سيدتى ...... هل تحنى الى العوده الى العمل .......؟؟؟؟ ولماذا؟؟؟؟؟؟

[pocy]

سيدتى ...... هل تحنى الى العوده الى العمل .......؟؟؟؟ ولماذا؟؟؟؟؟؟

اوقات ترادونى فكره العوده الى العمل كثيرا واظل ابحث وابحث وابحث الى ان اتعب لانى لا اجد ما يناسب بيتى وطفلي وهو الهدف الاسمي لي فى دنياي ولكنى احن اليه من وقت لاخر لاسباب كثيره ولكن عندما لا اجد ما يناسبنى وارى عمر امامى اقول لعل الله العلى القدير قدر لى ان اكون معه لاعتنى به

ولكن احساسي بالحنين الى الشغل يقلقنى ويقلق نومى كثيرا فكيف أذهب هذا الاحساس بعيدا ؟؟؟؟؟؟ وهل هناك من يعانى من نفس الاحساس ؟؟؟؟؟؟

ملحوظه : كنت اعمل من وانا فى الكليه حتى ولدت عمر وبقالى سنتين فى البيت واعانى من هذا الاحساس كل فتره ولا اعرف كيف اتخلص منه نهائيا فهل من معين ؟؟؟؟؟

[أهااات روح]

اولا صباح الفل عليكى وعلى عمووور

ثانيا تقريبا انا مثلك

انا اشتغلت سنة واحدة بعد التخرج ولما وكنت متزوجة بس لما جيت هنا لزوجى طبعا مش بسهولة اول اما تيجى هتلاقى الشغل منتظرك

وبعدها بفترة عرفنا انه فى بيبى فى الطريق ومن هنا( خلاص مش هينفع تنزلى الشغل) ده كلام زوجى وطبعا وافقت لانه اول طفل لينا ولازم الاهتمام والكلام المعروف ده

ولكن لما احمد افندى شرف وبدا يكبر وتقريبا هو فى نفس سن عمر (سنتين ونص) حسيت باحساس الحنين للشغل وعاوزة ارجع الشغل تانى

والحمد لله زوجى اقتنع برجوعى للشغل بس بعد سنين من الاقناع

ولكن اين هى فرصة العمل التى تناسب بيتى وابنى

وارجع اقول زى مانتى قلتى بالظبط

لعله خير يمكن ربنا سبحانه وتعالى شاء لى الاعتناء ببيتى وزوجى وابنى

[fatfouta]

بصى يا بوسبوس هقولك ذى ماذهبية قلتلك زمان...فاكرة؟؟؟

هاتى اخ لابنك او اخت يعنى....والنعمة لو بقى عندك طفلين ماهتفكرى فى الشغل وخصوصا لو انتى ظروفك ماتسمحش يعنى انتى فى غربة ومافيش جمبك ماما هتحطى العيال عندها وتبقى مطمنة عليهم معاها وعلى طريقة تربيتهم وان حد ذيك بالضبط بيرعاهم

مش عاوزة اعمم لان فيه ناس كتير بتشتغل وفى نفس الوقت عندها اطفال وبيوتهم ناجحة لكن ارجع برضو ان كل واحد وظروفه يا بوسى

يعنى انا كنت بشتغل لغايت ما محمد شرف وبعدين قعدت فى البيت مرت عليا طبعا فترات كتييييييير كنت هرجع الشغل تانى لكن ربنا شاء وسيبت مصر خالص :sad: .......لكن بعد ماحيبت بناتى دلوقتى انا مش بفكر فى الشغل لانى ماقدرش اسيبهم مع حد وابقى مطمنة قوى

يعنى انتى فكرى فى ابنك كده لو عاوزة تنسى الموضوع ده.....تبقى فى الشغل وتقعد دماغك تجيب وتودى ويا ترى الشغالة عملتله ايه والكلام ده؟؟ لو هتقدرى على كده اشتغلى

بس فى النهاية نصيحة هااااااتى اخ او اخت لعمر هتلاقى نفسك بتصوتى من عدم وجود وقت وحياتك

خدى دى kis)-

تم تعديل 24 يناير 2011 بواسطة fatfouta

[Howayda Ismail]

ياه يابوسى فكرتينى بحاجة فاتت عليها سنين رغم انى زيك من وقت للتانى احن للشغل برضه لدرجة كنت اوقات

ارى فى الحلم انى رجعته تانى

كنت باشتغل لحد قبل اسبوع من زواجى لانه رفض انى اشتغل لان ظروف شغله فى الوقت ده نظام وردية ومكنش حينفع

انى اشتغل لكن ولانى كنت باحب الوحدة مكنش فى اى مشكلة بالنسبة لى فى وقت الفراغ كنت باضيعه فى القراءة

او التلفزيون وافصل بايدى هدوم للبيبى اللى جاى

ورغم انى كنت فى بيت عيلة الا نادرا ماكانت اختلط بيهم ويمكن ده سبب لى مشاكل كتيرة من ناحيتهم وهناابتديت احن

للشغل لكن كان اصبح معى طفل ومحتاج رعاية طبعا ولانى من صغرى بحب الخياطة والشغل اليدوى التحقت بمركز الشبان

المسلمين عشان اتعلم اكتر وفعلا عملت بعض الحاجات لبيتى وشافها اصحابى وطلبوا منى اعملهم زيها فى البداية

عملتها على سبيل هدايا فى المناسبات لكن لما طلبوا لاقاربهم واصدقاءهم تحول لشبه مشروع منزلى لكن اهملته مع

الحمل التانى وبعدها ذهبت لمدرسة فيرا لتعليم الخياطة عشان اشغل فراغى

ودلوقت بعد مااولادى الثلاثة كبروا التحقت فترة بالاسر المنتجة لان فيها دورات كويسة جدا زى التطريز وتفصيل

الستائر والبراقع وغيره من الهوايات اللى لو اهتميتى بها تتدر ربحا وفى نفس الوقت تشتغلى فى بيتك وفعلا

المدربات هناك طلبوا انى اعمل اشغال واحطها فى المعرض واعمل اشغال للجمعية لكن ده حيتطلب وقت كبير حيكون

على حساب بيتى واولادى فرفضت واكتفيت يكون هواية لى ولبيتى مش اكتر

ورغم انى لى مصروفى الخاص من اول زواجى منفصل عن مصروف البيت ومش محتاجة الا انى كنت سعيدة انى لى دخلى

الخاص لان لحد دلوقت باتحرج اطلب فلوس خاصة لو كانت متعلقة بمجاملات بينى وبين صديقاتى ومناسبتهم

واكتر لو مناسبة من ناحية اخواتى واولادهم والعيديات ومناسبات النجاح واعياد الميلاد صراحة زوجى مش بيمانع

لكن باحس انه مش ملزم بالحاجات دى فبحاول اوفر من مصروف ايدى اللى بيدهونى عشانها لكن ساعات الزنانة تشتغل

واقول لو كنت فضلت اشتغل لدلوقت مش كان زمانى عملت قرش للزمن خصوصا كان مرتبى كبير وقت تركى العمل واقول الكلام

ده لوالدتى تقولى ولادك بالدنيا احسن من الف فلوس

فعلا يابوسى الاولاد نعمة اكبر واحسن من الفلوس لكن لو حنين الشغل واخدك دورى على اى عمل منزلى تعمليه يشغل

وقتك وفى نفس الوقت يحقق لك ربح خاص تتصرفى فيه بارادتك

يعنى عرفت ان فى ناس بتعمل شغل ترجمة من البيت وناس تانية بتعطى دروس خصوصية فى البيت وشفت ناس فى الاسر المنتجة

ميسورة الحال ورغم كده بشترك فى معارض كتير بمشغولات او اطعمة او حلويات وبتلاقى نجاح وربح كمان

دورى جواكى على حاجة بتحبيها وممكن تعمليها وانت فى البيت بتراعى عمورة وتدر ربح عليك حتى لو فى محيط

جيرانك ومعارفك واصدقاءك وافتكر قرات لك موضوع الللاسيه ممكن تجربى فيه

لكن كثرة تفكيرك فى الشغل مع عدم مقدرتك فى تحقيقه حيسبب لك ضيق وزهق وربما لاقدر الله اكتئاب حاولى وربنا يسهل

[اغابي]

نعم بالطبع احن

ولكن

للعودة الى الجلوس فى المنزل

وما اشتغلش

بس بشرط ان تبقى اعصابي رايقة

[المهندسه]

يااااااه يا بوسى انتى جيتى على الجرح اوى اوى اوى

انا طبعا و اكيد بحن للشغل اوى اوى انا اشتغلت بعد التخرج بشهر و فضلت اشتغل حتى بعد الجواز و مش كده و بس انا فضلت اشتغل لغايه يوم الولاده..

.فعلا فجأه فى الشغل حسيت بتعب و ولدت فى نفس اليوم بليل ...كل ده من عشقى لشغلى مع ان شغل الهندسه صعب على السيده لكن انا كنت بعشق مجالى جدااا

وبعد الولاده بشهرين بالضبط قطعت اجازه الولاده و نزلت الشغل بس لانى كنت قاعده الفتره دى مع ماما لحين ما اسافر لزوجى هنا فى السعوديه واشتغلت لمده 5 سنين لغايه ما بقيت نائب مدير القسم و فى عز النجاح ده سيبت الشغل علشان اسافر لزوجى و من حبى فى الشغل سيبته قبل السفر بأسبوع بس لاستكمال اوراقى...

وبعد ما كنت فى السمااااا اوى كده نزلت على جدور رقبتى و جيت السعوديه بقالى اربع سنين قاعده و طبعا الشغل مقفول بالضبه و المفتاح لان مافيش مهندسات بيشتغلوا فى السعوديه ....غير ان زوجى مش موافق اشتغل هنا فى الغربه علشان العيال هعمل فيهم ايه....

وبالرغم من انى ملخومه لشوشتى مع العيال الاتنين و مش عارفه اتنفس من العيال الفوق قلبى دلوقت حالا لكن فعلا يوميا حلم العوده للشغل بيراودنى بجنون ...لان ال جربت تشتغل و يبقى عندها فلوس خاصه بيها عمرها ما بتنسى الاحساس ده ابدا لدرجه انى بخطط لنفسى انى لو نزلت نهائى حتى لو بعد سنين طويله لازم اشتغل.. فى ايه وفين لسه مش عارفه وهل هينفع برده مش عارفه؟؟؟

انا ماما يوم ما طلعت معاش كان يوم اسود علينا كلنا و قعدت تعيط وتقول انها كده خلاص هتبتدى الايام تكبرها اكتر و اسرع لان الشغل بيشغل اوى الوقت و بيخلى الواحده ممكن تبص لبعض الامور بنظره هينه شويه غير القعاد فى البيت بيخلى الست تفكر اكتر حتى فى امور بسيطه وتافهه لكن تديها اكبر من حقها

[بركة]

يعني بيتهيألي ان الموضوع مش مستاهل الصراع ده كله

اتجوزتي وخلفتي وبقى فيه طفل او اتنين او اكثر

يبقى انا دلوقتي بشتغل لهم ام وكل حاجة ..ولا يمكن هحس بانجاز الا وانا عاملة اللي عليا معاهم

ودي مرحلة وبتعدي ....مسيرهم هيشدوا عودهم ويروحوا المدرسة

خلاص تبدأ المرحلة التانية ..ينفع اروح اشتغل طول ما هم في المدرسة الصبح

وهكذا ........

المفروض نحط اولوياتنا وبعدين نبرمج مخنا على ايه اللي مفروض يكون واللي مستحيل يكون ..

[ذهبية]

ياااااااااة يا بوسى لسة المووضع دة محيرك و تاعبك

انتى طبعا معاكى حق بالذات اللى جربت الشغل من سن ضغيرة و نشيطة و ذكية زيك لازم طبعا تتعب نفسيا جدا من قعدة البيت

بصى يا بوسى هو احنا فجاة كبرنا كدة و لا كبرنا حبة حبة هو احنا اللى اكلنا نفسنا من ساعة ما اتولدنا و لا امنا كانت معانا لحظة بلحظة هو احنا اللى علمنا نفسنا الحضن و الحنان و لا كانت ماما هى اللى بتحضنا و تدينا الحنان لية تحرمى عمورة من كل دةةة

لية علشان شغل معلش يتحرق الشغل فى سبيل ان ابنى يكون فى حضنى و يحس بحنانى و دافا وجودى فى حياتة و اسمع منة احلى كلمة هى ماما

دة سنة كدة يا بوسى

لما هيكبر شوية و حبة حبة هيحتاج حاجات تانية غير حضنك هيحب اصحابة و لعبة و مدرستة و كتبة و شوية وشوية يكبر و يحب يلعب

برة مع اصحابة مش معاكى و شوية شوية مش هتشوفية لانة هيحب يخرج ومش هيقعد فى البيت دة ولد دى مراحل يا بوسى

استمتعى قوى بالمرحلة اللى عمورة فيهااا لانها هتمشى ومش هترجع تانىىىىى

الشغل بيروح و بيجى لكن العواطف دى لا

طيب هاتى صور كدة لعمورة و هو ضغير قوى و قارنيها من دلقوتى مش هتلاقية اتغير هى كدة حياتنا يا بوسى بتتغير اشبعى منة

قوى و عيشى معاة لان دة الاساس اللى هيطلع منة بناء اسمة عمرو لو اساس اللى بتبنية بينك و بينة مش متين قوى و لا جامد

قوى هتندمى قوى بس بعد ما يكون الايام عدت و اللى بيعدى مش بيرجع تانى