عيد ميلاد...أصغر محاوراتية اسكندراية

[لماضة مصرية جدا]

السلام عليكم و رحمة الله و بركاته

آيات البنوتة....الاسكندرانية....اللي لسه اصغر محاوراتية

فاكرين لما دخلت و شاركت معانا في توبيك الحرس الجامعي و ازاي مش من حق...اي ظابط انه يعتدي علي الطلبة

و عرفنا ساعتها انها بنوتة طنط هند

و انا شخصيا.....اذبهليت....

لاني....في سنهاكنت بحب ادهم صبري...و تختخ....و بعشق عصابة القناع الاسود...(ميول اجرامية مبكرة)

آيات بنوتة...مصرية اسكندرانية...بتقولنا حقيقي ان الزمن اتغير....و اكيد للاحسن

كل سنة و انتي عيون بتتفتح علي كل خير و جمال و حب في العالم ده

كل سنة و انتي بتدور علي مفرداتك في الكون ده بلغتك انتي

كل سنة و انتي وجهة نظر....لازم نحترمها....و بتوحشنا كتير

كل سنة و انتي طيبة يا آيوتا......و عقبال ما تبقي...آدنا...(وش عم ايوب....فارس احلامي....هههههه)

اتفضلي الهدية دي و يا رب تعجبك

زقي ماما بقي...و قوميها م ع النت,,,,احسن ماما بتنفعل جدا مع الاحداث

كل سنة و انتوا بكل الحب

[Scorpion]

أَلاَآياتٌ بِْعِيدَكِ اصْبَحِيْنَـا

وَلاَ تُبْقِي تُوْرتَةِ الأَنْدَرِيْنَـا

مُشَعْشَعَةً كَأَنَّ الشًّوكُولاَ فِيْهَـا

إِذَا مَا الاِسْبرِيْسوْ خَالَطَهَا سَخِيْنَـا

تَجُوْرُ بِذِي الكِرْيمَّة عَنْ هَـوَاهُ

إِذَا مَا ذَاقَهَـا حَتَّـى يَلِيْنَـا

تَرَى اللَّحِزَ الشَّحِيْحَ إِذَا أُمِرَّتْ

عَلَيْـهِ لِمَـالِهِ فِيْهَـا مُهِيْنَـا

و اللي يحبنا ما يضربش نار

[بركة]

كل سنة وانت قمراية منورة قلب بابا وعمر ماما

[fatfouta]

كل سنة وانتى طيبة يا آيات انتى وماما وبابا وكل اخواتك

ويارب يفرح قلب ماما بيكم

[عبير يونس]

كل سنة و انتي طيبة يا أيوية يا جميلة

و عقبال 200 سنة

تكبري في عز بابا و ماما

و يفرحوا بيكي و بولادك و وولاد ولاد ولاد ولادك

ربنا يباركلك فيها يا هند

و في كل أسرتك الكريمة

دي تورتاية كده مش قد المقام

اعبر لك بيها عن فرحتي و دعائي ليكي بإن ربنا يبارك في عمرك ويزيدك من حسن الخلق

[MaYousof]

بصراحة .. هذا الشبل من ذاك الأسد .. بجد والله من غير أي مجاملة .. آيات ومدام هند .. الاتنين من أرقي أعضاء المنتدى فكرا ومن الأشخاص اللي تشعر بوضوح إن حس المسئولية عندهم مرتفع للغاية .. يعني بجد والله كلاكما فخر لمصر .. أساسا أنا ماكنتش مصدق إن آيات سنها صغير كده ولولا إنها بنت مدام هند عمري ما كنت هاصدق لإن قلمها فيه فكر عالى وشخصية سابقة سنها بسنوات .. بس بجد لا عجب لأن هذا الشبل من ذاك الأسد ..

كل سنة وانتي طيبة يا آيات .. وكل الشكر لمدام هند على كونها أم مثالية بحق ..

[Om Zayd]

آيات حبيبتي

ربنا يكرمك دايما و يصلح حالك

و دايما فرحانين بيكي

و مالية على ماما و بابا حياتهم

بيتهيألي انك عارفة احنا قد ايه فرحانين بيكي هنا .. بتدينا أمل ان المستقبل بإذن الله أحسن

ملحوظة

يا ريت تشيلي لزيد حتة من التورتة

مصراوية.. فين العصير؟

:closedeyes:

[masraweya]

أيوة حالا جااااااااي

أنا تعبت .. كملوا انتوا عصر بقى

يا رب دايما في هنا

أخبار الامتحانات ايه؟؟

طمنينا عليك

تم تعديل 21 يناير 2011 بواسطة masraweya

[الســـاري]

كل عام وانتي طيبة يا آيات محمد ... والله مفاجأة تفاجأت فيها .. احب اقول لك ان ما شاء الله تبارك الله ليك مستقبل باهر .. واحب ابارك ليكي ولماما هند علي بأجمل وأرق مباركة واقول ان شاء الله عيد ميلاد سعيد .. وعمر مديد في طاعة الله

[مغتربة]

كل سنه و انت طيبه يا قمر و عقبال يا رب العيد المايه

انا عارفه انك مشغوله دلوقتى فى الامتحانات

بس برضخه ميمنعش من حفله صغنونه كدا

كل سنه يا رب و انتى محققه كل احلامك و مفرحه بابا و ماما بيكى باذن الله

[م تيمور المراغي]

كل سنه وانتي طيبه يا آنسه آيات

وان شاء الله تكبري وتكوني قيمه مهمه اوي لبلدك ,,

و تشرفي ماما وبابا وعمو تيمور يارب :happy:

خدي مني الورده دي مبقيتش بديها لاي حد

آيات صنع الله باهرة و زاهرة

كعود الورد ترياقا وتذكاري

ترياق كل ملمة بالمرء آسرة

وذكرى فمن في العالمين يباري

[Howayda Ismail]

يانهار ابيض هى هيصة اية وصلت المحاورات هنا

مين ادها احتفال فى البيت وعلى الفيس والمحاورات كمان

اخواتى واخوانى الاعضاء الافاضل

بجد والله غمرتونى سعادة كبيرة من كلامكم الجميل عنها واللى زودنى فرحة على فرحتى لما شفتها امبارح

مادموزيل جميلة بعد ماكانت لسة قدام عينى البنوتة الصغنونة بهدوءها المعهود اللى زودها جمال على جمالها

وانا مش بجاملها بس فعلا آيات ماشاء الله اصحابها كلهم على الفيس فوق ال 25 سنة ومن كلامها معاهم مش مصدقين

انها صغيرة اوى كده .

متشكرة لكم كلكم وربنا يفرحكم ويسعد ايامكم

على جنب

كل سنة وانت طيبة ياحبيبة قلب ماما من جوا

مافيش تورتة هنا كفاية اللى جبتها لك امبارح احسن تتخنى ههههههه

[ayat mohamed]

السلام عليكم و رحمة الله و بركاته

آيات البنوتة....الاسكندرانية....اللي لسه اصغر محاوراتية

فاكرين لما دخلت و شاركت معانا في توبيك الحرس الجامعي و ازاي مش من حق...اي ظابط انه يعتدي علي الطلبة

و عرفنا ساعتها انها بنوتة طنط هند

و انا شخصيا.....اذبهليت....

لاني....في سنهاكنت بحب ادهم صبري...و تختخ....و بعشق عصابة القناع الاسود...(ميول اجرامية مبكرة)

آيات بنوتة...مصرية اسكندرانية...بتقولنا حقيقي ان الزمن اتغير....و اكيد للاحسن

كل سنة و انتي عيون بتتفتح علي كل خير و جمال و حب في العالم ده

كل سنة و انتي بتدور علي مفرداتك في الكون ده بلغتك انتي

كل سنة و انتي وجهة نظر....لازم نحترمها....و بتوحشنا كتير

كل سنة و انتي طيبة يا آيوتا......و عقبال ما تبقي...آدنا...(وش عم ايوب....فارس احلامي....هههههه)

اتفضلي الهدية دي و يا رب تعجبك

زقي ماما بقي...و قوميها م ع النت,,,,احسن ماما بتنفعل جدا مع الاحداث

كل سنة و انتوا بكل الحب

والله بجد انا اتفاجات لما ماما قالتلى على احتفالكم بعيد ميلادى

وفرحت جدااا انكم لسه فاكرنى مع ان مشاركاتى قليله جدا

وانا شاكره اوى ليكى أ/ ريهام على الهديه الجميله دى انا بجد بحب

الاكسسوارات جدا جدا خصوصا الحاجات الجميله اللى انتى جبتيهالى

بجد روووووووعه ذوقك جميل اوى اوى

ويارب دايما يسعدك زى ما فرحتينى انك لسه فكرانى وعرفانى

[لماضة مصرية جدا]

السلام عليكم و رحمة الله و بركاته

واااااااااااااو

ما شاء الله تبارك الله....دي آيوتا يا طنط هند.....لا اسمحيلي بقي اعاكس

طب اسمحيلي...احجزها لابني مروان (اللي في علم الغيب....)

امممم.....طب بلاش مروان.....طب تاخد ابو مروان (اللي هو في علم الغيب....برضه :closedeyes: )

طب المتاح دلوقتي هو الواحد "عوكل"...ابن اخويا....و ده بيلعب ف 5 سنين بس دقرم...دقرم

ربنا يسعد قبل حضرتك بيها و دايما تكون فرحة قلبك و عمرك

ع جنب بقي

بجد يا آيات برافو عليكي....انك مخلية ماما متابعة معاكي علي الفيس بوك و ع المحاورات....

مع فرق المليون سنة ضوئية اللي بينا.....بس برضه بخلي ماما متابعة معايا....

مش مراقبة....و مش عشان هي بتسال....تؤتؤ...تيء تيء....تأتأ

عشان انا اتعودت اني اتونس في الحكاوي مع ماما....في كل حاجة....و اتعودت ان حياتي مع امي كلها بيبان مفتوحة ع الاخر...(الحقيقة الست مش بتتعب معايا في حاجة خالص....انا بدردب لوحدي )

خليكي كده....و اعرفي دايما ان ماما هي الصديقة الوحيدة اللي في الدنيا اللي هتحبك و تخاف عليكي....من غير اي مصلحة غير انك تبقي احلي و اجمل بني آدمة في الكون بحاله

كل سنة و انتي آيات...من الجمال و البراءة و الهدوء...و العقل

هو فين البوفيه.....(السؤال ده اديلي زمن مسالتوش...و بوقي واجعني :P )

مساااااكم..لمة"آيات"

[ayat mohamed]

أَلاَآياتٌ بِْعِيدَكِ اصْبَحِيْنَـا

وَلاَ تُبْقِي تُوْرتَةِ الأَنْدَرِيْنَـا

مُشَعْشَعَةً كَأَنَّ الشًّوكُولاَ فِيْهَـا

إِذَا مَا الاِسْبرِيْسوْ خَالَطَهَا سَخِيْنَـا

تَجُوْرُ بِذِي الكِرْيمَّة عَنْ هَـوَاهُ

إِذَا مَا ذَاقَهَـا حَتَّـى يَلِيْنَـا

تَرَى اللَّحِزَ الشَّحِيْحَ إِذَا أُمِرَّتْ

عَلَيْـهِ لِمَـالِهِ فِيْهَـا مُهِيْنَـا

و اللي يحبنا ما يضربش نار

استاذى الفاضل سكوربيون

متشكره اوى عالشعر الجميل ده

هو حضرتك كنت معانا امبارح علشان توصف التورته بالظبط كدا

[ayat mohamed]

كل سنة وانت قمراية منورة قلب بابا وعمر ماما

وحضرتك طيبه طنط بركه ويفرحك باولادك

والله انا حاسه ان ماما قالتلكم عالحاجات اللى انا بحبها

عشان مش معقول كلكم جبتولى الحاجات اللى بحبها

انا فعلا بعشق الرسم

ميرسى يا طنط على اللوحه الجميله دى

[ayat mohamed]

كل سنة وانتى طيبة يا آيات انتى وماما وبابا وكل اخواتك

ويارب يفرح قلب ماما بيكم

والله اكيد يا طنط ماما قالت لكم عالحاجات اللى بحبها

لان انا نفسى من زماااان اجيب قطه لكن ماما مش بتحبهم فى البيت

متشكره جدااااا عالهديه الحلوه والقطه الجميله دى

[لماضة مصرية جدا]

أَلاَآياتٌ بِْعِيدَكِ اصْبَحِيْنَـا

وَلاَ تُبْقِي تُوْرتَةِ الأَنْدَرِيْنَـا

مُشَعْشَعَةً كَأَنَّ الشًّوكُولاَ فِيْهَـا

إِذَا مَا الاِسْبرِيْسوْ خَالَطَهَا سَخِيْنَـا

تَجُوْرُ بِذِي الكِرْيمَّة عَنْ هَـوَاهُ

إِذَا مَا ذَاقَهَـا حَتَّـى يَلِيْنَـا

تَرَى اللَّحِزَ الشَّحِيْحَ إِذَا أُمِرَّتْ

عَلَيْـهِ لِمَـالِهِ فِيْهَـا مُهِيْنَـا

و اللي يحبنا ما يضربش نار

انا هعيط

لا انا عيطت خلاااااااااااص...مين "اللحز دوت".....قبل محطة الاتوبيس و لا بعديها :)

الكلمات دي معبرة اوي....يعني تحسها طالعة من معاميك المعاميك

فكرتني بعصيدة لسه قاريها من يومين...من الادب الرومانسي المتشحتف بتقول ايه بقي...(وش اي مغنواتي لافح الربابة و قاعد ع المصطبة)

حبيني...و خدي....زعبوط

قالته

هآآآآآآآآآآو...هي المحبة بالنابوت

انت يا عيوني لسه أطؤؤت

و انا حلوة....و لابسة البووووت

و اتفضل شوف غيري يا كتكوت

و ايييييييييييييييييييييييييه...(وش شعبولا)

و اللي بيحبنا....برضه....يشعللها....و يضرب ناااااار ;)

[ayat mohamed]

كل سنة و انتي طيبة يا أيوية يا جميلة

و عقبال 200 سنة

تكبري في عز بابا و ماما

و يفرحوا بيكي و بولادك و وولاد ولاد ولاد ولادك

ربنا يباركلك فيها يا هند

و في كل أسرتك الكريمة

دي تورتاية كده مش قد المقام

اعبر لك بيها عن فرحتي و دعائي ليكي بإن ربنا يبارك في عمرك ويزيدك من حسن الخلق

وحضرتك طيبه يا طنط ربنا يخليكى ويفرحك باولادك

على فكره يا طنط التورتايه عجبتنى اوى

كفايا عليا ان حضرتك افتكرتينى

[ayat mohamed]

بصراحة .. هذا الشبل من ذاك الأسد .. بجد والله من غير أي مجاملة .. آيات ومدام هند .. الاتنين من أرقي أعضاء المنتدى فكرا ومن الأشخاص اللي تشعر بوضوح إن حس المسئولية عندهم مرتفع للغاية .. يعني بجد والله كلاكما فخر لمصر .. أساسا أنا ماكنتش مصدق إن آيات سنها صغير كده ولولا إنها بنت مدام هند عمري ما كنت هاصدق لإن قلمها فيه فكر عالى وشخصية سابقة سنها بسنوات .. بس بجد لا عجب لأن هذا الشبل من ذاك الأسد ..

كل سنة وانتي طيبة يا آيات .. وكل الشكر لمدام هند على كونها أم مثالية بحق ..

استاذ يوسف متشكره جدااا عالمجامله الرقيقه دى

بس بجد كتير عليا اوى الكلام ده

انا فعلا افتخر ان مامتى تبقى استاذه هند

وانا لو كبيره بعقلى كدا ده لان ماما صحبتى ولازم يكون فكرى زيها

ميرسى جدااا استاذ يوسف