لو ما قعدش ساكت حاحبسك فى اوضة الفيران- مين بيخاف من الفيران

[اغابي]

مين فينا بيخاف من الفيران

طب اوضة الفران ؟؟

انا لو شفت فار بجد مش كلام ممكن ارمى نفسي من البلكونة اهون من انه يجرى فى كل مكان حواليا

لكن الخبر اللى هانزلكم بيه داه - خبر غريب وعجيب ومستفز

مش عارفة ليه افتكرت فلم صغير على الحب وبالاخص المشهد الى فيه نادية الجندى بتخوف سعاد حسنى

وتقولها تيري يا عبيطة - ابيه كمال ما بيحبش البنات اللى زيك وهيضربك طاخ طيخ طوخ - وهيحبسك فى اوضة الفرااااان

وسعاد حسنى اترعبت كدا وكدا يعنى ;) وصرخت - يا مامى - لا والنبي يا ابلة نادية انا بخاف من اوضة الفراان ما تخليش ابيه كمان يحبسنى

غرفة خاصة للفئران في منزل عائلة بريطانية

عادة ما يؤدي العثور على فأر في منزل الى المسارعة الى استدعاء فرقة مكافحة القوارض للتخلص من ذلك «الضيف» غير المرغوب فيه، لكن الفئران تجد كل الترحيب والتدليل في منزل الزوجين البريطانيين كيفن وكيت راتراي اللذين يقتنيان 28 جرذاً ويخصصان لها غرفة منفصلة في منزلهما الكائن في مقاطعة يوركشر الانكليزية.

الزوجة كيت البالغة من العمر (31 عاماً) وصفت الجرذان بأنها «مخلوقات ذكية وتفاعلية». وأضافت قائلة: «بمجرد أن نعود الى المنزل من العمل، تسارع جرذاننا الى استقبالنا بحرارة حيث تتسلق اجسادنا وصولاً الى أكتافنا. أستطيع التأكيد على ان هذه الجرذان تتمتع بروح الولاء والاخلاص». أما زوجها كيفن فقال انه كان ضد فكرة اقتناء جرذان في المنزل في بادئ الأمر، لكنه سرعان ما اقتنع بالفكرة بعد ان أدرك بنفسه أن «الجرذان لا تسبب اي أذى، كما انها لا تختلف كثيراً عن القطط والكلاب والحيوانات الأليفة الأخرى» على حد تعبيره.

تم تعديل 22 يناير 2011 بواسطة اغابي

[mekkawy]

ويلكم باك يا مسز أغابي .. أيوة كدة اتحفينا بالحاجات اليخ دي :happy:

شوفي يا ست الناس .. هو انا بأكره الفيران كره العمى لكن ما بأخافش منهم .. و خليني أحكيلكم على تجربتي مع هذا الجنس اللطيف .. بس الأول أعلق ع الخبر .. طبعاً الست دي فيرانها عاملين كدة زي القطنة ما بتكدبش .. بيض و حلوين و مش بعيد يتاكلوا عندنا في مصر .. لكن أظن الست دي لو عايشت فار مصري أصيل كدة هتكره الفيران و نفسها و عيشتها السودا .. المهم .. أحكيلكم الحكاية

كان عندي فار مسكين صغنتوت عايش في البوتاجاز .. و كل لما أم سلمى تخش تولع الفرن يطلع يسلم عليها و في يوم جاله الشاطر مكاوي بعصاية المقشة .. الفار يجري و الشاطر مكاوي يجري وراه في المطبخ لحد ما استخبي ورا دولاب المطبخ .. و في الاخر رجع للبوتاجاز تاني .. الشاطر مكاوي قعد يفكر قعد يفكر .. و راح هوووووب واخد البوتاجاز على البلكونة و راح مولع كل العيون و الفرن و الشواية عشان يعهمل فار مشوي ع الفحم .. المهم الفار سخن طلع يجري ع البوتاجاز راح طااااااخ الشاطر مكاوي مديله بالشلوت موقعه في الشارع.

و توتة توتة خلصت الحدوتة .. حلوة ولا حلوة؟

مكاوى .. حواديت

[mekkawy]

حكاياتي مع فيراني

و ذات يوم من الأيام رجع الشاطر مكاوي من الشغل و اتغدى و دخل يغسل ايده في الحمام .. و أول ما دخل ... لقى فار جميل مدملج و حلو كدة قاعد في البانيو بياخد دش و بيبرق بعنيه الحلوين الدوبلي .. راح الشاطر مكاوي زق ست الحسن و الجمال برة (سلمى) و قفل الباب عشان ينقذها من السنة اللهب المنبعثة من فم الفار الشرير .. و قال للفار بحماس يا انا يا انت النهاردة يا فار يا ابن الفار .. واحد فينا بس هيطلع من الحمام حي يرزق .. و طاخ طيخ طوخ و بضربة مركزة من المساحة أسقط الشاطر مكاوي الفار ضحية دش في البانيو و شاله على الجاروف و رماه في الشارع للقطط تنهش فيه ... يععععععععععع

الشاطر مكاوى

[اغابي]

ويلكم باك يا مسز أغابي .. أيوة كدة اتحفينا بالحاجات اليخ دي :happy:

شوفي يا ست الناس .. هو انا بأكره الفيران كره العمى لكن ما بأخافش منهم .. و خليني أحكيلكم على تجربتي مع هذا الجنس اللطيف .. بس الأول أعلق ع الخبر .. طبعاً الست دي فيرانها عاملين كدة زي القطنة ما بتكدبش .. بيض و حلوين و مش بعيد يتاكلوا عندنا في مصر .. لكن أظن الست دي لو عايشت فار مصري أصيل كدة هتكره الفيران و نفسها و عيشتها السودا .. المهم .. أحكيلكم الحكاية

كان عندي فار مسكين صغنتوت عايش في البوتاجاز .. و كل لما أم سلمى تخش تولع الفرن يطلع يسلم عليها و في يوم جاله الشاطر مكاوي بعصاية المقشة .. الفار يجري و الشاطر مكاوي يجري وراه في المطبخ لحد ما استخبي ورا دولاب المطبخ .. و في الاخر رجع للبوتاجاز تاني .. الشاطر مكاوي قعد يفكر قعد يفكر .. و راح هوووووب واخد البوتاجاز على البلكونة و راح مولع كل العيون و الفرن و الشواية عشان يعهمل فار مشوي ع الفحم .. المهم الفار سخن طلع يجري ع البوتاجاز راح طااااااخ الشاطر مكاوي مديله بالشلوت موقعه في الشارع.

و توتة توتة خلصت الحدوتة .. حلوة ولا حلوة؟

مكاوى .. حواديت

ضحكتنى اوى يا مكاوى يا برنس

وكدا وانت بتتعامل بكل شجاعة مع فار مستخبي فى البوتاجاز

طب تصدق لو قولتلك انى عمرى ما اتعرضت للتجربة دى فى حياتى زمان - فى بيت بابا كنت فقط اسمع خربشة فى المطبخ او اى مكان اللى بس افهم منه ان فيه فار - او بمعنى فى اشارة بتوصل للمخ - انذار هنا يوجد فار - بعدها بقى ما تشوفش وشي تانى فى البيت لغاية ما يبعتولى اى حد مرسال - فى المكان اللى انا لجأت فيه فى المنطقة المحيطة -

يقولى ارجعى البيت يا باتعة خلاص بابا بيقولك هو موت الفار

الدار امان ومفيش فيران

وبالنسبة للصورة استنى انزلك بيها اكبر شوية

لا بس برضوه سواء الفار ابيض اخضر بنفسجي انشالله ميت حتى - الا الفار

فار

يا خبررررررررر

تم تعديل 22 يناير 2011 بواسطة اغابي

[capitshino]

فاكرين فيلم المولد بتاع عادل امام ... لما علق للراجل الرمانة !!!

اهو انا فى واحد صاحبى كل هواياته انه يعلق للفئران الرمانة

يحط قطعة جبنة ولا طماطم فى مصيدة الفئران والفار اللى يدخل يبقى اتكل .

يملى "جردل" مايه ويبدء ينزل المصدية بالفار فيه واحدة واحدة

هوايه مقرفة مش كده ؟؟؟

[Dreamwithme]

أصل يا أغابي الثقافة مختلفة خالص وبعدين الفئران نفسها مختلفة يعني الفئران البيضاء النظيفة دي متخوفش

بصي أنا كنت كلية صيدلة كنت الأول بأخاف من الفئران في الكلية وبعد التعود دلوقتي ما بخافش من الفئران البيضاء الصغيرة بتاعت المعمل دي بالعكس بيصعبوا عليا

لكن طبعا الفئران السوداء الكبيرة اللي في الشارع دي مقرفة قوي وأكيد أخاف منها

بس أنا ما قابلتش فأر قبل كده غير الفأر الأبيض الصغنن في الكلية

بس الشئ المؤكد أني لو لقيت صرصار كبير في الشقة ممكن جدا أسيبله الشقة وأمشي لغاية ماحد يجي يخلص عليه

[اغابي]

فاكرين فيلم المولد بتاع عادل امام ... لما علق للراجل الرمانة !!!

اهو انا فى واحد صاحبى كل هواياته انه يعلق للفئران الرمانة

يحط قطعة جبنة ولا طماطم فى مصيدة الفئران والفار اللى يدخل يبقى اتكل .

يملى "جردل" مايه ويبدء ينزل المصدية بالفار فيه واحدة واحدة

هوايه مقرفة مش كده ؟؟؟

انت يا كبتشينو صاحب فكرة الرمانة ولا صاحبك

انا بابقى شمتانة جدا فى الفيران وبافرح بتعذيبهم

عاوزة ابعتله جواب شكر لصاحبك داه - بلغه تحياتى ومزيد من العذابات للفئران المقززة

يا مبدع

تم تعديل 22 يناير 2011 بواسطة اغابي

[capitshino]

صاحب الفكرة هو مؤلف فيلم المولد .

تحياتى لكى

[ابو محمد بن مصطفي]

اغابي

صباحك ياسمين هندي ... خالي من الرعب

طبعا معظمنا بنخاف موت من الفيران وخصوصا الجنس اللطيف.

واحب ان احكي عن معايشتي مع الفيران

في سن المدرسة كنت اعتقد ان الحجرة اسفل السلم في المدرسة دي حجرة الفيران اللي بيخوفونا بيها علشان نقعد ساكتين ومنعملش صوت

وظل هذا الاعتقاد راسخا في عقلي الباطن الي ان وجت بواب المدرسة خارج منها قلت ازاي الرجل ده قادر عيش وسط الفيران ...

قلت بيني وبين نفسي يمكن كان في الاوضه بيحطلهم اكل علشان يكلوا ولا يمكن فيه عيل عامل مشاكل في الفصل وحطينه للفيران يعلبوا بيه ...

واتذكر وانا طفل كنت اذهب في الاجازة الصيفية الي الصعيد كنت اقضي طوال الاجازة في الغيط يصتحبني جدي يوميا في الصباح الي الارض ....

لاحظت في يوم حصاد القمح .... العمال قاعدين بيشوا حاجة كده ويتخنقوا عليها لما تستوي وكله عايز حته ....

لما سئلت جدي عن ماذا يأكلون

قلي دول بيشوا فيران اللي موجوده في محصول القمح (فيران جيريل).

انا سعتها قلت ايه فيران .... قللي ايوه يا مصطفي هي ده الحقيقة وبطل كلام بقي خليهم يشتغلوا.

الاكاده بقي لما اشتغلت اول مكان اشتغلت فيه.... كان مركز للابحاث

وكان عندهم معمل مكتوب عليه حيوانات التجارب

انا قلت يبقي يعني ارانب ... ضفاضع ممكن... خنافس يجوز

دخلت في يوم لقيت كل الحيوانات عبارة عن

فيران ومشتقاتها

فيران بيضا .... فيران هامستر ..... فيران بني ..... فيران رمادي

وعلي فكرة في ناس في الهند واليابان بلد التكنولوجيا في ناس بتعبد الفيران

شوفي بقي لما ناس تعبد حاجة ناس تانية بتضربها بالشبشب.

ومن خلال تجاربي مع الفيران وخبرتي الطويييييييييييييله

اقر واعترف ان

انا مبخفش من الفيران اطلاقا

انا بترعب بس

[اغابي]

حكاياتي مع فيراني

و ذات يوم من الأيام رجع الشاطر مكاوي من الشغل و اتغدى و دخل يغسل ايده في الحمام .. و أول ما دخل ... لقى فار جميل مدملج و حلو كدة قاعد في البانيو بياخد دش و بيبرق بعنيه الحلوين الدوبلي .. راح الشاطر مكاوي زق ست الحسن و الجمال برة (سلمى) و قفل الباب عشان ينقذها من السنة اللهب المنبعثة من فم الفار الشرير .. و قال للفار بحماس يا انا يا انت النهاردة يا فار يا ابن الفار .. واحد فينا بس هيطلع من الحمام حي يرزق .. و طاخ طيخ طوخ و بضربة مركزة من المساحة أسقط الشاطر مكاوي الفار ضحية دش في البانيو و شاله على الجاروف و رماه في الشارع للقطط تنهش فيه ... يععععععععععع

الشاطر مكاوى

طب سؤال صريح فصيح

مكاوى جاوب وبدون اللجوء للتلعب فات فات - الاجابة تكون واضحة - هنا السؤال مش عن فار كان فى البانيو

بياخد غطس ولا فار مستخبي فى البوتاجاز - انا بسالك لو انت حقيقي موجود فى اوضة كلها فيران - اوضة فيران يعنى - هتتصرف ازاى

عاوزة اشوف الشاطر مكاوى هيتصرف ازاى

جاوب

جاوب

داه الفيران بتخوف القطط دلوقتى - بجد القطط بتخاف من الفيران مش العكس

فيران متوحشة

[se_ Elsyed]

في بيتنا البتاع داهو

من فضلك دوس عالفار بشويش

[اغابي]

أصل يا أغابي الثقافة مختلفة خالص وبعدين الفئران نفسها مختلفة يعني الفئران البيضاء النظيفة دي متخوفش

بصي أنا كنت كلية صيدلة كنت الأول بأخاف من الفئران في الكلية وبعد التعود دلوقتي ما بخافش من الفئران البيضاء الصغيرة بتاعت المعمل دي بالعكس بيصعبوا عليا

لكن طبعا الفئران السوداء الكبيرة اللي في الشارع دي مقرفة قوي وأكيد أخاف منها

بس أنا ما قابلتش فأر قبل كده غير الفأر الأبيض الصغنن في الكلية

بس الشئ المؤكد أني لو لقيت صرصار كبير في الشقة ممكن جدا أسيبله الشقة وأمشي لغاية ماحد يجي يخلص عليه

صدقيني الفار مش ممكن داه لو فى الشارع ولمحت خياله من بعيد اصوووووت

طب انت عارفة الفيران الامورة اللى بتتكلمى عنها دى - بيتهيئلك تلاقيكي كنت بتموتى من الرعب منها فى المعمل بس ربنا بيدي الانسان قدرة على تحمل الصعاب والمصايب فى وقتها

وبعد ما يخرج من الموقف الصعب يكلم نفسه ازاى يارب انا قدرت اتحمل الموقف الصعب داه

انت عارفة اللى مليين التوبيك هنا شجاعة وقصص خرافية دول عن الفيران - واولهم مكاوى برنس - ولو جه فار فجأه دخل علينا التوبيك هنا و احنا وبنحكى كدا

مش هتشكوفى وش ولا واحد فى المحاورات تانى

الحكاوى حاجة والواقع حاجة تانية - انا متاكدة من اللى ممكن يحصل

انا ما بخافش من العفاريت - لكن اترعب من الفيران

تم تعديل 22 يناير 2011 بواسطة اغابي

[MZohairy]

حكايتي مع الفيران

انا انا اللي بينكم هنا مشيت ولا اشتكيت

و لا جيت في يوم بكيت و لا قلت يوم انا انا

لا عتاب حيشفي جراح ولا حيجيب اللي راح

دي حكايتي مع الفيران حكايتي مع الفيران

رسملي على السما جنه فيها الهنا

و قال حنعيش هنا قلت احلوت سنيني

و بنالي في الخيال قصور من الآمال

و قال مفيش محال نمت و غمضت عيني

دي حكايتي مع الفيران

من زمان (بتاع 19 سنه كده) و ايام ما كنت لسه جديد في السعوديه و ماعندناش ولاد و نايمين بالليل و اذ نسمع صوت حاجه بتتحرك تحت السرير :blink:

ايه ده؟ لألألألأ دحنا رجاله قوي و مابيهمناش :closedeyes:

قولت لمراتي بشجاعه: ابعدي انتي انا حشوف ايه اللي تحت السرير bsh:)

شلت المرتبه و اذ افاجأ بفار عتيد

روحنا خارجين من الأوضه فورا و قفلنا الباب و نمنا في الصاله :closedeyes:

فات كتير على الكلام ده؟

4 ايام بلياليهم

و احنا الاتنين نايمين في الصاله و الفار نايم في اوضة النوم لوحده :sad:

نحطله سم نحطله لزق نحطله جبنه نحطله شيشه ....ولا الهوى و مفيش اي فايده

قولت ما بدهاش بقى ياض يا Mzohairy

رحت لابس الجزمه الكاوتش

و رابط راسي بأستك زي بيورن بورج بطل العالم في التنس و واخد عصايه محترمه و داخل و قافل عليا الباب

و بقينا انا و هو ولا حد تالتنا انا و هو انا وهو و بس

بذلت مجهود خرافي في تتبعه لغاية ما ربنا وفقني و عرفت اخرجه من مكمنه

و طاردته لغاية ما لقيته بيتسلق سلك التكييف و طالع متجه لشباك التكييف علشان يستخبى جواه

وقفت قصاده و انا ماسك العصايه

و تربصت له و بقينا وجها لوجه :blink:

و عنينا جت في عنين بعض (كأنه بيبصلي البصه الأخيره)

و بكل ما اوتيت من قوه رزعته عصايه على دماغه و دماغ اللي جابوه

وقع على الأرض بدون اي حركه

جبت منديل و كفنته و رميته في الزباله و انا حاسس بزهو smk:

و رجعنا ننام تاني في اوضة النوم بسلام

[اغابي]

اغابي

صباحك ياسمين هندي ... خالي من الرعب

طبعا معظمنا بنخاف موت من الفيران وخصوصا الجنس اللطيف.

واحب ان احكي عن معايشتي مع الفيران

في سن المدرسة كنت اعتقد ان الحجرة اسفل السلم في المدرسة دي حجرة الفيران اللي بيخوفونا بيها علشان نقعد ساكتين ومنعملش صوت

وظل هذا الاعتقاد راسخا في عقلي الباطن الي ان وجت بواب المدرسة خارج منها قلت ازاي الرجل ده قادر عيش وسط الفيران ...

قلت بيني وبين نفسي يمكن كان في الاوضه بيحطلهم اكل علشان يكلوا ولا يمكن فيه عيل عامل مشاكل في الفصل وحطينه للفيران يعلبوا بيه ...

واتذكر وانا طفل كنت اذهب في الاجازة الصيفية الي الصعيد كنت اقضي طوال الاجازة في الغيط يصتحبني جدي يوميا في الصباح الي الارض ....

لاحظت في يوم حصاد القمح .... العمال قاعدين بيشوا حاجة كده ويتخنقوا عليها لما تستوي وكله عايز حته ....

لما سئلت جدي عن ماذا يأكلون

قلي دول بيشوا فيران اللي موجوده في محصول القمح (فيران جيريل).

انا سعتها قلت ايه فيران .... قللي ايوه يا مصطفي هي ده الحقيقة وبطل كلام بقي خليهم يشتغلوا.

الاكاده بقي لما اشتغلت اول مكان اشتغلت فيه.... كان مركز للابحاث

وكان عندهم معمل مكتوب عليه حيوانات التجارب

انا قلت يبقي يعني ارانب ... ضفاضع ممكن... خنافس يجوز

دخلت في يوم لقيت كل الحيوانات عبارة عن

فيران ومشتقاتها

فيران بيضا .... فيران هامستر ..... فيران بني ..... فيران رمادي

وعلي فكرة في ناس في الهند واليابان بلد التكنولوجيا في ناس بتعبد الفيران

شوفي بقي لما ناس تعبد حاجة ناس تانية بتضربها بالشبشب.

ومن خلال تجاربي مع الفيران وخبرتي الطويييييييييييييله

اقر واعترف ان

انا مبخفش من الفيران اطلاقا

انا بترعب بس

شكرا جدا يا مصطفى

احيك على شجاعتك

اللى خباها الكثيرين من اصحاب الشنابات - قصدى الرجالة يعنى اللى كل واحد داخل التوبيك وعامل فيها عنتر

احييك على صارحتك دى - بس انت غلط غلطة وهتدفع تمنها لو شمت خبر بينا لماضة

ليه بتجيب سيرة شمشون - قصدى هامستر لان لماضة معاها هامستر -

و كل يوم بتحميه وتغطيه وتنيمه فى سرررررريرهم - قلب الام بقى

- انا عارفة ان لماضة هتيجي تزورنا فى التوبيك وتجبلنا هامستر معاها

مع انى انا لو طلعلى الهامستر داه او مشتقاته - مش عارفة

لكن يا ابو محمد برغم ان قصتك ماساوية اوى - لكنها مليانة صدق

اللى يخاف يقول

[مغتربة]

فاكرين فيلم المولد بتاع عادل امام ... لما علق للراجل الرمانة !!!

اهو انا فى واحد صاحبى كل هواياته انه يعلق للفئران الرمانة

يحط قطعة جبنة ولا طماطم فى مصيدة الفئران والفار اللى يدخل يبقى اتكل .

يملى "جردل" مايه ويبدء ينزل المصدية بالفار فيه واحدة واحدة

هوايه مقرفة مش كده ؟؟؟

لا لا حرام مش للدرجه دى صاحبك دا اكيد عنده ميول ساديه

دخل المصيده يبقى خلاص يرميه فى اى حته بره البيت

القتل مش هو الهدف ذاته لكن اخراجه من البيت

عن نفسى ميجليش ابدا قلب اعمل كدا

[capitshino]

فاكرين فيلم المولد بتاع عادل امام ... لما علق للراجل الرمانة !!!

اهو انا فى واحد صاحبى كل هواياته انه يعلق للفئران الرمانة

يحط قطعة جبنة ولا طماطم فى مصيدة الفئران والفار اللى يدخل يبقى اتكل .

يملى "جردل" مايه ويبدء ينزل المصدية بالفار فيه واحدة واحدة

هوايه مقرفة مش كده ؟؟؟

لا لا حرام مش للدرجه دى صاحبك دا اكيد عنده ميول ساديه

دخل المصيده يبقى خلاص يرميه فى اى حته بره البيت

القتل مش هو الهدف ذاته لكن اخراجه من البيت

عن نفسى ميجليش ابدا قلب اعمل كدا

ماهى برده الفئران مش عبيطة

بعد فترة عملو حاجة "بس هى مقرفة شوية" ومبقاش يدخل اى فار للمصيدة .

[Howayda Ismail]

اولا حمد لله على سلامتك يا اغابى

ايوه كده نورتى المحاورات من جديد بس اول ماتبتدى فيران ...فيران يااغابى

بس فكرتينى بحادثتين مش باقدر امسك نفسى من الضحك لما يجوا على بالى

الاولى وانا عندى حوالى عشر سنين وقتها كانت ميناء الخشب مفتوحة جديد والفيران مش فيران

زى ماتكون قطط بس قلبت وجاية فى المراكب من برة وسرحت على الشوارع وانت ورزقك بقى وطبعا نبنا من الفيران

واحد يومها والدى كان راجع من الشغل بيحكى عن اصحابه ماسكين الفيران بطريقة الرمانة وبيرقصوهم قامت والدتى

قالته طيب الحق شوفلنا اللى فى البلكونة ويمكن يكون دخل الشقة سامعين خروشته من بدرى بس مش عارفين مكانه

اخدوا حوالى ساعتين قالبين الشقة والبلكونة ومافيش حاجة طمنا وقال ده مشى خلاص

والدتى دخلت البلكونة مطمنة ولكن مافيش ثوانى وسمعنا دوشة وكركبة اتاريها بتعدل الكليم اللى كان موجود على

الجدار راح الفار ناطط عليها وراح داخل الشقة فى الوقت ده اختى الصغيرة خمس سنين كانت بتحب تقعد فى مدخل

باب الاوضة وتصدر رجلها فى الباب وعلى حظها المنيل كانت جبنة تركى قدامها بتاكل منها مد بوزه فى الجبنة

وخطف حتة ونط فوق رجلها ولانه تخين فحركته كانت بطيئة قدرنا نشوفه كلنا وانا واخواتى بقينا نجرى نخبط فى بعض من

الخوف منه لكن والدى زنقه فى الحمام وموته وقعدت مدة طويلة مادخلش البلكونة خصوصا بالليل

تانى مرة بعد ماتزوجت كنت بازور امى فى الوقت ده البيت الملاصق لبيتها فى مخزن ورق بمجرد فتح بابه الفيران تخرج

واقرب باب لهم بيتنا وكنت طالعة على السلم باولادى واختى باولادها وكنت اول واحدة اوصل الشقة وسمعت العيال

بتصرخ تحت فار بيجرى تحت رجليهم طالع على السلم لاقيت نفسى جريت دخلت الشقة وقفلت الباب ورايا فى وشهم

اتاريه عدى على رجل اختى الكبيرة وطلعت بهدلتنى بتقولى انا حاطلع اخنقك على ضوافره الخشنة اللى خربشتنى

وانت السبب عشان قفلت علينا الباب رغم ان اختى دى جريئة و قلبها جامد وكانت بتشرح ضفادع وصراصير

الموضوع عندى انى باقرف منهم اوى وخصوصا البرص كنت حانط من البلكونة لما ايدى جت على واحد فى الشيش

لولا والدى مساكنى على اخر لحظة

كفاية ياختى احسن بيجوا على السيرة ربنا يجعل كلامنا خفيف عليهم

[اغابي]

في بيتنا البتاع داهو

من فضلك دوس عالفار بشويش

لا داه هامستر يا استاذ س س

شمشون لماضة - طيب هو صحيح يعتبر فار - فى اغنية لنانسي عجرم اسمها يا سلام يا سلام

كان فى مشهد فى الاغنية بتبوس الفار هو كان فار فعلا ولا ايه - ياريت اللى يعرف يقولى هو ايه اللى فى الاغنية وبتلعب معاه وشياله على كفة ايدهها كان ايه فااااااااار

شكرا على الجيتار

تم تعديل 22 يناير 2011 بواسطة اغابي

[قلب ابيض]

بموووووووووووت من الرعب من مجرد سيرتهم

عدوى فى الدنيا كلها والشىء الوحيد اللى لايمكن اتماسك عن الصراخ هو الفار حتى لو نونو فار

ولى معهم صولات فى بدايه جوازى ..كانت العماره لسه جديده وانا ساكنه فى اول دور وصاحب العماره واسرته فى الخامس..والعماره لسه تحت التشطيب فين ؟؟؟في النزهه الجديده

ولا كان مواصلات ولا بشر ..

كان معايا ابنى اربع شهور وانالسه صغيره وبدرس فى الكليه وسهرانه بذاكر وهو على رجلى وزوجى مش موجود ..وسمعت خرفشه فى الصاله افتكرته هو ...قلت له انت جيت ؟؟؟

شششششششش ولا رد

الله ؟؟

انت جييييييت ؟؟؟

ولا رد

ما بدهاش بقى خرجت انادى واتسحب عشان اخضه قبل ما يخضنى ...جوزى طبعا مش حاجه تانيه

الا والاقى اللى عمال رايح جاى حوالين الشباك والباب

وهى صرخه واحده ومتصله غير منقطعه الحقوووووووووووونى

وخطفت النونو بلفته وحافيه ورزعت باب الشقه ورايا طبعا ناسيه ان العماره فى مكان مقطوع ولا موبايل بقى ولا دياولوا ده حتى الشبشب اعزكم الله نسيته ...كويس انى افتكرت النونو اساسا

وقعدت مرعوبه فى الضلمه عالسلم اكتر من ساعتين بعيط وخايفه لا حد يخطف منى النونو او يتعرض لنا

لحد ما جه البطل الهمام اللى قابلته بعياط هيستيرى حلفت ما ادخل الا على جثت فرافيرو

الباقيه تأتى

تم تعديل 22 يناير 2011 بواسطة قلب ابيض

[masraweya]

اممممم

بعد الكلام اللي اتكتب مش عارفة اقول و لاّ لأ

هقول و أمري الى الله

مش بخاف منهم

بتقرف .. بالذات عشان عارفة بينقلوا أمراض

زي الصراصير .. بس الصراصير بطيئة فالتعامل معاها سهل ,, المشكلة في الفيران انها سريعة اوي .. و لما بتستخبى .. صعب توصلها

أما الفيران البيضة ,, فدول كانوا بيصعبوا عليا .. بس هريتهم تجارب و تشريح.. و العيال اللي كانت بتخاف (ولاد و بنات) كنت بستولي على فيرانهم و ضفادعهم .. و اشتغل

عملية جدا من يومي

:closedeyes:

أما الهامستر .. فابني بيحبهم(و انا كمان!) .. بس برده مبدخلوش البيت