اسكندرية ................بقت غريبة على

[Howayda Ismail]

مواطن يربط نفسه بجنازير حديدية ويضرب عن الطعام بالإسكندرية

لم يجد الصاوى محمد الصاوى، أخصائى تنظيم وإدارة أول بالهيئة المصرية لسلامة الملاحة البحرية أمامه،

حلاً للجزاءات التى يأخذها تعسفاً كل يوم إلا أن ابتكر حيلة جديدة لإظهار غضبه.

قام الصاوى بالوقوف أمام باب واحد بميناء الإسكندرية، وربط نفسه بجنازير حديدية، وأعلن إضرابه عن الطعام،

الأمر الذى جعل مديرى الهيئة يعلنون مفاوضتهم معهم وتحديد موعد الغد لإنهاء جميع مشاكله.

من جانبه، أكد المواطن المضرب عن الطعام أنه أدرك وقوع الظلم عليه بعد القرارات التعسفية التى صدرت فى حقه

ظلما ومنعه من حقوقه الوظيفية حتى فى التأمين الصحى، كما تم اتهامه ظلماً فى بعض الأمور حيث يكتبون أنه غائب،

بينما هو حاضر

مش عارفة من كتر الاخبار السيئة اللى باشوفها على النت كل يوم عن اسكندرية واهلها حاسة

انها اصبحت صحيفة حوادث وحاسة انى قريب حاكون واحدة من رواد هذه الصحيفة انى اختل عقليا

لانى اللى باشوفه فى الشارع مختلف تماما عن اللى باقراه على النت زى مايكون اصبح عندى حالة شيزوفرنيا

اللى تعبنى هو الناس لازم تأذى نفسها عشان تقدر تاخد حقها فى البلد دى

مرة واحد يشنق نفسه وغيره يولع فى نفسه واللى نفسه غالية عليه بيولع فى اهل بيته او يرمى مراته من

بلكونة حتى الموظف المسكين ده عجز ياخد حقه الا بكده والحمد لله انه مفكرش يساير الموضة ويولع فى نفسه

اللى بيحصل ده زى مايكون المسئولين بيقولوا للناس الذوق مش نافع مابيوكلش عيش

زى مايكون تشجيع ان الناس تفضحهم فى وسائل الاعلام عشان صوتهم يعلى بحقهم المهضوم

ماكان من الاول نصفوه ولا هو الشريف فى البلد اصبح مجنى عليه

اصل الجمارك عندنا حدث ولاحرج عمولات ورشاوى ورسايل مهربة ومجهولة ويبقى يومه اهله اسود لو موظف شريف

عمل فيها بطل واعترض

[المهندسه]

ماتزعليش اوى كده يا هند ...ده مش حال اسكندريه بس ...البلد كلها كده و من زمان اوى

انتى مش فاكره هوجه الاضراب و الاعتصام لعمال المصانع فى القاهره و المحله وغيرهم

الناس زهقت مابقتش عارفه تاخد حقها ...الناس حاسه انها رخيصه عند البلد

وان روحهم رخيصه و انسانيتهم و كرامتهم مالهاش تمن ...علشان كده بقوا يقولوا

"ضربوا الاعور على عينه ..قال ماهى خسرانه خسرانه"

يعنى الناس يا عينى حاسه انهم كده كده ميتين ...

[Howayda Ismail]

مزعلش ازاى يابشمهندسة والفساد خطى الركب ولف على الرقاب يخنقها

وكما توقعت سبب الاحتجاج

تصدى قضية فساد ضد أحد كبار المسئولين فتم خصم راتبه

موظف بالاسكندرية يربط نفسه بعمود كهرباء ليعبر عن غضبه

ربط الصاوي محمد الصاوي نفسه بجنزير في عمود كهرباء أمام مقر هيئة السلامة البحرية بالإسكندرية أمس‏ الثلاثاء

،‏ حيث يعمل أخصائي تدريب‏‏ معتبراً هذا، وسيلة للتعبير عن غضبه مما يعتبره ظلماً بحقه‏.‏

وطلب الموظف حضور المهندس علاء فهمي وزير النقل والدكتور صفوت النحاس رئيس جهاز التنظيم والإدارة ليطلعهما

على معاناته على مدي الأشهر الماضية مع قيادات هيئة السلامة،‏ وفي مقدمتهم مدير عام الشئون القانونية التي

أوصت بخصم‏ 5‏ أيام من راتبه لغيابه عن العمل مما أدى إلى إنخفاض مرتبه بمعدل‏ 400‏ جنيه شهرياً‏.

‏

وأجرت صحيفة الأهرام حواراً هاتفياً مع الصاوي لتعرف منه القصة كاملة،‏ كما رواها والتي بدأت فصولها منذ عامين

عندما تصدى لقضية فساد ضد أحد كبار المسئولين فدفع الثمن غاليا‏.

‏

قال وهو يبكي‏‏ "منذ هذه اللحظة بدأ الإضطهاد فتم نقله من إدارة التنظيم والإدارة إلى إدارة النشر‏، حيث يجلس

فيها بلا عمل ولا تسند له أي أعمال منذ عامين"‏.

‏

وأضاف‏‏ "إستمر مسلسل الإضطهاد ليتم بعد ذلك مجازاته وخفض راتبه بالرغم من إنه مريض بالقلب والسكر ويحتاج

علاجاً شهرياً‏.

‏تقدم الصاوي بمذكرة يستغيث فيها اللواء مصطفى وهبة رئيس هيئة السلامة لإنقاذه مما يتعرض له،‏ فتم تحويلها

إلى الشئون القانونية التي أوصت بإستمرار العقاب بالرغم من أنه قدم كل ما يثبت براءته وعدم تغيبه عن العمل‏.

‏

يقول الصاوي إن لديه ولدين أحدهما بكلية التربية الرياضية بالإسكندرية لم يتمكن من مواصلة تعليمه لعدم قدرته

على توفير النفقات اللازمة‏.

وبعد أن ربط نفسه بالجنزير تجمع عدد من العاملين حوله وسط صيحات تعبر عن الظلم والمعاناة إلى أن حضر إليه

اللواء فايز نوبار نائب رئيس هيئة السلامة الذي أصطحبه إلى مكتبه وطلب منه كتابة مذكرة بمشكلته‏.

وهنا قال له الصاوي‏:‏ "لقد كتبت أكثر من مذكرة بهذه المشاكل إلى رئيس الهيئة دون جدوي،‏ وقد قام بعض زملائه

بإيصاله إلى منزله،‏ حيث يرقد حالياً في حالة نفسية سيئة ومازال ملفه مفتوحاً‏.‏

[أهااات روح]

لا حول ولا قوة الا بالله

كل يوم اخبار سيئة عن مصر

والله نفسيتى تعبت جدا من كتر الاخبار دى ومأثرة عليا جدا

نفسى فى يوم اسمع خبر حلو عن مصر

الله يكون فى عون اهلنا فيها

ياااارب فك كرب مصر يااارب

ارحمنا برحمتك يارحمن يارحيم

[Howayda Ismail]

لا حول ولا قوة الا بالله

كل يوم اخبار سيئة عن مصر

والله نفسيتى تعبت جدا من كتر الاخبار دى ومأثرة عليا جدا

نفسى فى يوم اسمع خبر حلو عن مصر

الله يكون فى عون اهلنا فيها

ياااارب فك كرب مصر يااارب

ارحمنا برحمتك يارحمن يارحيم

ومين سمعك ياروح كلنا نفسيتنا تعبت

حسبنا الله ونعم الوكيل

[engmido]

لا حول ولا قوة الا بالله

كل يوم اخبار سيئة عن مصر

والله نفسيتى تعبت جدا من كتر الاخبار دى ومأثرة عليا جدا

نفسى فى يوم اسمع خبر حلو عن مصر

الله يكون فى عون اهلنا فيها

ياااارب فك كرب مصر يااارب

ارحمنا برحمتك يارحمن يارحيم

فعلااااااااااااااااا

نفسيتى صفر

[مصطفي طلبة]

دولة الظلم ساعة ودولة الحق الي قيام الساعة

[Howayda Ismail]

يعنى فى عزم قيام الثورة وانفلات الامن وشيوع الفوضى فى مصر كلها وحتى فى بعض احياء اسكندرية لكن

كان فى امان عن دلوقت لان البلطجة والفوضى فى الشوارع مكنتش موجهة للمواطنين

حتى وقت حظر التجوال كان كتير من الناس فى الشوارع لحد الفجر

ولاننا فى منطقة غرب كنا بعيد عن المظاهرات صحيح حصل سلب وسرقة وحرق لمبنى المحكمة القديم والجديد

وسرقت بعض ماكينات الصرف لكن الاهالى استطاعوا يحموا شركات حيوية بمساعدة الجيش واهمها جميع شركات البترول

والمياه والكهرباء والبنك حتى عمال حديد الدخيلة اقدروا يحموها ولما حصل نداء فى الجوامع المسروقات

رجعت تانى واتكونت لجان شعبية كان بتضم شباب ( ربما بلطجية او متهورين ) لكنهم هم اللى قادوا شباب الجامعات

فى الورديات بمعنى ان الشباب ده كان الفراغ والبطالة هى اللى خلته كده بلطجى لكن لما جت فرصة ان يبقى كويس

متأخرش وظهر معدنه الطيب لكن اللى بنسمعه ونشوفه دلوقت بلطجة من نوع تانى خالص مدربة ومنظمة ولها حد بيقودها.

صاحبة بنتى ابوها منعها من النزول للشارع والدروس لانها اتعرضت للخطف فى ميدان المحكمة من رجال كبار وشباب

فى عربية ولما اتفزعت صرخت بهستيريا والناس جريت على العربية لكنها هربت لان الشارع كبير طريق اسكندرية مطروح

افتكرت بنتى واصحابها بيبالغوا لما قالوا كده لكن ابنى الكبير لما رجع بالليل حذرنا من النزول انا وبنتى خصوصا

بعد المغرب لان سمع بنتين اتخطفوا فى نفس المنطقة ووجودا جثث لشباب داخل المحكمة

وطبعا انا رغم شكى فى الكلام منعت بنتى الصبح تروح درسها فى نفس المنطقة

وسمعنا عن بلطجية هجموا على مول كبير بالمنشية بالسيوف واسلحة نارية واتصدى لهم شباب مقهى مخصص للصم والبكم

وحدث اصابات وربما وفاة

عن نفسى قلت لهم متخفوش يمكن دى كلها اشعات عشان يخوفوا الناس بيها لكن ابنى اكد حادثة المنشية

ودلوقت التليفون مش بيبطل رن من اقاربنا واصحابنا فى العجمى بيحذرونا من الخروج لان فى خطف للبنات

والبلطجية هجموا على محل دهب بالهانوفيل

مش عارفة حاسة لو الكلام ده صحيح يبقوا دول بلطجية الحكومة والشرطة ( الانتخابات ) اللى كانوا مشغولين

معاهم وقت الثورة ولما انتهى دورهم واستغنوا عنهم بقوا لاشغلة ولا مشغلة سرحوا فى الشوارع ينتقموا من الناس

بالسرقة والخطف والجيش معذور حيعمل ايه ولا ايه ولما بيبقى فى مشكلة كبيرة الناس بتتصل وبيجوا بسرعة

ويحلوها لكن اللى بيحصل ده مش طبيعى ويمكن وراه تحريض

حتى لو اشاعات نتاكد ازاى ونطمن ازاى على خروج ولادنا ولحد امتى الفوضى دى حتفضل

اسكندرية عمرها ماكانت كده كنت اوقات بارجع من عند امى واخواتى منتصف الليل لوحدى انا وبنتى فى امان

دلوقت نخاف ننزلوا بالنهار

الكارثة ان ابنى واولاد اختى ناويين يشيلوا اسلحة تحميهم من اى حد يهاجمهم بعد عمليات التثبيت

وانا باكتب دلوقت بالصدفة ابنى بيقولى اسعار المطاوى ارتفع سعرها واختفت من السوق لان الكل دلوقت

عاوز يأمن نفسه ويشيل سلاح ايه اللى بيحصل ده شباب الجامعة حيبقوا بلطجية هما كمان

منه لله مبارك والعادلى وامن الدولة وكلاب حراستهم لانهم السبب فى اللى بيحصل دلوقت

[spain]

لا حول ولا قوة الا بالله

كل يوم اخبار سيئة عن مصر

والله نفسيتى تعبت جدا من كتر الاخبار دى ومأثرة عليا جدا

نفسى فى يوم اسمع خبر حلو عن مصر

الله يكون فى عون اهلنا فيها

ياااارب فك كرب مصر يااارب

ارحمنا برحمتك يارحمن يارحيم

ومين سمعك ياروح كلنا نفسيتنا تعبت

حسبنا الله ونعم الوكيل

ليه بس كده

بالعكس المفروض نفسيتنا تبقي متحسنة

لاننا بنتخلص من افات مجتمع وفساد...عشش فيها سنين وعقود

زي المريض اللي لازمه عمليه جراحية ولازم يعملها ...بيضطر يستحمل الالم وفقدان دم اثناء العمليه وفترة نقاهة ومعاناه بعدها ...بيحس فيها لبعض الوقت انه نفسه يرجع لقبل العمليه ...بيحس ان نفسه مختلفة ...وانه مش هو ...لكن سريعا بيخف ويتعافي وبيبقي زي الفل

ياريت نطمن بعضنا في مصر لاننا محتاجين للكلام ده

[م تيمور المراغي]

كل هذا التقيح والصديد لابد ان يلفظه الجسد حتى يعود سالما متعافيا قويا ن شاءا لله ,,

ايام بتمر وضريبة لازم ندفعها ولو من اموالنا و دمائنا واولادنا ,,

بس بعد شهور والله لفكرك ان كل ده بقى ماضي نتذكره وناخذ منه العبرة والحكمة مع قليل من الشجن والحزن ,,

الامن راجع للشارع يقينا لامحالة ,,

و اللجان الشعبية مع الشرطة بشكلها الجديد حيجبروا كل المجرمين على الاختباء والتلاشي معلش هما شافولهم يومين

تعرفي يا مدام هند انتي في كلامك اديتنا الامل في بكره لما قلتي :

..........

اتكونت لجان شعبية كان بتضم شباب ( ربما بلطجية او متهورين ) لكنهم هم اللى قادوا شباب الجامعات

فى الورديات بمعنى ان الشباب ده كان الفراغ والبطالة هى اللى خلته كده بلطجى لكن لما جت فرصة ان يبقى كويس

متأخرش وظهر معدنه الطيب

.........

قال عز وجل

وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا

صدق الله العظيم

[Howayda Ismail]

كل هذا التقيح والصديد لابد ان يلفظه الجسد حتى يعود سالما متعافيا قويا ن شاءا لله ,,

ايام بتمر وضريبة لازم ندفعها ولو من اموالنا و دمائنا واولادنا ,,

بس بعد شهور والله لفكرك ان كل ده بقى ماضي نتذكره وناخذ منه العبرة والحكمة مع قليل من الشجن والحزن ,,

الامن راجع للشارع يقينا لامحالة ,,

و اللجان الشعبية مع الشرطة بشكلها الجديد حيجبروا كل المجرمين على الاختباء والتلاشي معلش هما شافولهم يومين

قال عز وجل

وَقُلْ جَاءَ الْحَقُّ وَزَهَقَ الْبَاطِلُ إِنَّ الْبَاطِلَ كَانَ زَهُوقًا

صدق الله العظيم

كل ده مفهوم يابشمهندس وان شاء الله غمة وتنزاح

اللى يحزن تسمع ناس تحرق دمك وتقولك يارب الشرطة ترجع لنا تانى تحمينا زى الاول

ولما تناقشها انهم السبب فى اللى بيحصل ولو رجعوا يحترموا نفسهم الاول ويراعوا ربنا فى الناس

يابلاش يرجعوا يقولوا يعنى لو حد طلع عليكم فى الشارع دلوقت واتعرض لكم تعملوا ايه

طيب مالاول مكنش فى عسكرى واحد فى الشارع ومكنش حد بيتعرض لنا ولا لغيرنا

كنا بنشوفهم بس فى حملات الازالة وسرقة بضاعة الناس او فى متشات الكورة عند الاستاد ووقت الانتخابات

كانوا شرطة ملاكى

لو سمحت يابشمهندس فى اقتراح كان موجود على الفيس وياريت حضرتك توصله

الاقتراح من مستشار قضائى قال طالما الشرطة متمردة على النزول

يستعينوا بدفعتين سابقتين من خريجى الحقوق ويدربوهم فى الجيش لمدة 6 شهور ويتم تعينهم بعد كده

[م تيمور المراغي]

.........

لو سمحت يابشمهندس فى اقتراح كان موجود على الفيس وياريت حضرتك توصله

الاقتراح من مستشار قضائى قال طالما الشرطة متمردة على النزول

يستعينوا بدفعتين سابقتين من خريجى الحقوق ويدربوهم فى الجيش لمدة 6 شهور ويتم تعينهم بعد كده

سبحان الله ,,

انا كنت فتحت توبيك من شوية بالفكرة دي قبل ما حضرتك تطلبي بحوالي 7 دقايق بالظبط

الرباط الخاص بي

حاضر يا ست الكل ,,

يوصل ان شاءا لله ,,

تقبلي كل التحية ,,

[Howayda Ismail]

سبحان الله ,,

انا كنت فتحت توبيك من شوية بالفكرة دي قبل ما حضرتك تطلبي بحوالي 7 دقايق بالظبط

الرباط الخاص بي

حاضر يا ست الكل ,,

يوصل ان شاءا لله ,,

تقبلي كل التحية ,,

جزاك الله خير يابشمهندس

حاشوف موضوع حضرتك وربنا يجعل فيه الخير ان شاء الله

[Howayda Ismail]

مش معقول اللى بيحصل فى اسكندرية ده والله

الموضوع زاد عن حده

تحولت شوارع الاسكندرية لحرب عصابات ولاينفض الا بعد وقوع قتلى وتدخل الجيش

لم يقتصر ذلك على حى دون اخر لكن اكثر المعارك تتركز فى المنشية ومحطة الرمل

والظاهر ان السيوف والاسلحة البيضاء اصبحت موضة قديمة استبدلت بالرشاشات والالى حتى فى الاحياء الشعبية

عدم استقرار البلد بالصورة دى وغياب الامن وعدم الموافقة على التعديلات حيزود الامور سوءا

لان معظم الناس دى فقدت وظايفها وعملها وكتير منهم كان بلطجية الشرطة وامن الدولة

الجديد حرب عائلات كبيرة صعيدية مسستقرة فى الاسكندرية من سنين بتحاول تفرض سيطرتها على مناطقها

فى غياب الامن

من كل اللى بنسمعه كل يوم بقيت اخاف انزل ابعد من المنطقة اللى انا فيهاوخصوصا بعد المغرب

لان اول المعركة بتبتدى بيقطعوا الكهربا وده بيحصل تقريبا كل يوم فى المنشية وتهديد لحياة المارة

http://www.youtube.com/watch?v=_MamawFcxqY&feature=related

تم تعديل 19 مارس 2011 بواسطة Hend ali

[Howayda Ismail]

الفيديو ده صعب اوى

http://www.youtube.com/watch?v=1yS44LwUBIU&feature=related

http://www.youtube.com/watch?v=ljmgYk7M1Ho&feature=related

[masraweya]

ربنا يمتعنا بالامن في اوطاننا

و يجعلها سخاء رخاء

يا رب اعنا كي نصلح بلادنا

يا رب سترك و لطفك

:egyflag: