ما هو دورنا كمغتربين في التغيير؟؟

[عبير يونس]

إخواني و أخواتي

أطرح بين يديكم فكرة للتغيير الإيجابي

لابد أن يكون لنا كمغتربين عن أرض الوطن دور فيه

كمغترب لك أهداف معينة من اغترابك

و التي ليس من حق أحد عليك أن تشرحها له

تفضل معنا هنا

دون أن يشكك أحد في حبك لبلدك

و دون أن يزايد عليك أحد

فلا يوجد منطق يمكن الاستدلال به

على أن من يعيشون في مصر حاليا

هم أكثر حبا لها و رغبة في وصولها لأفضل الأحوال

ممن يعيشون خارجها

وجودنا كمغتربين بعيدين عن مصر

في أي مكان في الشرق أو الغرب

لا يعني أننا لم نعد نفكر بمصر

فلا زال أهلنا و أصدقاءنا هناك

و لازالت ذكرياتنا و حنيننا يشدنا دوما إلى الأرض الطيبة

و ترابها العطر

الأرض الباقية حتى يرث الله تعالى الأرض و من عليها

تراب أبي و أمي فيها

و اسمحولي حضراتكم أسأل من يقرأ الآن في هذا الموضوع

هل تقتنع أن لحضرتك دور كمغترب في التغيير؟؟

اذا كانت الإجابة بنعم

فأهلا بك معنا

فالمعرفة هي نصف الحل

تعالوا مع بعض نفكر

و نتناقش

و نضع خطة عمل و نختار الأدوار التي يمكننا القيام بها

نبدأ على بركة الله

[pocy]

أكيد لازم يكون لكل مغترب دور فى التغيير لاننا ولادها مهما كان وعم ما الظفر بيطلع من اللحم والوطن حاجه مهمه جدا

واول التغيير ان لا نتلفظ اسمها الا بالخير فقط ولا داعى لاظهار السلبيات فى كل وقت وفى كل مكان

مصر هى امى وابى واخواتى واهلى واخواتى مسلمين ومسيحين

بحبك يامصر وبعشق ترابك وربنا يصلح حال شعبك يارب اللهم امين

معاكى يا قمر اكيد معاكى وبكتب باللون الاخضر لانه لون الخير والنماء ويارب دايما يكون بمصر الخير والنماء

[عبير يونس]

اهلا اهلا بوسي

نورتي التوبيك

وحشتينا

شكرا على تلبية الدعوة

و شكرا على اختيارك للون الأخضر

عاوزاكي يا جميل تقولي لنا مشاعرك الجميلة دي ازاي ممكن توظفيها لاحداث التغيير

على مستوى الأفكار و تنفيذها

ايه تصورك لدورك كزوجة و أم مغتربة في دولة الكويت الشقيقة

هل بتتفاعلي مع المجتمع اللي انتي فيه؟؟

علاقاتك مع الجنسيات الأخرى مع الإخوة الكويتين أم فقط مع المصريين؟؟

[عبير يونس]

يا جماعة

دايما نغضب ونشتكي و نتريق على دور السفارات المصرية في الخارج

سؤالي

ايه تجربتك مع السفارة المصرية في البلد اللي حضرتك مقيم فيها؟

هل لك تجربة فعلا

أم تسمع فقط ما يحكيه زملاءك؟؟

تجارب سلبية بتنتشر كعادة كل الأحداث السيئة التي تطفو على السطح كما يطفو البيض الفاسد

مش عايزين نسمعها هنا لو سمحتم

أكيد في مواقف إيجابية للسفارة مع حضرتك أو مع أحد زملاءك

أرجوكم تحكوها هنا

أكيد الصورة مش قاتمة 100%

أكيد في بصيص نور يرشدنا للوصول

ساعدونا نشوف النور

[Howayda Ismail]

محدش يامغتربة يقدر ينكر على المغتربين حبهم واخلاصهم لمصر

بل على العكس يمكن بعدكم وحنينكم لها مخليكم اعلى احساس من ناس كتير عايشين فيها ومش عارفين قيمتها

وحاسين باوجاعها زيكم ولايفرق معاهم الهوا......

وممكن تلاقى مغتربين بنفس الاحساس ده مش فارقة معاه تخرب تعمر اهو نفد بجلده ومش بيحلم يرجع تانى

ونوع رابع زيكم قلبه محروق وفى نفس الوقت عاجز متحير مش عارف يعمل ايه لكن اللى يعرفه نفسه يموت عشان تعيش هى

يعنى العملية نسبية ومش محتاجة حد يشكك ولا يزايد على وطنية غيره

نفسنا نعمل حاجة من غير مانساعد على خراب او دمار ومن غير ماندخل فى حرب القاتل والمقتول فيها للنار

نفسنا نعمل حاجة من غير شعارات وعنترية فاضية ولاتزييف للحقايق وجهل بنتيجة اللى حيحصل لكن ازاى ؟!

[Howayda Ismail]

اسفة يامغتربة انى اقحمت نفسى فى موضوعك اللى بتخصه به المغتربين

بس كتبت لانى حسيت مافيش فرق بنا فى الغربة انتم برة واحنا برضه مغتربين جوان فى البلد كانها غريبة علينا

من كتر اللى بيحصل فيها

الغربة مش مكان يامغتربة ........ الغربة غربة فهى احساس ساكن جواكى وانت وسط اهلك وجيرانك جوا بلدك

[لماضة مصرية جدا]

السلام عليكم و رحمة الله و بركاته

هو تعليق سريع....و معلشي يمكن خارج عن الموضوع...

هو "عنبو" كان طرح الفكرة دي "اللي ايده في المية".....و و تناول وجهة نظر تستحق الاحترام جدا بخصوص

المغترب....مشاركته في احداث الوطن...ما ليه...و ما يؤخذ عليه

كنا ابتدينا نتناقش فيها....و كانت مناسبة جدا للاحداث الحالية

و بعدين انضمت علي موضوع الباشمهندس اركتيكت...

و زي ما قال استاذ غريب....راحت و ضاعت في الرجلين

و النهاردة طرحت نفس التساؤل في توبيك 25 يناير تاني...لاني اتاكدت انها تاهت في الرجلين

اقتراح

التوبيك بتاع عنبو يرجع كموضوع منفصل....و بعدين ممكن نتفرع منه لدورنا كمغتربين بشكل عام و نطرح من خلاله....خبراتنا في التعامل مع السفارات الوطنية كل في دولته....و طرح النماذج المشرفة و مدي مواكبتنا للاحداث اللي بتحصل لمصر

دي وجهة نظري....و لكي مني كل الاحترام

مسااااكي كل الرضا

[عبير يونس]

محدش يامغتربة يقدر ينكر على المغتربين حبهم واخلاصهم لمصر

بل على العكس يمكن بعدكم وحنينكم لها مخليكم اعلى احساس من ناس كتير عايشين فيها ومش عارفين قيمتها

وحاسين باوجاعها زيكم ولايفرق معاهم الهوا......

وممكن تلاقى مغتربين بنفس الاحساس ده مش فارقة معاه تخرب تعمر اهو نفد بجلده ومش بيحلم يرجع تانى

ونوع رابع زيكم قلبه محروق وفى نفس الوقت عاجز متحير مش عارف يعمل ايه لكن اللى يعرفه نفسه يموت عشان تعيش هى

يعنى العملية نسبية ومش محتاجة حد يشكك ولا يزايد على وطنية غيره

نفسنا نعمل حاجة من غير مانساعد على خراب او دمار ومن غير ماندخل فى حرب القاتل والمقتول فيها للنار

نفسنا نعمل حاجة من غير شعارات وعنترية فاضية ولاتزييف للحقايق وجهل بنتيجة اللى حيحصل لكن ازاى ؟!

أكيد هو ده المطلوب يافندم

اسفة يامغتربة انى اقحمت نفسى فى موضوعك اللى بتخصه به المغتربين

بس كتبت لانى حسيت مافيش فرق بنا فى الغربة انتم برة واحنا برضه مغتربين جوان فى البلد كانها غريبة علينا

من كتر اللى بيحصل فيها

الغربة مش مكان يامغتربة ........ الغربة غربة فهى احساس ساكن جواكى وانت وسط اهلك وجيرانك جوا بلدك

أكيد طبعا

كلنا

في الداخل و الخارج

نحمل اسم مصر

و كلنا لنا نفس الرسالة

و ان اختلفت الأدوات

و أهلا بحضرتك طبعا

تشرفي يا فندم

[justtrying]

واضح ان الاستاذة مدام مغتربة نسيت موضوع المصريين في الكويت وحركة 6 إبريل على ما اتذكر وتم طردهم خارج الكويت لمجرد التفكير في عمل تجمعات من اجل ما يسمى بالتغير ؟ !!!

بصراحة مش عاوز ادخل في تفاصيل التفاصيل وحيثيات تفاصيل التفاصيل لانه هيبقى كلام متعاد كلنا عارفينه وميلنا منه وزهقنا من ترديده

دي نقطة

النقطة التانية في منتهى البساطة وهي كالتالي

بسم الله الرحمن الرحيم

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ

صدق الله العظيم

غيروا انفسكم ابدأوا بانفسكم اصلحوا انفسكم كما امركم الله وسيأتي الله بيسر قريب بإذن الله فإن مع العسر يسرا إن مع العسر يسرا

[عبير يونس]

السلام عليكم و رحمة الله و بركاته

هو تعليق سريع....و معلشي يمكن خارج عن الموضوع...

هو "عنبو" كان طرح الفكرة دي "اللي ايده في المية".....و و تناول وجهة نظر تستحق الاحترام جدا بخصوص

المغترب....مشاركته في احداث الوطن...ما ليه...و ما يؤخذ عليه

كنا ابتدينا نتناقش فيها....و كانت مناسبة جدا للاحداث الحالية

و بعدين انضمت علي موضوع الباشمهندس اركتيكت...

و زي ما قال استاذ غريب....راحت و ضاعت في الرجلين

و النهاردة طرحت نفس التساؤل في توبيك 25 يناير تاني...لاني اتاكدت انها تاهت في الرجلين

اقتراح

التوبيك بتاع عنبو يرجع كموضوع منفصل....و بعدين ممكن نتفرع منه لدورنا كمغتربين بشكل عام و نطرح من خلاله....خبراتنا في التعامل مع السفارات الوطنية كل في دولته....و طرح النماذج المشرفة و مدي مواكبتنا للاحداث اللي بتحصل لمصر

دي وجهة نظري....و لكي مني كل الاحترام

مسااااكي كل الرضا

لموضة الغالية

زميلتي في الغربة

آسفة لو كان توقيت موضوعي تزامن مع دعاوي المظاهرات

بس بجد موضوعي ملوش اي علاقة بالاتفاقات بتاعة 25 يناير

انا باتكلم عن ادوار على المدى الطويل المستمر

الموضوع كان لازم اعمله من زمان

بس ما انكرش ان بعض التعليقات اللي بتطالبنا نخرس و نحط لساننا جوة بوقنا

عشان احنا برة مصر

بجد هزتني جدا

لأني اؤمن تماما

إن دورنا في الخارج لا يقل عن دور المصريين في الداخل

فنحن كلنا سفراء لمصر

و سلوكياتنا تنسب لمصر

و زي ما قلتي يا لماضة في مداخلة ليكي قبل كده

(لما بنكون شطار بيقولوا المصريين عباقرة)

و كمان لما بنغلط مصر بتنجلد معانا

و بتتحمل غلطتنا

ماهي مصر فعلا أمنا

اللي بيكرموها لما يلاقونا كويسين

و بيلوموها لما نغلط انها معرفتش تربينا

الموضوع ده عن ادوارنا في الغربة

لو تلاحظي انا سألت بوسي

و السؤال موجه لينا كلنا كمغتربين

عن علاقاتنا بمواطنين الدول اللي احنا مقيمين فيها

و عن مدى انخراطنا في مجتمعاتهم

و عن علاقاتنا بالجنسيات الأخرى

و عن علاقاتنا ببعض كمصريين

و كمان عن تجاربنا الحقيقية مع السفارات المصرية بالدول التي نقيم فيها

و طالبت بسرد تجارب ايجابية

لأن السلبيات منتشرة جدا

فاحنا عايزين بصيص نور

للايجابيات اللي فعلا موجودة بس مستخبية ورا طبقة من السلبيات مش شايفين غيرها

[عبير يونس]

خلليني أوضح هدفي من الموضوع أكتر

ناس كتير بتسافر

منهم ناس بتسافر بهدف محدد

و لما تحققه بترجع

و في ناس كل ما تحقق هدف تسعى لتحقيق هدف آخر

و تستمر الغربة

و في ناس سفرها هروب

من اي حاجة

شخصية

اجتماعية

او حتى سياسية

مش حنناقش انت اتغربت ليه

لأني باعتبر ان مش من حق حد يسأل حد سؤال زي ده

احنا بنناقش

انت هنا دلوقت

يا ترى عايش ازاي؟

و ايه مدى تكيفك مع الغربة

و يا ترى بتعمل حاجة لمصر اللي بتحبها أثناء وجودك هنا؟؟

طيب حابتدي بنفسي

انا هنا بقى لي 8 سنوات

كنت لغاية فترة قريبة

من زمرة الناس السلبيين

اللي كل حياتهم شكوى

و تحسر و مصمصمة شفايف ع الماضي الجميل

و تنهيدة على حالنا اللي مبيتعدلش

و استعلاء باننا المصريين اللي علمنا الدنيا معنى الحضارة

و انتقاد للمصريين اللي جايبننا ورا بتصرفاتهم

و انتقاد لعنصرية سياسات الدولة اللي انا مقيمة فيها

و لوم النظام الأسود اللي اضطرنا نسافر

و مقارنة حالنا مع الدول الأخرى اللي بتتقدم و احنا بنتأخر

ده كان حالي

زي ما هو حال كتير من المغتربين

اللي نفسي من كل قلبي يطالهم التغيير الداخلي اللي ربنا أكرمني بيه

و خلاني اقدر أبص على الدنيا من شباك جديد

و أشوفها بعيون مختلفة تماما عن السابق

علاقتي بالمكان اللي انا عايشة فيه

كنت مش عايشة الحاضرو خايفة من المستقبل

واجهت و لازلت بأواجه التحديات

و قدرت بفضل الله أتصالح مع نفسي

و أعدّل علاقتي بربي

و بالمكان اللي يضمني أنا و أسرتي

انا طبعا اتربيت في الغربة

بس طبعا تجربة انك تكون ابن او ابنة مغتربة

مختلفة تماما ان تغترب و انت مسؤول عن أسرة

بدأت الاحظ ان احنا بس اللي مش بنعيش هنا

على اعتبار انها فترة نستحملها بالطول و العرض لحد ما نحقق هدفنا و نرجع

دي الفكرة اللي اتبرمجت عليها و انا صغيرة

من أمي الله يرحمها

الفساتين الحلوة خليها نشيلها لما نروح مصر

الخلاط ده بكرتونته لما نروح مصر

... الخ كل حاجة حلوة عندنا

كل حاجة مؤجلة لما نروح مصر

لومها الدائم لبابا لما يشتريلنا حاجات و يقول البسوها

و الا لما يجيب حاجة في البيت اللي هنا

البرمجة دي خلت كل حاجة في حياتي مؤجلة

و هي دي المعاناة الحقيقية في الغربة

لحد حتى ما أصبحت السعادة مؤجلة لما نروح مصر

و لأن الأحوال مش و لابد

أصبحت السعادة مؤجلة إلى أجل غير مسمى

لحد ما ينصلح الحال في مصر

و انا هنا

بأفكر في الهجرة عشان المستقبل المجهول

و برضه مكنتش عايشة الحاضر

و مؤجلة كل حاجة لما نبقى نهاجر

التأجيل و التسويف

من أخطر الأشياء التي تبعدنا عن الحاضر الذي نعيشه الآن

الآن

ما هو عشان يبقى لنا دور ايجابي لازم نصل للايجابية

و عشان نصل للايجابية

لازم نتغير من الداخل

و عشان نتغير من الداخل لازم نشعر بضرورة التغيير

و عشان نشعر بضرورة التغيير

لازم نحس ان في مشكلة لازم تتحل و ان حلها يتطلب التغيير

و عشان نقدر نحس ان في مشكلة فعلا

لازم نعيش الحاضر

الآن

السر في الاحساس باللحظة

اللحظة دي بالتحديد

مش اللي فاتت

و لا اللي لسه حتيجي

يا ترى مستعدين تيجوا تعيشوا معايا اللحظة دي

يا ترى مستعدين تطالبوا بحقكم في السعادة الآن

[عبير يونس]

واضح ان الاستاذة مدام مغتربة نسيت موضوع المصريين في الكويت وحركة 6 إبريل على ما اتذكر وتم طردهم خارج الكويت لمجرد التفكير في عمل تجمعات من اجل ما يسمى بالتغير ؟ !!!

بصراحة مش عاوز ادخل في تفاصيل التفاصيل وحيثيات تفاصيل التفاصيل لانه هيبقى كلام متعاد كلنا عارفينه وميلنا منه وزهقنا من ترديده

دي نقطة

النقطة التانية في منتهى البساطة وهي كالتالي

بسم الله الرحمن الرحيم

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنفُسِهِمْ وَإِذَا أَرَادَ اللَّهُ بِقَوْمٍ سُوءاً فَلا مَرَدَّ لَهُ وَمَا لَهُمْ مِنْ دُونِهِ مِنْ وَالٍ

صدق الله العظيم

غيروا انفسكم ابدأوا بانفسكم اصلحوا انفسكم كما امركم الله وسيأتي الله بيسر قريب بإذن الله فإن مع العسر يسرا إن مع العسر يسرا

واضح ان حضرتك كتبت المداخلة في نفس توقيت كتابتي لمداخلتي اللي وضحت فيها هدف الموضوع

و انه ملوش أي علاقة لا من قريب و لا من بعيد بأي حركات ثورية نهائيا

انا ضد الحركات الثورية نهائيا يافندم

لإيماني زي ما قلت حضرتك بالضبط

إن التغيير يبدأ من الداخل

تحياتي

[akramgroup]

خلليني أوضح هدفي من الموضوع أكتر

ناس كتير بتسافر

منهم ناس بتسافر بهدف محدد

و لما تحققه بترجع

و في ناس كل ما تحقق هدف تسعى لتحقيق هدف آخر

و تستمر الغربة

و في ناس سفرها هروب

من اي حاجة

شخصية

اجتماعية

او حتى سياسية

مش حنناقش انت اتغربت ليه

لأني باعتبر ان مش من حق حد يسأل حد سؤال زي ده

احنا بنناقش

انت هنا دلوقت

يا ترى عايش ازاي؟

و ايه مدى تكيفك مع الغربة

و يا ترى بتعمل حاجة لمصر اللي بتحبها أثناء وجودك هنا؟؟

طيب حابتدي بنفسي

انا هنا بقى لي 8 سنوات

كنت لغاية فترة قريبة

من زمرة الناس السلبيين

اللي كل حياتهم شكوى

و تحسر و مصمصمة شفايف ع الماضي الجميل

و تنهيدة على حالنا اللي مبيتعدلش

و استعلاء باننا المصريين اللي علمنا الدنيا معنى الحضارة

و انتقاد للمصريين اللي جايبننا ورا بتصرفاتهم

و انتقاد لعنصرية سياسات الدولة اللي انا مقيمة فيها

و لوم النظام الأسود اللي اضطرنا نسافر

و مقارنة حالنا مع الدول الأخرى اللي بتتقدم و احنا بنتأخر

ده كان حالي

زي ما هو حال كتير من المغتربين

اللي نفسي من كل قلبي يطالهم التغيير الداخلي اللي ربنا أكرمني بيه

و خلاني اقدر أبص على الدنيا من شباك جديد

و أشوفها بعيون مختلفة تماما عن السابق

علاقتي بالمكان اللي انا عايشة فيه

كنت مش عايشة الحاضرو خايفة من المستقبل

واجهت و لازلت بأواجه التحديات

و قدرت بفضل الله أتصالح مع نفسي

و أعدّل علاقتي بربي

و بالمكان اللي يضمني أنا و أسرتي

انا طبعا اتربيت في الغربة

بس طبعا تجربة انك تكون ابن او ابنة مغتربة

مختلفة تماما ان تغترب و انت مسؤول عن أسرة

بدأت الاحظ ان احنا بس اللي مش بنعيش هنا

على اعتبار انها فترة نستحملها بالطول و العرض لحد ما نحقق هدفنا و نرجع

دي الفكرة اللي اتبرمجت عليها و انا صغيرة

من أمي الله يرحمها

الفساتين الحلوة خليها نشيلها لما نروح مصر

الخلاط ده بكرتونته لما نروح مصر

... الخ كل حاجة حلوة عندنا

كل حاجة مؤجلة لما نروح مصر

لومها الدائم لبابا لما يشتريلنا حاجات و يقول البسوها

و الا لما يجيب حاجة في البيت اللي هنا

البرمجة دي خلت كل حاجة في حياتي مؤجلة

و هي دي المعاناة الحقيقية في الغربة

لحد حتى ما أصبحت السعادة مؤجلة لما نروح مصر

و لأن الأحوال مش و لابد

أصبحت السعادة مؤجلة إلى أجل غير مسمى

لحد ما ينصلح الحال في مصر

و انا هنا

بأفكر في الهجرة عشان المستقبل المجهول

و برضه مكنتش عايشة الحاضر

و مؤجلة كل حاجة لما نبقى نهاجر

التأجيل و التسويف

من أخطر الأشياء التي تبعدنا عن الحاضر الذي نعيشه الآن

الآن

ما هو عشان يبقى لنا دور ايجابي لازم نصل للايجابية

و عشان نصل للايجابية

لازم نتغير من الداخل

و عشان نتغير من الداخل لازم نشعر بضرورة التغيير

و عشان نشعر بضرورة التغيير

لازم نحس ان في مشكلة لازم تتحل و ان حلها يتطلب التغيير

و عشان نقدر نحس ان في مشكلة فعلا

لازم نعيش الحاضر

الآن

السر في الاحساس باللحظة

اللحظة دي بالتحديد

مش اللي فاتت

و لا اللي لسه حتيجي

يا ترى مستعدين تيجوا تعيشوا معايا اللحظة دي

يا ترى مستعدين تطالبوا بحقكم في السعادة الآن

ياريت بقى بقية القصة والنصايح

فى الانتظار يافندم للبقية

[عبير يونس]

ياريت بقى بقية القصة والنصايح

فى الانتظار يافندم للبقية

أستاذ أكرم

شرفني مشاركتك معانا

بس نفسي الموضوع يبقى بداية لحياة جديدة مش مجرد قصة و نصايح

***********************************************************************************************************************

عايزة ابدأ بمفهوم جديد عن علاقتنا بمواطنين الدول اللي بنعيش فيها

ليه بنعمم و نشتكي

و ننفعل عشان سمعنا قصة

ننفعل معاها و نغضب و نصدر أحكام

و نتبرمج ان المواطنين دول بيعملوا كذا و كذا

بينما لم نتعرض أنفسنا لأي شيء!!!

دي حاجة سلبية كنت واقعة فيها بشدة

محدش داس لي على طرف

و دايما باتعامل بكل احترام

بس كنت دايما بانفعل مع قصص الآخرين

و أكيد الحقيقة مبتكونش كاملة لأني دايما باسمع من طرف واحد

طول عمري مؤمنة بإن كل بني آدم بيتعامل بشكل فردي

يعني نفس البني آدم اللي يكون مطلع عين واحد نعرفه

هو نفس الشخص اللي بيقدم لي خدمات و منتهى الاذوق والاحترام

نضجت عندي القناعة دي

و تأكدت منها تماما

مفيش انسان طيب

و مفيش انسان شرير

في أشخاص ربنا بيرزقنا خيرهم

و يكفينا شرهم

لأن الخير من الله سبحانه و تعالى

و الشر من أنفسنا

احنا بأفكارنا الإيجابية عن الآخر ربنا بيرزقنا منه أفضل مافيه

و بأفكارنا السلبية عنه بنجذب لينا أسوأ ما فيه

مع إنه هو نفسه نفس البني آدم!!!

[akramgroup]

هى قوة الاعتقاد

انا فعلا كنت انا ومراتى بنمر بنفس حاله الزهق من الغربه وعدم السعاده

وكانت الفكرة السلبيه دى مسيطرة علينا فى البيت تماما

وكان عندى امل فى موضوع معين ولما بدأ وحطيت رجلى على اول السلم لقيت نفسيتى اتغيرت تماما

وبدأت اتقبل الوضع الحالى والموضوع ده اثر عليا انا و المدام ايجابيا

وبقالى اسبوع وانا بفكر ان التغيير لازم يكون داخلى وان السعاده تصنع ولا تمنح

وان الواحد لازم فعلا هو اللى يبحث عن السعاده وميستهاش جاهزة كده

[عبير يونس]

الحقيقة يا جماعة الواحد يا ما سمع قصص عن السعوديين و الخليجيين و عن تعاليهم و تعاملهم مع الاجانب بعنصرية

انا مرة سألت واحدة صاحبتي سعودية كنا لسه مش اصحاب اوي

بس دلوقتي طبعا حبيبة قلبي من جوة

المهم سألتها انتوا ليه مش بتحبوا المصريين

و جاوبت على عكس ما سألت

يعني اعتقدت اني بقول لها انتوا ليه بتحبوا المصريين؟

قاطعتها

ليه مش بتحبوا المصريين؟

لقيتها استغربت

و قالت لي ايه؟

ده احنا بنموت في المصريين

مين اللي قال لك كده؟

:blink:

دي كانت بداية خليتني افكر

هو احنا ليه بناخد القصص من الناس كمسلمات

مع انها قصص تعبر عن انطباعات بشرية بحتة

و ليست نصوص من القرآن الكريم

عارفين

اول لما جيت هنا

كانت ظروفي المادية مش و لابد

و كنت حامل و على وش ولادة

و كل المصريين اللي عرفتهم هنا قالوا لي بلا استثناء

مستحيل تولدي في مستشفى الولادة هنا

عليكي و ع المستشفيات الأهلية (الخاصة)

و طبعا لما عرفت ان الولادة في تلك المستشفيات مكلفة جدا

بقيت مش عارفة اتصرف ازاي

المهم

المعارف دول

كانوا بيتبرعوا من غير ما اسألهم

و يحكوا لي عن قصص يشيب لها الولدان

من سيدات مصريات او من جنسيات أخرى رفضوا استقبالهم في مستشفى الولادة عشان أجانب

و ولدوا اطفالهم على رصيف المستشفى

:blink:

بل و ممن حكوا لي

كانت واحدة تحكي عن نفسها

كيف انزلوها من ركن الولادة بالمستشفى الى الطوارئ و هي في آخر لحظات الوضع

علشان بيانات الإقامة غلط

و كيف اهملوها هي و طفلتها و تسببوا في اصابة طفلتها بنزلة برد شديدة لأنهم تركوها وقت طويل بدون ملابس

:blink:

و أخرى تحكي لي عن الاهمال الشديد الذي تسبب في انهم استأصلوا رحمها بعد ولادتها لطفلتها

طبعا الاخيرة دي ملهاش علاقة بمصري و الا سعودي

و بتحصل في اي مكان في العالم

بس هي كانت بتحكيلي على مستوى المستشفى المتدني

المهم

تخيلوا الصورة السوداء القاتمة التي كان الجميع يتبرع بوضعها ملاصقة لعيني فلا أرى غيرها

اللي حصل فعلا

و الله ما قادرة أوصف اللي حصل لي في مستشفى الولادة

لأني كلما تذكرته بكيت

بكيت تأثرا

من رحمة ربنا التي وسعت كل شيء

من اول ما بدأت أعراض الولادة و حتى خرجت بطفلتي و معي هدايا و أدوية

من اول ما دخلت و الكل تعامل معي بقمة الرحمة و الانسانية

و لو أمي و اختي و نساء العائلة كلهم معايا مكنتش حسيت بكل الحب ده

من موظفة الاستقبال اللي خدتني بترحيب و انا خايفة لأنطرد و اترمي برة

لحد الممرضات اللي كانوا بيقابلوني بابتسامة و يطبطبوا عليا

و الدكتورة السعودية

اللي كانت قمة في الأدب و الذوق إضافة على الحرفية و الدراية بمهام مهنتها ( اللهم بارك فيها و في أمثالها آمين)

و كانت أحلى ولادة

و كانوا مصرين على اني ابات علشان البنت تاخد تطعيماتها

كل ده مجااااااااااانا

رغم أنني مقيمة و لست معتمرة

و خرجت على مسئوليتي الخاصة لإنني لم أطق ان يبيت اطفالي بدوني

محدش من المعارف اللي كانوا بيخوفوني صدقني

و اعتبروني

بأخزي العين

:blink:

رسالة بأوجهها إلى كل من له قلب

قال الله تعالى في الحديث القدسي:

أنا عند ظن عبدي بي فليظن عبدي ماشاء

[om marawan]

موضوع جميل ومداخلات ولا اروع والله يامصرية ربنا يبارك لك يارب

هو بس هاوضح الاول انه الناس اللى قالت ان اللى فى الغربة ايدهم فى المية

مش قصدهم اننا مش حاسين لكن ده كان متعلق بالكلام عن الثورة وتوجيه اتهام للى فى البلد انهم ازاى ساكتين

فكان رد فعل مش مقصود بيه التقليل من وطنيتنا

لكن زي ماهند قالت للاسف فيه ناس جوه مصر وبرة مصر شعارهم انفد بجلدي ومش عاوز البلد دي تاني :( بكل اااااااسف

انا عارفة ان موضوعك مش متعلق بالاحدا دي تحديدا لكن قلت اشيل اى زعل جواكي م التعليقات دي

نرجع لموضوعك الجميل

هاقول اقتراح الاول بالنسبة لدورنا وان كان مادي مش معنوي

يعنى وكاننا عايشين فى البلد فعلا ممكن الشباب يساعدونا كل اسرة هنا تتبنى اسرة فقيرة فى مصر

وتبعت لها مبلغ ولو بسيط ولكن بشكل ثابت وشهرى

انا عن نفسي ماعنديش تجربة مع السفارة هنا غير تخليص ورق عادي والحمد لله مافيش مشاكل

يمكن فيه بعض مواقف السفارة ماقدرتش تاخد موقف لبعض الناس ولكن ده كان تبعا لقرارات قانونية

واعتقد انه الطبيعي طالما بنعيش فى أى بلد اننا نحترم سيادتها القانونية

غير كده الحمد لله قانون العمل هنا منصف جدا طالما لك حق

بشكل عام صحيح انا مسافرة بقالي 3 سنوات او اكتر لكن ماعنديش أى مشكلة لو ربنا أراد اننا نرجع

لأنى زي ماقلتي حوالت لما جيت اعيش اللحظة

ابعد شوية احساسي بالحنين اللى ممكن يكدر الغربة طول الوقت

وفى نفس الوقت ماقلقش من الرجوع فى اى وقت

لان كل اللى ربنا يختاره خير دايما

بالنسبة لمعارفنا هنا

انا بكل اسف علاقاتى محدودة جدا لكن اول ماجيت البلد جيراني فى نفس الدور سورية واردنيه

الاول ماكنش فيه اى معرفة

وكان عندي برضه اعتقاد ان السوريين مش محبوبين زي حالاتنا برضه وماكنتش فاهمة ليه

وكنت شايفة انه حاجة غريبة ان ناس تكره جنسية بلد من بابها

وانه كل مجتمع فى الدنيا فيه نماذج من كل نوع

الحقيقة مع الوقت اتعرفت بجارتي السورية وولادها بولادي

وبقت حبيبتى جداا ولقيت هي انسانة قد ايه مهذبة وخلوقة

ولقيت ان السوريات من اقرب السيدات فى الطباع لنا كمصريات

حتى ان هم كعيلة بيحبوا كل حاجة مصرية

من اول اللب المصري لحد حتى فرق الكورة المصرية وكانوا بيشجعوا معانا فى ماتشات مصر :closedeyes:

انا كمان كان عندي قناعة زيك يامصرية انه مافيش انسان كله وحش

وانه يهمنى تعاملاته معايا وانه اسهل كتير اننا نلاقى للناس اعذار

من اننا نتهمهم او نلومهم بيننا وبين نفسنا

وحتى مع الوقت بحاول اتقبل فكرة انى اشوف الناس اللى بيكرهوا كل ماهو مصري من غير ما ابقا كارهاهم بالتبعية

حتى نفس المرحلة اللى حكيتي عليها

انى اشوف أغلب السلبيات فى بلدي واقل الايجابيات كانت عندي

والحمد لله جيت فى لحظة قررت انى ماخدش بتجارب االاخرين

وانى اشوف بنفسي وأحاول ماديش دماغي لحد يغسلهالى بدعاوى هجوم او تشاؤم او يأس من حال البلد

و لقيت مع الوقت ميت منفذ ومنفذ للتغيير غير الاعتراض

لقيت انى مش محتاجة اقول لنفسي شوف المصريين اللى مسوئين سمعة البلد

بقيت افكر انا عملت ايه عشان احسن سمعتها وسمعه اهلها

بدات بنفسي ولا لأ ؟

حاولت اكون مثال جيد لاهل مصر وماذكرهاش بسوء زي مابوسي قالت وأراعي ربنا فى تعاملاتي مع الناس ولا لأ ؟

باحاول يامصرية وربنا يقدرنا

تسلمي على موضوعك الجميل

ولنا عودة نفكر كمان ازاى ممكن نفيد بلدنا اكتر كمغتربين بيعشقوا ترابها

[عبير يونس]

موضوع جميل ومداخلات ولا اروع والله يامصرية ربنا يبارك لك يارب

هو بس هاوضح الاول انه الناس اللى قالت ان اللى فى الغربة ايدهم فى المية

مش قصدهم اننا مش حاسين لكن ده كان متعلق بالكلام عن الثورة وتوجيه اتهام للى فى البلد انهم ازاى ساكتين

فكان رد فعل مش مقصود بيه التقليل من وطنيتنا

لكن زي ماهند قالت للاسف فيه ناس جوه مصر وبرة مصر شعارهم انفد بجلدي ومش عاوز البلد دي تاني :( بكل اااااااسف

انا عارفة ان موضوعك مش متعلق بالاحداث دي تحديدا لكن قلت اشيل اى زعل جواكي م التعليقات دي

ربنا يكرمك يا جميل و ده عهدي بيكي دايما

جزاكي الله كل الخير

بس انا مش زعلانة

انا قلت ان التعليقات دي هزتني

و خلتني

ازيد اصرار اني اوجه طاقتي لدوري كمغتربة

نرجع لموضوعك الجميل

هاقول اقتراح الاول بالنسبة لدورنا وان كان مادي مش معنوي

يعنى وكاننا عايشين فى البلد فعلا ممكن الشباب يساعدونا كل اسرة هنا تتبنى اسرة فقيرة فى مصر

وتبعت لها مبلغ ولو بسيط ولكن بشكل ثابت وشهرى

اقتراح رائع

انا عن نفسي ماعنديش تجربة مع السفارة هنا غير تخليص ورق عادي والحمد لله مافيش مشاكل

يمكن فيه بعض مواقف السفارة ماقدرتش تاخد موقف لبعض الناس ولكن ده كان تبعا لقرارات قانونية

واعتقد انه الطبيعي طالما بنعيش فى أى بلد اننا نحترم سيادتها القانونية

غير كده الحمد لله قانون العمل هنا منصف جدا طالما لك حق

صح تماما

في ناس كتير معتقدة ان دور السفارة هي حمايتنا حتى و ان تجاوزنا قوانين الدولة التي نقيم فيها

على اعتبار ان رعايا الدول الكبرى يحتمون بسفاراتهم

و المسألة ان مواطني الدول الكبرى يعرفون حقوقهم

بينما المواطن المصري غالبا لا يعرف حقوقه

لا في الداخل

و لا في الخارج

بشكل عام صحيح انا مسافرة بقالي 3 سنوات او اكتر لكن ماعنديش أى مشكلة لو ربنا أراد اننا نرجع

لأنى زي ماقلتي حوالت لما جيت اعيش اللحظة

ابعد شوية احساسي بالحنين اللى ممكن يكدر الغربة طول الوقت

وفى نفس الوقت ماقلقش من الرجوع فى اى وقت

لان كل اللى ربنا يختاره خير دايما

صح الصح

بالنسبة لمعارفنا هنا

انا بكل اسف علاقاتى محدودة جدا لكن اول ماجيت البلد جيراني فى نفس الدور سورية واردنيه

الاول ماكنش فيه اى معرفة

وكان عندي برضه اعتقاد ان السوريين مش محبوبين زي حالاتنا برضه وماكنتش فاهمة ليه

وكنت شايفة انه حاجة غريبة ان ناس تكره جنسية بلد من بابها

وانه كل مجتمع فى الدنيا فيه نماذج من كل نوع

الحقيقة مع الوقت اتعرفت بجارتي السورية وولادها بولادي

وبقت حبيبتى جداا ولقيت هي انسانة قد ايه مهذبة وخلوقة

ولقيت ان السوريات من اقرب السيدات فى الطباع لنا كمصريات

حتى ان هم كعيلة بيحبوا كل حاجة مصرية

من اول اللب المصري لحد حتى فرق الكورة المصرية وكانوا بيشجعوا معانا فى ماتشات مصر :closedeyes:

انا كمان كان عندي قناعة زيك يامصرية انه مافيش انسان كله وحش

وانه يهمنى تعاملاته معايا وانه اسهل كتير اننا نلاقى للناس اعذار

من اننا نتهمهم او نلومهم بيننا وبين نفسنا

الجملة دي قرأتها أكثر من مرة

و بجد تستاهل تتبروز

لأنها برشامة دواء لكل علاقاتنا مع الآخرين

وحتى مع الوقت بحاول اتقبل فكرة انى اشوف الناس اللى بيكرهوا كل ماهو مصري من غير ما ابقا كارهاهم بالتبعية

حتى نفس المرحلة اللى حكيتي عليها

انى اشوف أغلب السلبيات فى بلدي واقل الايجابيات كانت عندي

والحمد لله جيت فى لحظة قررت انى ماخدش بتجارب االاخرين

وانى اشوف بنفسي وأحاول ماديش دماغي لحد يغسلهالى بدعاوى هجوم او تشاؤم او يأس من حال البلد

و لقيت مع الوقت ميت منفذ ومنفذ للتغيير غير الاعتراض

لقيت انى مش محتاجة اقول لنفسي شوف المصريين اللى مسوئين سمعة البلد

بقيت افكر انا عملت ايه عشان احسن سمعتها وسمعه اهلها

بدات بنفسي ولا لأ ؟

حاولت اكون مثال جيد لاهل مصر وماذكرهاش بسوء زي مابوسي قالت وأراعي ربنا فى تعاملاتي مع الناس ولا لأ ؟

باحاول يامصرية وربنا يقدرنا

تسلمي على موضوعك الجميل

ولنا عودة نفكر كمان ازاى ممكن نفيد بلدنا اكتر كمغتربين بيعشقوا ترابها

كلامك عجبني جملة و تفصبلا

و فعلا فخورة بيكي و بأفكارك و سلوكياتك

و مستنية أفكارك تنور طريقنا في الغربة

[Rosea]

والله الموضوع ده فى بالى جدا برده...بس الراى اللى بيقول اننا منتكلمش غير بالخير طيب ماحنا طبيعى بنحاول بس ازاى واحنا مفضوحين بجلاجل ...يعنى تخيلوا الراجل الهندى بيسالنى هو ليه عندكوا نسبة الطلاق عاليه..و العرب طبعا حدث و حرج محسسينى انهم بيتفرجوا على البرامج الحواريه يوم بيومو هو انا نفسى بتخنق منها..و لما احاول اغير الموضوع او امشى يقولولى احنا ضايكناكى ولا ايه و يزودوا فيهاّ!!!

بس الافعال يتتكلم احسن من الاقوال وبتقول انهم رغم كده نازلين مصر يجيبوا ناس تانى

[عبير يونس]

فاكرين الموضوع ده

ده كان قبل الثورة بأسبوع فقط

ما كانش عندي أي أمل أن ممكن ثورة تحصل أو تغيير يحصل

و كنت فاكرة اللي حيحصل 25 يناير مجرد مظاهرات حيروح فيها ضحايا كتير و بس

و فعلا بدأت مظاهرات و راح فيها كتير

بس العناية الالهية قلبت كل الموازين

سبحان من يغير و لا يتغير

سؤال خطر على بالي و أنا باسترجع الأحداث اللي حصلت في أقل من 3 شهور

يا ترى بعد الثورة

ايه خططنا كمغتربين؟؟