الوزن كام في الخطوط السعودية؟

[ارام]

لو سمحتو يا جماعه احنا اربع افراد (الاب والام وطفلين فوق السنتين) ممكن اعرف احنا الوزن بتاعنا في الخطوط الجوية السعودية كام؟والشنطه الواحده تكون كام كيلو؟

ارجوكم تردو عليا لو سمحتو

[fatfouta]

الوزن لكل فرد 30 كجم يعنى انتوا اربع افراد

يعنى الإجمالى اللى ممكن يسمحولك هو 120 كجم....وفيه برنامج اسمه الفرسان ممكن تشتركى فيه وهيزودلك 10 كجم لكل فرد

إدخلى على موقع الخطوط الجوية العربية السعودية واختارى الفرسان وسجلى بياناتكم وان شاء الله هتاخدى الوزن الإضافى المسموح بيه

اتفضلى هنا

وخدى بالك الشنطة الواحدة لا تزيد عن 30 كجم وممكن يعنى يعدوهالك لو 32 ولا حاجة بس الاحسن انك تضبطى الوزن

تم تعديل 20 يناير 2011 بواسطة fatfouta

[ارام]

انا متشكرة ليكي جدا على ردك الجميل

بس انا قرات في اعلان وانا بحجز في مكتب الخطوط ان الشنطة الواحده لا تزيد عن 32 كيلو انا كده تهت مش عارفه اعمل اية وبصراحه انا معايا وزن محترم وخايفه ادفع زياده لاني فعلا مش عارفه اشيل ايه من الشنط

لو حد يعرف يا ريت يدلني ارجوكم

[اكون او لا اكون]

حضرتك انا نزلت مصر علي السعودية وكان معايا 53 كيلو بس معايا الفرسان ورجعت بردوا ب 52 ومعايا الفرسان

يعني لما وزنت قالوا لي عندك وزن زيادة طلعت كارت الفرسان عدوني

وعمل الفرسان سهل جدا من الدخول لموقع الخطوط السعودية والتسجيل ولكل شخص كارت منفصل

وبالتوفيق وربنا معاكوا

[fatfouta]

الحل ان حضرتك تشترك/ى فى الفرسان يعنى الاجمالى هيبقى معاكى 160 كجم عارفة ان فيه ناس ممكن تشيل اكتر من كده بس اعتقد الوزن بعد الاضافة هيبقى حلو جداا

ولو فيه حاجة مش ضرورى يعنى معاكى ابقى اشحنيها بقى وخلاص وكده توفر/ى الفلوس اللى ممكت تندفع فى الوزن الزائد

الشنطة الواحدة 30 او 32 مافرقتش كتير المهم الواحد ياخد باله من كده عشان ماحدش يقف فى المطار ويقعد يخفف فى وزن الشنطة والبهدلة بقى انتوا عارفينها

ويارب توصلوا بالسلامة ان شاء الله

[اكون او لا اكون]

زي ما الاخت الجميلة الرقيقة فتفوتة قالت لازم تعملي الفرسان دة هيخدمك جدا

[ارام]

انا متشكرة ليكم جدا يا جماعه

انا الحمد لله عملت الفرسان ليا ولزوجي بس الموقع مصر مايعملش للاطفال مش عارفه ليه كل لما اسجل يقولي ممنوع لاقل من سنتين مع العلم انهم هما الاتنين اكتر من سنتين وبرده حاولت اسجلهم بتاريخ ابعد يعني اكبرهم شوية لان اخر تحديث لموقع الخطوط السعودية والفرسان سنة 2009

المهم اني دلوقت مش عارفه اعمل للاطفال

طيب انته اية رايكو احزم الشنط واسيب الزياده في شنط خارجيو عدت او لا ؟ولا الاحسن احط الشنط كلها مع بعض

[doha]

بصي ياستي .. الوزن المسموح بيه في الخطوط السعوديه على حسب نوع التذكرة بتاعتك .. يعني لو هي حكومية او ثانية عاديه لكي حاجه وثلاثين كيلو .. لو شرياها مخفضه او عليها عرض مبيزيدش المسموح لك بيه عن حاجه وعشرين وعموما هتلاقي الوزن المسموح لك بيه مكتوب بوضوح في التذكرة الي معاكي اقريها كويس هتلاقي محدد لكل واحد فيكم وزنه قد ايه ..

كويس انك عملتي اشتراك الفرسان ده باذن الله هيساعدك كتير .. وللي ميعرفش ازاي الاشتراك بيتعمل فالطريقة انه يروح لموقع الخطوط السعوديه على النت ويضغط على رابط الفرسان ويدخل بياناته ويحتفظ بالرقم الي هيطلعه ( بانلسبة لي كنت بكتبه على التذكرة ) الرقم ده لوحده كفايه انك تحصل على زياده في الوزن ومسموح برقم لكل جواز سفر ..

ولو الموقع رافض يعمل للاطفال او لاي سبب مش عارفه تحصلي على رقم الاشتراك فممكن تروحي لمكتب الفرسان الي موجود في الفرع الرئيسي للخطوط السعوديه ( اظن حي المرسلات ) هناك هم هيتصرفوا ويدولك رقم عضوية للافراد الباقيين عندك ..

بالنسبة لوزن الشنطه الواحده متزوديهاش عن 30 كيلو باي حال من الاحوال لان اصلا الميزان عندك في البيت مبيكونش حساس زي بتاع المطار يعني الي وزنها عندك في البيت 30 هتوزن حاجه وثلاثين في المطار .. اشتري شنط من البلاستيك ام خمسة ريال الي لها سسته وحطيها في الجيب الخارجي لشنطتك الكبيرة عشان لو طلعوا منها حاجه زياده تحطيها في الشنطه دي وخلاص .. لما كنت مسافره شفت ناس معاهم وزن زايد كتير بس سمحوا لهم يعدوا بيه لكن اشترطوا عليهم يخفوا الشنط شويه عن الـ 30 كيلو وكانوا محتاسين جدا يودوا الزياده فين واخيرا اتصرفوا في كيس كان مغلف الشنطه الي معاهم .. بانلسبة لي دائما وابدا احط شنطه بلاستيكيه احتياطي في شنطي تحسبا لموقف زي ده او ان شنطه تنقطع او اي موقف طاريء ..

واجمالا هم غالبا بيعدوا لك الوزن الزائد خاصه لو انتم عدد افراد كتير بس حاولي قدر الامكان شنطك تكون وحدات قليلة يعني ثلاث شنط كبار احسن من سبع او ثمان شنط هندباج ومتوسطه .. وعلى فكره مسموح لكل واحد فيكم انه يشيل شنطه هندباج في ايده بخلاف شنطتك النسائية وشنطه اللابتوب فممكن لو معاكي حاجه ثقيلة اوي مقارنة بحجمها تحطيها في هاندباج معاكي بس خلي بالك يكون شكل الهاندباج صغير عشان ميجبروكيش تحطيها في الوزن .. ومن خبرتي فاكتر حاجه بتوزن جامد مقارنة بالحجم هي الكتب لو معاكي كتب حطيها هندباج دائما .. وقيسي على ذلك ..

[ارام]

انا متشكرة لحضرتك جدا doha

حضرتك فعلا شرحتي بالتفصيل كل حاجه وهديتي بالي ربنا يبارك فيكي حضرتك كنت خير عون لي

وربنا يسهل ويعدونا

انافعلا معايا كتب كتير

معلش عندي سؤال هوافيه مكتب للفرسان في المطار (مطار القاهره)؟