هتعمل لاندج ؟ يبقى ناوى تعمل ايه ؟

[حلم بعيد]

الوضوع جميل جدا و شكرا علي المجهود الرائع بس عندي انا هاعمل لاندنج في شهر يوليو و طبعا معرفش اي احد في كندا يعني زي ما اكون هارمي نفسي في البحر و مش عارفه اعوم بس اكبر مشكله عندي اني مش هاقدر اقعد في كندا فتره طويله فسؤالي اللي دورت علي اجابته و مش لاقيه اجابه :هو كم الوقت المطلوب علشان يوصلني كارت البي ار اذا كنت مش هاقدر اقعد في كندا هذا الوقت كيف اجد عنوان اكتبه لهم و كمان اذا سالوني هو ده عنوانك و قولت ده عنوان معارفي ممكن يقولولي لما تجيبي عنوان خاص بيكي ابقي قدمي علي الكارت اعمل ايه في هذا الوضع ؟؟ ياريت اعرف الناس بتعمل ايه في الموضوع ده و لكم الشكر و معلش علي الازعاج

[بيبو كندا]

الموضوع ده لا بد من تفعيله للناس المسافرين قريب

[ViralMind]

تعرف يا بيبو ايه هي فعلا اهم حاجه في موضوع الهجره؟

انك تاخد معاك المبلغ المنطقي اللي حيكفيك تعيش هناك وانت خالي شغل (بدون مبالغه ولا تهوين)

و ايه التصرف اللي يخليك تقدر تخلي الفتره دي قصيره

غير كده كله بيعدي و من غير ما تحس بأي مشكله

لازم الأسره اللي مكونه من 4 افراد مثلا تعمل حسابها انها حتصرف شهريا ما يعادل في المتوسط 3000 دولار (1000 سكن و 2000 مصروف)

لو حنقول ان التشايلد بينيفتس اللي الأسره دي ممكن تاخده شهريا حوالي 500 دولار في السنه الأولى

يبقى اذا الأسره دي عندها عجز شهري قرابة 2500 دولار شهريا

في 12 شهر يبقى بتتكلم على حوالي 30 الف دولار لتغطية العجز و للعيش عيشة كريمه

طبعا ممكن اسره زي دي في ظروف معينه تلجأ لمعونة البطاله من الدوله بس حتى المعونه و رغم رزالتها الا انها مش حتزيد عن 900 دولار تقريبا لنفس الأسره شهريا و بالتالي ما زال عندك عجز حوالي 20 الف دولار خلال العام لازم تكون جايبه معاك للزمن

النصيحه الأولى و الأخيره : لازم تحاول تاخد كورسات في اي مجال او في عدة مجالات اول ما توصل

بحيث بعد 6 شهور مثلا يكون بقى معاك كورسين تلاته و تقدر تدخل سوق العمل الكندي الكاجوال الكويس خلال فتره قصيره

من غير الكورسات دي صعب جدا تلاقي شغل

جدا

انتا هتقفلها فى وشنا ليه يا سيد زوهيرى :closedeyes:

انا عملت حسبة سريعة.. و اعتقد ان مبلغ 1400 دولار هيبقى كافى جدا.. ده بالنسبة لزوج و زوجة فقط..

بالنسبة للشغل, بالنسبة لى مش مشكلة الحمدلله, لانى شغال عالنت, و بالتالى بقدر اشتغل من اى مكان دون اى التزامات.

بس انا عايز اعرف حاجة.. هما هيقولوا لنا لازم نأجر شقة اوضتين :blink: ولا ينفع نأجر شقة اوضة واحدة؟ الاتفاق طبعا من على craigslist... و مش لازم اكون جنب جامع.. ما الجوامع هنا فى مصر كتير, حد بيروح يصلى فيها الا من رحم ربى؟

بالنسبة لان الواحد هياخد معاه ايه فى الشنط.. هروح خفيف خفيف.. يعنى لا حلل ولا قماش ولا اى حاجة من دى, باستثناء بعض الادوية الضرورية لحالة الطوارىء..

و على فكرة انا مش متفق مع فكرة ان الواحد لازم يعرف حد هناك و الكلام ده.. لانى شايف ان كل واحد لازم يدبر حاله و دلوقتى الانترنت خلى الدنيا كلها مفتوحة على بعض, و تقدر تظبط لنفسك كل حاجة من غير مساعدة حد... يعنى افضل ان الواحد يعتمد على نفسه بشكل مطلق, ولا ينتظر مساعدة من الاخرين.

[بيبو كندا]

اللاندج

فى ناس كنادوه بيقولو لى ماتروحش كندا فى الشتاء هتتعب و فرحة البلد هتروح وكلام من ده كتيييييييييييييييييييييييييير قوى

بس انا متشوق للذهاب لهناك اهم سبب فى هذه المغامرة انى عايز اعمل معادلة بسرعه جدا جدا علشان كده

بفكر اعمل لاندنج اول ما الباسبورات تيجى ايه رأيكم

المعاناه اللى هعانيها و درجة الحرار -30 و لا اتكل على الله و اروح و خلاص

بس بشرط انا لازم اروح بعيلتى كلها

[مايكل وكيرمينا]

مساء الخير ياباشا

شوف اغلب الناس بتقول السفر فى الشتاء بسبب الغيام بيسبب اكتئاب بس انا عن نفسى مش ناوى استنى ماهو الشتاء بيجى كل سنة حاعمل ايه ارجع مصر فى الشتاء

بالنسبة لدرجة الحرارة لا تمثل مشكلة لان اللبس هناك مبطن حرارى والمنازل ببنظام التدفئة المركزية وكل مكان بتروحه نفس الحكاية ولكن المشكلة الوحيدة ان لازم حتحتاج سيارة ودى بتبدا من 600 دولار فمافوق وبيدوك فرصة تسوق تقريبا لمدة 6 شهور برخصة القيادة الدولية اللى عاملها فى مصر بس فى خلال هذه الفترة لازم تتطلع رخصة من كيبك

واهم حاجة اريد الاستفادة اريد الاستفادة من الوقت وادخل الولاد المدرسة هناك او على الاقل يتعلموا شوية فرنساوى

تم تعديل 17 سبتمبر 2011 بواسطة مايكل وكيرمينا

[joo]

مساء الخير يا جماعة

انا عن نفسى هسافر ان شاء اللة فى شهر 11 لما الفيزا تيجى علشان مدخلتش الاولاد المدرسة وعاوز الحأ الدراسة فى كندا

بس انا سمعت كلام غريب جدا من فيرل مايند انة مش هياخد معاة غير شوية رفايع

اية الكلام الغريب دة دا انت لازم تاخد كل حاجة معاك ملايات وفوط وبطاطين وملابس داخلية وملابس صيفى وشتوى وادوات مطبخ حلل وصوانى وملاعق

واحذية وجواكت وكل حاجة لان الاسعار هناك غالية جدا جدا لان انت رايح بفلوس مصرى

يعنى لو فى جاكت ب100 دولار بالنسبة ليك ب 600 جنية فلازم تأخد كل لوازمك معاك ضرورى ضرورى

وبالنسبة للاخ اللى مش عاوز ينزل فى كيبك انت كدا هتتحرم من الاعانة ومش هتطول حاجة

[ViralMind]

ملايات و بطاطين و حلل ايه بس يا راجل يا طيب :lol:

الحاجات دى هتعدى من الطيارة ازاى اصلا :blink:

بالنسبة للهدوم الشتوى.. الهدوم الشتوى فى مصر تعبانة و غالية عالفاضى.. و الافضل ان الواحد يجيب الجواكت و الجوانتيات من هناك... لانها اصلا ارخص هناك و جودتها اعلى.. و هى دى المفأجة.

لازم احسبها بالدولار مش بالمصرى.. لو حسبتها بالجنيه, يبقى مش هركب مواصلات و مش هأجر شقة و مش هعمل حاجة خالص.. نصيحتى ليك.. لو حسبتها بالجنيه هتتعب قوى, علشان كده انصحك تبدأ تظبط حساباتك عالدولار من دلوقتى.

و بينى و بينك انا دخلى اصلا بالدولار.. علشان كده مش فارقة كتير.

اى حاجة هاتها من هناك و وفر فلوس الشحن احسن.. خصوصا ان الجودة هناك اعلى بمراحل و ارخص نسبيا.

انا مش هاخد غير الهدوم و الاوراق المهمة و الفلوس و اللابتوبات.. و شكرا على كده.

[مايكل وكيرمينا]

مساء الخير يا جماعة

انا عن نفسى هسافر ان شاء اللة فى شهر 11 لما الفيزا تيجى علشان مدخلتش الاولاد المدرسة وعاوز الحأ الدراسة فى كندا

بس انا سمعت كلام غريب جدا من فيرل مايند انة مش هياخد معاة غير شوية رفايع

اية الكلام الغريب دة دا انت لازم تاخد كل حاجة معاك ملايات وفوط وبطاطين وملابس داخلية وملابس صيفى وشتوى وادوات مطبخ حلل وصوانى وملاعق

واحذية وجواكت وكل حاجة لان الاسعار هناك غالية جدا جدا لان انت رايح بفلوس مصرى

يعنى لو فى جاكت ب100 دولار بالنسبة ليك ب 600 جنية فلازم تأخد كل لوازمك معاك ضرورى ضرورى

وبالنسبة للاخ اللى مش عاوز ينزل فى كيبك انت كدا هتتحرم من الاعانة ومش هتطول حاجة

كلامك صح (بس فعلا ماتقارنش الجنيه بدولار عشان ماتتعبش)

ولكن بالنسبة للبس فعلا القطنيات هنا احسن بكتير من هناك ولكن بالنسبة للجواكت والاحذية والجوانتيات اللى فى مصر لايصلح لانه هناك يجب ان يكون عازل للحرارة فالخلاصة انك تاخد اللبس الشتوى العادى ولكن الجواكت والاحذية اشتريها من هناك وشهرى 11/12 بيكون هناك تخفيضات عالية على اللبس عموما.

المهم احنا عايزين نعرف الاوراق اللى لازم ناخدها معنا وكيفية ترجمتها

بالنسبة لملحوظة المدارس انا عملت زيك ومدخلتش ولادى بس مش عارف دا قرار صح ولا لأ ولكن اللى شجعنى اكثر ان المصاريف زادت 30% وكمان عايزين المصاريف كاملة من اول يوم ولا ايه رايك

[joo]

ازاى يعنى مشقارنش بين المصرى والدولار ؟

هو انا بقبض بالدولار لما اروح واشتغل واقبض بالدولار كدة خلاص لكن انا فلوسى مصرى

وكمان انا مجبتش حاجة من عندى كل اصحابنا اللى سافرو من سنتين قالولنا كدة لازم الملايات والبطاطين والحلل لان الحاجات دى غالية جدا هناك

والدليل كمان انا عارف ناس كتير عايشين فى كندا من 30 سنة وبييجو يأخدو كل سنة فرش سراير وسجاجيد وحلل لانها غالية جدا هناك

انتم فاكرين انكم هناك هتعيشو وزراء دا انتم على ما المعونة تخدوها هتكونو صرفتو اللى حلتكو

يعنى انا مثلا هسافر ب 50 الف جنية يعنى حوالى 10 الاف دولار فى خلال الثلاثة شهور الاولى هدفع منهم 3 الاف دولار سكن وهتعيش بالسبعة اللى فاضلين

يادوبك يكفو أكلك وشربك لحد ما تأخذ الاعانة وخلى بالك انت لسة هتشترى سراير ومخدات وثلاجة وبتوجازك وغسالة كل دة من 7 الاف دولار ؟

ولسة هتشترى هدوم كمان ؟ حلهالى بأ ؟

[ViralMind]

خلاص يا عم جو فضحتنا هههههه لازم يعنى تتك على كلمة الاعانة :closedeyes:

بالنسبة للغسالة.. بتبقى مشتركة... يعنى هى غسالة كبيرة فى كل عمارة و بتنزل تديهم اللبس بتاعك..

فيه حاجات فى الشقة بتبقى موجودة فيها مع الايجار.. ما تشغلش بالك بالكلام ده.

يعنى انتا مش مطلوب منك غير الفرش... و طبعا يستحسن انك تجيب الحلل كمان بدل ما تستعمل الحلل اللى فى الشقة.

على فكرة 50 الف جنيه يعنى 8 الاف دولار و شوية كسور.. شفت بقى انك لازم تحسبها صح ازاى؟

موضوع انك هتصرف 7 الاف دولار فى اول 3 شهور ده مبالغة.. احنا مش رايحين فسحة يا سيد, و لازم تحافظ على فلوسك. انا معرفش عددكم كام, بس حتى بالايجار تقدر تعيش ب1500 دولار فى الشهر..

ولا انتا هتروح تاكل فى مطاعم و تتفسح و كدهون؟

انتا مفيش عليك اى مصاريف تذكر.. لان المدارس ببلاش... و بعد 3 شهور هتاخد مبلغ على كل طفل اعتقد انه هيكفى مصاريفه و زيادة.

بالنسبة بقى للفرش و العفش فى الشقة..

متجيبش لا سراير ولا صالون ولا اى حاجة من دى..

هات لكل واحد مرتبة.. و تبقى اتعشت قوى كده.

خلى المصاريف فى الاول فى اضيق الحدود.

و احسبها بالدولار من دلوقتى و من قبل ما تشتغل..

تذكرة المترو ب 12 جنيه تقريبا.. انتا هتدفع 24 جنيه مواصلات رايح جاى.. ليك انتا لوحدك.. يعنى انتا و مراتك 50 جنيه.. و دى خروجة واحدة فى يوم واحد... لو حسبتها كده مش هتتحرك سنتى واحد فى البلد.

بالتوفيق باذن الله.

تم تعديل 18 سبتمبر 2011 بواسطة ViralMind

[joo]

على فكرة انت رايق اوى بجد

مرتبة اية اللى هنام عليها انا واولادى ؟

يعنى انا سايب بلدى وشغلى وحياتى ومتغرب علشان اعيش اسرتى حياة محترمة تقولى مرتبة .انت بتتكلم ازاى يعنى؟

على العموم كل واحد حر بس لما تروح هتعرف الحقيقة

تم تعديل 18 سبتمبر 2011 بواسطة joo

[SoSo R]

معلش اسفة على التدخل ....أصلاً الكيبورد مش عربي ..1500 مش حتعيش عيلة من 4 أفراد ..ممكن لو مثلاً واحد و مرتو بس برد هيكون مذنئين أوي ...

عشان تجيب كل حاجة معك هتتصرف ازاي في الوزن؟؟ ذي ما في غالي في رخيص بردو و بعدين لم العيلة تكن خفيفة هيسهل في العزال أو النقل من سكن لتاني .

أحسن نصيحة هو الكتسد في كل حاجة أول ما تيجو...كل الاجهزة موجودة في لشقة معدا المكروف و ساعات لو كوندو اجرها علي بتكون فيها بردو

[ViralMind]

معلش اسفة على التدخل ....أصلاً الكيبورد مش عربي ..1500 مش حتعيش عيلة من 4 أفراد ..ممكن لو مثلاً واحد و مرتو بس برد هيكون مذنئين أوي ...

عشان تجيب كل حاجة معك هتتصرف ازاي في الوزن؟؟ ذي ما في غالي في رخيص بردو و بعدين لم العيلة تكن خفيفة هيسهل في العزال أو النقل من سكن لتاني .

أحسن نصيحة هو الكتسد في كل حاجة أول ما تيجو...كل الاجهزة موجودة في لشقة معدا المكروف و ساعات لو كوندو اجرها علي بتكون فيها بردو

شكرا عالتوضيح يا سوسو هانم إغ.

آسفة على ايه.. ده احنا بنتنشق على اى مداخلة ليكى

و خصوصا نقطة الاجهزة الكهربائية و البوتاجاز.. احسن جو ياخدهم معاه و هو رايح :blink:

لازم الاقتصاد فى الاول.. لان الواحد مش عارف ايه اللى هيواجهه.

انا بقول 1400 ل1500 بالنسبة لواحد و مراته بس... اما اللى عنده اولاد, فال300 بتوع الاعانة هيكفوا.

مونتريال ارخص بكتير من تورنتو.. علشان كده الوضع مختلف شوية فى المصاريف..

تم تعديل 18 سبتمبر 2011 بواسطة ViralMind

[ViralMind]

على فكرة انت رايق اوى بجد

مرتبة اية اللى هنام عليها انا واولادى ؟

يعنى انا سايب بلدى وشغلى وحياتى ومتغرب علشان اعيش اسرتى حياة محترمة تقولى مرتبة .انت بتتكلم ازاى يعنى؟

على العموم كل واحد حر بس لما تروح هتعرف الحقيقة

حقيقة ايه اللى هعرفها :blink:

يا جو ال8 الاف دولار اللى انتا بتقول عليهم.. لو صرفتهم بما يرضى الله على تجهيز شقة, يبقى عليه العوض فى الفلوس.

8 الاف دولار ده مبلغ صغير.. علشان كده لازم تقرط عليه...

بطريقة تانية و بالمنطق كده.. لو صرفت 8 الاف دولار فى اول 3 شهور.. طيب ال3 شهور اللى بعديهم هتصرف فيهم كام؟ 8 الاف دولار برضه؟ هتجيبهم منين؟ اجمد شغل كاجوال مش هتاخد فيه اكتر من 1500 دولار ده لو اخدتهم.

انا عايزك تبقى واقعى..

انتا كده ممكن تعيش اول شهر او شهرين كويس.. بس بمجرد ما الفلوس تخلص, هتعيش حياة صعبة.

[ViralMind]

صحيح يا جو انتا عامل حسابك فى فلوس التذاكر كمان.. ولا مش حاسبهم؟

التذاكر ليا انا و مراتى بالفين دولار..

طبعا لو عندك اولاد اكيد الحسبة هتبقى غير.

صحيح.. حد هنا يا جماعة يعرف اذا كانت الخطوط الاردنية كويسة ولا تعبانة؟

[مايكل وكيرمينا]

على فكرة انت رايق اوى بجد

مرتبة اية اللى هنام عليها انا واولادى ؟

يعنى انا سايب بلدى وشغلى وحياتى ومتغرب علشان اعيش اسرتى حياة محترمة تقولى مرتبة .انت بتتكلم ازاى يعنى؟

على العموم كل واحد حر بس لما تروح هتعرف الحقيقة

حقيقة ايه اللى هعرفها :blink:

يا جو ال8 الاف دولار اللى انتا بتقول عليهم.. لو صرفتهم بما يرضى الله على تجهيز شقة, يبقى عليه العوض فى الفلوس.

8 الاف دولار ده مبلغ صغير.. علشان كده لازم تقرط عليه...

بطريقة تانية و بالمنطق كده.. لو صرفت 8 الاف دولار فى اول 3 شهور.. طيب ال3 شهور اللى بعديهم هتصرف فيهم كام؟ 8 الاف دولار برضه؟ هتجيبهم منين؟ اجمد شغل كاجوال مش هتاخد فيه اكتر من 1500 دولار ده لو اخدتهم.

انا عايزك تبقى واقعى..

انتا كده ممكن تعيش اول شهر او شهرين كويس.. بس بمجرد ما الفلوس تخلص, هتعيش حياة صعبة.

بس يا جو على حسب شركة الطيران حتتحد الحمولة بمعنى مثلا الاردنية على ما اسمع بتسمح لكل فرد 2 شنطة وزن الواحدة23 كيلو(لو قى غلط حد يصحح لى) بخلاف شنطة هند باج ممكن تاخد الطيارة وزنها 10كيلو يشرط ان لا يوجد بداخلها ال معادن او ادوات حادة

المهم انك توفق اوضاعك على حسب هذه الاوزان

وعلى فكرة مش حتحتاج لبطاطين لان المنازل بنظام التدفئة

ولكن فعلا الجكاكيت هناك ارخص

[مايكل وكيرمينا]

صحيح يا جو انتا عامل حسابك فى فلوس التذاكر كمان.. ولا مش حاسبهم؟

التذاكر ليا انا و مراتى بالفين دولار..

طبعا لو عندك اولاد اكيد الحسبة هتبقى غير.

صحيح.. حد هنا يا جماعة يعرف اذا كانت الخطوط الاردنية كويسة ولا تعبانة؟

بس ياجو ربنا زى ما بداء معاك المشوار هو اللى حيكمله معاك

انا لى قريب هناك بيقولى كان فى اسره مهاجرة جديد وجهز لهم الشقة 200 دولار تقريبا عن طريق الكنيسة

كذلك هناك حاجات بتكون فور فرى بيعلن عنها افراد انهم ليس فى حاجة لها يشرط انك تتكفل بنقلها(وعلى فكرة هناك مش عيب ذلك قريبى هذا كان يسير مع نسيبه هناك مهاجر من زمان فوجدوا امام احد ةالمنازل مكتبة للتليفزيون فاشار الي ان يحضرها فتردد قريبى فقله لوحتتكسف هنا مش حتعرف تعيش )

الخلاصة انك بالطول والعرض حتعرف تاسس بيت باقل الامكانيات وخصوصا فى البداية ولما ربنا يسهل تبقى تجدد

[مايكل وكيرمينا]

بالنسبة للفلوس متقلقش لو فردنا انك حتاجر شقة متوسطها 700 دولار يعنى فى 3شهور 2100 دولار

مصاريف اكل بناء عن كلام مهاجرين قدامى 200 دولار اسبوعيا حتعيش كويس

فى 3 شهور 2400 دولار

سيارة من 600 الى 1000 دولار نقول متوسط 800

يبقى الاجمالى 5300 دولار نقول 6600 مع مصروفات اخرى يعنى متوسط 2200 شهريا

وبعد ال3 شهور

ليك عن كل طفل 460 دولار يعنى لو عندك 2 920 دولار (وسمعت انه بأثر رجعى بس مش متاكد)

حنفترض انك حتشتغل شغل كاجول 5 ساعات يوميا(كحد ادنى لو بتدرس) فى متوسط 10دولار يعنى 50يوميا

يعنى 250 اسبوعيا اى 1000 اسبوعيا

وكذلك المدام يبقى المجموع اجمالى 2920 شهريا

واعتقد دا كفاية جدا

ولازم تعرف ان الموضوع فى اوله صعب على الاقل سنتين او ثلاثة

ولو حد عاير ارسل له ملفات خاصة باحتياجات السفر يبعتى ميله على الخاص

لانى مش عارف انزلهم على المنتدى

[ViralMind]

حضرتك تقصد 200 دولار اسبوعيا ولا شهريا :blink:

اعتقد ان 400 ل500 دولار اكل فى الشهر للاسرة كلها هيكون كافى و معقول, طالما ان مفيش اكل فى مطاعم.

و بالنسبة للمعونة للاطفال هى 350 دولار فقط.. مش 460.

460 دولار دول اللى هما بتوع اعانة البطالة.

بالنسبة للشغل.. حضرتك نسيت تحسب خصم الضرايب, الا لو هيشتغل تحت الترابيزة.

تم تعديل 19 سبتمبر 2011 بواسطة ViralMind

[مايكل وكيرمينا]

حضرتك تقصد 200 دولار اسبوعيا ولا شهريا :blink:

اعتقد ان 400 ل500 دولار اكل فى الشهر للاسرة كلها هيكون كافى و معقول, طالما ان مفيش اكل فى مطاعم.

و بالنسبة للمعونة للاطفال هى 350 دولار فقط.. مش 460.

460 دولار دول اللى هما بتوع اعانة البطالة.

بالنسبة للشغل.. حضرتك نسيت تحسب خصم الضرايب, الا لو هيشتغل تحت الترابيزة.

انا اقصد 800 دولار شهريا لاسرة اربع فراد

الاعانة اللى اعرفوا عنها 350 (كيبك)+100 (فيدرال)

وكمان على حد معلوماتى هناك اعانة فى حالة دراسة كورسات

والمهم انا مبحسبها بالورقة والقلم ان بحسبها تقديرى

والاهم ان كلنا لازم نبقى متاكدين ان كل شىء فى اوله صعب.