هو تاشيرة العامل مش بيتحاسب على اى اخطاء ادارية او سرقة؟

[hOuSsAm]

السلام عليكم

الموضوع ده اكتشفتوا النهاردة بالصدفة

ان لو حد تاشيرته عامل وبيشتغل فى وظيفة ادارية ولنفترض انه مندوب مبيعات او محاسب

فى كلتا الحالتين بيشيل فلوس سواء من عملا او من شركة وبيوديهم البنك

فى الحالة دى لو المندوب اخد الفلوس وخلع وقال يا فكيك,,,,,,, من الاخر طلع حرامى

الشركة طبعا هتبلغ الشرطة

فى الحالة دى الشركة مش هتعمله حاجة لانه بالنسبة ليها عامل والعامل ليس مسئول عن حمل اموال او سندات خاصة بالشركة

تفتكروا هو فعلا الكلام ده مظبوط ولا انا بهرتل

ولو مظبوط ازاى الناس بتوع الموارد البشرية والحسابات اللى فى المملكة يلاقوا قفلة للموضوع ده (عشان هى ثغرة ممكن تواجه اى حد فى الشغل)

تحياتى

[doha]

معتقدش ان ده صحيح ببساطه يعني لو عندك سائق واديته مبلغ يروح يحطه في حسابك في البنك والسائق سرق الفلوس ومحطهاش هل تفتكر هيطلع منها عادي على اساس ان وظيفته يسوق بس مش يوصل اموال ؟؟

اي حد بيتعامل مع مبالغ مالية بيمضي عليها وبتبقى ( عهده ) واي مبلغ بيطلع من عهدته لازم يمضي عليه الي هيستلمه عشان يبرأ ذمته ..

الموضوع مش سايب وعامه لو المحاسب الي وظيفته محاسب وتاشيرته محاسب اخذ فلوس في ايده وممضاش بالاستلام عليها ففي الحاله دي محدش له عنده حاجه فيما لو انكر استلامه للفلوس عشان كده من بديهيات النظم المحاسبية انك مبتستلمش قرش من غير وصل ومتسلمش مليم من غير وصل برضه . .

[اكون او لا اكون]

فعلا لو المهنة عامل عادي

انما لو المهنة عامل غير عادي فهي دي المشكلة

[hOuSsAm]

معتقدش ان ده صحيح ببساطه يعني لو عندك سائق واديته مبلغ يروح يحطه في حسابك في البنك والسائق سرق الفلوس ومحطهاش هل تفتكر هيطلع منها عادي على اساس ان وظيفته يسوق بس مش يوصل اموال ؟؟

اي حد بيتعامل مع مبالغ مالية بيمضي عليها وبتبقى ( عهده ) واي مبلغ بيطلع من عهدته لازم يمضي عليه الي هيستلمه عشان يبرأ ذمته ..

الموضوع مش سايب وعامه لو المحاسب الي وظيفته محاسب وتاشيرته محاسب اخذ فلوس في ايده وممضاش بالاستلام عليها ففي الحاله دي محدش له عنده حاجه فيما لو انكر استلامه للفلوس عشان كده من بديهيات النظم المحاسبية انك مبتستلمش قرش من غير وصل ومتسلمش مليم من غير وصل برضه . .

الموضوع مش كدة

الموضوع ان الشرطة بتعتبر دعوة السرقة او القضية لا محل لها من الاعراب

بمعنى هو ازاى واحد عامل راح باع بضاعة لعميل وفى وقت التحصيل اخد الـ 100 الف ريال وحطهم فى جيبه (دى وجهة نظر الشرطة)

وكذلك المحاسب (لما يكون بتاشيرة عامل) ايه علاقته انه يودع فلوس فى البنك بالرغم ان ايداع الفلوس بتبقى وظيفة امين خزينة او محاسب على كفالة الشركة ومتامن عليه ضد مخاطر السرقة وعدم الامانة وراكب عربية متامن عليها.

هقولك على موقف حصل لواحد معرفة فى شركة فى القصيم

مكتب العمل عملوا زيارة عليه فى الشركة او الفرع اللى هو فيه سالوه انت بتشتغل ايه قالهم مدير مبيعات

قالوا كيف مدير المبيعات اجنبى

مدير المبيعات حسب قانون العمل لازم يبقى سعودى

انا مش فاكر ساعتها رحلوه ولا دفعوه غرامة 10 الاف ريال .

ممكن يكون رايك صح ,,,,,,, بس المعلومة دى وصلتنى النهاردة وازعجتنى كتير

وفيه ناس كتيرة فعلا بتهرب بالفلوس خارج السعودية ومحدش بيعرف يعملها حاجة

[se_ Elsyed]

هقولك على موقف حصل لواحد معرفة فى شركة فى القصيم

مكتب العمل عملوا زيارة عليه فى الشركة او الفرع اللى هو فيه سالوه انت بتشتغل ايه قالهم مدير مبيعات

قالوا كيف مدير المبيعات اجنبى

مدير المبيعات حسب قانون العمل لازم يبقى سعودى

انا مش فاكر ساعتها رحلوه ولا دفعوه غرامة 10 الاف ريال .

وهانروح بعيد ليه ؟

مره من 10 سنين إتعكشت ... مش إتعكشت في قضية مخدرات هههههههه ... لأ واد مهندس هندي هرب من الشركة وسرح وأشتغل بره فبلغنا عنه هروب رسمي ... فإقامته إنتهت .. وعشان يهرب من المآزق راح عمل شكوى في مكتب العمل إن مدير الشئون الإدارية اللي هو أنا بيبتزه وعاوز منه فلوس عشان يعطيه نقل كفالة .... فكنت في يوم في المكتب وباتكلم في التليفون وباتخانق كالمعتاد وصوتي موصل للجيران .. فوجئت بشخص سعودي داخل مكتبي يتسحب وراح لامم الورق اللي قدامي وأخد كرت شخصي من بتوعي ودبسه في الورق كل ده وأنا في حالة ذهول وروحت قايم له ولسه هاكيل له .. فطلع الكارنية بتاعه وقال لي إنه مفتش من مكتب العمل وإن علي قضية .. أنا قولت معقول المدام اللي لسه سايبها في البيت وفطرانين سوا تكون رفعت عليه قضية نفقة أو خُلع مثلاً ..

روحت يوم الجلسة انا والمحامي وأنا مش فاهم حاجه .. وعرفت الموضوع .. فقلت له طب انا هاروح الشركة وأجيب لك إثبات إن الشخص ده عليه بلاغ هروب من فترة .... وبالفعل جبنا لهم صورة إعلان الجريدة ... وراحوا مبلغين شرطة الجوازات وقابضين عليه وسجنوه وبعدين رحلوه ...

أما أنا فقالوا لي ممنوع المدير يبقى أجنبي ودفعوني 10 الاف ريال .. الشركة طبعاً مش أنا ... ونصحوني بتغيير المهنة كمان ....

وكفارة يا معلم سين سين ياللي خارج من السجن زايد النص وزيادة

---------

بالنسبة لعامل يسرق فلوس فالشرطة تطبطب عليه وتقول له إنت مش أمين خزنة

فده في الأحلام ... ده مش بعيد عشان عامل يروحوا نافخينه على 45

ما فيش هنا كده طبعاً والدعوى الجنائية لا لها دعوى بمهنة ولا دياوله .. إنما لها دخل بالواقعة نفسها مهما كان اللي عملها

[hOuSsAm]

هقولك على موقف حصل لواحد معرفة فى شركة فى القصيم

مكتب العمل عملوا زيارة عليه فى الشركة او الفرع اللى هو فيه سالوه انت بتشتغل ايه قالهم مدير مبيعات

قالوا كيف مدير المبيعات اجنبى

مدير المبيعات حسب قانون العمل لازم يبقى سعودى

انا مش فاكر ساعتها رحلوه ولا دفعوه غرامة 10 الاف ريال .

وهانروح بعيد ليه ؟

مره من 10 سنين إتعكشت ... مش إتعكشت في قضية مخدرات هههههههه ... لأ واد مهندس هندي هرب من الشركة وسرح وأشتغل بره فبلغنا عنه هروب رسمي ... فإقامته إنتهت .. وعشان يهرب من المآزق راح عمل شكوى في مكتب العمل إن مدير الشئون الإدارية اللي هو أنا بيبتزه وعاوز منه فلوس عشان يعطيه نقل كفالة .... فكنت في يوم في المكتب وباتكلم في التليفون وباتخانق كالمعتاد وصوتي موصل للجيران .. فوجئت بشخص سعودي داخل مكتبي يتسحب وراح لامم الورق اللي قدامي وأخد كرت شخصي من بتوعي ودبسه في الورق كل ده وأنا في حالة ذهول وروحت قايم له ولسه هاكيل له .. فطلع الكارنية بتاعه وقال لي إنه مفتش من مكتب العمل وإن علي قضية .. أنا قولت معقول المدام اللي لسه سايبها في البيت وفطرانين سوا تكون رفعت عليه قضية نفقة أو خُلع مثلاً ..

روحت يوم الجلسة انا والمحامي وأنا مش فاهم حاجه .. وعرفت الموضوع .. فقلت له طب انا هاروح الشركة وأجيب لك إثبات إن الشخص ده عليه بلاغ هروب من فترة .... وبالفعل جبنا لهم صورة إعلان الجريدة ... وراحوا مبلغين شرطة الجوازات وقابضين عليه وسجنوه وبعدين رحلوه ...

أما أنا فقالوا لي ممنوع المدير يبقى أجنبي ودفعوني 10 الاف ريال .. الشركة طبعاً مش أنا ... ونصحوني بتغيير المهنة كمان ....

وكفارة يا معلم سين سين ياللي خارج من السجن زايد النص وزيادة

---------

بالنسبة لعامل يسرق فلوس فالشرطة تطبطب عليه وتقول له إنت مش أمين خزنة

فده في الأحلام ... ده مش بعيد عشان عامل يروحوا نافخينه على 45

ما فيش هنا كده طبعاً والدعوى الجنائية لا لها دعوى بمهنة ولا دياوله .. إنما لها دخل بالواقعة نفسها مهما كان اللي عملها

حمدلله عالسلامة يا باشا (كنت هتروح فى الرجلين)

وبمناسبة المدريين انا عايزافهم حاجة

هو دلوقتى ممنوع مدير اى ادارة يبقى اجنبى ولا هى ادارات معينة

اللى اعرفه ان مدير الموارد البشرية والمدير العام

هل بردوا المدير المالى ومدير اللوجستك والاى تى ممنوع يبقى اجنبى ولا عادى

وسؤال لتفادى القصة دى هل ليها ثغرة ولعب فى المستندات ولا بتتحكم وبتتظبط ازاى؟

تحياتى واتمنى يكون رايك عن الحرامى صاحب تاشيرة العامل مظبوط لان ده كان ممكن يعمل مشاكلكتيرة للشركات