال دي الا بالغباء الفعلي ...

هما شافوا ازاي الناس اعتبرت اللي حصل في تونس شجاعة ... و الأسطورة اللي اتكونت حوالين اللي عملها في تونس ...بالرغم ان اللي ولع نفسه هناك ما افتكرش انه كان عايز يوصل نفس المعني ده للتوانسة .. هو مجرد وصل لقمة الأحباط و عملها ... زي اللي طول عمرها بتعاني من جوزها ... و لما طهقت خالص منه .. جابت بابور الجاز وولعت في نفسها .. ممكن اتفهم تمامآ الأحباط اللي وصلها لنقطة اللاعودة دي .. لكن مش ممكن حعتبرها ابدآ شهيدة الزوجات اللي في حالتها او انها كانت عايز تعبر عن احتجاج باسمهم كلهم ...

هنا بقي شافوا السكة دي و مسكتهم الفرة ..

نفسي مرة نقلد التانيين في حاجة مفيدة ...

كل الكلام ده و لا جايب همه .. و ما حدش حيعتبرهم ابطال و شهداء .... و اللي حينوبهم في الآخر يا يموتوا و الناس مش عارفة تترحم عليهم و لا لأ .. لا يعيشوا طول عمرهم مشوهين جسديآ و بالتالي نفسيآ هما و كل اللي حواليهم ...

و مثالي علي كده .. سؤال الي الجميع هنا ... هل فعلآ ممكن نعتبر اللي بيولع نفسه قدام مجلس الشعب اليومين دول ابطال ؟؟؟ هل ده ممكن يكون عامل ايجابي في رغبة التغيير اللي عايزينه كلنا ؟؟؟

انا ممكن اعتبره بطل و شهيد اللي يموت و هو بيناضل علشان حياة افضل ليه و لولاده من غير ما يسلك سلوك همجي ..من غير ما يأذي نفسه أو تانيين زيه ... ده اللي يبقي فعلآ رمز يهز النظام الظالم ...

لكن اللي يحرق نفسه .... لأ

[se_ Elsyed]

هارد عليك يا كيمو ..

بس انزل الحته الأخرانية وما جاءنا الأن من أخبار المحروقين

إحباط محاولة موظف بالمعاش إحراق نفسه أمام مجلس الشعب

الثلاثاء، 18 يناير 2011 - 14:18

أحبطت الإدارة العامة لمباحث القاهرة، محاولة موظف على المعاش إشعال النيران فى نفسه أمام مجلس الشعب، حيث تم ضبطه وبحوزته زجاجتان تحتويان على بنزين، وتم اقتياده إلى قسم شرطة السيدة زينب لتحرير المحضر اللازم بالواقعة، وإخطار النيابة لمباشرة التحقيق.

جاء ذلك بعد مرور دقائق معدودة على إشعال محامى النيران فى نفسه أمام مجلس الشعب، حيث اشتبه ضباط مباحث القاهرة فى شخص أمام مجلس الشعب وبحوزته حقيبة جلدية، فتم ضبطه وتبين أنه "سيد .ع" بالمعاش، وبتفتيش الحقيبة عثر بداخلها على زجاجتين تحويان مادة البنزين وبمواجهته اعترف أنه كان ينوى سكب البنزين على ملابسه وإشعال النيران فى نفسه.

[se_ Elsyed]

إستغفر الله العظيم ...

مش عارف الشعوب العربية عملت ذنب كبير إيه عشان نتعاقب ويحصل فينا كده ؟

وإن كنت أعتقد إن أكبر ذنب أرتكبناه وبنرتكبه من زمان هو " السكوت " على الظلم ... تحت حجة : عدم الخروج على الحاكم

[لماضة مصرية جدا]

السلام عليكم و رحمة الله و بركاته

متفقة مع وجهة نظر حضرتك استاذ سكوربيون

بس الفكرة هنا هي التسليط الاعلامي علي "بطولات اولع في نفسي".....يعني حتي لو التلفزيون المصري مجبهاش....يبقي فيه قنوات تانية ههتناولها و هنا هيحصل احراج للحكومة....

يعني امبارح من اكتر الحاجات اللي عجبتني...(معذرة في اللفظ هو اصلا مبقاش فيه حاجة تعجب)....بس المذيع قال....الوزير اللي هز طوله و راح يزور عم عبده المفروض بقي يهز طوله و يزور كل المرضي المصريين

مش اد مكانك سيبه.....لكن ان الوزير.....يلمع نفسه بعض الوقت ده مرفوض...

كان نفسي بقي....يطلع للراس الكبيرة.....بس الراجل حط كل همه في الوزراء

السؤال زي ما حضرتك سالت....بعد حوادث الحرق ديت...يا تري عم عبده هياخد حصة العيش اللي طلب بيها....(طلعهو امبارح برضه مفتري و كان عايز ياخد 20 رغيف مدعومين من بتوع الفقراء....يا لهوي....)

يا تري هيعرف يعيش امن مستقر و ياخد حقه من تجديد ارخصة المطعم و الحصول علي حصة العيش

و لا كل مرة....يضطر يولع في نفسه لغاية ما يروح خالص؟؟؟

[se_ Elsyed]

و مثالي علي كده .. سؤال الي الجميع هنا ... هل فعلآ ممكن نعتبر اللي بيولع نفسه قدام مجلس الشعب اليومين دول ابطال ؟؟؟ هل ده ممكن يكون عامل ايجابي في رغبة التغيير اللي عايزينه كلنا ؟؟؟

بمقاييس العقل ده غباء وأنتحار رسمي ..

لكن بمقاييس الجنون .. ده عين العقل

ربنا ما يحكم عليك يا كامل ... في ناس أقسم بالله بتعتبر الموت لها رحمه ... يا فندم عندك ملايين ساكنين في القبور وبيتشاركوا في دورات مياه يأنف الحيوان إن يستخدمها وغيرهم وغيرهم من المطحونين والمهمشين واللي فعلاً مش لاقيين ياكلوا

الناس دي بقى لنا سنين بنموت نفسنا وبنقول إنهم قنابل موقوته لإنهم وصلوا لدرجة ما بعد اليأس ..

ومش فارقه معاه يولع في نفسه أو في عياله أو في الدنيا كلها ... لأنه ميت ميت

أيوه الفقر موجود من زمان ... منذ أن خلق الله الأرض ومن عليها

لكن .... الفضائيات والمظاهر الكدابة و و و و ... خلت الناس دي تكره الدنيا كلها وتحقد على كل الأغنياء أو حتى على كل واحد بياكل طقتين تلاته في اليوم .... وبالتالي هي مستعده للتحرك والأنتقام من المجتمع كله إذا توافرت لها الفرصة

مع إنهم ممكن كانوا يرضوا بالقليل ... وأقل القليل ممكن يسكتهم ويحسسهم إنهم بني أدمين ...

يا كامل برنامج واحد من الناس اللي بيتذاع على قناة دريم كل يوم خميس وجمعه لو أتفرجت على حلقتين تلاته يجيلك إكتئاب لا محاله .. ده مثال من الواقع فقط

عن ملايين الناس اللي تحت الأرض .... وفي قلب مصر وقلب القاهرة وبيننا وشايفيينهم لكن بنطنش ونقول وأنا مال أهلي

بعد ده كله لما ييجي واحد منهم يولع في نفسه ... نلوم مين ؟

نلومه ولا نلوم الحكومة والنظام اللي بقى له 30 سنة شبعنا شعارات ؟

يا كامل يا حبيب قلبي لما الشعب كله يبقى فقير هانقول ما حدش هايحس بالفرق وكلنا هانبقى زي بعض ..

لكن لما يحصل اللي فتحنا عنه عدة مواضيع عن إنحسار وأختفاء الطبقى الوسطى وأصبحت هناك طبقان فقط

ناس اغنياء قوي غنى فاحش

وناس فقراء قوي وكل يوم بتزداد فقر

يبقى فاضل إيه تاني على الأنفجار ؟

[om marawan]

اووووووووف .. ما هذا الذي يحدث ....

لم تمر ثواني على كتابتي للموضوع إلا وشخص أخر بالأسكندرية يُشعل النار في نفسه

عشان يعجب النظام

و هو ايه دخل النظام بموضة الحرايق البشرية اللي شغالة دلوقتي ...

ما هما هما اللي كانوا مخنوقين من حياتهم لحد 3 ايام فاتوا ... و هما هما اللي ممكن ينضموا الي ابناء مصر الراغبين في التغيير بصورة حضارية ...

بصراحة بصراحة .. انا ما اقدرش اصنف الأفعال دي الا بالغباء الفعلي ...

هما شافوا ازاي الناس اعتبرت اللي حصل في تونس شجاعة ... و الأسطورة اللي اتكونت حوالين اللي عملها في تونس ...بالرغم ان اللي ولع نفسه هناك ما افتكرش انه كان عايز يوصل نفس المعني ده للتوانسة .. هو مجرد وصل لقمة الأحباط و عملها ... زي اللي طول عمرها بتعاني من جوزها ... و لما طهقت خالص منه .. جابت بابور الجاز وولعت في نفسها .. ممكن اتفهم تمامآ الأحباط اللي وصلها لنقطة اللاعودة دي .. لكن مش ممكن حعتبرها ابدآ شهيدة الزوجات اللي في حالتها او انها كانت عايز تعبر عن احتجاج باسمهم كلهم ...

هنا بقي شافوا السكة دي و مسكتهم الفرة ..

نفسي مرة نقلد التانيين في حاجة مفيدة ...

كل الكلام ده و لا جايب همه .. و ما حدش حيعتبرهم ابطال و شهداء .... و اللي حينوبهم في الآخر يا يموتوا و الناس مش عارفة تترحم عليهم و لا لأ .. لا يعيشوا طول عمرهم مشوهين جسديآ و بالتالي نفسيآ هما و كل اللي حواليهم ...

و مثالي علي كده .. سؤال الي الجميع هنا ... هل فعلآ ممكن نعتبر اللي بيولع نفسه قدام مجلس الشعب اليومين دول ابطال ؟؟؟ هل ده ممكن يكون عامل ايجابي في رغبة التغيير اللي عايزينه كلنا ؟؟؟

انا ممكن اعتبره بطل و شهيد اللي يموت و هو بيناضل علشان حياة افضل ليه و لولاده من غير ما يسلك سلوك همجي ..من غير ما يأذي نفسه أو تانيين زيه ... ده اللي يبقي فعلآ رمز يهز النظام الظالم ...

لكن اللي يحرق نفسه .... لأ

الفاضل سكوب

اسمح لى اجاوب اجابة تعبرعن رأيي لوحده

اللى حصل تقليد اعمى لتصرف أصلا غير مقبول

مصرية متغربة قالت فى مداخلة سابقة ان دي نتيجة لاعتبار بوعزيزي بطل

للدرجة دي بنتهاون فى الحكم على امر نهى عنه رب العزة

انا مش هاجيب احاديث تقر الى اى مدى قتل النفس حرام وانه " يأس من رحمة الله "

لانه الرزق بيد الله مش بايد الحكومة

ومش هاقول انه ربنا قال من يتق الله يجعل له مخرجا ويرزقه من حيث لا يحتسب

ومش هاحكم على حد اتصرف كده

وهاعتبر انه لحظة ضعف او تهور او قلة ايمان المهم انها بينه وبين ربنا

لكن ماينفعش احنا كمان نتجاوز الحدث وكانه نتيجة طبيعية للى بيحصل فى البلد

احنا كمجمتعات متدينة مسلمين ومسيحيين مش فى ثقافتنا الانتحار ولا نقبله

عافانا الله واياكم شر الفتن وثبت قلوبنا على الايمان به وحده

[جسار]

لى تعقيب على ماحدث فى البورصة المصرية وهبوط أسعار الاسهم والسندات بعد محاولات لعدة أشخاص حرق

أنفسهم تعبيرا عن يأسهم و أحباطهم من الأستمرار فى ظل الظروف الصعبة التى أوجدها النظام فى مصر

على طبقات وشرائح كثيرة فى الشعب لم تقدر على مواجهة تلك الضغوط اليومية من متطلبات معيشة أو

لاحساسهم بظلم وقع عليهم ولم يستطيعوا بأن يحصلوا على حقوقهم فى الحياة بشكل آدمى فى مجتمعهم .

طيب لما البورصة تتهز من حادثين أو ثلاثة ده مالوش غير معنى واحد وهو انها لاتعبر عن أقتصاد حقيقى

وقوى وراسخ ولكنها مجرد مضاربات على أوراق مالية لاتعكس مدى قوة الشركات والمصانع والمؤسسات التى

يتم تداول أسهمها فى البورصة ... والأ بالله عليكم كيف لمصنع مثل مصانع الأسمنت لم يتم أنشاؤه بعد

يصدر له أسهم تتزايد قيمتها فى بضعة أيام حتى تصل لعنان السماء ولسه مافيش انتاج خرج منه من اصله

هذا معناه المضاربة وفقط والاقتصاد المصرى أقتصاد هش وضعيف للغايةويعتمد أغلبه على الأستيراد والتوكيلات

الاجنبية . والا لماذا تهبط قيمة الجنيه المصرى لادنى مستوياتها منذ 6 سنوات ؟

طول فترة الحكم للنظام الموجود خلقت كتلا ومجموعات من رجال الاعمال اللذين أستفادوا من مناخ الفساد

وذلك باتباع أساليب الغش والاحتكار لسلع حيوية مثل الاغذية واللحوم ومواد البناء وغيرها

وهؤلاء وبأعترافاتهم جاهزون بتذاكر رحلات طيران مفتوحة طوال العام وتجدد وكذلك فيزات دخول لامريكا

والدول الاوروبية ، وبعضهم حصل لنفسه ولاولاده على جنسيات لدول أوروبية

ليه ؟ علشان هما عارفين انهم ساهموا فى تخريب ونهب البلد طوال تلك الأعوام الماضية وعايشين قلقانين

من مجئ ذلك اليوم اذى يهب فيه الشعب ويحاسب كل لص وسارق لثروات بلاده .

[أهااات روح]

انا بيتهيقلى ان لوالناس كلهم راحو امام مجلش الشعب وولعو فى نفسهم

الحكومة هتبعتلهم سيارات مطافى بس مش هتطفيهم بالماء ولكن بالبنزين

حسبى الله ونعم الوكيل فى كل ظالم

ااااه والف ااااااااه عليكى يابلد

[عبير يونس]

إستغفر الله العظيم ...

مش عارف الشعوب العربية عملت ذنب كبير إيه عشان نتعاقب ويحصل فينا كده ؟

وإن كنت أعتقد إن أكبر ذنب أرتكبناه وبنرتكبه من زمان هو " السكوت " على الظلم ... تحت حجة : عدم الخروج على الحاكم

ربنا سبحانه و تعالى مش بيعاقبنا يا سين سين

ربنا ما بياخدش حد بذنب حد

ربنا لا يرضى الظلم

و حرمه على نفسه

نحن من نرضاه لأنفسنا

فالخير من الله تعالى

و الشر من أنفسنا

الموضوع سنن كونية احنا مش واخدين بيها

أو بنستعملها غلط

فبتتقلب علينا

الشعب حاسس بالظلم سنين طويلة

و كل مشاعره احساس بالظلم والقهر

و كل ما تزيد الاحاسيس دي

كل ما بنجذب لينا مزيد من الظلم و القهر

التغيير لازم ينبع من داخلنا كلنا

لازم نرغب في التغيير

في ناس كتير راضية بحالها

و فاكرة ان هو ده الإيمان

و ان هو ده الصبر اللي ربنا حيكافئهم عليه

و الناس دول

ماشين بمنطق

اللي نعرفه أحسن من اللي منعرفوش

و اهي عيشة و السلام

اهي عيشة و آخرتها الموت

و حتى الناس اللي ساخطة على الظلم

و بيسبوا و يلعنوا في اللي كان السبب

مركزين تفكيرهم برضه على الظلم و الفساد

و برضه من غير ما يحسوا

بيجذبوا اللي مركزين تفكيرهم عليه

اللي هو مزيد من الظلم و القهر

أمال الحل ايه؟

خير الأمور الوسط

ابعاد الظلم

بالثقة بالله أولا

و الرغبة الصادقة في التغيير ثانيا

من غير بكاء على الماضي

من غير ما نقارن نفسنا بحد تاني

من غير ما ننتقد كل اللي حوالينا و ما نشوفش غير نص الكوباية الفاضي

من غير ما نلوم كل حاجة على اللي وصلنا له

و من غير ما نقول يللا نفسي و ياكش تولع

لو قدرنا نوصل الرسايل دي للناس

و عملناها جزء من حياتنا

التغيير حيحصل

و حيحصل بهدوء و من غير ضحايا

لو كل واحد قدر ينشر الفكر ده

على مستوى عائلته و أصدقاءه و معارفه

أكيد حينتشر في المجتمع كله

و ده اللي احنا عايزينه بجد

لو ده محصلش

فأوعى حد يفتكر

أن في رئيس تاني

او حتى نظام بحاله في منتهى النظافة و الأمانة

حيقدروا يعملوا حاجة و احنا لسه زي ما احنا

التغيير يبدأ من الداخل

[Howayda Ismail]

قام شاب سكندرى بالانتحار بعد أن غافل أسرته ودخل إلى حجرته وشنق نفسه بحبل غسيل بعد أن يأس من الحصول على فرصة عمل.

اعذرونى لا تعليق !

[akramgroup]

انا طبعا علقت فى موضوع سابق على موضوع الانتحار فى سبيل الاعتراض

وقولت انه قلة ايمان ( ولو بالمرة ياريت نضم الموضوعين على بعض لو ينفع )

ونفتح توبيك جديد ونسميه المنتحرون .... مش عاوز اغلط عشان دول فى ذمه الله

المهم يعنى وطالما فكرة الانتحار دى يعنى من وجهة نظرهم كويسه وطالما الواحد بقى هايموت كافر وخلاص

يبقى مايموتش كده اعتراضا فى بلد اصلا لو الشعب كله ولع فى نفسه محدش هايفهم يعنى ايه اعتراض ولاهايفرق

وعادى جدا ممكن يعملوا يافطه على باب مجلس الشعب بتقول

((لو سمحتم اللى عاوز يولع فى نفسه يروح اى شارع جانبى عشان زحمه المرور هنا .وشكرا,,))

على فكرة كلنا مسئولين عن الحوادث اللى بتحصل دى

يعنى لو فى مجال مندوبين الحركات والاحزاب والناس اللى عماله ترغى فى التلفزيونات انهم بس يكلفوا خاطرهم

وينزلوا يتكلموا مع الناس فى الشارع ويحاولوا يوجهوهم للتصرف السليم ويعنى ايه اعتراض ويعنى ايه عصيان مدنى وياخدوا بايدهم ويستفيدوا منهم على الاقل لو ماتوا وهم بيعترضوا يحسبوا عند الله شهداء

والله ماانا عارف انا بكتب بقول ايه

ربنا يلطف بينا

[الغريب]

ضم موضوع المواطن المحروق الأول، وسمي الموضوع "المصريون يحترقون"

[Howayda Ismail]

الصحة تعلن وفاة مواطن الإسكندرية الذى أحرق نفسه اليوم

الثلاثاء، 18 يناير 2011 - 15:39

أعلنت مديرية الصحة بمحافظة الاسكندرية وفاة المواطن أحمد هاشم السيد (25 سنة) عاطل، و الذى أشعل النيران

فى نفسه صباح اليوم.

من جانبه قال الدكتور سلامة عبد المنعم مدير مديرية الصحة بالاسكندرية ان المواطن توفى

الساعة 3 متأثرا بحروق من الدرجة الثالثة بمختلف أنحاء الجسم فى مستشفى الأميرى الجامعى،

والذى نقل إليه صباح اليوم.

والله قلبى معدش فيه مكان للاحزان ولا عينى بقت فيها دموع تانى بعد سيد بلال واللى شنق نفسه الصبح والخبر ده كمل على

[Howayda Ismail]

ضم موضوع المواطن المحروق الأول، وسمي الموضوع "المصريون يحترقون"

انه محروقين بالضبط يااستاذ غريب اللى ماتوا ولا لسة حيحرقوا نفسهم

ولا اللى زينا اللى النار مسكت فى قلوبهم من اخبارهم

[امير مجروح]

على فكرة مصر فيها خير كتير خالص يكفى الشعب كله ....

كفاية قناة السويس وموارد غيرها كتير فى البلد لاكنها منهوبة ومسروقة......

النظام الفاسد الى خصخص كل حاجة فى البلد... شركة الكهرباء, والمياه ,

والسكة الحديد والبريد بيخطط بيعه ده باع البلد..........

الشعب اتخنق خلاص ولازم حيجى يوم وينفجر ....

لازم الشعب يفوق من سباته العميق ويقف وقفة جماعية لايقاف الظلم .

ده خلاها مملكة.... :protest:

تم تعديل 18 يناير 2011 بواسطة امير مجروح

[tarek hassan]

المصريون فعلوا كل شيء من أجل التغيير حتى وصل الأمر لأن يحرق الإنسان نفسه ويزهق روحه وتهون عليه نفسه بهذا الشكل المروع والظاهر أن تضحيات المصريين وثوراتهم تنجح في أماكن أخرى ولا تنجح في مصر وأن الثمرة تنجنيها شعوب أخرى ولم يحن الوقت لجني الثمار في مصر

يـا رَبِّ هَـبَّت شُـعوبٌ مِـن مَنِيَّتِها ** وَاِسـتَيقَظَت أُمَـمٌ مِـن رَقـدَةِ العَدَمِ

رَأى قَضاؤُكَ فينا رَأيَ حِكمَتِهِ ** أَكرِم بِوَجهِكَ مِن قاضٍ وَمُنتَقِمِ

يـا رَبِّ أَحـسَنتَ بَـدءَ الـمُسلِمينَ بِهِ ** فَـتَمِّمِ الـفَضلَ وَاِمـنَح حُسنَ مُختَتَمِ

تم تعديل 18 يناير 2011 بواسطة tarek hassan

[عبير يونس]

المصريون فعلوا كل شيء من أجل التغيير حتى وصل الأمر لأن يحرق الإنسان نفسه ويزهق روحه وتهون عليه نفسه بهذا الشكل المروع والظاهر أن تضحيات المصريين وثوراتهم تنجح في أماكن أخرى ولا تنجح في مصر وأن الثمرة تنجنيها شعوب أخرى ولم يحن الوقت لجني الثمار في مصر

يـا رَبِّ هَـبَّت شُـعوبٌ مِـن مَنِيَّتِها ** وَاِسـتَيقَظَت أُمَـمٌ مِـن رَقـدَةِ العَدَمِ

رَأى قَضاؤُكَ فينا رَأيَ حِكمَتِهِ ** أَكرِم بِوَجهِكَ مِن قاضٍ وَمُنتَقِمِ

يـا رَبِّ أَحـسَنتَ بَـدءَ الـمُسلِمينَ بِهِ ** فَـتَمِّمِ الـفَضلَ وَاِمـنَح حُسنَ مُختَتَمِ

المصريون لم يفعلوا شيئا بعد من أجل التغيير

مازلنا في مرحلة عدم الاقتناع بأن هناك ضرورة أصلا للتغيير

لو الحكومة استرضت الناس الغلابة

بأكل و شرب و لبس و حتة يتاوى فيها

حيبوس ايده وش و ضهر و يدعي للحكومة من قلبه

و الطبقة الأعلى شوية

يراضوهم بعلاج و تعليم و فرصة عمل

حينبسطوا و يهيصوا

الحكومة حالية تسترضي الحرامية و البلطجية

و الباقيين مستنيين دورهم في الترضية

المشكلة مش في الحكومة الحالية

لو اتغيرت 100 مرة

برضه الحال حيبقى زي ما هو

لأننا احنا اللي لازم نتغير

أذكر نفسي و إياكم

{لَهُ مُعَقِّبَاتٌ مِّن بَيْنِ يَدَيْهِ وَمِنْ خَلْفِهِ يَحْفَظُونَهُ مِنْ أَمْرِ اللّهِ إِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِهِ مِن وَالٍ }الرعد11

ما زلنا لم نأخذ خطوات إيجابية على مستوى الشعب بعد

و الانتحار ليس تضحية

و ليس ثورة

اللهم عافنا و لا تبتلينا

فلنثور على أنفسنا أولا و نغيرها

حتى نتمكن من إحداث التغيير

[الغريب]

ضم موضوع المواطن المحروق الأول، وسمي الموضوع "المصريون يحترقون"

انه محروقين بالضبط يااستاذ غريب اللى ماتوا ولا لسة حيحرقوا نفسهم

ولا اللى زينا اللى النار مسكت فى قلوبهم من اخبارهم

الكل كليلة