هتعمل لاندج ؟ يبقى ناوى تعمل ايه ؟

[مايكل وكيرمينا]

الاهم احنا لحد دلوقتى محددناش الاستعداد للسفر

1- الاوراق وترجمتها

2- حجز الطيران

3- الاحتياجات الضرورية من مصر

[بيبو كندا]

اسف لتدخلى يبين جو و مينا

كل واحد عارف ظروفة

انا عن نفسى عندى شوية معلومات و بناء عليها هنفذها

اولا ما فيش مشتريات من مصر كتير غير الاقطان لانها مهمة جدا و غالية هناك ( ملابس داخلية قمصان رجالى و بلوزات حريمى و مهم جدا الكلسون بتاع الصعايدة للى ناوى يهاجر فى الشتاء )

ثانيا هاخد حلل و كوبايات و مجات تكفينى فترة اللاندج طبعا مش هاخد المطبخ و لكن هاخد بداية كويسة تخلينى اعدى مرحلة عدم وجود شغل

طبعا انا مش مليونير علشان اشترى كل حاجة من هناك هاخد من المطبخ بتاعى

ملايات و خلافة هاخد من دولابى يعنى مش هشترى جديد و ده يمشى الحال اول سنة ولا اتنين لحد ما الواحد يقف على رجلية

على فكرة علشان تشترى عربية كويسة مش اقل من 3 او 4 الاف دولار

ممكن واحد رايح و معاه مبلغ محترم اوك و عايز يشترى كل حاجة من هناك مافيش مشكلة بس الحرص واجب

الملابس التقيلة من هنااااااااااااااااااااك مصر لا يوجد فيها اى حاجة من الكلام ده حتى الاحذية خد اللى عندك فى البيت ما تشتريش جديد مش هينفع فى الشتاء

[ViralMind]

المشكلة فى العربية مش فى تمنها.. و لكن فى مصاريفها الشهرية و التأمين و خلافه.

لذلك المواصلات ممكن تكون افضل, خصوصا للى هيستقر فى مونتريال.

زى ما قلنا... لبس الشتا من كيبك و كل الجواكت و اللبس بتاع مصر مش هيصمد هناك.. لانك بتتكلم عن جليد بجد.. و ده عايز نوعية معينة... و حتى الجزم كمان زى ما قال بيبو.

بالنسبة للاوراق... ماتنسوش تترجموا شهاداتكم لو ناويين تكلموا دراسة, و كمان فيه حاجة اسمها المحتوى العلمى تروحوا تعملوه من الكلية, لو ناويين تكملوا فى نفس المجال.. لان ده ممكن ينقص المواد اللى هتدرسوها.

الحلل و الكوبايات موجودة هناك.. كندا مش صحرا :closedeyes: و الفرق مش زى ما انتم متخيلين.

اعتقد ان اهم حاجة هى فترة التلات تشهر الاولانيين.. اما بعد كده مفيش مشكلة ان شاء الله.

لو ناويين تشحنوا اى حاجة بعد دخولكم كندا, يبقى لازم تمضوا الاستمارة بتاعت الاقرار الخاصة بكده, لان ده هيعفيك من اى جمارك على اى حاجة هتكتبها فى الاستمارة دى.

[بيبو كندا]

الاهم احنا لحد دلوقتى محددناش الاستعداد للسفر

1- الاوراق وترجمتها

2- حجز الطيران

3- الاحتياجات الضرورية من مصر

هو ده الكلام اللى بجد

الاوراق طبعا الشهدات و المحتوى العلمى و شهادات الميلاد و التطعيمات بالنسبة للاطفال و شهادة معمودية كاثوليك للمسيحيين ان امكن

حجز الطيران

انا دورت كتير جدا جدا

ارخص تذاكر بتاعة الاردنية يعنى احنا عيلة من 4 افراد تكلفتنا من 14500 الى 15500 بشرط الحجز من الان لشهر 12 مثلا

اما مصر للطيران ابعدو عنها لانها ترانزيت امريكا و الهبوط بمطار و الاقلاع لمونتريال من مطار اخر فبكده لازم تأشيرة امريكا و تكلفتها للفرد الواحد حوالى 800 جنية

فبكده ممكن تحجز ترانزيت لندن و ده بداية من 20000 جنية لعيلتى و ممكن توصل لحد 32000 و ده بيعتمد على الحجز قبل قد ايه من السفر

و فى بعض الاصدقاء بيقولو لى ان ممكن تحجز قبل الاقلاع بيوم ولا اتنين بسعر منخفض جدا بس انا مش متأكد من المعلومة دى

الاحتياجات الضرورية بناء على كلام بعض الكنادوة ( اصدقاء مهاجرين من سنتين ) قالو لا تشترى جدىد غير ما قلته فى مداخلتى السابقة

اضافة صغيرة جدا

شنط السفر بعد سؤال و استفسار لا تشترى شنطة سفر ثقيلة

فأشتريت شنطة سفر عبارة عن شنطة ثلاثة مستويات و دى معروفة ( زى شنطة النادى كده )

دى خفيفة و مقاساتها معقوله 105 * 50 *30 و ليس لها حجم تخزين لما تسافر

يعنى انا معايا 8 شنط منهم 6 من هذه الشنطة و الاثنين التانيين شنطه محترمة اهى تنفع بعدين

تحياتى يا مايكل

[مايكل وكيرمينا]

الاهم احنا لحد دلوقتى محددناش الاستعداد للسفر

1- الاوراق وترجمتها

2- حجز الطيران

3- الاحتياجات الضرورية من مصر

هو ده الكلام اللى بجد

الاوراق طبعا الشهدات و المحتوى العلمى و شهادات الميلاد و التطعيمات بالنسبة للاطفال و شهادة معمودية كاثوليك للمسيحيين ان امكن

حجز الطيران

انا دورت كتير جدا جدا

ارخص تذاكر بتاعة الاردنية يعنى احنا عيلة من 4 افراد تكلفتنا من 14500 الى 15500 بشرط الحجز من الان لشهر 12 مثلا

اما مصر للطيران ابعدو عنها لانها ترانزيت امريكا و الهبوط بمطار و الاقلاع لمونتريال من مطار اخر فبكده لازم تأشيرة امريكا و تكلفتها للفرد الواحد حوالى 800 جنية

فبكده ممكن تحجز ترانزيت لندن و ده بداية من 20000 جنية لعيلتى و ممكن توصل لحد 32000 و ده بيعتمد على الحجز قبل قد ايه من السفر

و فى بعض الاصدقاء بيقولو لى ان ممكن تحجز قبل الاقلاع بيوم ولا اتنين بسعر منخفض جدا بس انا مش متأكد من المعلومة دى

الاحتياجات الضرورية بناء على كلام بعض الكنادوة ( اصدقاء مهاجرين من سنتين ) قالو لا تشترى جدىد غير ما قلته فى مداخلتى السابقة

اضافة صغيرة جدا

شنط السفر بعد سؤال و استفسار لا تشترى شنطة سفر ثقيلة

فأشتريت شنطة سفر عبارة عن شنطة ثلاثة مستويات و دى معروفة ( زى شنطة النادى كده )

دى خفيفة و مقاساتها معقوله 105 * 50 *30 و ليس لها حجم تخزين لما تسافر

يعنى انا معايا 8 شنط منهم 6 من هذه الشنطة و الاثنين التانيين شنطه محترمة اهى تنفع بعدين

تحياتى يا مايكل

ياباشا الكبير كبير كلام مفيش احسن من كده

بعد اذنك ليا استفسار كيفية استخراج المحتوى العلمى

بالنسبة لشهادات التطعيم سمعت 3 اراء مختلفة

اولا تترجم فى وزارة الصحة (بالقاهرة )

ثانيا تترجم ترجمة عادية

ثالثا انهم بيرسلو ورق من السفارة مع الباسبورات خاص بالتطعيمات بيملاء ويختم من وزارة الصحة

مع الشكر

[مايكل وكيرمينا]

بالنسبة للتامين العربية على حسب ما سمعت بيختلف بناء على عوامل كتير منها خبرة السائق(مدة ممارسة القيادة) ولذلك قال لى اح اقاربى انه يجب استخراج شهادة خبرةمن المرور فيها عدد سنوات الحصول على رخصة القيادة

اجراءات استخراج رخصة دولية

1-الذهاب لوحدة المرور التابع لها الرخصة المصرية (مطلوب الرخصة وصورتها

البطاقة وصورتها ) وبتخش على مباحث المرور وبتاخذ منهم ورقة موجهة لنادى السيارات (الموضوع مبياخدش اكتر من 10 دقايق).

2- نادى السيارات الاوراق المطلوبة :

1-الرخصة وصورتها

2- البطاقة وصورتها

3-الباسبور وصورته وكذلك صور الفيزا

4-الورقة الصادرة من المرور.

دا بالنسبة للاسكندرية بس مش عارف نادى السيارات موجود على مستوى الجمهورية ولا له بديل فى محافظات اخرى

[مايكل وكيرمينا]

بالنسبة لكرت البى ار(pr) الصور ليها مواصفات معينة ودا لينك من الموقع لوزارة الهجرة الكندية

http://www.cic.gc.ca/english/information/applications/guides/5445EB.asp

[مايكل وكيرمينا]

ياجماعة قرأت على مندى المطاريد انه يمكنك طبع

application of PR Card

من على الينك

http://www.cic.gc.ca/english/pdf/kits/forms/IMM5444E.pdf

وتكتبه وتاخد معاك

فهل دا صحيح

[ViralMind]

حتى لو الكلام ده صحيح.. هتفرق فى ايه انك تقدر تطبعها قبل ما تسافر؟

ما انتا برضه لازم تستنى لغاية اما تروح كندا و تقدم الطلب... و هتلاقى الطلب موجود فى المكتب اللى هتقدم منه, و ممكن تدخل اى مكتبة عامة و تطبعه..

[بيبو كندا]

ايه الكلام الجامد ده يا مايكل و كيرمينا

بس قولى يا عم الحاج انت عملت المديكال بتاعك امتى ؟ ما تقولش يوم الاتنين

ثم عندى سؤال هى الانسة كيرمينا عندها كام سنة علشان عندى ليها عريس معاه السى اس كيو و هيعمل لاندج قريب

و لو عايز عروسة ممكن نفكر

[بيبو كندا]

حتى لو الكلام ده صحيح.. هتفرق فى ايه انك تقدر تطبعها قبل ما تسافر؟

ما انتا برضه لازم تستنى لغاية اما تروح كندا و تقدم الطلب... و هتلاقى الطلب موجود فى المكتب اللى هتقدم منه, و ممكن تدخل اى مكتبة عامة و تطبعه..

استاذى بعد إذن حضرتك

اننا كلنا زمايل لا داعى للنقد

الكلام اللى يفيدك خد منه اللى انت عايزة و اللى مش عاجبك لا تنقده

ارجو ان لا تزعل بس بجد ردودك قد تخلق لك الكثير من الاعداء

سلامى لك

[ViralMind]

حتى لو الكلام ده صحيح.. هتفرق فى ايه انك تقدر تطبعها قبل ما تسافر؟

ما انتا برضه لازم تستنى لغاية اما تروح كندا و تقدم الطلب... و هتلاقى الطلب موجود فى المكتب اللى هتقدم منه, و ممكن تدخل اى مكتبة عامة و تطبعه..

استاذى بعد إذن حضرتك

اننا كلنا زمايل لا داعى للنقد

الكلام اللى يفيدك خد منه اللى انت عايزة و اللى مش عاجبك لا تنقده

ارجو ان لا تزعل بس بجد ردودك قد تخلق لك الكثير من الاعداء

سلامى لك

اهلا بيك يا استاذ بيبو..

بالعكس.. انا لم اقصد النقد, و لكن انا عايز افهم بس ايه العائد انى اطبع الورقة من دلوقتى.. خصوصا انى شاكك ان الورق ده بالاخص قد يتطلب اختام من داخل كندا, و بالتالى طبيعى لازم انتظر لما ادخل كندا الاول.. و المكتب المختص بكروت البى آر هيدينى الورق.. فالموضوع ملهوش اى قيمة.

اما عن النقد و الانتقاد.. انا مش شايف فيه أى مشكلة اطلاقا..

انا انتقدت جو فى فكرة شحن البوتاجاز و حاجات تانية ممكن تمثل عبأ بدون مبرر.. و كمان سوسورانى انتقدت الفكرة و وضحت لنا ان الشقة بيكون فيها كل حاجة.

و جو انتقدنى فى كلامى و مزعلتش... لان كل واحد له رأيه و افكاره.. و تبادل الاراء و الافكار مهم حتى و لو كنا مختلفين.. لان ده بيسمح باتساع افق المناقشة.

احنا رايحين مجتمع مفتوح.. فيه المسلم و المسيحى و العلمانى و الكافر و اللادينى.. و لازم يكون عندنا تقبل للنقد و لكل الافكار... طالما انه فى سياق الاداب العامة و دون تطاول على الاخر.

لك منى كل التحية و التقدير.

[مايكل وكيرمينا]

ايه الكلام الجامد ده يا مايكل و كيرمينا

بس قولى يا عم الحاج انت عملت المديكال بتاعك امتى ؟ ما تقولش يوم الاتنين

ثم عندى سؤال هى الانسة كيرمينا عندها كام سنة علشان عندى ليها عريس معاه السى اس كيو و هيعمل لاندج قريب

و لو عايز عروسة ممكن نفكر

ياباشا احنا نجى جنب اللى انت قدمته للناس فى المنتدى ايه( من اول مكنا منتظرين المقبلات ولحد دلوقتى )

انا بداءت عمل المديكال يوم 26/07/2011 وكذلك الاشاعات والتحاليل وختم الدكتور الورق بهذا التاريخ

ثم اعطانى ميعاد اخر يوم 3/8/2011

للاطلاع على التحاليل والاشاعات وعمل كشف دقيق شامل كانى مقدم فى شرطة

ثم ارسل الورق ثانى يوم

هذا هو كشفى الطبى بالتفصيل الممل

كيرمينا عندها 5سنين ومايكل 8 سنين وياباشا دا احنا نتشرف

[malekmalooka]

سلام عليكم جميعا مبروك على التوبيك الجديد معلش متأخره ,كان ليا استفسار لو سمحتوا ,الناس اللي هتعمل لاندنج قريبا في موريال ناويين تعملوا ايه في موضوع حجز السكن قبل السفر ياترى ايه الاماكن الكويسه عشان ادور فيها و تقريبا لو الواحد هيحجز استوديو مؤقتا لمده اسبوعين ده تقريبا هيتكلف كام .ياريت لو حد يعرف مكان كويس للايجار يبعتلي اي تفاصيل و شكرا و ربنا يوفقكم جميعا

[joo]

معلش يا صامويل هو من ساعة منا اتكلمت وهو شغال ترقة ومش عاجبة كلام حد

وبيقول انى هشحن بوتاجاز مش عارف جاب التأليفة دى منين

انا كمان معجبنيش طريقة كلامة واستخفافة بالجميع زى ميكون مسافر من سنين وفاهم كل حاجة

علشان كدة مش هرد على تعليقاتة

تم تعديل 20 سبتمبر 2011 بواسطة joo

[joo]

يا ملوكة متشغليش بالك احنا هنا كلنا اخوات وهنشيل بعض

انا عن نفسى ليا اصحاب هناك فى موريال وهيأجرولى شقة

ولو انتى ان شاء اللة هتيجى بعدى هنتصرفلك فى اللى انتى عاوزاة وهنقابلك فى المطار كمان

متعوليش هم ربك بيعدلها

[joo]

معلومات عن اللاندينج لكندا.docدة ملخص ناس سافرت قبل كدة

جديد لاندنج فى مونتريال ميدو منصور.doc

[ViralMind]

سلام عليكم جميعا مبروك على التوبيك الجديد معلش متأخره ,كان ليا استفسار لو سمحتوا ,الناس اللي هتعمل لاندنج قريبا في موريال ناويين تعملوا ايه في موضوع حجز السكن قبل السفر ياترى ايه الاماكن الكويسه عشان ادور فيها و تقريبا لو الواحد هيحجز استوديو مؤقتا لمده اسبوعين ده تقريبا هيتكلف كام .ياريت لو حد يعرف مكان كويس للايجار يبعتلي اي تفاصيل و شكرا و ربنا يوفقكم جميعا

و عليكم السلام و رحمة الله و بركاته..

انا ناوى احجز عن طريق موقع كريجز ليست: http://montreal.en.craigslist.ca/apa/

تقدرى حضرتك تلاقى كل انواع الشقق فيه.

و كمان لو ناويين تقعدوا فى فندق اول كام يوم, تقدرى تحجزى عن طريق booking.com

و مفيش اى فلوس بتتدفع علشان تحجزوا الفندق.

من السهل انك تجيبى قايمة باسماء المناطق فى مونتريال, و لكن المشكلة الحقيقية هى فى معرفة اذا كانت المنطقة آمنة ولا لا.

و كمان انا عن نفسى ناوى ابعد عن المصريين و العرب نوهائى.. و علشان كده لازم اعمل بحث كتير علشان اشوف منطقة آمنة و مناسبة و ميكونش فيها مصريين.

بالتوفيق باذن الله.

[أدهم الشرقاوى]

معلومات عن اللاندينج لكندا.docدة ملخص ناس سافرت قبل كدة

جديد لاندنج فى مونتريال ميدو منصور.doc

شكراً جزيلاً و ربنا يعوضك خير.

[harveyhanna]

معلومات عن اللاندينج لكندا.docدة ملخص ناس سافرت قبل كدة

جديد لاندنج فى مونتريال ميدو منصور.doc

شكرا يا جو عللى الملفات الجامدة دى

فيها معلومات كتيرة مفيدة

ربنا يعوضك