يا تانت ..انا بحب بنتك

[قلب ابيض]

.......... ولانى معروفه بين الاصدقاء والمعارف بسعه الصدر وحسن الاستماع والتدبير احيانا ..لاقيتها بتقولى

الحقينى يا منقذتى ..البت بنتى اللى لسه فى المدرسه بتحب :blink:

ضحكت وقلت لها مبروك :P

قالت لى بتتريقى ..بجد انا محتاجه رأيك بسرعه ..ولد من الجيران اكبر منها بسنتين تلاته لسه فى الثانوى يعنى ..بعتلى جواب

بيقولى يا تانت انا بحب بنت حضرتك ومش ممكن اقدر اعيش من غيرها بس انا بقول لحضرتك عشان تعرفى انى مش صغير وبلعب ان شاء الله

لمااخلص دراستى هاتقدم واخطبها :blink:

شورى على اعمل ايه فى النيله دى ؟؟؟

وطبعا لانى ام لبنات و صبيان قريبين من سنهم لجأت لى

...ولانى دايما احط نفسى مكان الشخص الاخر عشان اعرف احكم او اتصرف

:blink: عملت كده ....ولقتنى تهت فى حيص بيص

لا اقدر اقولها اكسرى رقبتها وقولى لاهله واشتكيه لهم

ولا اقدر اقولها شجعيه

ولا تلومهم على صراحتهم

لاول مره الاقى نفسى بجد مش عارفه ارد......

طبعا قعدت اراجع مع نفسى سن المراهقه واحاسيسه والحب الاول

وراجعت بردوامرحله المراهقه لولادى الكبار ...لاءلاءلاءلا الوضع مختلف

بجد مش عارفه افكر ....

بالله عليكم ...ماذا تفعل لو كنت مكانى ؟؟؟؟؟؟؟

[م تيمور المراغي]

صباح الخير قلب ابيض

الموضوع ده للجنس الناعم فقط ولا ندلي بدلونا فيه ؟ :happy:

اصلي مرتين قبل كده اتمسكت هناك فقلت اسال الاول :happy:

[اغابي]

مدام قلب ابيض - دايما حضرتك بتجيبلنا موضوعات من واقع معايشتنا اليومية

ومسيري هاحاول اجى معاكم مرة فى خروجة من خروجات مغتربى الكويت علشان اتعرف على حضرتك مخصوص

انشالله مسيرها تيجي اللحظة دى

هو المنتدى اليومين دول قلب هجر وفراق وزواج صالونات وخطوبات - فاكيد ميعاد الموضوع داه مناسب

لكن بصراحة انا مش عارفة المراهق الى بعت الجواب يعرف ايه عن بكره والتخطيط لبكره

اقولك ردى علي صحبتك اللى جالها الجواب خليها تقوله

لما تخلص يا ابنى وتستعد يبقى يحلها الف حلال

صدقيني اول ما هيروح الجامعة هينسي بنتها لانه هيلاقى مجال اوسع فى التعارف غير ايام دراسة الثانوي

وثبتوه يعنى نظام التثبيييييييت داه بيجيب نتيجة وبيضيع وقت طويل وبيعلق كويس

ثبتوووووه

تم تعديل 22 يناير 2011 بواسطة اغابي

[Simba]

دي وقاحة

مش وقاحة انه بيحب البنت طبيعي انه هيحب ويغير ويقلق ويتصدم وحاجات كتير هيجربها لاول مرة

ومشكلة السن ده ان كل حاجة بتكون لاول مرة ومين فينا ما حسش بلذة اول حب بس مين فينا اتجوز اللي كان بيحبها اول مرة !!!!!

الوقاحة انه بعت جواب لامها

كان بيفكر في ايه ساعتها

انه هيكون فارس نبيل في عين حبيبته ولا عايز امها تحجزها له ولا بياخد الاذن في الاتصالات والخروج وما شابه

طبعا الصد من الام هيخليه يعمل عنترة بن شداد

انا شايف ان من الحكمة ان الام تتكلم مع بنتها تصاحبها وتوعيها وحتي تحتويها

لسه الولد مستقبله فحلقي علي فزدقي وهما لسه صغيرين

[Howayda Ismail]

بداية لازم تصاحب بنتها او المفروض من الاول تكون صاحبة لبنتها عشان تقدر تتكلم معاها فى موضوع زى ده

دون حساسية ولا يكون كلامها مجرد تحصيل حاصل

كذلك التعنيف او حتى الضرب حيكون مردودهم سلبى ويعقد الموضوع اكثر

كذلك تجاهله او التطنيش عليه بعد علمها به ممكن يحدث تمادى او تطور بمعنى بدلا من نظرات فقط سيتعدى مقابلات

ولولا ان البنت رفضت تقابله لما كتب لوالدتها جواب وكان اكتفى بقبول البنت للوضع

وعلى الام اخذالموضوع بتعقل وتحاول فهم مشاعر الاطفال فى السن ده وانهم مازالوا يحتاجون النصيحة والجيل الجديد

لا تجدى الشدة معهم بالعكس لابد من احتواءهم بالحسنة والعطف حتى تتوصل لنقطة تفاهم معها وتقدر فى

الوقت ده بس تعطيها نصيحتها ومع ثقة البنت فيها حتقدر تبين اى تحفظات لها على الموضوع وتفهمها ان دى مشاعر طبيعية

لكن السن غير مناسب خاصة فترة المراهقة المشاعر بتكون متباينة وغير مستقرة للاثنين

المهم تكسب بنتها لانها صغيرة وخبرتها فى الحياة قليلة ولان خبرة الولد اكبر وممكن يتلاعب بها

لازم تعطيها مساحة لتعبر عن مشاعرها قدامها وتعرف خبايها وعلى الام توضيح مايخفى عن البنت من صواب بدلا من

لجوءها لصديقاتها اللاتى غالبا يشجعنها بغض النظر عن مخاطره او اخطاءه لان خبرتهم محدودة زيها

وتحاول تتكلم مع الولد تعرف مستوى فكره وهل هو جاد ام مجرد تسلية مراهقين وان شعرت جديته تحاول اخذ

وعد منه بعدم اشغال البنت او الهائها عن دروسها كذلك التفاته لدروسه لسرعة تحقيق حلمه ولو كانت على

معرفة بوالدته تشركها فى الموضوع تجنبا للمشاكل

[Dreamwithme]

أعتقد أن الموضوع سيعتمد بدرجة كبيرة علي درجة الصداقة بين الأم وابنتها يعني لازم الأم تقوي علاقة الصداقة دي

وتتكلم الأول مع البنت وتفتح معاها الموضوع بصراحة وتسمع رأيه بهدوء شديد وتناقشها بعقلانية ومنطقية وتسيب البنت تطلع كل اللي جواها بدون عصبية

وبعدين تحتويها وتتدرج معها في الكلام بحيث أنها تقنعها بأن الموضوع لسه بدري الحكم عليه

وأن من الأفضل تأجيله الآن بس أهم نقطة أنها تقدر توصل الفكرة للبنت أن ده قرارهم هما الاثنين معا الأم والبنت

وتأخد من البنت وعد أنها لاتتكلم مع هذا الولد خارج الأطار المسموح به وأنها تحكي لها علي كل شئ وأن الموضوع يفضل سر بينهم هما الاثنين فقط

ولا تتحدث مع أحد من أصدقائها فيه..... واعتقد أن البنت لو لقيت أمها بتسمح لها بالكلام والفضفضة معاها لن تلجأ لأحد آخر...أهم شئ الهدوء

نيجي للباشا عنترة بن شداد .....أعتقد أن الأم تقابله وأول حاجة تعلن احترامها الكامل له لأنه انسان واضح وصريح واتكلم معاها

وبعدين توضح له بكل هدوء أن الموضوع الآن مغلق لغاية ما يخلص دراسته وبعدين نبقي نتكلم فيه بدون عصبية وبمنتهي الهدوء

مع التركيز علي أنها تؤكد علي أنه راجل محترم في نظرها أنه اتكلم معاها فبالتالي هيسمع الكلام وهيتصرف علي أساس أنه راجل ومش عيل

وتأخذ وعد منه أنه لا يفتح الموضوع مع البنت وإن الأمور تنتظر إلي أن ينتهي من الدراسة

لا أعتقد أن من المناسب الكلام مع أهل الولد إلا إذا كانت تعرفهم كويس وتعرف أنهم ممكن يحتووا الموضوع بنفس الهدوء والعقلانية

بس أهم شئ علاقة الصداقة بينها وبين بنتها.

[قلب ابيض]

صباح الخير قلب ابيض

الموضوع ده للجنس الناعم فقط ولا ندلي بدلونا فيه ؟ :happy:

اصلي مرتين قبل كده اتمسكت هناك فقلت اسال الاول :happy:

يا باشمهندس ..الموضوع يخص الاباء والامهات ..اللى عندهم بنات او اولاد

كاااااااااس وداير ..لما تقف فجأه فى موقف زى ده ..ممكن تتتصرف ازاى ؟

احنا بنتناقش سوا دلوقتى فى موضوع يخص حد غيرنا وممكن اوووووى بكره يبقى موضوعنا او يخصنا احنا

ادلو بدلوك يا باشا

مدام قلب ابيض - دايما حضرتك بتجيبلنا موضوعات من واقع معايشتنا اليومية

ومسيري هاحاول اجى معاكم مرة فى خروجة من خروجات مغتربى الكويت علشان اتعرف على حضرتك مخصوص

انشالله مسيرها تيجي اللحظة دى

هو المنتدى اليومين دول قلب هجر وفراق وزواج صالونات وخطوبات - فاكيد ميعاد الموضوع داه مناسب

لكن بصراحة انا مش عارفة المراهق الى بعت الجواب يعرف ايه عن بكره والتخطيط لبكره

اقولك ردى علي صحبتك اللى جالها الجواب خليها تقوله

لما تخلص يا ابنى وتستعد يبقى يحلها الف حلال

صدقيني اول ما هيروح الجامعة هينسي بنتها لانه هيلاقى مجال اوسع فى التعارف غير ايام دراسة الثانوي

وثبتوه يعنى نظام التثبيييييييت داه بيجيب نتيجة وبيضيع وقت طويل وبيعلق كويس

ثبتوووووه

غيبو مبسوطه انك هنا ..والله العظيم كنت على بالى طووول الفتره اللى فاتت.. كان نفسى نتكلم مع بعض جدا

الحمد لله انك بخير

المهم:

موضوع التثبيت ده لازم ولابد لاننا لو انكرنا الفعل علينا تحمل رد الفعل

يعنى لازم غصب عنا نلبس وش الشباب ..ونجاريهم فى تفكيرهم مع مراعاه الحدود...يعنى لمرحله ما وستوب

نثبت يا فندم نثيت تمام كده

[قلب ابيض]

دي وقاحة

مش وقاحة انه بيحب البنت طبيعي انه هيحب ويغير ويقلق ويتصدم وحاجات كتير هيجربها لاول مرة

ومشكلة السن ده ان كل حاجة بتكون لاول مرة ومين فينا ما حسش بلذة اول حب بس مين فينا اتجوز اللي كان بيحبها اول مرة !!!!!

الوقاحة انه بعت جواب لامها

كان بيفكر في ايه ساعتها

انه هيكون فارس نبيل في عين حبيبته ولا عايز امها تحجزها له ولا بياخد الاذن في الاتصالات والخروج وما شابه

طبعا الصد من الام هيخليه يعمل عنترة بن شداد

انا شايف ان من الحكمة ان الام تتكلم مع بنتها تصاحبها وتوعيها وحتي تحتويها

لسه الولد مستقبله فحلقي علي فزدقي وهما لسه صغيرين

الله يكون فى عون بناتك يا سمبا ...ضحكتنى اوى على انفعالك ده .....ماشاء الله عليك فعلا رجل حكيييييييييييم

اقولك انت لو حصل كده هى رصاصه فى كوبايه العصير وتخلص منه خاااالص :blink:

[م تيمور المراغي]

انا حقول رأي من وجهة نظر محايده

لا انا ابو الولد ولا انا ابو البنت ,,

رأي ان الام تدعوا الولد و مامته ووالده واخوته عندهم في المنزل ويتم التعارف الاسري الجميل لان واضح انهم جيران ,,

وامام الكل يتقال للولد يا فلان ,, فلانه دي اختك والامور دي لسه بدري جدا عليها ,,ومش حنجيب سيرة الموضوع تاني ابدا الا لما تكبر وتكون راجل و مستعد لتحمل المسئوليه

احنا كده تركنا الباب موارب ماحدش يعرف المستقبل فيه ايه

فيه نقط كثيره حتبان وقتها مثلا هل البنت معجبه بيه وهيا اللي شجعته ؟

لما الموضوع حيظهر للنور حيكون صعب ان الولد يتكتك بخسه في السر خصوصا ان البنات في السن ده هو حاله خاصه جدا

المستوى ااجتماعي للاسرتين مهم جدا يعني اسر متحفظه و منغلقه ولا البنت لها نشاط اجتماعي ورياضي في نادي مثلا ومدرستها مشتركة

طبعا اقتراحاتي الورديه الي فوق دي مش حتنفع لا في مجتمع محافظ ولا مع آباء متزمتين مش ناوي اقنع الاطارف دي بوجهة نظري انا بقول من اولها :happy:

الشمس والنور والهواء المعتدلين كافيين لقتل كل انواع الجراثيم والميكروبات ,,

[Simba]

الله يكون فى عون بناتك يا سمبا ...ضحكتنى اوى على انفعالك ده .....ماشاء الله عليك فعلا رجل حكيييييييييييم

اقولك انت لو حصل كده هى رصاصه فى كوبايه العصير وتخلص منه خاااالص

مدام قلب ابيض

سالخير

مفتقدينك

علي فكرة هو مش انفعال خالص مالص مالص وعن علاقتي ببناتي مفيش اي كلام يوصفها والحمدلله لكن رغم الغربة احنا جزء واحد

مفيش رصاصة في كوباية العصير ولا حاجة انا هاخد كوباية العصير اشربها بس بلاش عصير مانجو عند حساسية

انا قولت من الحكمة ان امها تتكلم معاها وتحتويها

[Howayda Ismail]

انا حقول رأي من وجهة نظر محايده

لا انا ابو الولد ولا انا ابو البنت ,,

رأي ان الام تدعوا الولد و مامته ووالده واخوته عندهم في المنزل ويتم التعارف الاسري الجميل لان واضح انهم جيران ,,

وامام الكل يتقال للولد يا فلان ,, فلانه دي اختك والامور دي لسه بدري جدا عليها ,,ومش حنجيب سيرة الموضوع تاني ابدا الا لما تكبر وتكون راجل و مستعد لتحمل المسئوليه

احنا كده تركنا الباب موارب ماحدش يعرف المستقبل فيه ايه

فيه نقط كثيره حتبان وقتها مثلا هل البنت معجبه بيه وهيا اللي شجعته ؟

لما الموضوع حيظهر للنور حيكون صعب ان الولد يتكتك بخسه في السر خصوصا ان البنات في السن ده هو حاله خاصه جدا

المستوى ااجتماعي للاسرتين مهم جدا يعني اسر متحفظه و منغلقه ولا البنت لها نشاط اجتماعي ورياضي في نادي مثلا ومدرستها مشتركة

طبعا اقتراحاتي الورديه الي فوق دي مش حتنفع لا في مجتمع محافظ ولا مع آباء متزمتين مش ناوي اقنع الاطارف دي بوجهة نظري انا بقول من اولها :happy:

الشمس والنور والهواء المعتدلين كافيين لقتل كل انواع الجراثيم والميكروبات ,,

اسمح لى يابشمهندس الموضوع مايتاخدش كده على اى مستوى للاسرة سواء محافظ او حتى متفتح لانه فيه احراج كبير للبنت

والولد على حد سواء انه يتناقش علنى قدام الاسرتين بصورة مفاجاة والنتيجة مش حتكون مرضية على الاقل لاسرة البنت

لان جايز يحصل هجوم من اهل الشاب ان العيب على بنتهم وابنهم برئ وممكن الامور تتعقد اكتر ماتتحلش

كمان الام حتفقد ثقة البنت تتكلم معاها بحرية لان وقتها البنت مش حتامن تكلمها بحرية دون كشفها للجميع خاصة الاب

كذلك الام لاتعلم خلفية العلاقة بين الشاب واسرته ومدى تقبلهم للموضوع او سخريتهم منه مما يسبب للولد

اذى نفسى كبير ممكن يقلب لانتقام لكرامته من البنت وامها

الموضوع عاوز سياسة وتروى لمصلحة البنت اولا واخيرا

[م تيمور المراغي]

انا حقول رأي من وجهة نظر محايده

لا انا ابو الولد ولا انا ابو البنت ,,

رأي ان الام تدعوا الولد و مامته ووالده واخوته عندهم في المنزل ويتم التعارف الاسري الجميل لان واضح انهم جيران ,,

وامام الكل يتقال للولد يا فلان ,, فلانه دي اختك والامور دي لسه بدري جدا عليها ,,ومش حنجيب سيرة الموضوع تاني ابدا الا لما تكبر وتكون راجل و مستعد لتحمل المسئوليه

احنا كده تركنا الباب موارب ماحدش يعرف المستقبل فيه ايه

فيه نقط كثيره حتبان وقتها مثلا هل البنت معجبه بيه وهيا اللي شجعته ؟

لما الموضوع حيظهر للنور حيكون صعب ان الولد يتكتك بخسه في السر خصوصا ان البنات في السن ده هو حاله خاصه جدا

المستوى ااجتماعي للاسرتين مهم جدا يعني اسر متحفظه و منغلقه ولا البنت لها نشاط اجتماعي ورياضي في نادي مثلا ومدرستها مشتركة

طبعا اقتراحاتي الورديه الي فوق دي مش حتنفع لا في مجتمع محافظ ولا مع آباء متزمتين مش ناوي اقنع الاطارف دي بوجهة نظري انا بقول من اولها :happy:

الشمس والنور والهواء المعتدلين كافيين لقتل كل انواع الجراثيم والميكروبات ,,

اسمح لى يابشمهندس الموضوع مايتاخدش كده على اى مستوى للاسرة سواء محافظ او حتى متفتح لانه فيه احراج كبير للبنت

والولد على حد سواء انه يتناقش علنى قدام الاسرتين بصورة مفاجاة والنتيجة مش حتكون مرضية على الاقل لاسرة البنت

لان جايز يحصل هجوم من اهل الشاب ان العيب على بنتهم وابنهم برئ وممكن الامور تتعقد اكتر ماتتحلش

كمان الام حتفقد ثقة البنت تتكلم معاها بحرية لان وقتها البنت مش حتامن تكلمها بحرية دون كشفها للجميع خاصة الاب

كذلك الام لاتعلم خلفية العلاقة بين الشاب واسرته ومدى تقبلهم للموضوع او سخريتهم منه مما يسبب للولد

اذى نفسى كبير ممكن يقلب لانتقام لكرامته من البنت وامها

الموضوع عاوز سياسة وتروى لمصلحة البنت اولا واخيرا

كل اسره في المجتمع وليها اسلوب وطريقه في معالجة الامور دي ,,

انا زي ماقلت اول كلامي ان ردود الافعال بتختلف من بيئه لبيئه ومن مجتمع لمجتمع

دي طريقة معالجة الامور اللي كنت بشوفها بعيني من الاسر اللي اعرفها ,,

واحترم كل وجهات النظر التانيه طبعا ,,

بس ماحدش يحكم على التانيين بخلفيته الاجتماعيه كلنا احرار وعندنا قناعات مختلفه مش كده ؟ :happy:

[samehmagdy]

بصراحه كنت عاوز اقول كلام كتير بس بعد الكلام اللى فات وبالذات كلام

Dreamwithme و Hend ali

بس اللى اقدر اقوله ان الام لازم تحتوى بنتها فى الفتره دى اكتر من اوى وقت فات

وتسمع منها كل حاجه كانها صاحبتها الانتيم وبدون اى انفعال او تعصب حتى لو كانت زى البركان من جوه

وتكسب ثقتها وتفهم وجهه نظر بنتها الاول وتوصلها انها فاهمه جدا ومقدره مشاعرها وانها كانت بنت فى سنها ومرت بنفس التجربه

وتقابل الولد وتفهمه انها بتحترم فيه صراحته و دخوله من الباب وتديله برستيجه واحساسه انه راجل مش عيل صغير

وفى وسط الحوار تحطه مكانها وتقوله (لو مثلا جالك واحد وقالك انا بحب اختك وانت متاكد ميه فى الميه انه فعلا بيحبها هيكون ايه ردك عليه) وتفهمه انها مقدره وفاهمه مشاعره ولكن التوقيت هو اللى غير مناسب وتاخد منه تعهد بان الموضوع دى يفضل متاجل دلوقتى تماما مع وعد بانها هتقف فى صفه لما يجى فى الوقت المناسب ويدخل من الباب بعد ما يخلص دراسته ويبقى قادر على الارتباط و فتح بيت

وفى نفس الوقت ودى شى مهم جدا لازم الاب يعرف بس بسريه تاااامه و باتفاق مع الام على انه ميعرفش اى حاجه خااااااااالص لانه هو هيبقى صمام الامان الاخير لوقت الجد

وعلشان لو الاب عرف من بره وعرف ان الام كانت عارفه هيبقى فى كلام تانى وكوارث على دماغ البنت والام فى نفس الوقت

[قلب ابيض]

هند دريم كلام جميل كلام معقول ماقدرش اقول حاجه عنه

الباشمهندس وااااضح ان ولاد حضرتك لسه صغننين اوووى...ربنا يكرمك يارب

كلام حضرتك ممتاز بس عمليا مش هو ...مع احترامى لوجهه نظرك ..ما ينفعش ابدا على اى مستوى ان كان ان نجمع اسرتى اطفال نكلمهم فى الارتباط

اللى حصل انى نزلت الميدان بنفسى او بمعنى اخر اقتربت من ساحه المعركه ...انا ولله الحمد قريبه جدا من اولادى وبناتى واصحابهم كمان ...جبت بنتى اللى هى تقارب سن بنت صديقتى وحطيتها فى الموقف نفسه وقلت لها ايه رأيك لو حصل كذا كذا ...واحنا من الاول اساسا اصحاب جدااا انا وبنتى

قالت لى يا ماما هى اكيد مالهاش اخوات صبيان ..عشان كده هى اتعلقت بيه وهو كمان لانه بيحبها مش عاوز يأذيها لو حد حس انه بيعرفها او بيبص لها فكللم تانت مامتها

طب والحل يا حبيبه ماما؟؟ انتو كلكم لسه صغيرين ..وشايفين ان الكبار مش عارفين يتجوزوا ...ما بالكم انتم ؟

قالت لى يا ماما لو انا جيت وحكيت لك زى ....بنت تانت هاتعملى ايه ؟؟

قلت لها انا وانتى اصحاب وانتى عارفه ماما ربتك ازاى ؟

قالت لى وهى كمان مؤدبه جداااا

بس تانت مش مصحباها ..

وعليه كلمت صديقتى وطلبت منها نخرج انا وهى والبنات ونبدء فى عمل مساحه بين الام وبنتها ...واخلع انا بقى

بس لازلت افكر لو مكانها وبنتى اهى صحبتى هارد على الواد ده ازااااااااى؟

زمان قالوا يا ابو البنات يا شايل الهم للممات

او فى الهنا تبات

للحديث باقيه :closedeyes:

[لماضة مصرية جدا]

السلام عليكم و رحمة الله و بركاته

طب قبل ما تقولي ايه اللي جابك عندنا....و شدي اللحاف و غطي وشك و نامي يا شابةو بتاع

انا بس عايزة اقول حاجة....منكن

انالاحظت انكم كلكم اتكلمتوا عن دور الام و كده

كوني مراهقة سابقة....(كنت قتمة اوي و عيلة غتيتة موت)...بحس البنت في المرحلة دي مش عايزة تقرب من مامتها....علي عكس المتعارف...الحقيقة...لاني كنت بشوف ماما هو النموذج المسيطر بتاع النصايح و الارشادات و موعظة المساء

يعني حتي لما كانت تيجي تفضفض معايا...لازم برضه تحدف في الاخر علي نصيحة مباشرة كده

دلوقتي الموضوع اتغير تماما

الاحتياج للبنت في السن دوت بيبقي كمان للاب....اول نموذج لفتي الاحلام يعني..(و بعدين ده اللي في الوش اصلا)

حقيقي الاخوات الاولاد...مهمين في حياة البنت....

يعني البنت اللي بتكبر في وسط اولاد صبيان...

بتبقي مش خايفة...

بتبقي يعني مش مدربكة لو حد قالها كلمتين...

لان هي بتحس انها ممكن ترجع لاخواتها سندهااللي هيساعدوها انها تحط اللخبطة دي في حجمها الطبيعي من غير شحتفة بقي و تنهيدات...و اذكريني عند المساء يا نعمات و كده يعني

دور الام....قولتوا الاحتواء...بس بحس احتواء الاب....غير....

البنوتة محتاجة في المرحلة دي...

نوع من فهم ايه اللي بتحس بيه...

و ازاي تفرمله...

و ازاي...تحطه في مكانه الصح...(الحقيقة ميهمنيش الولد اوي في القصة...هو هيتصرف..مش عارفة ازي بس مهتمة بالبنوتة اكتر)

و عشان تعمل كده..محتاجة تعرفه من حد ما يشبهاشي.....يعني نموذج ولادي يعني..(بابا...اخواتي...خالو...جدو...كده يعني...لازم يكون فيه صديق...لونه ازرق...ولادي يعني)

صحيح البنوتة ممكن تفتح حوار مع الام....و يا ريت الام بقي متتخضش...و متتوترش....احيانا الام بتبقي شيلة الهم...و بتحسسنا ان الامور خلاص طلعت بره السيطرة....تتعامل معاها انها مشاعر طبيعية...نتعامل معاها كانها يعني تعويرة....لازم هنمر بيها....و اكيدهنخف منها....و لازم....نفهم هي حصلت ازيا...و بس خلاص

و يا ريت برضه الام متصيتش الدنيا....يعني حتي لو البنت بتحكيلها....

متحكيش الام لا لصاحبتها و لا لجارتهاو لا ام محمد مرات البواب..(يعني بقي يا تانت ابقي اعملي نفسك مش عارفة خاااااااالص)

حقيقي الام ممكن تكون بتحكي للاب

بس عزيزي الاب...ابوس القدم....ابقي استعبط...سوري في اللفظ و اعمل نفسك يعني كانك مش عارف....و خلي البنت هي تيجي تحكي...خليها تحس انها مش مشاع كل البيت عارف عنها كل حاجة...حبة خصوصية برضه

اممممممم

و طولت عليكم في الكلام

و دي وجهة نظري

فوتكم بعافية

[الســـاري]

طبعا موقف صعب .. مش حينفع يتقال له .. اغرب عن وجهنا ثكلتك امك ... ولا حينفع نقول يا سلام ... بس كدا ؟ هي جات في جمل

يعني الحل طبعا حينحصر في منع الكلام ده بس بطريقة تكون مراعية لسنهم ..

ليه الولد قال الكلام ده للتانت ؟ ليه ما قالش الكلام ده لابوها ؟

بالنسبة للتانت مالهاش حل غير انها تقعد مع بنتها وتفهمها كل الكلام الجميل اللي قلتوه فوق ... انه مش وقتها .. وانها دلوقتي تهتم بدروسها ومذاكرتها والكلام ده

وبالنسبة لابو البنت .. يشوف وقت يستفرد فيه بالولد .. ويكون الكلام حصري بينهم .. قعدة رجالة .. ويفهمه باسلوب حكيم انه بدري على الكلام ده وانت اهتم دلوقتي بدراستك .. وانك انت صغير دلوقتي انك تقرر حاجة زي دي .. يمكن الايام يابني تغير رايك ..

طبعا احتمال كبير ان الكلام ده ما يعملش تاثير من اول مرة ... بس المهم ان البنت تخرج من الجلسة مع امها وهي فاهمة انها بتكلم صاحبتها ... والولد بيخرج من لقائه مع والد البنت وهو عارف انه خارج من قعدة رجالة مع بعضيهم

والله اعلم ،،

[Howayda Ismail]

انا حقول رأي من وجهة نظر محايده

لا انا ابو الولد ولا انا ابو البنت ,,

رأي ان الام تدعوا الولد و مامته ووالده واخوته عندهم في المنزل ويتم التعارف الاسري الجميل لان واضح انهم جيران ,,

وامام الكل يتقال للولد يا فلان ,, فلانه دي اختك والامور دي لسه بدري جدا عليها ,,ومش حنجيب سيرة الموضوع تاني ابدا الا لما تكبر وتكون راجل و مستعد لتحمل المسئوليه

احنا كده تركنا الباب موارب ماحدش يعرف المستقبل فيه ايه

فيه نقط كثيره حتبان وقتها مثلا هل البنت معجبه بيه وهيا اللي شجعته ؟

لما الموضوع حيظهر للنور حيكون صعب ان الولد يتكتك بخسه في السر خصوصا ان البنات في السن ده هو حاله خاصه جدا

المستوى ااجتماعي للاسرتين مهم جدا يعني اسر متحفظه و منغلقه ولا البنت لها نشاط اجتماعي ورياضي في نادي مثلا ومدرستها مشتركة

طبعا اقتراحاتي الورديه الي فوق دي مش حتنفع لا في مجتمع محافظ ولا مع آباء متزمتين مش ناوي اقنع الاطارف دي بوجهة نظري انا بقول من اولها :happy:

الشمس والنور والهواء المعتدلين كافيين لقتل كل انواع الجراثيم والميكروبات ,,

اسمح لى يابشمهندس الموضوع مايتاخدش كده على اى مستوى للاسرة سواء محافظ او حتى متفتح لانه فيه احراج كبير للبنت

والولد على حد سواء انه يتناقش علنى قدام الاسرتين بصورة مفاجاة والنتيجة مش حتكون مرضية على الاقل لاسرة البنت

لان جايز يحصل هجوم من اهل الشاب ان العيب على بنتهم وابنهم برئ وممكن الامور تتعقد اكتر ماتتحلش

كمان الام حتفقد ثقة البنت تتكلم معاها بحرية لان وقتها البنت مش حتامن تكلمها بحرية دون كشفها للجميع خاصة الاب

كذلك الام لاتعلم خلفية العلاقة بين الشاب واسرته ومدى تقبلهم للموضوع او سخريتهم منه مما يسبب للولد

اذى نفسى كبير ممكن يقلب لانتقام لكرامته من البنت وامها

الموضوع عاوز سياسة وتروى لمصلحة البنت اولا واخيرا

كل اسره في المجتمع وليها اسلوب وطريقه في معالجة الامور دي ,,

انا زي ماقلت اول كلامي ان ردود الافعال بتختلف من بيئه لبيئه ومن مجتمع لمجتمع

دي طريقة معالجة الامور اللي كنت بشوفها بعيني من الاسر اللي اعرفها ,,

واحترم كل وجهات النظر التانيه طبعا ,,

بس ماحدش يحكم على التانيين بخلفيته الاجتماعيه كلنا احرار وعندنا قناعات مختلفه مش كده ؟ :happy:

شكرا يابشمهندس على حسن ردك

ومعلش انى رديت بمنطقى الاجتماعى اللى اتربيت عليه لان مهما ربنا كرمنى مش حاقدر ولا عاوزة انسى الحى الشعبى

اللى اتولدت واتربيت فيه واستمديت ثقافتى منه ومازالت والدتى وجيرانى وحبايبى واصدقائى موجودين فيه وربنا

يديم على حبهم لى وحبى ليهم

انا ماحاولتش افرض خلفيتى ولا حاجة

بس انا اتصورت صاحبة المشكلة من العوام زينا ولو كانت من طبقة الارستقراط لاصبح الموضوع easy اكتر من كده

ومكنتش حتسال حد ولا ايه ؟!

[م تيمور المراغي]

شكرا يابشمهندس على حسن ردك

ومعلش انى رديت بمنطقى الاجتماعى اللى اتربيت عليه لان مهما ربنا كرمنى مش حاقدر ولا عاوزة انسى الحى الشعبى

اللى اتولدت واتربيت فيه واستمديت ثقافتى منه ومازالت والدتى وجيرانى وحبايبى واصدقائى موجودين فيه وربنا

يديم على حبهم لى وحبى ليهم

انا ماحاولتش افرض خلفيتى ولا حاجة

بس انا اتصورت صاحبة المشكلة من العوام زينا ولو كانت من طبقة الارستقراط لاصبح الموضوع easy اكتر من كده

ومكنتش حتسال حد ولا ايه ؟!

ياخبر ابيض يا ست الكل

انا مش عارف ايه اللي بيحصل :happy:

حضرتك الزميل الكريم رقم 17 اللي يزعل مني الاسبوع ده ,,

وانا بيكون نيتي وكلامي شيئ تاني خالص غير ما بيوصل اليكم

كلمة بيئات ثقافية مختلفه ايه علاقتها بالشعبي او الراقي ؟

يعني ممكن واحد من الزمالك لكن متحفظ وواحد تاني من مكان آخر بدون ذكر اسماء ( عشان الزميل رقم 18 مايزعلشي مني لو جبت سيرة منطقته ) ويكون ليه فكر مختلف اكثر ليبراليه

حقك عليا يا ست الكل لو كان اتفهم كلامي غلط

ده انا لسه الكريم شانتيه ملحوس بؤي من حفلة امبارح :happy:

وعموما تقبلي مني الهديه دي والله ما اهديتها لحد قبل كده ولا ناوي اهديها لحد بعدك حتى الدكتور نفسه :happy:

[Howayda Ismail]

وفى نفس الوقت ودى شى مهم جدا لازم الاب يعرف بس بسريه تاااامه و باتفاق مع الام على انه ميعرفش اى حاجه خااااااااالص لانه هو هيبقى صمام الامان الاخير لوقت الجد

وعلشان لو الاب عرف من بره وعرف ان الام كانت عارفه هيبقى فى كلام تانى وكوارث على دماغ البنت والام فى نفس الوقت

حضرتك عند حق أ| سامح

هو ده المفروض على كل ام تعمله حيال مشاكل اولادها سواء صبيان او بنات وخاصة فى سن مراهقتهم

حتى يكون الاب فى الصورة بدون علم الاولاد انه عارف عشان الثقة تظل موجودة بينها وبينهم

ولايكون الزوج اخر من يعلم فلو ثورته قليلة فى الاول ممكن تقلب كارثة لو عرف فى الاخر وفى الوقت ده حتكون

المسئولية والغلط كله على الام لوحدها

لكن وقت علمه بيتشاركوا المشورة والحل الصحيح والاولاد فى السن ده بيتقبلوا من الام اكتر بعيد عن عصبية

الاب خصوصا وقتها معاهم اكتر منه وحاسة بيهم اكتر

[Howayda Ismail]

ياخبر ابيض يا ست الكل

انا مش عارف ايه اللي بيحصل :happy:

حضرتك الزميل الكريم رقم 17 اللي يزعل مني الاسبوع ده ,,

وانا بيكون نيتي وكلامي شيئ تاني خالص غير ما بيوصل اليكم

كلمة بيئات ثقافية مختلفه ايه علاقتها بالشعبي او الراقي ؟

يعني ممكن واحد من الزمالك لكن متحفظ وواحد تاني من مكان آخر بدون ذكر اسماء ( عشان الزميل رقم 18 مايزعلشي مني لو جبت سيرة منطقته ) ويكون ليه فكر مختلف اكثر ليبراليه

حقك عليا يا ست الكل لو كان اتفهم كلامي غلط

ده انا لسه الكريم شانتيه ملحوس بؤي من حفلة امبارح :happy:

وعموما تقبلي مني الهديه دي والله ما اهديتها لحد قبل كده ولا ناوي اهديها لحد بعدك حتى الدكتور نفسه :happy:

1

لا بدام انا رقم 17 فى اسبوع واحد يبقى فى شئ مش طبيعى مأثر على حضرتك

يكونش 25 منه

على العموم محدش يقدر يزعل من حضرتك وانا اصلا مش باحب اشيل من حد

والهدية حضرتك جدير بيها دا انا ازودها لك