نتائج قرعة تأشيرات الهجرة

[KWA]

[Mohammad Abouzied]

مصر: 6070 متعلمين طبعا وحاصلين على شهادات عليا الا ترى انه محاولة لاستنزاف ثروتنا البشرية ويمكن مصر تتحمل استنزاف شبابها نظرا لوجود مخزون بشري عاطل فيها ولكن المغرب ما هو العذر الذي يدفع الشباب للهجرة

[فــيــروز]

أعتقد ان الهجره لا تكون لاسباب ماديه بحته

بل فى رايى ان الاسباب الماديه فى الغالب لا تكون دافع قوى للهجره لكنها قد تكون دافع قوى للسفر و العمل فى الخارج لمده قد تطول او تقصر

لكن اظن ان الهجره تحتاج نفسيه مختلفه و دوافع اخرى غير الدوافع الماديه بدليل وجود 16 شخص مقبولين من الكويت . 30 من السعوديه !! ما الذى يدفع هؤلاء للهجره و ظروفهم الماديه قد تكون فى الغالب افضل من ظروف المغاربه وباقى الجنسيات !! فى رايى انها ليست الظروف الماديه بل عدم قدرة الشخص على التكيف مع المجتمع any more وليس المقصود بعدم التكيف ذم فى قدرة الشخص لكن ما قد يحتمله انسان قد لا يحتمله غيره ..

[linux]

أعتقد ان الهجره لا تكون لاسباب ماديه بحته

أوافقك تماما في هذا، و خاصة أمريكا و كندا بصفة خاصة و اوروبا بصفة عامة، من وجهة نظري. الغرض معظم الوقت بيكون يا أما للدراسة ثم العمل بأحدث التقنيات لأشباع تعطش علمي شخصي، أو للبحث عن حياه أرقي من ناحية أحترام حقوق الأنسان و مجتمعات بها مساحات كبيرة من الحريات.

المشكلة هنا مش مشكلة أمريكا اللي بتحاول أستقطاب خبرات من جميع أنحاء العالم لمساعدتها في التقدم، المشكلة في البلاد اللي ماقدرتش توفر مناخ الأحترام و الأبداع لأبنائها، مش الوظايف بس!

[Mohammad Abouzied]

ولكن النتيجة ان مصر صرفت اموال على تعليم شبابها وبعد تخرجهم قدموا لامريكا على صنية من ذهب لتستغل خبراتهم وتعليمهم مثل النادي الصغير الذي يأخذ الناشئ ويعلمه وبدربه ولما يبقى لاعب كبير يشتريه النادي الكبير علشان يلعب له مبارياته وانا كانت هنا امريكا لا تشتري بل تأخذهم جاهزين

ويضيع المجهود والصرف على ابناءانا وتستثمره امريكا بمعرفتها

[Farah]

ولكن النتيجة ان مصر صرفت اموال على تعليم شبابها وبعد تخرجهم قدموا لامريكا على صنية من ذهب لتستغل خبراتهم وتعليمهم مثل النادي الصغير الذي يأخذ الناشئ ويعلمه وبدربه ولما يبقى لاعب كبير يشتريه النادي الكبير علشان يلعب له مبارياته وانا كانت هنا امريكا لا تشتري بل تأخذهم جاهزين

ويضيع المجهود والصرف على ابناءانا وتستثمره امريكا بمعرفتها

المشكله هنا ياستاذ محمد مش امريكا بلدنا ماهو لو كانوا لقوا شغل مكنوش تدفقوا بالطوابير علي السفارات المختلفه

من غير محسوبيه وواسطه

دلوقتي بنقول امريكا حتستفيد ولها مصلحه طبعا ليها مصلحه ومستفاده بس احنا اللي ادينالها الفرصه

[KWA]

بسم الله الرحمن الرحيم

السلام عليكم ورحمة الله وبركاته

انا مش عارف اقول لحضرتك ايه....كلامك نظريا صحيح اما ردرد الأخوه و الأخوات ......كلام واقعي ...و لا انت مش معايه...

تم تعديل 27 يوليو 2004 بواسطة KWA

[Mohammad Abouzied]

صحيح الكلام واقعي بدليل انه حدث فعلا

ولكنا لا يجب ان ننظر للواقع بأنه شئ مسلم به ويجب وضعه على انه حقيقة يجب الاعتراف بها

ابناءانا المتعلمين فعلا ثروة تم الصرف عليها ومجهودهم احنا اولى به عن امريكا والتي سوف تستغلهم الى اقصى درجة ولا تجعل لهم فرصة ان يفكرو في العودة والاستقرار في بلدهم

والادهى من كدا فهي تأخذ منهم ضرائب على مكاسبهم فيها وتدفع جزء منها لدعم اسرائيل

امريكا سكانها اربع مرات من سكان مصر وتقريبا ضعف سكان العالم العربي وارضها الزراعية حولي ثمانون مليون فدان اي نمثل تقريبا اي نمثل تقريبا 8% من ارضها الزراعية حاليا وتقريبا تساوي ضعف الارض الزراعية لجميع الدول العربية وبالنسة للموارد الاخرى فهي تتساوي تقريبا في كل موارد الدول العربية بل اكثر من ذلك الدول العربية تتميز في السلع الاستراتيجية مثل البترول والغاز

فلو تم توحيد العالم العربي اقتصاديا وتم تشغيل العمالة العربية بأسلوب اقتصادي وعملي يصل الى نصف انتاجية العامل الامريكي فقط

اعتقد انه يستحيل لاي فرد مصري يفكر في الهجرة

[Mohammad Abouzied]

صحيح الكلام واقعي بدليل انه حدث فعلا

ولكنا لا يجب ان ننظر للواقع بأنه شئ مسلم به ويجب وضعه على انه حقيقة يجب الاعتراف بها

ابناءانا المتعلمين فعلا ثروة تم الصرف عليها ومجهودهم احنا اولى به عن امريكا والتي سوف تستغلهم الى اقصى درجة ولا تجعل لهم فرصة ان يفكرو في العودة والاستقرار في بلدهم

والادهى من كدا فهي تأخذ منهم ضرائب على مكاسبهم فيها وتدفع جزء منها لدعم اسرائيل

امريكا سكانها اربع مرات من سكان مصر وتقريبا ضعف سكان العالم العربي وارضها الزراعية حولي ثمانون مليون فدان اي نمثل تقريبا اي نمثل تقريبا 8% من ارضها الزراعية حاليا وتقريبا تساوي ضعف الارض الزراعية لجميع الدول العربية وبالنسة للموارد الاخرى فهي تتساوي تقريبا في كل موارد الدول العربية بل اكثر من ذلك الدول العربية تتميز في السلع الاستراتيجية مثل البترول والغاز

فلو تم توحيد العالم العربي اقتصاديا وتم تشغيل العمالة العربية بأسلوب اقتصادي وعملي يصل الى نصف انتاجية العامل الامريكي فقط

اعتقد انه يستحيل لاي فرد مصري يفكر في الهجرة

[Farah]

ابناءانا المتعلمين فعلا ثروة تم الصرف عليها ومجهودهم احنا اولى به عن امريكا والتي سوف تستغلهم الى اقصى درجة ولا تجعل لهم فرصة ان يفكرو في العودة والاستقرار في بلدهم

استاذ محمد اللي خد الفيزا 6070 مصري اللي موجود دلوقتي في مصر موهلات اضعاف اضعاف العدد ده

تعلي نشوف ايه اللي ممكن نعمله للباقي بصرف النظر عن اللي حيمشي

بعد 10 سنيين صدقني ولا حاجه حتكون اتعملت مش عشان احنا كرهيين انه يحصل تغير لأ

وبعدين ماهو احمد زويله لو مكنش وجد الامكانيات في امريكا مكنش حقق اللي عمله

وعندما حقق نجاح نسب النجاح لمصر برده

يبقي مصر استفادت

وقيس علي كده حاجات كثيره جدا

وحنروح بعيد ليه حضرتك ماهي تعتبر السعوديه استفادت من خبرتك ومصر كانت احق بيها

ايه اللي اجبرك تسيب مصر وتخلي السعوديه تستفيد دون مصر

الامكانيات معدومه

يبقي احسن امريكا تستفاد يمكن يطلع واحد زي احمد زويله ومصر برده تستفاد ولا نحافظ علي ابناءنا المتعلمين من غير امكانيات لتشغيلهم

[KWA]

صحيح الكلام واقعي بدليل انه حدث فعلا

حدث...و بتحدث...و عاتحدث لسنوات و سنوات....

ابناءانا المتعلمين فعلا ثروة تم الصرف عليها ومجهودهم احنا اولى به عن امريكا والتي سوف تستغلهم الى اقصى درجة ولا تجعل لهم فرصة ان يفكرو في العودة والاستقرار في بلدهم

عمرك سمعت عن شخص عايش في امريكا و بيشتكي منها....اما عن موضوع العوده و الأستقرار...البلد مفتوحه اللي عايز يمشي...يمشي....

والادهى من كدا فهي تأخذ منهم ضرائب على مكاسبهم فيها وتدفع جزء منها لدعم اسرائيلوالادهى من كدا فهي تأخذ منهم ضرائب على مكاسبهم فيها وتدفع جزء منها لدعم اسرائيل

و نسيت تقول المعونه الأقتصاديه لمصر....موضوع اسرائيل ده موضوع اخر بعيد عن اساس موضوعنا و هو الهجره....

استاذ محمد ....صعب تحكم علي شعب من خلال سياسه حكومته ....

[فــيــروز]

الحقيقه موضوع الهجره ينبغى ان نفكر فيه بصوره ايجابيه مثلما ننظر الى سلبياته

دول عديده يهاجر شبابها الى امريكا رغم انها تمنح المتعلمين و النابهين فرصا جيده و اعتقد ممكن الصين تكون نموذجا على هذا

لماذا لا تفكر مصر فى الاستفاده من خبرات ابنائها المهاجرين؟ اعتقد ان معظم المهاجرين من جنسيات اخرى لا يتاخرون عن تلبية اى نداء من بلدهم الام فى حالة رغبتها فى الاستفاده من خبراتهم .. لكن المشكله لدينا فى مصر ان الحكومه لا تفكر فى الاستعانه بخبرات هؤلاء وتتركنا نحن نندب حظنا لضياع هذه العقول من ايدينا !!

ليس مهما اين يقيم الشخص المهم ان يجد من يستفيد من خبراته فى اى مكان يوجد فيه

واحمد زويل الذى يئس من اتمام مشروع الجامعه العلميه فى مصر لم يتاخر حين طلبت منه دول عربيه شقيقه اتمام نفس المشروع على ارضها !! وكما نستقدم مدربى الكوره وندفع لهم الشئ الفلانى لا اظن انه سيكلفنا الكثير ان نستعين بخبرات المصريين المهاجرين .. بالعكس يمكن خدماتهم تكون اقل تكلفة و اكثر اخلاصا

[Mohammad Abouzied]

انا اتخيل فقط النموذج المفروض ان يكون على ارض الواقع وهو ممكن جدا ان نصل اليه لان كل مقومات النجاح موجودة

لربما في المستقبل نفوق ونبدأ صح يمكن نعوض ما فاتنا ووقتها نفتح باب الهجرة لاستقبال مهاجرين من العالم يأتوا الينا زي ما فيه مهاجرين كتير من الفنانين والراقصات يهاجرن الى مصر

[linux]

ممكن نسأل نفسنا سؤال صريح:

تفتكروا مصـر (الحكومة يعني) يهمها أن الناس دي تفضل؟

الأجابة و من منطلق تجربتي الشخصية: بالطبع لا.

مثال بسيط: الحمد لله تعالي، العبد الفقير لله نجح نوعا في مجال الكومبيوتر و أكملت دراساتي العليا (علي نفقتي، كنت بدرس و بشتغل) و حصلت علي شهادات و عدة جوائز. لذلك كانت السفارة تدعوني، و تدعوا نخبة ممتازة من نوابغ العقول المصرية في هذا المجال، الي مقابلة بعض الوزراء المصريين عند زيارتهم للأمريكا لمناقشة سبل تطوير مجال البرمجيات في مصــر. و من ضمن تلك اللقاءات قابلنا الدكتور أحمد نظيف أثناء زيارة له هنا من عدة سنوات. خلاصة التجربة أن الرسالة التي وجهت لنا كانت واضحة: خليكوا عندكم في أمريكا و مش محتاجينكوا في مصــر، احنا بس عايزين نستفيد من أتصالتكم في مجالاتكم هنا.

أحنا مش أول أو أكبر دولة تواجه الموضوع ده، الهند كمثال قدرت أنها توازن بين تصدير عمالة عالية (مهندسين برمجيات) و ارساء قاعدة و بنية أساسية في الهند نفسها. و النتيجة كانت نجاح مبهر.

طيب أيه الفروق (مجازا) بينا و بين الهند؟

- التعليم

منظومة التعليم بالهند أقوي و مواكبة للعصر.

- دعم الحكومة و وجود أستراتيجية طويلة الأمد

كل الأخوة و الأخوات اللي زاروا بلد زي بانجالور أو بومباي عارفين كويس أن مصــر أفضل بكتير، و لكن الحكومة الهندية تشجع بكافة الطرق قيام تلك الصناعة الحديثة، سواء بأعطاء أعفاءات ضريبية أو تدعيم شبكات الأتصالات أو تسهيل الأجراءات (قدمت لي الشركة علي فيزا للهند لزيارة تستغرق أسبوعين، جالي الباسبور و فيه تأشيرة عشر سنوات!).

- التيم ورك

دي بقا ذكاء من الشعب نفسه اللي فاهم و واعي أن المصلحة تعود علي الجميع، مافيش "زنب و خوابير و آسافين" في بعض زي مابيحصل معانا.

الخلاصة، أنا أفضل أن بدل ما المتخرجين يقعدوا من غير شغل أو يشتغلوا "تقضية واجب و بس"، أنهم لو فيه فرصة هجرة كويسة ليعيشوا حياة كريمة و يشبعوا رغباتهم العلمية و الأنسانية، يبقا يتوكلوا علي الله.

بل بالعكس، كده هايفيدوا البلد أكتر سواء عن طريق تحويلاتهم المالية، تخفيف العبأ عن النظام المنهار، تجميل صورة المسلمين و العرب في الخارج، دعم قضايانا عالميا و ما الي ذلك.

[Hasaballa 17]

الهند ده موضوع كبير اوى يعنى ان افى اكثر من مرة اتصل بالصيانة لشركة الكومبيوتر الجديد بتاعى وكان د ائما الشخص الى يساعدنى فى التليفون هندى

بس بتكلم من الهند

فى كتير من الدول اللى اقتصادها تعبان زى حالتنا تعتمد اعتماد كبير على تهجير العمالة فى تحسين جزء من الاقتصاد .

[Gharib fi el zolomat]

أقول رأى و من غير زعل

مش كل اللى بياخد دكتوراه من شمال أمريكا يستحقها فعلا

زى أى مكان الكويسسين قليل

القبول فى الدراسات العليا نسبه كبيره منه تعتمد على معرفه شخصيه

الهنود اللی تعاملت معاهم مستواهم كان ضعيف

بس الاتصالات الشخصيه بتنفعهم

محدش يتغر فيهم