هتعمل لاندج ؟ يبقى ناوى تعمل ايه ؟

[خائف]

نصائح عامة فى الهجرة و ملهاش علاقة ببعض:

• القصة مش( دراع ) و لا (بلطجة) لكن البلد بلد قانون ..انت مطالب تحترم القانون .. و غيرك مطالب برضه ..لو خالفت القانون مش حيشفعلك انك (مش فاهم) (انا مهاجر جديد ) ..و بالمثل لو حد تعتدي عليك و علي حقوقك حتلاقي الي ياخودلك حقك برضه ...في حتت القوانيين دي ..بجد سعيد اني هنا

• البدايه تكون دائما محبطه و مكلفه و بالرغبه و الإصرار و الإستفاده من الفرص المتاحه والخدمات المقدمه علاوه على عدم زياره المرض الفتاك ( الحنين للوطن).

• الدراسة بكيبك ..والشغل بالبرتا ..والتقاعد ببريتش كولومبيا.

• جامعة مكجيل اللي هي ارخص من باقية المقاطعات الانجليزية تعتبر الاولى بكندا.

• هناك المفترض فيك انك صادقا...لكن لو ثبت عكس ذلك فالمفترض انك تتعلق من رجليك على باب كيبك سيتى الواحد بيقول الحاجة تتصدق على طول

• البلد بلد ورق ..لازم اي شئ بورقة ممضية ..مافيهاش كسوف و لا احراج و لا مجاملات لأن من غير ورق أنت ملكش حق

• كندا بلد جميله تشعر فيها ولأول مرة بالحريه ورفاهية الحياة وانك انسان تحترم ولكنها غاليه جدا على الشخص الغير مؤهل للعيش فيها

• بلد غاية فى الجمال وتشعر فيها براحة نفسية وصحية غير عادية , النهار طويل لذا تشعر بأن اليوم بيومين من ايامنا هنا ولو ان الاسبوعين فى المجمل مروا على وكأنهم ساعة

• الناس غاية فى الذوق والشياكة فى المعاملة تجد الشخص المار امامك يفتح الباب ثم يدفعه بقوة حتى تمر , كلمة الشكر هتسمعها من كل شخص تتعامل معه , وانت هناك هتشعر كأنك جواد طليق فى حدائق تستنشق النسيم الحقيقى (مش بتاع المكيفات ) وتبتسم من قلبك وترى المناظر الخلابة والوجوة المبتسمة حقيقى هتشعر بحلاوة الحياة

• اصعب يوم اول يوم ..و اصعب اسبوع هو اول اسبوع و اصعب شهر هو اول شهر

• للحفاظ على الإقامة و القدرة على تجديدها: لازم تقعد فى كندا سنتين من الخمس سنين الأخيرة عشان تقدر تجدد كارت البى أر.

• عشان تاخد الجنسية: لازم تقعد 3 سنين فى اخر اربع سنوات من التقديم على الجنسية

• لو كنت من هواة الصخب و اللمة الحلوة و هذة هي متعتك, فراجع قرارك في الهجرة مرة اخري, لان هذة الحياة لن تجدها هنا بسهولة. لو كنت من النوع الذي يستمتع بالحياة الهادئة و التأمل و القراءة و اللمة الهادئة, فاهلا بك في كندا.

• قد لا يعلم الجميع ان عندما تكتسي كيبك باللون الابيض في درجة حرارة -30 و ارتفاع الثلج مترين او اكثر فهذة متعة. النظر الي تساقط الصقيع بدون صوت من شباك الغرفة فهذة متعة. ذوبان الثلج و بداية الربيع و رؤية النجيل الاصفر و هو يخضر و عودة السناجب و الطيور المهاجرة, فهذة متعة. عواصف الصيف و انت تري البرق يصل الي الارض و هو ينير السماء فتخاف و تتمتع بمنظره, فهذة متعة. الوان اشجار الخريف المتعددة و سقوط الاوراق من الاشجار لتذكيرك بنهاية حياتك, فهذة من اكبر العبر و المتع التي لن تجدها في مصر. تأملك جميع ما سبق بدون انسان يقطع عليك خلوتك و انت في الشارع او الحديقة, فهذة رفاهية لن تجدها في مصر مهما حييت

• متجبش معاك موبايل غالى من مصر.

• خلى بالك من الأكل: الأكل الحلال, الدم اللى بيتحط فى الآيس كريم, لحم الخنزير منتشر بشراسة و دهونه متوغلة فى كثير و كثير من المنتجات و العجائن, إشترى اللحم من محلات اليهود.

• أمريكا ارخص من هنا بكل حاجة ..فما حدش يقيس على اسعار اميركا .

• مفيش سرنجات ولا حقن بيتباعوا فى الصيدليات بدون روشتة.

- مش هتلاقي وقت تهرش راسك بمعنى الكلمه.

- مفيش تتصل على المحل يبعتلك الطلبات

- مفيش تتعب تيجى شغاله تنضف البيت وتمشي

- مفيش تولد وتلاقى حد يطبخلك لقمه

- مفيش تمرض وتلاقى حد يوصلك

- مفيش ينقص عندك طلب لطبخه والا لازم تاخد باص او تركب سيارتك تجيبه والاكل الجاهز غالى يعنى لازم تتسوق وتطبخ اللحمه الحلال بمحل بينه وبين محل الخضار مثلا واحد اقصى الشرق والتانى اقصى الغرب

- مشاوير مشاوير لحد لما تقرب تعيط اخر اليوم

- ويا سلام لو كنت تدرس وتشتغل وعندك اسره هتنطحن فى الخلاط

- بس كل شيء له تمن وتمن غالى اوى

- الخريطة فى كندا مهمة جداً. إشتريى الغالية و هتفيدك فى الأماكن الحيوية فى البلد. أما خريطة المواصلات فتحصل عليها مجاناً من أي محطة مترو Subway

- الإستقرار: مونتريال...والباقيين كده تقول عليهم بسم الله الرحمن الرحيم وتركنهم جنب الحيطة, مدينة زحمة و عامرة و فرص العمل فيها أوسع و أكبر حتى لو كان كاجوال و غير كدة فيها جتمعات أنجلوفون عشان الدراسات العليا علاوة على دة و دة اللغة الإنجليزية هناك مستخدمة أكثر.

- تقديس الاطفال بطريقه فظيعه لاتتخيلو كم المداعبات لبنتي في اي مكان

- اكثر العاملين اللذين تعاملت معهم من السيدات حتي سائقه الحافله كانت سيده

- البشاشه في الوجوه والتواضع حتي الان لم يصادفني شخص اسأله عن عنوان او خلافه الا ويقول لي الصدق مش زي مصر يلففك السبع دوخات علشان مش عارف او مكسوف يقولك معرفش

- بسم الله الرحمن الرحيم "وَجَعَلْنَا اللَّيْلَ لِبَاسًا * وَجَعَلْنَا النَّهَارَ مَعَاشًا" النهار بيطلع من ٦ صباحا حتي ٨ مساءا بعدها بساعه او اتنين تلاقي الدنيا هاديه الا في الاماكن معروف عنها السهر

- انا كنت فاكر ان دلوقتي صيف في مونتريال طلع كلامي بومبه الدنيا بتمطر بقالها يومين ودرجه الحراره تقريبا من ٨-١٠ درجات ولما سألت قالولي ان الصيف بيبدأ من شهر ٦.

- من الآخر لو مالكش فى الفرنساوى, شد على أونتاريو و العيشة فى مونتريال هتبقى مستحيلة.

- سمعة العرب زى الطين عشان بيسافروا هناك و يعيشوا عالة على الحكومة و مقضينها معونات.

- الدنيا مش سهلة خالص و حتى الشغل الكاجوال مش سهل إنك تلاقية يبقى لازم تجهز نفسك ماديا و نفسياً إنك ممكن تترمى سنة من غير شغل.

- المعونة كلام فاضى يعنى يادوبك أكل و شرب.

- الدراسة أهم حاجة و هى رقم واحد و إتنين و تلاتة.

- البرد: انت مش حتحس بالسقعة هنا خالص الا لو كنت حتمشي كتير في الشارع و الدنيا اقل من -15 , اي درجة حرارة اعلي من دي مش حتسقع. المبني كلها حتقعد بنص كم و العربيات مجهزة و المواصلات حاجة تانية مهمة, ان مفيش هواء او رياح في كيبك, و ده بيخليك متحسش بالسقعة, و طبعا الجاكت المحترم بتاع التلج و الكوفية بيقوموا باحلي واجب.

أنا مش بقول الكلام بغرض الإحباط أو تكسير المقاديف, لأ أنا بقوله عشان أكون صادق و واقعى و أنقل الصورة بأمانة و جيادية و حتى أخفف من الصدمة الحضارية عن بعض المهاجرين الجدد.

تسجيل شكر كبير جدا للاستاذ ادهم علي الكلام الموضوعي الرائع

[أدهم الشرقاوى]

تسجيل شكر كبير جدا للاستاذ ادهم علي الكلام الموضوعي الرائع

العفو :)

تم تعديل 20 أكتوبر 2011 بواسطة أدهم الشرقاوى

[joo]

انا عندى مشكلة كبيرة يا شباب ولو منحلتش مش هأدر اسافر

انا قلت اعرضها عليكم يمكن يكون حد عندة حل واعرف اسافر

انا عندى منزل طابق واحد فى مشروع ابنى بيتك فى السادس من اكتوبر وعاوز مشترى

لان دى الفلوس الوحيدة اللى هتخلينى اسافر ولو منبعش مش هسافر

ياريت لو حد عندة حل يقولو اعمل اية

ولو حد عاوز تفاصيل يبعتلى على الخاص

[Filomina]

للهيسافروا قريب في تخفيضات شركة مصر للطيران عاملاها لمدة 10 ايام .... ربنا معاكم

[jonathan]

انا عندى مشكلة كبيرة يا شباب ولو منحلتش مش هأدر اسافر

انا قلت اعرضها عليكم يمكن يكون حد عندة حل واعرف اسافر

انا عندى منزل طابق واحد فى مشروع ابنى بيتك فى السادس من اكتوبر وعاوز مشترى

لان دى الفلوس الوحيدة اللى هتخلينى اسافر ولو منبعش مش هسافر

ياريت لو حد عندة حل يقولو اعمل اية

ولو حد عاوز تفاصيل يبعتلى على الخاص

طيب ما تجرب تعمل قرض بضمان الملكية و اعمل توكيل لحد هنا ببيع البيت و لما يتباع يسدد ليك القرض..يعني فكرة

تم تعديل 20 أكتوبر 2011 بواسطة jonathan

[joo]

دا انا عاوز ابيعة علشان انا كنت واخد قرض ب 70 الف علشان ابنية والباقى هسافر بية

[بيبو كندا]

دا انا عاوز ابيعة علشان انا كنت واخد قرض ب 70 الف علشان ابنية والباقى هسافر بية

بيعه بأى سعر

انا كان عندى واحد و لسه بايعة بخسارة طبعا

يا ريت بس تلاقى مشترى و ده رقم تليفون سمسار عل الخاص يمكن ربنا يسهل لك الامور

[bent qena]

ايه العروض بتاعة مصر للطيران ربنا يخليكم

[joo]

ايه العروض بتاعة مصر للطيران ربنا يخليكم

مصر للطيران عاملة تخفيضات لمدة 10 ايام تصل الى 20 فى المية

بس الاردنية اسعارها احلى

تم تعديل 23 أكتوبر 2011 بواسطة joo

[bent qena]

طيب يا استاذ جو الاردنية بيقولوا الترانزيت كتير اليومين دول ولا زى الصيف لانى محتارة وهضطر اسافر فى الشتاء غالبا اخر فبراير

[joo]

الطيران اللى هحجز فية ترانزيت ساعة واحدة بس على الاردنية

[bent qena]

متشكرة جدا يا استاذ جو على الرد بس التذكرة عاملة كام حضرتك و احسنلى احجز دلوقتى ولا استنى شويه لانى الفيزا لسه مجتش وميعاد الطيارة 10:15 مساءا وايه احسن الايام فى الحجز من ناحية السعر لاننا 4 افرادوشكرا مقدما

[joo]

الاربع افراد عاملين حوالى 15الف و 650جنية احجزى والتأكيد قبل الرحلة بأسبوعين انا هعمل كدة وهخليها على اللة

[mshehab]

طب و ايه رأيك في الاتحاد؟

[Spanish Eyes]

الاتحاد للطيران من انضف شركات الطيران انا جيت عليها ممتازة

[mshehab]

الاتحاد للطيران من انضف شركات الطيران انا جيت عليها ممتازة

حبيبي يا مطمن قلبي دايما و صبورت في كل حتة :)

[petro]

الحمد لله

انهاردة استلمت الفيزا

حبيت اكتب الخبر على توبيك حبيبى صامويل

انا قدمت كيبك يوم 25 نوفمبر 2009

المقابلة يوم 9 نوفمبر 2010

قدمت فيدرال 25 نوفمبر 2010

و ان بروسيس 5 ديسمبر 2010

جالى الميديكال 20 يوليو 2011

عملت الميديكال عند د/ صبرى غالى 27 يوليو 2011

و صل لندن 8 اغسطس 2011

جال ايميل من السفارة بطلب الباسبور وفلوس اللاندنج 29 سبتمبر 2011

بعت الباسبور و دفعت اللاندنج 3 اكتوبر 2011

جالي ايميل يوم 13 اكتوبر بان الفيزا خلصت

و استلمتها انهاردة 18 اكتوبر 2011

يعنى موضوع الهجرة اخد حوالى ستنين اعتقد دول اهم سنتين فى حياتى اتعرف فيهم على ناس محترمة هنا من المنتدى زي صامويل و الرحالة باشا و دكتور روك و استاذ ياسر و جو و كريم عبدة و دكتورة جىجى و دكتور رؤوف ودكتور ايهاب و ماتيوس و اغابى و دكتور طارق و عمانوئيل و محمد كيبك و خائف ومدام تنسيم و الناس القديمة اللى فادتنى كتير زى نصار و السيد منير و باتمان .......

غير الناس اللى اتعرفت عليهم برة المنتدى

ربنا يوفق الناس كلها و اللى مستنى الفيزا زى صامويل مددام تنسيم و جو و استاذ ياسر تجيلوا

الف مبروك الفيزا يا استاذ harveyhanna و ربنا يوفقك انا كنت عايز اعرف هو بعد لما تاخد الفيزا لازم تسافر في خلال قد ايه و لا ملهاش وقت ؟؟؟

[harveyhanna]

الحمد لله

انهاردة استلمت الفيزا

حبيت اكتب الخبر على توبيك حبيبى صامويل

انا قدمت كيبك يوم 25 نوفمبر 2009

المقابلة يوم 9 نوفمبر 2010

قدمت فيدرال 25 نوفمبر 2010

و ان بروسيس 5 ديسمبر 2010

جالى الميديكال 20 يوليو 2011

عملت الميديكال عند د/ صبرى غالى 27 يوليو 2011

و صل لندن 8 اغسطس 2011

جال ايميل من السفارة بطلب الباسبور وفلوس اللاندنج 29 سبتمبر 2011

بعت الباسبور و دفعت اللاندنج 3 اكتوبر 2011

جالي ايميل يوم 13 اكتوبر بان الفيزا خلصت

و استلمتها انهاردة 18 اكتوبر 2011

يعنى موضوع الهجرة اخد حوالى ستنين اعتقد دول اهم سنتين فى حياتى اتعرف فيهم على ناس محترمة هنا من المنتدى زي صامويل و الرحالة باشا و دكتور روك و استاذ ياسر و جو و كريم عبدة و دكتورة جىجى و دكتور رؤوف ودكتور ايهاب و ماتيوس و اغابى و دكتور طارق و عمانوئيل و محمد كيبك و خائف ومدام تنسيم و الناس القديمة اللى فادتنى كتير زى نصار و السيد منير و باتمان .......

غير الناس اللى اتعرفت عليهم برة المنتدى

ربنا يوفق الناس كلها و اللى مستنى الفيزا زى صامويل مددام تنسيم و جو و استاذ ياسر تجيلوا

الف مبروك الفيزا يا استاذ harveyhanna و ربنا يوفقك انا كنت عايز اعرف هو بعد لما تاخد الفيزا لازم تسافر في خلال قد ايه و لا ملهاش وقت ؟؟؟

.

الله يبارك فيك

الفيزا بتيقى مدتها سنة بتبتدى من اليوم اللى عملت فية الكشف الطبى

[dr gege]

الحمد للة انا اخزت الفيزا النهاردة نشكر ربنا

انا عملت الميديكال 22/8/2011

وصل الملف لندن 30/8/2011

والنهاردة وبدون مقدمات لقيت مندوب الدي اتش ال كلمني وجابلي الجواب عقال كل الي مستني الفيا ان اء اللة

[joo]

مبروك لدكتور جى جى ومايكل وكرمينا على الفيزا

وعقبالنا يا ربِ

bnd5:: :waving: