يا حلوتنا يا بنتوتيتنا - كيف تستعدين لمقابلة العريس ؟؟

[اغابي]

كيف تستعدين لمقابلة العريس

المعتاد في سائر البلاد العربية والاسلامية، بل والشرق عموما، ان يقوم ذوو الشاب بالخطبة، النساء غالبا والرجال احيانا. فبعد الاستفسار والتحري والاستقرار على امرأة معينة، تقوم والدة الشاب واخواته، عماته وخالاته ونساء الجيران والاصدقاءولكن ما هي الأصول والآداب التي تحكم هذا اللقاء الأول الذي سنعتبره

بمثابة "موعد مع المجهول".

اولا : كوني صريحة ومتفتحة العقل والذهن. لقد فكرت بك أحدى صديقات أو جارات والدتك ورشحتك لتكوني الزوجة المناسبة لهذا الشخص، فلا تردي على لفتتها اللطيفة بتصرف يمكن أن يسيء لك أو لعائلتك. حاولي قصار جهدك أن تجدي شيئا ما بينك وبين العريس المتوقع. ولكن تذكري بأن الصراحة لا تعني التمادي أو محاولة التقليل من شأن الآخرين. إذا لم تكوني مهتمة حاولي أن لا تظهري اهتمامك المزيف، بل يكفي التصرف بأساسيات المجاملة الاجتماعية. وهي الابتسامة الصادقة، الإجابة المختصرة أو طرح أسئلة عامة. مثلا لا داع لأن تسأليه إذا كان خاطبا من قبل، أو كم راتبه

ثانيا : تحدثي عن السياسة، والدين، وأي موضوع جدلي بدون إسهاب قدر الإمكان. فاللقاء الأول يجب أن لا يتحول لمناقشة حامية الوطيس لمجرد أنكما تختلفا في وجهات النظر. لقد شهدت لقاء مؤخرا من العيار الثقيل بين مساندا للسياسة الأمريكية في المنطقة ومعارضة لها، كادت أن تصل بهما إلى حدا الاتهام بالجاسوسية، لذا خذي نصيحتنا ابتعدي عن هذه المواضيع الجدلية الشائكة. إذا شعرت بأنكما تختلفان في وجهات النظر، الأفضل أن تهملي الموضوع، وتغيري مسار الحديث لموضوع أخر أو تعتذري بالخروج قليلا حتى تهدأ الأجواء.

ثالثا : تكلمى عن الهوايات، الكتب. واسمحي له بأن يعرف المزيد عنك،

هذه فرصتك لسبر غوار شخصيته. وبالمناسبة لا تتحدثا كثيرا عن الشخص الذي رتبا لكما اللقاء، فقد يضيع الوقت سدى بهذه الطريقة.

رابعا : غالبا ما يتم اللقاء الأول في منزل عائلتك ولكن إذا صدف وكان في مكان أخر مثل مطعم أو بيت أحد الأصدقاء أو خلال مناسبة ما.

فحاولي أن تقللي من نظراتك الهائمة حول الأشخاص المحيطين بكما. كذلك لا تكوني اجتماعية أكثر من اللازم مع المعارف والأصدقاء الذين قد تصادفينهم، ولا ننسى الضحك بصوت مرتفع في الأماكن العامة فهذا مرفوض قطعا، مهما كانت ضحكتك ظريفة، احتفظي بها لنفسك على الأقل حتى تعجبا بعضكما البعض.

خامسا : لأن هذه اللقاء يعتبر عائليا بالدرجة الأولى يفضل أن ترتدي ثيابا تليق بالمناسبة. فلا تنانير قصيرة جدا، ولا بلوزات مفتوحة من الصدر، ولا فساتين شبه شفافة وبالتأكيد لا لبنطلون الجينز. أفهم بأنك إنسانة حرة التصرف، وعصرية ولكنك أيضا بلا شك تتمتعين بالذوق، واللياقة والأناقة واللباقة.

سادسا : وأخيرا، إذا لم تتوصلا إلى الإعجاب المتبادل، فلا داع للتحدث بسوء عن الرجل وعائلته. فالشخص الذي قام بترتيب هذا اللقاء بلا شك يهمه أمر الطرفان. ولعل العديد من الأشخاص لا يعرفون بأن هذا يعتبر أسوء التصرفات الاجتماعية على اٌلإطلاق والتي تندرج بقوة تحت باب النميمة الدميمة، وبالتالي تجنبي خلط الزيت بالماء. تكفي كلمة للأسف لم يحدث إعجاب.

ملاحظـــــــــــة:

حتى إذا كنت تؤمنين بالحبّ من أول نظرة

فالحب قد لا يأتي بضغطة زر. لا تستسلمي إذا أخفقت في الوقوع في غرامه من أول لقاء

فغالبا ما تكون أجواء اللقاء الأول شديدة التوتر. إذا طلب موعدا ثانيا اقل كثافة في الحضور لا تمانعي فقد تظهر لك بعض المزايا المحببة.

والف مبروك مقدما

[Om Zayd]

ثانيا : تحدثي عن السياسة، والدين، وأي موضوع جدلي بدون إسهاب قدر الإمكان. فاللقاء الأول يجب أن لا يتحول لمناقشة حامية الوطيس لمجرد أنكما تختلفا في وجهات النظر. لقد شهدت لقاء مؤخرا من العيار الثقيل بين مساندا للسياسة الأمريكية في المنطقة ومعارضة لها، كادت أن تصل بهما إلى حدا الاتهام بالجاسوسية، لذا خذي نصيحتنا ابتعدي عن هذه المواضيع الجدلية الشائكة. إذا شعرت بأنكما تختلفان في وجهات النظر، الأفضل أن تهملي الموضوع، وتغيري مسار الحديث لموضوع أخر أو تعتذري بالخروج قليلا حتى تهدأ الأجواء.

ثالثا : تكلمى عن الهوايات، الكتب. واسمحي له بأن يعرف المزيد عنك،

هذه فرصتك لسبر غوار شخصيته. وبالمناسبة لا تتحدثا كثيرا عن الشخص الذي رتبا لكما اللقاء، فقد يضيع الوقت سدى بهذه الطريقة.

بالذات النقطتين دول

مرة اتقدم لي مدرس جامعي .. اتضح و احنا بنتكلم انه عضو فاعل في الحزب الوطني .. لجنة السياسات

مش عايزة اقولكم انا و الواسطة في الموضوع استلمناه ازاي

حاول يلطف الموضوع .. و انهم عملوله الكارنيه من غير ما يعرف

المهم .. صاحبتي .. اللي هيا زميلته أصلا .. الموضوع ده تسبب في

اختلافهم

:closedeyes:

موضوع حلو يا أغابي

[باهى الطائر الحزين]

ولما لقتها وحيده

انتهزت الفرصه

كى اقول سعيده

[الســـاري]

ثانيا : تحدثي عن السياسة، والدين، وأي موضوع جدلي بدون إسهاب قدر الإمكان. فاللقاء الأول يجب أن لا يتحول لمناقشة حامية الوطيس لمجرد أنكما تختلفا في وجهات النظر. لقد شهدت لقاء مؤخرا من العيار الثقيل بين مساندا للسياسة الأمريكية في المنطقة ومعارضة لها، كادت أن تصل بهما إلى حدا الاتهام بالجاسوسية، لذا خذي نصيحتنا ابتعدي عن هذه المواضيع الجدلية الشائكة. إذا شعرت بأنكما تختلفان في وجهات النظر، الأفضل أن تهملي الموضوع، وتغيري مسار الحديث لموضوع أخر أو تعتذري بالخروج قليلا حتى تهدأ الأجواء.

والف مبروك مقدما

هيا ح تكلمني في اول لقاء عن السياسة والدين .. او اي موضوع جدلي ؟؟

طيب ما نفتح قناة الجزيرة احسن او برنامج الشريعة والحياة

سياسة ايه دي اللي حاناقشها بوقت زي ده ؟ اقول لها شفتي بن علي زي ما دخل بالمعروف خرج بالمعروف ؟ ولا اقول لها تعرفي ايه عن حلف الناتو ؟

[اغابي]

بالذات النقطتين دول

مرة اتقدم لي مدرس جامعي .. اتضح و احنا بنتكلم انه عضو فاعل في الحزب الوطني .. لجنة السياسات

مش عايزة اقولكم انا و الواسطة في الموضوع استلمناه ازاي

حاول يلطف الموضوع .. و انهم عملوله الكارنيه من غير ما يعرف

المهم .. صاحبتي .. اللي هيا زميلته أصلا .. الموضوع ده تسبب في

اختلافهم

:closedeyes:

موضوع حلو يا أغابي

شكرا يا ام زياد لزوقك وشكرا - لوجودك معانا فى الموضوع

وانا عارفة ان نقطة موضوعات السياسة والدين او نقدر نقول ان باب الموضوعات الجادة اللى فى المحاورات ممكن تطفش اى عريس

بس برضوه لازم يكون الكلام بالراحة - مع اني انا اكتر واحدة لما اتكلم فى موضوعات جادة سواء مع جيرانى او صحباتى او اى حد - الاقى عيونى برقت وودانى حمرت وصوتى اتغير بقى جوست - شبح

مرعب - وكلها دقيقة واكل دراع اللى بيتكلم معايا

حاولى بقى تنصحى ابنك زياد انه يطول باله مع العروسة اللى هيتقدملها انشالله سنة 2028

[moory]

صباااح الخييير..

بعد إذنك يا أغابي احنا ممكن نحط اسم تاني للموضوع، جوااز الصالوناات...

وبالرغم ان في نااس كتيير كانت بتعترض علييه، إلا انه اثبت نجاحه و استمراره في أغلب الزيجاات الحديثة..

وربنا يتمم على خيير..

[رضوي]

أغابي

حمد لله علي سلامتك ياقمر

نورتي المحاورات من تاني ............ ومواضيعك الجميلة بدأت تشتعل ......... عودي بقوة

صباح الخيرات

[اغابي]

ولما لقتها وحيده

انتهزت الفرصه

كى اقول سعيده

شكرا لحضرتك استاذى

وسعيدة مبارك

لكن برضوه ما سمعناش رايك - لما تتقدم تخطب واحدة - انت او ابنك -

تحب انها تتكلم معاك فى السياسة والدين والشعر والادب والقراءات

؟؟

[اغابي]

هيا ح تكلمني في اول لقاء عن السياسة والدين .. او اي موضوع جدلي ؟؟

طيب ما نفتح قناة الجزيرة احسن او برنامج الشريعة والحياة

سياسة ايه دي اللي حاناقشها بوقت زي ده ؟ اقول لها شفتي بن علي زي ما دخل بالمعروف خرج بالمعروف ؟ ولا اقول لها تعرفي ايه عن حلف الناتو ؟

شكرا لمرورك يا ساري بيفرحنى علطول

لعلمك بقى انا كنت متاكدة انكم كلكم هتتكلمو وتتجادلوا فى النقطة دى - على فكرة النقطة دى مهمة جدا

اولا بتعرفك مدى مستوى ثقافة المراه اللى هترتبط بيها - مش يهمك انها تكون مثقفة ولا ايه

ليه النقطة دى بتعتبروها جدليه ما هو اكيد هتتكلمو فى الوضع السياسي للبلد

او هتتكلمو فى امور الدين او الكتب ونوعية القراءات المختلفة هو انت فاكر انكم هتتكلموا

فى موديلات اللبس وتسريحات الشعر واخر البومات الفنانيين

؟؟

تم تعديل 22 يناير 2011 بواسطة اغابي

[اغابي]

صباااح الخييير..

بعد إذنك يا أغابي احنا ممكن نحط اسم تاني للموضوع، جوااز الصالوناات...

وبالرغم ان في نااس كتيير كانت بتعترض علييه، إلا انه اثبت نجاحه و استمراره في أغلب الزيجاات الحديثة..

وربنا يتمم على خيير..

تحت امرك يا مورى

انا بس اخترت عنوان التوبيك لانه عنوان المقالة اولا وكمان علشان يكون خفيف يلفت انتباه البنتوتات اللى على المحاورات

واحنا لازمن ولابودن ندلعهم شوية يعنى

من ناحية المضمون اكيد وصل طبعا ان زواج الصالونات مستمر وناجح

انا مش معقدة نهائى ولا دقة قديمة لكن بصراحة باعتبره انه كويس فى جوانب كتير وطبعا له سلبيات ولو هنتكلم عن

مقارنة زواج الصالونات بغيره يبقى نفتح توبيك جديد لان الموضوه هيطول شرحه

هو عيبه الوحيد ان بيبقى نوعا ما بيظهر الطرفان فى القعدة - كل طرف قاعد كدا اهو سوسة وسوهن ومش مبين

اللى جواه على حقيقته داه عيبه الوحيد غير لما يكون فى تعارف قبل الخطوبة بيبقى كل طرف مستريح وفاهم التانى

يعنى هنا فى عيوب ومميزات وهنا فى عيوب ومميزات

شكرا لمرورك واقتراحك يا مورى

[اغابي]

صباااح الخييير..

بعد إذنك يا أغابي احنا ممكن نحط اسم تاني للموضوع، جوااز الصالوناات...

وبالرغم ان في نااس كتيير كانت بتعترض علييه، إلا انه اثبت نجاحه و استمراره في أغلب الزيجاات الحديثة..

وربنا يتمم على خيير..

تحت امرك يا مورى

انا بس اخترت عنوان التوبيك لانه عنوان المقالة اولا وكمان علشان يكون خفيف يلفت انتباه البنتوتات اللى على المحاورات

واحنا لازمن ولابودن ندلعهم شوية يعنى

من ناحية المضمون اكيد وصل طبعا ان زواج الصالونات مستمر وناجح

انا مش معقدة نهائى ولا دقة قديمة لكن بصراحة باعتبره انه كويس فى جوانب كتير وطبعا له سلبيات ولو هنتكلم عن

مقارنة زواج الصالونات بغيره يبقى نفتح توبيك جديد لان الموضوه هيطول شرحه

هو عيبه الوحيد ان بيبقى نوعا ما بيظهر الطرفان فى القعدة - كل طرف قاعد كدا اهو سوسة وسوهن ومش مبين

اللى جواه على حقيقته داه عيبه الوحيد غير لما يكون فى تعارف قبل الخطوبة بيبقى كل طرف مستريح وفاهم التانى

يعنى هنا فى عيوب ومميزات وهنا فى عيوب ومميزات

شكرا لمرورك واقتراحك يا مورى

[Dreamwithme]

صباح الخير يا أغابي الجميلة

هأقولك يا أغابي موضوع توحفة بس أنا لوسيبت نفسي واتفتحت في الكلام هتطرديني من التوبيك وتقولي لي افصلي دي التلاجة بتفصل

أنا بس عايز أضيف شوية نصائح مهمة جدا

كوني علي طبيعتك يعني لو أنتي شخصية هادئة خليكي زي ما أنت وماتضغطيش علي نفسك عشان تتكلمي كتير ...

الكلام هيجيب بعضه لكن لوضغطي علي نفسك بتباني متوترة وأوفر

ولو البنت شعنونة ورتمها عالي وبتتكلم كتير يبقي جميل أن ده يبان من الأول للطرف الآخر عشان يبقي الانطباع عن شخصيتك صادق

وطبعا الكلام ده للطرفين ......أنا عن نفسي بأتضايق جدا لما أقعد مع حد وأوافق أني أقعد تاني بناء علي انطباعي الأول واكتشف أن أول مرة كان راسم نفسه

وألاقي شخصية تانية في تاني مرة

نصيحة تانية مهمة جدا استخدمي ذكائك يابنتي في استشفاف مدي اهتمام الرجل اللي قدامك بك بيبان من أول نظرة

عشان لو هو مش مهتم ما تعديش أنتي بقي تتكلمي و توري علي الفاضي وتظهري اهتمامك وتحرجي في الآخر

ولو معندكيش ذكاء زي حالاتي لامانع خالص من الاستعانة بصديق من الجمهور أنه يوضح لك أنه يديكي ضوء أخضر بأنك حذتي القبول المبدئ من حيث الشكل

فبالتالي اتكلمي واظهري شخصيتك..... ولو الشخص اللي قدامك أنتي مش عجباه يبقي كفاية كلام عام غير شخصي ومتسأليش أسئلة شخصية أو تنم عن اهتمام

واعتبريها قاعدة اجتماعية لطيفة ليس لها علاقة بموضوع الزواج اطلاقا......وأدي الواحد بيقضي وقت لطيف

اسمحيلي يا أغابي يا أختي أحكي قصة من تجاربي الواقعية علي نقطة الكلام علي الاهتمامات و الأراء في السياسة والدين

واسمع ياساري عشان تعرف أنها نقطة مهمة أنك تعرف دماغ اللي قدامك بتفكر علي نفس موجتك ولا كل واحد في دنيا شكل تاني

مرة واحدة معرفة جابتلي عريس صاحب أخوها ضابط في الجيش وبيخدم في مكان بعيد عن القاهرة وقالتلي بالحرف الواحد أنا فكرت فيكي عشان أنتي بتشتغلي

وبالتالي مش هتزهقي من القاعدة لوحدك طول الشهر وهو في الخدمة...

المهم ماطولش عليكم جاء العريس المنتظر وبعد الترحيب والسلامات والتحيات حضرة الضابط فتح المحضر بأول سؤال أيه رأيك في النقاب؟ (أنا محجبة)

طبعا أنا بيني وبين نفسي قلت أكيد هذا السؤال اختبار لأني أعلم أن ضباط الجيش بيمنعوا زوجاتهم من النقاب وأن ده بيسبب مشاكل كتير في عملهم

فقلت لنفسي ولا يهمك يا بنت :happy: أكيد هتنجحي في السؤال ده فرديت برأيي وهو أن النقاب مش فرض وأن في اختلاف في الأراء وأني مقتنعة برأي أنه ليس فرض

بس يا جماعة وعينكم ماتشوف إلا النور لاقيت طوب بيتحدف عليا :blink: ولا كأني أبو جهل و القاعدة كلها تحولت إلي اقناعي بالنقاب وأني أسيب شغلي ودراستي وأقعد في البيت

ممنوع عليا أخرج من البيت بدونه أو إلي المقبرة طبعا......طبعا أنا ازبهليت :blink: ونزل عليا الموضوع بضحك ومش قادرة أضحك طبعا بس كان موقف كوميدي جدا جدا

وكل ما أحاول أغير الموضوع عشان القاعدة تعدي لغاية مايقرر يمشي بدون خسائر في الأرواح ألاقيه لف لف ورجعنا لنفس الموضوع bsh:)

وأنا الحمد لله حافظة القرآن الكريم ففي النص كده كان بيمتحني في حفظي ويسألني أسئلة في القرآن!!! :wub: دي سورة أيه؟ كملي الآية؟ أه والله

كانت قاعدة تحفة وأراء متشددة جدا وتقريبا من جماعة التكفير والهجرة لدرجة أن أخويا قاللي أنا عايز أبلغ عنه :P بعد ماخرج من عندنا

أيييييييييييه طولت عليكم بس ميموريزي يا أغابي يا أختي

[اغابي]

أغابي

حمد لله علي سلامتك ياقمر

نورتي المحاورات من تاني ............ ومواضيعك الجميلة بدأت تشتعل ......... عودي بقوة

صباح الخيرات

الله يسلمك يا رضوى

منورة المحاورات بيكم - ربنا يخليكي ليا - انتى اجمل وشكرا لمرورك

[لماضة مصرية جدا]

السلام عليكم و رحمة الله و بركاته

هما كلمتين...و رد غطاهم....(و لا بلاش الغطا هاتوه...الدنيا برررررررررد)

اضم صوتي لصوت دريمي....و ادوني ودن حد عشان نزعق فيها و نقول

كونوا علي طبيعتكم.....

بس اضيف كمان حاجة...كونوا علي طبيعتكم ...... كلامي للكل

يعني ام العروسة

و ام العريس

و انا

و انت

و رقصنا يا جدع

ع فكرة بقي يجيلي انطباع ان اللي بيبوظ القعدة مع احترامي و حبي العميق....هما الجماهير اللي قاعدة تشجع في المدرجات

يا جدعان.....سيبوه يقعد معاها.....10 دقايق...من غير ما ترموا ودن.....(ما احنا هنتقندل نحكي و ندردب بعد كده)...و من غير ما تتدخلوا في الحوار....اصلا

يا طلعنا بزغروطة....

يا الاتنين خلصوا علي بعض...(وش سوكيننة و هي بتكلم عبد العال)

اخر حد ....القعدة لطيفة جدا

الشاب متحدث لبق

الشابة...قاعدة.....مستمخية في شرب الكابتشينو....(ده ع اعتبار انها محرومة منه....و اول مرة تنفرد بالطقم الموفتخر...اللي اخيرا طلع من النيش.....اه يااااااني خليكوا طبيعين يا عالم)

و اذ فجأتن

آن آآآآآن تش

اترزع سؤال

"انتي بتعرفي تطبخي"

طبعا في اللحظة التاريخية...دي البنوتة حست نفسها انها مثلا ع قناة الحياة مع الشيف شربيني...او الشيف يسري

و انطلاقا من مبدا....مشربشي الشاي اشرب ازوزة....و ان البنوتة لازم تقول الحق

راحت جاوبت بمنتهي العفوية

لا....

و هنا

جماهير المدرجات...كلها غلفها الصمت الرهيب.....و كأن الحارس جاب جون في نفسه مثلا

ونسمع صوت ملائكي جميل بيحاول يلم الليلة

"هو فيه زي.......دي بتطبخ حاجات خطيرة"

طبعا البنوتة في سرها...(ايون فعلا من ناحية خطيرة فهي خطيرة علي الصحة و ع الامن العام و علي حماية المستهلك)

طبعا البنوتة...اذبهلت اكتر ما هي مذبهلية اصلا.....والجدع استكمل معركة الحلل.....و اعقبها بغطا حلة جو ارض و سال

طب بتعرفي تطبخي ايه

و تطور الحوار و انتقل من المحشي....الي المكرونة البشاميل....الي ازاي نعيش خفاف احسن....و ان الانسان مش بيعيش عشان ياكل و كده يعني

ع فكرة....الشاب كان معجب بالبنوتة.....جدا حتي لما كان ردها ...زي ما قال بعد كده..."رزع غطا حلة في الوش".....بس حس انها عفوية و استريح معاها الحمد لله

من موقعي هذا بقي...امام البوتوجاز...

يا جدعان كونوا بطبيعتكم.....

لا تجهزوا حوار....

و لا تخترعوا حوار.....لو الكلام اتدلدق بشكل طبيعي...كان بها...

لو مجاشي.....نووووبرولم

اهو الجدع شرب حاجة سائعة بدل ما يشربها من علي كشك عم منصور اللي ع الناصية

و البنوتة برضه عبرت عن نفسها و اهو برضه اتعرفت علي طقم الفناجين اللي كانت مركونة في النيش

و ربنا يتمم بخير و الف..ألف مبروك....(وش انعام سالوسة في فيلم عايز حقي...و هي قاعدة ع الكنبة مش فاهمة حاجة)

[اغابي]

صباح الخير يا أغابي الجميلة

هأقولك يا أغابي موضوع توحفة بس أنا لوسيبت نفسي واتفتحت في الكلام هتطرديني من التوبيك وتقولي لي افصلي دي التلاجة بتفصل

أنا بس عايز أضيف شوية نصائح مهمة جدا

كوني علي طبيعتك يعني لو أنتي شخصية هادئة خليكي زي ما أنت وماتضغطيش علي نفسك عشان تتكلمي كتير ...

الكلام هيجيب بعضه لكن لوضغطي علي نفسك بتباني متوترة وأوفر

ولو البنت شعنونة ورتمها عالي وبتتكلم كتير يبقي جميل أن ده يبان من الأول للطرف الآخر عشان يبقي الانطباع عن شخصيتك صادق

وطبعا الكلام ده للطرفين ......أنا عن نفسي بأتضايق جدا لما أقعد مع حد وأوافق أني أقعد تاني بناء علي انطباعي الأول واكتشف أن أول مرة كان راسم نفسه

وألاقي شخصية تانية في تاني مرة

نصيحة تانية مهمة جدا استخدمي ذكائك يابنتي في استشفاف مدي اهتمام الرجل اللي قدامك بك بيبان من أول نظرة

عشان لو هو مش مهتم ما تعديش أنتي بقي تتكلمي و توري علي الفاضي وتظهري اهتمامك وتحرجي في الآخر

ولو معندكيش ذكاء زي حالاتي لامانع خالص من الاستعانة بصديق من الجمهور أنه يوضح لك أنه يديكي ضوء أخضر بأنك حذتي القبول المبدئ من حيث الشكل

فبالتالي اتكلمي واظهري شخصيتك..... ولو الشخص اللي قدامك أنتي مش عجباه يبقي كفاية كلام عام غير شخصي ومتسأليش أسئلة شخصية أو تنم عن اهتمام

واعتبريها قاعدة اجتماعية لطيفة ليس لها علاقة بموضوع الزواج اطلاقا......وأدي الواحد بيقضي وقت لطيف

اسمحيلي يا أغابي يا أختي أحكي قصة من تجاربي الواقعية علي نقطة الكلام علي الاهتمامات و الأراء في السياسة والدين

واسمع ياساري عشان تعرف أنها نقطة مهمة أنك تعرف دماغ اللي قدامك بتفكر علي نفس موجتك ولا كل واحد في دنيا شكل تاني

مرة واحدة معرفة جابتلي عريس صاحب أخوها ضابط في الجيش وبيخدم في مكان بعيد عن القاهرة وقالتلي بالحرف الواحد أنا فكرت فيكي عشان أنتي بتشتغلي

وبالتالي مش هتزهقي من القاعدة لوحدك طول الشهر وهو في الخدمة...

المهم ماطولش عليكم جاء العريس المنتظر وبعد الترحيب والسلامات والتحيات حضرة الضابط فتح المحضر بأول سؤال أيه رأيك في النقاب؟ (أنا محجبة)

طبعا أنا بيني وبين نفسي قلت أكيد هذا السؤال اختبار لأني أعلم أن ضباط الجيش بيمنعوا زوجاتهم من النقاب وأن ده بيسبب مشاكل كتير في عملهم

فقلت لنفسي ولا يهمك يا بنت :happy: أكيد هتنجحي في السؤال ده فرديت برأيي وهو أن النقاب مش فرض وأن في اختلاف في الأراء وأني مقتنعة برأي أنه ليس فرض

بس يا جماعة وعينكم ماتشوف إلا النور لاقيت طوب بيتحدف عليا :blink: ولا كأني أبو جهل و القاعدة كلها تحولت إلي اقناعي بالنقاب وأني أسيب شغلي ودراستي وأقعد في البيت

ممنوع عليا أخرج من البيت بدونه أو إلي المقبرة طبعا......طبعا أنا ازبهليت :blink: ونزل عليا الموضوع بضحك ومش قادرة أضحك طبعا بس كان موقف كوميدي جدا جدا

وكل ما أحاول أغير الموضوع عشان القاعدة تعدي لغاية مايقرر يمشي بدون خسائر في الأرواح ألاقيه لف لف ورجعنا لنفس الموضوع bsh:)

وأنا الحمد لله حافظة القرآن الكريم ففي النص كده كان بيمتحني في حفظي ويسألني أسئلة في القرآن!!! :wub: دي سورة أيه؟ كملي الآية؟ أه والله

كانت قاعدة تحفة وأراء متشددة جدا وتقريبا من جماعة التكفير والهجرة لدرجة أن أخويا قاللي أنا عايز أبلغ عنه :P بعد ماخرج من عندنا

أيييييييييييه طولت عليكم بس ميموريزي يا أغابي يا أختي

دريم - مشاركتك رائعة ووفعالة ومفيدة جدا وياريت تقولى كمان وكمان

وبلاش كلمة طولت عليكم لان كل كلمة بتكتبيها صدقيني اكثر من رائعة

حقيقى لازم الواحد يبقى على طبيعته سواء هى او هو - خليك على طبيعتك و اشرب بيرل -

قصدى ان اول لقاء بيبقى هو متوتر وزيها تمام وبيحاول انه يرسم دور مخطط له قبلها بفترة

وكويس انك تعرفى تطلعى ولو جزء حقيقي من اللي جواه مستخبى

انت محظوظة يا دريم انك اكتشفتى شيء من اللى جواه لان فى كتير ما بيظهرش على حقيقته

حتى ولو فى فترة الخطوبة

للاسف وداه اهم واخطر عيب فى زواج الصالونات اللى بيبقى مرسوم ومخطط لها بالورقة والقلم

زى كدا مسالة حسابية هنتكلم نقول ايه ومش هانقول ايه

شكرا لمشاركتك الرائعة

[اغابي]

السلام عليكم و رحمة الله و بركاته

هما كلمتين...و رد غطاهم....(و لا بلاش الغطا هاتوه...الدنيا برررررررررد)

اضم صوتي لصوت دريمي....و ادوني ودن حد عشان نزعق فيها و نقول

كونوا علي طبيعتكم.....

بس اضيف كمان حاجة...كونوا علي طبيعتكم ...... كلامي للكل

يعني ام العروسة

و ام العريس

و انا

و انت

و رقصنا يا جدع

ع فكرة بقي يجيلي انطباع ان اللي بيبوظ القعدة مع احترامي و حبي العميق....هما الجماهير اللي قاعدة تشجع في المدرجات

يا جدعان.....سيبوه يقعد معاها.....10 دقايق...من غير ما ترموا ودن.....(ما احنا هنتقندل نحكي و ندردب بعد كده)...و من غير ما تتدخلوا في الحوار....اصلا

يا طلعنا بزغروطة....

يا الاتنين خلصوا علي بعض...(وش سوكيننة و هي بتكلم عبد العال)

اخر حد ....القعدة لطيفة جدا

الشاب متحدث لبق

الشابة...قاعدة.....مستمخية في شرب الكابتشينو....(ده ع اعتبار انها محرومة منه....و اول مرة تنفرد بالطقم الموفتخر...اللي اخيرا طلع من النيش.....اه يااااااني خليكوا طبيعين يا عالم)

و اذ فجأتن

آن آآآآآن تش

اترزع سؤال

"انتي بتعرفي تطبخي"

طبعا في اللحظة التاريخية...دي البنوتة حست نفسها انها مثلا ع قناة الحياة مع الشيف شربيني...او الشيف يسري

و انطلاقا من مبدا....مشربشي الشاي اشرب ازوزة....و ان البنوتة لازم تقول الحق

راحت جاوبت بمنتهي العفوية

لا....

و هنا

جماهير المدرجات...كلها غلفها الصمت الرهيب.....و كأن الحارس جاب جون في نفسه مثلا

ونسمع صوت ملائكي جميل بيحاول يلم الليلة

"هو فيه زي.......دي بتطبخ حاجات خطيرة"

طبعا البنوتة في سرها...(ايون فعلا من ناحية خطيرة فهي خطيرة علي الصحة و ع الامن العام و علي حماية المستهلك)

طبعا البنوتة...اذبهلت اكتر ما هي مذبهلية اصلا.....والجدع استكمل معركة الحلل.....و اعقبها بغطا حلة جو ارض و سال

طب بتعرفي تطبخي ايه

و تطور الحوار و انتقل من المحشي....الي المكرونة البشاميل....الي ازاي نعيش خفاف احسن....و ان الانسان مش بيعيش عشان ياكل و كده يعني

ع فكرة....الشاب كان معجب بالبنوتة.....جدا حتي لما كان ردها ...زي ما قال بعد كده..."رزع غطا حلة في الوش".....بس حس انها عفوية و استريح معاها الحمد لله

من موقعي هذا بقي...امام البوتوجاز...

يا جدعان كونوا بطبيعتكم.....

لا تجهزوا حوار....

و لا تخترعوا حوار.....لو الكلام اتدلدق بشكل طبيعي...كان بها...

لو مجاشي.....نووووبرولم

اهو الجدع شرب حاجة سائعة بدل ما يشربها من علي كشك عم منصور اللي ع الناصية

و البنوتة برضه عبرت عن نفسها و اهو برضه اتعرفت علي طقم الفناجين اللي كانت مركونة في النيش

و ربنا يتمم بخير و الف..ألف مبروك....(وش انعام سالوسة في فيلم عايز حقي...و هي قاعدة ع الكنبة مش فاهمة حاجة)

انا مستنياااااااااااااااااااااااا لماضة من اول ما فتحت التوبيك

اخيرا جيتي وايه فى المشاركة رقم 13 مش حرام عليكي انا منتظرة اشوف ردك واسمع صوتك يا لموضة يا حبيتى

شوفى بقى

بس انا ليا تعليق هو مش دفاع عن المقال

لكن من رايي هو فعلا مطلوب ان كل طرف يكون على طبيعته زى ما قولت لدريم

لكن اكيد فى ترتيبات ودى هى هدف المقال ان هناك نقاط لازم تتحط فى البدايه قبل ما يشرف العريس واهله

بس عجبنى الطقم المفتخر - اللى بيطلع من النيش للعريس

:)

ممكن سؤال

هما دلوقتى بيقدموا للعريس كابتشينوووو؟؟ زمان كانو بيقدمو شرباااااااااات

كان بس سؤال برئ

شكرا يا لماضة لمشاركتك المهمة جدا

بس ما قولتليش ايه رايك فى بند السياسة والكلام فى السياسة

تم تعديل 22 يناير 2011 بواسطة اغابي

[Om Zayd]

لو سيبنا نفسنا نحكي هيقلب ل"عايزة أتجوز" .. ده الواحد عنده حكاوي ....هيييييه دنيا

بالنسبة للكلام في السياسة .. عادة بتبقى فتح كلام .. بتبين اهتمامات الطرفين .. بس بالرااااااااااحة

هوا صحيح بتبقى صعبة أحيانا .. زي صاحبنا بتاع لجنة السياسات

بس تخيلوا لو ما كنتش اكتشفت الموضوع ده من بدري.. صحيح ممكن الواحد يطنش و اهي قعدة و تعدي .. بس فيه ناس بتبقى آراءها ما تتعداش و أحيانا بتبقى فرصة الواحد يعبر عن رأيه

و عريس يفوت و لا حد يموت

[اغابي]

لو سيبنا نفسنا نحكي هيقلب ل"عايزة أتجوز" .. ده الواحد عنده حكاوي ....هيييييه دنيا

بالنسبة للكلام في السياسة .. عادة بتبقى فتح كلام .. بتبين اهتمامات الطرفين .. بس بالرااااااااااحة

هوا صحيح بتبقى صعبة أحيانا .. زي صاحبنا بتاع لجنة السياسات

بس تخيلوا لو ما كنتش اكتشفت الموضوع ده من بدري.. صحيح ممكن الواحد يطنش و اهي قعدة و تعدي .. بس فيه ناس بتبقى آراءها ما تتعداش و أحيانا بتبقى فرصة الواحد يعبر عن رأيه

و عريس يفوت و لا حد يموت

شكرا يا ام زياد

لا وايه اضيف على كلامك حاجة تانية - لو هو طنش فى القعدة كلامها عن السياسة وما جدلش اوى او اتعمق فى الامور

يبقى عريس لقطة - اسمعو كلامى بجد عارفة ليه بقى لانه بعدين هيبقى مسير كل الامور بالراحة وهياخدها على اد عقالها

لكن لو فضل يعيد ويزيد فى الكلام ومصمم على رايه يبقى خلو بالكم منه يا بنتوتات

تحسونى ارشانة اوى

:P

ما علينا انا بنصح بس لله فى لله طب تصدقوا بقى ان الكلام فى السياسة مفيد جدا

واهم نقطة تتكلموا فيها - لان لو ماكيش فى السياسة اعرفى انه بعد الزواج

وبعد ما يشرف اول مولود هيكون مصيرك انك قعدة فى البيت وهتسيبي شغلك

ومش هتقولى لاء ما هو انت من الاول مالكيش فى السياسة يبقى هتشتغلى ليه خليكي فى البيت

فى علاقة بين الست السلبية والكلام فى السياسة

صح ولا تهيئوات

؟؟

[م تيمور المراغي]

الراجل عموما بيفضل البساطه والتلقائيه وعدم التكلف ,,

ويؤسفني ان اقول انه كلما زاد الاهتمام المبالغ بالعريس كلما زاد ذلك من عدم الارتياح بداخله ,,

فبقول للبنوته ,, كوني انت نفسك بلا اي اقنعة او مساحيق تجميل ,,

[باهى الطائر الحزين]

http://www.youtube.com/watch?v=oNBJRdLA7dg