مفارش لاسيه

[pocy]

انا زمان وانا فى الجامعه كنت بحب جدا اعمل مفارش لاسيه وعاملهم منهم فى جهازى بس الان نسيت انا كنت بعملهم ازاى انا جبت الخيط بس للاسف مش جبت نماذج وقلت اكيد هلاقي على النت منهم كتير بس مش لاقيه حاجه عجبانى

فهل من مساعد فى الشرح وفى النامذج لو حد عنده الهوايه دى ؟؟؟؟

اختكم مزنوقه

[mekkawy]

الفاضلة بوسي

انا ماليش في ال(اسمه ايه؟) ده معلش .. بس انا جاي أقول الحمد لله على السلامة.

مكاوى

[fatfouta]

بصى يا بوسبوس اللاسيه ده الشرح فيه يطول

أول حاجة

انتى بتجيبى خيط اللاسيهاللى هو شكله كده

ويتشترى معاه ورقة كده عبارة عن رسمة او بيسموها نموذج وهى شكلها كده

...لو انتى مبتدئة اختارى مفرش صغير ورسمه سهلة عليكى شوية عشان تتعلمى فيها

هو فيه منه الوان كتير واحلاهم الدهبى والاوف وايت توحفة والنبيتى كمان يجنن

تانى حاجة بقى هى المرحلة اللى انا مش بحبها فى اللاسية وهى انك تخيطى خيوط اللاسيه على الورقة اللى فيها الرسمة بالابرة والخيط والنموذج بيبقى شكله كده وفيه منه اشكال كتيرة

اعملى حاجة حاجة جيبى النموذج والخيط وخيطيه عليه بالابرة وبعد ماتخلصى واحدة واحدة هتبتدى تعملى العواميد اللى هى بتلزق خيوط اللاسيه فى بعضها عشان ما يتفكش بعد ماتخلصيه

لو فهمتى حاجة قوليلى وانا اكملك وهشوفلك طريقة شرح سهلة من عالنت واجيبهالك

[fatfouta]

وعلى فكرة صحيح فيه نوعين من خيوط اللاسيه وهو العادى اللى كلنا عارفينه اللى انا حطيت صورته فى الاول اللى هو ذى كده

وفيه نوع تانى وده بيبقى جميل اللى هو القطن وبيسموه قطان يعنى فى مصر عند اى خردواتى بتقوليله عاوزه شريط قطان

[engmido]

وعلى فكرة صحيح فيه نوعين من خيوط اللاسيه وهو العادى اللى كلنا عارفينه اللى انا حطيت صورته فى الاول اللى هو ذى كده

وفيه نوع تانى وده بيبقى جميل اللى هو القطن وبيسموه قطان يعنى فى مصر عند اى خردواتى بتقوليله عاوزه شريط قطان

يااااااااه

والله زمان

فكرتينى بموضوع اتيليه الهوانم

[suma]

بس نحن بنضع ورقة سميكة اسفل التي عليها الرسمة واشبك الخيط بهما سويا. حتى نحافظ على الرسم حتى نهاية عملنا بالمفرش ...وعلى فكرة في كتيبات في السوق بتوضح بطرقة جيدة الغرز وكيفية مليء الفراغات.كما سنجد كتبا ايضا للكروشيه.

وفقك الله في عمل المفارش دي فهي لو كانت من صنع اليد تزدات قيمتها.

سومه