غواصين ... فى بحر النغم .. والكلمات

[nashwa]

الأعزاء

موضوع الشعر وأضافاتكم الجميله ... خلانى أفكر أفتح موضوع خاص بأم كلثوم وماغنت وموسيقى أغانيها .. وأيضا غيرها من المطربين والاغانى من أى نوع .. حتى لو ريان يافجل .. أتفقنا

بصوا مش عايزين موضوع تقليدى .. كل واحد ييجى يلزق اغنيه ويجري .. ياريت ناخد الموضوع شخصى شويه .. بمعنى نتكلم عن أحساسينا بالكلام والموسيقى وطبعا الأداء .. مش لازم يكون فيه ذكرى شخصيه (وممكن فيه) علشان نتكلم عن أى أغنيه ,, ولا نحكى حياتنا الشخصيه .. اللى أقصده الأعجاب بقطعه فنيه من الزمن الجميل

أنا محتاره شويه أبتدى منين .. ولسه بسمع حيرت قلبى بتاعه حشيش ... لكن حبدأ حالا .. المهم عايزه القلوب تتفتح .. وكل واحد يطلع اللى عنده سواء وجع ولا فرح

مع محبتى mf(

تم تعديل 26 يوليو 2004 بواسطة nashwa

[فــيــروز]

إنت الحب

من اكثر الاغانى التى احبها لأم كلثوم ان لم تكن هى الافضل فى رايى الشخصى ..

فى الحقيقه ليس لها ذكرى شخصيه بالمعنى الشائع .. لكن اذكر مره فى خلال كورس الكمبيوتر المكثف الذى درسته كانت ليلة رؤية هلال شهر رمضان وكان لدينا مشروع ينبغى اتمامه فقضينا فى المعهد وقت اطول و الليل دخل .. واحد الزملاء كان جايب راديو و مفتوح على اذاعة ام كثلوم و غنوة "انت الحب" تذاع و احد زملائنا يتمايل مع الغنوه .. ليس من الطرب وانما فقط من الانفعال و ربما تقليدا لام كثلوم و هى تتشنج خلال الغناء من شدة الاندماج ..

وكانت بتقول المقطع بتاع

"واحشنى وانت قصاد عينى" وهو عمال يميل امام الكمبيوتر بتاعه ويقلدها واحنا طبعا فطسانين من الضحك .. لكن العجيبه انى من ساعتها اعجبت جدا بالغنوه دى ..

لانى باحس انها بتمثل مشاعر المحب الذى يرى فى حبيبه انه يستحق ان كل الناس تتهافت عليه و تتسارع الى الفوز برضائه و اعجابه ..

صوت ام كثلوم و الموسيقى فى هذه الغنوه رائعان .. فى المقطع الذى يبدا ب "اول عينيه ما جت فى عينيه عرفت طريق الشوق بيننا" .. ام كثلوم نفسها فى حالة اداء عاليه جدا و تحس انها هى شخصيا طربه بما تغنى وبما تسمعه من نفسها .. اغنيه فعلا فى غاية الجمال mf(

تم تعديل 26 يوليو 2004 بواسطة فــيــروز

[felfel]

فى راى يمكن تصنيف أغانى أم كلثوم حسب لمن كتب لها أو لحن

فما غنت أم كاثوم لرامى والسنباطى هى أكثر الأغانى رومانسة ووأعلاها أحساسا

, ماغنت لزكريا أمحمد هى أكثر الأغانى طربا وسلطنة

, وماغنت لعبد الوهاب هى أكثر الأغانى دلعا وغنى موسيقى كان يغطى أحيانا على الكلمات

أنا شخصيا أختار ماأسمعة للس وفقا للمود فأقبل الليل ومن أجل عينيك عشقت الهوى تحمل إحساسا مرهفا أحتاجة فى أوقات معين

بينما حبيبى يسعد أوقاتة وهو صحيح الهوى غلاب من أكثر الأغانى اللتى تطربنى

أغدا أ لقاق وهذة ليلتى وقكرونى أغانى فيها كثير من النعنشة والدلع الموسيقى

[Cleo]

أغنية عمرو دياب اللى بيقول فيها:

هو الحب أيه..

غير نظرة من عينيه..

غير لمسة من إيديه...

شفتوا اختزلنا معنى الحب لإيه..!!!!

[Cleo]

أغنية بعيد عنك:

العمل

إيه العمل

ما تقوللى أعمل إيه

والأمل

إنت الأمل

تحرمنى منك ليه

عيون كانت بتحسدنى على حبى

ودلوقتى

بتبكى عليا من غلبى..

قمة الإحساس... بحس ساعتها إنى عايزة أقوم أحضنها من كتر ما صعبت عليا...

[nashwa]

حأبعد شويه عن حبيبتى ثومه ..

ونشوف عم محمد رشدى بيقول ايه فى الأغنيه التحفه دى (واللى فاكر منظرالأستاذ محمود المليجى فى الكوبليه الأخير .. وبيقول كل مالايقال باللسان فى ملامح وجه عن الحزن ولوعه الفقد)

عرباوى

ولا .. يا ولا.. ياعرباوى

أرمى بياضك .. خطى القناوى

وأن كنت شارى .. ياأدهم زمانك

المهر مركب .. وأنت معداوى

عرباوى ..

عرباوى شغلانى الشابه الحلوه السنيوره

أم التربيعه بترسم ضلايه على القوره

وضفاير غارت من القصه رقصت

على رن الخلاخيل...

وعيون ياصبايه ماتتوصى .. غيه وبطير زغاليل

بتبص بصه .. الله عليها .. الشمس تخجل قدام عنيها

والبدر يسهى .. لما يرعيها .. وشحال أنا يابو قلب غاوى

(الكورس)

قلبى ياقلبى يابو الحيارى .. والله لعملك شارع وحاره

وأبنيلها عشه بالنى الأخضر.. وحبه حبه تصبح عماره

لبدر حنانى خضره وميه .. وأزرع الحنا فى أدها وأديا

أهدى ياقلبى صبرك عليا .. والصبر هو المداوى

(الكورس)

(الجزء بتاع القدير محمود المليجى)

والله .. ياهوى مغرم صبابا .. وقلولى أهل الهوى غلابه

أنا قلت شارى ومادمت شارى .. لو كانت نغم قلبى ربابه

واصر الهنا فى طرحه تولى .. وأبدر عشنا ياسمين وفلى

وأخلف ظنكم فى الحب يالى .. فاكرين الحب دمع وشكاوى

ولا .. يا ولا.. ياعرباوى

أرمى بياضك .. خطى القناوى

وأن كنت شارى .. ياأدهم زمانك

المهر مركب .. وأنت معداوى

الأغنيه دى فيها بعض الصور الجماليه الرقيقه جدا

- أم التربيعه بترسم (ضلايه) على القوره

- (غيه وبطير زغاليل)

- (لبدر حنانى) خضره وميه .. وأزرع الحنا فى أدها وأديا

- و(اصر الهنا فى طرحه تولى) .. و(أبدر عشنا ياسمين وفلى)

ويتبع :rolleyes:

تم تعديل 26 يوليو 2004 بواسطة nashwa

[فــيــروز]

الأغنيه دى فيها بعض الصور الجماليه الرقيقه جدا

- أم التربيعه بترسم (ضلايه) على القوره

- (غيه وبطير زغاليل)

- (لبدر حنانى) خضره وميه .. وأزرع الحنا فى أدها وأديا

- و(اصر الهنا فى طرحه تولى) .. و(أبدر عشنا ياسمين وفلى)

أنا بتعجبنى الجمله دى أوى :rolleyes:

أنا قلت شارى ومادمت شارى .. لو كانت نغم قلبى ربابه :angry:

[guivara]

نشوى كتبت :"حتى لو ريان يافجل .. أتفقنا"

" ...كل واحد ييجى يلزق اغنيه ويجري..." :) :D :P

نشوى ... لو سمحتي تقبلي إعجابي الشديد بتعبيراتك التي تمثل قمة الواقعية!! :)

أول حاجة جت في بالي أول ما قرأت الموضوع .أغنية لأم كلثوم أيضا :angry: ..اللي هيه .." صلحت بيك أيامي .. سامحني بيك الزمن .. نسيتني بيك ألامي ..و نسيت معاك الشجن.."

بأسمع كل أغنية إنت عمري في إنتظار الجملة دي فقط..و لشدة إعجابي بهذه الجملة و طريقة غناء أم كلثوم فيها كconclusion لكل مشاعر الحب عامة, و دور الإنسان اذي أنهكته الحياة حتى وجد أخيرا رفيق دربه..كنت دائما ما أستعجل الأحداث و إستبق الأمور, منذ أول مرة إستمعت إليها و كان عمري 16 سنة, حتى أغني هذه الأغنية و أنا أعنيها فعلا ..

و الحق إني أجد هذه الألحان و الأغاني بلغت ذروة سامية, إنها إرتفعت فوق مستوى الحدث المادي إلى مستوى الإحساس المجرد.. فالأحساس بالشجن و الحب غامر! حتى في غياب الحبيب الحقيقي ...

:rolleyes:

[Modest]

ممكن يا نشوى تعفيني من التعليق علشان الساعة 1 و ربع صباحاً و عايز أنام بس مش هايجيلي نوم :angry: من غير ما أكتب الكلمتين دول اللي في أغنية "أغداً القاك" ..

هذه الدنيا كتابٌ أنتَ فيه الفِكرُ

هذه الدنيا ليالٍ أنتَ فيها العُمرُ

هذه الدنيا عيونٌ أنتَ فيها البصرُ

هذه الدنيا سماءُ أنتَ فيها القمرُ

كلمات مؤثرة جداً و من حبي لهم ساعات بامشِّي الأغنية لغاية الدقيقة 24 (من اصل 41 دقيقة طول الاغنية) علشان أوصل لهم ... يا ترى فيه حب كده؟ :rolleyes:

[nashwa]

Modest

ياريت تقرا الكلمتين دول قبل ماتروح تنام نوم الهنا .

أنا شايفه أنك كتبت تعليق فعلا ..

( كلمات مؤثرة جداً و من حبي لهم ساعات بامشِّي الأغنية لغاية الدقيقة 24 (من اصل 41 دقيقة طول الاغنية) علشان أوصل لهم ... يا ترى فيه حب كده؟ )

تعليق جميل بصراحه وخاصه موضوع الدقيقه 24 .. وبالأخص التساؤل الأخير :angry:

تصبح على خير :rolleyes:

[ragab2]

متقولش كنا وكان

ياريت ده كله ماكان

ياريت ماشفتك

ولا عرفتك

ولا كان ده كله ماكان

..........

ياما غرامك ورالى

ليالى تجرى ورا ليالى

فاكرنى هاعيدها معاك تانى

وحياة عنيك سيبنى .. سيبنى لحالى

...............

غناء نازك

تلحين الأستاذ فريد الأطرش

[crossfield]

أنا شخصياً باستمتع بموسيقى الأغانى أكتر من الكلمات ؛بصراحة مش باركز فيها قوى.

و تستهوينى أكتر الأغانى اللى فيها دعابة أو شئ من الفكاهة زى مثلاً أغنية" بطلوا ده و اسمعوا ده " بتاعت فيلم لعبة الست؛أغنية "آمنت بالله" بتاعت نازك- تقريباً- و أغانى سيد درويش كلها .ميمنعش برضو ان فيه كام أغنية رومانسية ممكن أسمعهم كذا مرة و مزهقش منهم زى أغنية" قلبى دليلى " لليلى مراد أغنية حالمة جداً و قمة فى الرومانسية. و الا ثومة و هى بتقول فى شمم:

" ياما كنت اتمنى أقابلك بابتسامة أو بنظرة حب أو كلمة ملامة

بس أنا نسيت الابتسام زى ما نسيت الآلام

و الزمن بينسى حزن و فرح ياما ياما...

و كفاية بقى تعذيب و شقى

و دموع فى فراق و دموع فى لقا

تعتب عليا ليه أنا بإيديه ايه...

فات الميعاد"

أغنية فعلاً رائعة زى كل أغانى أم كلثوم.

[Modest]

Modest

ياريت تقرا الكلمتين دول قبل ماتروح تنام نوم الهنا .

أنا شايفه أنك كتبت تعليق فعلا ..

( كلمات مؤثرة جداً و من حبي لهم ساعات بامشِّي الأغنية لغاية الدقيقة 24 (من اصل 41 دقيقة طول الاغنية) علشان أوصل لهم ... يا ترى فيه حب كده؟ )

تعليق جميل بصراحه وخاصه موضوع الدقيقه 24 .. وبالأخص التساؤل الأخير :angry:

للأسف قفلت الكمبيوتر قبل قراءة ردك ... و إجابتي الخاصة بتساؤلي الأخير هي باختصار "لأ" ... مع أسفي.

تصبح على خير

و انتي من أهله :rolleyes:

[فــيــروز]

من الاغنيات التى احب الاستماع اليها جدا لكنها للاسف لا تذاع تقريبا الا من خلال الفيلم .. اغنية ليلى مراد "من القلب للقلب رسول" :rolleyes:

من غير اى شئ صوت ليلى مراد صوت ملائكى :angry: لكنها فى هذه الغنوه اكثر عذوبه و جمالا فى رايى ..

مهما نخبى يبان علينا

حبك و حبى شرحه فى عينينا

وكذلك فى المقطع الذى تبدى فيه تخوفها من ان يكون الحب وهما ثم تعود مره اخرى لتؤكد ثقتها فى انه ليس كذلك .. ys):

ويا خوفى تنسى غرامك

وتقول لى ده كان تمثيل

والاقيك ترجع فى كلامك

وتقول لى ده كان تمثيل

لكن باقول مش معقول

عرفت من غير ما تقول

من القلب للقلب رسول .. من غير ما تقول

تم تعديل 27 يوليو 2004 بواسطة فــيــروز

[حشيش]

يعجبنى جداً أداء وانفعال أم كلثوم وهى تقول لمن تحب ;) :

حب إيه اللى إنته جاى تقول عليه

إنته عارف قبله معنى الحب إيه

لما تتكلم عليه

حب إيه اللى إنته جاى تقول عليه

إنته مابينك وبين الحب دنيا

دنيا ما تطولها ولا حتى فى خيالك

أما نفس الحب عندى حاجة تانية

حاجة أغلى من حياتى ومن جمالك

إنته فين والحب فين

ظالمه ليه دايماً معاك

ده انت لو حبيت يومين

كان هواك خلاك ملاك

ليه بتتجنى كده عالحب ليه

إنته عارف قبله معنى الحب إيه

حب إيه إيه إيه

حب إيه اللى إنته جاى تقول عليه

ملحوظة: جيل عمرو دياب يمتنعن عن المشاركة فى الموضوع  blw)

[حشيش]

نشوى...ممكن ألزق أغنية (حب إيه) لأم كلثوم هنا واجرى blw)

[se_ Elsyed]

قصيدة " أغداً ألقاك " لها عندي ذكرى جميلة ... فأثناء فترة الخطوبة كنت انا مرمي هنا وخطيبتي سابقاً وزوجتي حالياً موجودة في مصر في سنة ثالثة كلية .. وانا كنت عريس لقطه وجاهز من مجاميعه لكن اهلها مش عايزين يجوزونا إلا على الأقل لما تخلص سنة ثالثة و كنت خلاص تقريباً وصلت لمرحلة أكل بوز المخدات وقرقشت مشابك الغسيل وحالتي بقت زي حشيش دلوقت كده بالظبط blw) .. المهم كنت بأقعد أصبر نفسي بتلك الأغنية لأم كلثوم ..

والآن مع القصيدة ولكن أسمحوا لي اغنيهالكم بصوتي

( أحسن عشان أأقفل التوبيك ;) )

قصيدة أغداً القاك

للشاعر السوداني الهادي آدم

غناء العندليب الصداح والبلبل النواح س س الشهير بابو دراع

أغداً ألقاك يا خوف فؤادي من غدٍ

يالشوقي وإحتراقي في إنتظار الموعد

آه كم أخشى غدي هذا وأرجوه إقترابا

كنت أستدنيه لكن هبته لما أهابا

وأهلت فرحة القرب به حين استجابا

هكذا أحتمل العمر نعيماً وعذابا

مهجة حرة وقلباً مسه الشوق فذابا

أغداً ألقاك

أنت يا جنة حبي واشتياقي وجنوني

أنت يا قبلة روحي وانطلاقي وشجوني

أغداً تشرق أضواؤك في ليل عيوني

آه من فرحة أحلامي ومن خوف ظنوني

كم أناديك وفي لحني حنين ودعاء

آه رجائي أنا كم عذبني طول الرجاء

أنا لو لا أنت لم أحفل بمن راح وجاء

أناأحيا لغد آن بأحلام اللقاء

فأت أو لا تأتي أو فإفعل بقلبي ما تشاء

أغداً ألقاك

هذه الدنيا كتاب أنت فيه الفكر

هذه الدنيا ليال أنت فيها العمر

هذه الدنيا عيون أنت فيها البصر

هذه الدنيا سماء أنت فيها القمر

فإرحم القلب الذي يصبو إليك

فغداً تملكه بين يديك

وغداً تأتلف الجنة أنهاراً وظلاّ

وغداً ننسى فلا نأسى على ماضٍ تولّى

وغداً نزهو فلا نعرف للغيب محلا

وغداً للحاضر الزاهر نحيا ليس إلا

قد يكون الغيب حلواً .. إنما الحاضر أحلى

أغداً ألقاك ...

الغريبة بقى إن بعد ما جه غداً وخلاص لقيت اللي كان ضايع مني مابقيتش أسمع الأغنية والسي ديهات علاها الصدأ ... وتقريباً بأسمع اغنية واحده بس وهي " عايزنا نرجع زي زمان " ده لما بأحن لأيام العزوبية والشقاوة .

[حشيش]

ياقلبى ياكتاكت  :P  h):  :D  blw)  ;)

[se_ Elsyed]

الأخ الفاضل حشيش .. نرجو الإلتزام بشروط الموضوع ... وصدقني يا حشيش وانا ناويها لك المرة دي لو لزقت هنا أي أغنية وجريت ... انا هالزقك ..... إنت عارف بقى ... والآن المطلوب منك 3 أشياء ولو مانفذتهمش ماتدخلش التوبيك ده ولا حتى زيارة blw) ;) .. الطلبات هي :

1- تفسير مناسبة أغنية شادية " ياتشوفلك حل في حكايتنا يا تعزل وتسيب حتتنا "

2- مناسبة أغنية " حيرت قلبي "

3- ثم إتبعاك لذلك بأغنية " حب أيه "

انا مروح دلوقت بس هادخل أشوف ردك من البيت .... بس هيييييييي

[حشيش]

الطلبات هي :

1- تفسير مناسبة أغنية شادية " ياتشوفلك حل في حكايتنا يا تعزل وتسيب حتتنا "

2- مناسبة أغنية " حيرت قلبي "

3- ثم إتبعاك لذلك بأغنية " حب أيه "

انا مروح دلوقت بس هادخل أشوف ردك من البيت .... بس هيييييييي

ياكسوفى blw) ...عايزنى أتكلم عن الحب والكلام اللى يسيح الكتكوت ده هنا ياسى السيد h):...ده كان أهلى يقطعونى حتت ;) ...ياكسوفى p-:3: