هتعمل لاندج ؟ يبقى ناوى تعمل ايه ؟

[بيبو كندا]

أعزائى اعضاء المنتدى

فكرت كثيرا قبل ان افتح موضوع جديد بس بجد انا فى حيرة كبيرة و عندى 100 سؤال :sad:

بمناسبة انى معايا ال سى اس كيو و مستنى الفدرال و اعتقد ان الاسئلة دى بتدور فى دماغنا كلنا و منها

1- ناوى تعمل لاندج فين و ليه ؟

2- على اى من خطوط الطيران هتسافر و ليه ؟

3- عارف الورق بيخلص ازاى و الخطوات و ازاى تطلع رخصة قيادة ؟

4- عندك حد فى كيبك ولا هتلاقى سكن ازاى هناك ؟

5- هتسافر لوحدك ولا مع العيلة ؟

6- شنطة السفر هتاخد ايه و لا ايه و شنطة السفر دى مواصفاتها ايه ؟

7- هتاخد ادوية معاك من مصر علشان اول 3 شهور و نوعها ايه ؟

8- هتذاكر و تعمل معادلة ولا لا ولادك هيخشوا المدارس ازاى و فين و بكام ؟

9- هتسكن فين ؟؟؟؟؟ بجوار كنيسة لو مسيحى و بجوار جامع لو مسلم ؟ و قين الكنيسة و الجامع هناك ؟

فلفيت المنتديات و جمعت الكثير من المعلومات من ناس افاضل كتييير مش عايز اذكرهم بالاسم خوفا من النسيان بس فى شخص بعينه عمل الكثير و هو السيدة سميه صالح من منتدى المطاريد

قلت لازم اشارككم بيها و هو نفكر مع بعض بصوت عالى يمكن يكون فى حد عنده معلومة جديدة تفيدنا فى اللوصة اللى انا فيها

ايه رايكم نتناقش ولا نقفل الموضوع من اوله ؟

[بيبو كندا]

الاوراااااااااااااااااااااااااااااااااااااااااااااااااااااااااااااااااااااااااق

هناك مجموعة من الأوراق الهامة الواجب عليك إنجازها فور الوصول وهي

==========================================

1-بكارت التأمين الصحي (Health Card)

هاذهب و معاك الاوراق الاتية

جواز سفرك - كارت ال PR - وكذلك (Landing paper) وهي تلك الورقة الكربونية التي سيسلموناه لك في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

ولمزيد من المعلومات، إليك المعلومات من موقع وزارة الصحة

http://www.health.gov.on.ca/english/...hipfaq_dt.html

أرجو أن تنهي هذه الخطوة في أسرع وقت

حيث أنك ستنتظر فترة 3 شهور كاملة قبل أن تستلم كارت ال OHIP

في خلال تلك الفترة، فالرعاية الصحية هي مسؤوليتك الشخصية وستدفع قيمة الكشف عليك في كل مرة تحتاج إلى زيارة الطبيب، فانتبه إلى ذلك.

س: ماذا لو ضاع منك كارت الـ OHIP ؟

عند ضياع الكارت اتصل على هاتف 1 800 268-1154 و أعطيهم رقم الكارت الضائع

فسوف يقومون بإرسال بديل له على عنوانك البريدي وعندما تستلمه قم بإتلاف القديم لو وجدته لأنه قد تم إلغاؤه ولا يمكن التعامل به.

وكذلك عندما تغير عنوانك .. أرسل خطاب بصورة الكارت وفيه العنوان الجديد

PO box 9000

Kingston on

K7L 5A9

لاحظ أن تأشيرة دخولك لكندا أضحت بلا قيمة، حيث أنهم سيرسلون لك كارت الإقامة واسمه هنا PR كاردPermanent Resident card)) وسنختصر التسمية إلى PR

حيث أنها هي الشائعة هنا. وهذا الكارت هو الذي ستستخدمه عند خروجك ودخولك إلى كندا في المستقبل وحتى تحصل على الجنسية وجواز السفر الكندي بعد ثلاث سنوات باذن الله.

وكارت ال PR هذا هو بمثابة إثبات شخصية "photo ID" هام لك فلا تفرط فيه واحرص عليه.

س: ماذا لو فقدت كارت ال PR ؟

اتصل بهذا الرقم بسرعة 888 242 2100

واتبع التعليمات بدقة، لاستخراج كارت بديل (هذا سيكلفك صور شخصية ومبلغ 50$)

الآن سنستخرج أهم كارت، وهو الرقم القومي (Social Insurance Card)

واسمه المختصر هو SIN Card

كل ماعليك هو الذهاب إلى أي من مراكز (HRDC) ومعك الأوراق التالية:

جواز سفرك - كارت ال PR - وكذلك (Landing paper) وهي تلك الورقة الكربونية التي استلمتها في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

س: ماذا لو فقدت كارت ال SIN ؟

اتصل بهذا الرقم بسرعة 800-206-7218

واتبع التعليمات بدقة، لاستخراج كارت بديل (هذا سيكلفك صور شخصية ومبلغ 50$)

وكالعادة، سوف تستلم هذا الكارت في بريدك، كندا تعتمد على البريد في كل شيء تقريبا، وهو من مظاهر تقدم الدول، فالدولة التي لديها نظام بريدي ثابت وقوي وفعال، هي دولة يتم فيها تبادل الرسائل بين عناصر الهرم الإداري بسرعة وكفاءة.

http://www.canadapost.ca/tools/pg/sitemap/default-e.asp

أحرص على هذا الكارت جداً، ولا تعط رقم الـ SIN الخاص بك لأي إنسان سوى: مكان عملك أو البنك، فقط لاغير، ولاتعطه لأي إنسان آخر فينتحل شخصيتك و يلحق بك الضرر.

الأفضل أن تترك كارت الـ SIN وكذلك الـ PR في المنزل في مكان آمن

الآن يمكنك أن تفتح حساب في البنك

اذهب إلى أي بنك في البلد تختار، وكلهم يقدمون خدمات متشابهة على أعلى مستوى، مثال:

TD bank

/Scotia bank

/CBC bank/

PC bank/

HSBC bank

موقع تي دي كندا تراست بنك

http://www.tdcanadatrust.com

وده موقع نوفا سكونشيا بنك

http://www.scotiabank.com

لابد أن يكون معك الأوراق التالية:

جواز سفرك - كارت ال PR - وكذلك (Landing paper) وهي تلك الورقة الكربونية التي استلمتها في المطار وهي هامة جدا فاحرص عليها - واثبات لعنوانك "مثال ذلك عقد الإيجار"

وتفتح حساب في فترة دقائق، و سيصل في بريدك كارت ال ATM

ويمكنك بعد بضعة شهور أن تقدم طلب للحصول على فيزا VISA كارت بسهولة

وممكن تضع مبلغ في حساب توفير وتصدر لك الفيزا بعدها باسبوع....ويبدأ تاريخك الاتماني

س: ماذا لو فقدت كارت ال VISA ؟

اتصل بهذه الأرقام بسرعة وبدون تأخير

واتبع التعليمات بدقة، لابد من إلغاء الكارت القديم قبل أن يسيء أحدهم استخدامه

Trans union 1 800 663 9980

Aqua Fax 1 800 465 7166

18773232598 - 5144932598

ويمكن طول الوقت الاتصال بالبوليس ليساعدك في أية خدمة أو معلومة تريدها

416 808 2222

أو الاتصال برقم 911 في أي وقت ومن كل مكان في حالة الطواريء والضرورة القصوى

هناك 3 انواع من الكروت :

============

1- كارت تحقيق الشخصية ( pr ) واكيد كلكم عارفينه لانه زى البطاقة الشخصية وده قالولنا فى المطار انهم هايبعتوه لنا بعد 5 اسابيع

2- كارت التامين الاجتماعى ( NAS)

3- كارت التامين الصحى ويسمى فى كيبيك ( solie ) ( الشمس )

والموضوع مش معقد يادوب الموظفة بتشوف الاوراق ( اللاندينج بيبر - والسى اس كيو - والباسبورات ) وبتدخل البيانات على الكمبيوتر وخلاص

وبيكون للكارت ده رقم سرى المفروض ماحدش يعرفه لان من خلال الرقم ده الحكومة بتبعت منحة الاطفال او اى مساعدات مادية تانية من الحكومة

وكمان ليه كلمة سر بتكون عبارة عن اسم العائلة الخاص بوالدة صاحب الكارت ( يعنى كلمة السر بتاعتى هى اسم العائلة الخاص بوالدتى )

وبعد كده الموظفة قالت لى هانبعت لكم الكروت فى خلال 3 اسابيع

وكارت التامين الصحى لازم له صورة فبعد ما خلصت ادخال البيانات لازم تتصوروا هنا ( 8 دولار ) :

وح يرسلوه لكم بعد حوالى 4 اسابيع

الرقم القومي لا يتغير حتي بعد اخذ الجنسية ولا تستطيع العمل بدونه كما انه يكون بمثابة المفتاح الذي تستطيع عن طريقه الهيئات الحكومية والبنوك الحصول علي كل البيانات عنك.

كما تبدأ في نفس الوقت في فتح حساب في البنك حتي تستطيع الحصول علي شقة ،

ولفتح الحساب يفضل ان تثبت الدولارات التي تحملها علي الباسبور في المطار لأن البنك لازم يسألك عن مصدر الفلوس.

كل البنوك بتحط مصاريف علي حركات السحب والاضافة ومافيش فرق بينهم يستدعي مجرد التفكير والمقارنة

. بعد ان تستقر ،افتح حساب في بنك President's choice financial لأنه البنك الوحيد في كندا اللي ما بياخدش اي مصاريف عالحركات، وبيديك Points كمان

=خلصت اجراءات الSIN بسرعة .....و كانت اهم التوجيهات من الموظفين لنا بضرورة الاحتفاظ بهذ الرقم فى مكان سرى..... و عدم اظهاره لأى أحد.... حتى لا يستخدم بشكل غير شرعى من أى حد غير صاحبه...

و بلغونا انه سيتم ارسال SIN Cards بعد اسبوع اللى العنوان اللى اعطيناه لهم و بالفعل استلمناه لاحقا بعد أسبوع

وكانت المستندات المطلوبه هى الباسبورات و وورقة ال Proof of Landing اللى قلت لكم عليها قبل كده...

. كانوا الحقيقة ناس لطاف جدا و أعطونا بعض النشرات التعريفية عن بعض الخدمات المتوافرة و التى هى من حق المواطن الكندى...

وانصح فى هذه المناسبة اخوانى بالدخول على هذا الموقع http://www.cic.gc.ca و قراءة الجزء الخاص ب SIN وكيفية التصرف لو ضاع و ازاى تحمى نفسك من المساءلة...

شكر خاص لمدام دعاء صاحبة المعلومات السابقة

و الرخصة بقى

بعد كده يبقي فاضل رخصة السواقة....وده مهمة لانها تستعمل كاثبات شخصية عند التقديم في اي جهة حكومية

http://www.drivetest.ca/

وده سيت مهم للنجاح في امتحان الجي وان

https://www.yd.com/legacy/youngdrivers

حاولوا من دلوقتي تتدربوا علي الامتحان ده اكتر من مرة....صدقوني ح يفيدكوا جدا

وده موقع الرخصة والهاند بوك

http://www.mto.gov.on.ca/english/dan...ion1.0.0.shtml

واللي عايز يكمل ويدخل علي الجي2 ،،،،من الافضل يدخل مدرسة سواقة حصة اواتنين....وده الموقع الخاص

<BR style="mso-special-character: line-break"><BR style="mso-special-character: line-break">

[om saif]

شكرا جزيلا على المجهود

ربنا يكرمك ويوفقك

[بيبو كندا]

شكرا جزيلا على المجهود

ربنا يكرمك ويوفقك

ربنا يخليكى و يكرمك يا رب

[بيبو كندا]

الشنــــــــــــــــــــــــــــــــــــــــــــــــــــــــــط

1شنط السفر والمسموح والممنوع

======================

2 شنطه كبيره

شنطه لاب توب

شنطه صغيره معاك في الطياره

المسموح للفرد في معظم شركات الطيران هو شنطتين ....كل واحده بحد اقصي 23 كيلو.... (كل واحده مش مجموع الاتنين اقل من 46 )

حجم الشنطه الواحده بقياس كل الابعاد الطول والعرض والعمق هو 157 سم

بعض شركات الطيران بتسمح بشنطه واحد مجانا والتانيه بفلوس

الموقع ده فيه

المسموح في معظم شركات الطيران واسعار تاني شنطه

http://www.expedia.com/daily/flights...es.asp#airline

الشنطه الزياده بيدفع عليها 100 دولار

الوزن اكتر من 32 كيلو ممنوع دخولها

الحجم اكبر للشنطه من 157 لحد 292 يدفع عليها 100 دولار

الحجم اكبر من 292 غير مقبول

عربيه البيبي سواء الستولير او كرسي السياره والكرسي المتحرك للمعاقين مسموح بهم مجانا

http://www.continental.com/***/en-US.../checkbag.aspx

http://www.aircanada.com/en/travelin.../carry-on.html

الشنطة اللي علي الطيارة

23*40*55 سم....ده حجمها

وزنها لايزيد عن 10 كيلو

ممكن تحتوي

الاوراق الهامة.....شهادات...اوراق الاندنج....الخ

الفلوس

الادويه

الاشياء القيمه زي المجوهرات

واكل الاطفال

الممنوعات علي الطياره والتي من الممكن وضعها في الشنطه الكبيره

http://www.tsa.gov/travelers/airtravel/pro...ited-items.shtm

اي حاجه ليها سن مدبب .......مفك او سكينه او مقص

الاجهزه الكهربائيه او الاسلكيه زي

الماوس الواير

راديو جهاز اتصال

اقلام الليزر

محتويات الشنط

سوف اسرد المحتويات فى نقاط محددة كالاتى :

-أشياء ضرورية ( جواز السفر – نقود – تذكرة السفر – أى وثائق أخرى ستحتاجها

- ملابس(غيارات داخلية ثيرمال وعاديه - ملابس للبيت – ملابس للخروج - شبشب- حذاء عادى وحذاء رياضى _ شرابات – شماعات – حزام - ملابس شتوية أو صيفية حسب البلد المسافر إليها – بدلة أو أكثر حسب الحاجة ويفضل ماتشتريش من مصر الا اذا كانت الفترة اللى جايين فيها ( شتاء ) مافيش ما يناسب لها خالص من اللى عندكم

- مفارش للسراير وفوط واكياس المخدات المستطيلة العريضة فقط اما المخدات الطويلة اللى بطول السرير دى مش موجودة هناك

- أدوات النظافة (صابونة – 2فوطة - مشط – كريم للشعر- قصافة اظافر – مقص - فرشة أسنان - معجون أسنان – شامبو - فرشة حلاقة - كريم حلاقة - ماكينة حلاقة - ماكينة حلاقة كهربائية لو بتستخدمها بس تاكد من الفولت اللي بتشتغل عليه لو 220 بس يبقي لازم محول - مراية صغيرة – ملقاط – عطر – مناديل كافية)

- بعض الالعاب الخاصة بكل طفل والتى يفضلها بشدة ( وياريت مش كتير علشان هناك الالعاب تبهر الكبير قبل الصغير ) اما الاسعار فهناك تفاوت كبير بين الرخيص جدا الى المتوسط الى الغالى وكله موجود

- بعض الكتب الخاصة الهامة لينا كتب دينية وجبت كتب للغة العربية وكمان قصص باللغة العربية لكى لا ينسى اطفالك اللغة العربية

- بعض ادوات المطبخ والتى ستستعمل للفترة الاولى المعالق وادوات السفرة على قد كل فرد 3 حلل مثلا - كبايات - مجات ( كله على القد جدا فترة اسبوعين لشهر لحد ما تقدروا تنزلوا وتشتروا )

- مجموعة كبيرة من الادوية العامة وخاصة المناسبة للطوارئ للاطفال من (إسعافات أولية (ترمومتر-– خافض للحرارة - قطن طبى _بلاستر طبي– مطهر ولصق للجروح – أى أدوية أخرى يحتاجها المسافر )

- أدوات اليكترونية (تليفون محمول - شاحن المحمول –محول كهربائي من 110 الي 220 وده للي جايب اجهزه من مصر (علي فكره الاب توب بيشتغل علي 110 و 220 وبكده مش هيحتاج محول) _ كاميرا وبطارية ,وشاحن الكاميرا وكروت ذاكرة إضافية معها - لابتوب وملحقاته - اسطونات صيانة وبرامج – أسطوانات أغانى وأفلام تفكرك ببلدك )

- ادوات للخياطة - شامبو - معجون اسنان وفرش وتوك للشعر

_هدايا من مصر كام ورقه بردي علي كام حاجة فرعونية كده....بيحبوا الحاجات ده جدا

تذكر الاتي

*تكون مجهز معاك ورقه مطبوعه فيها محتويات الشنطه بتاعتك وقيمه تقريبيه لكل حاجه فيها بالدولار عشان تديها للجمارك

*وورقه تانيه فيها الحجات اللي انت ناوي تبقي تجيبها من مصر بحيث تكتب اسمها وسعر تقريبي ليها بالدولار الكندي عشان بعد كده ميتاخدش عليها جمارك

*الزوجة لو معاها مجوهرات ياريت تصورها وتطبع ليها صوره الوان بحيث تديهالهم في المطار

نقطة هامة جدا ..........الاجهزة الكهربائية

اولا ....فيشه الكهرباء ....علشان اي جهاز او لاب توب او سشوار

ثانيا ....محول الفولت ....وده ممكن تحتاجه او لا حسب الجهاز اللي معاك

الفولت في كندا 110.....كلنا نخلي بالنا من النقطة ده

وكمان الهرتز عندهم ٦٠ هرتز....عندنا ٥٠ هرتز......خالي بالكم

الفيش شكلها كالاتي.........يعني ح تحتاج ادبتر ضروري...وده موجود في محلات الكهرباء هناك طبعا احسن

بالطبع الحاجات دى متجمعه من اكثر من مكان فشكرا لكل من ساهم فيها

[رونا]

مجهود رائع

[tassneem]

مجهود رائع جزاك الله خيراً وفى انتظار المزيد

[AggoW]

حقيقى حقيقى يا بيبو

مش لاقى كلام يعبر عن تقديرى وإعجابى بمجهوك الرائع لإفادة الكل

ربنا يديلك على أد تعبك ويسندك وقت احتياجك

أخوك

[AggoW]

حقيقى حقيقى يا بيبو

مش لاقى كلام يعبر عن تقديرى وإعجابى بمجهوك الرائع لإفادة الكل

ربنا يديلك على أد تعبك ويسندك وقت احتياجك

أخوك

[بيبو كندا]

شكرا ليكم جميعا رونا و تسنيم و اجوووو

شكرا لمروركم انا كنت فقدت الامل و مكنتش هكتب هنا تانى

محدش قال حلو ولا وحش

متشكر ليكم جدا

تم تعديل 25 يناير 2011 بواسطة بيبو كندا

[الكندى باذن الله]

حلو ايه يا راجل

والله حلو كلمه لا توفيك حقك

روووووووووووووووووووعه

ولا بيبو بتاع الاهلى

كمل الله يكرمك

فيدنا ونورناوهون علينا الانتظار

الله يكرمك يا رب

شكرا ليكم جميعا رونا و تسنيم و اجوووو

شكرا لمروركم انا كنت فقدت الامل و مكنتش هكتب هنا تانى

محدش قال حلو ولا وحش

متشكر ليكم جدا

[بيبو كندا]

تابع الشنط

هذا مقتطع من كلام الدكتور الخلوق فاروق من التوبيك بتاعه

ملحوظات هامه عن شنطه السفر نفسها وازاي تحميها من السرقه والضياع

لاتضع حجات مهمه زي المجوهرات او اوراق مهمه في شنطه السفر الكبيره

شيل اي علامات قديمه او تكيت من سفر سابق علي الشنطه

حط تكيت علي الشنطه من بره في مكان واضح وفي اكتر من مكان يحتوي علي اسمك وتليفونك واميلك

وكمان حط اسم شركه الطيران ومكان السفر ومكان الوجهه بتاعه السفر

وكمان حط واحد جوه الشنطه

حط شريط فسفوري علي ايد وكمان علي جسم الشنطه بحيث انك تشوفها بسهوله

والافضل طبعا انك لما تشتري الشنطه تكون لونها مميز زي احمر فاقع مثلا

حاول تصور شنطتك بالموبايل وتحفظ الصوره علي الموبايل او الكاميرا

نصيحه عامه انك تحط طقم غيار في الشنطه اللي معاك علي الطياره بحيث لاقدر الله لو الشنطه اتاخرت او ضاعت تعرف علي الاقل تبات ليله وتلاقي لبس

الافضل حجات المكياج والكريمات والجيل والشامبو والعطور عامه خليها في شنطه السفر الكبيره عشان متوجعش دماغك بالامن علي الطياره

وعلي فكره لو حصل تاخير في الطياره واضطر انك تبات المفروض ان شركه الطيران بتوفرلك اودوات استعمال خاه عشان الليله ديه وكمان حجز غرفه نوم

وبجد ومش هزار انت لو جنسيتك عربي مش هتاخد اي حاجه وده عن حادث اعرفه حصل فعلا

اوعي تقفل الشنطه بتاعتك بقفل عشان ممكن يكسروا القفل للتفتيش

لو انت من النوع كثر التنقل اوعي تستخسر الفلوس في الشنطه لانها لما تكون نوع كويس هتعيش معاك واوفر علي المددي الطويل

وكمان الشنط لازم تكون علي عجل عشان تجرها مش تشيلها

[MZohairy]

تعرف يا بيبو ايه هي فعلا اهم حاجه في موضوع الهجره؟

انك تاخد معاك المبلغ المنطقي اللي حيكفيك تعيش هناك وانت خالي شغل (بدون مبالغه ولا تهوين)

و ايه التصرف اللي يخليك تقدر تخلي الفتره دي قصيره

غير كده كله بيعدي و من غير ما تحس بأي مشكله

لازم الأسره اللي مكونه من 4 افراد مثلا تعمل حسابها انها حتصرف شهريا ما يعادل في المتوسط 3000 دولار (1000 سكن و 2000 مصروف)

لو حنقول ان التشايلد بينيفتس اللي الأسره دي ممكن تاخده شهريا حوالي 500 دولار في السنه الأولى

يبقى اذا الأسره دي عندها عجز شهري قرابة 2500 دولار شهريا

في 12 شهر يبقى بتتكلم على حوالي 30 الف دولار لتغطية العجز و للعيش عيشة كريمه

طبعا ممكن اسره زي دي في ظروف معينه تلجأ لمعونة البطاله من الدوله بس حتى المعونه و رغم رزالتها الا انها مش حتزيد عن 900 دولار تقريبا لنفس الأسره شهريا و بالتالي ما زال عندك عجز حوالي 20 الف دولار خلال العام لازم تكون جايبه معاك للزمن

النصيحه الأولى و الأخيره : لازم تحاول تاخد كورسات في اي مجال او في عدة مجالات اول ما توصل

بحيث بعد 6 شهور مثلا يكون بقى معاك كورسين تلاته و تقدر تدخل سوق العمل الكندي الكاجوال الكويس خلال فتره قصيره

من غير الكورسات دي صعب جدا تلاقي شغل

جدا

تم تعديل 25 يناير 2011 بواسطة mzohairy

[بيبو كندا]

تعرف يا بيبو ايه هي فعلا اهم حاجه في موضوع الهجره؟

انك تاخد معاك المبلغ المنطقي اللي حيكفيك تعيش هناك وانت خالي شغل (بدون مبالغه ولا تهوين)

و ايه التصرف اللي يخليك تقدر تخلي الفتره دي قصيره

غير كده كله بيعدي و من غير ما تحس بأي مشكله

لازم الأسره اللي مكونه من 4 افراد مثلا تعمل حسابها انها حتصرف شهريا ما يعادل في المتوسط 3000 دولار (1000 سكن و 2000 مصروف)

لو حنقول ان التشايلد بينيفتس اللي الأسره دي ممكن تاخده شهريا حوالي 500 دولار في السنه الأولى

يبقى اذا الأسره دي عندها عجز شهري قرابة 2500 دولار شهريا

في 12 شهر يبقى بتتكلم على حوالي 30 الف دولار لتغطية العجز و للعيش عيشة كريمه

طبعا ممكن اسره زي دي في ظروف معينه تلجأ لمعونة البطاله من الدوله بس حتى المعونه و رغم رزالتها الا انها مش حتزيد عن 900 دولار تقريبا لنفس الأسره شهريا و بالتالي ما زال عندك عجز حوالي 20 الف دولار خلال العام لازم تكون جايبه معاك للزمن

النصيحه الأولى و الأخيره : لازم تحاول تاخد كورسات في اي مجال او في عدة مجالات اول ما توصل

بحيث بعد 6 شهور مثلا يكون بقى معاك كورسين تلاته و تقدر تدخل سوق العمل الكندي الكاجوال الكويس خلال فتره قصيره

من غير الكورسات دي صعب جدا تلاقي شغل

جدا

امسك

انت اللى جيت برجليك يا باشا

مش هسيبك همسك فيك بايدى و سنانى ده لو سمحتلى طبعا

اولا انا محاسب و دلوقتى مدير مالى فى شركة صغننه كده و مخلص بارت من السى ام ايه ( انا عارف انك محاسب )

و ان شاء الله هكملها قبل السفر اتفقنا

تبقى لى هناك فرصة اد ايه ؟؟؟

ثانى سؤال انا طالع كيبك

واحد قابلنى قالى ايك و كيبك دى روح ترونتو وانا هعملك البحر مش عارف ايه

ماشى با عم خلينى ورا الراجل لحد منروح

ايه رايك كلامه صح المعيشة فى كيبك و العمل مش سهل ولا اروح و اتكل على الله

ملحوظة انا رجل عجوز الان 38 سنة

تم تعديل 25 يناير 2011 بواسطة بيبو كندا

[MZohairy]

امسك

انت اللى جيت برجليك يا باشا

مش هسيبك همسك فيك بايدى و سنانى ده لو سمحتلى طبعا

:P

اولا انا محاسب و دلوقتى مدير مالى فى شركة صغننه كده و مخلص بارت من السى ام ايه ( انا عارف انك محاسب )

و ان شاء الله هكملها قبل السفر اتفقنا

تبقى لى هناك فرصة اد ايه ؟؟؟

السي ام ايه حتكون خطوه كويسه في سبيل تقليص وقت المعادله لشهادات المحاسبين هناك (سي جي ايه -او سي ايه -او سي ام ايه) يعني بدل ما تعادلها في سنتين او تلاته تعادلها في سنه او 8 شهور مثلا

ثانى سؤال انا طالع كيبك

واحد قابلنى قالى ايك و كيبك دى روح ترونتو وانا هعملك البحر مش عارف ايه

ماشى با عم خلينى ورا الراجل لحد منروح

ايه رايك كلامه صح المعيشة فى كيبك و العمل مش سهل ولا اروح و اتكل على الله

ملحوظة انا رجل عجوز الان 38 سنة

اولا علشان تلاقي شغل في كيبيك لازم الفرنساوي بتاعك يكون معقول

ثانيا انا مش قادر الاقي ميزه لكيبك عن باقي الولايات الانجليزيه الا ربما قد يكون هناك مساعدات اكتر شويه في التعليم و الكورسات

غير كده انا مش لاقي مميزات

[بيبو كندا]

حبيب قلبى Mzohairy

انا طبعا ما رحبتش بيك .:waving: .. و يمكن ما تعرفنيش بس انا متابع كل موضوعاتك و كتاباتك

و عارف اد ايه انك انسان محترم و صاحب مبدأ و تساعد كل الناس

شكرا لردك و شكرا لنصائحك و انا منتظر المزيد و كلى اذن صاغية :unsure:

خلاص موضوع الفلوس ده انتهينا منه 30000 دولار تأمر يا باشا اصل احنا 4 افراد

مع ان كيبك ارخص كثير فى اسعار البيوت يعنى من 700 دورلار تلاقى شقه معقوله

بما ان العمل فى كيبك زيه زي العمل فى اى مقاطعه اروح كيبك و اخبط ان شاء الله سنه و بعد كده نبقى نقرر الاستقرار فين

و منتظر المزيد من النصائح

[د بطوط]

تعرف يا بيبو ايه هي فعلا اهم حاجه في موضوع الهجره؟

انك تاخد معاك المبلغ المنطقي اللي حيكفيك تعيش هناك وانت خالي شغل (بدون مبالغه ولا تهوين)

و ايه التصرف اللي يخليك تقدر تخلي الفتره دي قصيره

غير كده كله بيعدي و من غير ما تحس بأي مشكله

لازم الأسره اللي مكونه من 4 افراد مثلا تعمل حسابها انها حتصرف شهريا ما يعادل في المتوسط 3000 دولار (1000 سكن و 2000 مصروف)

لو حنقول ان التشايلد بينيفتس اللي الأسره دي ممكن تاخده شهريا حوالي 500 دولار في السنه الأولى

يبقى اذا الأسره دي عندها عجز شهري قرابة 2500 دولار شهريا

في 12 شهر يبقى بتتكلم على حوالي 30 الف دولار لتغطية العجز و للعيش عيشة كريمه

طبعا ممكن اسره زي دي في ظروف معينه تلجأ لمعونة البطاله من الدوله بس حتى المعونه و رغم رزالتها الا انها مش حتزيد عن 900 دولار تقريبا لنفس الأسره شهريا و بالتالي ما زال عندك عجز حوالي 20 الف دولار خلال العام لازم تكون جايبه معاك للزمن

النصيحه الأولى و الأخيره : لازم تحاول تاخد كورسات في اي مجال او في عدة مجالات اول ما توصل

بحيث بعد 6 شهور مثلا يكون بقى معاك كورسين تلاته و تقدر تدخل سوق العمل الكندي الكاجوال الكويس خلال فتره قصيره

من غير الكورسات دي صعب جدا تلاقي شغل

جدا

ازاى حضرتك يا ا/محمد بجد حضرتك شخصيه رائعه وانا متابعه كل مشركاتك فى المطاريد

بجد انت من الناس التى يرفعلها القبعه

انت بجد الكلمتين دول جم ع الجرح هى دى فعلا المشكله اعمل ايه لو سافرت ب 10000 دولار و عايز اكمل هناك و احنا اسره من 4 افراد

ايه نوعيه الكورسات اللى ممكن اخلص كام واحد فى 6 شهور هل هى لغه و لاحاجات معينه حضرتك ترشحها

انا عارفه الكورسات دى لسوق العمل الكاجوال

طيب هل وانا بشتغل شغل كاجوال هيبقى عندى وقت اذاكر عشان المعادله

طيب هل لو انا او زوجى فرد واحد مننا بس اشتغل هل ده يفى باحتياجات الاسره فى الفتره الاولى

(على اساس ان واحد يتفرغ للمعادله وواحد يبقى مسئول عن البيت )

طيب لو واحد فينا بس اللى بيشتغل هينفع ناخد جزء من معونه البطاله ولا دى لو احنا التنين عاطلين

موضوع بنك الطعام ده هل ده فى كيبك بس ولا فى كل المقاطعات (انا مش عارفه الاسم بتاعه بالظبط بس هو مكان بيتصرفللك منه زى تموين اسبوعى )

و شكرا للرد مقدما انا عارفه انى تقلت على حضرتك

[د بطوط]

شكرا يا بيبو ع الموضوع فى انتظار المزيد

[MZohairy]

حبيب قلبى Mzohairy

انا طبعا ما رحبتش بيك .:waving: .. و يمكن ما تعرفنيش بس انا متابع كل موضوعاتك و كتاباتك

و عارف اد ايه انك انسان محترم و صاحب مبدأ و تساعد كل الناس

شكرا لردك و شكرا لنصائحك و انا منتظر المزيد و كلى اذن صاغية :unsure:

خلاص موضوع الفلوس ده انتهينا منه 30000 دولار تأمر يا باشا اصل احنا 4 افراد

مع ان كيبك ارخص كثير فى اسعار البيوت يعنى من 700 دورلار تلاقى شقه معقوله

بما ان العمل فى كيبك زيه زي العمل فى اى مقاطعه اروح كيبك و اخبط ان شاء الله سنه و بعد كده نبقى نقرر الاستقرار فين

و منتظر المزيد من النصائح

يا فندم اخجلتم تواضعنا

عموما لو الفرنساوي بتاعك معقول يبقى روح كيبيك و رب هنا رب هناك رغم ان عندنا في فانكوفر ايضا ممكن تلاقي شقه غرفه و صاله ب 700

عموما طالما ابتديت يبقى كمل و جرب سنه و شوف ايه الوضع و قرر بتأني و ربنا حيوفقك بإذن الله

[MZohairy]

ازاى حضرتك يا ا/محمد بجد حضرتك شخصيه رائعه وانا متابعه كل مشركاتك فى المطاريد

بجد انت من الناس التى يرفعلها القبعه

كتر خيرك يا فندم على الثناء الذي لا استحقه

انت بجد الكلمتين دول جم ع الجرح هى دى فعلا المشكله اعمل ايه لو سافرت ب 10000 دولار و عايز اكمل هناك و احنا اسره من 4 افراد

شوفي بقى و ركزي معايا

كل ما كان المبلغ اللي معاكي قليل كل ما تركزي على الكورسات القصيره الأجل يعني اقل من شهرين مثلا

لأن نفسك مش حيكون طويل لتحمل كورس لمدة سنه او سنتين

و العكس صحيح ايضا فكل ماكان المبلغ اللي معاكي كبير كل ما تركزي على الكورسات القويه الطويله اللي بتديلك امكانيات اعلى و فرص وظيفيه افضل بدون شك

ايه نوعيه الكورسات اللى ممكن اخلص كام واحد فى 6 شهور هل هى لغه و لاحاجات معينه حضرتك ترشحها

لأ مش لغه

انا بفترض ان اللغه كويسه ..و لو مش كويسه يبقى لازم تاخدي الكورسات المجانيه الأول و بعدين نبتدي في خطة الكورسات اللي بفلوس

و ده معناه ان فترة اللا عمل حتطول

الكورسات القصيره كتير و فيه موضوع مفتوح في المطاريد بالتفصيل لكن مثلا خليني اقولك ان الكورس اللي بتاخديه علشان تبقي سيكيوريتي جارد مدته اسبوع و لو زودتي عليه كورس الفيرست ايد لمدة اسبوع كمان بيديكي فرصه انك تشتغلي بما يعادل 15 الى 20 دولار في الساعه

ده مجرد مثال طبعا

طيب هل وانا بشتغل شغل كاجوال هيبقى عندى وقت اذاكر عشان المعادله

و الله انتي و مجهودك و انتي و عدد ساعات العمل اليومي

ممكن تكوني بتشتغلي بارت تايم ساعتين كل يوم و ممكن 8 ساعات

طيب هل لو انا او زوجى فرد واحد مننا بس اشتغل هل ده يفى باحتياجات الاسره فى الفتره الاولى

(على اساس ان واحد يتفرغ للمعادله وواحد يبقى مسئول عن البيت )

الشغل الكاجوال بيبتدي من حوالي 9 دولار في الساعه

خلينا نقول 10 دولار

لو اتوفق يشتغل فوول تايم يبقى حيشتغل 40 ساعه في الاسبوع ب 1600 دولار في الشهر

احسبيها بقى انتي في ظل المعادله الأولى بتاعة متوسط المصروف للأسره المكونه من 4 افراد

طيب لو واحد فينا بس اللى بيشتغل هينفع ناخد جزء من معونه البطاله ولا دى لو احنا التنين عاطلين

معونة البطاله للأسره كلها يعني لو واحد بيشتغل يبقى مفيش بطاله

بس المهم ان المعونه لأسره زي المثال المضروب في الأول من 4 افراد حتكون المعونه بتاعتهم اقل بشويه من الف دولار شهريا

لو انتي او جوزك شغالين بمبلغ يعادل الف دولار او اكتر يبقى مش حتاخدوا معونه

لو شغالين ب 600 دولار مثلا يبقى حيدوكوا الفرق اللي هو 400 تقريبا

و هكذا

موضوع بنك الطعام ده هل ده فى كيبك بس ولا فى كل المقاطعات (انا مش عارفه الاسم بتاعه بالظبط بس هو مكان بيتصرفللك منه زى تموين اسبوعى )

الفوود بانك في كل حته و هي غير مش مناسبه للعرب قوي لأنها عباره عن خضار و فاكهه و كورن فليكس و شوية مأكولات خفيفه يعني انا بعتبرها قلة قيمه رغم قانونيتها و شرعيتها

بس على الأقل تقدري تقولي انها تنفع للي خلاص حيموت من الجوع بالنسبالنا

و شكرا للرد مقدما انا عارفه انى تقلت على حضرتك

العفو تحت امرك

تم تعديل 25 يناير 2011 بواسطة mzohairy