يا تانت ..انا بحب بنتك

[م تيمور المراغي]

ياخبر ابيض يا ست الكل

انا مش عارف ايه اللي بيحصل :happy:

حضرتك الزميل الكريم رقم 17 اللي يزعل مني الاسبوع ده ,,

وانا بيكون نيتي وكلامي شيئ تاني خالص غير ما بيوصل اليكم

كلمة بيئات ثقافية مختلفه ايه علاقتها بالشعبي او الراقي ؟

يعني ممكن واحد من الزمالك لكن متحفظ وواحد تاني من مكان آخر بدون ذكر اسماء ( عشان الزميل رقم 18 مايزعلشي مني لو جبت سيرة منطقته ) ويكون ليه فكر مختلف اكثر ليبراليه

حقك عليا يا ست الكل لو كان اتفهم كلامي غلط

ده انا لسه الكريم شانتيه ملحوس بؤي من حفلة امبارح :happy:

وعموما تقبلي مني الهديه دي والله ما اهديتها لحد قبل كده ولا ناوي اهديها لحد بعدك حتى الدكتور نفسه :happy:

1

لا بدام انا رقم 17 فى اسبوع واحد يبقى فى شئ مش طبيعى مأثر على حضرتك

يكونش 25 منه

على العموم محدش يقدر يزعل من حضرتك وانا اصلا مش باحب اشيل من حد

والهدية حضرتك جدير بيها دا انا ازودها لك

الزوق والجدعنه دي صفات اصيله لا تنقصك مدام هند ,,

الفكره ان 16 منهم رجعوا في كلامهم بعد ما شرحت بكل وضوح وجهة نظري بل واقتنعوا بيها وصافي يالبن

بس تعرفي موضوع 25 يناير احتمال ماثر جامد فعلا :happy:

[Howayda Ismail]

الزوق والجدعنه دي صفات اصيله لا تنقصك مدام هند ,,

الفكره ان 16 منهم رجعوا في كلامهم بعد ما شرحت بكل وضوح وجهة نظري بل واقتنعوا بيها وصافي يالبن

بس تعرفي موضوع 25 يناير احتمال ماثر جامد فعلا :happy:

طيب مانا رقم 17 تراجعت برضه ههههههه

المهم مايكونش فى 18 ان شاء الله

خلى اعصابك هادية عشان 18 مايجيش

[م تيمور المراغي]

حاضر :happy:

[عنبو]

ليه اروح العب فى ملعب غيرى واسيب ملعبى اللى ملكى

المفروض الام تتجاهل الرساله دى خالص قدام الولد

وتتكلم مع بنتها بكل وضوح وطبعا ابوها لازم يعرف

ويكون فى الصوره على الاقل بين الام والاب

طيب رميو هنعمل فيه ايه اكيد مش هنطخه يعنى

بس لو هى تعرف اهله كويس يعنى تروح لمامته

وتتكلم معها فى هدوء وان ده سن المراهقه

وهى برده تكلمه بهدوء كررها تانى بقى يبقى ياخدله علقه تمام لان فيه نوع لازم يضرب

تحياتى

عنبو

[جويرية]

الأم تقول للولد خلاص اتقدم لبنتي

و يجيب اهله و ييجي يخطبها

و يتجوزوا و يعيشوا في تبات و نبات و يخلفوا صبيان و بنات

تم تعديل 23 يناير 2011 بواسطة جويرية

[الغريب]

أنا بحب أطرق مثل هذه الموضوعات لأستفيد من تجارب الأخرين

شكرا مدام قلب أبيض على موضوعك الجديد الرائع كالعادة ..

قريت كل الردود وكل ما أقرء رأي أزداد حيرة، حتى وصلت إلى تحليل أبنتك الراااائع للغاية -أسأل الله أن يبارك لك فيها- وأنا هعلم بالأحمر على أهم تحليلاتها في المشاركة

اللى حصل انى نزلت الميدان بنفسى او بمعنى اخر اقتربت من ساحه المعركه ...انا ولله الحمد قريبه جدا من اولادى وبناتى واصحابهم كمان ...جبت بنتى اللى هى تقارب سن بنت صديقتى وحطيتها فى الموقف نفسه وقلت لها ايه رأيك لو حصل كذا كذا ...واحنا من الاول اساسا اصحاب جدااا انا وبنتى

قالت لى يا ماما هى اكيد مالهاش اخوات صبيان ..عشان كده هى اتعلقت بيه وهو كمان لانه بيحبها مش عاوز يأذيها لو حد حس انه بيعرفها او بيبص لها فكللم تانت مامتها

طب والحل يا حبيبه ماما؟؟ انتو كلكم لسه صغيرين ..وشايفين ان الكبار مش عارفين يتجوزوا ...ما بالكم انتم ؟

قالت لى يا ماما لو انا جيت وحكيت لك زى ....بنت تانت هاتعملى ايه ؟؟

قلت لها انا وانتى اصحاب وانتى عارفه ماما ربتك ازاى ؟

قالت لى وهى كمان مؤدبه جداااا

بس تانت مش مصحباها ..

وعليه كلمت صديقتى وطلبت منها نخرج انا وهى والبنات ونبدء فى عمل مساحه بين الام وبنتها ...واخلع انا بقى

بس لازلت افكر لو مكانها وبنتى اهى صحبتى هارد على الواد ده ازااااااااى؟

زمان قالوا يا ابو البنات يا شايل الهم للممات

او فى الهنا تبات

للحديث باقيه :closedeyes:

رأيي بمنتهى الصراحة في جانبين :

أولا - بالنسبة للولد لازم تبلغ أهله بشكل يبين أنها متضايقة للغاية من هذا الفعل علشان هما يتعاملوا معاه بالطريقة اللي تناسبهم سواء اللين أو التعنيف المهم هيوصلولوا أن الموضوع ده غير مرغوب فيه في الوقت الحالي وبالطريقة اللي تريحهم وتناسب تربيتهم ليه.

ثانيا- بالنسبة للبنت الأم هتتعامل معاها بشكل جدي أن هذا الأمر مرفوض في عرفنا وتقاليدنا ، ثم يأتي الدور على أبنت حضرتك أنها تفهم البنت بشكل بسيط أيه نوع الغلط في هذا الأمر وتفهمها أن أمها عاوزة مصلحتها ويتفهموا مع بعض بشكل أخوي، وعلى فكرة الموضوع ده هتستفيد منه جدا بنت حضرتك وهينقلها نقلة كبيرة جدا في فهم الحياة، وهيزيد من حكمتها وعقلها في وزن الأمور على نحو جيد..

على الهامش- بالنسبة لموضوع يا أبو البنات ياشايل الهم ده ، بالعكس البنات تربيتها أفضل بكثير من الأولاد ولكن الأهتمام بالتأسيس فقط وكل شئ يمشي كويس

تحياتي

تم تعديل 23 يناير 2011 بواسطة الغريب

[اغابي]

الأم تقول للولد خلاص اتقدم لبنتي

و يجيب اهله و ييجي يخطبها

و يتجوزوا و يعيشوا في تبات و نبات و يخلفوا صبيان و بنات

يا جويري يا حبوبة قلبي

:roseop:

يا خراشششششششششي منك

هتشيلينى بالمستريح - صبيان ايه وبنات ايه اللى هيخلفوها وجواز وايه اصلا داه

وهما عمرهم 15 سنة يعنى لسة كمان قدامهم 15 سنة تانى علشان يفهمو الدنيا ويقفو على رجليهم

داه انت مكبرة دماغك تمام

اخ منك اخ

:Head:

[لونا]

الأم تقول للولد خلاص اتقدم لبنتي

و يجيب اهله و ييجي يخطبها

و يتجوزوا و يعيشوا في تبات و نبات و يخلفوا صبيان و بنات

يا ريت و الله يا جويرية

يعني لو ينفع .. كانت إتحلت مشاكل كتير

يعني لو بنتي جالها عريس و هي عندها 15 سنة ..أجوزها و أستتها :closedeyes:

بس يا ترى فيه عريس عنده 15 سنة يقدر يكون مسئوووول عن بيت و أسرة؟؟؟؟؟

و فيه بنت في السن ده في الزمن ده تقدر تربي أولاد (و ما تقوليليش زمان كان بيحصل )

يا نهاري يا جويرية ده أنا بنتي لسه بتحب العرايس و هي 12 سنة :blink:

تم تعديل 23 يناير 2011 بواسطة لونا

[جويرية]

يا جماعة انا عارفة ان كل اللي حيدخل الموضوع حيعترض علي كلامي

ارجوكم اعترضوا براحتكم و وقولوا عني اني مكبرة دماغي او بغرد خارج السرب ، بس

بلاش التقيممات السلبية ، انا عندي 19 نقطة حزعل لو لقيتهم نقصوا عشان الموضوع ده

انا عاجبني تصرف الولد فعلا و شايفة انه سلك الطريق الصحيح ، و كويس انه عارف كويس حقه و ان الزواج ده حق مشروع

بس انا مستغربة الفكرة دي جتله منين ،

جرأة الولد ده مبشرة بجيل جديد ،متفتح مش زي جيلنا اللي اتربينا علي برامج القناة الأولي و التانية

تم تعديل 23 يناير 2011 بواسطة جويرية

[لونا]

على فكرة أنا مش معترضة على كلامك .. قد ما أنا شايفة إن الشباب دلوقت يمكن لغاية 20 سنة

ما عادوش يقدروا يتحملوا مسئوليات كبيرة زي الزواج

و في شباب بيفضل فاصل بعد كدة كمان

لكن بالعكس أنا مع الزواج المبكر

بس مش مبكر أوي كدة يعني :closedeyes:

[قلب ابيض]

عندى احساس اننا كلنا قاعدين فى الصاله وكل واحد معاه كوبايه الشاى بتاعته وغيبومعاها النسكافيه وبنتنتقش فى حكايه العيال ولاد صحبنا

"المهم : كلام العنبى "وتتكلم مع بنتها بكل وضوح وطبعا ابوها لازم يعرف

كلام مظبوط الاب لازم يكون على درايه بالموضوع بس يتوقف على شخصيه الاب واستيعابه للموقف يعنى زى ما قال المهندس ارش ..المستوى الفكرى والثقافى والبيئه نفسها هنا عليها عامل كبير ...ما ينفعش الكلام اللى يتقال للمعلم الجزار هو نفسه اللى يتقال للاستاذ التربوى او العكس ..لان كل واحد منهم له مكياله الخاص ..واعتقد ان الكلام واضح مش محتاج تفسير

جويريه والله انت عسل اووووى ...دايما الناس بتفهمك غلط للوهله الاولى ولكن لو دققوا شويه فى كلامك هايلاقوا وجهه نظرك معقوله بردوت

انا فكرت زيك كده ولانى عندى ولادفى سن ما قبل وما بعد المراهقه فحسيت بيه اكتر من غيرى

الولد عنده جرأه ربما يفتقدها من هم فى سنه سابقا او من هم اكبر منه حاليا ...لانه اول ما حس بالبنت او اعجب بيها

صرح لامها وده طبيعى ان كلامه يكون للام مش للاب زى ما سارى سأل وتعجب ...لان احساسه بالام زى امه فممكن تستوعب كلامه غير الاب الى ممكن يكون رد فعله عكسى ومدمرررررر

[قلب ابيض]

لونا ...انا من اكبر مؤيدى الزواج المبكر ...لو توافرت الامكانيات والشروط ..كما جاء بالحديث الشريف .." يا معشر الشباب من استطاع منكم الباءه فليتزوج .......الى اخر الحديث

وعلى فكره برغم تأخر سن الزواج فى مجتمعنا الان الا ان تلاقى بردوا نسبه زواج الشباب الصغير مش قليله

وده بيوضح ان فكره ان فى سن معين للزواج لو مر مرور الكرام ولم يتزوج فيه الشاب لسبب او لاخر فأنسى بقى ممكن يعدى سنين كتير كمان وكله محصل بعضه

يعنى فى زمننا اللى كانت مش بتتخطب وهى بتدرس كان بيبقى قلق فى البيت البنت كبرت وهاتتخرج ولسه ما اتخطبتش؟؟؟

دلوقتى الوضع اختلف تمامااااا...وعلى النقيض الاقى طلبه وبيخطبوا وبيتجوزوا بمساعده الاهل طبعا

من الاخر انا مابقتش شايفه مقياس ثابت لموضوع السن فى الجواز ...هو رزق من الله وقت ما ييسر اموره للبنت او الولد بيرزقه وخلاص

خرجنا من موضوعونا صح ؟؟

اخويا العزيز الغريب ..المتغرب وبيحلم بالرجوع :)

تسلم على الكلام الحلو فى حق بنوتى ..بس للامانه والله انا لا اخفى اى شىء عن زوجى حتى فيما يتعلق بالبنات بالذات لانى على يقين وثقه تامه فيه والحمد لله انه هايحافظ على عهدنا سوا اننا نعمل لصالح ولادنا دايما فيما لايضرهم ابدا ولا يجرح مشاعرهم فى السن ده

وعلى فكره ابو البنات بردوا الله يكون فى عونه مش ماديا لاء ....نفسيا

انا ماليش اخوات صبيان على فكره وعشت الاحساس ده مع والدى

الغريب خد دى

[om marawan]

اولا وحشتيييييييينا جدااااا

تانى حاجة انا مش هاعرف اضيف لان كلام كتير مهم جدا اتقال

انا هاركز هاعمل زووم على نقطة واحدة

انها تحسس لما تسمعها تحسسها انها فهماها وعارفة هى ممكن تحس بايه

ممكن تكون البنوتة مش مهتمة بالموضوع اطلاقا

اكن اكيد هيلفت نظرها وتفكيرها خطوة الولد ناحيتها

لكن مامتها ممكن توضح لها انه مشاعر الولد صعب تكون حب فعلا

لانه الانسان محتاج سنين يكون فيها شخصيته ويفهم هو بيحب ايه فعلا

ممكن مع الوقت تفكيره ومشاعره ناحيتها تتغير

لانه مش حب حقيقي

بحس البنت في المرحلة دي مش عايزة تقرب من مامتها....علي عكس المتعارف...الحقيقة...لاني كنت بشوف ماما هو النموذج المسيطر بتاع النصايح و الارشادات و موعظة المساء

يعني حتي لما كانت تيجي تفضفض معايا...لازم برضه تحدف في الاخر علي نصيحة مباشرة كده

دلوقتي الموضوع اتغير تماما

أيواااااااا

ده مربط الفرس

لانه البنت فى السن ده بتتقبل نصيحة صديقاتها لكن اول ما ماما تلمح بنصيحة

على طول البنت -أو حتى الولد- بتقفل وتاخد جنب من غير ماحد يحس

عشان كده خللى مامتها تحاول فى الكام مرة الاولى فى الحوار انها تسمع بس

وزى ما المحاوراتية الافاضل قالوا تمسك نفسها عن العصبية

كأنها بتسمع لصديقة

وتبتدي تقول رأيها فى المرات بعد كده بشكل غير مباشر

واهم نقطة انها تديها ثقة تامة فى ان اى موقف يحصل مهما كان شكله غلط لازم تحكيلها

مش مهم نركز على العقاب وقتها

قد ما مهم انها تركز انها تكسب ثقة بنتها

لانها ممكن النهارده تعاقبها على اى تصرف

لكن لا قدر الله تخسر صداقتها فى وقت تكون بنتها محتاجة لها تماما

صحيح ان اولادي صغيرين لكن ابو مروان حط اساس انه اى حد فيهم يعمل اى تصرف مهما كان غلط

لازم يحكي عليه ولوقال عمره ماهبتعاقب مهما كانت المشكلة

طبعا هى عشان سنهم كلها حاجات بسطية زي مين شخبط على الحيطة مين دلق العصير على البدلة

لكن هي بس فكرة بيحاول يرسخها انه اللى يغلط مايستخباش ولا يكدب

لكن ييجي بسرعة يحكي

لانه الاهم اننا نكون جنبهم لما يغلطوا وهم لسه بيتعلموا وماندفعهمش للكدب

من اننا نعاقبهم وبعد كده تبقا حياتهم مقفولة بعيد عننا

بس المهم انا مبسوطة من الولد ده جداا

مش عشان جه يحكي وكده

لأ عشان خلا القلب الابيض تيجي تحكيلنا عشان وحشتنا

وعشان كمان قريت اراء كتير جميلة جداا اتعلمت منها كتير

وربنا يعين ياجماعة ويحفظهم جميعا

الورد الاخرانية دي لبنوتتك الجميلة ربنا يحميها يارب ياقلب ابيض