إفرح يا قلبي لك نصيب . هانصلح بيئة العراق يا جدعان

[se_ Elsyed]

المساء .. وانا عنية مغشلقة ولسه ماشربتش القهوة

القاهرة أولاً.. ياسيادة الوزير

كتب رءوف فايد:

أكد المهندس ماجد جورج وزير البيئة أنه سيتم اعداد خطة عمل تستهدف تحسين الأحوال البيئية في العراق بعد ظروف الحرب الصعبة التي عاشتها خلال الفترة الماضية والتي انعكست سلبا علي مختلف الموارد الطبيعية والبيئية وساهمت في تلوث الهواء والماء والتربة.

قال الوزير: إن الوزارة بكافة خبراتها الفنية علي استعداد تام للمشاركة في عمليات تحسين البيئة العراقية.. مع اصدار التشريعات البيئية التي تساهم في حماية البيئة وزيادة الوعي البيئي في العراق.

كان الوزير قد التقي مؤخرا مع د. مشكاة مؤمن وزيرة البيئة العراقية التي طلبت الاستفادة من التجربة المصرية الرائدة في المجالات البيئية المختلفة. المعروف أن القاهرة من أكثر المدن العربية تلوثا.. ويكفيها السحابة السوداء.

زغرطي يا ام محمد .. إفرحي يا ام إبراهيم .. اخرة صبرنا صلحنا بيئتنا وإبتدينا ندور على بيئات الجيران نصلحها ... أما وزراء بيئة صحيح ... ما هم دول رجالة الحزب الوطني .. بوؤ على الفاضي وبتوع كلام فض مجالس ..

قال القاهرة اللي تُعد ظاهرة فريدة من نوعها في العالم من حيث التلوث بمختلف انواعه .. هوائي وسمعي وبصري وتلوث بشري .. والا الرز وقش الرز .. يا عيني عليه بالشعرية والسحابه السودا الجميلة مغطية سماء القاهرة وتحجب قرص الشمس الدامي في ساعة الشفق ... يا رجال إجري إلعب بعيد ودورك على بدل سفر تاخده او مكتب تلزقه سيراميك وسيب البيئة لأصحابها ودع الملك للمالك .

بس حاجة تطمن فطالما أخينا البيئة بدا تصريحاته كده يبقى هايعمر وهايلزق في الكرسي . ..

[Farah]

تعرف ياسي السيد الموضوع بتاعك ده بيفكرني بمثل بيقول

سابت ابنها يعيط وراحة تسكت ابن الجيران

[se_ Elsyed]

تعرف ياسي السيد الموضوع بتاعك ده بيفكرني بمثل بيقول

سابت ابنها يعيط وراحة تسكت ابن الجيران

طب تصدقي بالله ما احنا كنا هانفرح برضوا لو ساب ولادنا يعيطوا وراحوا سكتوا ولاد الجيران وظبطهم .. إنما دول لا نافعين مع ولادنا ولا مع ولاد الجيران وولا في أي حاجة خالص ... فخلال فترة قصيرة جداً تم تغيير 3 وزراء للبيئة .. فماذا كانت المحصلة ؟ انا أقول لك :

1- ألقاب بيتم تفريقها .... ده وزير وده مدير مكتب الوزير وده فراش اول الوزير .

2- ميزانيات ومرتبات وبدلات وعمولات وفانلات وشربات .. وكله من فلوس الشعب .. وبرضوا مافيش حاجة بتتم .

3- إتهامات متبادلة بين المحافظات وكل واحد بيرمي البلوى على التاني ... السنة اللي فاتت محافظة القليوبية كانت على وشك إنها تحرك جيوشها لتدك حصون الاعداء المرابطين في قلعة محمد علي والذين يدافعون عن محافظة القاهرة .. حيث إن محافظ القليوبية ( محافظ القاهرة حالياً ) إتهم محافظة القاهرة في إنها السبب في السحابة السودا !!!!! طب إزاي يا عم قليوبي ؟ طب هو احنا عندنا رز فبنحرق القش بتاعه في القاهرة ؟... فجاني واحد من العالمين ببواطن الأمور وقال لي ما تفهم بقى يا س س يابو مخ مفلفل .. إنت مش ساعات بتلاقي ستات بيوت من كتر وقفة البلكونة والرغي مع الجيران عشان بيجيبوا في سيرة فلانه وعلانة وترتانة .. تقوم الواحدة من دول تسهى وتنسى الرز عالنار يقوم يشيط .. فالشياط ده مش بيبقى أسود ؟ قلت له آه ليه .. قال لي اهو هو ده سبب السحابة .... إفهم بقى .

4- وصول بعض المناطق لمرحلة ما بعد الكارثة .. مثل مناطق طره الأسمنت وحلوان ودار السلام وبعض مناطق المعادي ومنشية ناصر والمناطق القريبة من محافظة القليوبية ولا ننسى قلب المدينة رمسيس والتحرير ونفر واحد عتبه عتبه ... والا مئات المصانع اللي بتصب مخلفاتها الكيماوية السامة عيني عينك في مياه النيل ونيجي إحنا من الناحية التانية ونشرب ونقربع وولا على بالنا واللي عايز يشوف ده يطلع على اول الطريق الزراعي واني مسافر .. اللي بيبدأ بعد شبرا الخيمة او من عند منطقة مسطرد ويشوف بعينه المواسير الضخمة اللي طالعه من المصانع و بتصب في ترعة الإسماعيلية .

هل يستطبع ان يخبرنا سيادة وزير البيئة بخطتة لمكافحة التلوث وإزالة أثاره التي تسبب كوارث في صحة الشعب المصري وأصبح التلوث يحاصرهم براً وجواً وبحراً ؟

يا سيادة الوزير إتفضل على مكتبك وإلتزم بساعات العمل الرسمية من 8 إلى 2 وإشرب قهوتك وإقرأ جريدة الجمهورية الغراء .. وقضي أيامك .

[ragab2]

صحيح

شر البلية مايضحك

أكيد السيد الوزير بيهزر

لكن الجمهورية أخذتها على محمل الجد

وصحيح

باب النجار مخلَع

[mnman]

تحسين البيئة

دة احنا عالم بيئة!!!!! :P :P

اعتقد انهم حيحسنوا الناس البيئة مش البيئة!!! mf(