تعمل ايه لو بقيت رئيس مصر

[Rosea]

ايه هى اولوياتك لو بقيت رئيس مصر؟؟؟

انا شخصيا شايفه ان فعلا الزياده السكانيه و التعليم اول حاجه لازم نواجهها...

بالنسبه للزياده السكانيه تفتكروا ايه ممكن يبقى الحل؟؟

..انا كمان نفسى اركز على ان عمل المصريين فى الخارج يكون تحت مظلة الدوله يعنى نجيب فرص عمل للمصريين فى دول افريقيا مثلا !

[اكون او لا اكون]

ايه هى اولوياتك لو بقيت رئيس مصر؟؟؟

انا شخصيا شايفه ان فعلا الزياده السكانيه و التعليم اول حاجه لازم نواجهها...

بالنسبه للزياده السكانيه تفتكروا ايه ممكن يبقى الحل؟؟

..انا كمان نفسى اركز على ان عمل المصريين فى الخارج يكون تحت مظلة الدوله يعنى نجيب فرص عمل للمصريين فى دول افريقيا مثلا !

اعمل وادي موازي للوادي القديم

ابطل اشري مية واشرب سفا اب علي طول

[ahmed hanafy]

اعتقد ان اول حاجة حعملها فرض عقوبة الاعدام لكل مرتشي

والنظر في القوانين بجدية مش مجرد ستار علشان الشعب يبقي عندة كرامة

وبعد كدة فرص العمل والرعاية الصحية

اعتقد دى لهم حاجات لازم تتعمل الاول

[Rosea]

طيب و ايه الحلول اللى بتقترحوها للانفجار السكانى

[امير مجروح]

طيب و ايه الحلول اللى بتقترحوها للانفجار السكانى

الزيادة السكانية عمرها ما كانت مشكلة ...

[hakeem]

طيب و ايه الحلول اللى بتقترحوها للانفجار السكانى

هى بلدنا يعنى أكبر فى السكان من مين..دى الشماعة اللى بيعلقوا عليها فشلهم فى كل حاجة..عندك الصين.الهند.ولا اليابان اللى كانت اتدمرت كلها فى الحرب..

الزيادة السكانية دى شماعة الحكومة لما بتفشل فى حاجة..السكان ثروة مش انفجار..يفتحوا مصانع يشغلوا الناس وينتجوا بدل ما بقت كل حاجة من الأبرة للصاروخ made in china

[Rosea]

يا جناعه انا معاكوا ان اشعوب فى بعض الاحيان تكون اهم ثروات البلاد لكن فى حالتنا ازاى؟

البلاد اللى انت ذكرتها اذا عايزين نقارنها نشوف حصة الفرد فى المياه و فى الكهرباء و الاراضى الزراعية قد ايه الاول

احنا بالتاكيد مش بنستغل الثروة البشريه عندنا بس احنا لازم نعترف ان عندنا نقص شديد فى الموارد و نحاول نصلح من الناحيتين

[جسار]

آهو دى الوظائف اللى تفتح النفس وكان نفسى فيها من زمان قوى

أول حاجة أعملها أتعرف على لحم النعام أصلى سمعت كتير عليه قوى وبيقولوا ده مهم جدا لاصدار

القرارات المصيرية

تانى حاجة أصدار مرسوم رئاسى بشراء الجزيرة اللى فى أسكتلندا المشهورة بالمحار الممتاز

لان المحار مهم جدا فى القرارات الحيوية

وبعد ما نشرب الشاى من نفس النوع اللى بتشرب منه ملكة انجلترا ذات نفسها وندخن قيمة

قاروصتين سجاير من المستورد النضيف بدل دخان المقشات اللى بنشربه

نبدأ بقرار بتوزيع البواقى من الاكل والشرب على الناس اللى تحت ..غلابه وآهو زكاة عن صحتنا وعافيتنا

وعلشان ماحدش يبص لنا فى لقمتنا ويسممها علينا - ما تزعلش يا سمبا المرة دى من ميزانية الرياسة

و أول قرار تاريخى هو قفل المنتدى وأغلاقه بالضبة والمفتاح وكفاية قوى عليكم كده

وتانى قرار هو حبس المدعو س س حيث انه بيتريق على الرؤساء أصدقائى

وتالت قرار هو ألغاء يوم 25 يناير من نتيجة الشهر ده علشان المدعو آرش مايلاقيش اليوم ويجيله

أحباط ويروح ينام

وبعد كده أبقى اصدر قرار رئاسى بالعفو بعد ما تتحايلوا على شوية

الريس : جسار

[دودو هانم]

يااااااااااه دا انا ها عمل عمايل مش هارتب انا هاقول اللي نفسي يتعمل

هاعمل مدن للشباب وها وفرها لهم باسعار بسيطه يقدروا عليها

هاقسم شوارع كل حي علي كل الشباب ال فيه ينضفوه ويزرعوه اشجار وورد وده مقابل مكافاءت غير مباشره يعني مثلا مسابقة اجمل شارع

ها عالج مشكلة العشوائيات وساكني المقابر لان دي مش من الادميه ودوول هاجيب لهم شقق ببلاش

هاوفر فرص عمل ف الاخارج للشباب ال عاوز يضاعف دخله وده باءي طريق بعيدا عن الكفيل بحلم مش كده

هاحدد النسل ولو حرام ربنا يسامحني يعني اسبهم يجيبوا عيال واكلهم ظلط هما اتنين ولو زاد العقوبه حرمان المولود التالت من كافة منح الدول من تعليم وعلاج وغيره

هاحط وزير تربيه وتعليم بيعرف ربنا ويتق الله ف ولادنا واكيد هايطور المناهج ويجيب م الاخر

هاظبط المستشفيات يعني المستشفي العام هاظبطها كما لو اني انا ال ها تعالج فيها وانا رئيسة جمهوريه شوفوا انتوا بقي

هاوسع البلد بقي وادخل اعمر ف الصحرا واخليها وردي من كله واظبط الطرق عشان ال يسوق يعرف يتنفس

هاشنق كل مرتشي لان هما الاساس ف خراب البلد

هاعمل حاجات كتير بس انتوا اخلعوه ورشحوني والباقي علي ربنا

كل كلامي بداء ب ها ها ها ههههههههههها

هاقوم انام احسن

نسيت اقول تسلم الايادي يا روزا ع الفكره اللذيذه دي

[Rosea]

انا بشترك معاكى فى كذا مبدا بس موضوع العقوبة بتاع الطفل التالت ده حاسه مش مجدى لان الوضع الحالى فعليا هو ان الحكومه شغاله عقوبات من الطفل الاول لانها قريبا رافعه الدعم ومع ذلك الناس مش هامهها حد يتعلم

[وجهة نظر شخصية]

انا اول ما اتولى الرئاسة هستقيل على الفور ههههههه لان طبعا هذا المنصب حسابه عسير سواء بالدنيا او الاخرة والاخرة أشد ، لذا لا أحبذا ذاك المنصب على الاطلاق

ولكن لكى لا اكون هادم الملذات ، هاقول بطريقتى ان لو كنت رئيس مش هاعمل مثل الصباحى تلميذ عبد الناصر واعطى الاولوية للقومية العربية على حساب اهل مصر ، ايضا لن اكون عميل لاى دولة مهما كانت سيطرتها على العالم أجمع ، ان كنت رئيس دولتى هاكون خادم لشعبها وأعمل كل جهدى لاتقرب من الفاروق فى ولايته وبما ان هذا مستحيل ان اكون فاروقا هارجع تانى واقول لم اقبل هذا المنصب حتى ان قارنوه بكنوز الارض كلها فهو منصب ابليسى يودى الى جهنم لا محال لان عمر ما احد هيأتى مثل سيدنا عمر بن الخطاب ولا حتى يكون ربعه ليهرب من عقاب الاخرة، فهو بالنار بالنار اكيد

[لماضة مصرية جدا]

السلام عليكم و رحمة الله و بركاته

اول حاجة هعملها لو بقيت رئيس جمهورية اني ااقدم استقالتي..(وش حد مخضوض)

امبارح استاذي علمهالي قالي لما تخشي اي مكان لازم اول حاجة و انتي لسه في مرحلة البهجة و الفرحة اللي بيسموها مرحلة "شهر العسل" الوظيفي لازم تحطي لنفسك تاريخ المغادرة

لما احط لنفسي معاد اني هسيب الكورسي دوت يبقي هيبقي قصاد عيني ان قدامي مثلا 4 سنين او خمسة اشتغل فيهم و لازم احقق فيهم الخطة اللي رسمتها في دماغي

مواضفات الخطة و ملامحها و هعمل ايه طول الفترة اللي هبقي فيها رئيس جمهورية لغاية ما اسيب الليلة...مش هتختلف عن اي خطة تنموية للنهوض باي مجتمع

هنعمل دراسة احتياجات...تحديد الموارد...انعاش الموارد المتاحة....و وضع اهداف واضحة و توزيع المهام علي الوزارات المعنية و تقييم الاداء

و بعدين ااقدم بقي استقالتي و انا حاطة رجل علي رجل...(وش اي حد قاعد علي الكورسي و هيتزحلق منه)

بس خلاص

كان معكم

لماضة

رئيسة جمهورية نفسي حاليا....و مرشح رئيس جمهورية مصر باذن الله 2024...(محدش يستغرب...بدل ما بسال نفسي ليه...هسال نفسي ليه لا)

صباحكم...تخطيط

[لماضة مصرية جدا]

انا اول ما اتولى الرئاسة هستقيل على الفور ههههههه لان طبعا هذا المنصب حسابه عسير سواء بالدنيا او الاخرة والاخرة أشد ، لذا لا أحبذا ذاك المنصب على الاطلاق

السلام عليكم و رحمة الله و بركاته

استاذة "وجهة نظر شخصية"...اتفاق في الاستقالة مع ان احنا لسه مشمناش ريحة المنصب

سعيدة اني بلتقي مع حضرتك في نقطة اتفاق من حيث المبدأ

صباحك....تقاطع في وجهات النظر

[طارق مصرى]

فى مليون حاجة محتاج اعملها لكن بما انك ذكرتى موضوع الزيادة السكانية فمن اهم القضايا التى يجب ان اضعها على قائمة اولوياتى (الظاهر انى صدقت بجد انى ريس) التنمية البشرية , احنا درسنا فى مادة الاقتصاد ان الطاقة البشرية من الموارد الطبيعية و انها اهم مورد صدقونى اهم ما يميز مصر الطاقة البشرية و خصوصا ان اغلب السكان شباب محتاجين ناس بس عندها ضمير تمسك البلد .

[Om Zayd]

انا اول ما اتولى الرئاسة هستقيل على الفور ههههههه لان طبعا هذا المنصب حسابه عسير سواء بالدنيا او الاخرة والاخرة أشد ، لذا لا أحبذا ذاك المنصب على الاطلاق

ولكن لكى لا اكون هادم الملذات ، هاقول بطريقتى ان لو كنت رئيس مش هاعمل مثل الصباحى تلميذ عبد الناصر واعطى الاولوية للقومية العربية على حساب اهل مصر ، ايضا لن اكون عميل لاى دولة مهما كانت سيطرتها على العالم أجمع ، ان كنت رئيس دولتى هاكون خادم لشعبها وأعمل كل جهدى لاتقرب من الفاروق فى ولايته وبما ان هذا مستحيل ان اكون فاروقا هارجع تانى واقول لم اقبل هذا المنصب حتى ان قارنوه بكنوز الارض كلها فهو منصب ابليسى يودى الى جهنم لا محال لان عمر ما احد هيأتى مثل سيدنا عمر بن الخطاب ولا حتى يكون ربعه ليهرب من عقاب الاخرة، فهو بالنار بالنار اكيد

ليه بس كده؟

الامام العادل أجره عظيم جدا و ممن لا ترد دعوتهم

بس معاكي ان المسئولية كبيرة و لازم يبقى عارف انه مش مخلد فيها و يفتكر الحساب

و اللي يتولاه لازم يكون صادق مع نفسه هل يصلح ام لا

[MOOOM]

صباحكو جميعاً زي الفل .

بصو بقه .. أول حاجة هعملها لو كنت رئيس للجمهورية .. وطبعاً هيكون فيه رشاوي واختلاسات وعمولات .. ساعتها هتجوز أربعة علشان نعمل وحدة وطنية ، وتاني حاجة هجيب حبيب العادلي وأشغله عندي في المزرعة وأطلع عين أهله .

لا بجد .. لو أصبحت رئيس جمهورية .. أو حتى ما أتمناه أن يفعله أي رئيس جمهورية في مصر هو الآتي :

- هخلي دخل قناة السويس بالجنيه المصري بنسبة 50% .

- هخلي مصانع القوات المسلحة تصنع أسلحة وذخيرة بدل متصنع مراوح وغسالات .

- - همنع حاجة اسمها تأجيل من الجيش .. وهخلي المجندين يشتغلوا في الأراضي الزراعية والمصانع وقت تجنيدهم بدل ميودو عيال الباشا للمدارس او يروحو السوق بدل الهانم .

- هشجع الاستثمارات الخارجية بإقامة مصانع ضخمة في مناقط نائية وتكون الحكومة شريك بالأرض والمستثمر بالمنشآت ويعفى من الضرائب لخمس سنوات .

- هنفذ مشروح منخفض القطارة ، ونعمل مصر زراعية جديدة بها .

- هستغل الطاقة الشمسية في مصر ونولد منها كهرباء .

- هحلي مياة البحر علشان محدش يتحكم فينا .

- همنع بيع جميع الأراضي للأجانب .

- هشجع على زيادة الإنجاب ولكن بشرط لا يقل الفارق بين الأخوة عن سنتين .

- هوزع جميع الأراضي الصحراوية على الشعب لزراعتها وخلق مجتمعات جيدة بها .

- هسعى لتكوين اتحاد إفريقي ويكون عملته الموحدة بالجنية .

- هفرض عقوبات تصل للمؤبد للراشي والمرتشي ، والمخالف لقواعد المرور ، ومن يرمي أي مخلفات في الشوارع .

- هعمل مشروع ضخم حكومي لمعالجة المخلفات وإعادة تدويرها .

كفاية كدة ..

[وجهة نظر شخصية]

هههههه اختى الفاضلة لماضة مصرية جدا انا وفرت عليكم ان تخلعونى او تسمونى او تطلقوا علي الرصاص فجبتها من قصيرها ، وانا سعيدة اننا اتفقنا على ان استقيل ههههه ، اشكرك كثيرا على تواصلك معى واريد فقط ان اقول بجد ذاك المنصب فى غاية الصعوبة ليس فقط فى الحساب بالدنيا او الاخرة بل ايضا فى حسابك لنفسك لالالالالا ارفضه بالثلاثة اكيد لان ان بس تمنيتى دخولك الجنة فعليكى ان ترفضى هذا المنصب تلك وجهة نظرى ......... سعدت كثيرا بهذا التواصل

الاخت الفاضلة ام زايد أسعدنى كثيرا تواصلك معى ، ولكن الامام العادل هذا كيف تجديه وان باب الفتن انكسر اول وفاة الفاروق بمعنى بموت الفاروق الامام العادل انتهى زمن العدل بأعلى معدلاته .... وكمان ليس على المواطن العادى ان يحلم كثيرا بهذا المنصب لعدم الحلم بالكوابيس ، لمجرد فقط المواطن بدأ بالمشاركة السياسية وهو اصبح مسحول ههههههه ناقصة رئاسة خلينا كده احسن من باب المسالمة او سلمية سلمية على غرار الثورة ........ اشكرك جزيلا على هذا التواصل ، مع خالص تحياتى

[pink rose]

اول و اهم حاجه هاعملها

هالم كل من يطلق عليهم نشطاء سياسيين و حقوقين

و كل من يطلق عليهم نخبة

و اعمل مذبحة قلعة جديدة

مش مش زي بتاعت محمد علي

لا لا و العياذ بالله

لكن هالمهم و ارميهم في الصحراء يزرعوا و يعجنوا و يخبزوا

و اللي له في صنعة هاشغله فيها

و اللي مالوش في حاجه هاجيبله حد يعلمه

اظن دا هايبقى افيد للبلد من الكلام و اللت و العجن في التليفزيونات

و بكده هاكون نفعت البلد و كسبت فيهم ثواب اني وفرتلهم عمل شريف يكسبوا منه صنع اديهم و بعرق جيبينهم بحق و حقيقي

[لماضة مصرية جدا]

اول و اهم حاجه هاعملها

هالم كل من يطلق عليهم نشطاء سياسيين و حقوقين

و كل من يطلق عليهم نخبة

و اعمل مذبحة قلعة جديدة

مش مش زي بتاعت محمد علي

لا لا و العياذ بالله

لكن هالمهم و ارميهم في الصحراء يزرعوا و يعجنوا و يخبزوا

و اللي له في صنعة هاشغله فيها

و اللي مالوش في حاجه هاجيبله حد يعلمه

اظن دا هايبقى افيد للبلد من الكلام و اللت و العجن في التليفزيونات

و بكده هاكون نفعت البلد و كسبت فيهم ثواب اني وفرتلهم عمل شريف يكسبوا منه صنع اديهم و بعرق جيبينهم بحق و حقيقي

علي فكرة

انتي نفسك تعتبري ناشط حقوقي

ايون

ليه

لان ببساطة الناشط الحقوقي هو social agent in his society

الناشط الحقوقي هو "عامل تغيير" في مجتمعه

انتي لما بتتبني قضية او مبدأ و بتحاولي تغيري في مجتمعك تبقي ناشط حقوقي

سيبك من اللي بيطلعوا في التوك شو....الناشط الحقيقي بيشتغل في صمت

بس لانه في كثير من الاحيان بيبقي عايز دعم و تعبئة للمبدا بتاعه فبيضطر انه يفتح قنوات تواصل مع مجتمعه لو هو مكنشي صورة كويسة للاسف ممكن ده ينعكس علي المبدا اللي متبنيه و بيحشد الناس ليه

و بكده تبقي بينك روز هي اول ناشط حقوقي...(انتي تبنيتي اكتر من مبادرة يا بينكي و اهمهم اللي موجودة في توقيعك)....قوليلنا بقي.....معاد الطيارة امتي

صباحك....كلنا..ناشطين حقوقين...(لو اتعرفتي عليهم من قريب هتتعجني وسطيهم من غير ما تحسي...و هو ده المطلوب)

[pink rose]

اول و اهم حاجه هاعملها

هالم كل من يطلق عليهم نشطاء سياسيين و حقوقين

و كل من يطلق عليهم نخبة

و اعمل مذبحة قلعة جديدة

مش مش زي بتاعت محمد علي

لا لا و العياذ بالله

لكن هالمهم و ارميهم في الصحراء يزرعوا و يعجنوا و يخبزوا

و اللي له في صنعة هاشغله فيها

و اللي مالوش في حاجه هاجيبله حد يعلمه

اظن دا هايبقى افيد للبلد من الكلام و اللت و العجن في التليفزيونات

و بكده هاكون نفعت البلد و كسبت فيهم ثواب اني وفرتلهم عمل شريف يكسبوا منه صنع اديهم و بعرق جيبينهم بحق و حقيقي

علي فكرة

انتي نفسك تعتبري ناشط حقوقي

ايون

ليه

لان ببساطة الناشط الحقوقي هو social agent in his society

الناشط الحقوقي هو "عامل تغيير" في مجتمعه

انتي لما بتتبني قضية او مبدأ و بتحاولي تغيري في مجتمعك تبقي ناشط حقوقي

سيبك من اللي بيطلعوا في التوك شو....الناشط الحقيقي بيشتغل في صمت

بس لانه في كثير من الاحيان بيبقي عايز دعم و تعبئة للمبدا بتاعه فبيضطر انه يفتح قنوات تواصل مع مجتمعه لو هو مكنشي صورة كويسة للاسف ممكن ده ينعكس علي المبدا اللي متبنيه و بيحشد الناس ليه

و بكده تبقي بينك روز هي اول ناشط حقوقي...(انتي تبنيتي اكتر من مبادرة يا بينكي و اهمهم اللي موجودة في توقيعك)....قوليلنا بقي.....معاد الطيارة امتي

صباحك....كلنا..ناشطين حقوقين...(لو اتعرفتي عليهم من قريب هتتعجني وسطيهم من غير ما تحسي...و هو ده المطلوب)

كلامي عن اللي لا ليهم شغلة و لا مشغلة غيرالكلام و بس

انما اللي بيشتغل في صمت مش هيضره القرار دا نهائي

بالعكس هايفرحه

احسنلي بكتير اني اشتغل و غيري يبطل كلام و يشتغل بدل ما هو مبوظ سمعتي و مشوشر على اعمالي

الطيارة اول مااتولى الرئاسة فورا هايصدر القرار و هابلغك بالميعاد

جهزي نفسك من دلوقتي